رواية الراقصه والسلطان الفصل الرابع والثلاثون 34 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour
الفيسبوك: حور حيدر

❤️ تابع الصفحه وصوت للبارت فضلا وليس امرا †

سمعنا صوت رمي وصياح واحد بره يعيط  ...
شيخنا وگف كل شي ابشرك عقدكم باطل ... شلون تعقد لوحده متزوجه، عروسك مريتي واليوم جاي اكتل ليريد ياخذها مني ...

سمر فزت من مكانها وهيه تباوعلي وتهمس فيصل، 
ركضت سمر بدون وعي للباب رحت وراها ...
طلعنا واحنه مفزوعين من الصوت الزلم بالمجلس الخارجي واحنه بلصاله ...

وگفنا بلباب لان الزلم كلها بره واحنه نشوف واحد عرفته فيصل من كلام سمر واگف ولازم مسدس وموجها على واحد ...
شفت سمر تريد تتقدم وهيه تشوف سلطان يطلع ...
لزمتها حسيت بايدها ترجف ...
گتلها ...سمر اوكفي،وين رايحه
سمر بخوف ...لج قمر متشوفين المخبل شگاعد يحجي هذه اتخبل رسمي، لج مراح يعوفني اعيش حياتي يربي شگاعد يسوي راح تصير مكاتل بينه وبين سلطان ...
طلعت الشيخه واشرت بعصاتها وصاحت بعصبيه...فوتن جوه شمطلعجن يم الزلم
سمر والدمعه بعينها ...بس يمه سلطان
الشيخه بحده ...ما الج دخل انتي، زلم بينهم وهمه يحلون المشكله فوتن يله ...
فتنه جوه وبقينه نباوع من شباك الاستقبال ...

الشيخ ...ابني استهدي بالله ميجوز الگاعد تسوي، عندگ حجي گوله .

فيصل وعيونه تجدح ناار وهو بين عيونه ميشوف الا جاسم وهو يوجه سلاحه عليه، صااح بعصبيه وتهديد

لا شيخنا ويه هل سربوت ميفيد الحجي، وحگ الله اليوم لخلي الگاع تشربو لدمك يا خسيس  ...حذرتگ وكتلك اذا تعتب هل بيت  وهو يتقدم بين الزلم ويواجه جاسم اليباوعله بنظرات ترعب ...
جاسم وهو خايف من فيصل بس يستسبع بلزلم الوياه ...راح تصير مرتي غصبا عليك
محس الا فيصل ضربه بوكسي كومه بلگاع ...

صاح ابو وهو يركضله ... لك ليش ياا ابن ال

عااط فيصل ...كمل حجايتك وامدگ بصف ابنك

ابو عامر بحده ...فيصل اكسر الشر واطلع منا، ما الك شي،عدنا لتالف حجي

فيصل وهو يوجه نظره بينه وبين جاسم ... لا الي ابو ابو عامر مريتي عدكم ...وتعرف بيه ما گول كل كلمه انه مو گدها ...
ابو عامر وهو يباوعله بنظرات اسف رغم الصار بس بعده يعزه ميگدر يكرها ...عرفناك زين ،روح فيصل اي مره ما عندك يمنه، بتنه طلگتها وانتهت السالفه من ثلث سنين ما الك حگ تحجي بيها گدام الوادم

فيصل بقهر وعصبيه ...لا الي الحگ اختك حقي انه وبس
فيصل وهو يطلع العقد من جيبه ...لا ما مطلكها والعقد هين بجيبي...
الشيخ اخذه منه ...وبعد دقايق باوع لابو عامر وللزلم
العقد سليم والحرمه مرته ...

