رواية الراقصه والسلطان الفصل الخامس والأربعون 45 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

ول بويه اشتعلت روحك صادق ...

فزيت وشمرت القميص من ايدي على الجربايه...

ما گدرت اندار احس انشليت سمعت صوته... هو والله حر

حتى ما فهمت الگاله... يربي هسه شسوي گلبي احس راح يوگف من الدگ من الخوف والاحراج بنفس الوكت يا الله هسه شيگول عليه شسوي بغرفته...

وليش لازمه قميصه ...

عزه بعينج نمارق...

دقيقه صمت مرت واني دموعي گامت تصب بصمت من الفشله،
شويه وزادت شهگاتي وفكيت عيوني بصدمه من تذكرت لبسي واني بلا حجاب رجليه گامت متشيلني من الخوف...

حسيت بخطواته تقرب مني واني غمضت عيوني بقوه واتمنى اختفى بهل لحظه...

لحد ما حسيت بي صار ورايه وصوت انفاسه السريعه صارت قريبه لاذني...

انداريت اله عيوني تعلگت بعيونه بخوف وحجيت بسرعه...
والله هي... هي حتى روح اسألها كلتلي جيبي

حر اول ما دخلت للبيت اتگلتني رونق وعرفت مسويه حفله
سوتلي طريق لغرفتي ما اريد اشوف احد بالأخص ما اريد اشوفها...
اسمها على طرف لساني ارد اسأل عليها...
وارد أمنع روحي...
صعدت بنص اجازتي للدوام وقررت انساها واشيلها من گلبي...

انعل ابوها لابو العشگ اليذلني من وراه...

گلت البعيد عن العين بعيد عن الگلب...

طلع البلگلب من يبتعد العين تچافي الگلب حزن تريد شوفته... عيني جافاها النوم...

مدري شصابني صرت مدوهن ادورها رايدها... اشتاگيت لعيونها الصوبن گليبي...
گلبي فك عيونه عليها...

صرت طالب بريئ بعشگها عرفت الحب وعلومه على اديها
احس صدك انجنيت، ايامي گوه تمشي عايش بفراغ...

انه مثل الطفل من صار هجرك صدك گلبه وكف ضده
احسها طيره وكرت على روحي...

لا الي خلگ تدريب ولا أصدقاء الي يشوف حالي عباله ميتلي واحد عزيز... مايعرفون ابو حرب الما خله ساحه حرب ما صوب طلقته بيها...

مصوب بگلبه صوابه ماله علاج الا يم بت صادق

اتمنى يجي الليل حتى ابقى بروحي وانام واصفن بلسگف واتخيلها
كل هذه البيه بس ما رديت للبيت... كابرت وگلت انسى قابل راح اموت بدونها...
شلون اخلص ليلي وحدي

تجي الاجازه وما انزل...
لحد ما خابرت على امي مثل كل مره... وجان اسمع صوتها
تحجي ويه رونق...
وانه روحي فرفحت عليها...
ربي زلمه اني شطولني شگدي عايش بنص الموت وما يوم گلبي رجف...
هل صغيره هزتني صوتها رجف گلبي وصار جاهل بديها...
گلبي يون عليه يريدها... يگلي انزل شوفها وانه أكابر
گمت اتعب نفسي بالتدريب حتى اتعب وارد مكسر واذب روحي وانام...
كلها مستغربه وضعي، اعصابي گشره ادور زلات على الجنود...
يوم الأسود العشگت شجابني لهل درب...

هسع هيه هم مثلي...  عايشه حياتها وتريد تخلص بسرعه وتزوج ذاك السربوت مالتها...
امي كل متخابرني تلح يريدني انزل... اخير شي قررت انزل تعبت من وضعي...

دخلت لغرفتي وبدت كلي من الشفته نطقت بلا وعي اشتعلت روحك صادق على هل بت ...

عيوني تاكل عودها الريان...گلبي يكول ربي خلقت وعبدك ابتلى
مدري شصار بيه...

شفتها وما انتبهت الها حاظنه قميصي لصدرها وتشم بي...

لحد ما شمرته...

جنطتي العسكريه طاحت من اديه...

تهواني... عرفتها تهواني

احس ارد اتلگفها بحظني بس خايف اكسرها خايف اجرحها...

اسمع صوت شهگاتها... كمت أتقدم الها وعيوني على شعرها

سولتي صارت بشمه ارد اشمه واخلله بين اديه احس بلمسته
على جلدي...

