رواية الراقصه والسلطان الفصل التاسع والستون 69 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

روحِي حّتى بغلِطتَگ ماتنَِطي بيَک...

بالمجلس كاعدين فيصل وابوه وعمامه وشيوخ جابهم فيصل ونفذ اخر شرط لسلطان...
بعد ما گعدو وقدمولهم الگهوه...

ابو فيصل خله گهوته گدامه ... خويه ابو عامر كهوتكم ما نشربها جاينكم وعدنه طلب يمك شيخ نمر تلبولنا طلبنا

الشيخ نمر ... جيتكم غاليه علينا وحلت البركه بيها خويه ابو فيصل اشرب كهوتك احنه اهل وما بينه هل امور

ابو جاسم عم فيصل وگف وگال بعلو صوته... شيخ نمر ابو عامر ولدنه الگاعدين و مرخصه الوجوه الطيبه انتو والنعم منكم وسبعه انعام منكم وناس اجاويد ومعروفين بسمعتكم الطيبه واحنه ان شاء الله اهل مثل ما گلت وما بينه مزاحم...

الله سبحانه وتعالى گال بالقران

( إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآَخِرَةِ وَلَهُمْ عَذَابٌ عَظِيمٌ)

وابنه غلطان من ساسو لراسو ومعترف بغلطو واعتذر وسواتو محد منا رضا عنها قسما بالله الكريم بس شنسوي ساعه شيطان او ولت لحالها ...

وهسع هو جايكم ودايس عتبت بابكم وندمان من عملتو وجاي يعتذر ويرد مرتو ونبينا عليه الصلاه والسلام گال...

(كل إبن آدم خطاء، وخير الخطائين التوابون)

تردوله البت لو تردونه خايبين...

ابو عامر گام وهو يعدل عباته على چتفه كله برزانه... ماا عاش ليردك خايب ابو جاسم اتفضل اگعد وطلبك مجاب بعون الله

ابو جاسم اخذ فنجانه وشربه و اتقدم من ابو عامر وباس چتفه ... هذاا العشم انجعلو عامر ان شاء الله

بعد ما گعدو... ابو فيصل وجه كلامه لسلطان

سلطان بويه احنه ما جايينك على بتنه وبس... خاطرك نشتري بلدم وفيصل اخيك ومصارين البطن تتمالخ وانتو صحبان من الصغر ما ريد تشيل بگلبك عليه تراه من بعدك حالو ما عاجبني

سلطان وهو گاعد رفع راسه لابو فيصل گله بثگل وهو لازم بين اديه سبحته ... وكفو منك يعمي وخاطرك على راسي الگلب

فيصل گام لسلطان وهو يگول...

ابو شاهين الاعرفو گلبو ابيض ما يعرف الحقد ولا يلوگلو

سلطان وهو يأشر للمكان البصفه... حدر هين

گعد فيصل بصف سلطان... طااح الحطب ابو شاهين وأريدك تنسى الصار وتعتبرو مصاير

سلطان ابتسم واكو كسره بگلبه من صاحب عمره وهو يفر سبحته...

شنسى فيصل هااي سمر تعرف شنو سمر وشسويت بيها لهساع ما هاين عليه ارجعها الك بالقران بس...
وهو يهز راسه
كتلك سلمتك عزيزه گلبي... شسويت فيصل
بعدها ابيتي وكسرتها...

غمض فيصل عينه وكله بندم... وحگ ربك الليل ما نامو وعااظ اصبع ندم عليها

سلطان گال... سد الموضوع ما يفيد الحجي بعد

ورا شويه فيصل گله
گالو خطبت...
سلطان ابتسم... اي بت عمي ابو عامر

كيف فيصل...
يعني الدلال وگع بشرني

سلطان گله بضحك...
الله يرحمو

فيصل بشماته...
والنعم منها الگدرت عليك يلصگر انه السمعتو عنها يسر الخاطر

سلطان مستغرب... وين سمعت عنها

خالتي العگربه اجت مگرنه منها يگلك غاسلتها غسل من اجتكم مشيت النساوين

ابتسم سلطان وهو يلعب بشواربه...
فيصل بنظرات شيطانيه...
فرحان بيها ولك وشمتان چثير بيك ... اجه اليوم لشوف بي سلطان مدوهن من العشگ

انشهد انها ذيبه

سلطان ابرود كله...
گوم مني اكفخو لراسك لا تگعد يمي

ذياب گللهم...

