رواية الراقصه والسلطان الفصل الثاني والخمسون 52 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

اذا انته جرح💔 ؟
ما ريدك اطيب
اروف بصفك ولا ما اروفك
واذا تطلب عيوني... وداعتك هاك
عمت عين العيون الما تشوفك

حر فقدت السيطره على روحي هل سنين كلها ما وحده هزت شعره مني بس نمارق هزتني اتقربت من شفايفها عگلي طار فتحت عيوني گوه احس روحي خدران بانفاسها وبين اديها...

نمارق رجعت كم خطوه خلت اصابيعها على شفايفه من شافته شلون صار عگدت حواجبها وصاحت... حرر اصحى سدا تسوي

حر لزم ايدها على شفايفه وگام يوزع بوسات عليها وهو يهمس بخدر ويباوعلها ونظراته اضلمت وهو يلهث... بس ،، تصبيره بداعتي

نمارق غضت شفتها من الخجل ... تريد تسحب ايدها ميخليها

ولك حر...

حر لزم وجهها وتقرب منها ... تصبيره  اريد اضوگ طعم الشفه
نمارق لا

حر بنبره توسل وعيونه مثل الطفل تلمع ... بس وحده يول اصبر روحي بيها

نمارق فدوه حر لا لا يدخلون

حر بابتسامه خبث وهو يغمزلها... لعد اخذها بالگوه منچ

نمارق فتحت عيونها وهيه خايفه صوتها يسمعوها بره رفعت اصبعها تحذره وگالت بتحذير ... حر حر والله ازعل

حر حاوط وجهها وهو عاظ شفته ويبتسم اتقرب من خدها شمه وطبع بوسه طويله وهو يهمس...

ول بويه ازعلي انه اريدچ تزعلين وكثري زعلات منا وجاي انه موجود  اصالحو لوليفي...

نزل بشفايفه لحنچها طبع بوسه ونمارق جمدت بين اديه ما گدرت تنطق...
اووف الله سنين ولذتك بريتي

شفايفه تمشي على وجهها ويطبع بوسات...

حظن بچفه خدودها وانفاسه تظرب انفاسها نظراته تتبادب بين عيونها وشفايفها همس بشوگ ولهفه...

انه احبچ ولهاان الچ بعد ما اگدر اصبره لگليبي اكثر رايدچ بكل حيلي روحي كتلتني يول اتخبلت عليچ كون هسه اخلي راسي على صدرچ وما گوم منه لسنه

نمارق بخوف وخجل وهيه متعجبه من حر وجرائته الزايدة... حر شهل حچي لخاطر محمد ، حبيبي والله هسه ييجي مجتبى طولنا خلي نطلع لا يفوتون

حر وهو عگله طاير ...يول افهميتي ناري ما تطفى شسوي بروحي اذا بعدت عنچ... واذا طلعت راح انفضح من اطلع يول ارحميني

نمارق وعيونها بعيونه تباوعله بترجي واديها على صدره تريد تبعده... حر فدوه حرام الجاي تسوي هسه

حر وهو يلهث گدام شفايفها وعيونها بعيونها... ساعه ابليس خليني اخذ بشفتچ ذنب...

ضل وياي چمليني ذنب بي حض
شفتج وشتهيت النار ومر بيه الخدر كترين لو يجبل نبي مابيه حيل انهض...

نمارق باعتراض وتحذير .. حر والله اطل ما گدرت تمنعه لان كتم صوتها بشفايفه...

انكتم صوتهم لدقايق وصوت انفاسهم الينسمع...
نمارق بعدت عنه وهيه تلهث بقوه وايدها على شفايفها مصدومه من الصار ...

اشتعلو اهلك صادق شهل بت ... يول استري على زلمتچ ودليني الحمام وين

وتباوعله وهو يلهث ويباوعلها وهو يضحك ويمسح طرف شفته باصبعه دزلها بوسه بالهواا وهو يغمزلها... عسل وربي

نمارق بنظرات عصبيه رفعت اصبعها بتهديد... انته انته شسويت

حر بغمزه وهو يهز چتفه ببساطه... بستچ

نمارق بخجل وعصبيه رادت تطلع... اني الثوله الباقيه يمك

لزمها حر من زندها ... بداعت الغوالي الحمام اذا اطلع لسلطان ما اخلص من لسانو

نمارق خزرته وهيه تدلي بلحمام...

