رواية الراقصه والسلطان الفصل التاسع والعشرون 29 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

وصلنه حسب الوصف لمكان البيت، اني شفته عقلي وگلبي وكفن نفسه بيت فيان،
اكيد اكو خطا، جنيد شله دخل بفيان
نزلت بسرعه وبخطوات سريعه،

جماعتي صارو ورايه خطواتي گامت تسرع كل ما اتقرب من البيت اتيه اكثر والخوف بداخلي يزيد عليها، جنت احارب روحي حتى ما افكر بيها جنت اجبر نفسي انساها والقدر رجعني گدامها بنفس مكان فراگنا رجعت الها، واني اشوف بيبانه مفتوحه والناس طابه وطالعه وصايره هوسه ...

وگفت گبال الباب عيوني ادور عليها، اهنا عفتها وبكل مره الوم بروحي من ذاك اليوم، ليش عفتها هل سوال يدور ابالي، ليش ما ...

وارجع اگول ليش ما شنو، وليش الوم بروحي ما اعرف شبيه من يوم العفتها ولهسه مو اني، عامر احس ناقصني شي، بس مدري شنو،

ردت ادخل ...
تلگوني ولد لابسين اسود، سلمو عليه ...عزيتهم واشرولي ادخل ... واني مثل التايه گوه تطلع الكلمه مني وحالي اتخربط ...
لحگوني جماعتي ...

امجد ...اي غير تنتضرنه شبيك مستعجل
عامر باستعجال ومالي خلگ اخذ وانطي بالكلام...مو وكت الكلام خل ندخل نشوف جنيد وين ...

دخلنه للمجلس اتلگانه جنيد ...
سلمت عليه واني اگله ...البقيه بحياتك خويي
جنيد وهو يحضن عامر ...

حياتك الباقيه ،ليش اجيت مو تدري الطريق مو امان،  مكالمتك كأفيه
عامر ...بويه انته اخوي شلون تريدني اعوفك بهيج يوم
وكمت اعزي لبصفه ...

جنيد وهو يأشر للبصفه رجال جبير ومبين الحزن عليه العرفته هذه ابو ...
بابا هذه عامر صديقي،الاحجيلك عنه

ابو جنيد بصوت تعبان ...كل الهلا بيك وليدي، جنت اتمنى اشوفك بضروف احسن
عزينااه وگعدنه
اللساني يريد يسأله بس شگول وشسأل احس روحي مجتف ...

واحد من الموجودين گال ...الله يرحمها هوايه اتعذبت علمود بتها ...
اني،سمعت رفعت راسي انتظر الجواب بلهفه ...
جاوبه ابو جنيد ...الله لا يرحم الجان بسبب حسرتها ومرضها ...

رجع گال ...صدگ ابو جنيد البنيه سمعنه بيها بالمستشفى شلون وضعها ...
عامر اني سمعت كلامه كمت اكل بروحي واباوع لابو جنيد بس اريده يحجي ...

ابو جنيد وهو گوه يحجي من التعب ...الله يرحم حالها، وگعت بغيبوبه سكر
ما اتحملت ارد اعرف هسه فيان وين ...
همست لجنيد ..

جنيد الي اتوفت تصير خالتك مو
جنيد ...اي خالتي الصغيره الله يرحمها
اترحملها عامر وهو مو طبعه الفضول ولا الكلام بس بسببها اتخلى عن اطباعه ونفسه گام ميعرفها ...
احم يولي شلون اتوفت خوما عداوه او شي اشو كلام الزلمه ما عجبني ...

جنيد ...والله خويه مدري شگلك سالفه خالتي طويله وكلها تقهر، ارتفع السكر عدها من قهرها على بتها
عامر بدون صبر ...دحجي اجر الكلام منك جر
جنيد باستغراب ...

اول تالي عامر يسأل عن احد، اشو نجي نحجي يمك اطردنا
عامر بقله صبر وگله بحده وعصبيه ...جنيد احجي

جنيد استغرب سبب عصبيته بس هو يعرف عامر اذا صار عصبي ميشوف گدامه ...

