الربتج " حالك الاسوداد " الفصل الحادي عشر 11 - بقلم رهف علي

بقدر ما الحوا عليه
شعرت انّي أقف فوق لُغم
ع وشك الانفجار "!

هل تفضل الاهتمام أم الحُب ؟
او كِلاهما !

ــــــــــــــــــــــــــ•●•ـــــــــــــــــــــــــــ

من بعد ما دخلني للغرفه حتى اصلي
بعد ما خلصت الصلاه بقيت كاعده بمكاني
رجعت بيه الذاكره السنه ٢٠٠٩ بالضبط
العند عائلتي من بعد ماجنت
عايشه
بأجواء كُلها دفو وأمان مليانه بالحنيه
والحُب والاهتمام
فقط شعورها يحسسك بالراحه
النفسيه
كيف لو عشناها بكُل تفاصيلها
الحلوه ، حتى تفاصيلها المره تنطي نكهة
وطعم مُختلف مليان آثار ايجابيه
للمستقبل والحاضر
بحد ذاته
شهكت ادخل الهوى الصدري
واني اتذكر أدق التفاصيل المرهقة للواقع
الي اعيشه بهذا الوقت
الحالي :-
ضوضاء عارمه بأصوات ضحكات مُترفه
أجواء خلابه ، نفوس طيبه ،
كُل ما يجول فيها فقط السعاده

ابتسام :- علوشش
علي :- عيونه وروحه
خجلت ع اثر كلامه واكتست وجناتها الاحمرار
ردت ،
ابتسام :- شوف بناتك شلون كبرن والله وكبرنا
والله وكبرنا
حط ايده ع صدره وهو يمثل الصدمه
علي :- اااخ شنو تقصدين احنه كبرنا ؟
ردت عليه
ابتسام :- ماتشوف شلون كبرن البنات وانتَ
ضحك بصوت
علي :- يعني هسه اني الكبرت وانتِ
ضربت كتفه بزعل
ابتسام :- شنو قصدك علي اني كبرت ؟
تقصد بكلامك اني صرت كبيره هااا
علي ؟؟؟؟؟
اهتزت اكتافه وهو يضحك من قلبه
سحب ايدها وباسها من باطنها
علي :- حبيبه روحي وينج و وين الكبر
انتِ بعدج طفلة بعيني وبكلبي
طفلة روحي
ساد الاحمرار وجناتها ردت بتذمر اثر خجلها وكلامه كدام البنات
ابتسام :- يااا علي شنو هذا الكلام
شنو طفله عيب
علي :- قابل اني مكذب عليج بشي انتِ
الطفل الي بداخلي ولو اجيب منج
عشر اطفال واكثر تبقين
بعيني ونظرها الصغيره مالتي
فتحت عيونها ع وسعها واهتزت عدساتها
بأرتباك سحبت
ايدها من بين اديه نزلت راسها
ابتسام :- علي عيب البنات كاعدات
كدامنا
هز ايده ب اعتراض وهو يطالع بنارا وبالبنات
علي :- ديلا ع اساس مسوي
شي حرام شمسوي اني هي كم كلمه حجيتها
اعبر بيها عن مدى حُبي
وصدق مشاعري لو حتى ع هاي تعلقون
ضحكنا من قلبنا بعدها ادرفت
نارا :- عيب بابا بناتك راح يتعلمن وهنَ اصغار
ضحكت ماما من قلبها
ابتسام :- علي شوف نويره بنتك صارت
تعلمنا العيب والله زمن
ضحك وهو يسحبها من كتفها يضمها
الصدره
علي :- اي والله يا بسوم صدقتي
اصغرنا صارت تعلمنا
عوفج منها حبيبتي غيرانه من عندنا
نارا :- ضحكت ، يا بابا من شنو اغار منكم
بس راعوا مشاعرنا كدامكم احنه
عيب يعني وكذا راح نتعلم منكم
اشياء
حاولت ماما تفتك من كتف ابويه متذمره
من حديثنا
ابتسام ؛- عليييي شوف وين وصل
بينا الحديث صارت بنيتك تعلمنا
العيب
ضمها اكثر الصدره مانع من خروجها
من تحت جناحه
علي :- حبيبتي هاي تربيتج الها
ابتسام :- ليش ما تكول هاي تربيتك الها
اهتزت اكتافه بضحك وقفلت عيونه
اثر الضحكه
علي :- ونعم التربيه
نارا :- ياااا شبيكم وياي زعلتوني
سحبوني العندهم
وكُلنا دخلنا بحضنهم اني والبنات
نضحك وهمَ يضحكون
"أصوات ضحكاتنا تعالت إلى أن تعانقت "

