الربتج " حالك الاسوداد " الفصل العاشر 10 - بقلم رهف علي

كُل شي يحدث لهُ اسباب
حتى وقوعك
وأن كانَ مُخيف إلى درجه مُرعبه
لاتفزع ولا تستسلم
حاول مره اخُرى
هُنالك نورٌ لايعلم بهِ احد
فقط جُهدك لهُ .

اتحب اليل ام النهار ؟ انا اليل وانت !

ــــــــــــــــــــــــــــــ•●•ـــــــــــــــــــــــــــــــ

فتحت عيوني بخمول ع ألم قوي
بنص بطني وصوت بعيد
عن مسمعي احاول القط الصوت
بس يترادد بأذني مثل الذبذبات البعيده
التراب داخل حلكي لان جنت
ع وجهي
وجهي اختلط بي اثر الدم صار التراب
عليه
حالتي حاله حتى ماعرف
صار الي شكد هنا بهاي الحاله واني
مغمى عليه إلى أن صار الصوت
واضح يمي

_ هيييي انتِ ميته ؟؟ منووو انتِ

فزيت ويا الضربه مالته طلع صوتي
بالكوه احاول اجر النفس الدنيا ظلمه واكو
سياره مركونه والإضاءة مالتها بعيده عن وجهي
رفعت عيوني بتعب لكيت
واحد ضخم واكف فوك راسي
من صوته ومن اللهجة مالته العراقية عرفت
هذا مو ابو نوح غير واحد
جانت الدنيا ظلمه ماشفت شكله

رجع دفرني بقوه ع بطني طلعت صوت ، اااخ
هو سمعه ، صاح بيه

_ عايشه ، منو انتِ ؟؟؟

انتبه عليه شافني
مفتحه عيوني رديت بتعب
نارا : منوو انتَ ؟؟؟
مارد
نزل نظراته ع طول جسمي
وركز عينه ع رجلي حسيته تفاجأة بس ماحجه
نزع فانيلته رجعت حجيت ويا
خايفة لا يسوي شي الي واني
بأتسع حالتي وماكدر عليه ولا اكدر ادافع عن نفسي
رد عليه
_اصبريلي *****
فزيت من كلمته هذا شلون يسمح
النفسه يحجي وياي بهاي الطريقه
اتمنيت بيه حيل حتى
اكدر ارد عليه وما اسكت

نزل صار بمستواي تفاجأة من شفته ملثم
احس الساني انعقد هذا شنو يريد يسوي
بهت وجهي من مد ايده الرجلية ولزمها
سحبت رجلي منه وهو
رفع راسه الي بس عيونه طالعه من الثام
مالته ع ضوه القمر انتبهت بس ع لمعة عيونه بهذا
اليل الدامس
خفت منه هو رجع سحب رجلي ونطق
_ ججججججء ، بلا حركه

حط الفانيلة مالته ع رجلي وربطها ع رجلي بقوه
صحت بي بالكوه بصوت خاوي من الالم
_شبيكككك وسسسم وجعتني
مارد عليه اباوع اشو هذا
سحبني من ايدي جسمي يوجعني حطيت
ايدي ع ايده اريد ابعده عني بس
هوَ لازمني بقوه ويسحب بيه
نارا : عووفني وين ماخذني .
جرني جر وصل للسياره المركونه ع جهة فتح
باب
السياره
وشمرني بسياره عبالك حيوان عنده الحقير
سد الباب وقرب راسه من فتحه الجامه صار
وجهة قريب مني
حط ايده ع حلكه من ورى الثام
وعيونه وضحت
ارتديت للورى من التوتر همس الي
_ اشششششش

عافني ومشى اني اشتم السياره
بيها ريحه زفره مو طيبه
تلعب النفس
بيها ريحة دم عرفته لان صرت خبره
بي
ضربت الباب مال السياره بكف
ايدي وحجيت
_ ويييين مااخذني الله لا يوفققققك عوووفني
من وين طلعت الي هسسه
انتَ
عبالي ما سمعني سريع
رجه طلع الي فزيت
رد عليه من بين اسنانه بعصبيه
_ اسسسكتي **** والا هنا اغ****
خفت منه الهذا سكتت ماحجيت

بس بقيت اباوع بوجهة
مااعرف وين شايفته ياااااربي وين
شايفته هو من شافني صافنه بوجهة
رفع الي حاجبه
التفت للجهة الثانيه انوب رجع التفت الي
_ شبيج تباوعين ومرض
اتنرفزت من كلامه
نارا : مرض المرضضك
_ اااانجبي لج
نارا : انتَ ااااكل تبن

كُل ما يحجي ارد عليه ما اريد
ابين اله اني خايفة منه
انوب يستسهلني ويسوي الي شي
غير اموت
حتى ما أعرف هذا منو
عافني ومشى بس صوته مسموع
صار يدندن بصوت عالي
ويا نفسه
ننننننن نننننننن نننننننننن
ماعرف شنو ايدندن بس شكله لحن شي اغنيه
لان ما فهمت اي شي
اني اختنكت من ريحة السياره
واحس نفسي لعب منا
رجلي موتتني من الالم وهو لفها بقوه
حتى ماتنزف اكثر
اني حتى ماا اعرف وين الطلقه بالضبط
لان رجلي كُلها احسها مشلوله
وماكدر احركها
ماعرف شنو سوه بعدين رجع صعد بالسياره
يكي ومشى اني ماتحملت سألته
نارا : وين ماخذني ، منو انتَ كول منوووو
مارد عليه بس يدندن
ورى شويه وكف السياره
التفت بوجهي غمز الي ونزل بقيت
فاتحه حلكي هذا شبي
ليش هيج مستفز بهاي الطريقه
يريد يخبلني
الادبسسزز

راح دقايق ورى السياره حسيت بي يجر بشي
لتفتت واني خايفه شفته سحب
اثنين مربطين وشمرهم اني سريع
درت وجهي جسمي صار يرجف
عزه هذا شنو ناوي يسوي
ماحسيت الا بطلقتين الصوت صار
بترس اذني بهت وجهي واني ارجف بقى بالي هذا منوووو
معقوله تابع للامير مالتهم
معقوله واحد منهم وهمَ راح ياذيني مثل
القبله زين اني
شلون بيه شلون راح اهرب من يمه
وهاي حالتي ماكدر حتى اركض.