جاسم عاط ...اكيد مزور جذاب سمر خطيبتي

فيصل وهو سحب اقسام ...وبدقيقه رمه بصف رجله
ابو عامر صااح ...فيصلل
وجاسم گام يطفر ويصيح عباله اتصوب ...حتى لتجيب طاري مرتي على لسانك مره ثانيه
فيصل بتهديد وهو يوجه كلامه لابو جاسم... اذا ما حذت ابنك وطلعت من هين لاخليك تاخذو محمل بتابوت ...
ابو عامر وهو يريد يكسر الشر ...ابو جاسم اخذ الولد واعذرنا من الشفته عدنه ما الك نصيب يمنا
ابو جاسم بخوف وهو يشوف فيصل ميتردد لحظه بكلمته ... امشونه بويه ما النه مره يمهم
اخذ ولده وطلع ...
ابو عامر بعصبيه وبعد ما الكل طلع بقه هو والشيخ وفيصل واگفين...انته شنو تلعب علينا، انته مو مطلگ سمر ومتريدها،  مگفاك السويته بيها رجعت وكسرت فرحتها ..
اتقدم منه يجفته من ياخته ...حسبالك اعوفك اخذ روحك وما خليك تكسرها مره ثانيه

الشيخ وهو يسحب ابو عامر ...ابو عامر مو هيج الحجي خل نگعد ونفتهم منو وشيريد ...

سلطان وهو لازم سلاحه وجان لازمه ابو ناصر وذياب بلمجلس ما خلو يطلع ...صااح وهو گوه لازم روحه كدام جده

جدي عوفني الخاطر النبي ...وبصياح گال
ول يابه بعد السوااه وجااي بنص بيتي يتهدد والله لاكتلو ...

ابو ناصر وهو يحاول يهدي لان يعرف بس،يتلاگون سلطان وفيصل تاليها مو خير  ... بويه استهدي بالله لا اتكاون وياه هسع ابو عامر يحلها

بهل لحظه دخل ابو عامر او وراه الشيخ وبلاخير فيصل
سلطان اول مشافه عااط بذياب المكبله من اديه ... هدني
ذياب وهو لازمه ... ابو شااهين

صااح سلطان وهو الشياطين تفتر براسه بفيصل شجاب هذه الخسيس هين

فيصل باوعله ...جااي اخذ مرتي

سلطان ما انطاه مجال لذياب دفعه ومشه بسرعه لفيصل وجفته ضربه ونام فوگه وهو يضربه ويصيح
شجابك يا نذل يا خسيس، مو گتلك ما اريد اشوف وجهگ بعد، جااي تريد تكمل غدرك وطعنك بضهري يا جبان ...
هاا مو هاي المتريدها مو هااي العفتها بليله عرسها

يضربه وفيصل مستسلم ميدافع عن نفسه ، يريده يفرغ غضبه يدري بنفسه يستاهل على السواه بي وبسمر طعنه بضهره وغدر بي  ...
ابو عامر وذياب يسحبون بي وميگدروله انهد عليه وفقد گام ميشوف گدامه ...
الا ان عااط بي ابو ناصر من شااف وجه فيصل گام مينشاف من الدم ...ودفعه عنه

صااح سلطان بقهر ...ياابه خل يموت جلب ومات، لك ياابه جان صاحبي بمعزه الروح تعرف شنو صاحبي اخوي، امنته على بنيتي وجاان خسيس مو گد الامانه كسرها وهسه جااي شعنده فهمني شعنده ...
فيصل گعد وهو يباوع لسلطان ... كل السويته والحجيته حگك بس انه الصار غصبا عني، وتدري بيها تمشي ويه روحي والسويته جان غلطه حياتي بس انه رجال اعشگها ما اتحملت الشفته والمصلحتها عفتها ورحت بوكتها ...

سلطاان ...لتحجي كل شي ماا اريد اعرف اطلع بره
ابو عامر گوم فيصل ...سلطان اگعد خل نفتهم كل شي لشووكت تبقى هل عداوه

سلطان بحقد ...تبقى لاخر يوم بعمري، هذه خسيس وماله امان امنت بي مره وهل غدرني
الشيخ صااح... ولكم بويه تهدو وتعوذو من الشيطان ابو ناصر گعد ولدگ شنهي ما الك كلمه عليهم ...

ابو ناصر بعصبيه ...كاافي تهدوو سلطان تعال هين بصفي ...احجي شيخنا

الشيخ گعد وگعد فيصل بصفه وهو منزل راسه ...گال يله بويه فهمنا على كل شي الصار

فيصل قابظ على ايده وهو يحجي ومنزل راسه ويحس،الكلام يجوي قبل ما يطلع من حلگه...شيخنه قبل الحنه بكم ساعه وصلني صور لمرتي ويه واحد او كاتب متريدك ليش تجبرها تاخذك وهيه تحبني وانه نايم وياها وبده يوصفلي جسمها ،اتخبلت من شفتهن بس ما صدگته ...ادگ ميجااوب لعب باعصابي ودمرني من الانتضار
الحدما سمعت تسجيلات بصوتها وهيه تگله احبك وحتى لو ازوجت تبقى حبيبي ...

