رواية الراقصه والسلطان الفصل السابع والثلاثون 37 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

صعدت بلسياره ...شفتها فتحت الباب الوره ...
باوعتلها بلمرايه وكتلها ...

بويه ابزز گلولج، شارده مني ... وبلهجه امر وحده
حدري هين ...

نمارق نزلت راسها وهيه خايفه منه متريد تگعد بمكان قريب منه ،گعدت وره وخلت كتبها بحضنها وگالت بصوت ناصي ...
لا هنانه مرتاحه ...ودارت وجهها للشباك لبصفها

حر باوعلها من مرايه السايق ورجع شغل السياره وهو يضغط بايده على الستيرن وهو يهمس بعصبيه ويمسح على شعره من وره  ...
الله يجيبج يا طوله البال ...

حرك السياره وهو عين على الشارع وعين عليها ...
يريد يحاجيها ميگدر يسكت اكثر گلبه محروگ من طلعو لهسه ،يريد بس يعرف، ويريح گلبه
يباوعلها تگلب بلملزمه،
حر ..احم، احم
ماكو نمارق ولا يمه
رجع حمحم بصوت اعلى ...
وهيه على نفس وضعها ...
وگف السياره فجا التفت الها، شافها تباوعله متفاجئه ...
گال بعصبيه وامر ...

حدري هين بسرعه ...

نمارق جفلت من عصبيته رادت تحجي ...بس

حر قاطعها بنفس النبره ...اشش ولا حرف بسرعه هسع حدري يمي ...
جيبي الملازم ...
نمارق بعدم فهم ...شنو
حر جيبي ملازمج وهو يمد ايده الها ...
مدتهم اله وهيه متباوع بعيونه...اخذهم وگللها وهو يباوعلها ...حدري
نزلت وهيه بين نارين تعرف اذا ابوها عرف راح يموتها ويبطلها من الدوام وبنفس الوقت تخاف من حر وترعب من نظراته ، سمت بداخلها و صعدت بصفه وهيه متردده ...حاولت تبعد عنه شگد متگدر

خله كتبها على الدجه البينهم ...
صعدت غمض عيونه وقبض ايده يشم عطرها الناعم ...
اتخيلها نايمه بحضنه وحاضنها من وره ومخلي راسه برگبتها ويشم بيها ...

جسمه اشتعل ناار مجرد اتخيل هيج ...

فتح عيونه باوعلها من فوگ لجوه ...غمض عيونه وهو وهو يهمس استغفر الله، اخذ نفس رجع باوعلها
مخليه اديها بحظنها وتركهن بتوتر انتبه لاديها و لاصابعها صغار وناعمات رجع باوع لاديه اذا حضن اديها بين اديه يضيعن بضخامته اديه العملاقه مقارنه بادين الاطفال مالتها  ...

حر عقلي گام ميجمع واني افكر هسه كل اليشوفها يبقى يتمعن بتفاصيلها ويتخيلها مثلي ...يربي شجرالي انه، شفكر زين هسه شلون اضمها عن عيون الكل ...

حمحم ورجع باوعلها ...وكال بعصبيه
نمارق ...
باوعتله بعيونها الذابله، بقه صافن بعيونها وگال بهدوء وهو تايه بعيونها الحزينه عكس البداخله عقله يصورله اشياء يحاول گوه يمنع نفسه ميسويها ...

العطر هذه ممنوع تخلين منو بلدوام، سكت شويه وگال بحنيه وعيونه بعيونها
يولو لتخلينو بعد اصلا ...

هزت راسها وبعدت نظرها عنه بسرعه وباوعت للشارع تتمنى تبعد عن الكل بهل لحظه ...وهيه گوه لازمه دمعتها لتنزل ،
تكره نفسها، تكره ضعفها، تكره تحكم الكل بيها
تكره شخصيتها الضعيفه،
حست باهانه من كلامه ومگدرت تبلع غصتها كامت تبجي ،

شافت وصل للجامعه ...اخذت كتبها لمتها لصدرها فتحت الباب وگالت قبل لا تنزل ...
باوعتله وهيه دموعها تنزل گالتله بخنگه  ...اذا مضايق من عطري گتلك لتوصلني، وراح ارجع بخطي لتعب نفسك،
نزلت بدون لتنطي فرصه يرد ...

حر وهو يسوق مجان منتبه لدموعها، باوعلها وگام يسب روحه وهو يشوف دموعها ، نزل وراها شافها دخلت للجامعه ...رجع صعد
غبي، غبي ول بويه نزلو دموعها من ورايه،
ضرب الستيرن وهو يگول بقهر اشتعل حر، عسى ماكو حر اي شمالك اثول متعرف تحجي وياها حجايتين ...