فزيت من ذكريات الحلوه ع واقع
مُر صرت اشهك
بالبجي مو هينه والله مو هينه انطفت
هاي الضحكه هيج بسهوله راحت
فزيت ع دكه الباب
عرفته هو لان يصيح
الثرثاره افتحي الباب
سحبت نفسي جريتها جر رفعت
ايدي وفتحت
ا

لباب دخل ..
_شبيك انت
_تبجين
_لا ، اسألتك غبيه شنو يعني تسألني
شنو جنتي تسوين
_هااا
_اااي
سكتت افكر بعدين حجيت ويا
تعال اكعد هنا ، أشرت
ع
السرير
فتح عيونه مستغرب من طلبي
_ااااخ اكعد يمج فرد مده ؟؟؟
قلبت عيوني بملل ورديت عليه
اني
_اكعد اريد احجي وياك بشي شبيك ما اكل بشر
هو ماحجه تقرب وكعد يمي

اباوع كعد ع السرير كدامي
والسلاح حطه بصفه باوعت عليه ورجعت
نظراته للسلاح
كتله
انطيني المسدس
صفن بوجهي ليش ؟
هسه انطينيا شبيك
بدون اعتراض شال المسدس وانطى الي
سألته
مسحوب ؟ رد علي " اي "
اول ما عرفته مسحوب دفعت السلاح
وخليته بوجهة هو بقى مصدوم
" لاتتحرك والا احط الطلقة براسك "

هو بقى صافن بوجهي
حتى رمش مايرمش حسيته مصدوم من
فعلتي هاي
ابتلعت ريقي من نظراته الحاده
خفت بس ماريت يشوفني اني خايفة
ضغطت ع السلاح ولزمته بقوه
خاف يوكع من ايدي وهو مو خفيف
خليت ايدي الثانيه جوه ايدي الي لازمه بيها
السلاح مثل ما اشوف بالافلام
مره شفت مسلسل البطل جان يعلم
البطله شلون ترمي
هو وكف وراها وحط السلاح بيدها
وايدها الثانيه حطها جوه الي لازمه بيها
السلاح
وبعدين رمت
ف اني سويت مثل ما علمها
هم حطيت ايدي جوه
من سويت هيج هو انتبه الحركتي رفع
حاجبه وابتسم بمكر
ماردت اضيع شي وبقيت مصره
ع فعلتي هاي

_ لاتتحرك ولا تسوي اي شي
_ اي خفت ما اتحرك
رفعت حاجبي شنو هذا اشو ما ثار ولا خاف
_ انتَ شبيك ترى مدا اششاقه هسه
احط طلقه براسك واموتك بالمكان
رفع اديه توقعت راح يسحب السلاح من
ايدي رجعت نفسي للورى انفزعت
عطت بي
_ شدسووووي مو كلت لك لا تتحرك
شلون تريد تاخذ مني السلاح
انتبهت عليه ضحك وضم اديه الصدره
احس تفشلت من يمي لان
جنت متوقعه راح يسحب السلاح من ايدي
رد عليه بمكر
_ شبيج هيج خايفة عبالك اني الي لازم
عليج السلاح ترى السلاح بيدج انتِ
بعدين انتِ طلبتي مني ما اتحرك
لاترميني وهاي اني كدامج ما تحركت ولا اتصرف
بتطفل حتى ما تضربيني
لان اخاف ع نفسي منج
بقيت فاتحه حلكي هذا شنو ديحجي شبي
تخبل
تنرفزت منه
_ شبييييك انتَ شبييييك
هز حواجبه الاثنين اردف
_ مابيه اني مابيه
ضغطني بكلامه والهدوء الي عنده
هزيت ايدي الي لازمه بيها السلاح حتى اخوفه
اكثر واكدر اكسب الوقت

