رواية الراقصه والسلطان الفصل السابع والعشرون 27 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

الدنيا ضايگه بيه سحبت قميصي لجوه واني اجر النفس ودموعي تنزل وحدها ...

فتحت الشباك احس الغرفه خنگتني اكثر واكثر ...وكفت گدام الشباك واشهگ بحرگه گلب ...

همست بقهر وكلامه يرن باذني ...حقير، حقير ،الله ياخذك يا جلب ...
شكد كرهتك، بس بسيطه اذا ما ندمتك على كل كلمه كا يطلع اسمي قمر ...

يجي ابالي اعوف كل شي وارجع بعدني مصارلي كم يوم وعايرني بماضي يا ريت لو جان الي ذنب بي هو اكثر شخص يعرف الي صار ويايه وشنو الجنت عايشه بي ،

بس لا مو طبعي الانسحاب، مدام الحق ويايه عمري مراح اخجل بلعكس افخر اني جنت عايشه بنص وحوش وواجهتهم كلهم براس مرفوع،

بقيت اكل بروحي واني ادور بلغرفه والوم بنفسي ليش مرديته، ليش مخليت اصابعي بعيونه

مسحت دموعي واني اباوع لروحي بمرايه الشباك، ونضراتي تحولت لقوه وشراسه وهمست بتحدي بسيطه سلطان وحقي اخذه اخذه  ...

اندكت الباب وصوت سمر تصيح باسمي ...
فتحت الباب الها وحاولت ابتسم بثقه ...

سمر بخوف وهيه تباوع لوجهي بقلق وباستغراب وهيه تشوفني اضحك عبالها تشوفني ابجي ومنهاره  ...شبيج حبيبتي

حضنتني وحولت نبرتها لتبرير ...لتزعلين من سلطان، متعرفين سلطان صح هو يبين قاسي واسلوبه جاف بس صدگيني حنين ومن خوفه يحاجيج هيج بعدين ولج شلون هيج تحاجي وج انه عمته وارجف من يوكف كبالي

قاطعتها واني ابعد عنها وباوعلها بابتسامه واني ارفع حاجبي ...ومنو هو حتى يزعلني لو يحجي ويايه بهيج طريقه هذه واحد همجي وحقير، انتي هم متعرفيني
حقي ما عوفه واليحجي ويايه كلمه ارجعها كلمتين،

سمر بعتاب وهيه تگعد على التخم وتجر قمر بصفها...لا قمر ما ارضى عليج تحجين هيج على سلطان ،صدگيني سلطان مو هيج

قمر ...طبعا ابن اخوج ومترضين عليه بس اني ممجبوره اسكت على اسلوبه ،لا اريد اعرفه ولا اله دخل

سمر وهيه تكرصها ...وج عوبه ام لسان وانتي منو غير هم بت اخويه ...عزه بعينج ما توقعتج هيج وكحه
وهيه تضحك ...جينات وضحه يمشن بدمج الله يستر منج ومن سلطان

قمر وهيه ترفع حاجبها وهيه بداخلها ناويتله على شي بس ما بينت لسمر  ...اذا ما حاجاني ما الي دخل بي، بس اذا اندك بيه لا يتحمل الي ييجي مني

سمر بضحكه ...مبينين اني وياج خوش راح نسوي فريق على الثلاثي المتوحش ..

قمر باستغراب ...منو ذوله الثلاثي المتوحش ما عدا هذاك الهمجي لان عرفته اي شي اله دخل بالافتراس اكيد يخصه ...

سمر وهيه شابعه ضحك ...يمه لو يسمعج سلطاان،

قمر بعدم اهتمام وهيه ترفع اكتافها بعدم اهتمام..ويسمع طزز

سمر رادت تحجي بس قاطعها صوت تليفونها باوعت للمتصل استغربت رقم غريب ...
رادت مترد بس اجت على بالها اريج لان تعرفها هوايه تغير ارقام ...
قبل ما تنتهي الرنه جاوبت بصوت ناعم وبي شوگ لان كلش مشتاقه لاريج...