شتتوقع مني بهل حاله اسوي من حبي الها وخوفي على سمعه صديقي مردت اشهر بيها مردت ائاذيها لان هيه اغلى من روحي ...اخذت روحي وسافرت
وبعد فتره اكتشفت الصار لعبه من ناس قريبه عليه دمرت حياتي بسبب حقدها ...مگدرت ارجع ما الي عين اواجها هيه اول شخص وسلطان بس مگدرت اصبر اكثر هوايه ضيعنا من عمرنا بلحقد والانتقام ، اجيت اخذ مرتي والتريده يجرالها بس ترجعلي ...
سلطان اول ما سمع گام يصيح وهو يسحب سلاحه...
ياا عاار تشكك بشرف سمر،روح خلي الصدگتهم يفيدوك  اطلع بره حلم ابليس بلجنه ترجعلك سمر ..

*****

عاامر طلعت من غرفتها شفت قاسم بلممر دخلت بسرعه باول غرفه اجت گبالي ...
هذه شجابه الحقير وشدلاه بمكان فيان اكيد راح يستغل وفاه امها وياخذها ...
انتضرني بس اضمن سلامه فيان اذا ما سگطتك بايدي يا نذل ...
انتضرت شويه وفتحت الباب باوعت ما شفته طلعت باوعت بلممر مموجود ...

رحت بوجهى لبيت جنيد ...
وگفت بلركن شفت السيارات ماليه الشارع واللوحات العليها الانبار عرفتهم بيت عمها ...

خابرت جنيد كتله اطلعلي للركن بدون ميحس عليك احد ...
شفته طلع، وصل فتحتله الباب وصعد ...
گال ...هاا عاامر شكو وليش رحت هيج مساعه

عامر ...انته الي احجيلي ولد عم فيان شيسوون هنا

جنيد باستغراب ... ونته شعرفك ذوله ولد عمها بعدين شعرفك بفيان اصلا

عامر وهو يضغط على سنونه من التفكير ...اني الوصلت فيان وشردتها من ولد عمها وجبتها لهنا

جنيد بتفاجئ ...هذه انته الساعدتها بطلها الخبصتنه بيك ...

عامر بحده وهو گلبه يوجعه كل ما يذكر فيان...جنيد ركز ويايه مو وكت سوالفك احجيلي شجابهم

جنيد ...لك ذوله جايين ياخذون فيان يگولون امها وماتت ماكو صله قرابه بينكم ...المشكله القانون وياهم وهمه اوله بيها، واحنه حايرين شنسوي وفيان وصيه خالتي منگدر نفرط بيها لذوله الوحوش

عاامر بدون تفكير گال ...اني اتزوجها

~~~~
بمكان ثاني گاعد بلمكتب وهو يفكر بحسام الي كل ساع مخابره، لازم يوفي بوعده بس الي موگفه سلطان

قاطع تفكيره تليفونه ...جاوب بصوته الخشن
ابو حرب ...نعم
اجااه الرد من الطرف الثاني

گام على حيله وهو ياخذ سلاحه يخلي بجعبته وجگايره نها المكالمه وطلع ...
وصل للمستشفى بعد ما وصله عدنان اتحسن ويگدر يعرفهم منو الباشاا الجبير ...

دخل سئل الاستعلامات على رقم الغرفه ...

مشاا بلممر وگف گبال الغرفه قبل لا يدخل للغرفه اجااه تليفون رفعه لاذنه ...وهو يرفع راسه
بلحظه التليفون صار بلگاع ...وكل حواسه اتجمدت

الراقصه والسلطان
#حور حيدر
#الانستغرام: enghour98
الواتباد: eng_hour
الفيسبوك: حور حيدر

❤️ تابع الصفحه وصوت للبارت فضلا وليس امرا †

عدد الكلمات :1300 كلمه
صباحكم ورد وسكر 🇮🇶❤️🇮🇶 ...
#يفدوه