رواية الراقصه والسلطان الفصل السبعون 70 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

......
‏يا مِملوح
يَا ريّعان عُمري
شِزعلك ويَاي ؟

سلطان وعيونه تضحك وهو يشوفها متسودنه من غيرتها عليه...

يول تعالي هين...
عاطت بي وهيه تريد تاكله بعيونها من عصبيتها...

شرايد عوفني وروحلها

سلطان ابتسم... منو هيه الاروحلها

سلطان اخذ نفس... گمره بويه اهدي ميصير اعوف المرا وحدها

كالت بهجوم وهيه
واني عادي عوفني

كال بخبث وهو متعمد يستفزها اكثر واكثر ورحع لزم ايدها...

لا مو عادي بس شي اولى من شي غير مريضه يا حليوا

قمر وهيه تدفع بايده وتبتعد عنه...
هاا حلو اني مو من اولوياتك

سلطان ضحك من گلبه وهو يشوف غيرتها عليه الواضحه... يول لانعل مروه وامها وابوها تخسى توصل لكحيلتي

وكف وراها وگللها وهو يحس همس باذنها بحب

نجعلها باللبين اليصكعها... ارتاحيتي

قمر بلعت ريگها وجسمها يرجف...
واني شنو دخلي...

سحبها من ايدها... اهدي مشتاگلچ شبيج صايره نار كبره

وخرت منه...
لا خليها تفيدج

شالت كتبها وردات تصعد...

اندارت عليه ورفعت اصبعها بتهديد...

خلي ابالك مو اني التلعب علبها

سلطان ضحك وهو يرجع شعرو لورا...
صاح وراها...
اكفي يولو

دخلت لغرفتها شمرت الكتب بعصبيه على الجربايه ونزعت حجابها وشمرتها بالگاع...

بقت تروح وترجع بلغرفه...

راحت للشباك فتحت شويه من البرده...

شافته بعده گاعد ولازم تليفونه ويضحك...
گمت
يحاجبها الافندي... ما صدگت صعدت
شويه ورن جهازها...

فتحت الرساله الصوتيه لگت سلطان يغنيلها وصوته كله بحه وحنيه ودفو... دخل لقلبها لا اراديا گامت تبتسم وهيه تسمع

ولهانه روحي لشوفتك تروحي عطشها
روحي حمامه بدنيتك ومظيعه عشها
والكلب شوكه ولهفته
لهفه غريب الديرته
يا حاظر بگلبي الوفي وعن عيني غايب
كل ضني وياك انسعد وبحبك افرح
يا ورد ما چنت اعتقد حتى انته تجرح
بعيوني غيرك ما حله... حبك بگلبي مدلله
يا حاظر بگلبي الوفي وعن عيني غايب

يكحيله نزلي قلبي وريتي...

قمر وهيه تحجي بعصبيه خليك كاعد وحدك
رجع خابرها... ما جاوبت ضل يدگ ومتجاوبه

راحت نامت وهيه تعيد رسالته... وهيه الغيره تأكلها بس صوته تحسه يبرد گلبها...
فزت على دگ بابها...
فتحت الباب بسرعه شافته گدامها
گالت بصدمه وعصبيه بصوت ناصي... شتسوي هنا

سلطان انتجه على الباب وهو يباوعلها من فوگ لجوا بنظرات جرئيه...
جااي اراضي عرومتي الزعلان

قمر ارتبكت من نظراته رفعت بديها وكالت... روح لا احد يشوفك

فجأ دخل وسد الباب و سحبها من خصرها ودفعها للحايط وهمس باذنها بحنيه...
ليش زعلتي الغيره وجرت بالگلب مو...

شوصلني يم گلبك شسويت انه بروحي
تلعب على گلبي وترگص على جروحي

عمي اذا شافني هين يذبحني بالقران
بس هذه ابن الكلب لبصدري ما يگدر يريدچ...

رفع راسه باوع لعيونها ... اذا زعلتي مني اموتچ
موتيني بغيرتچ تخوف يول...
قمر خلت ايدها على صدره وجسمها يرجف من قربه...
ما غيرانه احم وخر...

همس بثگل وعيونه على شفايفها واديه تتلمس خصرها... ليش اوخر

همست وكلبها يلعب تحسه من قربه وعيونها بعيونها وصدرها يصعد وينزل وهيه تحاول توخر اديه اللازمه خصرها..

سلطان...

گللها وهو يغمض عيونه ويشم نحرها...

عيونو لسلطان

خزرته وهيه گوه سانده طولها... اطلع كافي

گللها وانفاسه ثگلت لزم اديها حبسها باديه ورا ظهرها...

ما اطلع من هين الا ترضين عني

قمر بلعت ريگها وتحاول توخر اديه...