الو ...
نفسها انگطع وگلبها گام يدگ بسرعه ...
تسمع صوت انفاسه السريعه ، وهو يهمس بشوگ اكبر
مشتاگلج ...سكت وهيه سكتت بس صوت انفاسهم السريعه هيه المسموعه، 

قمر تباوع باستغراب لتغيير ملامحها وحالتها

فيصل كسر السكوت وهمس بصوت ثگيل مشتاگلج  ياا نور عيني ،

سمر غمضت عيونها وهمست ...شتريد
فيصل بنفس النبره ...رأيدج

سمر عضت شفتها بقهر وهيه تلوم نفسها على ضعفها گدام صوته غصب عنها تطلع اللهفه بصوتها اول متسمع صوته گلتله بصوت حاولت تخلي جافي وخالي من المشاعر   ...وااني ما اريدك،

فيصل بعصبيه ...سمرر، سمر كافي عناد خلينا نحجي ونتفاهم لج يول ميت عليج

سمر ابرود ومن داخلها العكس تماما ...مااكو حجي بينه وبعد لتتصل بيه واذا اتكررت راح ابلغ سلطان واخلي هو يتصرف وياك

فيصل اتخبل من برودها اعصابه تلفت صااح بقهر ... لج كاافي ،كاافي اعرف بنفسي حيوان وحقير ونذل بس تردين بيه احبج، وبنبره ضعف، اسف ،وج والله اسف
يولي والله گلبي ناط عليج،

ارجعيلي وعاقبيني وانتي بحضني، شتردين تسوين بيه سوي بس لا اتجافيني، لج وحگ الله لاسويلج الما متسوي ،سمر لتضيعين حبنا ،مثل ما تدرين اني ادري گلبج اليه

سمر بنبره وجع وباستهزاء وهيه تحاول توجعه مثل موجعها...شسوي باعتذارك هاا گلي شسوي بي .. راح يگدر ينسيني ذاك اليوم، راح يگدر يكسر عين شماتي راح يگدر يرجعلي فرحتي الضيعتها ...

حبنا انته ضيعتا ،جنت تعرف شنو جنت شايفتك شي غالي بس من بعده عرفتك على حقيقتك وعرفت حبي الك جان اكبر وهم، لا فيصل متوهم گلبي مو الك، من بعد ذاك اليوم اني نسيتك او شبه نسيتك

اذا مريت بيوم ابالي، تمر كوجع وكسر لروحي، انته بس جرح بلنسبه اليه، تعرف ليش انوجعت منك، تعرف ليش انكسرت
لان محد گدر يوجعني بس انته لان انته جنت روحي، گلبي ...
بس انته بكل حقاره كسرتني، خليتني افكر بلموت خليتني اكره روحي، عمري محبيت شخص مثلك وبنس الوقت عمري مكرهت شخص مثلك، بس لتفرح عديتك من زمان وگلبي نساك ...

تحجي ودموعها تصب، وقمر تبارعلها وهيه مقهوره على حالها وهيه تگول بگلبها اووف يلحب محد مرتاح منه

فيصل بخبال وتحذير بصياح وقهر ...سمر لتحجين ويايه هيج لج اني حبيبج فيصل ، انتي اليه وغصبا عليج گلبج يبقى يحبني والله ولي اسمه الله اكتلج واكتل روحي اذا فكرتي تنسيني ...

وبخبال اكبر ...
وهسه راح اروح السلطان راح انهي كل شي

سمر هيه سمعت اسم سلطان اتخبلت وهيه تذكر اخر لقاء بينهم والصار صاحت بخوف وهيه تگوم وتروح وترجع بقلق بلغرفه ...الا سلطان، فيصل لتتخبل ماا اريد سلطان يتاذه اكثر بسببي، انته السويت كل شي وانته التتحمل مسوليته ...
سدته قبل لا تسمع شي منه ...

قمر تباوعلها بخوف صح معرفتها من زمان ومن طبع قمر متامن لاي شخص بس حبتها وحبت كل شخص بلبيت الا سلطان طبعا ...
مگدرت تشوف وضعها ومتتأثر وتنقهر گامت بخوف ...
شبيج سمر ومنو هذه ...

سمر وهيه تبجي وتباوع لجهازها الي يضوي برقمه ...
رجعت قمر سئلتها ..سمر شبيج لتخوفيني منو هذه

سمر تباوعلها وهيه وتحس راح اطگ تريد تحجي الهم الشايلته من سنين لتزم تشاركه لاحد ...بلشت تحجي لقمر كل شي من اول يوم ...

flashback ...