اسكتو يا الله خل نفتهم

فيصل وهو يباوع لذياب الي لا بنكت لا يضحك مثل كل مره...
شمالو مگلوبه خلقتو جنو مظروب بوري

سلطان نصه صوته ... مو بوري عادي هذه البي كسور

بعد ما اتفقوا الشيخ ناصر حدد موعد العرس بعد ما تكمل هل سنه

فيصل اعترض... عمي مو تشوفها بعيده

سلطان خله ايده على رجل فيصل ... هذه شرط البت واحنه ما نگدر نغصبها

فيصل عض شفته بقهر وگله بصوت بس سلطان يسمعه ... اذا مو انته الرايد اكص ايدي من هين وهو ياشر لچتفه

سلطان ابرود كله وهو مسيطر... اي انه تگدر تعارض

فيصل وهو يحوس وشافهم قربو يمشون...
من رخصة عمامي... رايد اشوف مرتي

سلطان باوعله بنظره ...

اثگل فضحتنه الله يخسك مهزبگ

فيصل بغرور وهو يگول لسلطان بأمر ...

سلطان ابني صوتك ما اسمعو روح جيب عمتك مريتي لك وتعال

بلقران اطردك هسع...

فيصل باس خده.. لا حبيبي روح روح بعد امرك جيب مريتي

اي اتادب هيچ واحجي ويه عمك عدل

فيصل يباوعله بحقد ويسبه بداخله گله من غير نفس... تدلل عمي

سلطان طلع وهو شابع ضحك عليه...
......

قمر وهيه تعدلها وتخليها مكياج خفيف...

سمر باعتراض وهيه تباوع لروحها بالمرايه... لا قمر لتكثرين هسه عباله ما صدگت اشوفه

قمر باوعتلها بالمرايه ... هو انتي صدك ما ممصدگه تشوفي

سمر خزرتها بالمرايه... قمرر

فيان وهيه تختارلها صايه... قمررر ليش تخبثين خطيه فيصل

قمر وهيه تاخذ الصايه من ايد فيان ... ام كلب الرهيف سكتي انتي

سمر وهيه تبلس گالت بتوتر وهيه خايفه شلون راح يكون اللقاء وشنو راح يحجي وياها... بنات خايفه والله

قمر... لتخافين واحجي بثقه وادخلي بعينه لياخذج بلسانه

فيان بملل... ادري رايحه بحلبه مصارعه

قمر انطتها نظره... انتي ثوله سكتي

وانتي باعيلي... اريدج تاكلينه بلسانچ الكلمه ترجعيها بعشره

سمر باوعتلها ... اذا ما طلگني ذيج المره اليوم اكيد اطلك

قمر بلامبالاه.. طززز

دگ تليفون فيان ضحكت اول مشافت عامر طفرت... يله بنات شويه واجي

قمر... طيري طيري ما وصيج اتصل عموري ياهو ليكضج بعد

فيان مدتلها لسانها وطلعت...

قمر... اكلج اريج وذياب شنو سالفتهم

سمر اندارت الها... ليش

من درا اريج انخطبت اتخبل

باعي حگلج بس هل شي محد يدري بي بس اني وسمر وذياب بس اذا كلتي لاحد
قاطعتها قمر بضوجه...
دحجي لتتفلسفين عليه

من جنه بالمتوسطه اريج جانت تحب ذياب والثوله اعترفتله
والاخ شسوا فشلها كلها انتي طفله وينج وين الحب...