رجع للبيت ...

دخلت شفت امي گاعده بلحديقه ويمها عمتي وبتها ...
مالي خلگ اسم روحي طالعه، ردت اعبرهن
صاحتلي امي ...

گلت واني اعظ شفتي اشتعل صادق ...

مشيت الهن ...
حر بخشونه وهو واگف بعيد شويه...السلام عليكم
ردو عليه كلهم ...
رجع گال وهو يباوع لعمته ...
الله حيو ام جمال

ام جمال ...يهله بحر ساعه لمباركه الشفناك، لا تمر لا تگول عمتي اسئل عليها

حر ...عمه والله شوفتج، هسع نزلت من الدوام وملتهي،امرلكم انشالله

ام حر وهيه تعرف حر ينحرج گالت بضحكه وهيه تباوع لحر وبگلبها تتمنى ينعجب بخديجه بت عمته وتزوجه وهيه مخليتها ابالها من زمان
... اگرب هين يمه ،سلم على بت عمتك لا تستحي ...
ام جمال ...ياا حر تستحي من بت عمتك ،قبل گم سنه جنتو تلعبون سوه وما ترضه احد غيرها يلزم غراضك

حر باحراج وهو يباوع لامه وياشرلها من غير لينتبهون يدري بيها متعمده ...

لا يمه عليمن المستحه حالها حال رونق ،
احم ، وهو منزل راسه، شلونج خديجه

خديجه بت عمته الجبيره وهو من اجه لهسه منزلت عينها عنه، تحبه من جانت صغيره ...
رفعت عينها وهيه تباوعله بجرئه وحالميه ...
بخير ابن خالي اذا انته بخير،

حر اتحمحم وگال  ...اترخص انه محتاجين شي

راد يروح وصاحت امه وراه ... يمه عمتك تتغده يمنه واحنه مسوين باجه ،وخديجه متحبها جيب وياك سمج
الها ...

حر ...انشالله يمه سهله

دخل للمطبخ وشاف گدامه رونق گاعد تطبخ  ...
صاح بقهر ...ادري امي شوكت تبطل حركاتها

رونق اندارت بتفاجئ من شوفته ...يمه شبيك داخل عصبي هيج، دسلم اول

اتقدم منها باسها وهو يگللها ... مو ضوجتني اعرف شنو تلمحله،

رونق بضحك ...خديجه مو
حر ...ليش اكو غير سالفه

رونق بصراحه ...باوع اني صح ما اهضمها بس البنيه تحبك، ليش متزوجها

حر بعصبيه ...كافي سدي الموضوع اصعد انخمد احسلي ...

مشه ورجع وهو يتذكر ...باوع بارتباك لرونق
صدگ اكلج رونق ...احم
نمارق شوكت تطلع من الجامعه

رونق وهيه تباوعله باستغراب واتحولت نضراتها لخبث ...وليش تريد تعرف

حر  وهو يحاول ميبين اهتمامه ... مالج خص، گولي شوكت

رونق بخبث وهيه تتجتف ...لعد ما اگول اله تگلي ليش

حر وهو يعض، شفته ... يمعثوره، اريد اجيبها من الدوام

رونق وهيه تتقرب منه وتحجي بصوت ناصي ...اممم، زين ليش تجيبها مو عدها خط بعدين شعرفك بنمارق، وليش هيه الوحيده من بنات الگرابه اهتميت بامورها

حر لزمها من شعرها وگال وهو يقربها من الجدر  ... عجل انه تحققين وياي يول تگولين لو اوكلج الگراعين البلجدر هسع ...

رونق بخوف ...بثنعش والله گالت تطلع

حر بعد ما عافها ... جبانه

رونق صاحت وراه ...بسيطه بسيطه، تاليتي اعرف كل شي وتجيني تريد اساعدك

صعد لغرفته وهو يضحك ...

نزع دشداشته وگعد على الجربايه وهو يگول لنفسه زين انه شرايد منها، ليش بس افكر بيها من يوم الشفها لهساع حاولت اعوفها وما فكر بيها ما گدرت، واذا صارت گدامي، اجفص وياها واخليها تبجي
ما اگدر افهم احساسي، ما اعرف شگاعد اسوي وياها من اشوفها الحجي يطلع وحده، وعقلي يبدي يتخيل شغلات بحياتي ممفكر بيها ويه وحده غيرها، واتعصب اريد بس اضمها ما اريد احد يشوفها ...