ياااربي هذا اني شايفته بسسس وين
شايفته
هاي العيون اني شفتهن
من قبل وبمكان مو بعيد زين ليش ما اذكره
خليت ايدي ع راسي وصرت
اضرب بنفسي
اتذكرررري نااااررررا اتذكررري
اتذككررررري
فتحت عيوني ع وسعهن وشهكت مرعوبه
حطيت ايدي ع حلكي واهز
راسي بلاااا لا لا اكيد مو نفسه
شلون ياربي شششششلون
هذاااا نفس الشخص الي شفته بسووق
السبايا الي حاجبه شبه مقطوع
نفسه الي جان يباوع عليه وصفن بيه
واجه سأل عن سعري وراح
يعني نفسسسه هوَ الي حسيته يختلف
ليش شجابه هنا يمي
شنو وصله معقوله هذا واحد منهم
اي اكيد
واحد منهم والا شلون هوَ موجود
بسوق السبايا ويسأل
عن سعري !!!!!

شوي ورجع صعد يمي
واني مبهوت وجهي من الخوف والرعب الي شفته
سألته واني مصدومه
_شسويت ؟؟؟؟
_ ميخصج ، تردين تعيشين ما تسألين ولا سؤال
سكتت هذا ولا يتحاجه ع لحظه يسحبه
سلاحه ويخلي طلقه بنص راسي ويشمرني
مشت السياره شويه بعدها سألني .

_شنو أسمج ؟
بقيت صافنه بوجهة رجع سألني
_ شنو اسمج ؟
مارديت عليه اباوع مد ايده من جوه
الكرسي مال السياره وطلع من جوه
شي رفعه بوجهي
هذا واير بس الواضح ينتل لان يريد يخوفني بي
رجع حجه بهدوء وعيونه بعيوني
_ هاا ؟؟؟
ردت اكول ميخصك بس خلي استر ع نفسي ،
من خوفي والألم الي احس بي ينهش بلحمي نهش رصيت ع اسناني وعقدت حواجبي بألم
جاوبته

_ قندرة

ضحك بصوت عالي ورد عليه .

_ عاشت الاسامي قندرتي

_ وين ماخذني !!!

_ الجهنم

تنرفزت من ضحكته واني منا مصدومه
من كُل الوضع الي ديصير
هسه
نارا : ومررررض الهل ضحكة شبيك تضحك
من حجيت ويا نغزتني رجلي
بألم وصرخت متألمه
رجع ضحك
_ شفتي ترى اشور اني انتبهي
نارا : شبيييك انتَ شتشور ترى اني متصاوبه
هز ايده ورد ألي
_ مابيج شي بلا عيارة
درت وجهي عنه واني ادموعي تصب
من الالم حاجيته من بين
اسناني
نارا : الوجع ما يوجع بس صاحبه

التفت عليه وهو بعيونه نظرات
_ ووش ؟؟؟
عقدت حاجبي ورديت بأنزعاج
نارا: وشواااشه التوشششك
رجع ضحك بصوت عالي ضربت فخذي
ووين مااخذني ماتكتلني هنااا ؟؟؟
وين تريد بيه شكوو ماخخذني
اكتلني هناااااا
هز راسه
_ وليش اكتلج ؟
عقدت حاجبي ودي اضربه ع وجهة
نارا : هاااا !!! يكول الي ليشش راح يخبلني
يعني ليش ما تكتلني مثلاً
تقرب من وجهي وهو يسوق
شكله حافظ الطريق حفظ لان ما يباوع ع الطريق
صار قريب مني رد عليه وصوته
بي ضحكه

_ وليش اكتلج وانتِ يمي تصيرين innocent

صفنت بوجهة هذا شنو
يحجي حاولت اتذكر شنو ديكول بعدين
طخت براسي شنو يقصد
اصير يمة بريئه !!!!
مارديت عليه مشت السياره والطريق
أظلم صح خايفة ومرعوبه منه واحس ع لحظه
يموتني بس
أملي بربي اقوه أني حاطه أملي
كُله يم ربي
صار هدوء بالسياره بس صوته
رجع يدندن تننننننن تنننن تتن تنننن
وترني باللحن مالته لا هو يغني ع وجه ولا وهو الساكت
اريد الزكه ع حلكه حتى يسكت
المشكله كُل شويه التفت عليه اباوع اشوفه
واتذكر من شفته بسوق السبايا
بحيث عقلي افتر من ورى
مشت بينا السياره مساافة طويلة
إلى أن وكفت السياره

صرت اتلفت واني كاعده بالسياره
المكااان أظلم واكفين كدام بيت احسه مهجور
خفت ردت افتح الباب وانهزم
بس شلون وهو ورايه ورجلي ماكدر اركض
عليها
تشاهدت لام كُل ظني راح
يقتلني هنا خاصه هوَ منهم اكيد منهم
والا ليش هذا شكله و وجوده بحد
ذاته يثير الشك بي
افتر راسي واني الف سؤال براسي
ليش هيج ديسوي ؟
نزل من السياره وسد الباب واجه بتجاهي
فتح باب السياره من جهتي
رفعت عيوني عليه وهزيت راسي
اله
نارا : شنو ؟

