رواية الراقصه والسلطان الفصل الخامس والعشرون 25 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

سمر كعدت راسي راج ينفجر من البجي باوعت للساعه شفتها بلتسعه الصبح شعجب ماما وضحه لهسه خلتني نايمه واني احس صار شهور نايمه من رجعت البارحه لليوم على نفس النومه،

باوعت لعيوني بلمرايه وارمه غمضت عيوني اجه ابالي المشكله عيوني مشتاگتله هوايه ،
اخذت نفس وباعت لنفسي بلمرايه وگلت بنبره حاولت اخليها واثقه ...

انسي، كاافي ماكو فيصل بحياتي بعد هوو ماضي وانتهى من اليوم انتهى

رحت غسلت وجه وبدلت ملابسي ونزلت مشتاقي لامي هوايه احس روحي مقصره هوايه وياها هيه وابويه
من ذاك اليوم المشوم واني عازله نفسي عن الكل قليل اختلط، بس مجرد اروح للدوام وارجع ...

نزلت ضحكت لا اراديا واني اسمع صوت ضحكهم وادعي بگلبي الله يديم الفرح ابيتنا ...

شفنهم گاعدين على السفره لفت انتباهي بنيه گاعده بين عامر وذياب ...
گلتلهم صباح الخير ...وعيوني عليها مطيتني ظهرها
ردو عليه ...

رحت لماما وضحه بست راسها واني اصبح عليها واهمس الها ...يمه منو هاي لبنيه

بعدها امي محاجيه اجاني الرد من ذياب ...
ذياب بملل ...اهوو بدت رحمه الله وبده لمساسر مال عجايد بويه هااي قمر بت سميه وشاهين ردت النه طبعا من رخصتج جده

رجع باوع لقمر الگاعده بصفه ...
قميره هاي عمتج سمر ...

بهل لحظه دخلو سلطان وجده وشاهين من الباب ...
سميه تاشر اله وتخزره وهو منطلق محد الا ...

نمر (ابو ناصر) بعصبيه...الاغبر شنو شاهين وسميه احجي عدل لا اعدل حلكك بهذه وهو يرفع عصاته

ذياب بصدمه وهو يباوع وراه گام بسرعه ...الله حيو شيخنا...وابن شيخنا وحفيد شيخنا وهو يبوس راس جده وابو وسلطان ...
يله اودعناكم ...عافهم وطلع

وعامر وسمر شبعانين ضحك عليه ...

الشيخه وضحه ...عوفك منه هذه دومه مصروع، يله گعدو شو بطيتو

ابو ناصر كعد بصف الشيخه وهو يبوس راسها ...عذرينه الغاليه بطينه طلعت النه شغيله صغيره

عامر اجاه تلفون گام بسرعه ...
شاهين گعد بصف سميه وهو يباوعلها بشوگ يحس صارله سنين مشايفها وهو يتذكر من عرف بوجود قمر وهو حاله متخربط لا ليله ليل ولا نهاره نهار لدرجه اهمل سميه جان يتعمد ييجي بلليل لان يعرف راح تكشفه اول متشوفه وبس تعرف مراح تصبر وراح تجبره تروح الها ...

رفع ايده ع الميز لمس ايدها وحاول يخلي الحركه طبيعيه اول ملمس ايدها التفتت اله ابتسم بخبث وهو يشاورها ...
تكملين ريوگ وناطرج فوگ بلغرفه ...

سميه وهيه تبعد ايدها وتنزلها لحظنها همست بعناد ...عندي شغل ، تلگه ملابسك جاهزه

شاهين وهو يدري بيها زعلانه منه وتستخدم ويا اسلوب التجاهل متدري هو مربيها على ايده وحافظها اكثر من نفسه  نزل ايده لحظنها وشبگ ايدها بايده وعصرها بيده وهو يهمس بحده ...

شاهين اوله من كل الشغل ومن كل شي بحياتج سميه، اني الاولى افتهمتي، امشي گدامي

سميه نبرته رجفت جسمها وهيه تعرف شاهين ميتعصب الا يوصل لمرحله ميگدر يتحمل وصاير شي جبير وياه ..بس قوت گلبها وذكرت نفسها بتصرفاته وياهه باخر ايام حاولت تنسى وتشغل نفسها عنه بجيت قمر الي فعلا خلتها تنسى كل شي ...