_ انتَ ليش اخذتني ها
_ بمزاجي
_ شنو بمزااااجي لاتخبلني
_ شتردين اكول الج ؟
سحبت نفس بقوه
_ اريد تكول ليش اخذتني وشنو ناوي تسوي
تحرك شوي بعدها حجه
_ مو جاوبت قبل اخذتج لان شفتج
مشموره مثل الحيوان بالصحراء وكلت اكسب
بيها اجر أخذها يمي
فتحت حلكي ما مستوعبه كلامه
_ تكتسب اجر بيه اني وبهاي الطريقه العفنه ؟؟؟
ريحه اجر ما تنكتب بأسمك
تدري ليش ؟
ابتسم وعيونه لمعت
_ ليش ؟
ضغطت ع فكي
_ لان انتَ وياهم انذااال كافرين وحقراء
سلبتوا حياتنا من عندنا اكيد
الله ما يسامحكم ف شلون تريد ينكتب الكم
اجر او لك انتَ ينكتب
سحب باطن خده واردف
_ وليش ماينكتب
_ لان انتَ واحد مننننننهم حقيررر
رفع ايد واشر باصبعه السبابه والوسط
مثل حركه المقص ورد عليه
_ انتبهي الكلامج ولا تخليني اسوي شي مايعجبج وهذا السانج الي فالحه بي
اكصه

بقيت صافنه اشو هذا يحجي بزود
وما خايف لا احط الطلقه براسه
_ اشششو انتَ ماخايف مني ؟
ضحك
_ وليش اخاف يعني ؟
_ ترى اني حاطه السلاح بوجهك واكدر
بلحظه وحده انهي حياتك الي فرحان بيها
وكُلها ذنوب ومعاصي سريع
تروح الجهنم وهناك تلكه جماعتك كلهم يرحبون
بيك
ضحك اقوه واهتزت اكتافه
_ خوش تجمع عجبني
ادمرت نفسيتي هذا شبي شو عادي عنده
_ اشو انتَ مخايف مني ومن السلاح ؟
_ ليش اخاف هي الروح وحده واذا
مكتوب الي اموت هيج موته و على ايدج
انتِ ليش اعترض
قدر ويريد يصير وكُل هذا مكتوب
لا اعتراض ابد .

صفنت بوجهة اجه السؤال براسي
سريع وسألته
_ انتَ ليش مختلف عنهم ؟
ماجاوبني رجع سألني هوَ
_ وانتِ ليش هيج مختلفة ؟
صفنت شنو قصده رجعت حجيت ويا
ماعرف شعور بداخلي اريد
اتأكد منه
_ ترى اني مو منهم والله منو كال لك
اني منهم
اني مو منهمممم
صفن بوجهي بنظرات ماعرفت افسرهن
جاوبني
_ اعرف
_ شنو تعرف ؟
_ اعرف نتِ مو منهم
فتحت عيوني ع وسعهن مصدومه
من كلامه شلون هيج معقوله صدكني
بهاي السهوله وتأكد اني مو منهم
ياربي معقوله
رجف صوتي وايدي الي لازمه بيها
السلاح صارت توجعني كُل شوي احركها
بس ما نزلتها
سألته
_ شلون تعرف اني مو منهم ها ؟؟؟
شنو الي خلاك تتأكد اني مو منهم
وما تشك بيه
رد عليه بثقه
_ مصادري
_ اي مصادر هاي ؟
_ مصادري الخاصه

