رواية الراقصه والسلطان الفصل الثامن والثلاثون 38 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

نمارق بدموع ...ما اعرفه والله

صاح حر بعصبيه وهو يشمر السلاح والجگاير ع الدشبول ... لتكفرينه لج شلون ردتي ادنگين هيج وهذاگ الساقط ابن الك## يدحگلج  ، گولي منو لا انعل ال

سكت من اندار عليها وشافها تشاهگ من البجي گام يسب بروحه ...
ضرب الستيرن واندار للجامه همس بعصبيه وهو يحس بجمر يجوي گلبه من شاف دموعها  ...اشتعل صادق

اندار عليها باوعلها مغطيه وجهاا باديها ...غمض عيونه وقبض ايده ...

مد ايده الها يريد يسكتها ورجعها بتردد، شعور غريب عليه اول مره يجربه، يعرف هو سبب دموعها ولازم يراضيها وهل شي اول مره يسوي، طول عمره كلامه يذبه بدون حواجز ولا ترتيب واذا عصب ميشوف گدامه ...

همس بندم والكلام طلع من گلبه بدون ميرتبه ...ول ابويه انتي گافي لتبجين ، ابن الطراگ ور گلبي وانه اشوفه يدحگلج ويباوع لل

سكت وهو استوعب شجان راح يحجي وهو يمسح وجهه يحاول يهدي نفسه ويهمس استغفر الله ...
كل ميذكر نظراته يريد يرجع ويطلع عيونه بيده ...

نمارق باوعتله بحزن وضعف ووجها صار احمر من البجي تحجي وتشاهگ ...والله العظيم هو يباوعلي بنظرات مو حلوه وكل ميشوفني يذبلي حجي  اني شدخلني اذا حجيت واشتكيت للقسم ابويه يعرف، ويبطلني احاول اتجبنه بكل مره ...

حر والدم صعد الراسه من الاعصاب متحمل يشوف نظرات الضعف ودموعها گللها  ... لتبجين ابويه انتي وحگ دموعج  الا اطرو اليوم هل خسيس  ...

راد ينزل نمارق بلا شعور لزمت ايده تمنعه وهيه تگله ..
حر لا فدوه عوفه كافي،والله تعبت...

حر وجسمه يحس باد من لمسه اديها واسمه النطقته بين شفايفها باوعلها بلهفه اول ملمسته گللها بهدوء وهو يباوع لايدها اللازمه ايده ويرجع يباوع لشفايفها الترجف رجع باوع لعيونها الذابله مراد يخوفها اكثر ...
وخرت ايدها بخجل وحضنتها وهيه تشوف نظراته الها دارت عيونها للشباك ...

نمارق لتخافين من احد وانه يمج، اليتعده عليج لو بنضره دخلي اصابعج بعينو كائن من يكون ،
صيري گويه وبطلي دموع، بطلي الفهاوه

نمارق حجت بتردد وهيه تباوع من الشباك ... شلون ما اخاف وانته من شفتني لهسه بعدني ممسويه شي وتصيح وتغلط عليه وحجيك مثل السجاجين...

مد ايده بتردد دار وجهاا اله، بعدت وجهها من حضن ايده بسرعه سحب ايده وهو يشوف الدمعه بطرف عينها يخاف عليها ضعيفه كلش،ورقيقه بسرعه تنكسر  ...
ول بويه لتزعلين من حجايتي انه، انه ما اعرف انعم اسلوبي وخصوصا وياج اول مره احجي ويه احم اقصد بنيه غير رونق، اسلوبي عنيف ومن اعصب ما شوف گدامي والحجي يطلع مني على گولتج مثل السجاجين ، بس الليلو عزاز لا تنزليهن ،
منا وغاد ما ريد تصير دمعتج رخيصه ...افتهمتي بويه

نمارق هزت راسها باي وهيه متفاجئه من كلامه تخاف منه كلش تريد تفهم هو شنو دخله بيها وليش يصيح عليها ومهتم بكل شي يخصها، فكرت خاف ابوها موصي بس تعرف ابوها ميحبه وگوه قبل تجي ابيتهم من قنعته عمتها هو مييجي للبيت ...

