رواية الراقصه والسلطان الفصل الخامس والثلاثون 35 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

ابو عامر بعصبيه وهو يگوم ...عجل احنه عرضنه رخيص شعندگ يولو جيتنه من الاول، وانتضرتها سنين ونته خاطبها منه ...

فيصل باسف ...ول بويه ابو عامر انه بشر وخطاء وغلطت ...

سلطان ...غلطه عن غلطه تفرق ونته اجرمت بحگ البنيه ...

فيصل او وجهه كله اثار ضرب ودم گام وگف گدام سلطان وكله وهو يگله بتوسل وندم...

اعرف بروحي خسيس ونذل وما استاهل ضفرها، بس بروح صداقتنا وعشرتنا لتاخذها مني،

الصار بيه مو شويه انه غلطت وهااي جانت غلطت عمري گلفتني ثلاث سنين من عمري مو عبالك جنت عايش لا وحگ عشگي الها جنت معلعل الله عاقبني لان ضلمتها لا انه الگادر اكمل حياته بدونها ولا انه الگادر ارد الها ...

التريدو سوي وهااي گدام الگاعدين سحب سلاحه من جعبته ومده لسلطان ...
باوعله باصرار ...

اخذو ...فتح اديه
اخذ ديه سمر وكسرتها مني بس لا گدام عيوني تنطوها لغيري...

سلطان باوعله ابرود من فوگ لجوه وگله ...ضبو سلاحك ورجعو لجعبتك ،

حسابنه انتهى وانسد هين
والبت هسع تطلگها وهو يبتعد من فيصل ويوجه كلامه للشيخ ...

شيخنا بلا امرأ عليك، هسع اريدو يطلگ عمتي
فيصل اتخبل من سمع كلامه وصااح بعصبيه ... وحگ الله اكتلها لروحي وما طلگها

الشيخ بحكمه وهدوء وهو يگوم ويگعد سلطان وفيصل بصفه على الجوانب...

استهدو بالرحمن واگعدو وبعدين يا ابني وهو يوجه كلامه لسلطان، ابغض الحلال عند الله الطلاق،
ليش ترتكب اثم وتكون سبب بتفريق زوجين ...

الولد غلطان صح وظلم زوجته وشك بيها وهذه لا يرضي،الله
بس القرار الاخير يبقى بيد الزوجه ميصير انته تقرر ...

سلطان وهو يوگف ...انه مو ظالم شيخنا بس احنه عرضنا مو رخيص وبنواتنا غاليات فلي ميقدرهن ميستاهلن ...هسع اصيحلك ام الشان

طلع سلطان وهو ناار بداخله رغم كل الصار ميهون عليه يشوف صديق عمره بهل حاله، ضربه من حرگه عليه

دخل للبيت وگف بلباب يعرف اكو نسوان جوه ميگدر يدخل دور على تليفونه ناسي يمهم ...بقه يباوع وحده تفوت ماكو...

تمتم ...يربي هسع شلون
شاف قمر طلعت من المجلس صااح
قمر ...قمر گربي هين ...تعالي

قمر باوعتله باستغراب وهيه ناسيه لبسها طلعت وهيه رافعه حاجبها ومتخصره گالت من وره خشمها ...نعم شرايد...

سلطان وهو اعصابه فايره راد يحجي اجت عينه على فتحه صدرها اتغيرت معالم وجهه ...همس بشي بعصبيه ما سمعته ...

مسح وجهه بايده بعصبيه وباوعلها وهو يلزم زندها ويقربها اله باوعت بخوف من نظراته...
عجل انه شگلت ...

قمر تباوعله بخوف بس لازم تعاند وهيه گلبها يدگ الف بلثانيه ..،ايدي وخر شبيك

رجع عااد كلامه ...وهو يهز ايدها
سلطان ...انه شگلت، ولج احجي
قمر بوجع ما گدرت تخفي ... وخرر، اتخبلت

سلطان وهو يلزم الفستان من صدرها ويسحبه وهو يغلي ناار ...

هذه مو گلت ينضم، مطلعتو المن، هاا فرحتي هسع من شافج وصورنج وراح تصيرين سالفه رجولتهن لو لمحج واحد من الولد، وانعجب بجسمج ...

يحجي وهو يهزها بين اديه واصابعه منبوته بزنودها كمل ...ليش تعانديني، ليش تخليني انجن عليج يله ترتاحي ...
تروحي هسع بلعجل لغرفتج تبدلي وما تطلعين منها، والله اذا كسرتي كلمتي هل مره، لاشلحو الج بايدي واتركج تستعرضين الي بدونو ...

يحجي وهو يشوف الدموع بعينها ...لعن نفسه ولعن صعفه گدام دموعها ...
رادت تروح رجع بدون تفكير سحبها اله الحضنه رفع اديه يمسح دموعها ...