اووف ربي بعد هل تعب ارد انومها بحظني واغطي صدري بشعرها

خطوه تبعدني عنها اتقرب وگلبي خايف وجسمي يرجف مو سهله عليه شوفتها بهل شكل وما اگدر اگرب الها ... غمضت عيني وتنفست ومليت ريتي من عطرها...

كمت افرك ايدي بعصبيه مانع روحي عنها جسمي حرارته ارتفعت من قربها...

حجت وما اعرف حتى الحجته مدوهن بعيونها... همست الها بخشونه و بعصبيه متلهف الها هواي ارد احسم كل شي
وياها الي گاعد يصير بيه مو هين ...

دحجيلي هين...

گلبج هاويني...

جسمها رجف وشهگاتها زادت... ناري شبت كوه مصبر روحي ارد اسمع حسها...

لزمت ايدها ورفريتها اليه...

نمارق گامت تشهگ وغطت وجهها باديها...

حر بتعب من حالهم ...ول نمارق بنيتي لا تخافين مني، گلبج هم مثلي مشتاگ لولفه
احجي بويه مو دمرتيني بدموعج...

نمارق بين دموعها والخوف متملكها سحبت ايدها من ايده بسرعه وتحركت تريد تطلع  ...

حر لزمها وسحبها من ايدها ضربت بصدره رفعت عيونها الذابله باوعتله بصدمه وخوف...

لزمها من اديها الاثنين مشاا بيها لحد ما حست الحايط بضهرها گللها بعصبيه وعيونه بعيونها وهب بيها والحسره لبگلبه طلعها...

الليله ما عوفج... احجي ماكو طلعه ليش تخليني اتلوع وحدي
حيرتيني ولج عيونج يحجن... عيونج عاشكاتني
ولج بويه ما استاهل لتسوي بيه...
لتأذينه الگلبي اني خطيه والله...
مو لوعتي بهبطاتج

احچي... كاافي بچي عجل ليش چنتي تشمين قميصي عاااط بيها وهو يهزها بين اديه

نمارق  تعبت من الضغط والكتم عاطت وهيه تبجي... شحجي تريد اگلك احبك... اي احبك والله احبك واجيت هنا لأن مشتاقتلك ارتاحيت عوفني اطلع...

حر خف من ضغطه على ايدها اديه بادت لوحدهم يحس هو وياها بحلم هسه...
گال وهو يرفع ايده الترجف لخدها يتلمسه ممصدگ ويباوعلها بلهفه وجهه گام يصب عرگ... يول عيديها اروي لگلبي بحسج

نمارق  وجهه كسا الأحمر من الخجل وهيه ممستوعبه  الحجته اله همست بخفوت وهيه تبعد وجهها من لمسات اديه
... حر ارد اطلع

حر والضحكه ملت وجهه ويحس بفرحه بصدره ما يعرف يوصف من كبرها ...

يبعد حر وأهلو انتي يولي اووف ربي الف حمد وشكر ردتلي روحي...
يجعل حر بلبين الياخذو اذا ما لفيتج بحظني...

خله ايده جوه جنچها و رفع راسها وأيده الثانيه نزلها لجفها وحظنه بچفه همس الها بحب وهل نبره استغربت اول مره تسمعها منه...
ول بويه ليش بارده ايدج كل هذه خوف مني ... لا تخافين هسع انتي ولفي...

بس گليلي

يباوع لعيونها الذابله والدمع نازل من رمشها والخوف ماليهن...بنفسه يسوي وياها أحلامه الچان يحلم بيها بالدوام...
روحه وجسمه وكل شي بي رايدها گوه سيطر على روحه ...

همس... اگفي هين

غمض عينه وتركها انطاها ظهره راح الجربايه اخذ قميصه ورجعلها وهيه تباوعله بصمت ممصدگه الهسه الگالته...

اتقرب منها حاوطها بقميصه باوعلها وجر حسره وخله جبهته على جبهتها وهمس بشوگ...

وله نمارق يول مو احبج واعشگ عيونچ الما الهن حد...

احس جنهم هلي فطموني على عيونچ...
لا  تكسرينو لگلبي وحگ الله هاويچ ورايدچ بحظني وبسدي...

