رواية الراقصه والسلطان الفصل السابع عشر 17 - بقلم hour writer 🐆

"لا احلل اي شخص ينشر الروايه بدون ذكر الحقوق"

الراقصه والسلطان
#حور حيدر
#الانستغرام: enghour98
الواتباد: eng_hour

دخلت للغرفه بسرعه وقفلت الباب ...ضهري ع الباب ودموعي نزلت وحدها وايدي على رگبتي اتلمس مكان وحشيته وهمجيته واني اتذكر الصار و كلامه قبل شويه ويه هذه الوحش حسيته وحش بمعنى الكلمه ...

قبل لحظات ...

قمر وهيه تباوعله بتحدي وتحاول متبين وجعها تحس باصابعه مثل الحديد ونبت بايدها ...

اتقربت لرگبته وهمست باذنه وهيه تبتسم بخبث بطرف شفتها وانفاسها تضرب نحره حست بقبضته على اديها رخت وجسمه اتصلب وانفاسه زادت سرعتها ،سحبت اديها من اديه ورفعتهم الصدره بحركه بطيئه وسندت اديها بصدره ...

شايف هذولي الحيطان، اذا ترگع راسك بيهم واحد واحد هم ما ارگصلك مو قمر الي تبيع وتشتري بيها بفلوسك يا ابو شاهين...

وهيه تهمس اسمه باستهزاء بلحظه عضت رگبته بكل قوتها ، ودفعته عنها وهيه تدفع صدره بأديها ...

اتحركت بسرعه تريد تشرد منه وتبتعد، بس للاسف خطتها جابت نتيجه عكسيه محست الا واديها رجعت بقبضه الحديديه جرها بقوه لصدره ...

وايده الثانيه حاوطت خصرها بتملك وسحبها اله المسافه بينهم معدومه ،، يخزرها بعيونه السود صايرات ضلمه من العصبيه وهيه تباوعله بتحدي بعيونها الخايفه رغم قوتها ...

همس بحده وبصوته الخشن ونبره غريبه وبابتسامه وعيونه تلمع وهيه تتحرك على ملامح وجهها وتركيزه على شفايفها الي تضغط عليهم من الالم ...
وكحه، انتي گد هل حركه يلگمره ...

ونت بوجع وهو يرفع ايده من خصرها ويسحب شعرها بقوه لوره ويصير نحرها الابيض واضح كدامه بسخاء ...
قمر تحاول تتحرك بين اديه بس هو مسيطر على كل جسمها ...

باوعتله بكره وگالت وهسه ضاغطه على سنونها من الوجع ...

مو قمر التتراجع عن شي سوته وأي كده شراح تسوي ، روح اشتكي لعدنان ولميعه، لو للباشا مالتكم، طزز متهمني لا انته ولا همه ...ونصيحه اخذ فلوسك وانگلع منا لان مراح تحصل شي مني بين قوسين انضحك عليك ...

وهيه تبتسم بشماته ...وتباوع لعيونه الجامده من غير اي رد فعل ...
عااطت بوجع وتهسترت وهيه تحاول تخلص نفسها منه...وخر يا حقير لتجيسني ...

وهيه تحس بسنونه على نحرهاا وقبل لا تصرخ اكثر كتم بايده صوتها، عضها على رگبتها بقوه باماكن متفرقه ونزل لكتفها نزل بسنونه تعلاكه الفستان و غرز سنونه بيهن ...

بعد راسه وايده بعدها على حلكها وعيونها تصب دموع ...

ابو شاهين بهدوء ...كل ما تدحگين بلمرايه وتشوفيهن تذكري ابو شاهين يأخذ حگه مربع بايدو وهو يغمز الها ...وكلامج النا حساب ثأني قسما بذات الله لوما اثنين واگفين بعيني ولا انتي بأوعلها بنظرات غريبه رجع گال هسه ترحين لغرفتج گبل وتقفليها عليج متطلعين منها الا للمدرسه،
باوعتله قمر من بين دموعها باستفهام ...

وخر ايده من شفايفها وگال بخشونه ... اليوم اخر ليله الج هنا،
رادت تحجي ...قاطعها
ما عندي وقت، باجر فرصتج تخلصين منا بدون اسئله زايده ...كل الاكدر اگلج عليه هذه مو مكانج وذوله الگواو# مو اهلج ...

باوعلها من فوگ لجوه رفع حاجبه وخزرها بعصبيه وگال بأمر وهو يسحب غترته ولفها على اكتافها ...

يله روحي وهايه متنزل من اكتافج الا بلغرفه

صحت قمر من صدمه كلامه وهو يخلي غترته على اكتافها ولهسه هيه ممستوعبه الگاعد يحجي هذه الوحش المنحرف ...

معقوله كلامه صحيح معقوله احساسي طلع بمحله وذوله مو اهلي ،لعد اهلي وين وليش عايفيني كل هل سنين هنا معقوله خطفوني عدنان ولميعه مثل ميخطفون البنات لو اهلي ذبوني ...

ابو شاهين شافها صافنه بحيره عرف بيها تفكر بكلامه ...گللها بأمر وهو يباوع لملابسها بعصبيه
مو وكت التفكير، روحي هسه بويه ايااج تطلعين گدام احد بهل لبس ...

سحبت غترته الي محاوطه جسمها اول مشمت عطره الي ملا جسمها وهيه تباوعله بكره وعصبيه شمرتها عليه ...

