رواية الراقصه والسلطان الفصل الرابع والأربعون 44 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

ودعتك بلحظه أمنيتي اچلب بيك !!
أودع وأبجي مثل وداع الجنايز
كبرت بغيبتك بس ما گدرت انسى
وعرفت الفرق بين الصوره واللمسه
يكون الله يجيك احساسي وتحسه
وتشوف شكد وجع وياك متجاوز

........❤️

مروه عاطت متفاجئه ... لا بربج عود صدك

مجتبى اختفت ابتسامته گاللها بصدمه... شنو

نمارق گعدت گباله وگالت ببرود...شبيكم وافقت ازوج الدكتور قتيبه
بيها شي

مروه وهيه تصبلها استكان جاي... لا ما بيها شي

مجتبى بنفس الصدمه... بس انتي چنتي رافضه قبل يومين واليوم غيرتي رأيج فجأه

نمارق وهيه تاخذ استكان الجاي الي مدته مروه الها... اي عادي رجعت فكرت وشفته مناسب اليه وماكو سبب ارفضه علموده

مجتبى  يباوع بعيون نمارق وهو اكثر شخص شاهد على المرت بيه والمعاناه العانتها...

نمارق اني بكل مره ترفضين واحد يتقدملج ما اگلج... ولا اجادلج وكلهم ما بيهم سبب يرفضون بس اشمعنا هل مره  وافقتي ولو جنتي موافقه گبل ما استغرب بس... سكت وهو ميريد يذكره گدامها

گام وهو ياخذ تليفونه وسويجه... وگللها

فكري نمارق فكري... لتخلين لحظه عصبيه تدمر حياتج

وجه كلامه لمروه... شوفي الجهال كملو لبس خلي اوديهم بطريقي

نمارق وهيه تاخذ نفس گالتله وكانو تريد تقنع روحها ...

تشوف زواجي من قتيبه يدمر حياتي مو انته نفسك الي كتلي قتيبه خوش ولد وشاريج شنو الي اتغير هسه

مجتبى سحبها لحظنه وگللها بلهجه غير قابله للنقاش... ما تغير شي وقتيبه رجال ذهب ماكو منه وشاريج صدك بدليل هاي ثالث مره يرجع يطلبج مني...

بس انتي مو اي وحده انتي نمارق بنتي و بغلات روحي ما انطيج بسهولة انتي تتخيرين بين زلم مشوربة... اسمعي من اخوج وفكري زين...

نمارق حظنته بقوه لو تفدي بروحها متوافي السواه الها... محد خلاها توگف على رجليها وينقذها من ظلم ابوها الا هو
همست... الله يخليك اليه سندي

مروه اجت شافتهم بهل موقف عاطت... نمااارق وخري من رجلي

نمارق رفعت حاجب الها وهيه تبتسم وتحظنه اكثر ... اخويه وكيفي

مجتبى وهو يحاجي نمارق... اهو اجو العواذل والغيورين

مروه وهيه تعض شفتها گالت بتهديد  ... مجتبى من العواذل

مجتبى بضحكه... انتي حبيبتي

مروه... خوش مجتبى الباب اليوم راح ينقفل

مجتبى وخر نمارق من حظنه بسرعه... وخري السوسه تريدين تخربيني ويه مريتي

نمارق بصدمه وضحك... اخسس على الزلم الماتو بلحرب

ماما ننانق نننانق ...

گلبها دگ اول سمعت صوته ابتسمت اول ماسمعت اسمها منه وشلون متلهف عليها ...
نزلت لمستواه  شالته وهيه تبوس خدوده... ياا روح ننانق انته وگلبها

أمير وهو مبرطم...مامه اني ذعلان منج

نمارق خلت رجليه تحاوط خصرها وهيه حاظنته اديها من ظهره...وليش زعلان الأمير

أمير وهو يمثل الها باديه وصاير عصبي... ادك باب ادول نننانق اني مير وابتي هواي وهو يفتح اديه...
هوواي بتيت ونتي ما فتحين...
دتتلج مامه هدوله واوي وقثي دربوني واخدو تتوي