رجعت خوفته بالسلاح حتى ينطق
لان حسيت اعصابي تلفت
وهو يعرف شلون يراوغني بكلامه
_ ااااااااحجي
_ الصبح من طلعت
سكت رجعت عطت بي
_ ااااي كمل شنو صار
_ اعصابج شوي هدي
_ ااااي كول يلااا هدأت
_ من طلعت الصبح وصلتني اخبار كالوا اكو
شخص اعتقلوا وسبب
الاعتقال هو قتل وحده من طائفة
معينه من داخل الدوله
وهاي الي قتلها تصير
بهت وجهي وهو يحجي حجيت بصوت خاوي من
الخوف
_ شنو تصير
_ تصير زوجه الأمير الي انقتلت
حسيت كلبي صار يوجعني انوب معقوله
اني هاي وناسبيني اله
لعبت نفسي
سألته
_ هاي وين صايره زوجته الأمير ومن طائفة هو
ماراغب بيها
ماجاوبني بس عيونه بيها الف نظره وتفسير
حتى خفت منهن
ابتلعت ريقي
_ انتَ شلون واثق بيه الهاي الدرجه
وجاي تحجي الي هيج كلام شنو
بعدين قصدك من هذا الكلام
انُ هاي البنت هيَ اني الي قتلها واكون زوجته
سحب نفس وهو يفتح اديه
حط ايد بأيد الثانيه وشبكهن سوه
_ اجاوبج ع اي سؤال بالضبط
_ الاثنين اريد جواب الهن
همهم الي وعيونه داخل عيوني
اردف بهدوء
_ اني عرفت انتِ نفسها البنت الي يحجون
عليها وعبالهم ميته
لان صادف بهذا اليوم بس انتِ
الي انقتلتي بهاي الطريقه
لان صار الكلام يطلع بكُل مكان وقصص تتألف
بكميه جبيره وبطريقه غريبه
هو رجع سكت سألته
_ زين جاوبني ع السؤال الأول ليش
واثق بيه الهاي الدرجه وتحجي
الي كُل شي

اعتلت الابتسامه ثغره ونمت بطريقه
مُستفزه
صابني هلع بسبب تصرفه
الغريبه وشكله المخيف
رد عليه من بعد ما سند ظهره للحايط الخلف
السرير
والراحه باينه ع ملامحه
_ ببساطه لان انتِ ماراح اطلعين من هذا
المكان
انصدمت من كلامه
سحبت ايدي الي بيها سلاح سندتها
ع صدري حتى ما اتعب وانزلها
ويستغل الوضع ويأخذ السلاح
ع الاقل خلي استمر بالتحقيق واوصل الشي
يفيدني بهذا التهديد
_ ششششنو تقصد بكلامك ؟؟؟؟؟
_ تدرين راد يستعملج بشغله
فتحت عيوني ع وسعهن
_ شغغغغل ششششنو ؟ شلون يستعملني
منو مافهمت جااااوبني
لاتحجي ابرود وجااااوبني راح اموووووت
_ بما انُ انتِ شافج قويه ف حب
يستعملج ك " جاسوسه " ضد
الجيش العراقي الي يحاولون يخربون دوله الاسلام
كونج انتِ قويه واسلوبج
شرس اكيد يستفاد من هيج شخصيه
الواضح تكدر تسوي كل شي بدون
ما تخاف والامير بالذات يحب هيج امرأه تكون
قويه
غمضت عيوني اسحب نفس
فتحتهن بسرعه
_ ليش اني بالذات ؟؟؟؟ اكو هواي غيري
ابتسم وارتفعت طرف شفته
_ اكو هواي لكن مو بالقوه المطلوبه
ولأن انتِ كذلك من بغداد
اضافه اكو استخدم غيرج ف انتِ هم تكونين
من ضمن الاختيارات المناسبه
بظرف تهديد واحد تمشين
مثل ميل الساعه
وتحت الامره وتنفيذ اي طلب مهما كان
صعب