اخذ نفس وهمس بلهفه... چثير  رايدج چثير ما نتزوج هسع

نمارق باوعتله بخوف وخجل... حر خل اطلع فدوه

همس حر... نمارق

رفعت عيونها اله... هاا

حر... اگلج بويه

نمارق... باوعتله بصمت

حر بابتسامه... گوليلي گول گلبي وحياتي

نمارق بخجل تريد تطلع خله ايده گدامها منعها همس باذنها... زين گليلي يولفي گليبي مو خطيه يشوفچ بهل حاله والشكل  وما يخلي تذكار...
گلبي مشتهي گربك...

نمارق غطت وجهها بخجل... حرر حباب خل اطلع وخر

فجاأ ابتعد عنها وفتح الباب باوع لعيونها وگال ...اووف رحت كلي فدا منطوگج...

روحي بويه هسع ما اريدو لگلبچ يوگف

End flash back

صحت من النوم على صوت المنبه... باوعت بصفها أمير غاط بلنوم
باست خده وغطته زين وگامت...

بدلت وطلعت للمستشفى...

وصلت وگفت السياره گدام المستشفى تباوعلها معقوله بعده هنا... مفارگ بالها تدري بيه يكره المستشفيات...

سمت بالله ونزلت دخلت وراحت لغرفه التبديل... بدلت وطلعت
راحت تشوف جدول المرضى العدها...

تمشي وكل الي يشوفها يتحمد الها بالسلامه استغربت بالبدايه شلون عرفو بعدين اتذكرت صديقتها شيماء نشره اذاعيه تكره بطبعها الشخصيات الفضوليه بس شيماء لا تدري گلبها طيب وتزلگ بلحچي غصبا عنها  ...

ابتسمت لا اراديا وهيه تشوف شيماء ملمومه ويه كم ممرضه وواضح عليهن الاندماج وهيه تحجي ومتفاعله

وگفت اخذت فايلات المرضى وبلشت دورتها عليهم...

وبعد تقريبا ساعتين ونص...

طلعت من غرفه مريض... وهيه تاشر على الفايل

هاا.. دكتوره نمارق حمدلله على السلامه

رفعت راسها من سمعت  الصوت...

ردت بمجامله وهيه تتعداه... الله يسلمك دكتور مازن

مازن گللها قبل لتمشي ... صدگ دكتوره مريض بغرفه رقم 107 يريد خروج من الصبح وبقه عنده بس فحص القلب فياريت ترحين تشوفي هسه...

نمارق باستغراب... لعد دكتور أنور هم اختصاص قلب شعجب ما فحصه وهوايه حالات ضايفيلي هسه شفت

مازن... مو دكتور أنور صار عنده ظرف وما اجه فحالاته اتحولت الج...
نمارق بتفهم... ماشي هسه اشوفه

مازن... وراح ادزلج دكتور احمد يساعدج

نمارق هزت راسها ومشت... تعبت مگعدت من اجتي هيه هم تريد تشتغل حتى متفكر بي...

راحت للكافتريا تاخذ فنجان گهوه وترجع تكمل...

اخذت كوبها وبالطريق صادفت دكتور احمد...

احمد بضحكه ... شوف الخاينه مذكرتني بفنجان گهوه واني كل ما اروح اجيبلها...

نمارق وهيه تشرب من كوبها ابتسمت...تدري ما اتذكر بس نفسي  يله على الجايات

احمد بجديه... نمارق ذاك اليوم شبيچ ما حبيت اضغط عليج

نمارق ملامحها تغيرت ردت بخنگه... احمد عوف الموضوع ماكو شي يستاهل... وتغيير للموضوع

دتعال ساعدني بدال هل سوالف هلكت من اجيت لهسه مرضى دكتور أنور فوگ المرضى العندي...

احمد باستفزاز وخباثه... اهو تعبان خل اخذلي غفه بغرفه التبديل وانتي خلصي شغلج

نمارق بتهديد ولا مبالاة وهيه تطلع تليفونها من جيبها وتريد تدگ... خوش لعد اخابر نور مشتاقتلها وهم اگلها شفت أحمد طلع ويه وحده بسيارته هسه...

احمد بصدمه ... ولج اشاقه حولي المرضى كلهم اليه، ما عندج شي اسمه شقه آياا خبيثه تردين انطرد اليوم وذيج خوب متصدگ

نمارق بشماته... غير ردت اطمنها عليك،، يله وصلنه هذي غرفه 107 خلي افحص هل مريض بطريقي واكتبله خروج...

احمد بقهر... امشي وأمري لله يگولون شخصيه مهمه بيها
اجاني فضول اشوفه
بداخل الغرفه...