دخلت للبيت وحالها مگلوب من تصرفاته وكلامه اول مره تمر بهيج مشاعر متدري ليش فرحانه من اهتمامه وحبه الها ...
شافت الشيخه وضحه وابوها  وذياب گاعدين يشربون كهوه ...

تباوع لابوها شلون كل ما يگعد يحضن وضحه واذا گعد من النوم وما لگاها لو اجه للبيت وهيه طالعه، يگعد عصبي حتى اكل مياكل  وعيونه تبقى ادور عليها يتخبل بدونها ...

تحب حبه الها وجانت كل ما تشوفهم تتمنى شخص هيج مهووس بيها وبحبها وميگدر دقيقه بدونها وهيه متدري الي وگعت بي مخبل ومدمن بيها  ...

اول مدخلت گالت السلام عليكم ...
ودحت نفسها بحضن امها وادين ابوها محاوطه جتفها وتدري بي ميحب احد يگعد بحضنها بس هيه تسوي هيج گدامه بلعناد ،شافتها وضحه وگالت هاا يمه شو رديتي من وكت ...

سمر وهيه ممتعوده تجذب على اهلها وخصوصا امها ومن وراه انجبرت تجذب وهيه تحاول متبين ارتباكها ...
مو اللغت السفره يمه،

ذيااب طگها بضحكه بصوت عاالي  ...لج شگد فكر لخاطر ربج، لو ترحين للشط هم تنشفي

ابو ناصر ...شمالك ولك الاغم ويه عمتك

ذياب وهو مستمر يضحك وزاد ضحكه اكثر وسمر تتحلفله وتسويله بسيطه باديها ...
يابه فدوه رحت لطولك، شكلت لربك من خلفت هااي،

سمر بزعل لابوها ...ياابه شووف شلون يحجي عليه

ابو ناصر بحنيه ...بويه مالج خص بي هذه مسودن، انتي ورده البيت

الشيخه وضحه ...يمه هذه يغار منج لان انتي وجه الخير وهو وجه البومه
سمر وهيه تضحك بشماته وتباوع لذياب وترفع حواجبها ..لا يمه البومه وجهها حلو، خطيه تقارنيها بهذه ...

وضحه ...عوفج من الملاهد هسه ويه الاغبر، وما طول ابوج گاعد گليلي رايج بفيصل

سمر ووجهه گلب اللوان من الخجل وتحس حراره بوجها من المستحه ...بقت ساكته وغاصت بحضن امها اكثر...

ابو ناصر بهدوء ...بويه لا تخجلين فيصل خوش زلمه وشاريج وصارله سنين متانيج وخاطبج،

وذياب يباعلها ويضحك من جوه لجوه بخبث وهو يگول ...جده لا تخجليها هيه تريده بس متگدر تگول مو يگولون السكوت علامه الرضا هل سكتت گدامكم

سمر مگدرت تتحمل خباثته عاطت بي بعصبيه ...ياابه تعاله هذه الخبل

ابو ناصر بعصبيه وهو يشيل العوجيه اول مشافها ذياب طفر ...تولي لا ايبسها على افادك الاغبر

ذياب وهو يشرد وصل للباب وهو يضحك... ابقو انتو ماا عدكم بس ذياب ترزلون بي،ما تعرفون قيمتي ، بس مرتي الله يحفضها ابيت اهلها اليه لحد ما اخطفها تحبني ...

وضحه ...ومنو هاي المضروبه بعگلها التاخذك ،ولي غااد

ذياب ...بسيطه وضحه تجيج مرتي وهيه ادافع عني

ابو ناصر وهو گوه لازم ضحكته من خبال ذياب ...تولي لو شلون

ذياب ...مولي مولي، اعرف كلمتي ثگيله من وره هاي الفصمه ...
وضحه وهيه تباوع لسمر ...هاا يمه شگلتي

سمر متدري شتگول ...حايره اكو شي بداخلها يگلها توافق بس متردده خايفه هوايه

ابو ناصر من شافها ساكته ...لتستعجلين بويه فكري وردي الامج خبر ...

هزت سمر راسها بلموافقه وعافتهم رواحت لغرفتها ...
بقت تفكر بي لحد ما نامت ...