صفنت بهت وجهي اريد اصرخ بصوت
عالي هذا مخبل شنو يحجي
حسيت ع لحظه انجلط منه
_ انتَ ليش تحجي عراقي بحت ؟
_ لان اني عراقي
_ وتخوف بلدك بهاي السهوله شلون فهمني
شلون ما اهتز كلبك ما ضميرك ألمك
هااااا جااااوب ماشفت شلون
يموتون بهاي السهوله لان انتَ بعت بلدك
مثل غيرك
ميل راسه لجهة اليمين بهدوء وعيونه
مصبوبات ع وجهي
حتى خوفني بهاي حركته
_ الكتاب ماينحكم عليه من عنوانه
_ ينحكككم لان مبين الكتاب من عنوانه مثلك انتَ
وغيرك
_ جججججء مينحكم ، مو هيج
_ شلون لعد ؟ شنو تقصد
_ احتمال العنوان يكون " القتل " اما الداخل يكون
" العدو "
صفنت بكلامه مافهمت شي لان
الكلمتين نفس المعنى صارت
اساساً مضمونهن القتل البشر
مافهمت اذا هاي الحقيقه مالتهم هيج او تلميحات
رديت عليه
_ يعني شنو ؟
رفع اكتافه ورد
_ هيج مثل ما فهمتي .

توقفت عندي الحركه من رجعت
الي كلمه الجاسوسه الصالحهم ضد الجيش
العراقي يعني يريدون يخلوني
اصير جاسوسه الهم
لوووول يموووووتووووون ع جثتي والله
ع جثتي لو اعرف
يموتوني لو يعذبوني هم ما اقبل
اكون جاسوسه الصالحهم غير اموت انجن
اتخبل لو سويت شي
يريدوا همَ مني

_ شنو جاسوسه هاا ؟ يريد يستخدمني عميلة
سريه اله ضد ووطني
_ بالضبط
صرخت بوجهه ارجف ارجف واحس روحي
فرفحت
من القهر مجرد تفكير اني ابيع
وطني تخلي بيه الف عله وعله اموت
ولا يمكن يصير هيج شي بيه
يريدني اتخبل هذا يريدني امووت
_ من كُل عقللللللك ؟ ابيع وطني وشرفي
علمودكم انتوا الحقراء الانذال
الي قتلتونا بدم بارد
ع مووووتي والله ع موووتي
ماقبل لو شنو يصير
تدري مو بس هيج اني اعرف شنو اسوي
مسحت ادموعي وهو يتفرج
عليه بهدوء ولا حرك ساكن
اني كدامه اشتعل بالنار وهو بس صافن
عليه
حتى تحركت ورجلي صارت تأذيني
بس ما توقفت

سحبت نفسي بأتجاهة وصرت قريبه
منه هو بقى صافن ويباوع
عليه
مايتحرك يريد يشوفني شنو اسوي
حتى مخايف مني لا فعلا ارمي بطلقه واموته
صار قريب مني
نزلت السلاح منه مديت ايدي اله
وخذت ايده بين اديه
رفعت السلاح وحطيت السلاح بيده
هوَ يباوع عليه مصدوم من
تصرفاتي جنت اني ابجي وامسح دموعي بكم اديه
واحط السلاح بأيده
حطيته بأيده وسديت اصابيعه ع السلاح
والابهام مالته ع الزناد
رفعت ايده بأاثنين اديه وصارت فوهة
السلاح ع وجهي
هو انتفض يريد يسحب ايده من بين
اديه واني لازمه ايده بأثنين ادية
وابجي
هو يصيح عليه

_ لجججج شجاااي تسسسوين
مارديت عليه
خليت عيني بعينه واني ابجي جسمي
صار يرجف مجرد اتخيل بعد ثواني اني
راح اموت ارجف
بس مامستعده ابيع شرفي ونفسي
الهم حتى انقذ حياتي
لوو حياه شخص احبه
هو يصيح يريد اوخر لان أصابع ايدي
ع ايده والزناد راح يضرب
بالكوه رافع أصبعه
عنه حتى ما تطلع طلقه منه
_ عوووووفي ال *** لا انهيييج جاي اكلج
ووووخري اييييييييييييدج
راح تطلع طلللقه
صرخت بوجهة ابجي
_ اااااااني اريد اموووووت اسسسكت واكتلني
يلااااا الموت اشرف الي من اعيش
تحت سيطرتكم