اول ملمس وجناتها طگت من البجي وصاحت بي بزعل منه ومن نفسها الشخص الوحيد الي بكلمه منه يخليها تنزل دموعها وبكلمه يخليها طفله مطيعه بين اديه ...وخر مني، ،وخر

حضنها الصدره وهو يهمس الها ويمسح على شعرها...اشش،اشش اهدي

شويه وسكنت بين اديه، همس الها اسف
رفعت وجها من حضنه بتفاجئ عيونها وخدودها وخشمها حمر ...

ابتسم بطرف شفته وگال ... يولو بطلي عناد ،شلون بيك يسلطان شوف الوجه انگلب طماطه
ابتسمت لكلامه ...

باوع الها شويه ورجع گال وهو يتذكر ،شوفي نسيتيني لشنو اجيت روحي صيحيلي سمر وخليها تلبس شي مستور وتجيني منتظرها هنا ...

*****
انه المگروهِ ... أّنِهِ أّلَعٌأّشٍگ
أّنِهِ أّلَدِوِمَهِ  لَلَقِهِر لَأّحٌگ ...
أّنِهِ أّلَمَخَنِوِگ مَأّ أّفِّرحٌ ...أّنِهِ أّلَمَجِروِحٌ مَأّ أّجِرحٌ
أّأّنِه أّلَوِلفِّه خَذّوِهِ مَنِه !!
أّنِه أّلَمَأّلَهِ بِعدِ جِلَمهِ
أّنِه أّلَضّأّيِّع ...أّنِهِ أّلَهِأّيِّمَ
أّنِه أّلَمَأّ عٌمرهِ أّبِدِأّ نِأَّّيِّمَ
انه الفانوس بِأّلَمَنِثّر ...أنِهِ أّلَبِخَتّهِ شٍگثّر عٌثّر
أنِهِ أّلَأّحٌلَمَ گوِنِ أّشٍوِفِّنِهِ ...أّنِهِ أّلَلَيِّلَيّ بَِّس أّجِلَمَنِه
أّجِلَبِنِګ يِّلَيِّلَيِّ وِمَنِ تّطّوِلَ أّفِّرحٌ ...
لَأّنِيِّ بِيِّګ أّنِوِحٌ وِبِأّلَنِهِأّر أَّّسرحٌ !!
گأّلَوِ بِأّلَفِّجِر أقِرهِ وِأّلَمَ نِشٍرحٌ
بِلَجِنِ گلَبِګ أّلَلَهِ يِّزِّيِّلَ تّعٌذّيِّبِهِ ...

بلحظه كل حواسي جمدت ايدي بادت وگع التليفون مني ،كل شي بيه جمد، عيوني غيرها گامت متشوف وگامت تسئل گلبي هيه صدگ لو گمت اتخيلها مثل كل مره بس اني مشارب هسه مو وگت لقائنه، معقوله هذه واقع لو حلم وصلت لدرجه اشوفها بوجوه كل الناس بدون ما اشرب ،

يا گلب ليش جبرت عيني تشوفه !?

بس لا هيه مو هيه نمارق ،الخلت بيه الف عله، نمارق الشيبني عشگها ، نمارق السهرتني سنين هيه المنعت عيني من النوم ، گلبي گام ميدگ گمت ما حس لا برد لا حر لا فرح لا حزن، ، زين شبيه شصار الهوا گام يخنگتي،ارد احرگ جسمي يبس بمكانه اشوفها گبالي واگفه وتضحك وهو گبالها
گلبي گام يگول الكبرتها بيدك، الفتحت عيونها وردت لغيرك كبرانه بنيتي بحضنه، حليانه بفراگي

بثانيه اندارت وصارت عيونها بعيوني رجعتني لسنين هل نظره، اووف يا سحر عيونها،
وره لحظات استوعبت عرفت معنى اليموت يعيش من يبعد سنين ويلتقي بخله ...

هيج انه هسه ،سنين واني انتظر هل لحظه جنت انتظر اشوفها، اشوف حالها بدوني شصار بيها،زين گلبي شيجبره ...
جنت منتظر اشوف الندم، الكسر ،
ضيعت سنين عمري لخاطر هل لحظه، بس الگاعد اشوفه عكس كل توقعاتي ،
عايشه حياتها اله ، ناسيتني وانه الما يوم مرت لحظه بدون ما اذكرها ،حبته وهجرت حبي ، موگفت حياتها عليه بس هيه موجوده بحياتي حتى بعيوني من ادور الگه الها ذكريات ، زين انه ليش وگف عمري عليها، زين انه ليش فنيت عمري بعشگها ...
حبها كبرني احس روحي عجزت ضيعت عمري بين شيب وقهر،

رجليه رجعتني مگدرت اواجها ضعفت اعرف بروحي مو گد عيونها، اعرف گلبي راح يذلني گدام نظراتها،رجعت وانه اگول لروحي
انه حر الما خفت بعمري من احد خفت اواجها، انه حر الما هزني اكبر رجال هزتني نضراتها ...
رجعت وصوت شبه اركض صعدت سيارتي كمت اضرب بكل قهر گلبي ...
شرجعج ولج شرجعج هسه، ولك امداگ يگلبي الضيعت سنين عمرك عليها وهيه عايشه وياه وتضحكله ...

