رواية الراقصه والسلطان الفصل الثالث والعشرون 23 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

ابو حرب رحنه للفاتحه وجانت اول مره ادخل للنجف واتمنيت لو كاص رجلي ومطاخ ترابها ...

لان من بعد ذاك اليوم خسرت نفسي وگلبي، بقت روحي معلگه بلنجف لهذه اليوم مشفت منها غير الاذيه ...
وصلنه وجان استقبال خالي ثگيل بس خوالي

الباقين رحبو بينه، اني لوما واجب والسيد جان خوش رجال مجان اجيت، لان اول مشفت خالي ما حبيته بس احنه ولد عشاير ومو من شيمنه نعوف اهلنا لا بفراحهم ولا باحزانهم ...

بذاك اليوم جانت وصيت السيد قبل ما يموت لابنه الجبير سيد صادق يصالح اخته ووصاه بيها ...

واول مدخلت امي اتراضو وبقت تبجي بحظنه، اني مدخلت البيتهم بقيت بلجادر واگف ويه ولد خالي جانو خوش زلم وينشد بيهم الضهر ...

صار العشا وكمنه ننگل الصواني ...

يناوشونه من البيت بيت السيد اله والولده عباره عن تلاث بيوت الاول الجبير بيت العايله صار بي فاتحه النسوان والثاني هم  الثالث بيت سيد صادق الطبخ صار بي ...

محد يدخله بس احنه او ولدهم ...
اني جنت واكف اباب الجادر اجاني مجتبي ابن سيد صادق ...

گلي ... حر الحجيه تصيحك

باوعت لباب البيت الجبير مشفت احد بلباب دخلت للحوش هوسه وكله نساوين اخذت روحي وطلعت ادور على مجتبى سئلت الولد كالو ابيت سيد صادق ...

دخلت واني ادري بي بس الولد گاعد يطبخون ...
فتت للمطبخ فارغ الظاهر الولد كلهم بلجادر ...صحت
مجتبى ...

ماكو درت وجهي ارد اطلع من باب المطبخ ...بلحظه حسيت بصدري وبطني نار وشبت من استكانات الجاي الانصبت عليه ...

صحت من بين سنوني واني ارد اطره اثنين هل اثول ...اشتعل افااد ابوك

باوعت گدام والنار صعدت لگلبي اول مخليت عيني بعينها طاحت الصينيه من ايدها وخلت اديها ع شفايفها وعيونها فاتحتهم مصدومه وخايفه ...

الحجي مات بلساني احس الكون وكف ماكو احد بس اني وهيه، بهل نظره عگلي طار بهل لحظه ودعت روحي وسلمتها لذباحي مكدرت انزل نظري منها واني اگصها من فوك الجوه لابسه دشداشه سوده عريضه والشال حاضن وجهاا مطالع شعرايه منه الخدود حمر اتمنيت اشمهن واضوگ تفاحهن والعيون الناعسه احسها تگلي دحگلي اكثر واكثر...

همست بدون وعي عگلي وگلبي يگول افادك الاشتعل... يطيره شنو اسمج
نظراتها بلحظه اتحولت من الخوف للقوه والعنفوان وهيه تخزرني وتحجي  ...

انته شنو دخلك وشجابك اهنا ...

بعدني محاجي ساهي و عيوني على شفايفها الحمر وخزرت عيونها اللوزيه ...

ردت احجي اشو هايه كالت بعصبيه ...
اطلع بره ...
ارد احجي
صاحت بنفس النبره وهيه تاشر للباب ...اطلع بره بسرعه لا اصيح الولد عليك

من كل عقلها تحجي ويايه هيج واني شمالي ساكت ...

اتقدمت باتجاها وعيوني بعيونها وهيه رجعت لوره  رافعت حاجبي الها وشبه ابتسامه على شفايفي واني اشوفها مثل البزونه تخرمش وتختل قوتها اختفت ...

لحد مصار الحايط وراها گالت بسرعه وهيه ترفع اصبعها بتهديد والخوف اشوفه بعيونها بس تحاول تبين القوه ...

گالت وعيونها معلگه بعيوني ...بس تتقرب اعيط  وگفت كدامها وجتفت اديه خزرتها وكتلها بحده ...نزلي اصبعج ...

بنفس اللحظه نزلت اصبعها وضمت ايدها لصدرها ...
كتلها بنفس النبره وعيوني تفترس ملامحها ...هذه البيت مو لطبخ الزلم
هزت راسها بنعم ...
صحت جااوبي ...

گالت بهمس وعيونها دمعت بسرعه ...ااي
حر ...والبنات ممنوع تدخل
گالت بنفس النيره ...ااي

حر وهو بداخله ميدري شصار بي من شاافها مثل الطفل خايفه ومرعوبه وتجاوب بسرعه بس حب يكمل وهو مستمتع بهل لحظات ...ومو انتي الدخلتي ووگعتي عليه استكاين الجاي
گالت ... ااي

حر بعصبيه مزيفه حب نظراتها الخايفه حسها بنته وغلطانه وگاعد يحاسبها لان مقارنه بي هيه صغيرونه ناعمه وهو ضخم ...