تشاهدت و
ضغطت ع ايده بأيدي بقوه توقفت انفاسي
حتى النفس ماعدت اتنفسه
هاي اللحظه بعمري ما متخيلتها ممكن
انُ تصير
ولا بعمري تخيلت راح تصير
شهكت اول ما ضغطت ع الزناد
هو بقوه ايده سحب السلاح ورفع ايده
ويا رفعت ايده وبيها السلاح
للسقف اني ضغطت
ع الزناد وطلعت الطلقه من السلاح نبتت
بالسقف مال الغرفه

هو وكف مصدوم من تصرفي
يعني الي صار هسه مايتصدك بيني وبين
الطلقه اقل من الشعره
هو وكف كدامي يرجف رجف من الأعصاب
واني باقيه جامده بمكاني
من هول الصدمه الي اني بيها
صاح بيه بعصبيه
_ وووووووولج ششسسسسويتي غضب شسوووويتي
شنوووو تريدين تثبتين بهذذذذا تصرررفج
غضب الله عليييييج حيووووانه
ثووووووله
الله حاط كل الثووووول براسسسج انتِ
ماكو عقلللل
شتريدين تسسسوين بهذا تصرفج الزفت
كل هذا واني
ما اجاوب عليه يصيح ويصيح واني
صافنه بوجهة
ماحسيت الا جابني بكف ع وجهي
من قوته ارتديت للجهة الثانيه
بقيت ارمش مامستوعبه
الضربه مالته
ورجع يهلهل فوك راسي
ويصيح
_ شبييييييج تخبلتي حيوووانه
انتفضت ورديت عليه بحركه كلبي
_ امووووت نفسي ولا ابييييعها الكم حقراء
رجع بالسبابه مالته
يضرب ع راسي راص ع اسنانه
_ يااااهوووو الكال الج بيييييعي ****
منوووو جاي وعاتب عليج و كال الج بييييييعي
شبيج تصصخمين نفسسج
_ ااااااكل تتتتبن يالماعندك ششششرف
جحظت عيونه الا شوي رادت
تطلع من راسه
من العصبيه
_ اااني الماعندي شرررف لو انتِ الماعندج
جاايه تردين تكتلين نفسسج بهاي
الطريقه شكلتي النفسج
هاااا صخمان شكلتي النفسج
_ ااااانت الماعندك لاتخبببلني

هو يعلي صوته واني اعلي صوتي
عباله اخاف منه لو يعلي هو فعلاً خفت
منه ليش اكذب بس خلي يولي
شنو يريدني اسوي يعني
رجع صاح بوجهي
_ صخمااااان حااااجيييييني
شمر السلاح جان بأيده لزمه وشمره
بعيد عنه
وكف كدامي يهد ويرعد رعد
حتى احاجي واجاوبه
اباوع العرق ينزل من جبينه وملامح وجهة
مشدوده بعصبيه
_ جااااااوبيييييني شلون تسوين
هيج لج الطلقه جان صارت بنص
خلقتج ياهو يفيدج بعدين شنو من عقل شايلته
عقل لو تنكه خايسه

بقيت ملتزمه الصمت
اخر شي عاط بعلوا صووته بحيث
اني انصدمت
_ حاااااااااااااااااااجتي

صفنت بوجهة واديه وجسمي صارن يعركن
عيوني بقت مصبوبه عليه
حتى رمش ما ارمش النفس
صرت اسحبه بالكوه
همست اله
_ شكلت ؟
رجع سحب نفس رد عليه يرجف
واعصابه مشدوده خازرني بقوه عاط بوجهي
_ ااااااانتِ حاااااااججتي حاااااااجتي اني
ابتلعت ريقي بصعوبه
_ شنو شنو تقصد؟
هز راسه كأن معترض ع كلامه بس يحجي
بي
_ انتِ حاجتي وما افررط بيهههااا
حاجتي الي ما افرط بيهااا جاي تفهمييين لو لا