قمر ... عززا شلون يعني

كملت سمر...
هو هم جان مراهق وتدرين ذياب ما مخلي وحده تعتب عليه وما جانت اريج اباله فبقى يصنف عليها واخذ الموضوع بشقه...
ادمرت نفسيتها بسببه فوگ متصورين

وگام كل ما يشوف اريج يتعمد يحجي ويه البنات گدامها واريج كل ما تشوفه هيج تجيني تبجي حاجيته اكثر من مرا ومفاد يگلي طفله شلها بهل سوالف لحد ما صارت اريج تكرهه... وذياب هو ذياب متغير

قمر ضاجت وانكسر خاطرها على اريج...

يااا شبي هذا المطي ولا يفتهم اكو واحد هيج يسوي ميحبها اگلها ما اريدچ وانتهى مو هيج كسر گلب البنيه لعد يستاهل بس شنو لازم گلبه حنلها هسه وميريدها توافق...

دك الباب ودخل عليهن سلطان... ابتسم اول مشاف قمر بدون حجاب...

يله سمر امشي...

قمر اتخصرت وهيه تباوع لسلطان الي يباوعلها ويبتسم كالت لسمر ... مثل ما وصيتچ مو تنسين

اتقدم سلطان منها وهو يفر بسبحته... شوصيتيها يراس المصايب

قمر باوعتله بتحدي وجتفت اديها... كل خير

سلطان رفع حاجبه...
خير وانتي بي... ما اتوقع
انتي وراج بس البلاوي اسمعها

قمر وهيه ترفع حاجبها كالتله ... وشسامع عني داده

سلطان وهو يمرر اصبعه على طرف شفته وعيونه على شفتها ... طولت لسان وصلافه وعرامه

نظراته خلتها ترتبك وتخجل كالتله وهيه تتهرب من نظراته...
دخذ عمتك وروح... مو صوجكم صوجي اني العايفه دراستي وجايه انصحها...

سلطان رفع ايده اللازمه السبحه كللها بخبث...

اگفي ما تحسين بتهويه

قمر عگدت حاجبها... شتقصد

سلطان ابتسم وهو يتلمس شفايفه ونظرته شملت ملامحها واخير شي لشعرها الچامت فالته على متونها ... سلامتج يله بويه سمر

مد ايده لسمر حظن ايدها وطلعو...

قمر تباوعله شلون گايدها گامت ادردم ويه روحها... صاير حنين استاذ سليطين

رجع سلطان بس وحده بنفس اللحظه اتفاجئت من رجعته...
اتقدم منها وهمس باذنها...

يجي ليله واضفرو بيدي وراسي اعلى متنچ

وعافها وراح...

باوعت للمرايه غمت روحها وهيه تغمض عينها بفشله... ثوله ثووووله

سلطان وهو يوصيها ... سموره سمعيني زين، كلمه تعرفين شنو الكلمه اذا جرحج بيها تجيني...

وانه ناطرچ يم الباب... اي شي يزعجج ناديني

دخلت سمر وسلطان كايد ايدها... اتذكرت اول لقاء نفس الموقف وبگلبها نفس الرهبه ونفسها ايد سلطان الدافيه حاظنتها ينطيها قوه ويحسسها هو سند وصدك حزام ظهرها...

حست بفخر وهيه تدخل عكس الكسره الچانت بداخلها كل متشوف احد جانت تحس بنقص رغم ما الها ذنب ...
بس نظره الشفقه او حتى نظره الشك صعبه...

انظلمت هوايه ومن اقرب شخص الگلبها وباجمل يوم چانت تتوقعه يكون ... بس هسه لا سلطان رجعلها ثقتها بنفسها

...
دخلت ما باوعتله بكل ثقه كلام قمر يرن باذنها رغم هيه ممقتنعه بي... بس قررت متسكت ولا تتساهل وياه حتى لو تحبه

فيصل وهو چان ينتظرها بلهفه وعينه على الباب ما مصدگ كل شي انتهى وراح تصير اله سمر...