_ يلا انزلي
نارا : ليش جبتني هنا شنو تريد مني انتَ ؟
مارد عليه وتجاهل كلامي
سحبني من كتفي ونزلني من السياره
ثقلي كُلة صار عليه
اتذمر مني ورد بانزعاج
_ هاي شـــ ثكلاتج
عقدت حاجبي ودفعته من ايده
_ وخررررر مني
رجع سحب ايدي لزمني
_ اسكتي وامشي بدون حجي زايد
فوكاها تحجي وتصيح معاجبها ال****
فتحت عيوني ع وسعهن مصدومه
من الكلام مالته
_ لتغغغغلط شبييييك انتَ عيبببب عليك
تحجي وياي بهاي الطريقة عيبب اني بنت كدامك
هز ايده معاجبه كلامي خزرني ورجع
سحبني اني ماكدر امشي الهذا هو صار
يمشيني روحي تلوب من الالم ورجلي صارت
توجعني بالزايد ضغطت
ع اسناني اريد اصيح حيل توجعني

دخلنا للبيت جان مهجور وفااارغ
كُلة تراب وصصصخ إلى درجه شكله تاركينه
صارلهم أشهر طويلة
الحوش مالته جبير ومترب والحيطان مالته
حيل عاليه
يعني ماكو امل واحد يكدر يهرب منه
دخلني جوه وكعدني
وكف كدامي رفع ايده بتجاهي يأشر ويحجي وياي
بغضب
_ هييي انتِ اسمعيني لاتصرخين واذا صرختي
اخلي طلقه بنص راسج واكتلج واعوفج
للجلاب ترى ما تهميني
اخسر عليج طلقة وحده ، تروح فدوه الهذا
الوجه المخربط .

سكتت ماحجيت لان صدُك واضح عليه
يسويها
_ تبقين هنا وماتسوين ولا حركه إلى أن ارجع
بقيت ساكته شفته انطاني
ظهره ومشى فتحت عيوني هذا شنو
يريد يعوفني هنا الوحدي بهذا
المكان يمكن مايرجع ويدز عليه غير واحد
ممُكن يدخلون عليه وياخذوني
طلع من الباب وصرت اسمع صوت
السلاسل الواضح ديقفل الباب بالسلسله
صحتتت بصوت عالي
_ وووووووين عاااايفني الوحددددي
قندررررررره ابو الوصخ المطططي ارجع وينن
عااايفني الوححححدي الزماااال ..
احجي واحجي وهو اصلاً ما يرد عليه
بقيت الوحدي
قفل الباب عليه ماعرف ليش
شكو مريض يصير بطريقي شنو سالفه
قفل البوب وياي
يا اني ما عندي حظ يا ماعندي بالحالتين
ماعندي

نزلت عيني ع رجلي حسيت بالالم صار
يدك بكلبي ردت استخدمت التواليت
حسيت راح ادرر ع نفسي
بقيت صافنه معقوله صار بيه سكر من ورى
كُل الي صار !!!
افتريت براسي اريد اشوف مكان
التواليت
إلى أن وكعت عيوني ع مكان يصير صغير
وبي برده صرت
اسحب نفسي بدون ما امشي
سحبت نفسي بأتجاه هذا المكان الصغير
إلى أن وصلت اله بأيدي فتحت البرده
وصدُك طلعت تواليت
بقيت حايره شلون ادخل الها
عيني ع رجلي وعين ع الحايط شلون أسند نفسي
حتى ادخل
بجيت بقله حيلة حسيت نفسي من
صدُك انسانه عاجزه
حسيت راح اموت الالم برجلي زاد لان تحركت
والم المثاني مالتي
صرت بين الاثنين
حيل صعبت عليه روحي خليت اديه
ع وجهي وبجيت واني ما داخله للحمام
صرت احجي من بين شهكاتي
وصوتي الخاوي من التعب
" ياارررررب والله تعبت اخذذذ امانتك حتى ارتاح
تتتتتتتتتتتعبتتتتتت "
رجعت احاول حتى اوكف ع طولي واكوم
بس ماكدرت
ضربت الحايط الي يمي بخفة حتى ماكدر
احمل نفسي
عطت ، اااااااااي ليشششش هاي حالتي
ليششششش ...
ويا البجي مالتي سمعت صوت القفل
ينفتح والباب اندفع
رفعت راسي شفته هوَ دخل بالبداية
ورى وحده ..

صرت انقل نظري بينهم همَ
الاثنين واني ابجي هو حجه وياها ونظراته عليه
جانت تعابير وجهة بارده
مو مثل ما جان يمي او شفته من اول مره
_ هياا اذهبي وانظري مابهاا
بهت وجهي من سمعته يحجي بالفصحى
مو جان يحجي عراقي شلون
هسه صار فصحى
لزمت كلبي
حسيت دكات كلبي زادت يعني
هوَ منهم ومن حجه عراقي بالبداية بس
حتى يطمني وبعدين
يغتنم الفرصه
واصير فريسسسه سهلة اله ، لا يا الله.

هو وكف ساند ظهره ع الحايط
وحاط رجله اليمنه ع رجلة اليسده ومكتف اديه
الصدره ويباوع عليه ماوكعت عيونه
مني ابد واني نظراتي الخايفة تنتقل بينه
وبين هاي الي جابها ويا
اجتي تقربت مني وتباوع عليه شافت
رجلي وحجت وياي
_ يجب أن أنظر إلى قدمك ، عليكِ أن تتحملي
هزيت راسي الها رديت عليها
_ اريد ادخل الحمام
هي فهمت عليه لان شافتني يمه التفتت
الهذا الشخص وحجت ويا
_ مولاي تستطيع أن تخرج لوقت قصير
هو رفع حاجبه الها
_ خير ؟؟
وكفت تقربت منه وحجت بهدوء وعيونها مانزلت
منه ابد
_ تُريد أن تستخدم الحمام لذلك قُلت لك ذلك
فتح اديه وعيونه مصبوبه عليه عدل وكفته ابرود ورد
_ نعم
بعدها طلع من الغرفه بقيت بس اني
وياها بالمكان