حاولت تسحب ايدها منه تقوه قبضته عليها باوعتله بعصبيه وهيه تشوف عيونه متبشر بخير ..همست
عوف ايدي شاهين ،مثل ما عندك اولويات بحياتك غيري واسرار اني هم عندي غيرك، وصعده وياك مراح اصعد، كتلك كل شي جاهز بلغرفه روح ميحتاج وجودي وياك ...

شاهين بلحظه گام وبعده لازم ايدها اضطرت تگوم وياه وايدها معلگه بيده گال ...دايمه اني اروح انام شويه

الشيخه وضحه وهيه ملاحظه توتر الجو بينهم ...روحو يمه اخذو راحتكم من البارحه ما نمتو
سميه رادت تحجي وتعترض باوعلها شاهين وخزرها وهو صاگ سنونه ويحاول يلزم اعصابه گدامهم ويعصر ايدها بايده

شاهين حاول  يبتسم  وهو يدير ظهره الهم ويگول بحده ...يله ام عامر

سلطان گاعد وگباله صايره قمر منزل عيونه للاكل وهو گوه ياكل كل ما يرفع وجهه تصير عيونه بعيونها يخزرها بعصبيه وهيه ترفع حاجبها اله بمعنى شكو ..

قمر شبي هذه يخزرني هيج، ارد اكل احس روحي مراقبه من وراه همست بكره واني اباوعله ...شكد مكروه ومغرور وغثيث

اليشخه وضحه وهيه توجه كلامها لسمر ...يمه سمره ام جاسم خابرتني وتعذرت المره البارحه ما گدرت تجي ابنها مسوي حادث واجلتها للخميس الجاي
سمر اول مجابت محجت الشيخه غصيت طاري ام جاسم وكمت اگح بقوه اتذكرت الصار وشسوه بي

سلطان ناوشني مي وهو يباوعلي باستغراب ...هااج بويه شربي

سمر شربت مي واني اگول بگلبي الله يستر شصاير بي هسه من وره هذاك الخبل هسه شيگول عليه،
الشيخه وضحه ...

شمالج يمه شني جبتلج طاري ملج الموت وهيج صار بيج، باعي هاا مو مثل كل مره ترفضي من غير سبب  تگعدين وتشوفي ،الرحال كامل مكمل ...
سلطان للشيخه ...جده لتضغطين عليها خليها براحتها واحنه بناتنه هم شيخات مناقصهن شي،

الشيخه وضحه ...يمه هسه شگايلتلها اني لعد عاجبك حالها من وره ذاك

سلطان قاطعها بحذر وهو يباوعلها بعتب...جده، عوفي هل حجي نبقى نعيد بي اخر كلام عندي القرار الاول والاخير لسمر ...زين بويه وهو يباوع لسمر
سمر وهيه تباوعله بحب وشكر وهيه تضحك وتهز براسها بلموافقه ...

قمر وهيه تباوع لسلطان باستغراب شلون يعامل سمر ويدافع عليها، لعد شبي ويايه اول ميشوفني يگلب وجهه ليكول شايف جني،

.....
دخل للغرفه وهو يسحبها وراه وهيه تحاول تجر ايدها منه بس بدون فايده مكبل ايدها بايده وكانو انخلقت وهيه حاضنتها وكانو يگلها هذه مكانج جزء مني ويمي سواء رضيتي او لا ...

دخل للغرفه دفعها بيها وقفل الباب واندار الها رادت تحجي سكتت وهيه تشوف عيونه تجدح من العصبيه وهو يخلي اصبعه على شفايفه ويحجي من بين سنونه ...اشش ولا نفس

وهو ينزع الشماغ وعيونه عليها شمره بلگاع
اتقدم منها بخطوات مدروسه وهي ترجع الوره تريد تحجي تدري الحق وياها جانت محضره اله حجي هوايه وعتب بس من شافت عصبيته وعيونه اتبخر كل الكلام من السانها ...