بت خالتي جانت يم اهل ابوها ،راحت على اساس تزورهم طلعو يردون يزوجوها ابنهم، خابرونه وره مصارت عدهم وكالولها بنتج انسيها صارت جنتنه،
وخالتي اتخبلت وسكرها بقه معلگ ،خافت لا يصير شي لبنتها لان عدها سكر مثل امها، 

الى ان قبل كم يوم
اجتي فيان بس للاسف مگدرت تشبع منها اتوفت،
وفيان من صدمتها دخلت بغيبوبه سكر ولهسه بلمستشفى ...

عامر بسرعه ...باي مستشفى
جنيد باستغراب من كلامح عامر لتغيرت ... لي
قاطعه عامر بعصبيه وصوته عله ...احجي جنيد وين

جنيد ...بمستشفى الجادريه

عامر گام بدون ما يحجي كلمه ،طلع وهو يحس بخنگه وهو يتذكر لقائهم الاول والاخير ...
صعد سيارته ...صفن لحظه گدام

اتذكر ضحكتها، عتبها، اتذكر لما طلبت حلويات يعني جان سبب مرضها، اتذكر لمن خلاها تبجي گام يضرب لستيرن بقهر وهو يصيح
غبي، غبي، غبي شلون ما فهمت ...

سااق السياره بسررعه وصورتها هو الشي الوحيد ليفكر بي ...

                        ♥~~~~~♥

سميه وهيه تحضن قمر وعيونها مدمعه ممصدگه جانت خايفه من سكوتها خايفه يكون سببه  تعلقها باهلها الي ربوها خايفه ترفضهم وتطلب ترجعلهم،
تحاول تخلي كل اهتمامها بيها تريد تعوضها عن كل هل سنين،
رحتلج فدوه يمه، عيديها قموره

قمر وهيه تحضنها اكثر قررت تعوف كل الحواجز وتعيش الشعور الجانت تحسد البنات عليه، قررت تجازف لاول مره بحياتها، قررت تعوف نفسها بدون تفكير بدون خوف بدون متفكر بكل خطوه وحذر خلته جزء من حياتها ...

ماميتي الحلووه وهيه تبوس خدها...

ذياب واگف بلباب ويباوعلهم باستهزاء ...شهل فلم الهندي ما قنعتوني عيدو المشهد ...

سمر وهيه تلوي حلگها ...اهو اجه الغثيث

ذياب بغرور ...رحتيلي سبع فدوات الزقجه

قمر ...سمر عوفي هذه ابو عقل ونص
ذياب بضحك ...الله حيوو المخنوسه طلع صوتها ولكم شنو ابرنامج الصدمه انه
اگلج صدگ يمه اشو صارلي 25 سنه لا خليت يمه لا يوم ولا ماما ...
ولا يوم سويتلي هل مشهد الهندي

سميه بضحك ...ولك يمه انته جبير لا تخلي عگلك ويه البنوات الصغار ...

سميه وقمر شبعن ضحك على وجهه المصدوم ...

ذياب بقهر ...عجل ذني كل وحده جنها بعير صارن صغار سميه عيونج بيهن شي

قمر بشقه ... والله انته الاعمى يا بعير

سمعنه صوت حمحمه من وره ...الكل سكت
وسلطان بحده وعصبيه وهو يدخل المطبخ وعطره مله المكان وهو لابس شداشه سوده وغتره بيجي ولازم سبحته باوع لقمر وهو عاگد حواجبه ...
اللسانج اكصو اذا سمعته يغلط على واحد من الولد مره ثانيه افتهمتي ...

قمر والضغط صعد لراسها تباوعله بحقد وهيه تريد تكسر هذه الغرور والكبرياء على شنو هيج شايف نفسه
ليش يباوعلها باستصغار بكل مره ليش من دون الكل هو هيج يعاملها ...
لا ما فهمت ولا راح افهم شي انته تگوله ،ما الك دخل اني واخويه دا نشاقه انته شكو ادخل نفسك ...
احجي واباوع لامي تخزر بيه وتاشر وهيه تخلي ايدها على حلگها بمعنى سكتي ...
واني مستغربه شبيهم كلها تخاف منه ويهابو هيج ...