اجتي يمي نزعتني العباه الي اساساً
صايره تلعب النفس صاير بيها
فلم رعب دم وتراب وقذاره
دخلتني للحمام وكعدتني تريد تساعدني
هزيت الها راسي ب لا تريد
تبقى يمي تساعدني حتى اغسل
قربت مني المي همست الها خجلانه
_ اطلعي
هي طلعت وسدت البرده بقيت اني
احس بطني تريد تنفجر
والألم حيل قوي
ضاعف الالم عندي منا بطني ومنا رجلي
بحيث بجيت وصوتي طلع
حسيت كأن صارت ولاده عندي متت الف موته
هي من سمعت صوتي
حجت وياي
_ هل ادخل؟
سحبت نفس اعدل صوتي واضح عليه التعب
رديت عليها
_ لا
غسلت ردت اطلع
واخر شي فاض عندي الصبر
رجلي موتتني صرخت
بصوت عالي
وووووولج ييييييييمه ما اتحمل يييييييمه
تحركت االبرده رادت تدخل و
سمعت صوته دخل ع صوتي
لان ابجي واصيح
حجه وياها وسألها
_ مااذااا بهااا ؟؟
ردت عليه
_ مولاي أن زوجتك متألمه وتحتاج إلى علاج
مابها لما هيَ هكذا
ارتفعت شفايفه بأعتراض ع السؤال ورد عليها بهدوء
_ لقد كُنت اُنظف السلاح وتصاوبت بدون قصد .

اني بقيت جامده بمكاني فاتحه حلكي مصدومه
شنو زوجته هذا شنو ديحجي
اني يمتى صرت زوجته شنو كال الها
حتى هي هيج حجت ، زين شنو
هوو الي ضربني شنو يقصد بكلامه هذا
احس عقلي افتر
شبي هذا

سندت نفسي بالكوه جريتها جرب
وطلعت
هو من شافني بقى صافن عليه ماتحرك ولا حتى
فتح حلكه
انوب حتى شعري طالع
ثواني والتفت يحجي وياها
_ والان ماذا تفعلين ؟
_ سوف اقوم في علاج قدمها أوقف النزيف
وارى ماذا حصل
بها لكِ استطيع علاجها
تقربت مني لزمتني من ايدي وساعدتني
حتى اكعد
بطلعان الروح يلا كدرت اكعد
مديت رجلي وهي راحت ثواني واجتي
بيدها علاكه كعدت كدامي
وصارت اطلع بالاغراض من العلاكه
شاش ، مقص ، لاصق ، تعقيم ، كفوف
وغيرها اشياء
اني من شفت هذن اتذكرت الشخص
الي سويت اله العملية ومات بيدي
اهتز كلبي معقوله هسه
هي تسوي وياي نفس الشي وتحاول تموتني !!!
مثل ما اني
سويت بهذاك الحقير هي ترجع تسوي
بيه !!!!
طلعني من افكاري صوتها

_ ضعي رأسك وتمددي لكِ اُعالجك
اني جاوبتها بنفي قاطع
_لااا
سندت ظهري ع الحايط وسحبت العباه
هي لزمت رجلي تريد تبدي

اجه تقرب مني وسألها
_ هل أمسكها ؟؟
فتحت عيوني شنو يلزمني ليش شبي هذا
تخبل بعدني ما رديت هي ردت اله
_ ياريت لكِ استطيع إنهاء عملي
هو ما كال باطلي كعد يمي ولزمني من اديه
اني سريع دفعته
رفعت عيوني اله وخزرته نترت بي
_ وخخخخررر لتلزمننني
هو فتح عيونه ع وسعهن خزرني عض شفته
بقوه فهمت من كلامه يعني اسكتي
لاتحجين لان هاي تعرف بيه اني
زوجته
بس اني تنرفزت فد مره منه ومنها
عاد هيَ جابت مي حار
_ لنبدأ الان

فتحت الفانيلة المربوطة ع رجلي
احس
دكات كلبي زادن وصرت اسمعهن
بدت تبعدها ع كيفها
إلى أن وخرتها
اباوع ع رجلية شلون صايره رجف
كلبي من منظرها عيوني سريع
دمعن
الغصه صارت بصدري رجفت شفايفي
وعيوني متركزه عليها
هي بدأت تشتغل وتعالجها لو اني فرفحت
روحي
صرت اصرخ بكُل صوتي وهو لازمني مقيد حركتي
حتى ما اأذي رجلي
بس ماكدر بدون بنج بدون اي شي
صارت اطلع الطلقه من
رجلي حتى حسيت روحي بدأت تغيب عني
صرت اصرخ واحجي
ماااااامااااا باباااااا وين عفتوووووني وررحتوووووا
هي رفعت راسها تباوع عليه
مصدومه تصفن
وترجع تكمل شغلها
وهذا بصفي لازمني قوي حتى اديها احسهن
انخلعن من مكانهن

التفتت عليه صرت اصيح عليه
لككككك حقيررررر حيوووووان عوووفني
شبيييييك لازمني ماتشوفني شلون
متألمه ، سكتت اجر نفس ،
لك رااااااح امووووووت
اني يااارب ساااعدني ساعدددني
هوو لازم روحه عني بالكوه عيونه هي الي تحجي
لو الوحدنا جان لزمني وكتلني
طلعت الطلقه وصارت تخيط بالجرح
واني الوب
حسيت بالموت ع الالم الي حسيت
بي فااق قدرتي ع التحمل اكثر
سمعتها تحجي ويا
_ مولاي يستلزم أن تأخذها إلى المستشفى
لأنها نزفت دم كثير
وعليها بأخذ التغذيه الازمه والراحه التامه
هز راسها الها بهدوء ورد عليها
_ حسنًا شُكراً لكِ بأمكانك الذهاب الان
هي باوعت عليه بنظرات حُب وهو
ما يبااوع عليها اصلاً جانت نظراته
عليه مو عليها
من شافته نظراته موجهة عليه مو عليها
سريع باوعت عليه وخزرتني
بقوه كأن مو عاجبها
تريد تموتني باقيه بمكانها وتخزر
هو رفع راسه شافها بعدها كاعده وصافنه عليه
وانتبه ع نظراتها حجه وياها
_ يُمكنك الذهاب .
هزت راسها وكامت متنرفزه مني وطلعت من
البيت وهو راح يقفل الباب وراها