ما زعلانه والله بس اطلع

اتقرب منها وهمس وگللها 
عجل تحبينو لسلطانچ

قمر رعشه صارت بجسمها وتباوع لعيونه بارتباك وداخلها احساس قوي تحاول تسيطر على نفسها من تأثيره...

سلطان بلا خبال اطلع لا يفوت احد علينا...

اتقرب منها راد يبوسها قمر باوعتله بخوف وحبست انفاسها

وغمضت عيونها بخوف وخجل حست بشفايفه صارت على خدها بقه مخليهن وانفاسه تظرب خدها...

ابتعد باوعلها واخذ نفس وطلع بسرعه
اول مطلع نزلت للگاع...
تحس روحها چانت بحلم... متدري الصار صدگ لو حلم لو جانت تتخيل اكيد...

......
بعد اسبوع...

حر اتصل على سلطان وهو گاعد بلحديقه ...

الله حيو الي من اتزوج نسانه

حر ضحك وهو يكله...يول بعدك ما ملبس خلقات وصارلك شهر ما جاي لبغداد عجل تزوج كل دوره سنه نشوفك

سلطان ضحك وهو يگله...
ههههههههه اي  ب لله محلاا هواا ديرتي ما اگدر افارگو

حر كله بخبث...
وينه عنك هوا ديرتك چنت ما تصبر تبقى اسبوع هناك
سلطان باوع على شباكها وگله...
يوول هواهم ولع الگلب وعذبوو...

حر گال بشماته...

الله ابو شاهين واگع بلعشگ

اتغيرت نبرته وهو يگول

اگلك ابو شاهين ما اريد اكدر عليك بس لازم اخبرك الولد الكتلك عنو قبل العرس خابرني وراد معلومات عن بت عمك واهلها وما قبلت انطي الا اعلمك

سلطان اتغيرت ملامحه وكله بضيگ ونبره متشنجه...

انطي العنوان وخله ييجي...

حر گله وهو خاطره مكسور على الولد...
سلطان الولد مالو ذنب او وضعو يكسر الخاطر
ولو ما عرفت الك خاطر بلبت چان خطبتها الو براسي

سلطان كله ابرود وهو بداخله عصب من جاب طاريه...
لا ابو حرب خله ييجي وهلا بي... انه رايدو ييجي هسع بت عمي والي ما الو حاجه عندي

جايبو وجايك باقرب وقت....

وشغله ثانيه... يجوز بعد فتره تجيب عمك لبغداد بخصوص قضيه لميعه...

لزمو شبكه ثانيه اليوم وتابعه للميعه ورجلها
ولي عرفتو تابعه هل شبكات كلها لحامد واخوانه نسابت عمك...
وعدنان طلع من المستشفى وحولنا للسجن وبدو تحقيق وياه وراح احاول مييجي طاري بت عمك بلقضيه بس المشكله ممكن تصير الشاهد الوحيد عليهم...

لان شايفه الكل هناك... وشاهده على الصار

سلطان كال بتحذير... ابو حرب حاول مييجي طاريها وشكد فلوس ادفع...
حر بعتب كله... تتوقع انه اقصر بس الشغله صعدت للمحكمه وشبكتهم چبيره والوزير اهتم بيها شخصيا
باع راد ادزلك صورتين شوفلي بت عمك شايفتهم هناك لو لا

بعد ما سدة من حر راح لعمه وخبره بكل شي...
خابر سلطان قمر تنزل للمجلس بدون محد يشوفها...
اجتي قمر للمجلس وهيه مستغربه ليش دازين عليها هيج

سدي الباب وراج بويه...
كربي هين يمي بويه...

بعد ما سدت الباب كعدت بصف ابوها...

بابا باعيلي اني ما ريدج تذكرين ذيج المده بس مجبورين

من جنتي هناك منو جان رئيسهم للميعه وعدنان
قمر كالت...
واحد اسمه حامد هو جان يجيب البنات واكو جان ياخذهن
سلطان شوفها صوره بلجهاز... هذه

قمر... اي هو هذه والبنية الچانت ما تقبل يبجي ياخذها وبعد منسمع خبر عنها

ابو عامر كال بعصبيه...

الله ياخذو هل سكط الكلب ابن الكلب ما عندو شرف ولا مروه

قمر كالت باستغراب... منين تعرفو انتو

سلطان سكت...

ابو عامر كال... هذه ابن عم امچ

قمر انصدمت... شنوو

اي هو هذه السبب ورا الچنه بي
.......
ثاني يوم الظهر...

ذياب گاعد بلسياره شافها دخلت راد يحاجيها بس ما گدر...
اتذكر قبل كم سنه
يعترف هو غلطان جان ظامنها بحياته ما اتوقع بيوم فجاا تختفي وتتخلى عنه ...

