رواية الراقصه والسلطان الفصل السادس عشر 16 - بقلم hour writer 🐆

الراقصه والسلطان
#حور حيدر
#الانستغرام: enghour98

فتحت الباب من جهتها عيونها اجت بعيوني همست بدون وعي اووف ربي بعد ما رايد شي من الدنيا مدام شفت عيونها هاا يگلبي انجويت بشوفتها ...ومن دون مقدمات
كتلها بحده ... حدري

سمر لزمت ايد اريج ماا ريده يشوف ضعفي ماا ريده يشوف رجفتي من سمعت صوته ...بآوعت لگدآم وتجآهلته واني احجي ويه السايق الي،واگف بمكانه مصدوم ...
بلا زحمه أتحرك بسرعه منريد نتأخر،

وسديت الباب بقوه...
گال وهو يباوع اله ...والاخ هنا خاف اكو مشكله

كتله بحده ...ألاخ منعرفه

فيصل عااط بتحذير للسايق ...أنته ما الك دخل بيها متحجي وياها ...

رجع فتح الباب وخله ايده عليها من فوگ ونزل بجسمه لمستواي ...

وهو يهمس من بين سنونه بعصبيه وانفأسه الحاره تضرب خدي ...

سمرر لتخليني اسوي مشكله ثانيه هنا وأنزلي بسرعه ...

اشرت لاريج الي تباوعلي تريد تفهم شي من الصاير كتلها نزلي بسرعه ...

نزلت من جهتها وونزلت وراها ...
مشيت بسرعه ...محسيت الا لزم ايدي
گال بحده وعصبيه وعيونه الحمر تفترس،ملامحي ...كتلج امشي لتعاندين

احس بلمسته ناار ولزمت ايدي نترت ايدي منه
وكتله ورفعت عيوني الي احسها كلها حقد عليه بعيونه وگلبي يوجعني على نفسي ...

دير بالك تلمسني مره ثانيه ،أقرف تعرف شنو معنى القرف اني هسه احس بي من لزمتني ...

درت ظهري وعفته ارد امشي ومنتظرت اعرف رده ... بلحظه حسيت بايده شابكه ايدي وقربني لصدره اول مشميت عطره غمضت عيوني بقوه ...

همس بعصبيه وجنون وبصوت ناصي ذكرني بايام حاربت نفسي ليالي حتى انساها ...
أشش ، اعرف كلش زين بلمسه مني تسوي ثوره بجسمج وبلمسه مني اهدي هاي الثوره ، انتي وگلبج وجسمج وكل شي بيج ملك فيصل، خلي هل كلام بدماغج ...

كتله واني حسمي يرجف من العصبيه ومن ثقته بلحجي وهو يباوع بعيوني واني احس بعطره ويه انفاسي ...

اعرف للاسف كلامك صح وبلمسه منك جنت كلي اصير الك،لان غبيه بس جنت يعني بلماضي انته بلنسبه اليه ماظي اسود ولو بيدي امحي كل ذكرى الك بگلبي وبذاكرتي وبجسمي ...

فجأ سحبني وراه ويمشي باتجاه سيارته واني احس بجسمه اتصلب من العصبيه واديه حتتكسر من ضغطه عليها ...ما اكدر اعيط كافي الفضيحه الصارت بلجامعه بس كافي حسوي حد لكل شي ...

أريد اسحب ايدي منه عاصرها حيل وبس احاول اسحبها يلزمها اقوه ...

باوعت لاريج تلحگني أشرت الها ترجع ...

فتح باب السياره صعدت بدون اعتراض اريد اخصم كل شي وياه ...

صعد هو راد يشغل السياره ...
كتله بحده واني اباوع لگدام ...ميحتاج تشغلها همه كلمتين وكل واحد يروح بطريقه ...

فيصل شخطت السياره و كلامها فورني اعرف غلطان بس الصار مو بيدي متدري ابعدها شصار بيه متدي شگد مشتاگلها متدري شسويت بروحي من وراها ...

كل ما اريد اهدأ كلامها يخليني نأر وفوكاها كلام ذاك الحقير من يكول خطيبتي ميطلع من بألي وگفت السياره وصعدت الجام ... بثواني جريتها من زندها اليه وعصرت فكها بايدي ...