اني بقيت بمكاني احس عيوني صارت
تنسد من وحدها
التعب هلكني والألم الي بجسمي
صارت تخدره شوي شوي
كُل ما تنسد عيوني افز افتحهن خايفة
من يمه لا يسوي الي شي
بقيت ماتحركت الا ان دخل صار كدامي
بقى واكف كدامي صافن عليه
ماحسيت الا نزل صار بمستوى
جسمي حط ايد جوه راسي وايد الثانيه جوه
رجلية وشالني شهكت
مصدومه خليت اديه ع صدره حتى ادفعه
بس هوَ شدني الصدره بقوه
حتى ما اوكف
ضربته بخمول واني عيوني مدمعه احجي
بس ماحس بنفسي
منتهية فد مره
_ عوفني شبيك حرام عوفني
نزل راسه صار وجهة بوجهي وهمس
_ يا حرام مامسوي الج شي ولا *** اطمئني
ماكدرت ارد عليه حاولت انزل تألمت هو ضحك
بصوت عالي ومشى باتجاه الباب
فتحه برجله ودخل

جانت الغرفه بيها سرير وميز وكرسي
تقرب من السرير نزلني عليه حتى
ماتحركت بقيت ع نفس
حركتي الي نزلني عليها
عدل رجليه حتى مايطخها شي ويفك الخياط
وبقى واكف فوك راسي
اني شكد ما خايفة بس عيوني وحدهن صارن
ينزلن وينسدن جسمي
خاااامل مابيه احركه
سلمت أمري بيد رب العالمين هو الوحيد الي
راح يحميني حتى لو جنت عاجزه
اخر شي حجيته ويا عسى ولعل
ينكسر خاطره عليه
_ الله يخليك لا تأذيني اني عاجزه ماكدر احمي
نفسي منك .
سمعته اخر شي كال الي
_ ااششش نامي
اني عيوني الوحدن قفلن ونمت .

فزيت ع صوته وهوَ يحجي وياي
_ هيييي انتِ اكعدي ، شكو نايمه يلا اااكعدي
فتحت عيوني مطفية وجسمي متشنج
ع جهة وحده نايمه طول
هذا الوقت
_ شبيكك شصااير ؟؟؟
رد عليه
_ ااااهووو صارت **** عليه
شهكت مصدومه من كلمته
_ شنوووو دتحجي انتَ اااااكل تتتتبن
هو دار وجهة عني ضحك بصوت عالي
ورجع التفت عليه
_ شايفة روحج انتِ !!!
عقدت حاجبي سألته
_ انتَ تعرفني ؟
جاوبني بجواب حقير مثلة ومستفززز اكثر
_ لا ما اعرفج لكيتج مثل الجلبه الوحدج مشموره
الله اعلم كم واحد **** وعايفيج
الوحدج بعد ما عبالهم انتِ ميته
اني من سمعت كلامه شكد ما وجعني كلبي
من كلامه هذا اتمنيت اكوم اوكف
واهبده بكف يعمي عيونه عمي
بس المشكله رجلي ماكدر احركها وحتى الجرح
يابس اي حركه
منه احس الجلد يتمزق
صرخت بي

_ ااااكل تببن لا تححجي هيج عليييييه ياحقيررر
ياااارخيص
رد متذمر مني
_ اااهووو اجت يمي وصار شريفه براسي
صارت بس هيَ وبس
ضغطت ع اسناني
_ واشششرررف منك انتَ
ضحك وهو يباوع عليه ترفزت من ضحكته عطت بي
_ اااانتَ ليششش تضحك شايفني
كدامك قرد ؟؟؟؟
هز راسه معترض يضحك
_ لا احلى منه
سحبت نفس مغتاضه
_ انتَ شلون تحجي عراقي وتبيع بلدك
بهاي السهوله مثلك مثل هذولاك الانذااال
كتف اديه الصدره
_ مثلج انتِ ، مثل ما بعتي نفسج
تعصبت من جوابه انوب يجاوبني ابرود
_ ااااني ما بعت نفسي ولا يمكن ابيعها
لو ع كصصص ركبتي
مووو مثلكم انتوااااا بعتوا نفسسسكم
يا ارخاااااص

غمض عيونه ورجع فتحهن سألني
_ انتِ من وين ؟
_ من شيب الخلفووك
اباوع ع لحظه يهجم عليه اني مشكلتي ماكدر
اسكت الساني لازم يرد
دنك راسه يهزه بعدين رفعه عيونه صارت بعيوني
حجه وياي وهو شاد فكه
_ حجيت وياج بأدب احجي وياي بأدب واحترام
لاتخليني هسه اهفج اطير حلكج من
وجهج
هزيت ايدي معاجبني كلامه صح خايفة
بداخلي بس ماريد يشوفني خايفة
_ ايباااااااااخخ ع اساس خفت منك ، اني ماخفت من هذاك الحيوان تريدني هسه
اخاف منك انتَ شبيك شبيك
سكت يباوع عليه بعدين حجه
_ انتِ شجابج هنا ؟
سكتت مارديت عليه عاط بيه
_ و**** ماتحجين سألتج سؤال جااوبيني
صارلج ساعه تراددين والسانج شطوله
من سألتج اخرسيتي ، احجي
شعندج بهذا المكان وشجابج هنا اصلاً ؟؟؟؟

رجع الخدر الجسمي ومارديت عليه
سكتت
رجع سألني
_ انتِ يزيدية ؟
هزيت راسي بنفي
_ لأ
رفع ايده الفكه وفرك فكه بالسبابه والابهام
ونظراته مصبوبه عليه
_ شجابج هنا لعد ؟ من وين انتِ ترى سؤال
بسيط وتكدرين تجاوبين عليه
بدون دراما ولا لف ودوران .
ماريد اجاوب عليه ولا انطي اي جواب
يبرد كلبه
_ ماكدر ماكدر
قوس حواجبها
_ ها ولج يمي صرتي ما تكدرين مو ، تخافين مني
لميت قبضه ايدي والثانيه
رفعتها ع شفايفي
_ اشششششش
انتفض لان حجيت ويا بهاي الطريقه
وسكته
عاط بيه