اول ما گعدت شافت الدنيا ليل ...اتذكرت كلامه من گللها افتحي الحظر ...اخذت تليفونها بسرعه وخرت الحظر من رقمه ...
ما فات خمس دقايق دگ عليها ...

بقت تباوع لرقمه واكو خوف بداخلها، تجاوب او لا فصل اكثر من مره ويرجع يدگ ...اخر شي اتجرأت وجاوبت بصوت هادئ ...ألو

اجاها صوته الفززها من صياحه وعصبيته ...بعد وكت ليش جاوبتي جان انتظرتي شويه، لج مو گتلج اول مترجعين تفتحين الصخاااام،اله تشلعين گلبي يله ترتاحين، متگولين هذه ابن الكلب ينتظرج
وگام يصيح ويكفر ...

واني مصدومه منه، مگدرت انطق حرف من صياحه
انهضمت وعيوني دمعت محد مصيح عليه هيج، يجي هذه يحجي عليه لسبب تافه واحنه كل شي ميربطنه ...

گتله بهدوء ...ميحتاج تنتظرني بعد، كتلك وراح ارجع اگلك اني ارفضك، باي
سديته شگد جنت متشوقه احجي وياه كلامه وصياحه كسر خاطري ،جنت بسابع سما وفجا هدمني للگاع ...

رجع يدگ وارفضه لحد ما ردت انطي حظر دز رساله قريتها واني خايفه من كلامه يربي هذه مخبل مگاعد اصدك ...

كاتب ...اذا مجاوبتي هسه والله ثم والله ثم والله اجي البيتكم واگول لسلطان السفره ما اتاجلت وجذبت عليك واني الاخذتها، ولو اموت عادي اختاري بسرعه

اني كملت الرساله، رجع دگ ...يربي احس عايشه على اعصابي من اول مشفته لا ارادي جاوبته اجاني صوته بس هل مره مختلف نبرته هاديه غريبه ...

فيصل بهمس ...سمر
اسمع صوته وساكته
رجع همس ...سمرر
كتله ...همم
فيصل بندم ...اسف
بقت ساكته

رجع همس ...ول يابه كافي والله اسف لتزعلين، ولتگليلي ارفضك تره گوه لازم اعصابي، اعرف زعلتج بس اتخبلت تدرين من الصبح لهسع ادگ عليج والگاه بعده محظور، روحي مطايقها من عفتج لهسه ليگلي هلو،  اتعارك وياه

اني هيج مخبل بيج اتعودي على طبعي،
سمر بعتب وبنبره زعل...ليش هيج تصيح عليه
فيصل وهو ميتحمل كلامها ...لان اني كلب ابن كلب ابويه انتي لتزعلين ياا روحي ،

سمر بجديه ...بس فيصل اني وياك ميصير نستمر واحنه مختلفين اني ما اگدر اتعامل ويه عصبيتك وصياحك ...

فيصل بعصبيه ...تتعودين عليه وتحفظين اطباعي مثل ما اني حافظج والما يعجبج بيه انتي بيدج غيريني، بس لتگليلي اعوفك ...
وهسع گليلي رجعتي  لاهلج ردج

سمر بخوف ...اي
فيصل بلهفه ...وشگتيلهم
سمر ...كتلهم افكر

فيصل بقهر ...وتگلي عصبيتك وصياحك اي شلون ما اصخم ونتي تشعلين ابو اعصابي،

end flashback ...

دگ الباب قاطع صوت سوالفنه ...
قمر اشرت لسمر تدخل للحمام الجوه غرفتها، لان وجهها احمر من البجي ...

بعد ما اتاكدت قمر من دخولها فتحت الباب ...
طلع گبالها ابو عامر وهو يبتسم الها بهدوء بعيونه نضره حنيه ...
اتقرب منها وهو ياخذها الحضنه ويبوس،راسها ...هاا بويه مرتاحه هنا، خوما محتاجه شي احد مضوجج

قمر بحضنه ورافعه راسها اله هزت راسها ب لا ...
ابو عامر وهو يتلمس خدودها ...احجي ابويه انتي ارد اسمع حسج، لا تحرميني منه

قمر تباوعله وهيه اول مره تحس برهبه الاب وحنيته وخوفه همست بخفوت ...شنو احجي

ابو عامر زادت ابتسامته ...ما يبلاني هل صوت، تعالي

وهو يمشيها للصاله بره الغرفه كعدها بصفه وهو لازم ايدها ...

