رواية الراقصه والسلطان الفصل السادس والثلاثون 36 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

،
حسبالي العشك بالكيف ..
شمدريني من انام الليل
لونك ينشمر بالطيف !،

،،

كل شي صاار عبالي حلم، حلم من احلام اليقضه الي بطلته هيه بكل مره ...
بس هل مره طعم بوستها حقيقي بشفايفي ملمس خدها الناعم، خجلها، خوفها، رجفتها ،تحت لمستي
كل شي حقيقي گدامي ،وعيونها اووف يا عيونها البهذلت حالي ...
اخاف احجي ويطلع كل شي،حلم اريدها تبقى اطول وكت وياي،اريد اروي شوگ عيوني، بشوفها

دموعها وشهگاتها هيه الصحتني من افكاري  ...هسع استوعبت هيه گدامي، يرربي صارلي شهور اتمنى اسمع صوتها تالي اجي للبيت الگاها گلها گدامي...
زين شجابها لبيتنه اول مره تجي النه هين ، معقوله جايه زياره ويه اهلها ...

همست بلا وعي وانه اشوف اللعابه الگدامي انه شفتها بلحجاب وانجنيت انوب هسع گدامي مفرعه والشعر الاسود مرفوع وخصلاتها نازله على الرگبه البيضه، خرب شگاعد اسوي انه بروحي هسع على هل ضيم شسوي بروحي
، حر اثگل، حر البت اول مره تجي، لبيتكم لا تفضح روحك ... واني امد ايدي على خدها ...،
ول يابه شتسوين هساع هين ...

رفعت عيونها متروسه دمع، گلبي سئلني ...ليش انه كل ما شوفها تبجي،
رادت تمشي من يمي وهيه بجيها يزيد ...
گبل لا تتعداني لزمت زندها ورجعتها گبالي واني اهمس بحده لمت روحي عليها لان رجفت جسمها زادت جوه ايدي  ...ليش يولو تبجين كل ما دحگتيني، هيج تخافين مني ...

ما جاوبت وبجيها زاد وهيه منزله راسها ...
كتلها بعصبيه واني ارفع راسها  ... جاوبي و دحگيلي ويزي بجي ، ليش تبجين

باوعتلي والرعب بعيونها من كلامي همست بين بجيها  ...من وراك ،وخر خل اروح

رفعت حاجبي وكتلها ...جاوبي،ليش مني
سكتت وبس دموعها تنزل ، احسها كلش شفافه وهشه بسرعه تنكسر وتنجرح ...
نمارق همست بتوسل ...عوفني الله عليك، ربي راح يغضب عليه لان شفتي بلا حجاب ...

نفسي زاد ويه رجفتها، كوه لازم روحي عنها ما دفنتها بحظني،
ابتسمت على كلامها وبرائتها معقوله اكو هيج بنيه ...
يول راح اعوفج وادير وجهي،  بس گولي ليش انتي هين

نمارق بصدق وعيونها حمر ...عطشت ونزلت اشرب مي والله ...

طكيتها بضحكه غصبا عليه ردت ادير وجهي عليها صاحت ...لتدور
، لا ناويه عليه اليوم ...كتلها
شجابج بلبيت هين اقصد اجيتو زياره
نمارق بخجل...لا اجيت ادرس اهنا،طلعلي كليه طب بجامعه الانبار وابويه راد يبطلني بس عمتي ام حر، اجتني واخذتني وياها، وگالت الابويه تكمل دراستها يمي ...

حر ...اول مره خالي تطلع منه شغله زينه، يعني راح تبقى يمنه، ضحكت بفرح واني ما مصدگ الگاعد اسوي ...گاعد احجي ما حسيتها الى رگضت من المطبخ باوعت وراها وابتسمت على تصرفاتها ...
مستغرب من نفسي، انه طول عمري ما عندي علاقات بلجنس الثاني دائما اخليها حديه وعلاقاتي مختصره بامي واختي رونق ...

وامي شگد تحاول من يجن بنات عمي تريدني اسلم لو ادخل اسولف انه ما حب ،اسلم من الباب وانه مدنگ واطلع گبل ...
بس هل بت من شفتها للساع وانه مو انه، من لحظه الشفتها ودعت حر،

صعدت الغرفتي وبقيت اللوب، معقوله انه وهيه جوه سگف واحد ...
گوه غمضت عيني، وسيطرت على نفسي،الي تدفعني اروحلها ...