حر يدردم بعد ما حرگ سلطان التليفون عليه مكالمات ورسايل يريده يطلع ...
سحب ايد نمارق وهيه ابتعدت عنه... حر عوفني والله ما اطلع گدام مجتبى وانته لازمني هيچ

حر وهو يباوعلها صفح...  لا بلله ابزز انه، عجل ما تطلعين من هين الا وايدچ بيدي

وره دقايق طلع حر وگايد بيده نمارق...

سلطان ضحك بفرح اول مشافهم وگال شايف كل الخير ابو حرب

واندار لمجتبى... شگتلك ابو مصطفى

مجتبى يباوع لنمارق الي نزلت راسها اول مشافته يعرف بيها مستحيه من الگالته عليه قبل شويه...
اتقدم الها ورفع راسها... هسه اگدر اگلچ روحي بفالچ هذه اليستاهلچ والي اسلمچ اله وگلبي مرتاح ...

نمارق عافت ايد حر وحظنت اخوها وهيه تبچي... اسفه ما چنت اقصد والله لا تزعل مني
مجتبى... انتي بنتي غبيه شزعل منچ

حر بغيره... هسع ردت بنيتي انه يله عوف مرتي ما اقبل تحظن احد 

سلطان بضحك... مو مستعجل شويه

حر والضحكه ما فارگت وجهه... يله بويه وين الشيخ ارد اخذ مريتي واروح

مجتبى باعتراض... وين تاخذها ابو حرب تعقد اي بس نمارق ما تطلع منا الا بعرس وزفه وعراضه

سلطان ... ومنو گلك احنه نرضى باقل من هيچ بعد هل مده والله لسويلهم عرس رنان

حر وهو ياخذ ايد نمارق وگال بلهفه وهو يباعلها...طلبتها من امير المؤمنين قبل سنين وهسع بعد ما حصلت طلبتي اخذها للنجف  ونروح لوفي نذري ونرد واسويلها الي تتمناه
......

سلطان رجع للعماره بعد ما ودع حر وهو يشوف الحياه ردت وضحكته ملت وجهه... يحس هم ونزاح من صدره

نزل من سيارته... صعد للشقه اول مدخل سلم

شاف عمه يحچي بالتليفون رفعله ايده بمعنى ادخل عينه طاحت على قمر رفع حاجبه وهو يشوفها
گاعده على التخم ومخليه رجل على رجل ومنتچيه براسها على چتف عمه ...

قمر انتبهتله دخل باوعتله شافته يباوعلها ورافع حاجبه هيه هم  رفعتله حاجبها وهيه بگلبها تگول شبيه يباوعلي هيچ البارحه كل شي ما بيه ويضحك حسدته...

سلطان عيونه گصتها من فوگ لجوه رجع باوع لعيونها بنظرات غريبه ... فر سبحته بين اصابعه خزرها

قمر ارتبكت من نظراته حست اكو شي بيها غلط... بس عناد بي بينت هيه ممهتمه باوعتله بتحدي ورجعت دارت وجهها منه على التلفزيون...

باوع لعمه مشغول بالمكالمه... رجع نظره عليها اتقدم عليها بهدوء وبخطواته الرزنه...
قمر حست بي اجه باتجاهه گلبها گام يدگ بسرعه حظنت ايد ابوها بقوه اكثر...

گعد سلطان بصفها بمسافه بسيطه عنها...

قمر حست بنظراته عليها ما تگدر تجاهل هل شعور غصبا عليها باوعتله شافته رفع عينه لوجهها استغربت مثل ما توقعت يباوعلها
بس ليش رفع نظره اول مدارت وجهها لعد وين چان يباوع...

اشرلها بحاجبه تگوم...

قمر هزت چتافها بمعنى لا...

