رواية الراقصه والسلطان الفصل السابع والأربعون 47 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

قمر صعدت وهيه تلعن الساعه الشافته بيها... وهيه كارهه العماره من اول خطوه رغم إعجابها ببنائها المميز وتصميمها وكبرها بس لان لسلطان نفرتها...

دگت الباب ما اجاها رد فتحت الباب بالمفتاح الي انطاهيا عامر  وهيه تباوع داخل الشقه ماكو احد...
دخلت وسدت الباب افترت ملگت احد استغربت...

شافت غرفه مسدوده اترددت ادگها او لا بس انقهرت على البنيه من درت امها متوفيه وهيه اكثر وحده تعرف معنى فراگ الام شنو يعني لا سند للحياه...

دگت الباب على خفيف... وگالت بهدوء
مرحبا اني قمر

انتظرت شويه ماسمعت رد... رأدت تروح انفتحت الباب
طلعت ڤيان تباوعلها من فوگ لجوه وهيه لابسه بدي وبجامه سود وخشمها وخدودها حمر وعيونها مبين عليها باچيه...

بقت وحده صافنه بوجه الثانيه وساكته... لحد ما قررت قمر تحجي وهيه تشوف النور بوجه فيان الها وما عرفت السبب ومدت ايدها لڤيان الي تباوعلها بعصبيه...

وگالت بنبره حزن... البقيه بحياتچ
ڤيان بصوت مبحوح بجفاء گالت وهيه اول ما شافت قمر عقلها قرر هايه حبيبه عامر لو خطيبته وبما انو زواجهم على ورق فأكيد عادي يجيبها واكيد گايللها سبب زواجهم ...

حياتچ الباقيه

متعرف ليش ضاجت منها رغم هايه حياته وهيه ما الها شغله بي هو حر... رجعت گالت لروحها اي مالي شغله بي بس مو يجيبها يمي غير يحترم اني وياه هنا...

قمر حست اكو شي غلط فگالت بسرعه... اني اخت عامر

يم هل كلمه ڤيان باوعتلها بصدمه وكل ملامحها اختلفت گالت بتفاجئ...

چذب.. بس ما بينكم شبه

قمر ضحكت غصبا عليها من ملامح ڤيان وكالت... مو اذا شفتي الجنسيه هسه صدگ يطلع چذب ويتهجول الولد

ڤيان بنبره اسف وهيه ما فهمت شي بس حست روحها صارت سخيفه وياها ابتسمت وگالت وهيه تمد ايدها بتردد... اني ڤيان

قمر بنفس الابتسامه مدت ايدها... واني قمر وزوجج يسميني وضحه بعدين اگلج السبب لتسالين

حضنتها قمر وهمست الها وهيه تشوف الحزن بعيونها... اعتبريني اختچ من هسه واعرف احساسچ ولي تمرين بي بس خليج قويه

قمر بعدت عنها وهمست الها بخبث... بس ما عرفت هيج عامر امه داعيتله والناس هيج تغاار عليه...

ڤيان بخجل وهيه تخلي اديها وره ظهرها گالت بتوتر... هااا ليش منو يغار عليه

قمر بخباثه... لا هيج وحده شفتها جوا وعبالها اني حبيبته او غير شي وغارت وما احچيلچ ڤيان على نظراتها لو تموت چان موتتني
وهيه تغمزلها

ڤيان وهيه تشوف قمر شخصيه واضح عليها الثقه والقوه والذكاء تحسها عامر بس مؤنث وبشكل انثوي كامل... تعالي خل انفوت قبل لا ييجي...

ورا شويه دخل عامر للشقه ملگه احد عرفهم اكيد بغرفه ڤيان وهو يحمد ربه اجت قمر لان من بعد موقف الصبح ما فتحت الباب ولا اكلت شي...

بقى ساعه يلوم روحه على استعجاله بس ميگدرر يسيطر على روحه اكثر يمها خصوصا هيه اجته بغرفته وساعه يگول هيه بوسه هسه شمسويلها قابل والله لو ما ظروف زواجنه غلط چان ما خليتها تطلع من الغرفه...

بس خل أخذها للانبار وأمن عليها وگلبي يطمن عليها قبل لا اصعد وانه بدوامي هيه بين اهلي...
بعدها اتفرغ الها وبذيچ الساعه منو يخلصها مني...

راح للغرفه فتح الباب لگاه مفتوح دخل لگاهن گاعدات على الچربايه ومتغطيات بلبطانيه وڤيان اول ماشافته نامت وغطت راسها...

عامر شافها وباوع لقمر اثنينهم ضحكو...
حمحم وگال وهو يغمز لقمر... قمر بويه تدرين شگد مشتاگلچ من الصبح

قمر بنذاله وهيه تاشرله يجي بمكانها...روح عامر انته بذات متسال

عامر وهو ياشر لقمر وهو يشوف ڤيان تحوس جوا البطانيه... يول ليش عجل يهون عليچ عموري تسدين الباب بوجهو

قمر وهيه تگوم على كيف حتى لا تحس ڤيان... تستاهل ما دام زعلتني ما ارضى

عامر بخباثه... عجل الككوات والحلويات الجبتهن

قمر وصلت يمه اخذت جنطتها وتليفونها...
عامر همس لقمر... ابويه ينتظرچ بلشقه الگبالنه

عامر گعد على كيف ورفع البطانيه ودخل وياها شافها نايمه على ظهرها ومخليه اديها الاثنين على حلگها ومغمضه عيونها ابتسم من منظرها يحس بيها طفله بجسد أنثى ما چان يحب هيج تصرفات يگول عليهن   ...