عجل يبه  اذا أي ، لشنو طولت اللسان مدام تعرفين نفسج غلطانه ...

گالت وهيه توخر عيونها عن عيوني وتياوع للگاع بارتباك وخجل ...جنت مستعجله وانته طلهت گدامي وو، احم وگع الجاي عليك

اريد عيونها ماا ريدها تفارگ عيوني گلبي يصيح رفعني عيونج مو سبني نظراتج ...كتلها بحده شنو اسمج

همست بسرعه وبعدها نضراتها للگاع ...نمارق

اول مگالت اسمها عرفتها هاي بت خالي باقر وهذه بيتهم، ما اعرف ليش ضجت من عرفتها بت صادق،

  كل ما تروح امي الهم تخبصني سوت نمارق گالت نمارق ورت راسي بجمالها وسوالفها ...

جنت دائما استغرب اسمها اول مره اسمعه بقه لساني يردد، نمارق، نمارق واني اباوعلها اجاني فضول اعرف شنو معناه غريب وحلو مثلها ...

كتلها بعصبيه واني اتخيل غيري شافها ...اذا تعرفين بس الزلم هنا شجابج لعد مجتبى يدري

نمارق وگلبها يدگ بسرعه وخوف من نبره صوته ونضراته وهيه كلش تخاف من الصوت العالي گالت بنبره مهزوزه وهيه تهز راسها بلا ...

اا ،والله شفتهم يتغدون واجيت ركض ابدل دشداشتي وارجع ...

حر وهو يباوع من شباك المطبخ خاف يدخل واحد ويشوفها  ...

ارجعي بسرعه لبيت السيد واذا لمحج احد من الولد. شافج حسابج ويايه يصير غير شكل ورجلج متعتب باب بيت جدج لحد ما يكفون الفاتحه افتهمتي ...

******
عامر ...مخنوگ من عفته لهسه احس روحي خسرت شي غالي عليه، كل ساع اباوع للكرسي الجانت گاعده عليه واتخيلها بي وگاعد تسولف ويايه،بعفويتها وسوالفها الحلوه ...

وارجع اگول لروحي شبيك عامر انته شتعرف عنها وهيج تفكر بيها، بنيه ساعدتها وانتهى الموضوع ليش تبقى تفكر بيها، مجرد اعجاب بشكلها وممكن

بشخصيتها وبمرور الوكت يروح حاولت اشغل روحي باي شي حتى ما افكر بيها، واني اعرف بداخلي هيه شخص مو بسهوله ينسي ...

بقيت بهل صراع الداخلي لحد موصلت لديرتي الفجر ...بس ما اعرف ليش هل مره احس بغربه احس گلبي اتهجر وعاف ديرته ...

مشتاگ كلش لامي وللشيخه ...صفيت السياره گبال البيت ونزلت بعدني مداخل صفت سياره سلطان استغربت شعنده سلطان جاي الفجر ...

مشيت اله ...نزل ذياب وسلطان وابويه لابسين دشاديش بيض ملطخه بلدم ...گلبي وگع بمكانه شصاير شنو هل دم ...

اول مشافني ابويه فتحلي اديه وهو يضحك ...الله حيو عاامر ...

حضنته وبست راسه واني اگله ...شونگ بويه
ابو عامر وهو يضحك من گلبه ...بنص الخير مدام شفتك واگف بطولك وليدي
عامر وهو يتوجه لسلطان يحضنه ...ابو شااهين مشتاقين الغالي
سلطان ...هله بخوي الذيب

ذياب بضحكه ...اهوو بدت سوالفكم ذيب او واوي ،انه قرد اروح انام احسلي
سلطان يضحك وهو يضربه على جتفه ...اول مره تگول جلمه بمحلها

عامر واني اباوس ذياب ...بويه شنو هل دم شصاير

ابو عامر بفرحه واضحه ...هذا دم الذبايح برجعه اختك

عامر بعدم فهم واستغراب ...يا اخت

ذياب بخباثه وهو يدخل ...مو طلع شاهين مزوج على سميه وجاب بته من الثانيه واجه يله اودعناكم ...

عامر بصدمه ...صدك بويه
سلطان وهو يعض شفته بتوعد ويروح وراه ...الاغم هذه دواه عندي

ابو عامر وهو يدخل ويگوم عامر وياه ...ولك بويه اختك وضحه طلعت عايشه والبارحه جبناها من بغداد

عامر ...شلون صار هيج وضحه مو ميته من هيه بلفه
ابو عامر ...السالفه طويله فوت نام وارتاح وانه هم خل انام لان من الصبح على هل وگفه وباجر افهمك ...

عامر بلهفه ...بويه شيصبوني للصبح اروح اشوفها هسه

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

حر (ابو حرب) &نمارق

توضيح للي دا يخربط باسماء الشخصيات والقابهم
نمر = ابو ناصر
شاهين =ابو عامر
سلطان =ابو شاهين
قمر =وضحه المخطوفه
حر =ابو حرب

#يفدوه