اول ما خلص كلامه تقرب
وضربني ع راسي حتى استوعب كلامه
بس الضربه اجتي قويه
بحيث دخت فد مره ونفسي قلبت
حسيت اريد اتقيء
سحبت نفس هاي اني ليش اريد
اتقيء هو ضربني شكو اتقيء !! معقوله
من الضرب
هوَ ما لاحظ شكلي
ولا لاحظ شبيه اني
لان استمر يغرد فوك راسي
رفعت راسي وباوعت عليه صاح بيه

_ شبيييييج جاي احجي ويااااج صكييطه جاااوبيني

نزلت راسي حتى ما اكدر ارد
لعبت نفسي فد مره
حسيت روحي تريد تطلع
روحي صارت
بللعومي عيوني طلعت ماكدرت اكتم
ولا اكدر اطلع برى اروح للحمام
حتى اتقيء
ماكدر ماكدرت حتى أعين نفسي
انفجرت كدامه وصرت
اتقيء
بحضني و على السرير
صرت اتقيء بشكل مو طبيعي حسيت روحي
تريد تطلع
هو اجه يركض عليه
صار يدك ع ظهري بكف ايده
حسيت ظهري انخسف
هو ايده جبيره وعضمه ثكيل من ضربني ع
كتفي حسيت ظهري انكسر
يدك يدك ويصيح
_ الله الله شبيج
اني منتهية حتى ماكدر ارد عليه
كل ما اسحب نفس اصرخ
_ راااح اموت
وارجع ما اكدر اكمل كلامي وارجع اتقيء
صدُك حسيت نفسي
هاي اخر انفاسي وراح تطلع روحي من
جسمي

حسيت عليه ابتعد مني وطلع يركض
ورى ثواني حسيت
بمي بارد فوك راسي شهكت مفزوته
من بروده االمي انطش كُله عليه
بحيث صرت ارجف من البروده
اسحب نفس ابجي
واتنفس بقوه اباوع البطل الي بأيده جبير
وجان مليان مي بحيث
كُله شمره فوك راسي شعري تخربط
راح سحب وصله
اجه يمي شكها من الطول للطول واخذ
منها قطعه
صار ورايه مد ايده الشعري ولمه
وشد شعري بالوصله
لان تخربط حسيت هدأت وراح العبان نفس
من عندي

اباوع عليه راح يركض ماعرف شبي
ماعرف شنو جاب بأيده ورجع
انتبهت عليها شيشه يمكن مال العطر فتحها
وصار يرش ع ايده
بحيث العطر من اول رشه وصل يمي
حيل قوي ومبين عود
دخل بخشمي ، اجه وكف
كدامي وحط ايده ع خشمي صارت ترس
وجهي يحجي وياي
> شمي العطر شمي
صرت صفره كركم وهو حاط ايده ع خشمي
حسيت لعبت نفسي حتى
من العطر
حلكي احسه مر صرت ارجف من
البرد ارجف رجف مو طبيعي
احس جسمي صار
مثل النتلة مال الكهرباء حتى ماكدر اسيطر
عليه

رفعت راسي عليه اباوع هو هم شكله
خايف عليه
ويسألني
_ حاسه بشي ؟
يوجعج شي ، اساعدج احجيلي
نزلت راسي اباوع النفسي
ردت ابجي شلون هاي الحاله الي اني بيها
انكسر خاطري ع نفسي
واستصعبت الوضع
شلون اكوم واني بهاي الحاله
تبهذلت فد مره
سحبت نفس بقوه حجيت ويا بتعب
_ اريد اغسل
_ باعي عليه
_ ها شنو
رفعت راسي اباوع عليه هو أشر بأيده
ورد عليه

_ لازم تنزعين ملابسج .