شاهين بهدوء مخيف ...اي ياا مرتي وهسه صرنه وحدنا كليلي هسه شنو الاولويات الاهم مني وشنو الاهم مني بحياتج ،شنو الاسرار الضامتها عليه

سميه وگعت على الجربايه وعيونها عليه كامت وسندت نفسها باديها ... حاولت تقوي نفسها وهيه تذكر اهماله الها وتجاهله الها ومكالماته وتصرفاته الغريبه باخر فتره وهيه تباوعله بعصبيه وعيونها دمعت ويه كل كلمه انفجر كل الكلام الجانت كابته  ...

هل سوال اسئله لنفسك، شوف منو الماخذتك مني ،وماخذه عقلك ومنسيتك سميه وحبها الك،جاي تسئلني اولوياتي ليش شعندي بحياتي غيرك،  سميه الي من تفوت يظلم كل شي بعيونها ومتشوف غيرك وتالي بشنو اجازي حبي واهتمامي بيك، بعد هل عمر راجعلي مراهق وتلفونات بلمخاتل ...

بگد مجانت النار شابه بگلبه من تجاهلها اله وبرودها   برد گلبه والضحكه مگدر يضمها ...

نزل لمستواها وصار فوكاها جبرها تنام على لفراش خلت ايدها على صدره تريد تبعده محست الا خطف شفايفها ...باسها وهو يطلع شوگه وحرمانه وعصبيته بسبب شكها وهو يشبگ اديها بين اديه ...

تحاول تبعده وتتحرك وهو يعض شفايفها اقوه ...
معافها الا خلاها تشهگ ...وهو يتنفس گدام شفايفها الحمر وهو يباوع لمكان عضته ويهمس بعصبيه ...
اي ماخذتني منج وحده، تحبني ومتشك بيه

سميه اتخبلت من كلامه وعيونها تجدح نار وهيه تصارع جواه تريد تبعد ...وخر لتلمسني ياا خاين روحلها دقيقه ما ابقالك اهنا،

شاهين حصرها بين اديه منع حركتها نزل لرگبتها يطبع بوساته ويصعد لخدودها بهدوء وهيه النار تشعل بگلبها ودموعها حركت خدودها ...

رفع عيونه بعيونها وهمس ...قمر، هيه الماخذتني منج
صار اسبوع ، سلطان گلي راح يجيبها ردت اروحله مقبل وگلبي جان ماكلني عليها الليل منمته من وراها مردت اكلج لان اعرف بيج راح تخبصين روحج اكثر مني ...عرفتي منو الجان شاغل بالي يا ام عقل صغير

سميه تباوعله ودموعها تنزل وتحجي بزعل ...وخر مني خبيث ليش تحرك بگلبي هيج جان كتلي وما عفتني التفكير دمرني ...

شاهين بتوعد وعيونه تاكلها...تحلمين اعوفج اليوم شايفه هل اسبوع هذه اله اطلعه من عيونج، اليوم اشوفح المراهق شراح يسوي بيج ...

سميه باعتراض ...وخر شاهين خل اشوف قمر

شاهين وهو يخلي راسه برگبتها يشمها بشوگ وهو يطبع بوساته ...لعد وابو قمر الهاملته صارلج فتره، اووف لج مشتاقلج بگد رحمه الله، وهو يفتح دگم دشداشتها من وره ...

سميه وهيه ذايبه بين اديه بس تحاول تتمنع وتعذبه ...عوفني شاهين
سكتها وهو يخطف شفايفهاا ابوسه انتقاام مخلاها تگدر تعترض بعد ...

******
بمكان ثاني
كاعد بلمكتب الجگاره بيده وگدامه گوب الگهوه وعينه على الاوراق الگدامه يدرس اوراق القضيه ...

وهو يفكر بقه بس الباشا شاارد والحرس كلهم محد يعرف مكانه
وبيوت الدع## الباقيه التابعه الهم تحت المراقبه بس ما اله اي اثر ...
قطع تفكيره دگ الباب ...

ابو حرب بصوته الجهوري ...ادخل

دخل الجندي وهو يأدي التحيه ...سيدي ضابط بره يريد يشوفك ضروري

ابو حرب باستغراب گله ..فوته

دخل اده التحيه العسكريه وگال ...سيدي وياك الضابط حسام

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يفدوه