رواية الراقصه والسلطان الفصل الثاني والثلاثون 32 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

باوعتلهم من شباك المطبخ سويت فتحه صغيره ...
طلع سلطان او وراه فيصل ...

فيصل بتؤسل ...النسيب، ابو شاهين، النشمي ،اخوك بشاربك

سلطان بحده ...ول يابه شمالك مصروع، شتگول الوادم علينه
فيصل بضوجه ...مرتي شني،طالبيني واطرو نصين ليفگ حلگو
سلطان وهو يمشي ومجتف اديه لوره گله بتعجب ...
حدر من هين سربوت، بويه شوكت صارت مرتك، هسع رديتلك موافقتها،

فيصل بقهر من سلطان الي يعرف بي متعمد يشلع گلبه لان سلطان يعتبر سمر بنته ومتعلق بيها ويضوج ويغار عليها كلش ..سلطاان وحگ الله اخذها اخذها وغصبا عليك، وباجر اعقد عليها

سلطان وهو يرفع حاجبه ويبتسم ويفر السبحه بيده ويحجي بثقه ... هاا هيج صار الحجي، زلمه وگد كلمتك سويها ،وانه اگلك ما الگ مره عدنه وشوف منهو التمشي حجايتو ..

فيصل وهو يعض شفته وترجع نبرته للتوسل ...ول سلطان ليش تحرگو لگليبي ولك مو انته متحس بنارو لگلبي موجر ،

سلطان ابرود وهو يريد يستفزه ...وهسع شتريد گتلك توصلها للمدرسه انسى ...

فيصل بقهر...عجل اعقد عليها باجر يول بروحه الابوك

سلطان وهو يمسح لحينه ويحجي ابرود وعلى شفته ضحكه مستفزه ... يولو كسرتو لخاطري، يله الاسبوع الجاي العقد ...

فيصل والدم صعد لراسه من قهره ضرب سلطان بوگس ابجتفه وهو يصيح بقهر ...
بلنبي افرغ البرنو براسك، ولك لا تلعب باعصابي

سلطان وهو يضحك بصوت عالي ويلزم جتفه ... وساعتها ابقه فر باذانك وما تحصلها ...

فيصل بقهر ... مو تضوگها لجويه الگلب،واشوفك مدوهن لا ليلك ليل ولا نهارك نهار، والعالم يگولون صار مخبول من عشگها، وساعتها اول واحد يتشمت بيك اني

سلطان برزانه وهو يعدل يفر سبحته ويحجي بهدوء وثقه ...
انه والعشگ ما نتلاگه، انه گلبي باديه ،عمرك سمعت اباديه خضرت هذه انه ...

فيصل بخبث ... صبار، الباديه تعشگ الصبار ، ربي يوگعك بوحده مثل الصبار گويه وعنيده واذا تگرب منها تجرحك بلسانه المثل الشوك ...

سلطان وهو يتمشى وصلو يم سياراتهم... ول كلاش ابن ال ما ريد اسب ابيك خوش رجال بس غلطته خلفتو لهل خلفه النگسه ،

فيصل بضحك ... تمون النسيب اعبرها لخاطر مرتي

سلطان وهو يركب سيارته... ولي لك، خلقتك ما شوفها للاسبوع الجاي ...

فيصل بتوعد وهو يركب سيارته ...سهله ابو شاهين الخميس من الفجر يمك انه والشيخ ...

سلطان وهو يلبس نظارته ... لعد الاربعاء بلليل انه وسمر ابغداد اودعناكم ...
وهو يحرك اصابعه الاثنين ...وشخط سيارته

فيصل وهو يضرب لستيرن بقوه ... خل اخدها اذا ما خليتك تتحسر على شوفتها، سهله مردوده

وشخط سيارته وباله گله يمها، جان يتمنى اول ميشوفها يسوي هواي اشياء حتى يطلع قهره منها وشوگه الها...

بس ميگدر هسه يريد بس يخليها ملگه اله ،يصير اقرب واولى شخص بيها ...

بعد كم يوم ...وهو يحس بروحه راح يطگ بعد ميصبر يريذ يشوفها سلطان مسوي عليه حصار جان گبل يشوفها ويروي شوگه منها بجيتها للمدرسه ...
بهل اسبوع سلطان اخذلها اجازه عمود تتجهز للعقد والخطوبه وممنوع يروح ويشوفها شگد اتوسل بسلطان ومقبل، ويعرف اهلها اذا سلطان مموافق محد يگدر يعترض ...