وشفايفها صارت بين شفايفي ، كمت اكل بيهن بشراهه وبنهم احس بروحي عطشان صارلي سنين مشارب مي ولگه نهر گدامه ، ونهري اني شفايفها دمااري،،همست گبال شفايفها واني الهث ويه انفاسها وهيه تتحرك بين اديه ...
اووف ربي اووف يا بت روحي ردت روحي اليه، بفراگج جنت واحد ميت ،
جنت يتيم،
وهسه رجع گلبي يدگ الج ...

********
عامر التفتت عليها شفت عيونها حمر وتشاهگ من البجي
صاحت ...دا كولك نزلني بسرعه

كتلها واني اضرب الستيرن گمت ما شوف گدامي من العصبيه ...كاافي و بلا حجي زايد لتكفرينه تره روحي واصله لخمشي من وراج ...

فيان تحجي بعصبيه وهيه تبجي ...ونته شكو بيه وشنو دخلك بملابسي، عسما اطلع مصلخه ما الك حق تحاجيني بهل طريقه ،لا اني اختك ولا حبيبتك ولا اقربلك حتى تتهمني هيج ،

عامر اباوعلها الشفايف والخشم انطعنن حمر والعيون صارن مثل الگزاز اليلمع من البجي، گلبي يگلي اخذها بحظنك وهديها بطريقتك ...

بت القندره متدري شلون تحركني وهيه تحجي هيج، اعرف مالي حق بيها وعليها بس شيقنع گلبي بهل حجي، هيه كالت اطلع مصلخه واني عقلي گام ميجمع كتلها بصيااح ...

أي أي ما الي دخل بيج بويه فهمت، هسه اوصلج لبيتج وكل شي ينتهي وروحي سوي ليعجبج تطلعين مصلخه تستعرضين بلعافيه عليج ...

فيان يربي حيخبلني شلون يحجي وياي يحسسني اني جايه من الشارع ولو اكيد احذ نظره عليه اني وحده مزينه مدام صعدت وياه واني شارده شتوقع يعني هو مناكه اكيد تفكيره مثلهم كتله واني امسح دموعي احاول ...

وليش تصيح عليه وتحجي ويايه بهل طريقه ... گلت هايه شارده من اهلها وحده رخيصه ،
دموعي كامت تنزل وحدها ...
بس هيه مو غلطتك اني ثوله وعلى نيتي ائمن بسهوله

عامر كرهت روحي من سمعتها هيج تحجي كتلها بحده ... سكتي ولتبقين تحللين وحدج وتحجيني كلام مگايله ، اگطع السانه اليحجي لو يفكر بيج تفكير غلط ...

باعوتلها سكتت وخلت راسها ع الجامه اني هم سكتت لان وصلنه بطريق مسدود بهل حجي ...

وره ساعه وگفت گدام باب بيتهم مقبلت الا اوصلها لبيتها باوعتلي قبل لا تنزل واني اباوع لعيونها ما ريدها تنزل ما ريدها تروح ...

همست وصوتها بي بحه من البجي ...عامر شكرا الك

من كالت عامر بين شفايفها بدي اضمها بين ظلوعي گلبي يكلي اشخط السياره و اخطفها ...
رادت تنزل لزمت ايدها بسرعه رفعت عيونها باوعتلي باستفهام ...
كتلها ... فيان اسف

#الراقصه والسلطان
#حور حيدر
#الانستغرام: enghour98

†🌼†
عامر وفيان 👆👀

صباحكم سكر 😍 ...
اول شي كولش مس يو الكم هووايه ❤️...
وثاني شي شنو رايكم بالغلاف الجديد ...
والثالث والاهم ...طبعا سويت استفتاء ع الانستا 💬وهم حسوي هنا حتى اعرف رأي الاغلبيه ...
دا اشوف الاغلبيه مراضيه ع ايام التنزيل ...لذلك اذا معاجبكم جدول التنزيل انطوني ارائكم عمود يتغير ...
وانشالله ببارت الجمعه حبلغكم بجدول التنزيل اذا اتغير ...

وصدوك ااالف مبرووك لطلاب السادس من متابعاتي وانشالله الكل بأعلى المراتب ❤️❤️

#يفدوه