دخلت قمر لغرفه سمر الي كاعده هيه واريج
واني شنو دخلي...
بعد ما سلمت وسولفن...

قمر كالت لاريج... اريچ اريد اگلج شي بس ما اريدج تزعلين وهل شي بينه... ذياب يريدج ويريد يخطبچ اذا تحبي لتكابرين ويتغير علمودج

اريج باوعتلها وابستمت باستهزاء... صدگيني ذياب ميتغير

قمر ... بس صدگيني يحبج

اريج دموعها نزلت وهيه تحجي وتذكر ... ميحبني چذاب، اكبر لوتي وحيال...

قمر متدرين شجان يصير بيه من اسمع البنات يحجولي عن بطولاته وياهم وشلون يحاجيهم ويطلعهن وييجن گدامي يشوفني صورهن وجان يتعمد يصادق الي اعرفهن ويعرف اني احبه...

استرخص حبي... اكثر لحظه متندمه بيها بحياتي بيوم الي اعترفتله بحبي...

داس على گلبي كل ما اله ويدوس اكثر ويزيد بعلاقاته وصار كل شي گدامي...
گام يتفاخر بيهن...

بس تدرين استاهل الصار وصارلي درس وصدگيني احمد اكثر شخص يوالمني ولو خطبني ذياب الف مره هم راح ارفضه...

لان الكسر الخلاه بگلبي ميترمم...

دخل ذياب گله الشيخه كاعده وحدها...
جده رايدها بلقران

الشيخه... البت مو الك

ذياب ليش مو الي انه اولى بيها من الغريب

ما داريت على شمعتك وبيدك طفيته... الموضوع لا تفتحه بعد جده خلي البت تروح بفالها...

.........
بعد اسبوع بيوم خطوبه اريج

بدلت وكاعده على المرايه تخلي مكياج وخابر عليها سلطان
فتحت سبيكر خلته على الميز وجاوبت وهيه تتمكيج

قبل نص ساعه خابرتني شرايد

اجاها صوت سلطان يگلها بامر...
عرومه رگص ماكو

جاوبته قمر وهيه تخلي كحل...
بكيفي

گللها بتحذير

گمره تگعدين بمكانچ بصف الشيخه اذا گمتي اگصو لراسچ

فمر بزعل
هاا هيج صار حجيك

شسوين هسع

اتمكيج

سلطان بغيره...
اووف الله ولج ليش تخلين مكياج

قمر بقهر...
اهوو سلطان گلي ما اروح بعد خنگتني

سلطان بعصبيه وهو ميريدها تروح اصلا بس ميهون عليه بكسر خاطرها...
وسمو شلبستي

قمر وهيه تريد يعصب...

لتحجي عليه ولبست فستان احمر شرايد بعد

سلطان عظ شفته بقهر...

يليلة الكشر يهل الليله... گمره بالقرآن اطب اسحبچ من بين النساوين اذا رگصتي لو نزعتي العباه وديري بالچ
وحده تصورج
قمر ابرود....
سلطان بكيفي شبيك اليوم

گللها بعصبيه...
متخبل شبيه من وراج يضل عگل صاحي

قمر ضحكت...
حيل تستاهل وابو زايد

وسدت التليفون بوجهه

طلعت قمر وهيه مخليه صايه فوگ فستانها
طلعت قمر هيه وسمر وفيان والشيخه وسميه
سلطان واگف يم سيارته أتقدم منهم

جده ما نروح نعقد ونعوفهم

خزرته قمر...

الشيخه گلتله وهيه تباوعلهم واحد ميشيل عينه من الثاني...

هو انتو تسربتو بقت على هاي

سلطان ضحك... جده من وراها انه چنت رجال فقير مودب
حفيدتچ بت بغداد طلعت عيني

سميه وهيه تخلي ايدها بايد قمر... سلطان لا تحجي على بنيتي

قمر وهيه تباوعله بتحدي ونظرات ما ارتاحلها...
عوفي ماما حبيبتي ذياب ينتظرها امشي نصعد وياه

سلطان بقى يباوع وراها بقهر چان متفق وياها تصعد وياه... صاح
وراها... سهله سهله الا اكصو لراسك سعيد اليوم

الشيخه وخيه تطخ ضهره بعصاتها ... راحت وين تباوع امشينا ارحم نفسك

ذياب طول الطريق گالب خلقته...
.......

وصلتو للعرس ومروه عينها ما نزلت قمر... سحبوها البنات حتى ترگص ما قبلت...

مروه گالت بخبث... شنو ممنوعه من الرگص

قمر گلتلها بدلع وهيه تخلي ايدها على خصرها

والله حبيبتي خطيبي يغار كولش عليه يخاف على خصري من عيون الناس...

