رواية الراقصه والسلطان الفصل السادس والعشرون 26 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

دخل اده التحيه العسكريه وگال ...سيدي وياك الضابط حسام
ابو حرب باستغراب يگدر يعرف الشخص من نظره وحده من منظره مرتبك خايف قلق، عرف وراه شي جبير  وهو مخلي اديه على المكتب طفه جكارته ورجع باوعله وگال بصوته الجهوري ...

الله حيو اتفضل ابني ... وهو يأشرله على الكرسي

گعدرحسام ميعرف شلون يبدي وشيگول وهو مرتبك،مصدوم، تايه، يتمنى يغمظ عيونه ويفتحهن يلگاها بس هيه وكل شي،مختفي غيرها...

يعرف الگاعد يسوي غلط حسب القوانين ميصير يستغل رتبته وخصوصا هايه القضيه مشبوها وهو ما اله دخل بيها ... بس كل ما يتذكر العرفه يتخبل لو ينسجن مقابل يرتاح گلبه عادي بس  ...

وهو يتذكر صديقه بلاستخبارات من گله الاسم الرايد معلومات اله، مقبوظ عليه بقضيه دعاره ومتجاره بلبنات مسوي شبكه جبيره مخدرات و متاجره لخارج وداخل الدوله، خطف بنات وبلاوي عليه هو ومرته ...

عندك شي يمهم
يسمع الكلام وهو يحس بروحه بدوامه وهو يگله لك ذوله گلبي عدهم، لك ذوله روحي عدهم كول شنو الما عدهم ،بده يربط كلام قمر ورفضها وصدها اله والرساله الي حفظ كلامها بگلبه وهيه تگله مردت ادخلك لعالمي الاسود ...

حس بروحه گاعد يدمر ونبضات گلبه قلت،  يريدله بس امل صغير يكون لباله مو صحيح، ميريد صوره قمر تهتز بگلبه بقه يدعي ربه تكون قمر مثل ما حبها ابرائتها وطهارتها ...

اول ما عرف عنوانهم راح للبيت كله امل يلگاها بس انصدم البيت مطوق بلشرطه سئل راد يعرف منو بلبيت بقى ما حصل رد، وعرف منهم القضيه يم العميد حر ...

حسام ...سيدي عندك متهم اسمه عدنان رميض ال## وزوجته لميعه هاشم ال## ،
ابو حرب اول مسمع اسمائهم عگد حواجبه وباوع لحسام بقوه ...

كمل حسام وهو يشوف نظراته بس ميريد يخسر فرصته الاخيره ...اكيد عرفتهم سيدي،
ابو حرب بصوت بينت بي العصبيه ...ونته شلك دخل بهل اسماء والقضيه،

نزل راسه وهو يدعي بداخله ...ربي شفت الظيم من وره عشگها، ربي لا تحرمني منها ربي قربني منها ربي دليني على دربها،  اخذ نفس رفع عيونه ونضراته كلها توسل ورجاء ونبره واحد فاقد للامل ...

سيدي اجيتك اليوم واعرف حياتك بيدك لو تنهيها هسه لو تحييني من جديد

ابو حرب بغموض ...احجي بويه شصاير وياك وشدخلك بهل زمره

حسام يحجي وهو يرجف  ...رايد بس خبر عليها وطول عمري مراح انسى الك هل فضل، قمر عدنان بنت المتهم بس اريد اعرف مكانها والها دخل بلتهم لو لا

ابو حرب حاول يسيطر على اعصابه منع اسم قمر ييجي بلقضيه خلاها وكانو مجانت عايشه وياهم گله بنبره حذره ...شعرفك بقمر انته

حسام بلهفه وخوف بنفس الوقت من سمع اسمها وحس بي يعرفها گله بنبره لهفه مكدر يضمها وهو يقبظ اديه ويفتحهم من التوتر والضغط ...اترجاك، اترجاك سيدي،

ابو حرب سمعت عنك رجال نشمي وبطل وروحك بيدك ما تهاب شي وروحك ذابها بكل حرب...الله لا يبليك بلي بلاني االف حرب ولا عشگ بنيه ...