مد ايده لاديها وخرهم من شفايفها ودارها اله باوعتله بصدمه همست... انته انته

عامر عيونه راحت لنحرحها همس بخشونه وهو لازم اديها ونايمين واحد مقابل الثاني جوا البطانيه ويشوف جزء قليل من وجهها من الظوا الي يفوت من زروف البطانيه...ڤيان 

ڤيان رفعت عيونها اله بدون متحجي شي وهيه تحمد ربها وجهها ممبين اله...

عامر بنفس النبره الرجوليه... زعلانه مني

ڤيان بلعت ريگها من التوتر والخجل نزلت عيونها ورجعت باوعتله هزت راسها وهيه تشوف شويه من عيونه بس تحس بنظراته عليها...

عامر همس بنذاله وهو يبتسم ويعض شفته...ول بويه ليش زعلان الصغير مني

ڤيان صخنت من كلامه همست بفهاوه... هااا

عامر بعتب وهو يريد يأثر عليها... واهون عليچ تعوفيني لوحدي هو أنه شمسويلج غير  تگولين

ڤيان بقهر وهيه تگول بقلبها خبيث يذكرني بلسواه كل ساع مسوي روحه بريئ گالت بانفعال ... تستاهل

عامر بضحكه...افه افه اي ليش غير افتهم مو انه خطيه

انه شگلت يولو وانته زعلت عليه

ڤيان انطته ظهرها... اهوو عاامر اسكت

عامر اتقرب منها وهمس باذنها وخله ايده على زندها... وشلون يرضى الزعلان على عموري

ڤيان بتوتر ما عرفت شتگول گالت بسرعه... گولي اسف اول

عامر ضحك من كل گلبه اتذكر طلبها نفسه بذيج الليله ... يول شعندچ كل ما شفتيتي وگول اسف

ڤيان بزعل وهيه توخر ايده... لعد روح يله... يله ما الك دخل بيه

عامر ثبتها من اديها  ... يمعثوره وچ اسف اثبتي

عامر بجديه وهو يرفع البطانيه عليهم ويوگع الضوه عليها خزرها... لا تتحركين

همس بنبره غريبه ... يول الله يصگعچ شكد حلوه تفلكين

ڤيان همست ... عامر لا تخزرني گوم اريد حلويات

عامر بنفس النبره... يول انتي الحلويات

..........

بلشقه المقابله دگت قمر الباب وهيه تدعي بداخلها سلطان مموجود وياهم...

خابت كل أمالها من انفتحت الباب من قبله وشافته واگف گدامها بهيبته وكشخته الي لاحظتها عليه رغم كرهه اله بسبب تتعجب دائما كاشخ وعطره الي ملا انفاسها يفوح منه ماتدري شوكت ينام يرتاح اغلب الوقت لو ببغداد لو بلشغل وموجود يم الكل بكل مشكله لازم موجود قبل الكل...

وجهها عبس اول ماشافته وهو لاحظ هل شي بقى واگف لحد ما فاتت ما حچه شي وهيه بلمثل...

مبعدت خطوتين وگامت تگح بقوه وجنطتها وگعت من ايدها...

سلطان أتقدم الها گللها... شبيچ

ما گدرت تحجي من الگحه زادت عليها اكثر وجهها صار احمر لزمها من اديها الاثنين سندها للسنگ...

اخذ كلاس فتح الثلاجه فتح المي ملاه... رجعلها
لزم وجهها من جوا جنچها رفعه شربها مي ما گدرت تمنعه لان چانت حاسه الهوا انگطع من ريتها...

وگف بصفها ملا چفه مي.. وگف گبالها وانفاس تظرب جبهتها ومرره على وجهها ... رادت توخر ايده بضعف

لزم ايدها همس... اشش

گعدها على كرسي وعافها...

طلع من المطبخ شويه ورجع... وگف كبالها نزل لمستواها رگع على ركبه خله بخاف بحلگها

وره شويه هدت  باوعلها گللها بهدوء... شلون صرتي

قمر وهيه كارهه مرضها الخلاها تحتاجله همست بتعب بصوتها... احسن

شويه ورجعت رفعت راسها اله شافته گبالها منتجي على الحايط ومربع اديه ويباوعلها بنظرات ما عرفت شنو هيه بس مو نظرات الاستهزاء الي دائما يباوعلها بيهن گالتله...
شلون عرفت عندي ربو

سلطان وهو بعده يباوعلها گاللها باختصار... ذياب عندو ربو

عافها وطلع...
عرفت من جملته يعني هل ادويه مخليها بشقته احتياط  لذياب للنوبات المفاجئه...

وره شويه طلعت من المطبخ... صادفته گبالها طالع من غرفته وهو مغير دشداشته...

أتقدم منها هيه بقت واگفه جزاها ودخل للمطبخ...

عضت شفتها بقهر...

رجعت اله وگفت گبال المطبخ وگالت... لاتتوقع اشكرك على السويته ويايه، بس ما اتعودت اخذ شي من غير ما انطي مقابل تبقى الك خدمه برگبتي...

...............

صباح الخير ♥️

ان شاء الله الكل بخير ❤️

كاتبات اقرو قصصهم وادعموهم ❤️❤️

ghuroob1992

NANOAL8