سلطان همس ابرود وهو يخزرها بعيونه... گومي بدلي

قمر غصبا عليها خافت من نظرته بس ما تطلع قمر اذا بينت خوفها وما عاندت...باوعتله بتحدي و همست من غير صوت وهي تمط شفايفها... ماااا

سلطان ابتسم وهو يلعب بلحيته ويباوعلها بهدوء من فوگ لجوه...
قرب راسه منها وهمس الها بخبث
وانة خايف لا اطوف بخصرج وتلجمني شامه
شافها جمدت بمكانها او وجهها بده گلب اللوان وايدها انمدت لخصرها وسحبت البدي لجوه...

وهو عينه ويه ايدها والابتسامه ما فارگت شفته... وبعيونه نظرات خبث وهو يشوفها تباوعله والخجل واضح على وجهها...
قمر عضت شفتها بقهر وهيه تشوفه شلون يضحك ويباوعلها باستفزاز...

ابو عامر بعد ما سد تليفونه بابتسامه ... الله حيو ابو شاهين هاا بشر فضت

سلطان وهو يشوف نظرات قمر المتفاجئه گله بثقه... افه عمي وانه ابن اخوك عقدو وراحو العرسان للنجف

قمر تسمعهم وهيه مصدومه وتباوع لسلطان بتعجب ابوها يعرف وتگول بگلبها... عزه بعينك داهيه مو بشر لكل شي حاسب حساب

ابو عامر باستغراب... شعنده ابو حرب هناك

سلطان وهو متجاهل قمر ويحس بيها تباوعله ... چان طالبها من امير المؤمنين وناذرها من سنين راح ويه عروسته يفك نذره غاد ومن يرجع نسويله عرس

ابو عامر بفرح... ونعم منه، عجل عرسه بلديره غاد

سلطان بضحكه وهو يفر سبحته... الشيخه ما قبلت الا هيه تزفه لعروسته ومن بيتنا

ابو عامر ... والله لزفو لابو حرب يستاهل

وبتذكير گاله.... صدگ سلطان عم فيصل اتصل عليه صار اكثر من مره وشيخ عشيره نسابتهم هم خابر وكل ساع داز  احد للشيخ غاد يردون ييجون الخميس وفيصل كل ساع مخابر يريد ييجي يمشي ما انطيته كلمه
والشيخ ما قبل يتعداك وينطي حجايه گللهم يرجع سلطان ونرد خبر...

سلطان وملامحه اتغيرت گال ابرود وهو يرجع جسمه على التخم...
عمي من يخابرك تگلو بعد شهر هسع ما فارغيلو

ابو عامر ضحك وهو يلزم ايد قمر ويدخلها بين اصابعه ... ابو شاهين مو چثير الوليد مستوي ومخبول ونته تعرفو

سلطان وعينه راحت على ايد قمر بچف ابوها... لا مو چثير هو رفس نعمته بيده بعد ما سلمته سمر وهو اكثر واحد يعرف شنو سمر اليه ويعرف كلش زين الف واحد غيره يتمنى ضفرها خله يعرف بنات ال نمر...
رفع عينه لقمر الي جانت تباوعله وكمل... غاليات مو ياهو الچان يصيرلهن خيال...

ابو عامر وحاوط بايده قمر وطبع بوسه على جبينها... اي بالله غاليات چثير

قمر ابتسمت وحظنت ابوها...

سلطان باوعلهم بنظره غريبه او وگف بسرعه ونزل عينه لسبحته اللزمها باديه الاثنين...
يله بويه قمر گومي بدلي ما ضل وكت

قمر رفعت عينها اله وگالت وهيه مفاهمه شي... شنو

ابو عامر باوعلها وگال بهدوء... بنيتي ترحين لمدرستچ ويه ابن عمچ تجيبون الفايل وترحون تكملون كم اجراء وسلطان مناك مرتب كل شي...

ابو عامر بخوف... بويه درتاح واكاك لگمه جسمك اله حق عليك اذا صار بيك شي وين ننطي وجهنا

سلطان بابتسامه... لا تخاف شوفني گدامك السبع ياكل بيه ٧ ليالي

قمر اختنگت متريد تبقى وحدها ويه سلطان باوعت لابوها وهيه تجنب تباوع لسلطان... ليش متروح انته ويايه

ابو عامر... ابويه لازم نرد للديره هل يومين وابو شاهين يكفي ويوفي معارفه چثير يخلص كل شي بدون متعبين انه عدي مشاغل چثيره اليوم

قمر باوعت بضيگ لسلطان وهو ينطيها ظهره ويكول ابرود وبنبره امر...
عجلي انه بلسياره وها گدام عمي اللبسي شي ساتر

عافهم وطلع...