طبگ سيارته ونزل وهو يورث جگارته ويباوع للمي ...
شاف الدنيا ضلمت ...
وهو يغلي سلطان سوه حجايته واخذها لبغداد ...
دگ على سلطان ..اول مفتح الخط
همس بقهر ... سلطان الجلب اخذتها مني
سلطان وهو يضحك ...شمالك بويه اركد شويه شبيك مطفوك
فيصل ..ول بويه يگلي اركد ولك شرگد اكثر من هيج صارلك اسبوع ماخذ مريتي ...لك اريد امريتي انته جلمود متحس، رجعها سلطان خل اعقد وارتاح

سلطان وهو يضحك بصوت عالي ويحجي ويه واحد يمه عرفه من صوته ابو حرب ...
يولو ابو حرب الحگ هذه عگلو طار ،صار مخبول رسمي

ابو حرب وهو ضحكته وصلت لفيصل ... درحم بحالو وزوجو ...
سلطان ... ما صارلو اسبوع من مشه، والمخبول اكل راسي مريتي ومريتي
فيصل بصوت عالي ...ابو حرب ابداعه لعزاز اقنع هل جلمود البصفك مو ورو لگليبي ور ابرودو الحقير ...

ابو حرب ...يول هاي شمسوي بفيصل ...

وهو ياخذ التليفون من سلطان الشابع ضحك بصفه ... ما الك خص بي لابو شاهين، اخذها مني باجر اجيبهم واجي، والوراها تعقد شتريد بعد ...
فيصل بفرحه ...حر الذهب ، والله بعرسك لاحرگ الجو بالرمادي من جيلات البرنو ...
ابو حرب ضحك بحزن وغصه بگلبه ...عوفك مني، يله حضر نفسك ...
سده منهم وهو الدنيا مو سايعته من الفرح ...بهل لحظه. ميريد شي غير يسمع صوتها، وهو يعرف مراح ترد ...من يوم المشيه ودگ عليها مجاوبت ودزتله رساله ...

"بعد لدگ عليه ما اگدر اجاوبك، ميصير ادگ عليه الا وره العقد "

بس گلبه يريدها، يريد تشاركه فرحته ...
دگ عليها ...يدگ ومتشيله
رجع يدگ، متجاوب ...
همس بحرگه وهو يسحب اخر نفس من الجگاره ويشمرها ويدوس عليها ... ول يابه ناويه تموتني هيه وابن اخوها ...
رجع يدگ ...قبل لا يفصل اجته رساله منها فتحها وگام يسب ...
رجع قراها وهو يضغط على التليفون بقوه ...

"فيصل، مراح اجاوب كتلك وره العقد "

رفع راسه للسما، ربي،شمسوي،يمك وبليتني هل بلوه
اووف وج لو تحسين بگلبلي ونااره ...دنعل ابو گلبي لابو العقد ...

رجع دگ عليها متجاوب، دزلها رساله
"سمر محتاجج، لتخبليني اكثر جاوبيني "
دگ قبل لا يفصل جاوبت ...
سمر بصوت ناصي وبهدوء...الو

فيصل بلهفه وعصبيه ...ليش تسوين هيج بيه ،يول ميت على صوتج ...ياا ظالمه شلون انطاج گلبي تبعدين عني اسبوع، ولا تردين على مكالماتي
ميسمع بس صوت انفاسها الي صارت سريعه ويه كلامه
فيصل اتنهد ...ول ياب احجي ،

سمر باحراج وهيه مستحيه متگدر تگله جانت مشتاقتله مثله واكثر، بس كاتمه بگلبها ...
فيصل مبقى شي

فيصل وهو يتنهد ... هانت هانت باجر انتي هين، والبعده تصيرين ملگي وساعتها اطرو اثنين ليمنعني عنج ...

سمر باستغراب وصدمه ومن داخلها خوف وفرح بنفس الوكت...يول شنو باجر، غير سلطان گال على الاسبوع الجاي...

فيصل ...هو شطيح حظي وصخمني غير سلطان، لا بويه قدمته وصار عگب باجر،
فجا گال ...سمر
سمر ...ها فيصل
فيصل ...مشتاگلج
سكتت ونفسها يصعد وينزل ورجع سئل ...
مشتاگتلي ...
سمر وهيه تعض شفتها من الخجل والاحراج ...
فيصل ...جاوبيني اذا الي معزه بگلبج وخليني انام ليلي مرتاح ...ما دگ گلبي بلهفه لشوفتي،
ما جافاج النوم بلليل من التفكير بيه ،
اشو انه افكر بيج من الصبح لليل ،
ما احتركت روحج بلشوگ اليه ،
سمر همست بخجل ...اي وسدت التليفون
باوع للتليفون وهو يضحك ويتخيل وجهها الخجلان گباله ...

بعد يومين ...
تسمع كلام الشيخ ...بنتي گولي قبلت وانت وكيلي همست وگلبها يدگ بفرحه وخوف وصدرها يصعد وينزل من سرعه تنفسها ...
قبلت وانت وكيلي ...
وصوت الهلاهل والهوسات ترس المكاان ...

