رواية الراقصه والسلطان الفصل الحادي والثلاثون 31 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

رجعت للبيت وقررت ابالي اخر قرار راح ارفضه، صح اكو شي بداخلي گاعد يوجعني كل ما افكر بعد ما اسمع صوته ،بعد ما احس بغيرته ...بس ارجع واگول لنفسي هو جذاب وكل الحجاه والسواه تمثيل بتمثيل بس الراح يخبلني اذا يحبها لويش وهمني بكل هذه شنو الجابره على هل شي وهو صديق سلطان شلون يسوي بصديقه هيج ...

سلمت وصعدت لغرفتي ...شفت تليفوني محترگ  مكالمات ورسايل منه ...
گلت باستهزاء ...شبسرعه دگتلك باص
باثناء مگاعد تفتح الرسائل دگ، تنطيته رفض رجع دگ هم رفضته ...بقه يدگ
اخر شي گلت على شنو ما ارد عليه خلي ارد وانهى كل شي ...
گتله ابرود وحاولت اخفي توتري لان اعرفه راح يصيح لان مرديت...نعم ليش داگ ،

عكس كل توقعاتي اجاني صوته هادئ او يتظاهر. بلهدوء ... شبيج عليه
سمر گالت بعصبيه مگدرت تسيطر على اعصابها وهيه ارتبكت من نبرته وگلبها يرجف ويه صوته... ماا اريدك، هذه مختصر كلامي مااا اريدك ...
وهسه راح يوصلك من اهلي ردي وبعد لتتصل بيه ...
سديته بوجها وحظرته ...
كاافي تعبت بعدني بلبدايه وهيج صار بيه اذا استمريت وياه شلون ...
نزلت جوه واني مصممه على رائي ...
رحت لغرفه امي دخلت بدون ما ادگ الباب معبالي الكه يمها احد ...بقيت بمكاني مصدومه واني اشوف ابويه يظفر شعر امي وضحه،
شگد خجلت من روحي شلون ادخل عليهم بدون ما ادگ الباب ...ما گدرت انزل نظري عنهم منظرهم يخطف الگلب معقوله اكو هيج حب واهتمام لبعد هل عمر ...
باوعولي بتفاجئ وصاح ابويه ...ول بويه شجاج درعمتي علينه يمصگوعه ...

گمت افرك بايدي بتوتر وخوف من ابويه لان شفته عصبي صار وما اگدر احجي گدامه باوعت لامي بترجي ...

الشيخه وضحه وهيه تضحك گالت بعتب وهيه تسحب ضفيرتها من ايده... نمر لا تحجي على سموره،رحتلك فدوه عوفني وياها هيه تضفرلي احلى انته ما تعرف

رگضت لحضنها اني واعرف ابويه يتخبل من همه گاعدين سوه وييجي واحد يمهم ...

نمر ...اي ارگضي لحضنها يمعثوره ما صدگتي

الشيخه وضحه ...شجاك ويه البت نمر،
الشيخ نمر بضوجه وهو يگوم...شبيه هسع صرت ما عرف لشعرج يوضحه ، يول مو انه مطولو على ايدي وطول عمري اضفرو الج جنج كبرتي وكمتي تنسين ايامنه...

وضحه وهيه بعدها لهسه وبعد هل عمر تخجل من غزله وغيرته عليها الما تقل وتزيد كل ما يكبر  ...

شجاگ هسع كمت تتعارك يرجال ...ما تضفرو هيه انتظرك من ترد ...
دعوفني هسع ويه البت

نمر وهو يطلع ...طالع بويه طالع، وخلصي مني بس بلليل ضامها الج ...

طلع وسد الباب بقوه ...جفلت اني وامي اباوعلها تضحك وهيه تباوع وراه...

نزلت نضرها اليه وگالت ... احجيلي شبيج

گمت وباوعتلها وحجيت بسرعه ...يمه فدوه گولي لسلطان ماا اريده

وضحه ...يمه فكري زين فيصل خوش ولد وشاريج يا يمه
سمر بعناد وكره ..ماا اريده يمه لو يبقى اخر واحد هم ما ازوجه ...