حرك سيارته وهو يتوعد للي اباله ...

كل ساع يباوع عليها ويشرد بتفاصيلها يشوفها تباوع لگدام وشارده ...

وگف كدام مطعم اخذ محفضته نزل وگللها ...هسع اجي ،

نمارق يمشي واني اباوعله، يمشي بخطوات واثقه كل ما يباوعلي مدري شيصير بيه بطني تمغصني وگلبي يدگ بسرعه ... من اول يوم شفته واني احلم بي كل ليله ...
امنع نفسي من التفكير بي بس ما اگدر، اعرف حرام افكر بي ، احس ابويه بس يشوفني يكشفني فجنت گد ما اگدر اشيله من بالي بس صعب ...

اتمنى اصير قويه مثل ميگول بس وين ابويه اذا كلت لا لو حاولت اگول رائي بشي يموتني والله ...
بطني گامت توجعني كلش جوعانه ما اكلت شي،من الصبح واليوم مسوين باجه واني ما اكلها واستحي اسوي غير شي بلكت راح يجيب شي ...

اجه وشفت بيده علاليك،اول مشفنه درت وجهي حتى ليگول جانت تباوعلي فتح باب السياره الوره خلاهم ورجع صعد ...شميت ريحت سمج اموت عليه گوه لزمت نفسي لان احس بطني راح تتگطع من الجوع ...
وصلنه للبيت اخذت كتبي ونزلت قبله ...
دخلت من باب المطبخ صارت گبالي خديجه واگفه على الجدر تاكل منه ، گلت بگلبي گشره يعني راح اگضي اليوم كله بغرفتي مدام هيه هنا ...
لان تبقى تذبلي حجي ...

اول مشافتني سدت الجدر ...وباوعتلي باستصغار من فوگ لجوه ...
گلت بصوت ناصي .. السلام عليكم
قبل لا اطلع دخل حر ورايه وبيده علاليك ...
اتلگته هيه ...
وهيه تگله وهيه تدلع لعبت نفسي،منها ... حر ليش تعبت نفسك ...
حر مدلها العلاگه وهو يگلها بخشونه...تعبج راحه دللي،بويه

خديجه اخذت العلاكه وهيه اتعمدت تلمس ايده ...حمحم حر باحراج وسحب ايده
وهيه تباوع للعلاكه گالت بخبث ...
فدوه تدري احب السمج  ولا تنسى شي يخصني مثلي،هم دائما اذكر الاشياء التحبها

نمارق ما اعرف حسيت گلبي انقبض ونفسي،گامت تلعب واني اشوفهم هيج قريبين،وعيوني تحرگني يربي لا تنزل دموعي هسه كافي ضعف واهانه والله مليت وكرهت روحي وضعفها ...
طلعت بسرعه محبيت اكون طرف ثالث وهمه مندمجين سوه ...
رحت للصاله لگيت عمتي وام جمال ورونق گاعدين سلمت وحاولت ابتسم ...
ام حر ...هله يمه، لعد حر وين
نمارق بهدوء ...دخل ورايه يمكن بلمطبخ دخل العلاليگ
ام جمال بضحكه وهيه تحاجي ام حر ...مو اگلج هاويها دحگي بقو يسولف وياها وما نسا غداها

ام حر ...انشالله خيه نفرح بيهم گريب ،جم ليله وافاتحه بلخطوبه طولت سالفتهم

نمارق يحجون واني عيني على باب الاستقبال، شوكت يدخل معقوله كل هل فتره يحجي وياها، لعد وينه ليگلي ما حاجي ويه بنيه،
اني سمعت كلامهم حسيت واحد وذب عليه مي بارد ثلج من الصدمه ...
ردت بس اصعد لان اختنگت ...
نمارق بنبره ضعيفه ... عمه استاذن اني راح اصعد انام

ام حر بقلق ...ليش يمه دتغدي، شوفي وجهج مصوفر

نمارق وحاولت تبتسم ...لا عمه ما اشتهي، ما بيه شي تعبانه من الدوام ...