_ لجججج ***** الزمي السانج لا اعرف اني
شلون اخلي بحلكج ومايطلع مره
ثانية
انتفضت لان حجه عليه رديت عليه واني عيوني
بعيونه
_ مثل امك
تقرب عليه شلون حجيت هيج
لزمني من شفايفي وجرهن حيل فرفحت روحي
_ لاتعيديها بعد مره ثانيه
دفعته من كتفه وبعدت ايده عني عيوني مدمعات
لان جرهن بقوه
_ انتَ تتقاوى علية لان اني بنت ضعيفة
لا حول ولا قوة
ارتفعت شفته بمكر
_ هسه تصيرين زينه وتكومين مثل الحصان
واسويج جيس ملاكمه
_ اااااكل تبن شحدك ، مو رجال الي يتقاوى ع بنت
وبهاي فعلتك تثبت هذا الكلام
اهتزت اكتافه بالضحك
_ اعلمج الرجوله بعدين مو هسه ياحلوه

عافني وطلع بقيت صافنه عليه
هذا أنسان مريض
مو طبيعي ولا صاحي بأشد الأوقات
يضحك ولا كأن صاير شي ويا
ضربت راسي من تذكرت نفسي
حجيت ويا نفسي شبيج نارا هو انتِ
هم هيج باصعب الأوقات
تضحكين ولا كأن انتِ طامسه الحد راسج
عجيب امرج حالج من حاله
اثنينكم مخابيل

بقيت كاعده بمكاني تعبانه صرت اسأل نفسي
واجاوب نفسي بنفسي
شديصير ؟؟؟ ليش كُل هذا الي صار ؟
زين ليش اني الحد الان ما متت
معقولة كُل الي صار
وياي والحد هاي اللحظه اني عايشه عجيب
شلون ؟؟؟؟
رجعت اجاوب نفسي ، اكيد الله يحبني
الهذا اني عايشة الهاي
اللحظه، أنوب رجعت احجي ويا
نفسي زين معقوله اني عايشه لان هذا
امتحان الي والكُل شي سويته بحياتي !
ولازم اصبر واتحمل لان
هذا اختبار من ربي وبعدين يبين الي
ويفتحها بوجهي !
صفنت يانارا ليش هيج تحجين ؟
احجي هيج لان الي عايشته هذا مثل
الحلم كأن حلم واريد اصحى منه بكُل الطُرق لان
احس نفسي ادمرت

صح مرت عليه اشياء تشيب العقل
بس
اني قوية من الخارج والداخل
اصلاً منو هذول الناس وليش هيج
يسوون حتى
نخاف منهم ونتبعهم ، معقوله قربت
يوم القيامه وهاي وحده من العلامات !!!
لان قلوبهم حيل قاسية
وعقولهم مغسوله إلى أبعد درجة
اني سمعت قبل بالخطبة انُ " يأتيكم زمانً
يُكثر فيه القتل والفجور والزنا ، تُحرم الحلال ، وتُحلل الحرام ، النساء تتشبه بالرجال ، والرجال تتشبه بالنساء "
صارت ادور براسي معقوله !!
زين هذا الي اخذني ليش الحد الان ما قتلني
وليش اني افكر بي بهاي الطريقه
زين معقوله هذا الشخص عراقي ، ضربت
كصتي وضحكت لج وين اكو عراقي بحت
ويا داع١١
اكيد هسه هوَ خاين بلده وسابي بناته
شوي شوي صارت الأفكار عندي تضارب
بحيث راسي صار يأذيني
إلى أبعد درجه
صحت ، اهووووووو نااااارا انلصمي
وسدي حلكج ترى دوختيني
بس تسألني اسسسكتي اششش ..

سكتت اريد اصلي شلون تحركت
ردت انزل صرخت متألمه
ماكدر اكوم ولاا اتحرك هزيت راسي وصحت
اااااااانت وووووينك ااالوووو
يالماتنذذذكرررر وينك تسمععععني
اهوووو هسه هذا وين وله شبي مايسمعني
معقوله عافني وراح
شبي هذا هسه لا هو الي عايفني
ولا هو الي كاتلني
نزلت راسي حطيته بين اديه
متألمه جسمي ورجلي اووووف هسه
شلون اكوم
رجعت صحت بصوت أعلى ماعندي
لكككككككك وووووينننننك وين اختفيييييت
اصخاااام الصخمك وووووينك
رجعت نزلت راسي حطيت ايدي ع رجلي
ما احس الا الباب انرفس بقوه ودخل يركض
فحطان ويتنفس بقوه
بقيت صافنه بوجهة هو باوع عليه بأستغراب
ورد عليه
_ هاااا شبيييييج !!
رمشت بعيوني اريد استوعب شكله
_ شبيك دخلت بهاي الطريقه جنك ثور هايج
_ شبييييج بنت ال**** شبيج تصيحين
_ ماغيرررك انتَ وأهلك ال ****
عباله اسكت واخلي يغرد واني ساكته
عجيب أمره
اباوع عليه تقرب كاز ع اسنانه
_ ااااانجبي
_ ااااااانتَ