بهل اثناء اندگ الباب ودخل منه سلطان اتعجبت شجاب سلطان هسه هو گال ارجع بلليل لان عنده شغل ...
اتقرب من الشيخه باس راسها وايدها وهو يگلها بهدوء ...شلونج الشيخه

وضحه بفرح...الله حيو ابو شاهين، يمه بنص الخير دامني شفتك گدامك ...
رجع باوعلي وگال باستعجال...سموره بويه گومي لبسي شي مستور وتعاليلي بلمجلس

الشيخه وضحه باستغراب ...شرايد منها يمه

سلطان وهو لازم ايدها...شيخه هذا فيصل يريد يحجي وياها كلمتين ويشوفها النظره الشرعيه وهيه هم من حقها تشوفه گبل ما تقرر ...

اني سمعت اسمه گمت ارجف عززه بعينه شجابه يربي شسوي هسه،ما اريد اشوفه وما اگدر اگول لا لسلطان باوعت لامي حتى تساعدني ...

الشيخه وضحه بتاييد ...عين العگل يمه، گومي يمه گومي الله من فوگ ما يرضى ترفضين الولد وهو ما يعيبه شي ...

سلطان بهدوء ...بويه سمر لتخافين ما اجبرج لو على گص رگبتي، انتي بنيتي شلون متوقعه مني اجبرج صح فيصل صديقي بس يبقى القرار الج ...يله بنيتي گومي عيب الولد مستعجل ...يله

گمت واني اقدم رجل وئاخر رجل ...بقيت احوس بالغرفه وافكر شراح اسوي وشعنده جاي يشوفني هسه يا نظره شرعيه هو مبقي شي الادبسز ...سلطان كل ساع دازلي احد يگلي استعجلي ...ما بقى گدامي الا انزل ...
لبست جبه وشال شلون مجان ونزلت ...
وگفت گدام الباب ارد ارجع كل ساع اخذت نفس ودگيت الباب ...

طلعلي سلطان خله ايده على جتفي وحضني وهو يگلي ...تعالي بنيتي،
دخلت وياه واني منزله راسي حتى مشفت منو الگاعد ...

گعد سلطان وگعدني بصفه وايده بعدها على جتفي صدگ حسيت روحي بنته وضامني جوه جناحه ...

سمعت صوت ذياب يگول ...وعليكم السلام ورحمه الله وبركاته ...
وجهي گلب الوان ...يربي شهل فشله بسيطه ذياب

سلطان بحده ... گوم اطلع بره لك، وجهك مال واحد يسلم عليه ...

شاورني سلطان بضحك وشماته ...خذتلج حقج منه لتضوجين ...
ذياب بفشله ...تمون ابو شاهين، اصلا عندي لعبه جنت طالع ،بس ردت اشوف النسيب نتخابر عود ...

فيصل بضحك ...درب السلامه ابو النسب
سلطان ...تعالو هين هي سرابيت اشو مقررين النسيب وابو النسب، كل شي بيد بنيتي سمر ،وهيه تقرر

ذياب ...اني عن نفسي انطيت فيصل خوش رجال ولو جان عندي عشر صخول ما خيرتهن عليه بس القرار بقه يم الشيخه سمر بعد يله اودعناكم ...

طگوها بضحك فيصل وسلطان ...واني گوه لازمه نفسي ذياب ولا يبطل سوالفه وما تطلع الا على راسي ...

فيصل وهو يأشر بعيونه لسلطان يطلع وهو يتذكر شگد اتوسل بسلطان حتى يوافق يشوفها وتالي اتوسطله ابو حرب يله قبل...احم ابو شاهين

سلطان وهو يرفع حاجبه ...الك خمس دقايق

فيصل بقهر...ول يابه شنهو خمس دقايق ابو شاهين

سمر جلبت بدشداشه سلطان وهمست اله ...لتطلع سلطان فدوه ...

سلطان وهو يبتسم الها ويحاول يطمنها ...انه هين يم الباب بويه لتخافين ما يعض، يحجي جلمتين وها هيه
گام وهو يگول لفيصل ...خمس دقايق وتولي

فيصل وهو يعدل شماغه ويلزم لحيته ويباوعله بترجي...ابو شاهين عشره بداعتي

سلطان عافه وطلع وهو يضحك على حاله المگلوب من خطب ولهسه كل ساعه مخابره يريد منه جوابها، لو ييجي اتخبل رسمي، طلع وسد الباب وراه ...

