رواية الراقصه والسلطان الفصل الثامن عشر 18 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

~~~~~~
مصدكت شوكت اوصل للبيت ،دخلت للغرفه گبل  روحي مخنوگه نزلت للكأع وايدي على گلبي ودموعي تنزل بصمت  ،

اريد اجر النفس ما اگدر ، خنگه بروحي وغصه بگلبي صارلها سنين جنت متوقعه من اشوفه واعاتبه گلبي يرتاح،

بس اااخ  رغم كل السواه بيه وبعده گلبي الخاين يدگله بعده من حرگته عليه يوجعني ويه كل احرف ائاذي بي احس الكلام اوجهه اليه مو اله ...

بعده جسمي وكل شي بيه ويه لمسه منه يعلن استسلامه اله ويرفعله الرأيه، شوگي اله جان اكبر من عتبي ذبت باديه اتمنيت احظنه واشم عطره واكول هذه فيصل مالتي، هذه ملكي مثل مجنت اسوي بكل ثقه وعنفوان ...

شگد ردت اخلي راسي على صدره واحس بالامان وانسى كل همومي،من عافني لليوم حتى بضحكتي اجذب، دموعي بكل ليل متفاركني صارت تذكرني بي

همست بضعف واني ادگ على گلبي ...ليش هيج سويت بينا فيصل ليش،ليش كسرتني بيك،  مو تدري اموت وحبك ميفارك گلبي، زين شسوي هسه يربي، ربي صار سنتين حالي مثل الميت وروحي مفارگتني لا اني الاگدر ارجعله ولا اني الاگدر انساك ...راح تبقى معلك حياتي بيك ...

الكبرياء الحاولت ابينه كدامه والقساوه اعرف بيني وبين نفسي كبرياء حزين، مجرد من معناه

اتمنيت ارجع ذيج سمر القبل ما تعرف فيصل بدون حب بدون وجع گلب بدون هموم ...

flash back
حد ما اجه يوم الخميس ...
بقيت اليوم كله بالفراش ما ريد اكعد ،اريد اليوم يخلص
سمعت صوت رساله اخذت فوني ..كمت على حيلي فتحتها واني مصدومه ...
يربي هذه من كل عقله ...عزه بعينج سمر

گلبي گام يدك بسرعه وكمت اطفر بلغرفه من القهر والصدمه ممستوعبه الي اقرا واني اقره رسالته ...

يبنت الناس غير ال نعم ما ريد، افتهمتي بويه

بعدني ممستوعبه انفتحت الباب دخلت سميه بوجها ضحكه غريبه وتباوع عليه ...

گالت ...يمه سموره لبسي شي حلو وحدري جوه بس شويه استعجلي

كمت اباوع على التليفون وعليها ...
اريد اطلع الكلمه كوه حجيت بصدمه ...
سمر بخفوت ...ليش شكو

سميه وهيه تباوعلي بخبث وتضحك...ولج شبسرعه  كبرتي وانخطبتي وصرتي عروس

شهگت بخوف ...ياا عروس يااا خطوبه عمه فدوه لتشاقين ويايه هيج ...

سميه باستغراب ...معقوله المهى مكلتلج خطبوج لفيصل اخوها صديق سلطان ...وهسه همه يمنه جوه وسلطان وابو عامر موافقين والشيخه هم، ينتظرون بس موافقتج ...

اسمعها واحس روحي راح اتخربط شدا تحجي ...
كتلها بقهر ...عليمن بعد تنتظرون موافقتي اشو موافقين ومخططين لكل شي واني اخر من يعلم

سميه وهيه تحضني ... تدرين كلش زين لوما يشوفون فيصل زلمه ويصونج ما وافقو عليه واولهم سلطان تدرين بي شلون حريص وميفوته شي ...وبعدين اذا موافقتي محد يجبرج بس انتي هسه انزلي والرأي رايج محد يجبرج ...

كتله واني مبرطمه وخايفه منه ومن فكره الزواج كلها ...ما ما ريده ولا اريد ازوجه
سميه ...وج يمه دشوفي وحجي لتستعجلين وبعدين مبين عليه الزلمه هاويج ...

گلبي صار ينبض اكثر حضنتها بقوه والدم احسه صعد كله بخدودي ...من كالت هاويج

واني اگول بگلبي ...والله لو تدرين عمه بلصار وبلسواه هذه المخبل اني مو بس شايفته داخله بحظنه ...

كتلها بتؤسل ...عمه فدوه ما ريد انزل والله ما اريد اتزوج

سميه بحنيه ...يمه حبيبتي عيب الشيخه گالت خل تنزل تردين تكسرين كلمتها
هزيت راسي بلنفي بسرعه ...
گالت لعد نزلي وبدون خوف محد جابرج توافقين او ترفضين براحتج...

اختارتلي فستان بسيط لونه احمر للركبه يوصل طوله ومخصر على الجسم مردت اللبسه بس سميه اصرت اله هذه وخليت مكياج خفيف وعفت شعري مفتوح...نزلت سميه قبلي

نزلت واني لازمه تليفوني بقوه اريد اضيع خوفي وتوتري ...

اخذت نفس وسميت ب لله ودخلت للمجلس ...
شفت المهى وامها ووياهن اثنين بعد
گلت بصوت حاولت اخلي واثق ... السلام عليكم
الكل كام يصلي ع النبي ...
وام المهى گالت ...هله بجنتي
اول وحده اجت عينها بعيني امي وضحه ابتسمت اول مشافتني وعيونها كلها حنيه عفت الكل بسرعه باوستهم ورحت كعدت يمها احسها اماني وشبكت اديها ...

