رواية الراقصه والسلطان الفصل الثلاثون 30 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

صعدت للغرفه واني اغلي منه ...
بقيت افتر واني ادردم واعض بشفتي بقهر ..يربي بدي اگطعه باديه هذه المغرور جنه طااووس نافخ نفسه ،يغلط يصيح محد يحاسبه وهو يحاسب الكل عادي ومركبيني الغلط فوگاها ...

وگفت گدام المرايه اتلمس رگبتي واثاره الي صار كم يوم گوه اخفيهن واحاول محد يشوفهن .. مسوي روحه شريف بس بسيطه سلطان الجلب اذا ما خليت الكل يعرف حقيقتك ...

دخلت سمر للغرفه باوعت لقمر وهيه تهز راسها ...اويلي منج ولا اتوبين

قاطعتها قمر وبعصبيه وقهر وهيه ترفع ايدها گدامها ...سمر الخاطر الله لتجيبلي طاريه المگروه وتبدين ادافعيله تره واصله لهنا وهيه تأشر لخشمها واذا تحجين حجايه عنه هسه اكفشج  ...

سمر وهيه حاصرتها الضحكه ... وسم ام نص عقل، شبيج راح تعضيني يول
قمر وهيه تعض شفتها وشبه صياح ...وجج ميته قهر تعرفين شنو ميته قهر، كااارهته هذه الشخص كارهته بدي اخنگه باديه ولج اني شكد بارده وما اتعصب بسرعه بس هذه الغثيت المغرور كلمه ما اتحمل منه.

سمر وهيه متفاجئه من عصبيه قمر الغير مبرره وبنفس الوكت ضايجه لان تشوف سلطان ميستاهل هذه الكلام بحقه گالت بهدوء ...

باعي سمعيني للاخير ولتگولين ادافع عنه، بس احجي الصراحه سلطان ميستاهل منج هل كلام
رادت تقاطعها قمر ...

دسمعيني اول، مراح امدحه گدامج ولا اگلج سلطان هيج وسلطان سوه، انتي راح تعرفين هل شي،بنفسج وراح اذكرج راح تجين اليه ومثل هل گعده راح تگليلي غير هل كلام من تعرفي على حقيقته ...

قمر وهيه تگعد على الجربايه وهيه ممصدگه كلام سمر ...لا اريد اعرفه ولا اشوف وجها، ليدخل بحياتي وما اريد من شي ...

اخذت نفس ورجعت حجت بهدوء ...
عوفج من هذه المغرور، وتعالي اگعدي وگليلي شقررتي لباجر ...
سمر وهيه تگعد بصفها وهيه تلعب بگصيبتها وتحجي بحيره وحزن ...

اووف وج والله ما اعرف، حايره والتفكير يوديني ويجيبني، ساعه اگول خلي انسى كل شي وانسى هذيج التلاث سنوات وانسى فيصل وابدي حياتي من جديد،

ابتسمت بقهر وهيه تنزل راسها وحجت بوجع وحرگه گلب...
جذابه اعرف بنفسي جذابه، فيصل مينسي ولج احس بجزء منه عليش،بداخلي رغم السواه بيه ما گدرت بيوم اغمض عيوني بدون لا تجي عيونه گبالي ، لج قمر متحسين بنار گلبي الي يسال كل ما اذكره واذكر حبه اليه ليش سوه بيه هيج، ليش كسرني،

قمر من شافت كسرتها اذكرت حسام وهيه تگول بداخلها اووف من هل حب الي ما مخلي واحد مرتاح من وراه وهمست بشوگ ...ياا ريتنه لا عشگنه ولا دگ الهوا بابنه،
لزمت ايد سمر وهيه تشجعها ...احجيلي شمسوي الج ،

flashback ...

ثاني يوم بعد مجنت احاجي وبلاخير اتعاركنه و سديته بوجها يگوم يصيح ويگلب الدنيا بس اگله افكر، واخر شي گلي باجر اروح لسلطان وانهي الموضوع وياه واذا ترفضين لو تطلع منج كلمه زايده، راح تشوفين فيصل المخبل صدگ شراح يسوي اذا ما نهبتج شواربي مو عليه ...
بقيت الليل كله افكر بي شخصيته قويه كلش ومتحكم هوايه بعدنه بلبدايه وهيج هو، هوايه متردده خصوصا واني احس بروحي بديت اتعلق بي والمشكله گاعد احب اسلوبه وعصبيته وتملكه ...
ثاني يوم رحت للمدرسه واني خايفه اتوقعت وره كلام البارحه وسده التليفون راح الگاه كبالي اتفاجات مشفته ...ضجت بداخلي احس ردت اشوفه

دخلت للصف شفت المهى گاعده بصفي على الرحله خليت جنطتي وگعدت بصفها سلمت عليها وگعدت ارد اسئلها بس متردده وهم استحيت اسئل لان شفتها تباوعلي بنظرات مدري شلونها حسيت بيها شي...