تقرب مني اكثر
_ اششش اسكتي صكيططة
بقيت صافنه اباوع عليه مافهمت شنو ديكول
رجع تقرب مني صار حيل قريب
مني مايفصلنا مسافه صغيره
_ شنو تريدين تصيحين ، ها احجي شتريدين مني
دفعته بكُل قوتي واني مشمئزه منه
_ وخرررر مني عابت لك والهاي ريحته وكفشتك
الخايسسسه عبالك ريحة طليان
سحبني من شعري وجره للورى
صاح بيه
_ باااااااعي لج بديتي تجاوززين تسكتين وتجوزين
لا حلكج افركه واخيطه بأيدي
_ هاااي اقوه شييي عندكم موووو تلزمون
من الشعر وتجروا لو عندكم شي ثاني
جديد تبتكروا بعدين ؟؟؟
عافني بس دفعني من كتفي وبعد عني
_ شنو تريدين
_ اريد اغسل وجهي
_ ومررض حتى مرضض شلون علة جبت النفسي
عقدت حاجبي بغضب
_ ومنو كال لك تعال شيلني وجيبني هنا
هااا ما اتصور اني كلت لك هيج
_ غير شفتج مثل الزمال مشمور بالصحراء
_ انتَ مو تكول الي لا تجاوزين شوف نفسك شلون
تجاوز عليه واني كُل هذا الوقت
ساكته

_ اااااانتِ ششششفيييج شعلاااامج
صفنت بوجهة هذا شنو مو عراقي بقيت
صافنه بوجهة
_ هااااا !!!!!
رد عليه
_ وسمااا
_ شكاعد تلغي انتَ
هز ايده بسخريه
_ لغوه تخيب ظنك يالورعه
يااا هذا شبي
_ شنو دتحجي انتَ يمعوده منو الورعه ماعرف
الورقه الي تحجي عليها اني مو ورعه
ضحك واهتزت اكتافه رد بضحكه
_ انثبري انثبري احسن لج بلا صوت
_ انتَ شنو دتحجي شنو دتخربط كلامك ولا فهمته
_ شكدددد تحجييين يا الله هسه شنو تريدين

فزت من عيطته هذا شبي كُل
شوي شكل عنده انفصام اقسم عليه
_ اريد اغسل شلون اغسل ورجلي هيج
_ تردين اشيلج ؟هسه اشيلج
اوديج
صفنت رديت بسرعه
_ لا لاا اريد اغسل بس وجهي
_ تردين اجيب الج ماي هنا ؟
فكرت لو جاب الي هنا وتوضيت كدامه وصليت
يمكن يذبحني واني ما اعرف
هو شنو تفكيره
_ هاا لا اني اريد هناك اغسل
_ يعني تريدين تغسلين وجهج ؟
_ اي اي اغسل وجهي
اشو هذا تقرب مني وهو يحجي
_ تمام ، خلي اشيلج
خزرته بعصبيه
_ ااااااكل تبن شلون تشيلني احترم نفسك
_ خوش بيج خير وانتِ كومي الوحدج اني
باقي هنا ما اسوي الج شي انتِ
ساعدي نفسج بنفسج
ابتعد عني سند ظهره ع الحايط وكتف اديه
يباوع عليه
اني ما أريد يشوفني ضعيفة
الهذا حركت رجلي اريد
اكوم كُل ما احاول اكوم احس رجلي الجلد
مالتها يتمزق
حاااولت وحاووولت
بس ماكدرت
حسيت رجلي راح يطكن الخياطات مالتها
عصبت وروحي صارت بطرف
خشمي

رفعت راسي لكيته يباوع عليه ويبتسم
_ شبييييك تبتسم بوجهي
_ بيج خير يلا كومي
من شفت نفسي حيل عاجزه وماكدر
حتى اوكف ع طولي
حسيت انكتم ع صدري واختنكت
خليت اديه ع وجهي وصرت اشهك بالبجي
مارد ابجي كدامه بس شعور
انك بحاجه الشخص حتى يمشيك
حيل صعبه
حسيت مشى وتقرب مني سألني
_ ههييي شنو تبجين ؟؟؟
ما انطيته وجه وبقيت مستمره بالبجي واشهك
ماحسيت الا سحب اديه
من وجهي
_ تبجين ؟
رديت عليه بحركه كل عقلة
_ شنووو جاي تشوووف انتَ
_ تبجين
_ خلاااص دامك تعرفني دابجي ليش تسألني
هل سؤال السخيف
جاوبت ع سؤالك بنفسك ، عجيب شنو
هل عقل العندك .

انوب ابدال مايسكتني صار
يستجوبني ويسألني
_ ووش اسمك ؟
رفعت راسي اله
_ شنو ماتعرفة ؟
_ لا ما اعرفه
خفت اكول اسمي اله اكيد هسه يعرفني
اني نفسي الي اشتراني
هذاك ابو الوصخ
خفت لا يطلع وياهم ويرجعني الهم
بعد شيخلصني
منه
مسحت دموعي ورديت
_ عوفك من اسمي
_ شفيج تكلمي وش اسمك
_ انتَ عراقي اشو اشك بيك مو عراقي بس لهجتك
تخليني اشك مدومن ع الطرفين
اهتزت اكتافه يضحك بس ماجاوبني
رجع سألني
_ تكلمي وش اسمك ؟
_ اذا حجيت لك اسمي اكيد راح ترجعني الهم
صفن بوجهي
_ ارجعك؟ المنوو ؟
سكتت مارديت ولا اريد اكول اله منو او انطي اسم
غيرت الموضوع عليه وسألته
_ انتَ شنو اسمك ؟

_ ابا العاصم
صفنت بوجهة اجتني موجه ضحك هستريه
ورديت عليه
_ ابو عصام
هو هم ابتسم ع ضحكتي
_ جججججء ابا العاصم مو ابو عصام
هزيت ايدي معاجبني
رجع هوَ سأل وما بطل هل سؤال موتني بي
_ اسمك ؟؟
_ اريد اغسل
صفك ايد بأيد ورد
_ حلو خوش تغيرين الموضوع
رفعت اله حاجبي
_ مُمكن يعني اريد اغسل
انتَ بس الزم ايدي خليني اكوم اوكف ع طولي
مو تشيلني

