رواية الراقصه والسلطان الفصل التاسع 9 - بقلم hour writer 🐆

#حور حيدر
#الراقصه والسلطان
#الانستا:enghour98

كالت بالحاح ...اي حباب اريد ككو

بعد مجاب الها الي تريده ...يسوق ويحاول ميباوع الها بس يلكه روحه يسرق النظرات الها ...

وهي تاكل بنهم يباوعلها ويفكر شنو قصتها هل بنيه غريبه ،

يعني وحده مبين عليها شارده من اهلها صاعده ويه واحد غريب لا مبين عليها خوف ولا دمعه نزلت ،
الافكار بدت تحتل دماغي معقوله شارده علمود واحد لو رايحتله ما اعرف ليش احس ضجت بمجرد اتخيل موديها بيدي لواحد ...

اذا هيج ارجعها بيدي اهون ما اعوفها هيج ...
تحجي الطريق كله والكه روحي انسجم وياها وارد عليها سوالفها حلوه وطفوليه احسها طفله بجسد امرائه عيونها بريئه ما اشوف بيها جذب او غش ...

اباوع الدنيا بدت تظلم صارلي شكد اسوق ولا حسيت بالوكت ،استغربت صوتها اختفه ...درت نظري إلها ...

لكيتها نايمه وراسها ع الكرسي مبينه ممرتاحه بنومتها ركبتها مكسوره ...

اباوع ع الطريق ومديت ايدي عدلت رأسها خليتها على الجامه لكيت اديه تمشي على خدودها بدون وعي ملمسها ناعم نزلت اديه لشفايفها جنهن توت  وخرت ايدي بسرعه واني اسب روحي شبيه اليوم هاي مو اخلاقي نسيت نفسي  ...

وصلت للسيطره كلت بس لا معممين صورها باوعتلها مداريه بالدنيا شكو ...خليت الشال ع وجهها وكملت طريقي ...

وكفت بالسيطره كلش هل فتره متشددين بالتفتيش  ...
...انطيته الاجازه وبطاقتي

كلي من وين جاي وين رايح ومنو وياك ...
كتله زوجتي جبتها من بيت أهلها ورايحين هسه للديره ...

عبرتهم واني اضحك على روحي من كتله زوجتي بدون تفكير ،احس الفكره عجبتني اباوعلها صدك اجه بالي اخذها بحضني واخلي راسها على صدري ...
افكاري المجنونه بقت ادور براسي ...

خابرت ذياب وكتله مراح اجي للبيت اليوم ،حتى ميضل بالهم يمي ...

مبقه شي ونوصل للكراج بس ما اكدر اعوفها وحدها بهل ليل تروح وحدها بلشارع ما اضمن الشباب بلليل والسكاره شنو يسوون بيها اذا شافوها وحدها وهاي فاهيه وغبيه وبريئه بس لسان متعرف ادافع عن نفسها ...

قررت مراح اعوفها لحد ما اوصلها لبيتها بايدي ...

اجاني صوتها بي بحه نوم ...وصلنه
اباعلها تتمغط ...
كتلها  ...مبقه شي نص ساعه ونوصل ،وين راح ترحين

فيان وهيه تفرك عيونها ...للبصره
كتلها باستغراب...شعندج بالبصره
فيان وهيه تريد تغير الموضوع مدت ايدها للمسجل ...عاطت بفرح

ووي اموت على هل اغنيه ...
طلعت اغنيه نصرت ...اوعدني
باوعلتي ..كل متسمع هاي الاغنيه اتذكرني واتذكر هذه اليوم الكضيناه سوه ...

صحت بحده واني انصي المسجل واضرب على الستيرن بقوه كلش عصبت ما اعرف ليش بس من شفتها مستعجله تريد توصل اختنكت ...كاعد اسئلج جاوبي وين رايحه والمنو ...

منو اليستاهل لهل درجه تضحين على موده وتعوفين اهلج وسمعتج على موده...

فيان ابرود وهيه خايفه من عصبيته ...مو من حقك تسئلني صح انته شهم و سويتلي  خدمه وراح تبقى دين بركبتي ...

بس مو من حقك تسئلني شي يخصني وحدي
...

