رواية الراقصه والسلطان الفصل الثامن والعشرون 28 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

التفتت بصدمه وطلعت شهكه من شفايفي ،خليت ايدي من الهبطه وعيوني صارت بعيونه الحاده حسيتهم مثل عيون الصگر تفترس الگدامه وگلبي من الخوف يمكن سمع دگاته ...

سلطان بابتسامه بطرف شفته واگف ومغطيها بضخامته  ومنتجي بايده على الكنتور وحاصرها بين الكنتور والحايط وراها وعلى اليمين الجربايه ...

همس ابرود وهو ياخذ نظره وراها على گصاگيص القماش ورجع نظرته عليها وهو يقرب راسه الها رجعت راسها بسرعه لوره كرده فعل وهو يقره بعيونها الخوف برغم هيه تبين غير شي بس سلطان اذكى ويعرف خصمه بنضره وحده ...

اذا تردين تتحديني صيري گد ابو شاهين ...وحركات المزعطه تركيهن ...
اذا حسبتي هل زبل تهزني، غلطاانه

اتقدم منها وهيه تشوف الثقه بعيونه ...
وجه نظره سريعه لرگبتها بابتسامه لئيمه وگللها بخبث ...ابو شاهين من يضرب يعلم ومثل ميگول اسئل مجرب  وهو ياشر بحاجبه على رگبتها ...

مو
خزرته وهيه تخلي ايدها على رگبتها بتوتر ...متگدر تحجي تحس روحها انخرست،
كمل وهو يشوف تاثيره عليها وتوترها ورجفت جسمها زادت ابتسامته وهو يگلها بتحذير ...

واثاري تبقى معلمه عليج شكد محاولتي تخفيها ، فلتخلين راسج براسي يصغيره ،اكسرو الج

متوقعت هذه رد الفعل منه اتوقعت يصرخ او يسوي اي شي عكس الهدوء ...

من فتحت عيونها على وسعهن وهيه تشوفه يتقدم منها ويفتح دگم دشداشته ...

قمر عظامها گامت وحده اطخ بالثانيه شيريد يسوي هذه اتذكرت حركته باول يوم شافته لا ارادي خلت اديها على صدره ...

وحجت بتهديد ووحذر وهيه ترجع لوره ويه كل خطوه منه ...اذا اتقربت والله اعيط والم البيت كله عليك،

اتجاهل كل حجيها وهو يتقرب اكثر بعدها اديها على صدره تحس بنبضات گلبه السريعه جوه اديها الي تبين عگس البرود الضاهر على وجها تحس بمضخه جوه اديها ...

صااحت وهيه تتنفس بسرعه وجسمها يرجف اكثر واكثر وتشوف نضراته الها تغيرت ...لتتقرب، سلطان حصييح والله وخر

حصرها بين جسمه والكنتور انفاسه الدافيه تضرب وجهها المسافه بينهم تختفي شويه شويه، وشويه وحتنعدم كلش ...

الى ان انحنى الها ونضراته موجهه لشفايفها ...
تحاول تدفعه بس بدون فايده، تحس بصدره صخر ميتحرك ...

فقدت كل حصون قوتها وصاحت بخوف ...سلطان ،سلطان اسفه والله لتتخبل اني بت عمك ومثل اختك ، بعد ما ادخل لغرفتك بس وخر فدوه واذا على الدشداشه اجيبلك غيرها بس وخر خل اطلع ...

انحنه باتجاهي ومد ايده باتجاهي وردت اعيط فجاا ...
سحب شي من الكنتور واتجاهلني وهو يرفعلي حاجبه بشماته ونطاني ضهره وهو يخلي الفانيله على جتفه  وابتعد  ...

خليت ايدي على گلبي من الهبطه واني ادعي عليه بگليي ،سندت نفسي على الحايط ما ادري وين اودي نفسي من الفشله ... واني اسمعه يگلي بأمر وباختصار ...
طلعيلي دشداشه وغتره واكويها ...

ركضت للباب واني اگله قبل لا افتح الباب حاولت الم كرامتي الطشرتها گدامه واني اغم بروحي واتذكر توسلي واسفي اله كتله وحاولت ابين صوتي ما توتر ولا خايف ولو هو شبقيت اني ...

ماا اشتغل عندك ، اكوي الروحك
وگع گلبي بلكاع واني افتح الباب متنفتح طلع قافلها ...