اول منفتحت الباب وگف وهو گلبه متلهف الها چان يحس لقائه بيها شبه مستحيل ... عينه ما شالها منها وهو يحمد ربه عيونه اكلتها يباوعلها بلهفه وشوگ ...

اجت اباله قبل كم سنه نفس الدخله ونفس الموقف ونفس اللهفه ويمكن اكثر هسه حس بلوعه فراگها...

يحس دهر مر عليهم... چانت طفله طفلته الي عشگها بس للاسف ما حافظ عليها وكبرت بعيد عن عينه بدون ميشوفها... يشوفها شلون تمشي بسد سلطان چان لازم هسه يدخل هو وياها وجايينهم خطار...
الندم اقل كلمه توصف اليحس بي...

ليش خله هل سنين تضيع من عمره وهو بعيد عليها...

سلطان باوع لفيصل وگله بتحذير

سلمتها الك ... حافظ عليها لتضيعها من ايدك غير هل فرصه ما الك يمي...

فيصل وهو يسحب سمر من ايدها لجهته... ما احتاج فرصل مريتي وصارت يمي

سلطان بتهديد ... عجل هيج صار الحجي

فيصل بترجي وهو يشبك اصابعه بأصابع سمر الي تريد توخر ايدها وميخليها...
بربك سلطان خليني اشوفها
سلطان باوع لسمر...
اعوفج وياه لو ترديت تطلعين وياي

فيصل صاح... سلطان بروح ابيك اطلع

طلع سلطان وعافهم بعد ما اتوسل فيصل شبعه ضحك...

فيصل بدون ميحجي اي كلمه... سحبها لحظنه
بقه حاظنها... افيش يريحتچ

ورا فتره ابتعد وحظن وجهها وكال بلهفه

شتعبت حتى اشوف هل عيون... شتعبت يا الله
طالت غيبتچ عني...
بس كتلچ مردج الفيصل...
عذبتيني چثير يبعد هلي
استاهل منچ الصار بيه

سمره تحس بسعاده متنوصف چانت مشتاقتله شكد متكابر بس مشتاقتله گالت بعتب ... بس مو سهل السويته بيه فكرت شكك بيه وحدها كسرتني وانته اكثر شخص تعرفني شنو اني ...

خليتني اندم بيوم قبلت على نفسي احجي وياك لو كلمه او نظره بدون علم اهلي...

فيصل بااس اديها وكللها بندم...
اسف ااسف اسسف واعتذر اعرف جنت حيوان وما استاهلچ بس وحگ الله غلطه انعميت من غيرتي عليج تدرين بيه شگد احبچ وشكد مخبل بيج...

وحگ ربچ طيحت حظها وخليت ابوها يكسرها هل سربوت السگط هيه وامها وطردتهم من بيتنه...

وهسع بيتچ وحد ومحد يدخلو غيرچ... بعدو الگلب زعلان مني

سمر...
زعلانه بعدج مني...
باوعتله سمر وكالت بصراحه...

اچذب اذا اكلك لا
فيصل والشوگ كاتله عليها اتقرب منها راد يبوسها
سمر بعدت بسرعه عنه وگالت رغم خجلها بس الخوفه البگلبها خلتها تصير حذره...
لا فيصل من اصير ابيتك مو هسه

فيصل وهو يسحبها اله وكللها بضوجه ... بس انتي مريتي ليش هيج

سمر كالت بهدوء... احسن فيصل احسن

ما حب يضوجها وقرر يبدي كل شي وياها من جديد...

...........
بلليل قمر گاعده تدرس... دگ تليفونها شافته سلطان
ما ردت بسرعه...

ضلت تضحك بخباثه وهيه تشوفه يتصل كل ساع...
اخر شي شالته وهيه نايمه على ظهرها وتحجي وياه

نعم...