عامر ضغطت بكل قوتي ع الستيرن ولو بدي اخلعه هسه صار ميخصني ،بدي اضربها راشدي واطلع حركه كلبي بيها ،شبيك عامر اتخبلت وانته شلك دخل بيها
توصلها وكل واحد بطريقه كتلها واني ابتسم باستهزاء وكال ابرود وهو يندار الها بملامج جامده بس عيونه مبين بيها الغضب ...

بويه صح حكج هاي هم زايده مني ،وانه شلي غرض بيج عسما تذبين روحج بالنار انه منو بالنسبه الج حتى اسئلج ،شي يخصج وين متردين ترحين روحي...
وهو كام يسوق بسرعه ...

فيان بخوف وهيه تخلي ايدها على جتفه ...عامر شبيك اسفه مجان قصدي اهده ،

عطت بيها واني احس  بنار شبت بجسمي من لمستها  ...شيلي ايدج

فيان سحبت ايدها وهيه تباوع برعب للوحش الطلع كدامها مجانت متوقعه حيتعصب هيج ...

سحبت روحي ع الباب وحاضنه نفسي وهو يسوق بسرعه جنونيه اباوع لايده العروق بارزه من عصبيته...

وكف فجا باوعت للمكان الكراج سيارات هوايه وزلم واكفه والدنيا ليل وظلمه بس اضويه المحلات رجعت باوعتله يتنفس سريع وهو يباوع لكدام ...

كتله بهدوء ...هواي ثقلت عليك ،و عمري مراح انسى السويته اليه ...

كتله وفتحت الباب ارد انزل محسيت الا بايده تجرني من زندي وترجعني من لمكاني ...

وصوته الحاد يكلي وهو يباوعلي بنظره ما فهمت شنو معناها ...اكفي وارجعي مكاني وسدي الباب

عاط بيه بعد ما سديت الباب وايده بعدها متملكه ايدي ويضغط عليها بحيث كمت ما حس بيها من الوجع ...
من سمحلج تنزلين ،هيج مستعجله ترحيله

كتله بخوف وعيونه مدمعه من وجع ايدي واني ما اعرف شحجي وجسمي يرجف واني اباوع لعيونه الحمر من العصبيه ...

ع عامر ايدي ،دتوجعني

باوعلي ورجع باوع لايده نتر ايدي منه ونزل بسرعه من السياره ...

حظنت ايدي ودموعي تنزل ،اباوعله يروح ويرجع كدام السياره وهو يدخل ايده بشعره بعصبيه ما اعرف شبي ليش هيج عصب ارد احجي ارد اكله لازم اروح بس خايفه منه ...

باوعت للساعه صارت ب 12 بلليل ...وهو منتجي ع السياره ...
كل ساع ارد انزل بس خايفه ...
فجاا اجه صعد وهو يباوعلي وكال بسرعه وامر بدون نقاش ...
يول مترحين لمكان الا ورجلي على رجلج ،ما اعوفج ترحين وحدج ...

.............

مدا اتستوعب الصدمات ،اباوع لوجه بالمرايه معقوله كاعد احلم ،
وكلمته تتردد باذني ،،تزوجيني

درت وجهي واني ارمش بسرعه وباوعله واكف وايديه بجيوب الشورت ويباوعلي بثقه ،ووجهي احسه نار من الاحراج ...
انته مخبل ،عقلك بي وشه

فيصل ابرود ...الخميس راح يسالوج موافقه تزوجين فيصل بو فهد  وانتي تكولين موافقه ،راح يكلولج عرسكم بعد اسبوعين تكولين موافقه ،
السانج اكصو اذا نطك بغير هل كلمه ...

فاتحه عيوني بصدمه هذه شنو من بشر اتاكدت منه خبل هسه ...
كتله واني اصيح بعصبيه واني راح اتخبل من بروده ...
لا انته اكيد مخبل ،لو تموت مراح اوافق على واحد خبل مثلك ...

ضحك بشر ثواني وحسيت روحي ع الجربايه وهو فوكايه مقيد اديه باديه ويهمس بمكر ...

يولي ميحتاج توافقين اني على كولتج خبل والخبل عكلو طاير ...
هين ازوجج وبعد ما خليج تطلعين من هل غرفه ،خبل ومحد يعتب عليه ...