اعتبرني اخوك الصغير وريح گلبي گلي هيه بخير گلي مالها دخل بشغل ابوها ، تره الگدامك روحه مو بيده، روحي عدها من سنين شاايف ضيم الله كله من وراها، طعم الراحه ما شايفه، وحق الله جنت رايدها بلحلال، بس ماكو راحت من اديه وتالي هل صبر اعرف ابوها وامها يتاجرون بلبنات ...

ابو حرب رجع جسمه على الكرسي وهو يضحك بينه وبين نفسه  ويهمس ...دعوتك راح وكتها من زمان گلبي محروك من زمان ،الله بلاني وانتظر ياخذ روحي وارتاح     صعبت حالته عليه لان محد يحس بوجع العاشگ الا عاشگ مثله ...

گام وهو يباوعله وحسام گام وياه ابو حرب گله بامر وهو ياشرله يگعد ...
ابقى گاعد هين ...انه اروح وارد

طلع بدون مينتظر الجواب، گعد حسام جر حسره من گلبه وهو تعبان صارله يومين منايم،

ميگدر تغمضله عين وهو يدري جانت عايشه بهيج بيت، ساعه عقله يگله اكيد هيه مثلهم وجنت متعجبها وتصدك لان مستصغرتك ومو من مستواها بس يرجع گلبي يگلي والرساله وكلماتها اكيد جانت خايفه عليه ومجانت تريدني اعرف بشغل اهلها ومن كل عقلها ابطل احبها ...

همس بقهر ...وج ليش ما گتيلي ،من امداه گلبي اذا عافج هناك والله اخطفج منهم واضمج بقلبي، اووف يگلبي شتتحمل بعد، شوكت ارتاح ماا اعرف

عينه على الباب كل ساع يتخيله يدخل وهيه وياه تباوعله بنفس نظراتها القاسيه ...
بهل لحظه دخل حر اتقدم لگدام حسام، وگف حسام بلهفه اول مفتح الباب وصاح ...هاا بشرر

ابو حرب وهو يبتسم بطرف شفته بسرعه محاها وهو يحجي بجديه... المعلومات الراح تعرفها سريه، شخص ثالث يعرفها نخرب وهو يحجي بتحذير

حسام بصدق ...سيدي وحگ حسره گلبي ،ما رايد شي بس مكانها

ابو حرب وهو يخلي ايده على جتف حسام بهدوء ...اطمن قمر وحده من المخطوفات من قبل هاي العصابه وجانو واهمينها بان همه اهلها ، وهيه ما الها دخل بكل شي، بس مكانها حاليا ما اگدر اگلك وين بس اطمن وصلت لاهلها الحقيقين وهيه بامان واسمها مموجود بالقضيه من الاساس ...

حساام بلا شعور حضن حر ودموعه نزلت من الفرح وهو يدعي ولسانه يردد وهو يااخد نفس عميق ...ماا اعرف شگلك لو تطلب روحي اكلك رخيصه الك ...
ربي ما رجعتني خايب وحفظتها اليه، الحمد،لله

حر وهو يحس بلوعه گلبه وهو لو بيده يدلي مكانها ويودي بيده الها بس اتذكر مكالمته ويه سلطان ولي طلب منه يعرفه بهاي التفاصيل بس ورفض ينطي العنوان ...

بعد منه وهو يگله ويحاول يبتسم بألم ...العشگ الحلال ميضيع ربك حفظها الك ،وانته ابن حلال وانشالله تكون من نصيبك ...

حسام وفرحت گلبه ميگدر يستوعبها ...انشالله، انشالله رجعت ابتسامته اختفت وهو يگول بخوف ...
بس سيدي عنوانها شلون، شلون اگدر اوصل الها زين اهلها منو وشل

قاطعه ابو حرب وهو يشوفه متشتت ومتشوش ... ما اگدر انطيك عنوانها ولا مكانها الا بمرافقه الاهل، وخصوصا القضيه بعدها مفتوحه انطيني مهله كم يوم واني، بيدي اوديك الها واخطبها الك اخذها من هل شارب وهو يلزم شاربه ...

حسام وهو ميدري شلون يشكره وهو نفسه ممصدك بيوم قمر تصير اله ملكه ...

******
سمر ...ادور بلبيت على قمر بعد الريوگ مشفتها وامي وابويه راحو لواجب فاتحه مال گرايبنه من بعيد ،

وعمه سميه وابو عامر ماكو امل ينزلون مدام خطفها اخويه مراح يعوفها مثل كل مره تالي الليل يله ينزلون اذا نزلو عود ...

