رواية الراقصه والسلطان الفصل السابع والخمسون 57 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

لگعدلك على فراش العرس 
وبطرگ المسج واللوم...
عود...
اجيسك بالحلم تاخذني...
زخه لوم...

سمر بقت تباوع بصمت من اول ما اجه فيصل...

قمر شاورتها وهيه تباوعلها عينها ما نزلت على فيصل ... هيچ تحبي 

سمر باوعتلها بعدم فهم... شنو

قمر بخباثه... عيونج راح تطلع من مكانها من گد متباوعيله

سمر بكسره ... حقير ميستاهل حبي

قمر بنفس النبره...ربي

سمر... شربي منه ،هذه على كوله سلطان سربوت امه ما عرفت تربي جايتني انه اربي

قمر...
مطيه  حرگي گلبه مثل ما حرگ گلبج خلي يتربي لتصيرين ثوله وگلبج يلين ولج النسوان تخلي الرجال لعبه بيدها

سمر جرت حسره وهيه تباوعله يرگص... وچ مو بيدي والقران  اكول اعوفه اگول ما باوعله بس گلبي اووف منه هو يشوفه يگوم يرفرف من الفرح...

قمر... الرجال من يشوفچ بكل غلطه تسامحي يدوس عليج اكثر واكثر... صيري عزيزه گلب

گلبج خلي غالي...

سمر... خايبه لا تحاجيني انه حاچي هل اغبر وهيه تغم گلبها

قمر ضحكت... طايح حظ على صاحبته

سمر عبست ... دولي مني خليني بقهرتي لا اگول لابن اخوي

قمر ضحكت بصوت عالي ... انتي وابن اخوج نفس العقل

مروه... عيني شبي عقل سلطان

قمر رفعت حاجبها وباوعتلها ابرود... ونتي شكو

مروه... من تحجين عن ابن عمج احجي عدل

قمر بنفس البرود... ونتي شكو 

مروه... خطيبي وابن خالي ما اسمح احد يقلل منه

قمر باوعت ابتسمت وباوعتلها من فوگ لجوا... ظز بيج انتي وخطيبج تمام هيچ

مروه بتفاجئ... شكد صلفه الله اعلم وين چنتي بيا شارع ولفوج هنا

قمر وهيه گوه لازمه روحها... اسحلچ هنا والله ذهابا وايابا واخليج مضحكه للرايح والجاي واعرفج فخليني محترمتج لخاطر اختج

اريج ادخلت... كافي بنات شبيكم

مروه متشوفيها تحجي على سلطان

اريج...وين حجت عليه ما سمعنا گالت شي... بعدين ابن عمها ليش تدخلين بينهم

مروه... سكتي انتي متفتهمين
سمر... كافي مروه گاعد نشاقه اني وقمر شجابج ابينه

مروه... طبعا تصفين ويه بت اخوج

اريج سحبت مروه
مروه بهيام... اريچ دحگي لابو شاهين يمكن راح يغني

قمر بعصبيه...راح اگوم اترفس ابطنها هل لوگيه موتتني

سمر بلهفه وحماس ... دعوفيها وسمعي سلطان نادرا ميغني

جوا يم الشباب...

سلطان گعد بعد ما اجه فيصل...

حر... ابو شاهين رايد وحده على الگلب منك

فيصل بخبث ... اي والله للي مفارگ ولفه

سلطان باوعله ابرود رجع باوع لحر... اللزم الچوبي ابو حرب

وگف بنص دايره الچوبي... وگام يغني بصوته المبحوح

يا هوى الغربي روح داعب گذلتو...

يا هوى الغربي روح داعب گذلتو...

رفع راسه لفوگ وگال ...

مو شاب گلبي يا رفاگه بخزرتو..

ارصاص برنو لو نظر للچاتله...

مر الغزال وصابني وگلبي انوله...

طلع مسدسه من الجعبه... ورما

صااح حر... الله حيو ابو شاهين

  وهو ياخذ الرشاشه ويرمي

وفيصل وراه فرغ مسدسه وصاح... گرب هين ابو شاهين ميحلى الجوبي بدون لعبك

سلطان ابرود دخل مسدسه لجعبته ... لعبه بي مزعطه مو الي، العب ويه الزلم انه

حر لزم شاربه... افه ابو شاهين هدي مو نسيبك

سلطان ابرود... عجل گله للنسيب البت جايها خطابه خله يستعدل بلطلاگ

فيصل اتخبل من سمع... هجم على سلطان لزم ياخته

سلطان الا سمر بلقران تصير دم...

سلطان همس بارد... الغالي ما يتفرط بي وانته فرطت بلغالي سقط حقك منه

حر دخل بينهم... سلطان مو وكتها هسع

فيصل راح يتخبل...سمر حقي ومرتي  لتخليني انهبها منكم  تعرفني مخبل واسويها

سلطان باستفزاز ...سمر التختار واذا وافقت على الي اتقدملها تطلك اودعناكم

عافهم ومشاا سلطان دخل للبيت...