عزه بعينج قمر ،اني شدخلني لغرفته
انداريت اله شفته واگف اباب الحمام ويباوعلي بتسليه وشماته ومنتجي نزلت عيني لدگم دشداشته مفتوحه وصدره طالع ...

بلعت ريگي بخوف وكتله بعصبيه ...
شكو قافل الباب افتحها، لتخليني اعيط وافضحك اخلي الكل يعرفك على حقيقتك

باوعلي من فوگ لجوه وحجه ابرود وعدم اهتمام حسسيني حشره گدامه كلش عصبت من نبرته بس المشكله اني بموقف ضعف ما اگدر اكول الساني ...

سلطان بأمر وبرود حاد...عيطي
قمر بصدمه وباوعتله بعدم فهم  ...هاا
سلطان بنفس النبره وبخباثه ...عيطي مو صار ساعه اعيط واعيط، عيطي، جبرتج تدخلين لغرفتي حجه ورفع حاجبه ...

سكتت واني اباوعله منتظرته يكمل ...
سلطان ...الكل يدري ما ادخل لغرفتي احد غريب ...وهو يباوعلي بتكبر

وسخافتج هايه وهو ياشر لقطع القماش المنثوره بالگاع اكبر دليل، بانو انتي جايه برجليج لغرفتي، احتليتي خصوصيتي
نهى كلامه بابتسامه ...

واني لكل شي عندي عقاب، وعقابج تطلعين دشداشه وغتره وتكويهن وتجهزيني قبل لا اطلع، وبوكتها افكر اطلعج منا او لا ...

قمر وهيه تباوعله بعصبيه وبنفسها تكسر هاي سنونه البيض المتباهي بيها رادت تعترض ...
رفع اصبعه بتحذير ...

كلمه وحده ما اريد اذا سويتي الكتلج عليه ولگيت كل شي جاهز قبل لا اطلع اخابر عمي شاهين، اكله تعال اخذ بنتك من غرفتي ...

عافتي جامده بمكاني من ذكر ابويه شاهين اي ابويه شكد حاول يخليني اكولها اله بس ما اجرات واني بداخلي اتمنى يسمعها مني واشوف فرحته بيها مثل فرحتي بي من يهتم بيه ، كل شي الا هو ما ريد نضرته تنكسر مني ما اريد اخذله ،
سد باب الحمام ...

صحيت على صوت الدوش انفتح...
ركضت للكنتور واني ادعي عليه مصدومه مجنت متوقعته هيج حقير طلع داهيه الكلب ...
باوعت لدشاديشه اتمنيت احرگهن واحركه وياهن بس شراح يخلصني منه ...

اختاريتله دشداشه سوده
واني ادردم عليه ومقهوره ...الله جعل ايامك بلونها يا مطي ...

لا والله سمر المطيه ليش منبهتيني بجيته، بسيطه سمر بس خل اطلع بسلامه الا اطلع كل شي سواه بيه هذه الحيوان من عيونج ...

اكوي وعيني على الحمام خاف يطلع قبل لا اكمل ...بس،اريد اطلع منا التوبه اذا خطت رجلي غرفته النفسيه من زين غرفته الخايسه ميخلي احد يدخلها ،اني اصلا ما اريد اشوف خلقتك ولا كل شي يخص
ادردم عليه مندمجه ...

جفلت من صوته القريب خلاني ارفع راسي بتفاجئ شفته گبالي بلفانيله والشوره والخاولي على جتفه يربي هذه جني لو شيطان شلون يطلع بدون ما احس بي راح يخبلني  گال ابرود  ...

ما كملتي
قمر واني انزل عيونه الحقير بلا خجل شلون يطلع هيج گدامي كتله بعصبيه ...

مو تشوفني گدامك دا صخم بيها، وانته شلون تطلع هيج بلا خجل متگول اكو بنيه

سلطان ...زين مني لبست ، بالعاده ما اللبس شي،غرفتي وحر بيها وكمل بخبث، والبنيه اذا هيج تخجل شدخلها بغرفتي ...

قمر وهيه تغلي منه باوعتله وهيه تتقرب منه شمرت عليه دشداشته والشماغ ...من حور غرفتك علساس،
اخذ ملابسك وافتح الباب خلي اطلع اختنگت ...