اجاها صوت سلطان عصبي...

نعامه ترفسج ليش متجاوبين...

قمر وهيه تكله تريد تستفزه...

ليش مجبوره اجاوبك يعني

سلطان بنفس النبره
اي مجبوره

قمر بتكبر وهيه تعض شفتها تمنع ضحكتها...
هسه شتريد

گال بعصبيه وقله صبر ...
تعالي انزلي

قمر وهيه تلعب على اعصابه ...
ليش انزل عندي دراسه

گال بحده...
انزلي سويلي گهوه

قمر كالت بنفس النبره...
اشتغل عندك

سلطان گللها بنبره شوگ وبحه...
بطلي صلافه ونزلي مشتاگلچ

قمر سكتت وخلت ايدها على حلگها وگلبها تحسه وگف گامت تتنفس بسرعه ...

ضحك سلطان وگللها...
هااا شو خنستي ولچ وينو لسانچ

نصه صوته وگلها...
تعالي بداعتي گلبي نط عليج

جاوبته بصوت ناصي... ماا انزل

گلها بتهديد...
اذا ما نزلتي اصعدلج بالقران

مر اسبوعين...

قمر متنزل من غرفتها على گد الاكل وترجع تدرس وامها كل ساع تصعدلها ومن يبجي سلطان...

يخابرها تنزله بلحديقه تسويله گهوه ويكعدون يدرسها وبلاحرى يتناگرون اغلب الوقت حتى شغله لبغداد گام يدز ذياب ابداله ...

وهل ساعات اثنينهم يتلهفولها
وحتى بيوم الما عدها دراسه وهم يخابرها ويخليها تنزل وتسويله كهوه...
وسمر اغلب وقتها تحجي ويه فيصل وحتى للدوام ميقبل الا هو يوديها...

دخل ذياب لغرفه قمر

وخرت قمر الكتاب وباوعتله مبين احواله متخربطه ومتكدر...

ذياب گللها...
قمر رايدج بموضوع

قمر حست شنو يريد... اريج مو

ذياب وهو يگعد بصفها ... قمر رايدها

قمر كلتله بصراحه وهيه ممقتنعه بالموضوع كله

ذياب السنين كلها گدامك من اتخطبت حلت بعينك

ذياب بقهر... جنت غبي وهسع صحيت واگلچ رايدها

بس مو لعب جهال هيه البنيه انخطبت ومقتنعه بي وصدگني ما اتوقع عناد بيك لان لو عناد انخطبت من زمان بس الي شفته هيه مقتنعه بي

سديها بوجهي بعد... لو گايل لسمر اشرفلي

قمر بصراحه وهيه تخلي اديها على راسه وتسويله مساج ... ذياب لتجبرها على شي ترا انته ما اتوقع تحبها بس انته مغرور وعقلك مگاعد يستوعب وحده چانت تحبك فجاا هل حب يتحول لشخص ثاني...
وهم اني راح اسئلها واشوفها قبل لاتعقد رسمي

.......

الشيخه گاعده بلصاله ويمها سميه

اگلج يمه هل مگاميع وينهن شمالهن ساكنات

خوب سمره ما شفتها من يوم ردت لابن الفهد لا تگول امي اشوفها وذيچ الاخرى تگعد يم سليطين وانه ما تعرفتي

سميه بضحكه... خليهن شيخه ما صدگنه تستقر اوضاعهن

كومي گومي صيحيلي هل معثورات
طلعن من جحورتهن... طگطگي حرمل سميه
شرفن شرفن عاش من شافچن وانه الا

قمر وسمر وهنه يضحكن ويبوسن الشيخه....

قمر وهيه تگعد بصفها... يا حبيبتي غير عندي امتحانات ما الحگ انزل

الشيخه وهيه تباوعلها صفح... وسليطين تلحگيلو

قمر باحراج... بيبي غير يدرسني

الشيخه بنفس النبره وهيه تلوي حلگها...