ما الك دخل بيه وايأك تتقرب مني مره ثانيه واي شي من عطرك ما ريده ، قربك وعطرك يخليني اريد اتقيئ

عافته ومشت وهو قابظ ايده بقوه ويسمح وجهه ويهمس وهو يباوع لظهرها لحد ما اختفت ...

الله يصبرني عليج وضحه الثانيه ...

صحيت من ذكرياتي واني افكر اروح باجر بس خاف يخطفني ويطلع جذاب واوگع بمشكله اكبر، زين شعرفه اني ارد اطلع منا زين هو منين يعرف اهلي، راسي راح ينفجر من التفكير قررت اروح واشوف شراح يصير خلي اتجرأ يجوز صدك اخلص منا لو اوگع بمصيبه اكبر من لميعه وعدنان ...

اتلمست ركبتي وصرخت بوجع واني اتقدم للمرايه شهگت بصدمه وايديه على شفايفي ...
مشوه رگبتي هذه الحقير ،وعلى كتفي

گمت افرك رگبتي بقوه اريدهن يروحن احس اختنكت واني جسمي مشبع بعطره ، دخلت للحمام بخطوات سريعه احس عطره دا يخنگني ...

فتحت المي عليه واني بملابسي اخذت الليفه وفركت رگبتي بقوه بحيث حسيتها اتجرحت ودموعي تنزل وياها احس گلبي ينكسر واني اتذكر حسام معقوله بعد ما اشوفه ما عندي شي يخليني اتمسك بالحياه غيره

هو املي،هو دوه جروحي شلون حفارگه وروحي وياه،
بقيت ابجي لحد مغفيت ومحسيت بروحي بعد ...

******
اووف ربي اووف يا بت روحي ردت روحي اليه، بفراگج جنت واحد ميت ،
جنت يتيم،
وهسه رجع گلبي يدگ الج ...

الهث بقوه وهو مخلي جبينه على جبيني وشفايفه تلمس شفايفي ويتنفس ويايه وعطره اووف يا عطره ادماني ،، بهل ثانيه ردت الوكت يوگف بينه حسيت نفسنه احنه بأول ايامنا نفسه فيصل المهووس العاشق الخلاني اعشگه غصبا عني،،نفس ثوره المشاعر لتصير بيناتنه،،،

بس كل شي انهدم بنفس الثانيه گامت تمر على بالي صوري بلبدله واني انتظره ودموعي تنزل واني اگلهم هسه ييجي،فيصل ميسويها بيه ونظره الشماته والشفقه بعيون الكل اشوفها رجعلي شعور الكره والنفور ...

حاولت بكل قوه عندي واني اتذكر شلون عافني باهم يوم بحياتي دفعته عني وبكل قوتي بكل قهر گلبي وبگد وجع روحي وبگد كل دمعه بجيتها بسببه ضربته راجدي

واني اگله بكره وقهر ودموعي تصب ويه كل كلمه احس وجع گلبي يزيد ...

هذه حتى لتلمسني مره ثانيه، سمر الجانت تحبك وجانت تذوب بكل لمسه منك، وكل ما تكلها سمر تعبان تفتحلك حظنها ،سمر اريدج تجيك طايره سمر لتلبسين هذه سمر سمر، سمرر ،ماتت ،مااتت انته موتتها بايدك، خليك ميت، خليك يتيم، وگلبك هذه واني ادك على صدره غدار وجذاب ...

باوعلي بعيونه بصدمه بسرعه اتحولت عيونه جهنم من العصبيه ويعض شفته بعصبيه ...

كتله واني اضحك بقهر ووجع ...هاا عصبت مو ،لان كرامتك انجرحت ، شلون فيصل الفهد مره تمد ايدها عليه وتضربه، بس انته سمر تهينها وتعوفها بأهم يوم بحياتها وتخليها علج بحلوك الناس عادي ميصير سمر تزعل، وباول كلمه ترضى لان ينضحك عليه بسهوله ...

فيصل بندم وهو يريد يلزم ايدها نفرت ايدها من ايده ...سمر تدرين بحبج ما قل بگلبي زاد اضعاف، واعرف كلش زين انتي بعدج تحبيني، والصار غلطه خلي نكعد وافهمج على كل شي،،احنه

سمر بنفس النبره ...
ماكو شي اسمه احنه،، انتهينا ، لهنا وكافي يبن الناس، حبك بگلبي ماات انته وصلتنا لهنا تدري صار سنتين اسئل روحي ليش سوه هيج، مره اللومك مره اللوم روحي، بس هسه عرفت انته غدار وحقير وذا كتلي بيوم احبج فانته جذاب ...

واني اشدد على حرف وعيوني بعيونه ودموعي تصب وتغسل حركه گلبي شكد جنت انتظر هذه اليوم الاواجهه بي واعاتبه واگله ليش سويت بيه هيج ليش شمتت بيه ناسي وليش حرگت گلبي بيك...

اذا صدك بيوم جانت ذره بگلبك حب اليه عوفني ولتخليني اشوفك، وخليني اشوف حياتي ،،

باوعت لعيونه لاخر مره وعفته ونزلت واني امسح دموعي كل ما احاول اوكفهن ينزلن وحدهن،،

الراقصه والسلطان
#حور حيدر
#الانستغرام: enghour98

******
متابعه،❤️ تصويت، ❤️كومنت ✌️

سلطان &قمر 👆

صباح السكر 💓 ،،
بنات حسب ما شفت رايكم هنا وبلانستا، فحيكون التنزيل بين يوم ويوم، مثل هذه البارت

ويكون التنزيل بلليل لان بلليل يله الحك اكتب، وتدللون

#يفدوه 😍