حر بعصبيه وهو من من الحادثه لهسه مطايق احد ولا نفسه يريد بس احد يطلع حرگت گلبه بي ... هسع شوكت تجي هااي لشوكت انتظرها

سلطان بهدوء... أعصابك بويه هسع يجون ونخلص شبيك أخلاقك ضيگه كلش صايره

حر وهو روحه مطايقها يريد يطلع خايف من شوفتها او بالاصح خايف من نفسه مظامن روحه اذا شافها شنو راح يسوي ...

يعني من الصبح انتظر حظره جنابها لهسع نص ليل صارت وهيه ماكو، تدري بيه ما اطيق المستشفيات

سلطان بصبر وهدوء وهو يعرفه مطايق روحه بسببها... تجي تجي وتطلع بس اهده العصبيه متفيد تأذي نفسك هيج ومحد يستاهل تسوي بنفسك لخاطرو...

حر بقهر وهو يدير وجهه للشباك  ... اني وين وانته وگف كلامه وگلبه  من سمع صوتها... اندار بسرعه وانصدم بدخلتهم شافها تدخل هيه وياه ويحجون ومندمجين ويضحكون...

بهل لحظه هو ميشوف غيرها عيونه وگلبه رجف وكل حواسه وگفت وياها هاي أحلامه هاي غدره هاي عشگ سنين...

نفسهن ذيج العيون السجنن گلبه وخطفن روحه  ...ما گدر ينزل عيونه من عيونها يباوعلها بلهفه يتفقد تفاصيلها بشوگ تااه بيها يباوع لعيونها لخدودها الجانت سوله بروحه يريد يخليهن بين سنونه...
لخشمها  لحنجها ونتهت رحلت عيونه على شفايفها الترجف... راح كل منطق وكل اصول من باله...
ماات الحجي بلسانه عيونه التحجي شوگه الها وقهره منها ولوعه گلبه عليها...
حچي ظامه الها صار سنين بس هسه شيحجي وشيگول لزم گلبه يحسه راح يطيح ويروحلها ...
روحه فرفحت عليها...
مستلذ بشوفتها... يريد العمر يوگف على هل لحظه ميريد من العمر شي... 
شاف الصدمه بعيونها من شوفته وابتسامتها اختفت   ...

عرف راح تنزل عيونها وخشمها راح يحمر وشفايفها راح ترجف ما راح تحجي وتعض شفتها تمنع دمعتها وما راح تگدر... حافظها اكثر من روحها  اووف ربي شمشتاگ لعيونها ودمعتها
ونزلت دمعتها...

وحسها نزلت على گلبه ثلج اول مره يفرح لدموعها...
عرف بيها مشتاگتله عرف بيها تعاني مثله تذكره يعني، عيونها ما ناسيه ملامحه گلبها اتذكرني حس بولفه يمه...

كل فرحه اتبخر من اكتملت الصوره وشاف البصفها... رجع اتذكر ضحكتها وياه اتذكر هيه اله مو مالته، صوت سلطان الي صحاه من احلى حلم بس بالحقيقه طلع كابوس حياته...

حر وهو تايه باوع لسلطان يريد يعرف شيگله عقله ميجمع... گلبه ميريد يشوف ويسمع غيرها...

حر خويه شبيك صار ساعه الدكتور يحجي وياك يمكن داخ دكتور...

الدكتور أحمد حس باستغراب من وضع نمارق الي سكتت اول مدخلو والمريض يحاول يسأله على وضعه ميجاوب صافن على نمارق، يعرف نمارق جميله ودائما تصادفهم مواقف بس مثل هل مريض وجرائته مشايف حجه وهو يوجه كلامه لسلطان...

شيخ اي يجوز صار عنده دوخه من فقدان الدم... شتكولين نمارق

نمارق رجع صاحها...

نمارق وگوه گدرت تنطق وعيونها بعدها عليه... هااا

احمد... اگول خلي نفحصه ونشوف وضعه

نمارق بخفوت وهيه گوه بعدت نظرها عن حر وجهته لاحمد واديها دخلتها بجيوبها تخفي رجفتهن ... احم احم تمام

احمد أتقدم وهو يوجه كلامه لحر يحاول يكسر الجو المتوتر ... سياده الضابط گالو تريد

حر بحده وقهر وجه كلامه لسلطان وعيونه عليها... سلطان طلعه بره

احمد بصدمه... نعم

حر رجع يحجي وعيونه متشبع من شوفتها يحس بس يبعد نظره عنها تختفي وترجع تضيع... سلطااان كتلك طلعو