قمر بقهر ما گدرت تخفي باوعت لابوها... يعني عاجبك كلامه

ابو عامر وهو يگرص خدها... اي عاجبني ابن عمچ وخايف عليچ

قمر باوعتله بزعل وبدخلها تغلي يربي شلون غاسل دماغهم وكلمته ماشيه حتى ابوها وجدها ما يخطون خطوه بدونه...

ابو عامر من شافها زعلانه وهو ملاحظ توتر العلاقه والمشاحنات بينها وبين سلطان گللها بهدوء ...
الا سلطان لتخافين منه وبالچ تخسري ، هذه سند الچ تستندين عليه وگلبج بارد اذا غدرت بيچ الدنيا وناسها تلگي بيمناچ ... اذا عصب واذا صاح بيج لمصلحتچ سلطان ما يخطي بحق احد

وگف وهو يگلها... يله بويه بدلي لتخلي ينتظر ، انه اروح
طبع بوسه بگصتها وراح...

قمر عضت شفتها بقهر وشمرت الريمونت من ايدها..
افف يا ربي ما اريد اروح ويا الغثه گوه

وگامت لغرفتها وتعمدت تتاخر بلتبديل بعد ما اتاكدت ابوها طلع...

جوه بلسياره مرجع راسه على الكشن وعينه على باب العماره عرف اتاخرت عناد بي ابتسم وهو يتذكر الشامه... اختفت ابتسامته وهو يشوفها طالعه  ولابسه بنطرون اسود محدد وركها ومبين رشاقه سيقانها وستره بنفس اللون وجواهم بدي وردي محدد جسمها همس ...
اووف منچ يشلعان الگلب...

صعدت بدون متحچي ولا كلمه وياه...

سلطان گللها ابرود ...لو باقيه فد ساعه ليش استعجلتي

قمر باوعتله ... ادلل نازله

سلطان باوعلها وعينه على شفتها ولون حمرتها الوردي... صعدي خلصيني دمچ شكر

قمر ابتسمت بقهر سدت الباب باقوى ما عدها

سلطان شخط السياره وگال وعينه على الطريق ... كسر بعگلج الصغير

قمر ابرود وابتسامه استفزاز... سوري ما انتبهت

سلطان گللها... مو گتلچ اللبسي مستور

قمر چتفت اديها وگالت باستهزاء ... بدينا برحمه الله اي ولبست مستووور

سلطان بحده وهو يغلي ... لچ بويه مفصل جسمچ تفصل وتگليلي مستور

قمر دارت وجهها للجامه وهيه منحرجه من كلامه بس متريد تبين اله... هذه المستور العندي
رجعت باوعتله وگالت بتحذير... سلطان الف مره كتلك لتدخل بيه

سلطان بعصبيه ونبره فززتها... اسيبچ بلشوارع يله ترتاحين العيني وغاتي متفيد وياچ الظاهر

قمر بقهر ... من البدايه كلت ما اريد اروح وياك گوه الا انته

سلطان ابرود... اي الا انه ورجلچ متعتب باب البيت الا وياي يله اشوف شتسوين

ما ردت عليه لبست سماعتها ودارت وجهها على الجامه ودمعتها بطرف عينها...

حست السياره وگفت شويه وصوته يحچي ويه احد ورچعت مشت بس ما التفت لجهته حست بشي ينشمر على رجلها نزعت السماعات باوعت شافت مجموعه ورج جوري احمر...

غصبا عنها شالتهم تعشق الورد الجوري باوعتله بصدمه... شافته يسوق بهدوء رجعت باوعت للورد...وابتسمت وبداخلها تگول عنده انفصام هل بني ادم

سمعته يگللها بهدوء...

.................

صباحكم كل خير ان شاء الله...❤️

سحور شهي ❤️

رايكم !!

ادعموها حسابها مفيد ❤️
KareemaSos