باوعتله بتحدي غمض عيونه ما اعرف بشنو همس ،دار ضهره واتجاهل كلامي وهو يحاجي امي ...

عمه علمتي بنتج على عاداتنا ونبهيها اسلوبها والعرامه تبطلها هين ما عدنا بنوات وكحات ،سكتت مره اثنين وهاي الثالثه احتراما لوجودج، اذا يتكرر اتصرف غير تصرف ...

سميه بهدوء وهيه تخزر بيه بمعنى لتحجين  ...انشالله يمه متتكرر بعد وهيه مثل اخيتك الصغيره وغلطت 

سلطان بهدوء ...ذياب البنوات تحترمهن وشقاك خلي بحدود مفهوم بويه ...

ذياب باحترام...صار ابو شاهين

سلطان ...بويه طالع انه محتاجين شي
سميه ...لا يمه الله وياك، درب السلامه
طلع وقمر تباوعلهم بصدمه وعصبيه ...
يمه عاجبج كلامه هيج يحاجيني،على شنو شايف نفسه

سميه بعتب ...قمر صوتج نصي من تحجين، تره قبل ميحجي هو اني ردت احاجيكم ميصير واحد يتجاوز على الثاني، وبعدين ابن عمج ولازم تحترمي

قمر بعصبيه ...يمه لتخبليني شبيكم من تشوفو كلها تگلب لهل درجه مخوفكم،ممجبوره اسمع كلامه

ذياب بزعل...لا غلط كلامج مو مخوفنا، بس نحترمه ابو شاهين مثل ابونه هو المسول علينه داير باله على كل واحد بهل بيت رغم شغله ومسولياته بس يخاف علينه ويحبنا وكلامه الج من خوفه وحرصه عليج ...
عافنا وطلع

                              ~~~~~
وصلت للمستشفى نزلت ركض، سئلت بلاستعلامات المشكله ما اعرف اسمها الكامل، شلون حظ
انطيت فلوس لام الاستعلامات خليتها تدور بالسجلات
لكيتها ...
رحت لغرفتها قبل لا اوصل للباب شفت واحد بلباب عرفته اخو جنيد ...
هذه شلون يوخر هسه ...
انتظرت بالممر بعيد وعيني على غرفتها اريده بس يوخر اروح اشوفها ...
وره ساعه تقريبا واني روحي طلعت من الانتظار شفته گام يمكن راح للحمام ...
طبتلها ممرضه انطيتها فلوس،كتلها حبيبتي وارد اشوفها واهلها ميدرون ...واذا اجه گليلي بقت هيه بلباب
ركضت الها ...
فتحت الباب وسديته ورايه رجليه ثگلت واني اشوفها نايمه بلسديه بس هايه مو فيان الوجه شاحب وضعفان ...والاجهزه متصله بيها بكل مكان

اتقربت منها اديه ترجف ممصدگ هيه گبالي ...شبكت اديها واني اهمس ...
شصاير بيج طفلتي، وين ضحكتج وين طولت السانج ياا ريت ما عفتج، يا ريت خطفتج وما خليت شي يصير بيج ...
ماا اعرف شبيه ما اعرف ليش،هيج متعلق بيج بس الاعرفه ما اريد اعوفج بعد ...
فيان اگعدي مراح اعوفج بعد،
انفتحت الباب وهيه تاشرلي اطلع ...
ما اريد اعوف ايدها ...اتقربت طبعت بوسه على خدها وطلعت بسرعه ...

بعدني ما طلعت من الممر انصدمت واني اشوف قاسم ابن عمها ...

الراقصه والسلطان
#حور حيدر
#الانستغرام: enghour98
الواتباد: eng_hour

صباحكم سكر 🕊️
بنات مساعه دا اكتب بلبارت وضغط على النشر بلغلط 😁❌ لتخافون مصار شي ...

موعدنا انشالله الاربعاء 💛 ...

بس اذا، اذاا باجر ما عندي gym وصار عندي وقت يجوز انزل بارت ...

#يفدوه