نمارق وهيه تعض شفتها كزكزت على خدوده باست أدبه وخدوده ... يروحيي مو جنت مريضه بيه اوااا وما ردتك تتمرض
اطيحلك حظهم واخذك للماركت اشتريلك كومه ككوات

مروه بخباثه تضحك عليه... لا نمارق جذاب هو اخذ حلوياتهم يتقوى بيج گدامهم ويهددهم بيج وذوله خطيه يطگطكون منج ينطو ليريده..
أمير وهو يخلي راسه على چتفها ويحضن رگبتها... مامه هاي تدابه، امثي نوميني نعثان اوفيها

مجتبى ومروه شبعانين ضحك عليهم...

مروه گالت... سوده عليه صارله كم يوم ما ينام إلا ينط من البجي
بس يسأل عليج...

نمارق تبوس بي... شسوي غير ما أريده يتمرض
مجتبى ...ترحين للمستشفى اليوم مو

نمارق وجهها اتغير ورجعتلها  الخنگه  اخذت اجازه مرضيه من ذاك اليوم وصدك من گد مبقت برا صخنت وحرارتها علگت وبقت نايمه بالفراش... حمدت ربها لان صدك اتمرضت حتى گلبها لو وزها تروح تشوفه متگدر...

اي اروح العصر عندي خفاره... يله حروح انام اني واموري

صعدت لغرفتها حست بانفاس أمير انتظمت عرفته نام خلته على الجربايه وغطته ونامت بصفه وسحبته لحظنها تبوس بشعره وتهمس... اسفه يروحي
أمير تعتبره ابنها ربته من اول منولد... فتح عينه عليها هيه السمته
أمير هو كل حياتها وكاتم أسرارها من جان طفل ينام بحظنها وهيه تشكيله وهو يباوعلها ويسكت تحسه يفهمها  ...
اتذكرت لازم تروح اليوم للمستشفى لشوكت تبقى تشرد منه...
اجت ابالها ذكرياته وياه...

Flash back

بقه حر يكسر كل شي گدامه فقد اعصابه ويصيح وهيه ظمت روحها بزاويه وحظنت روحها من الرعب خافت منه گلبها راح يوگف من الهبطه  وتباوع للباب لا يصعد احد من صوت الرگع ويشوفهم سوا  تنفضح ...

تريد توگفه تكله كافي صوتها مايطلع...

حر بصياح فقد كل اعصابه أتقدم الها اديها گامت ترجف من الخوف... لج ليش مگتيلي

نمارق بنبره ترجي وهيه تريد تدخل روحها بالحيط من الخوف...

فدوه فدوه حر اهده ونصي صوتك راح يسمعوك

حر وهو يريد يسمع جواب شافي منها  بالأصح يريدها تگول لا من الظهر لهسه يلوب وياكل بروحه...

بويه وانه انه شنو احجي  لانعلو لابوج لابو ابنو لعمج
والله اكتلو واكتلچ احجي لتخبليني... انتي مخطوبه

نمارق ودموعها تصب وتشهق مثل الطفل تريد تحجي متگدر...

لاااا ااي... حر فدوه خلي انزل والله ابويه يموتني

رادت تروح سحبها من معصمها رجعها لمكانها حاول يهدي نفسه وهو يشوف حالتها گلبه غصبا عليه حن عليها...

تعالي هين يول لتسودنيني اكثر...

نزل ايده لجفها وحظنه بين اديه وحجه بهدوء شكد ميگدر سيطر على نفسه خاف لا يصيرلها شي...

بويه نمارق ريحي لگليبي ترا موجر من وراج وحگ الله

راح يصيبني شي ولج...

روحي بديج احجي عاد...

نمارق وهيه تحاول تسحب ايدها من بين اديه ودموعها تنزل بصمت همست بخوف...

حر عوفني ارد انزل

حر عض شفته بقهر لزم ايدها بقوه وهو يباوع بعيونها المدوخاته وكل ما يباوع بيهن ينسى همه وروحه ...