نام وعينه على الساعه ،گام يتگلب يريدها بس تمشي ،فجا اجه اباله هسه هيه گاعده والشباب عيونهم عليها ويذبولها حجي ...
همس بعصبيه ، اشتعل صادق راح اتخبل من وره بتك
گام لبس ملابسه باوع للساعه ب 11

اخذ سلاحه والجگاير والسويج وطلع ...
وصلت لباب الجامعه ادخن جگاره واباوع  ...الطلاب اطب وتطلع ...
فات واحد من يمي هو وصاحبه ويگله ...
شفتها شلون قطعه ...
ويرد عليه الثاني ...صاروخ، لك صديقتها هم عليها خوش ...

حر وهو يسحب نفس طويل ...ما اتحمل الحجي اتخيل يشوفونها ويفصلونها هيج بعيونهم ...

نزل وراح للجامعه طلع هويته ودخل ...سئل على كليه الطب يمشي بهيبته وهو لابس بنطرون وقميص اسود وعيونه تخزر الگدامه ...

نمارق جان عدنه محاظره والدكتوره لغتها فگعدنه  اباب القسم اني وصديقتي، اشرحلها واني ما احب اگعد اباب القسم لان احس العيون كلها تصير عليه واني ما احب هيج ، دائما اگعد بزاويه وحدي بعيد عن النظر ...بس صديقتي اصرت حاولت ما اباوع لگدام لان اكو شله ولد ادبسزيه بس يذبون حجي ...ومنهم واحد ويانه بالشعبه بكل فرصه يريد يحاجيني واني اصده ...

نمارق بصوت ناصي واني عيني على الملزمه...وهذه السوال الدكتور گال كلش،مهم انتبهي عليه اشرته الج ،
افتهمتي ...
مسمعت جواب ...
رفعت راسي الها ...كتلها بنين افتهمتي شبيج

بنين وهيه تباوع لگدام وعيونها صارت گلوب تطلع ...لج شفتهم دشوفي العاصفه التمشي،

نمارق باوعت باستغراب ...انصدمت واني اشوف حر جاي علينه وشگله عصبي كلش...ولو هو كل ما شوفه عصبي شنو الجديد ...
ما اعرف خفت حسيت اني السبب، من نظراته الموجها عليه ...
بنين ...لج هذه الحلو جاي علينه،

ما رديت عليها وگفت الملم غراضي بارتباك وخوف ،ومن ارتباكي وگعدت دفتر نزلت ارد اخذه
محسيت الا ايده سحبتني ومنعني انزل اخذ الدفتر ...
باوعتله شفته يخزرني وهو يهمس ...ايااج تسوينها

نزل جاب الدفتر وهو بعده لازم ايدي واني وجهي گلب الوان من الاحراج، وخايفه لا تطلع حجايه عليه والله ابويه يموتني اذا سمع شي عني ...
حاولت اوخر ايده، موخر مد الدفتر اليه اخذته منه بسرعه بس اريده يعوفني ...باوعتله يخزر بحمزه
الدم نشف بعروگي ...
حر وهو گوه لازم اعصابه من شافه يباوع لنمارق بنظرات فهمها هو زين ...
گتلها ...امشي يله
مشيت وانه لازم ايدها متعمد، اثبت للكل هيه اليه ملگ حر ...
بت القندره تريد ادنگ گدام الكل ...غير انجنيت هو انه شفتها مره واتخبلت ...
نمارق متت بدمي لازم ايدي ويمشي حاولت اسحبها ميقبل ...
همست باحراج ... حر، عوف ايدي

حر بحده ...امشي وانتي ساكته بلسياره حسابج لتستعجلين ...

نمارق گمت ارجف شبي شمسويه اني، معقوله على كلامي قبل لا انزل، بس هو السبب ولازم اني الازعل مو هو،

وصلنه السياره فتحلي الباب وگال وهو داير وجهه عني ...كحزي بلعجل

نمارق مفهمت كلامه، بس من الخوف صعدت بدون ما احجي سد الباب بقوه جفلت ...
وصعد هو ...
صوت انفاسه العاليه الوحيد بلسياره ...
حر بهدوء غريب وهو يباوع لگدام  ...هذاگ السربوت ليباوعلج تعرفي ...

نمارق برعب وخوف ... مفهمت منو

حر بجمود وحده وهو يباوعلها ويخزرها ...كتلج منو لتجذبين تعرفين منو اقصدد

نمارق بدموع ...

🌼🌼🌼

صباحكم سكر 🦋
بنات ملاحظه للمره الالف، الي ميكدر ينتظر خلي يعوف الروايه لمن تكمل يرجع يقراها تمام ❤️ حتي لتصوجون من الانتظار
#يفدوه