لزم تليفونه دك على سمر...

انزلن بسرعه وبالچن وحده تگرب للحديقه...

حنه  النسوان يدري فضت ما بقه بس الگرايب...

دخل للبيت من المطبخ صعد لغرفته گبل...

بلسطح بعد ما سدته سمر صاحت... يله ننزل بنات

نزلن للغرفه يبدلن...

سمر... اووف متت حر عزه شكد ثگيل هل فستان

فيان بتعب... اي والله بس اريد اعرف اخلص منه اول وحده اطب اسبح اني...

نمارق كل ساع تلفونها يرن برساله...

قمر... خيه رحمي للرجال وردي

نمارق وهيه خجلانه من نظرات البنات عليها... الو

هله بحسچ يبعد هلي...

شلونك...

حر بهمس وغزل... ولهاااان وميت

حالي فوگ السما

احم دوم...

اگلج ولهان احچي لا تورين گليبي...

حر يمي البنات...

حر بخبث... خجلانه بنيتي منهن دعوفيهن وتعالي بحظني

نمارق وجهها صخن من كلامه ومتگدر ترد عليه گدام البنات حجت بصوت ناصي...
حررر

حر بهيام... وچ يمچ حر لا حول ولا قوه

سكتت
رجع كللها... بذمتچ ما مشتاگتلي

نمارق وهيه تعض شفتها من الاحراج...اممم

حر بحنيه... هسع شفهم من ال اممم

اگلچ...
نمارق بهمس وهيه تتمنى يغير الموضوع ... گول

شوگت انام بحظنچ...

قمر شبعت ضحك على نمارق وجهها گلب اللوان... اشرت للبنات ياخذن ملابسهن ويطلعن...

نمارق اخذت نفس وكالت بعصبيه .. شكد متستحي اتفشلت گدام البنات

حر... يمين الله ما اگدر يول اريد اشوفچ وابوسچ واح

نمارق وهيه تهفي بايدها على وجهها... حرر عززه بعينك اسكت...

حر بثگل... شوكت أمد طولچ اعلى طولي ول بويه صبري خلص رايدچ يبعدي

حر راح اسده...

لتبخلين عليه مو وليدچ انه...

نمارق وهيه تريد تسحب السحتب مال فستان لجوه... وليدي حباب اني

حر بضحكه... عچل خليني احچي يشمامه روحي

نمارق وهيه تريد تغير الموضوع... طالع اليوم تخبل

حر وهو مفتهم عليها... وباچر انته تخبلني يحليو

نمارق والسحابه مچلبه زهگت روحها عاطت... اففف دنفتح

حر...

بعد ما بدلن البنات نزلن ياكلن بس اريج بقت نايمه...

لگن مروه گاعده بصف الشيخه وتسولف وياها

راحن گعدن...

قمر وهيه تباوع المروه اللازكه راسها براس الشيخه ... بيبيتي وما حاجيه وياها هلگد

گعدي بحظنها بعد ...

سمر وفيان ضحكن...

رفعت الشيخه راسها... يله يمه عوفن الضحگ نضفن البيت هوسه

قمر حجت بصوت ناصي... ما تسولف ويانه لعد لو نبزبز

سمر...شوفن مكتوب بگصتي بنگلادش

فيان تتثاوب... نعسانه ولجن

سمر بتعب... هيه مو خطوبتج متنظفين انتي احنه شنو ذنبنه

قمر... سكتن اني احلها

قمر وهيه تباوع لمروه باستفزاز... بيبي مروه گالت فوگ تبقى يمنه وتراهنت ويانا تنظف البيت كله وحدها بنص ساعه

مروه فكت عينها وخزرت قمر...

الشيخه... لا خطيه البت تعبانه

قمر... كتلها بس حلفت محد يدوس شي الا هيه ما نگدر نكسر حلفانها خطيه مو سمر

سمر وهيه صافنه على قمر... هاا اي يمه صحيح هيه گالت

قمر وهيه تباوع المروه بتحدي... خطيه گالت اني بنص ساعه اخلصه كله مو مروه

مروه ما تگدر تكول لا... اي شيخه اني اخدمج بعيوني

قمر يله بنات نروح ناكل... اليوم كلش تعبانه

راحن للمطبخ اول مدخلن... طگنها بضحكه

سمر... لج شهل عقل هذه

قمر غمزتلها... مو شاطره هيه خليها تنظف لعد احنه مو شاطرات

اگلجن صدك... امي وين لعد من نزلنا ما شفناها

سمر... اوهو وين تلگيها ابو عامر خطفها من زمان

قمر... خطير البابا والله

.....