وج بويه بس انطقيها مو مرمرتيني بالقرآن بداعت عيونج

نمارق وبجيها يزيد وهيه تباوع لباب السطح... اي مخطوبه لابن عمي عوفني عليك الله مالك شغل بيه...اني جايه هنا بس ادرس بداعت امك عوفني بحالي 

حر ضحك بعصبيه دار وجهه عليها وهو يباوع لعيونها بجديه وغضب... فجأ ترك ايدها بقوه
روحي بويه مالي خص بيج منا ورايح...

قبل لا تستوعب الگاله ما صدگت كاللها روحي... اتعدته بسرعه ونزلت تركض لغرفتها وقفلت على نفسها الباب شمرت حجابها وهيه تبجي وشنو عدها غير البجي تكره نفسها تكره ضعفها ليش هيه مو مثل باقي البنات ليش مو مثل خديجه تگدر تحجي وتدافع عن الي تحبه ليش ...

بس متگدر تجازف بدراستها هيه مقتنعه حر مو الها ومستحيل يصير الها...

همست بخوف بين دموعها... معقوله صدك بعد ما اله علاقه بيه

رجعت ترزل نفسها... كاافي سكتي تردين ابوج يذبحج خلي بعيد احسن وحيري بدراستج...

گعدت الصبح ولبست ملابس الجامعه وهيه متردده تروح لو لا خاف تشوف حر بعد الصار البارحه بس عدها امتحان تخاف اذا متروح  ترسب وابوها من يدري ميخليها تكمل...

نزلت وهيه حاظنه كتبها وعيونها تدور عليه  وكلبها يدگ جزء منها متلهف يشوفه وجزء خايف...
دخلت للمطبخ لگت عمتها ورونق...گالت صباح الخير

ردو عليها وعمتها گلتلها وهيه مبين عليها ضايجه... گعدي يمي اتريگي قبل لا يجيج ابو الخط..

عبست اول ماسمعت مراح يوديها... حجت بگلبها يعني البارحه حجيه صدگ انسدت نفسها

همست بخفوت... لا عمه ما اشتهي

رونق وهيه حست بيها... حر التحق عدهم إنذار فميكدر يوديج

نمارق حاولت تبتسم... يرجع بالسلامه يله عمه اني رايحه حنتظر الخط برا...

مرت الايام عاديه ذبيت حيلي على دراستي واغلب وقتي بغرفتي وخصوصا من تجي خديجه احاول حتى اكلي أخذه لغرفتي حتى لا احتك بيها ما اريد اسوي اي مشاكل...

مر شهر وهو ماكو يخابر امه وإخوانه احاول اسمع اخباره حتى يرتاح گلبي...

كل ما انام احلم بي... كمت اعوض شوگي لشوفته للنوم

لحد ما اجه يوم عيد ميلاد رونق وسوت حفله صغيره
رونق لبست وتمكيجت وصعدتلي لگتني بدشداشتي مال بيت...
ولج ليش ما لابسه لهسه ونزلتي وصلن البنات

نمارق باحراج... عندي دراسه رونق ما اگدر انزل

رونق... دگومي اليوم اني اللبسج ترا والله ازعل عليج

نمارق بخوف... لا رو

رونق... اشش ولا حرف يله كومي

نزلتها لغرفتها طلعتها بنطرون وفوكاه بدي اسود ردن كامله

نمارق بخوف وهيه عمرها مالبست البنطرون... إنتي تردين ابويه يذبحني على القبله شجايبتلي اللبس بنطرون عززه بعينج نمارق

رونق وهيه تضحك على خوفها... ولج ومنو كلج حر يقبل بس اني اللبسه بالبيت شبيج دجربي شبيج بعدين اليوم محد بلبيت كلهم طلعو كلتلهم نريد ناخذ راحتنه وخديجه الغثه يم بيت جدها يعني ناخذ راحتنا

وبعد ملحه رونق خلتها تلبس...