طلعت للحديقه شفتها كاعده على المرجوحه  وسرحانه ورافعه راسها للسما ...

منظرها يهلك كولش،حلوه بيها هوايه من امي وضحه، ملحگت اشوفها واسولف وياها الصبح من الصدمه ، احسها شايله هموم على كلبها معقوله تحب اهلها الربوها ومشتاگه الهم حتى من سلمت عليها جامده محجت ولا كلمه،

اتقدمت من يمها گعدت بصفها بقت على وضعها  متحركت حتى ما التفتت ...
سمر ...احم احم يا حلو نحن هنا

قمر جانت فاصله عن العالم كله تحس روحها تايها لا تگدر تتعود عليهم ولا تگدر ترجع باقيه معلگه بالها يم حسام ،تفكر بي بكل لحظه قطع تفكيرها صوت سمر

التفتت الها وگالت وهيه تحاول تبتسم ...اسفه مجنت منتبها

سمر بابتسامه ...عادي، قموره صدوك تردين اصيحلج قمر لو وضحه ...

قمر بدون تردد گالت ..قمر وهيه تذكر
من جانت زينب ماخذه دفترها من رجعتها لكت مكتوب،عليه ...

"فيك من القمر نوره وجماله وبعده عني"
من حبيبج

سمر وهيه تحضنها فجأ وهيه تشوفها سرحانه ...شبيج ليش احسج شايله جبال على ضهرج ومهمومه، ليش احسج مفرحانه لان رجعتي النه، حبيبتي احد مضوجج مسمعج كلمه ،لو مشتاقه لاهلج الي ربوج

قمر بارتباك ...ل
قبل مترد قاطعهم صوت جهوري خشن وحااد
ماا الها اهل غيرنا هاي ديرتها وهنا اهلها

كمل بحده وهو يباوع بعصبيه لقمر الي متجاهله نظراته ...
سمر هيج طاري بعد مينجاب گدام اي احد حتى بين نفسكم متحجون مفهموم

اتفاجاه سمر بصوت سلطان وهيه تشوفه گدامها لابش،دشداشه سوده وشماغ  لافه لفه انباريه عرفته لحگ ابويه للفاتحه ولي فاجاها اكثر عصبيته ردت بخوف ...مفهوم 

وانتي وهو يوجه كلامه لقمر ... هذه اللبس ما ريده بعد
بويه اتستري، كلنه زلم فايته وطالعه والحرس منا وضبي شعراتج

قمر وهيه كارهته اول مشافته گلتله بقوه ... لبسي ما الك دخل بي واذا جنت شايف نفسك زلمه فمن تشوفني غطي عيونك حتى ليخدش حيائك ...

سمر تباوعلها بصدمه مجانت متقوقعه قمر هيج لسان وقويه ...عرفت راح تصير مذبحه لان سلطان موته ولا واحد يعانده ويلاسنه ...

سلطان وهو يتقرب منهم خطوات وهو يلعب سبحته بين اصابيعه...
منظره رعبها وگلبها گام يدگ بسرعه من شافت شگله شلون صار بس حاولت متبين
اتقرب وانحنا لمستوى قمر نزل والمسافه بينهم قصيره همس بفحيح حاد وهو صاگ سنونه ...

وحگ الله، لوما عمي شاهين وسميه واگفين بين عيوني، لدستج هين ، العرامه والصلافه ويايه متفيدج قرب اكثر لاذانها وهمس ،وانفاسه الدافيه تضرب نحرها بحيث سمر متسمعها ...
اسلوب لميعه، انسي

انطاهم ضهره وراح ...
قمر بقت جامده بمكانها وجسمها گام يرجف من العصبيه ...عيونها دمعت وحدها عرفت راح تنهار رگضت لغرفتها وهيه تتجاهل صياح سمر الها ...

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

عدد الكلمات ...1500

صباحكم ورد ...🦋

بنات الاحداث الجايه اريدها تكون ابارت واحد طويل لان ميصير تتجزء ويرادلي وقت جبير للكتابه ...فشنو رايكم يكون البارت القادم يوم الخميس ...عمود يكون دسم بالاحداث ...
او تردو يوم الاربعاء براحتكم ... گلولي رايكم بلتعليقات
وراح اخذ على الاغلبيه

#يفدوه ❤️