طلعت دفاتري واني من وراه كل شي مقاريه دخلت المدرسه بدت تشرح حسيت بقلم بخاصرتي ...
باوعت باستغراب للمهى اشو هايه اتقربت يمي وتباوع للمدرسه وتشاورني ...
ادري صارلي ساعه گاعده يمها هسه حلالها الحجي ...
المهى وهيه تباوعلي صفح ..اگلج صدوگ نسيت فيصل يگلج بس تطلع تدگين عليه،

سمر ... عرفت شبيها گالبه وجها لان عرفت فيصل يحاجيني على التليفون قبل ميصير بينه شي رسمي وهيه گبل رادت رقم سلطان مني وضلت تلح حتى اساعدها واخلي سلطان يحبها، بس اني رفضت لان اعرف سلطان ميحب هل دروب، وسلطان ما اشوفه للمهى، المهى شخصيه صحيح طيبه بس مهزوزه كلمه توديها وكلمه تجيبها واندفاعيه بينما سلطان شخصيه قويه وقياديه ميحب الرمادي لو ابيض لو اسود ...فاني نصحتها لا اكثر ولا اقل وهيه اتحسست مني لهل سبب ...
رجعت شاورتها واني ما اريدها تفكر انو اني احاجي وعندي علاقه بي من زمان ...
اني من ذاگ اليوم ردت اعاتبج وزعلت منج ...شلون تنطين لاخوج رقمي

المهى باندفاع ...اني ابدا والله ممنطيته
سمر ... بگذب واني اعرف مو هيه المنطيته لان فيصل ميصعب عليه شي تافه مثل هذه ...لعد منين جاب رقمي،وگليله عفيه بعد ليتصل بيه تره اوصل كل شي لسلطان ،ردي يعرفه بوگته ...

المهى وشفتها ملامح وجها اتغيرت ارتاحيت لان گدرت اغير فكرها ...
واني صدگ نويت بعد ما احاجي فيصل ولا ارد عليه لحد ما يتوضح كل شي ...

انتهى الدرس واني بفضل الاستاذ فيصل كل شي مفهمت منه ...
طلعنه للساحه اني والمهى حنه نشرب عصاير ...
جان تجي بت خالتها المكروها الي اجت وياهم بالمشيه ...
كلت بگلبي لا هله شجابها هاي وانوب تمشي وتتعوج الفوصه ...
فتحت الكتاب البحضني سويت نفسي اقره ...كولش،كارهتها لهل مخلوقه

سمعتها تتنعوص وتگول ...هاي بنات،
ردت عليها لامهى اني اتجاهلتها ...
سمعتها تگول بصوتها الي يخليني ارد اتقيئ من التنعوص الما لايگ ...شدعوه متردين
ولا رفعت راسي  بس فجا حسيت النار صعدت الگلبي واني اسمعها تگول للمهى،
هم صوجي،اعبر هيج شكول مهاوي گولي لفصولي ارجع هم وياه، خطيه ادري بي ميقبل ارجع وحدي  يخاف عليه، شلون مخلاني اجي وحدي وصار عصبي من عرف وجبرني اصعد يمه بلصدر ...

محسيت بروحي اله واني گافشه شعرها، واني اصيح
لج هي گلاش، منو الشكول واني اجر بشعرها وهيه تعيط ومهى تحاول توخرها مني ...
سمعيني لج، انه سمر بت الشيخ نمر يعني تااج على راسج وراس الخلفج وراس اليدافعلج، تجاوزين بحجايه وحده ادوسج هين والله مو اني الاجاوب على هيج شكول مو من مستوايه ...نترتها بقوه من ايدي
وگعت بلگاع وهيه تباوعلي بصدمه عبالها ساكته الها صار مرتين ما اگدر اجاوبها...
المهى گالت وهيه تريد تگومها ...هاي شبيج سمر شگالتلج قابل شدعوه
كتلها وانه ارفع اصبعي بتهديد واني ارفع حاجبي ...گالت مگالت لتدخلين انتي واذا ادافعين عن هيج شكولات ما اريد اعرفج بعد لان انتي مثلها،

بت خالها گامت وهيه تعدل بشعرها وتحجي بتهديد
..الا اگول لفيصل وخل يشوف هاي العافني على مودها الا اخلي يعوفج والله الا اندمج اذا ما بجيتج دم ما اتسمى ساره ...

واني ارد اهجم عليها بس البنات كامشاتني ...گولي طبج طوب شنو عبالج تخوفيني طز بيج وبفيصل، باعي لج الما يريدني تاج على راسه ما اريده وانتي ادره بلبقيه ...
واذا عافج على مودي لان اني بت ناس بت شيوخ مو بت شارع فاكو فرق بينه گد السما والگاع ...
رادت تحجي ...
عطت بيها ...والله بس تفتحين حلگج انضف بيج الساحه اسحلج سحل ...عفتها ومشيت
واني اغلي من داخلي من هزني كلامها بس متت من گالت هو موصلها ...
يعني جانو بعلاقه هو وياها والظاهر الاخ حنلها واول مشافها نسا شي اسمه سمر، لعد والمثاليات الجان يبيعها عليه البارحه واني مثل الثوله صدگت بي ...

دخلت للحمامات سديتها واني احس دموعي گامت تنزل وحدها،  رگضت كمت اذب على وجهي مي اريد دموعي توگف كامت تصب اكثر واني اباوع لروحي بالمرايه ...
واحجي بقهر ...گافي لتبجين كااافي، يرربي زين ليش احس گلبي ناار ...

بقيت فتره لحد ما هديت طلعت واني بس اريد يخلص الدوام روحي طگت المهى حاولت تحاجيني اتجاهلتها ...
اول مخلص الدوام اخذت جنطتي وطلعت ...

شفته گبالي ضحكت باستهزاء جاي من وكت متلهف لشوفتها جان منتجي على السياره اول مشافني وگف عدل ...ولا باوعتله فتت من يمه ولا كانو موجود
صعدت وگلت لابو محمد ...عمو حرگ بسرعه

*****
صباحكم ورد ...
طبعا البارت الثاني حيكون باجر ...

بنات التنزيل حيكون يومي شنو رايكم مثل قبل حتى لحد يگول قصيره لان هذي مقدرتي كل يوم ولا تردون يبقى نفسى ...
والبنات الي مدا يطلع الهم البارتات ...بنات احذفو الروايه وارجعو ضيفوها ...

#يفدوه