گمت اضرب صدري ودموعي تنزل ...
ريت گلبي ما هوا، ولج صرت انه والميت سوا
ولج ضنيتج فرحه عمر ما ضنيتج تبجيني ...
ولج ابجي عليج كل ليله مثل الاطفال واصبر روحي بصورج ...اگول تاليها ترد تالي حقي يرجعلي
رجعت راسي وصافن ع اليطلع ويطب من المستشفى شفتها طلعت ترگض وعيونها تدور عليه يمكن عبالها حلم مثلي

...همست بوجعه گلب
ربي گرب منيتي، شعندي عايش بعد
هيه وناسيتني ...
ولج عسى الله لا يهني بيج ...
شخطت السياره بسرعه بلا وعي ...ماا اريد شي،بعد حياتي صارت لا شي ...
گمت ازيد السرعه
واني اتذكر قبل سبع سنوات ...اتذكر وعودنا وحبنا وايامنه ...
كل شي گدامي صاار اظلم ...

flashback ...

رجعنه للديره بعد ما خلصت الفاتحه، جنت اتمنى اشوف عيونها گبل ما ارد ... وجانت ذيج الليله وااخ من ذيج الليله مدري شلون اجه النوم لعيوني هدبها سحرني وانوب تبجي وضوه الگمره حاضن خديداتها ، وجابت گلبي حسيت بذيج الليله خسرت گلبي، اخر مره اشوفها جنت اتمنى اخذها بايدي واوديها لجدها ... وعدت نفسي بليلتها راح يجي يوم واخذها لهناك ...ما اعرف ليش وعدت نفسي بهل شي ما اعرف ليش شغلت تفكيري، الكل لاحظ عليه تغييري احس صرت مراهق ...
صار لا ليلي ليل ولا نهاري نهار ... گمت اگعد يم امي انتظر تطلع حجايا منها بيها اسم نمارق ...لان كل ما تخابر بيت خالي تحجي وياها وانه اضل اكل بروحي
واگول معقوله هيه هم تفكر بيه هسع ..
جانت مگابل تليفون امي تعوفه بلربعه ...بقيت مگابله كل ما يدگ التليفون امنع الكل يجاوبون بحجه انتظر مكالمه من الدوام اجاوب بكل لهفه وتخيب ضنوني وبدي اكسر التليفون من القهر ...
اسمع اخبارها من امي ...اگعد يمهم اسوي روحي ممنتبه الهم واني كل حواسي تنتضر حجايه حجايه عليها ...
العرفته عدها امتحانات بكلوريا سادس، ابوها مجان قابل تكمل بس جانت وصيه جدها حلف ابوها يخليها تكمل ...

شگد اكره طاري ابوها احسه سبب نظرات الخوف والضعف بعيونها وسبب دمعتها وشگد جنت اتلهف اسمع طاريها ...
بس كمت الوم بروحي شمالي شصابني عليها انه ابوها ما اطيقه ،وقررت ما افكر بيها لان مستحيل ننجمع، ليش اعذب روحي
عدت شهور وانه هذه حالي وشوگي يزيد كمت اگضي اغلب وگتي بلدوام ...اصعد للدوام ابقى ادرب واشغل نفسي بكل شي،في سبيل ما افكر بيها ...
كمت الزاد ما اشتهي ... يربي شبيه اتخبلت
سحرتني هل بت ...بهذلت حالي هسع هيه هم هيج تفكر بيه لو بس انه صرت مخبول بيها ...
الى ان صار انذار بقيت شهرين بلدوام بدون نزول نسيتها او اتناسيتها ويه التدريب والقتال امي جانت تخابرني تطمن عليه تسئلني شوكت اجي اگلها يمه ما اعرف ...
صار نزولي بشكل مفاجا ...نزلت وجنت ميت تعب ...وصلت بلليل لاهلي عرفت الكل نايم
دخلت للحوش باوعت للربعه فارغه ...
طبيت للهول وذبيت جنطتي سمعت صوت بلمطبخ
گلت اكيد رونق ام لسان مشتاگلها ...
دخلت على كيف للمطبخ ...شفتها مطيتني ظهرها
وگاعد تشرب عصير يمكن ...
وگفت وراها اعرفها تضوج من شواربي اذا ابوسها ...
مديت راسي بستها بخدها واني اتعمد اخلي شواربي اطخ بخدها ...
واني اكلها بضحك وخبث ... الله حيو الحليوه، مشتاگلج ...
جمدت بمكاني من اندارت و شفت نمارق ايدها على خدها البستها منه وهيه فاتحه عيونها بصدمه والخدود صايره حمر ...

گمت اهمس بشرود وصدمه وانه صافن بعيونها وشفايفها المفتوحات بصدمه وانه اتقرب منها ...هسع اذا بستج بلحلم تزعلين مني يول،

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

عدد الكلمات: 1400 كلمه

صباح القهوه ☕...

#يفدوه