هو اجه تقرب مني بضخامته اني مو
مثل ضخامته يمه عبالك فاره
صار يمي مديت اله ايدي حتى يلزمني منها
ويساندني اشو هذا
ماحسيته الا حط ايد جوه راسي وايد
جو رجليه وشالني
شهكت مصدومه ضربته ع صدره
معترضه جسمي كله يرجف من قربه مني
اصيح وادفع بي
_ لك لااااا نزلني نزلللني شلون هيج
تتقرب مني وتشيلني
_ اششش شبيج خبصتيني هو انتِ عبالك هايشة
شهكت مصدومه من كلامه وين هو اني
صايره جلد ع عظم
_ شششششنووو وين وين الهايشة
شووو عوفني شدتسوي نزززلني
_ شنو قابل شجاي اسوي هسه انزلج لاتخبصييني
اوصلج وبعدها انزلج اسكتي
وصلني للسنك الي باالمطبخ
ونزلني سندت اديه ع النسك شافني سندت نفسي
ع السنك هوَ فتح الي البوري
_ غسلي يلا
بقيت صافنه شلون اتوضى كدامه
ماكدر احس خايفة
حيل من هاي الفقره
_ احم اطلع اريد اعدل ملابسي هم
_ اذا احتاجيتي شي صيحي
هزيت راسي واني ارسم ابتسامه باهته
ع شفايفي
_ اطلع اطلع احتاجك شنو وبغنم ما اسرحك
هز راسه وطلع بدون مايجاوب عليه

اول ما شفته طلع توضيت مثل البرق
بحيث جسمي كُلة يرجف واني اتوضه
اجتني ضحكه بحيث ضحكت ع حالتي شلون شغله
هاي ماشايفه واحد
يتوضى بهاي الطريقه
مسحت اديه حتى مايشوفني ولا يعرف
اني توضيت نزلت ارداناتي
وردت اصيح اله وينك ابن عمي ابو عصام
بس سكتت حمحمت وصحت
_ وينك ابو عصااام
_ ها
اباوع عليه دخل المطبخ
_ اريد ارجع للغرفة
ابتسم بمكر ورد عليه بهدوء
_ ماطول ماتحتاجيني ارجعي الوحدج
حجيت بكلبي
" الله ياخذك ياالخايسس لو اكدر اوكف ع حيلي
قابل احتاجك ياحقير الله لا يوفقكم يا انذال
ياحقراء " رجعت همست بيني وبين
نفسي " ومرض المرضك كون بيك ولابيه حتى تحس "
فزيت ع صوته من حجه
_ ترى سمعتج
_ هااا شنو سمعت
ضحك ورد
_ اطلعي يلا
_ شسمعت احجي
_ كتلج اطلعي امشي
_ ها ماشي .

مشيت حاولت ماكدرت بعدني بأول
خطوه و وكعت ع رجلي الثانية
صرخت متألمه
هو من شافني هيج اجه يركض عليه
بدون ما يسألني ولا يأخذ رأيي
شاالني ومشى بيه للغرفه بدون صوت
اني هم ماحجيت لان حيل متألمه
واحس ع لحظه افقد رجلي
بسبب عنادي
دخلني للغرفه وحطني ع السرير
وكف كدامي وهز راسه بأسف
_ بعد لا تعاندين
دنكت راسي مختنكه يعني اريد اعرف حيلي
وين راح ليش هيج بلحظه وحده
خسرت حتى المشي مالتي
الله لا يوفقك يا ابو نوح الكلب
الحقير ابو الوصخ بسببك هاي حالتي
رفعت راسي اله
_ ممكن تطلع اريد اغير ملابسي ، همزين هو جاب الي بس ماعرف من وين
المهم أدبر بيهن نفسي
غير خست بالي جنت لابستهن قبل
هو طلع ماحجه شي اني زحفت للباب زحف
وقفلته
رجعت زحفت بصعوبه ماعرف وين القبله
بالضبط بس المهم اصلي
صليت واني كاعده بالكاع هم خليت ابهاماتي وصليت
عليهن مثل ما علمني بابا اصلي
وابجي

مر وقت طويل واني حابسه روحي بالغرفة
ماحسيت الا الباب اندك بقوه
وصوته يحجي
_ وينج ياثرثااره
اهوووو هوَ اني وين احجي هواي شبيهم
ياهو الشافني وكال عليه ثرثاره واحجي
هواي يعني قابل اني احجي هواي
اكيد لا
شمرت العباه بعيد عني حتى ما ينتبه
عليه لابستها
كتله هسه افتح الباب ، سحبت نفسي
للباب ربعت ايدي وفتحت القفل
دخل للغرفه شافني
ع الارض ساعدني حتى ارجع للسرير
كعدت وصار هو كداامي واكف
_ شبي خشمج عبالك طماطيه ، شجنتي
تسوين طول هذا الوقت جوه
باوعت عليه صافنه شنو هاي هسه
شنو اجاوب عليه
_ شبيك انتَ
_ تبجين
_ لا ، اسألتك غبيه شنو يعني تسألني
شنو جنتي تسوين
_ هاااا
_ ااي
سكتت افكر بعدين حجيت ويا
_ تعال اكعد هنا ، أشرت ع السرير
فتح عيونه مستغرب من طلبي
_ ااااخ اكعد يمج فرد مره ؟؟؟
قلبت عيوني بملل ورديت عليه
_ اكعد اريد احجي وياك بشي شبيك ما اكل بشر اني
هو ماحجه تقرب وكعد يمي

اباوع كعد ع السرير كدامي
والسلاح حطه بصفه باوعت عليه ورجعت
نظراته للسلاح
كتله
_ انطيني المسدس .
صفن بوجهي
_ ليش ؟
_ هسه انطينيا شبيك .
بدون اعتراض شال المسدس وانطى الي
سألته
_ مسحوب ؟رد علي " أي "
اول ما عرفته مسحوب رفعت السلاح
وخليته بوجهة هو بقى مصدوم
" لاتتحرك والا احط الطلقة براسك "

ــــــــــــــــــــــــــــــ•●•ـــــــــــــــــــــــــــــــ
يتبع

شنو راح يصير برأيكم؟؟؟؟

كأنها صاحب الالثام يُبا نفس العيون🤍