تلگنها يباركن الها سمعت همس،باذنها ...
لتفرحين مراح اخليج تتهنين بي ...
گالت كلامها ومشت، بقت سمر جامده تباوع وراها ...
سميه ...سمر حبيبتي بيج شي

سمر وهيه تحاول تكون طبيعيه وتبتسم ...لا ماكو شي

نسيت كلامها اكيد من حرگه كلبها الحقيره هيج تحجي بقيت ارگص ويه صديقاتي وفرحانه ...
لحد ما صاحت عمه سميه اتغطن دخل سلطان بهيبته لابس دشداشه بيضه وغتره والعيون كلها عليه ، وبيده الدفتر اتقرب مني يباوعلي وهو يبتسم وهو يهمس،وياشرلي ...
بنيتي وقعي اهنا ...
مد القلم اليه ...اخذته واديه ترجف وقعت وبصمت
كومني وباس راسي وهو محاوط وجناتي يهمس بحب وحنان ...
الف مبروك بنيتي، ما اعرف شوكت كبرتي وصرتي عروسه حليوه وخبلتي ذاك لمسودن ...
يحجي وعيوني دمعت واني اضحك وياه ...
حضني الصدره وهو يحجي بحنيه ... يول لا تبجين يا عيوني ،وحگ الله اذا نزل دمعه من عيونج لاطرو الج
صايرين ...
هزيت واسي اله واني اضحك بين دموعي وباصبعه يمسح دموعي ...

بعد ما طلع وانتهت الحفله فيصل مقبل يدخل وضجت من عرفت ميريد يدخل، مفهمت ليش هيج سوه كلش عصبت منه عود ليش،ما ميريدني افرح مثل كل البنات لو خايف على مشاعر بت خاله لا تنجرح ...
ردت اگول لان مبقه احد بس اهله وهو ما اعرف موجود او لا واني گاعده على اعصابي...اتقربت مني ام فيصل ...
يمه كومي لبسي عباه فيصل يريدج بره

تحجي واني مقهوره بداخلي هسه شرف حضرته لو يموت ما اطلع ..
كتلها واني اگوم ...غير مره خاله تعبانه وارد ارتاح ما دخل شافني بلحفله ...

سميه ... دطلعي يمه الولد منتظرج
سمر بضوجه ... عمه تعبانه من الصبح واگفه رجليه اتكسرت ...

عفتهم وصعدت لغرفتي كعدت على الجربايه وبدت الافكار الشيطانيه تجي ابالي اتذكرت من طلعت هيه اول معقدنه اكيد عافني وراحلها الحقير ... ارد الفستان واني اطلع حرگتي بي،
واني ادردم ... انزع خرب اهلك، يوم الاسود اللبستك بي،
اجاني صوت رجولي من وره ... ليش اسود
التفتت بتفاجئ واني مصدومه من شفته بنص غرفتي يباوعلي من فوگ لجوه ...لابس دشداشه بيضه وغتره مقلمه احمر وابيض وعطره ملا الغرفه ...
كتله بعصبيه ... اي اسود شدخلك انته هنا

فيصل بهدوء وهو يتقرب منها ...شبيج غير اجيت اشوفج، ما صدگت سلطان راح يوصل ناس دخلتني خالتي سميه ...

سمر باستهزاء وقهر ...وليش،متعب نفسك جان ما اجيت وبقيت تواسي حبيبه الگلب ...

فيصل بنفس الهدوء صار گدامها يفصل بينهم سانتيمات بسيطه يباوع لعيونها العصبيه ...
سمر كافي احجي عدل لتخربين فرحتنه،

سمر بعصبيه اكثر من بروده وهيه تعلي صوتها والعصبيه والغيره عمتها وهيه تدفعه من صدره ...
اطلع بره ماا اريد اشوفك، روحلها ماا اريدك

بلحظه لزمها من زنودها ودفعها لصدره، صارت بحضنه ...
حاوطها من خصرها بتملك ...نزل راسه بهدوء واخذ شفايفها بين شفايفه ...

كل ما تريد تدفعها يدحسها لجسمه اكثر ...

يبوس بيها بقوه عكس هدوئه، وكانو لو عافها راح يخسر حياته ...
تضرب على صدره وهو مستمر ياخذ،شفايفها بلذه وانتقام وحب وشوگ ...

فصل بوسته وهمه يلهثون گدام شفايف بعض ...مغمض عيونه وساند جبينه عليها ...
همس بخدر ...اوووف يابه يااا طعم شفتج دمرتيني

بعدها مماخذه نفسها ...خطف شفايفها بشغف اكبر
وهو يمشي بيها للجربايه ...نومها من غير ميفصل شفايفهم ...

بعد عنها وهو يلهث گدام شفايفها ويباوع لعيونها ...مدخلت لان ردت اشوفج وحدي، لان اعرف بروحي بس اشوفج مراح اسيطر على نفسي ...

كمل حجي وهو يوزع بوساته على كل وجهها ...

........💛

صباحكم عافيه 🦋 ...

بنات تره فلاونزه ومصخنه ومريضه كلش، كوه دا اكتب متشوفون شر انشالله دعواتكم 💛

#يفدوه