ابو عامر عيب امشي ننزل عفت الشيخه والبنات وحدهن

ابو عامر ويسد الباب ويشمر شماغه... ليش هاملتني

سميه... شاهين غير ملتهيه بحنه عامر

ابو عامر وهو يتقدم منها... وانه

سميه بدلع... شاااهين

ابو عامر... عيونو وگلبو

سميه... حنه ابنك اليوم ميصير نعوفه

ابو عامر حظن چفوف ايدها بايده...سميه مشتاگلج اليوم اريدچ تعوضيني بايام حنتي عليچ...

سميه بخجل... ياا شعوضك

ابو عامر بغزل... تذكرين من چنتي تنامين يم امي وتشردين مني ومرمرتيني

سميه ضحكت من تذكرت شلون اتعذب وياها ... جنت صغيره وما افتهم

ابو عامر وهو يحظن وجهها همس الها بحنيه... الليله تعوضيني عن ذيچ الليله...

..............

ثاني يوم...
گعدت من وكت شافت البنات نايمات... بدلت ونزلت

سمعت صوت بلمجلس دخلت

للمجلس شافت سلطان نايم على رجل وضحه ومغطي وجهها بشماغه وتمسدله راسه ... رادت ترجع
استغربت شيسوون من الصبح هنا... حست بينهم شي

صاحتها وضحه وهيه تباوعلها بنظرات غريبه... گربي قميره

قمر... صباح الخير
شافت حركه جسم سلطان عرفت بي مو نايم
اتوترت من وجوده كلش...

وضحه... صبحج الله بلخير وين البنوات عنج

قمر بصوت ناصي... نايمات تعبن البارحه

دخلت بهل اثناء مروه وبيدها صينيه...

اتغيرت ملامح مروه اول مشافت قمر...

خلت الصينيه بلگاع... وهيه تباوع صفح لقمر

الشيخه... يمه ليش تعبتي نفسچ

مروه وعينها على سلطان... لا يمه شلون سلطان يطلع بدون ريوگ

الشيخه وهيه تهز چتف سلطان... يله يمه گوم اتريگ

قمر تسوي روحها تباوع على تليفونها وتغم روحها ليش دخلت هنا...

حست بنظراته عليها...

لا اراديا رفعت عينها... صارت عينها بعينه
حست بي شي، اكو شي متاكده شكله مال واحد
تعبان... وهموم الدنيا شايلها

قمر تريد تخلص من هل توتر... گامت تريد تطلع

وگفها صوته...
گربي هين...

ضغطت على تلفونها بقوه... اندارت

سلطان وهو يشرب چاي... تعالي اتريگي

الشيخه باوعت لسلطان رجعت باوعتلها... اي يمه تعاي اتريگي ويه ابن عمچ

قمر... بلعافيه عافتهم وطلعت

وهيه گلبها ممرتاح تحس اكو شي

....... العصر
گاعدين بلمجلس... والشيوخ مجمعين وكلها تبارك لعامر وحر

وسلطان چان گاعد بصدر المجلس يم جده وعمه ويسولف ويه حر...

فجأ حجا واحد من الشيوخ...

شيخ ابو ناصر عندي طلب يمك...الليله فرحتنه نريدها تصير اثنين
وطلبي يمك...

ابو ناصر رفع راسه... تامر ابو خالد

ابو خالد... ما يامر عليك شيخنا وبوجود الكل طالب منك ايد بنيتك وحفيدتك لولدي خالد وابراهيم

فيصل فز على حيله... يا بت التطلبها

ابو فيصل اتفشل من صياح ابنه... اگعد فيصل

فيصل بعصبيه صاح ... شگعد ما تسمعه جاي يخطب مرتي وهيه على ذمتي

ابو خالد... بويه انته مو مطلگها

فيصل بنفس انفعاله وهو يخزر ولده... لا مو مطلگها وهاي گدام المجلس كله بت الشيخ نمر حلالي من سنين

ابو خالد وهو يباوع لسلطان... بويه سلطان

سلطان بهدوء... مو وكته هسع بعدين نتفاهم ابو خالد وخاطرك طيب ان شاء الله

فيصل وهو النار تاكله من غيرته ومن سلطان... مرتي واخطيت بحقها وانه الغلطان وهاي گدام الوادم والشيوخ معترف بذنبي

حر ما هان عليه يشوف صديقه بهل موقف... حقك خويه والبت مرتك

ابو نمر... ابو خالد لو تطلب عيوني مرخوصات الك بنتي متزوجه وبت ابو عامر لابن عمها سلطان...

صوت الطلق ترس البيت  ... انخبص البيت بعدها

سلطان والولد فزو كل واحد اخذ سلاحه وطلع...

سمعو صوت عامر يصيح... سلطان انضرب الحگوله

........... ♥️

يسعد مساكم يحلوين ❤️

للي سألو عن موعد التنزيل...

التنزيل بين يوم ويوم❤️

ولي عنده سوال يخلي هنا ✌️

#يفدوه