گعدت الصبح على صوت هورن يدگ بلباب ...
فزيت عبالي صديقي جايني طلعت بطرگ الفانيله والبجامه ...

نزلت طلعت للباب شفت سياره صاحبها ولد شاب او وياه ولد بلصدر وبنيه وره ...

كتله ...گول خويه المن جاي

گال الي بلصدر ...ننتضر نمارق

اني گال اسمها فورت وهسع اتذكرت هيه يمنه ...زين شنو ينتظر نمارق ...
كتله بحده واني اتقرب من الباب لزمته من ياخته باگ هوا هو  ..  شنو تنتضر نمارق لك اذا اجيب اسمها بلسانك اكصو الك افتهمت ...
السايق گال بسرعه ...خويه اتهده قصده ننتضر اختك الطالبه انه ابو الخط مالها
نترتو من ايدي ...وكتلو
اتوكل منا، بعد لتجيها
عفته وطبيت جوه ...صاارت گدامي نمارق مدنجه تلبس خذائها وضهرها اليه ...
فركت وجهي بقهر على هل شوفه من الصبح ...لابسه جبه وجسمها بارز بيها عيوني مكدرت تغض البصر ...

گامت اندارت انصدمت بيه نزلت عينها بسرعه وهيه تريد تمشي ...
صحت بيها ... اوگفي وتعالي هين
نمارق بخوف وهيه منزله عيونها مترفعهن  .. بس الخط ينتظرني بره
حر بحده ... ماكو خط بعد مشيته انه ..
نمارق باوعتله بصدمه وقهر رجعت نزلت راسها من شافته لابس فانيلا ...ليش هيج سويت

حر وهو رافع حاجبه ... خط ماكو وانه اوديج للكليه

نمارق بقهر ...بس اني اريد اروح بخطي شنو دخلك

حر بعصبيه وهو دمه احترگ كل ما يذكر هل حقير الي بلصدر يشوفها يوميه ويحوز معجب بيها وهو صوته يعلي... الظاهر هيج الخط عزيز عليج هو والبي، دحكيلي لج فوتي جوه هسع ابدل واوديج انه كلمه زايده ما اريد ...
مشت گدامه وهيه تدخل ...
صااح بصوت حاول ينصي وهو يعض شفته ودار وجهه ...اشتعل ابيج

دخل وراها للمطبخ شافها گاعده مبرطمه على الميز ...وامه هسه اجت ...
من باب المطبخ ...
اول مشافته ضحكت بفرح وهيه تحضنه ...حضنها وهو يشم ريحتها لزم جف ايدها باسه وباس راسها ..
گللها بشوگ وحنيه ...شلونج الغاليه
ام حر بلهفه ... بشوفتك يمه صرت بخير، شوكت اجيت وليش،ما كتلي
حر ..ما ردت اتعبج

ام حر شافت نمارق گاعده ولازمه ملازمها ...يمه شو ما رحتي لجامعتج
نمارق وهيه تباوع لحر بضوجه بس متگدر تحجي من الخوف ...
حر سبقها وگال ...انه ما خلينها ،
ام حر باستغراب ...ليش يمه، وانه گوه قنعت ابوها يخليها عدنا تدرس، شني ما تخليها

حر بعصبيه ...يمه خط ماكو انه اوديها،
ام حر ...شلون انته توديها وبايام دوامك شلون تروح بعدين الخط ابوك شافه الها ابن صديقه ومعرفه وامان الولد وهيه مرتاحه وياه ...
حر بعناد وهو يباوع لنمارق ...گلت متروح بخط يعني متروح، وهسع ابدل واوديها، وعود منا لحد ما اصعد انه احلها  ...
وانه صاعد ابدل واجي ...

بدلت ونزلت والسويج بيدي ...گتلها بأمر
يله امشي ...
مشيت متعمد گدامها لان اعرف بروحي شراح يصير اذا مشت گدامي ...

صعدت بلسياره ...شفتها فتحت الباب الوره ...
باوعتلها بلمرايه وكتلها ...

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

للتوضيح :

بنات حاليا، دا اذكر قصه ابو حرب ونمارق