سمر شاورتها... الله اكبر منچ منين نزل الادب والأخلاق عليچ

قمر وهيه ترجع شعرها ورا... اني مودبه من گاعي

شويه ودخلت للحمام...
لگت مروه تدخل وراها...
وگفت وراها وقمر تعدل حمرتها...
گلتلها بحقد
لتفرحين وتنغرين هوايه... لو تموتين سلطان ميصير الج

قمر وهيه ممهتمه لوجودها اصلا... هو اليه بدون ما اموت

مروه بخباثه... سلطان ترا لوما ابوج ميباوع لوجهج

قمر باوعتلها باستغراب... ابويه شنو علاقته

مروه... تسوين نفسج متدرين وهسه تطلعين انتي مرتبه كل شي

قمر... لتلفين ودورين السم العندج كتي

مروه... تسوين روحج متدرين ابوج الي خله سلطان يخطبج وهو طلب منه

قمر وهيه ممصدگه... خلصتي بطلي جذب وتاليف او ولي منا

مروه بتاكيد...
روحي اسالي ابوج وشوفي صداگه لو جذابه

قمر تحس واحد وذب عليها قالب ثلج... چانت طايره بلسما وفرحانه... حاولت تلملم روحها وتبقى قويه ومتضعف گدامها وتخليها تشمت بيها...

ابقى اكلي بروحج واحرگي لو تظربين راسج بهل حيطان مياخذج سلطان ميباوع لوصخ رجليه..

عافيتها وطلعت وهيه تحس بگلبها يوجعها مستهضمه ...
گالت لسمر وهيه تلبس صايتها اني راح ارجع ويه ذياب...

استغربت سمر وجهه قمر المتغير عكس قبل شويه

صاير شي اجي وياج...

قمر وهيه مختنگه ذبت الشال شلون مجان وذبت الصايه...
ماكو شي باي

خابرت ذياب اجاها وراحت طول الطريق ساكته...
وذياب هم ما سالها كل واحد حاير بجرحه...

ددخلت للبيت صعدت گبل لغرفتها وقفلت الباب...

حست بخدودها مبلله نزلت دموعها...
اجه ابالها كلام ابوها من گللها انه اعرف بكل شي بينكم...
بدت تربط الاحداث...
ذبت الشال والصايه باوعت لروحها بالمرايه... وهيه تكول
ليش تبچين.. انتي اصلا متردي
كل شي چتن عناد...
اني ما احبه احب حسام...
كامت تشاهگ وهيه تحس بكسره...
تحجي بقوه ودموعها تصب تحاول تكابر على مشاعرها...
كامت تمسح دموعها بقوه وهيه تگول لروحها
ما احبك... اني اكرهك
صرخت بوجع ودموعها مستمره تنزل... وهيه تسمح خدها بقوه

لتنزلن لتنزلن مااا اريده كاافي كاااافي ميستاهل

انهارت بلبچي وتحس وجع بگلبها...
ليش هيچ يعني كل شي چذب

متگدر تنكر هيه حبته ومن البدايه حتى من خطبها سلطان ما فكرت بحسام او ترفض سلطان لخاطره...
من اتعارك سلطان وياه خافت من رد فعل سلطان... دائما كل شي تسوي تفكر بشنو راح يفكر عليها سلطان...
معقوله كل الحب الحست بي والاهتمام چان تمثيل
زين لهفته عليها... مجان مجبور يسوي كل هذه
اوووف يا الله... عاطت وهيه التفكير راح يفجر راسها
جانت تگدر تحاجي حسام باي لحظه، تگدر تتواصل وياه بس هيه ما سوتها...

رغم انو الي يستاهلها هو حسام...بس ما حست وياه ربع التحسه من تشوف سلطان...
من شافت سلطان عرفت الچانت تحسه تجاه حسام تانيب ظمير وحتى رسالتها...
چانت حتى ترضي ضميرها ما عرفت شنو تسوي تجاه هل حب الچبير القدمه الها...
رادت تروح وهيه مريحه علاقل گلبه...
ابتسمت باستهزاء وهيه حاظنه رجليها لصدرها... اكيد هذه اليصير بيه خطيته لحسام الوحيد الظلمته بحياتها بغير ذنب منها....

بس رغم كل شي مو هيه الي تنكسر بسبب رجال كرامتها فوگ شل شي ... لو چان بمعزه الروح هم راح ادوس على گلبها

سمعت تليفونها يدگ... دورت عليه وهيه تحس جسمها مكسر
شالته شافت سلطان...
رگعته وهيه تصيح.... عووفني الخاطر الله عووفني
معقوله ابويه هيچ مرخصني...
...........

كم ساعه وينزل البارت الاخير ❤️