رونق باعجاب وصدمه... عزه بعينج على هل جسم ولج الدشداشه ما تبين جمالج بقه بس تفلين شعرج وهيه تجر قرأصتها وينزل شعرها لبعد موخرتها...

رونق كامت تصلي على النبي ... اكول العينتين عگلو طار وهج الله يساعدو...
والله اني بنيه وفاكه حلكي على جمالها

نمارق بعدم فهم... هاا 

رونق وهيه تغير الموضوع... بقى بس الكحل
كملت ونزلن والبنات كلهن اتعجبن بنمارق...
رونق... نمارق فدوه جيبي السيار فوگ لو بغرفتي لو بغرفه حر

نمارق شاورت رونق... رونق عيب شلون ادخل غرفه حر

رونق باستعجال وهيه تدفعها... ولج هو حر ملتحق شدراه

نمارق صعدت وهيه خايفه راحت لغرفه رونق وهيه تدعي ربها تلگاه...
وتالي ملگته...
اضطرت تروح لغرفه حر اديها ترجف اول ما وگفت گدامها تحسه گدامها...
رادت ترجع بعدين قنعت نفسها هو صارله شهر ماكو... وعدها حجه تدخل غرفته بدون محد يشوف

سمت وفتحت الباب... مگدرت الا تاخذ جوله بيها
شافت بديه اخر يوم جانو بلسطح مشمور على الجربايه...
شألته وحظنته... ماتدري بروحها هلگد مشتاقتله

..............

دخل سلطان وبيده علاليك الاكل وهو يضحك من شافه گاعد ...
الله حيو ابو حرب اي هيج ما صدگناك تگوم ...

حر وهو يعدل روحه ويضغط على شفته من ألم ضلوعه  ... اتحيا ودوم ابو شاهين

سلطان بعد ما گعد على الكرسي البصفه... احجيلي هسه الصار مدام احنه وحدنا

حر اخذ نفس وجر حسره... ابو شاهين شفتها وعگلي طار ما گدرت اصلب طولي ما گدرت اواجهها...

تذكر من اگلك يمكن اموت إذا شفتها ويااه...

ضحك باستهزاء وقهر ... ولك شفتها وتضحك وياه فرحانه بدوني عايشه بدوني، گمت ما شوف گدامي كل شي مات بعيني...

سلطان بهدوء... حر

حر صاح ولزم صدره من الوجع... لتگلي انسى سلطان لا اكفر بيك ولك متحس انته متحس بيه هذه شيقنعه... ولك هيه يوم يومين ونساهن ولك سنين عمري كلها راحتلها

سلطان ببرود... لك بويه كاافي لشوكت تبقى وراها خلصت عمرك

تطلب عشگها وهل صارت لغيرك يزي...

هااي ردت تموت روحك بسببها الخلگها ما خلگ غيرها

حر ضغط الزر نادى الممرضه ... ارد اطلع اختنگت

سلطان وهو يصفك ايد بأيد... الكلام وياك ضايع

دخلت الممرضه وعيونها تطلع قلوب من شافت سلطان...

سلطان گللها بجديه... شوكت نگدر نطلعه

الممرضه بلمت عليه... هاا، احم هل شي يحدده الدكتور الاختصاص
هسه اشوفه وهو يقيم الحاله

بعد شويه دخل الدكتور مازن... مساء الخير، ابو حرب جنك مليت منه
حر بمجامله...يولو جو المستشفيات يخنگني  يا ريت تكتبلي خروج

مازن وهو يشوف الاشعه ... وضع الكسور زين بس أقل شي اسبوع يله تطلع ويبقى القلب لازم يفحصه الدكتوره الاختصاص الي عالجتك وهي ماخذه اجازه  و من حظك اليوم عندها خفاره وبعدها نحدد شوكت تطلع...

..........

صباح الخير جميعا ❤️

اولا باجر انشالله انشر قصه قصيره على الانستا...

ثانيا... بنات الي طبقت الشروط ادزلي خاص طبقت... عمود اشوف حسابها

تابعو ___ومثل مكتلكم الي ميتابعكم لتابعو نريد الكل يستفاد

abs1995