صعدت لغرفتي الي هيه غرفه رونق ...قفلتها
نزلت دموعي ...يربي زين ليش،گاعد ابجي شدخلني اني بي،

ذبيت كتبي،ونزعت حجابي  ...نمت على الجربايه اريد انام وما افكر بشي،

گعدت على صوت رگع قوي بلباب ...

گمت فتحت القفل والباب واني عيوني مطفيه ...
محسيت الا حر دخل وحاوطني باديه ...

حر بلهفه وهو يباوعلي من فوگ لجوه ... بويه بيج شي، يوجعج شي

نمارق بلعت ريگي واني اباوع لعيونه بشرود ...

حر بخوف وهو يتلمس خدودها يشوف حرارتها... نمارق مصخنه شي يوجعج،

ارد احجي احس روحي بحلم احس بلمسه اديه الدافيه على خدي ، ما اريد اصحى من الحلم
بس صوتها صحاني ورجعني لواقعي الاسود ...

خديجه وهيه تخزرني من وراه ...كتلك ما بيها شي،روحي ستري نفسج استغفر الله

حسيت بروحي بلا حجاب گدامه نفرت نفسي من اديه حسيته اتفاجا من ملامحه ،گتله بحده واني انزل عيوني عنه ...وخر
وسديت الباب ...
بقيت الوم بروحي ...غبيه، غبيه
يربي سامحني نسيت روحي بحظنه ...

رجعت الباب اندگت ...لبست حجاب هل مره وفتحت الباب ...
شفته گدامي ...
كتله واني لازمه الباب ...شتريد

حر بهدوء ...ول بويه هسع ليش قافله الباب وصعدتي نمتي وانتي ما اتغديتي تدرين شسويتي بيه

نمارق ابرود ... اكل ، اتزقنب، اموت، شدخلك بيه من شفتك لهسه بس تتحكم بيه
حر بحده ... شهل نبره هاي، اسلوبج عدلي من تحجين وياي، كتلج صيري گويه ما گتلج صيري وكحه وصلفه عليه ...
نمارق بقهر انفجرت وهيه متفاجئه منين اجتها القوه ...تره مو من حقك تدخل بشي يخصني وكل ساع داگ الباب وجاي لغرفتي، صح اني ابيتكم بس مو معناها تذلني ، اذا متريدني ابقى هنا هسه اخذ غراضي وارجع للنجف ...

حر وهو مصدوم من كلامها گللها بعتب ...معقوله هذه الافتهمتي من تصرفاتي وكلامي، ابقي،بويه ابقي ما الي دخل بيج ...عافها وراح

نمارق سديت الباب واني اگول لنفسي احسن ليدخل بيه ...
بس ليش گلبي يوجعني ومقهوره من كلامه ...

ذبيت كل قهري بالدراسه ما نزلت ومن ضوجتي انسدت نفسي ...
للمغرب دخلت رونق وبيدها بيتزا ومقبلات

رونق وهيه تخلي الاكل گدامها ...هذه الاكل لاحلى دكتوره

نمارق ...گلبي ليش تعبتي نفسج والله ما اشتهي،

رونق ...انجبي واكلي من الصبح لهسع مماكله شي شلون تفتهمين لعد

كملت بخبث ...وبعدين هذه الاكل مخصوص الج من الحكومه ...وگايليلي يطيحون حضي اذا نزلت وانتي مبقيه شي منه

نمارق كل فكري من عمتي الاكل ...گتلها لعد اكلي ويايه ...

وره مكملت اكل نزلت رونق وصارت الساعه ب تسعه بلليل ...

گاعد ادرس اشتهيت كوب جاي ...
نزلت واخذت حجابي وياي خاف واحد من الولد جوه ...
خليت الجاي على النار ... وطلعت للحديقه بين ميصير

بقيت اتمشى واشم هوا ...

فجأ دخلت سياره حر من الباب الرئيسي ...انصدمت واني اشوف قميصه كله دم ...

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

صباحكم سكر 🦋 ...

البارت القادم انشالله باجر ❤️

#يفدوه