سلطان ميگدر يمنع حر عرف هيه گام وهو يحاول يلم الموضوع راح ... دكتور احمد بس دقيقه بره خلي الدكتوره تكمل فحص وتعال
احمد... يا اخي فهمني شكو

نمارق چانت ملتزمه السكوت وهيه لازمه ملفه من شافت وضعه حجت بخفوت... احمد اطلع اني راح افحصه واجيك

حر وصدره يصعد وينزل فقد اعصابه يريد يگوم يكتله ويخلص منه صاااح من قوه الصيحه وحركته القويه ظماد جروحه طلع دم منهن   ...
اطلع برا لا انعلو لابوك هسع وافرغ مسدسي براسك

نمارق گالت ابرود وحده وعينها على الملف... اخي الزم حدك، دكتور هو مو يشتغل عندك...
والمسدس مكانه برا وهنا احنا بمستشفى مو بشارع

سلطان باوعلها وهو يعض شفته بعصبيه وشاف وضع حر كره الدكتور وملحته كله بحده وهو يلزم ايده ويسحبه... بويه لتلح تراه مخبل وامشي

طلع سلطان او وياه احمد

اتقدمت منه تحاول تمشي ببرود وثقه وهيه تضغط عليه لدرجه اصابعها صارت حمر من الضغط على الملف تضم ضعفها بي...
ضغطت على زر... ورجعت لجهاز القلب تتحرك بهدوء وكانو هو مموجود...

الصمت عم الغرفه صوت أنفاسه العاليه هو المسموع يدل على درجه العصبيه الواصلها...

تحبينه...
همس بحده وهو يباوع لوجهها وين متروح

تباوع للجهاز وتسجل... ما حجت ولا كانو گال شي

رجع گال... نسيتيني

ما سمع رد... 

همس الها بقهر وحقد من ردها ودفاعها عنه  ...  تعشگيني عيونج متچذب الف واحد منه ميزيحون حبي بگلبج

هم ما ردت...

اتقربت منه خلت السماعه على گلبه جهاز القلب هو العلن عن الحرب الصارت بگلبه هل مره...

غمض عينه وهو يشم عطرها يريد يملي ريته يريد يرتوي منها... همس بخدر وهو على وضعه...
ول بويه صار شگم سنه ما متنفس...

ابتعدت وهيه أدير وجهها وگالت بنفس البرود... الانفعال الزايد مو زين للگلب تگدر تطلع

دخلت الممرضه بنفس اللحظه... گالتلها نمارق
بدلو ظماد المريض قبل ما اسجله خروج، وانطو جدول المراجعات

طلعت وهو يباوع لخيالها لحد ما اختفى... مثل الإعصار فاتت گلبت حاله وطلعت بهدوء...

الممرضه اتقربت منه... استاذ گوم

حر عاط بيها اتخبل وهو يگول ... براا
گالت بس  استاذ... كتلج اطلعي برااا
الدم ملا ظمادته... يريد يگوم بس ايده متعينه

دخل سلطان على صوت صياح حر...

انصدم من منظره الدم گام ينزل للگاع... حر اوگف يول دمك

حر بانهيار فقد اعصابه استند على الكومدي وهو لازم ضلعه... تعال گومني ارد اطلع

سلطان اتقرب منه يحاول يلزمه وما يأذي سنده يريد يرجعه للسرير...
حر بنفس حاله ... سلطان اختنگت طلعني

سلطان وگلبه وجعه على صاحبه كره الحب ليذل زلمه مثل حر ويخلي هذه حاله... خويه بس يداووك ونطلع

حر بغضب وقهر ... سلطان ما اتحمل بعد روحي گاعد تطلع اكلك مخنوك

رايد اسمع صوتك اشتاقيتلة 💔 ،
والعذاب بحبك احتاجيتلة
چفوفي تسألني عليك !!
احتاجت لـ لمسات اديك
گلبي ليش يريدك شسويتلة ؟

............. 💕

مساء الورد جميعا ♥️

البارت كلش تعبت بي.. إن شاء الله يعجبكم ♥️

ولي يطبق شروط الدعم يدزلي تم على الخاص

ادعموهم 👇👇 ومثل مكتلكم تابعو حتى يتابعوكم ولكل يستفاد ولي ميتابعكم لتابعو ✊

Hager0000

iizaii_79

# رأيكم

#يفدوه 💕