گامو يضحكون وام المهى گالت بشقى ...
ماكو الشيخه وضحه احنه اهلج بعد

امي شبكت ماما وضحه اكثر بعناد ...
كتلها ...لا ماما وضحى هيه اهلي كلهم

وحده وياهم جايه من ذني الاثنين من اول مدخلن تباوعلي بكره وتخزر گالت بحقاره وخبث...

انتي امج مو ميته سمعت، منين اجت امج الشيخه لعد

انصدمت من حجيها ...باوعتلها باستصغار شكد حقيره وخبيثه...ردت اردها الشيخه خلت ايدها على ايدي بمعنى سكتي ...

الشيخه وضحه گالت بفخر ...اي صح مو انه الجبنها  سموره مو بت بطني هاي بت گلبي ،وصدگي لو جايبه بت من بطني ما حبيتها بگد سمر انه امها وماكو غير هل حجي  ...

ام المهى گالتلها ...والنعم منج شيخه ومن تربيتج

بقوه يحجون واني اباوع للمهى واسويلها حركه بمعنى اني اعلمج وهيه تضحك ...
راحو والشيخه كلتلهم نرجعلكم خبر ...

اول مراحو گلت لماما وضحه باستعجال ...ماما مو موافقه

وضحه بضحكه...ول يمصگوعه فكري شمالج دومج خبزتج محروگه ...

كتلها بتوسل ...يمه ميحتاج افكر زواج ما ازوج اريد اكمل دراسه ...

وضحه ...ومنو كلج متكملين حتى لو انخطبتي متزوجين اله تكملين ، كافي هسه كومي نامي وفكري على كيفج ...

كلت بگلبي لو تدرين بي شوكت يريد يزوجني مگلتي هيج...

اول مصعدت الغرفه دا بدل ملابسي دگ عليه ورفضته بقى يدك ومجاوبت ...سمعت صوت مسج عرفت من يمه

فتحته تسجيل صوت ...سمعت صوته الخشن

آهٍ يا ذات الفستان الاحمر ..

خصركِ إغراءٌ .. يتفجر ..
قلبى سيدتى .. لا يتصبر ..
ما تحت الخصر .. بهتان ..
أو إيمان ..
أغرقنى في ( حبات السكر )

آهٍ يا ذات الفستان الاحمر ..
هل لي أن أطبع قبلة ..
قبلاً من حلمى .. يتبخر ؟!
هل لي أن أحضن صدراً ..
كادت آهاتى تقتلنى ..
أو أُنحر !

هانت يحلوه كم يوم وانتي كلج تصيرين بحظني ...والاحمر بعد متلبسي كدام احد غيري

كمت ادك على خدي عززه بعينه شكد ميستحي هذه،
كمت افتر بالغرفه واحجي واعض شفتي بقهر ،  ربي راح اتخبل منين جايب هل جرائه ويحجي ويايه هيج
انطينه حظر بسرعه اكيد ماخذ رقمي من المهى ...
دكيت عليها اول مجاوبت كتلها بعصبيه قبل لا تحجي ...

مهى هسه تكلين لاخوج المخبل لو يلگ السما بلسانه هم ما اوافق عليه، وگليله اللبس اليعجبني مو هو اليتحكم بيه ...

وسديته بساع وقفلت التليفون كله ...
بقيت يومين عايشه بقلق ومحد بلبيت فتح الموضوع ويايه ما اعرف ليش استغربت ...

الى ان اجه يوم الاحد واني تقريبا نسيت الاتصال والصار كله ...
رحت للمدرسه واني كاشخه لان عدنه سفره هستوني نزلت من السياره براس الفرع  ...

دا اتمشى شفته كبألي منتجي على سيارته وجهه ميبشر بالخير ...

******

ابو شاهين اول مطلعت اجاني اتصال  من عمي ابو عامر للمره التلاثين يخابر من اول ما دخلنه اعرف گلبه موجر نار صاير على بنته اتندمت كتله قبل لا انهي الموضوع اول مره اشوف عمي هيج حالته جاوبته

الله حيو ابو عامر ...
ابو عامر بقلق ...ها بويه سلطان بشر شفتها شلونها خاف مسويلها شي
سلطان يطمنه... اي شفتها نسخه من الشيخه وضحى  وبخير لا تخاف وباجر بنتك بحظنك بعون الله
ابو عامر ...سلطان انتظرني هسه اني طالع جايكم خاف يصير الها شي

سلطان برفض..عمي لا تجي تخرب شغل شهور انته هيج تدري كوه دخلنه بينهم وحصلناها، ابو حرب والولد مكفين وموفين ...

سده من عمه وهو يصعد السياره واجاه صوت ابو حرب ...

هاا ابو شاهين ...ظمنتها تجي

سلطان ... تجي تجي بويه بس اهم شي عدنان الجلب تبقون عينكم عليه باجر من انفذ اريده ميحس بشي ومن اخذها واروح دزله الاتفقنه عليه ،
والسگط الاخذتو وينه ...
ابو حرب وهو يضحك بشر ... خليتو الك غير صالح للاستعمال البشري

سلطان يبتسم ...والله وكفو

الراقصه والسلطان
#حور حيدر
#الانستغرام: enghour98
الواتباد: eng_hour

صباحكم سكر ...

ورداتي ...باجر انشالله بارت بنفس الوقت ❤️

وشكرا للحلوه rabab1haedr2 على الغلاف

#يفدوه