سلطان باوعلها واتجه للمرايه يلبس دشداشته وهو متجاهلها ...
قمر حاولت تاخذ نفس تهدي نفسها كتله بهدوء ...سلطان ،
ما رد
رجعت همست ...سلطان
استغربت وهيه تشوفه يغمض عيونه بعصبيه وايده تشد بقوه على الشماغ ...

فجأ شمر الها المفتاح وصاح بعصبيه وهو منطيها ظهره ...طلعي بسررعه وضلج ما المحه هنا بعد

اخذت المفتاح وطلعت بدون ما التفت اله حسيته مفتاج الجنه مو مفتاح غرفه ...طلعت شبه ارگض واني ممصدگه خلصت منه الوحش ...

....
دخلت لغرفه سمر ...اول مشفتها هجمت عليها
طلعت حرگه كلبي من ذاك الشيطان بيها، وهيه بس تعيط ...

سمر بوجع من كرصات قمر ...اااي لج الجلبه كافي، غير افتهم شمسويتلج

قمر بقهر وهيه تكفش شعرها ...الحقيره اكلج من يصعد صخام گليله، تالي  صار بوجهي وانتي لا حس ولا خبر

سمر بعيطه وهيه تدفع قمر وتريد تگوم منها ...لج گومي خل افهمج، اااه شعرري هدي اااي يمه لحگيلي

قمر وخرت منها ...تستاهلين

سمر بوجع ...وسم ملختي شعري المتوحشه وجماله تحجي على سلطان طلعتي انتي المتوحشه مو هو

قمر وهيه تعض شفتها بقهر ...لج لجيبين طاويه واصله لهنا منه

سمر ...شعندج وياه بس ارد افتهم ليش مخليته براسج،
قمر بتوعد ...ولا راح اتوب منه واعوفه لحد ما اخذ حقي منه

سمر بتبرير وهيه مستغربه علاقه قمر وسلطان ...بعدين مساعه اجاه تليفون وطلع للحديقه بعد ما شفته وصراحتا نسيت اصلا لان امي گالت عگب باجر يجون يخطبوج واذا موافقه نعقد بنفس اليوم لان الولد مستعجل ...

قمر شويه هدت گعدت بصفها ...اي وشنو المشكله اذا رايدته ومقتنعه بي ليش متوافقين

سمر بحيره...مدري شگول قمر والله حايره وتايها

قمر وهيه تشوف الحزن بعيونها...بسبب فيصل مو
سمر ذبت حسره من گلبها ...ليش اكو غيره

قمر بعدم فهم ...صدك مكملتيلي قصتج انتي وياه ذاك اليوم  ورجعت كتلج كمليها بلليل ما قبلتي
سمر ...

خل ننزل يم عمه سميه هسه لان سئلت عليج مساعه وبلليل احجيلج كل شي لان اريدج تساعديني بقراري ...

نزلنه رحنه لامي للمطبخ، لگيناها ملتهيه بالطبخ ...

بدون شعور منظرها خلاني اروح احضنها واني ابوس خدها ...شگاعد تطبخ امي الحلوه

سميه وهيه متفاجاه اول مره تسمعها منها ...

****
عامر ...

قطعت اجازتي ورحت لبغداد ويه جماعتي، صديقي عنده فاتحه اتوفت خالته ...
امشي بلطريق وذكرياتها متروح من بالي، شكد احاول ما افكر بيها،
بس كل ما واحد يذكر كلمه گبالي لازم اربطها بيها وارجع لنقطه الصفر من البدايه،

وصلنه حسب الوصف لمكان البيت، اني شفته عقلي وگلبي وكفن نفسه بيت فيان،
اكيد اكو خطا، جنيد شله دخل بفيان
نزلت بسرعه وبخطوات سريعه،

الراقصه والسلطان
#حور حيدر
#الانستغرام: enghour98
الواتباد: eng_hour

عدد الكلمات: 1400 كلمه

❤️ تابع الصفحه وصوت للبارت فضلا وليس امرا †

صباحكم سكر 💓 البارت القادم يوم الاثنين انشالله ✨

بنوتات وقت التنزيل ثابت بين 12 و 3 ،لان هذه وقت كتابتي ثابت،
ولي ميگدر يصبر على التنزيل خلي ينتظر الى ان تكمل الروايه ويرجع يقراها، افضل اله 🦋❤️تومام حبي

#يفدوه