سمر ...سمر وينج نمتي دنزلي راح نكطع الكيكه
صوت المهى اجى تصيح من جوه ...

كمت ادفع بي بكل قوتي واني اصيح والدموع ملت عيني يربي منين اجاني هل خبل ...
وخر مني ،انته متستحي راح تجي المهى وتشوفنه وانفضح ...

ما اتحرك من مكانه وهو ينزل راسه ويمهس ابرود واحس بانفاسه ع وجهي ...
محد يهمني ،انتي مرتي هسه بعدين ميهمني

كتله واني احاول ادفعه ...والله اكل الاهلي والسلطان اخلي يلعب بيك طوبه...
كال بنفس النبره وهو يباوع لعيوني بنظره غريبه ...ليش اني شصبرني كل هل سنين عليج لوما سلطان ،بس لهنا وكافي

سمر يحجي واني كل شي ممفتهمه عن اي سنين يحجي ومصارلي يومين من شفته ...ما همني اسئله كل همي اوخر من هذه لمخبل هسه...

كتله بترجي ودموعي تصب ...فدوه وخر خلي اروح ،تقبلها ع المهى احد يسوي بيها هيج ويخليها كدامه بدون حجاب او شي يسترها

فيصل بهدوء وهو يهمس باذني ...افتهمي ابويه انتي مرتي اليه ،اول وتالي اعتبريها النظره الشرعيه

كال كلامه وهو يغمزلي وطلع من الغرفه بكل برود ولا كانو سو كل هذه ...

كمت بسرعه قبل لا يرجع اخذت شالي وعباتي وطلعت للباب واني اخابر ابو محمد ييجيني همزين لكيته قريب مباعد ودموعي تصب جسمي يرجف من الخوف ...

مسحت دموعي بسرعه واني اسمع صوت المهى ...
كالت مستغربه ...هااي وين سمر رايحه
كتلها واني أحاول ابين طبيعيه ...اسفه حبيبتي بس سلطان خابرني وكلي رجعي بسرعه ...

المهى بقهر ...اووف منه هل سلطان مسيطر ع الكل هسه شعنده ليش ميخليج تبقبن ...

حضنتها ...حبيبتي عذريني نعوضها بغير مره
وهاي هديتج لتخافين منسيت واني اضحك

ما صدكت اجه ابو محمد ...رحت اركض بس اريد اطلع من هل بيت احس اختنكت ...
رجعت والكل استغربو لان رجعت من وكت ...
اتججت بالتعب وصعدت لغرفتي ...قفلت الباب ووكعت بالكاع ...

وجسمي يرجف ما مستوعبه الصار وجرائته ...
متردده اكل الاهلي بس خايفه ...خاف اني الاطيح بيها
شلون يربي معقوله يخطبني الخميس صدك ...

بقيت ليل ونهار وكلامه ميروح من بالي ، اني احاول اتجنب اشوفه اروح للمدرسه متاخر واطلع من وكت ...

لحد ما اجه يوم الخميس ...
بقيت اليوم كله بالفراش ما ريد اكعد ،اريد اليوم يخلص
سمعت صوت رساله اخذت فوني ..كمت على حيلي فتحتها واني مصدومه ...
يربي هذه من كل عقله ...عزه بعينج سمر
#حور حيدر
#الراقصه والسلطان
#الانستا
...........
●●ملاحظه :بنات انتبهولي الاحداث جزء قبل 3 سنوات...وجزء بلوقت الحاظر تمام
صباحكم عسل ...
بنوتات اكو هواي دا يسئلوني ع الروايات الفصحى ليش مدا نزلهم ...ورداتي دا اكتب بيهم هل فتره لانو بعد كم يوم حسافر وانشالله بعد السفر ابلش نشر واكون مخلصه مقدار كبير منها حتى ما اتضايق بالنشر ...

اما الي دا يكلولي ليش تنشرين بلليل او الفجر ...بنات هواي احاول اكتب بلنهار ما اكدر اني طبعي يجيني الالهام بلليل ...فسوري هذه وقتي😊☝️
Lahn_ALnoor

shosha20016

fatima_ahmyd
موهوبات يستحقن الدعم
#حور
#يفدوه