ودراستو ما تصير گدامي هين الا وحدكم

سمر وهيه تضحك على قمر وشلون منحرجه والتوتر واضح عليها...
وانتي الثانيه ما تگولين امي اجي اگعد يمها اسولف وياها
لو ابن الفهد ما يقبل

سمر... لا يمه شنو هل حجي ما اله شغل بس بس

ابقي بسبسي بعدچ عندي وما شايفتج عجل لو ياخذچ عندو من العيد للعيد تجيني

سمر بصوت ناصي گالت ... اذا خلاني بلعيد

قمر وهيه تريد تحرك على فيان ... اگلج جده شو الحرب بس علينا وذيج فيان ساكنه غرفتها ما جبتي طاريها

سكتي ام لسان صيري مثلها تگعد يمي واتصلي بعامر وتسولف وياي...
البت رجلها بلدوام خليها تحجي ويااه وتونسو ما ريد يتكدر خاطرها

قمر... مگيوله الفاهيه عدها حظ

شاورت سمر... اگلج سمر باجر من تجين خلي اريج تجي وياج اريدها بشغله...
اني ما امون عليها فانتي جيبها بطريقتج

دخل ذياب بعد ساعه...

جده انه رايد اخطب اريج

الشيخه...البت انخطبت هسع فطنت عليها

وهسع رايدها انه اولى بيها من الغريب

الشيخ... مو علوم الاجاويد يخطبون على خطبه
البت أنقرت فاتحتها شوفلك غير بت وانه اخطبها الك

ما اريد غيرها كتلكم رايدها

ابو عامر... ذياب بويه ميصير انه اعرف اذا رحت لابو مصطفى ما يردها الي بس انه الما اقبلها على نفسي الزلمه هسع يكول وين جنتو هل سنين والبت گدامكم ما خطبتوها من جت قسمتها جيتو

ذياب فقد اعصابه وكال بدون تفكير

عجل عامر مو خطب وچانت مخطوبه

ابو عامر عصب عليه لان محد جان يعرف... شغله عامر مختلفه وظروفه مختلفه كوم اطلع منا

طلع ذياب وهو نادم...

........

بلليل اتفق وياها يدرسها او وصاها تنتظره بس لحد هسه ماكو...

نزلت للحديقه گعدت تدري بي ميتاخر عليها هلگد...

قمر گامت تقرأ باوعت للساعه ب 12:00 بالها ضل مشغول بي ... إتصلت عليه ميرد...
عصبت وبفت تاكل بروحها...

شويه واجه... مساج الله بلخير يكحيله

قمر گامت وگالت بحده... وين جنت

سلطان وهو ينزع شماغه ويذبه على الكرسي وفتح دگم دشداشته وگللها وهو يگعد ...

بيت عمتي ام مروه واگعه عليهم متخربطه ومصطفى بلشغل خابرتني مروه اخذتها للمستشفى

قمر اتخبلت من سمعت كامت تغلي ... والحنين وديتها لعد ليش متجاوب على اتصالاتي

سلطان گللها بهدوء وهو يشرب مي...

نسيت التليفون بالسياره
باوعلها...
شبيج تحجين هيج...

قمر وعيونه تجدح بي...

لان اتاخرت من وراك ولهسه مدارسة وحظرتك يم مروه

سلطان گللها ابرود...
ما درستي لعد بين ما اجي

قمر كالت بعصبيه علت صوتها وهيه تلم كتبها...

درست انتظرك قابل ... ما الك شغله حير بمروه واني ممحتاجتلك
مدرسني وما ريدك ادرسني بعد اصلا

گام الها وهو يلزم ايدها...

اوكفي لتتخبلين

خزرته وهيه عيونها تجدح...
وخر

نترت ايدها منه وبعدت عنه...

............
مساء الورد

ساعه وينزل البارت قبل الأخير