باعي بنيتي متصورين شكد فرحان هسع من گاعد اشوفج، بلليل كل ساع اروح وارد لغرفتج منصدگ لگيتج من سنين مفرحان مثل مفرحت بيج، المريتي بي وكل الناس البعدوج عني راح اخذ حقج منهم، ولتصورين بيوم اني اخجل اگول بنتي جانت عايشه يم هيج ناس بلعكس احجي وكلي فخر لان بنتي ذيبه على ابوها، محد گدر يكسرج ضل راسج مرفوع
هذه بيتج حالج حال الكل واكثر منهم لان انتي بت شاهين وحفيده نمر ...

اريدج تتعودين علينه وما اريدج بيوم تكرهيني لان عشتي هناك، كله جان غصبا عني صدگيني لو اعرف مجان عفتج هناك ثانيه وحده ...
فمنا وجاي شتصيحيلي...

باوعتله قمر باستفهام ...
كللها وهو مبتسم ...گليلي بابا

*****
بعد يومين ...
جانت سمر وقمر يفترن بلبيت
قمر فتنا من المجلس دخلنا انصدمت من الشفته لگينه ...

الشيخه وضحه نايم بحضنها سلطان ومخلي اديه على عيونه وبيبي وضحه تلعب بشعره ...
اول مشافتنه بيبي ...گالت هله ابناتي، تعالن كعدن هين
قمر وهيه تبوس راس وضحه وشعرها صار على وجهه سلطات وهيه تگللها وتتعمد تعلي صوتها  ...مشتاقتلج بيبي ...

بقينه نحجي واني اتعمد اعلي صوته واني اشوفه يتحرك بانزعاج ...فجأ وخر الشماغ من وجهه وصاح وهو يباوعلي ويخزرني ...
حسجن نصنه لو تولن غاد، شلون ما ننخمد
ورجع الشماع على وجهه

قمر گلت واني اللعب بشعري واحجي بلامبالاه ...والله جايين لبيبي نحجي براحتنا وهنا اتوقع مجلس للگعده مو للنوم واكو شي اسمه غرفه ليريد ينام يروح بيها ...
احجي وسمر تگرص بيه من جوه لجوه وتخزرني وتگلي سكتي واني ادفع بيها ولا مهتمه...

وخر الشماغ وعيونه تباوعلي احسه راح يموتني واني اسوي روحي ما اباوعله ...
صااح الله يجيبج يا طوله البال ...الله يلعنك يا شيطان
رجع غمض عيونه وانطانه ضهره، العرفته هو مييجي للبيت الا قليل يبدل ويروح حتى نومه قليل ...
اني من شفته ابتسمت بخبث همست لسمر رمشيلي بس تشوفين سلطان يصعد فوگ ...
سمر بخوف ...ولج شناويه من مصيبه

قمر بضحكه وهيه تگوم ...بعدين اگلج
رحت الغرفتي اخذت منها شي و
صعدت للطابق الثالث بسرعه وگفت گدام جناح سلطان اذكرت من گلتلي سمر ممنوع احد يدخله بس سميه تنضفه وتطلع ...

دخلت اجتني ريحته مزيج بين عطر غريب وجگاير، مسويه مزيج صح اني اكرها بس ريحته مميزه ..غرقته الغالب عليها اللون الاسود ...
باوعت للغرفه وهمست ...الحقير غرفته حلوه، والله حرامات بي

باوعت لكنتوره وابتسمت شفت دشداشه سوده معلگه يم الباب وغتره ،اليوم عنده عزيمه ومحضر نفسه
رحت للدشداشه سويتها وصل صغار هيه والغتره ...
حسيت براحه وجزء من حقي رجع بس بعدك مشايف شي ...

باوعت للدشداشه او وصل القماش بلاصح ...وهسه اخليك تتعلم شلون تتحدى قمر
محسيت الا همس باذني وانفاسه الدافيه تضرب نحري گلبي وگف من الصدمه ...
يولو الظاهر انتي الما عرفتي منهو ابو شاهين ...

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

صباحكم ورد 🦋

#عدد الكلمات 2500 كلمه

البارت القادم انشالله يوم السبت بنفس التوقيت ...

#يفدوه