فيصل اول مشاف انسد الباب گام گعد بصف سمر ...وهيه رادت تگوم لزم ايدها وجبرها تگعد ...

سمر بعصبيه ...عوف ايدي لا اصي

قاطعها فيصل وهو يخلي اصبعه على شفايفها بقوه وهو يحجي بحده وعصبيه خلتها تنخرس وهو يضغط على ايدها وعيونه تجدح نار گوه جان متحمل وهو يشوفها گدامه گاعده ومرتاحه بحضن سلطان وهو يغلي...
ولا حرف، حسج ما سمعو هسع تسمعيني وانتي ساكته مرمرتي گليبي من وره السانج وعنادج، ول بويه فهميني شمالج شبيج عليه، رجال شاريج واحبج ورايدج مريتي شمالج تسودنتي عليه ...

تدرين شلون شليتي حالي تفوتين من يمي وتلبسيني، لج لوما هذه يضرب على صدره وحگ الله اعوفج شلي بهل ذله بس هذه اااخ من هذه يعوف ليحبه ويرگض وره الذله،وج بويه طيرتي عگلي من مكانه ...
وهو يتلمس شفايفها باصبعه وعيونه اتيه بعيونها اكثر ونبره صوته بدت تقل ...
سمر بارتباك وهيه تشوفه قربه الزاد بعدت ايده منها وهيه تگله ...
عوفني ومنو اللازمك شعندك جاي لهنا اني هم ما اريدك روح للتحبك شجابك يمي، مقهور على حبيبه گلبك مو ،

فيصل وهو گوه لازم اعصابه ...ول يمصگوعه حسج نصي،وفهميني منهي تقصدين

سمر بضحكه قهر ...مبين هنه هوايه

فيصل بهدوء شاف على الميز گدامه قران راح جابه وخلاه بحضنهل وهو يلزم اديها الاثنين بين ايده  ... ، وحگ القران ، وحگ كل حرف بهل گتاب اعشگج وما دخل گلبي وحده غيرج ولا راح يدخل،لتخلين احد يدخل بينه ويخرب ...
كاافي عنااد وخلينا نبدي بأسم الله، يهمس بعشگ وهو يباوع لعيونها اللانت ويه كلامه ...
يول عاشگج، وميت بعيونج وشفايفج
سمر بخجل ...كاافي فيصل

فيصل بضحكه وفرحه ...الله واكبر انفرحت

سمر وهيه تضحك على خباله ...
گامت تريد تگوم ...رجع لزم ايدها ...وين
يمر بخجل ...عوفني سلطان راح يدخل خل اطلع

فيصل بعناد ... لو ابو سلطان يدخل ميهمني اذا ما اسمع جوابج باذني هسع ما هدج ...

سمر بخجل ... فيصل

فيصل وهو ذايب ... ول ياابه الحگلي ابنگ اتصوب بعشگ بت النمر

سمر بترجي ...فيصل حباب خل اطلع

فيصل بتوعد ... يولي اووف شضاملج الگلب هانت، هانت
گوه خلاني اطلع ...طلعت وسلطان صار گبالي
ابتسم بوجهي ...
ها بويه نگول مبروك ...

وجهي احسه راح يشعل ناار من الخجل ...نزلت راسي وما گدرت اجاوبه ...
رفع راسي بيده وگال وابتسامته الهادئه بعدها على شفايفه ...اعتبر السگوت موافقه
ابتسمت بارتباك وهو زادت ابتسامته...باس راسي وگال مبروك بنيتي، روحي لامج خل اشوف المخبل الجوه خاف اجته جلطه من الفرح ...

ركضت لغرفه امي وضحه ...
گامت تهلهل اول مشافت ضحكتي ...
وگالت ...هاا ما تردي مو
حضنتها واني اضم راسي بخجل بحضنها والفرحه ماليتني ...

******
صباحكم ورد 🦋...

يله بنات اروح اشووف البشير، 💃

#يفدوه