جحظت عيوني بصدمه
_ شنوووو تحجي انتَ
_ جججء لا تفهميني خطأ ماقصدي الي بالج
الي اقصده ، تنزعين ملابسج وتغيريهن
يعني اكومج
هزيت راسي
_ بس اني ما عندي ملابس ، هي بس هاي القطعه
الي جبتها الي وتلفت
شنو البس ؟
صفن بوجهي بعدين كال
_ هسه اجيج
طلع من الغرفه ماعرف وين راح ورى شويه
رجع شايل بيده ملابس سود
رفعهن بوجهي
بجامه سوده وفانيلة سوده يعني تراك
بس طويل
اني بقيت صافنه هذا البس شكيت بي
لبسهم همَ هيج يلبسون
تنرفزت مجرد ما عرفت راح البس شي
همَ يلبسوا
_ هاج هذا البس البسي
اعترضت
_ ما البسه
عقد حاجبه مستغرب
_ ليش ؟
رديت
_ هذاااا البسس مالتكم واني مستحيل
البسه لو يبقى
اخر يوم بعمري مالبسه يعني
ما البسه
اشو هذا عاط بوجهي بكل صوته بحيث من
يمي فزيت
وجهة صاير احمر خازرني ويصيح بوجهي
بنتر
واني ما بيه حيل اله بحيث منتهية وما بيه حيل
وهو يصيح
عليه
_ ششششكلت اني البسسسسي كتلج البسسي
شمره بوجهي
وطلع عصبي شبي هذا مخبل والله
شكو يعيط بوجهي ديشوف
حالتي شلون صايره ومابيه حيل اله
ولا اكدر ارد اله

من سد الباب عاد اني حاولت انزع
الملابس بس ماكدرت
فجأه اجتني لويه قويه ببطني انحنيت متألمه
رفعت نفسي
اريد انزع الملابس ماكدرت
لزمت من الكتف وشكيتها لان تقيأت بيها
ماكدر حتى ابقيها
اول ما بعدت القماش مال الملابس
عني انصعقت مصدومه واني اشوف
رجليه كُلها دم !!!!!!!
بقيت صافنه ع رجليه مصدومه من المنظر
الي داشوفه كدامي
منين اجه هذا الدم ليش رجليه بيهن دم
ياربي دخيلك من وين اجه هذا
الدم شنوو ديصيرررررر !!!!!
صرخت خايفة
ووووولج يمممممه

ماحسيت الا اندفر الباب بكُل قوته
ونلزك بالحايط
صار صوته قوي بالغرفة
دخل للغرفه يركض سريع
_ شششكوووو شنو صااااير
اني منا مصدومه وهو دخل بهذا الوقت
نزل عيونه ع رجليه وشاف الدم
اني صرخت بي
لان مكشوف جسمي
وماعليه شي مستور
_ ااااااطططططلع بررررى ، عيبببب اطلع
مالابسسسه
هو ما طلع بس دنك راسه
بسرعه يصيح هو هم شكله خايف
لا صاير بيه شي
_ شكووو فهميني من وين هذا الدم
شبيجججج ؟؟؟؟؟
حجيت ويا واني ابجي ومصدومه جسمي يرجف
_ جيب الي وصله بسرررعه
_ اي اي هسسه
راح طلع يركض ثواني وجاب الي وصله
مدها الي بدون ما يباوع عليه
وبقى برى ينتظرني اصيحه
نزعت كُل ملابسي الباقيه ادمرن
واني اباوع ع الدم انوب صار دم و المي
سوه الفراش تلف
حسيت بالخوف

كل الي صار براسي اني قبل شوي
تقيأت وهسه نزفت
شنو يعني اني حامل !!! ياربي
دخيلك من وين حامل ومحد لامسني
معقوله من جنت افقد تقرب الي وصار الحمل
؟؟؟؟
احس عقلي اجه يوكف
معقوله ابو نوح متقرب الي من جنت أفقد
اني من اكعد جسمي يوجعني
بس جان يوجعني من الضرب مو من غير شي هسه
ليش معقوله حامل ااااني !!!!!
يارب دخيلك شنو جاي يصير ياااعلي ياااا الله

خليت ع جسمي شي مستور
لفيت نفسي لف وهو دخل يساعدني حتى اروح
للحمام اغسل بس احس بطني موتتني
من الالم لازمني من ايدي وايده الثانيه لازم
بيها خصري واني امشي ع تك رجل ورجلي الثانيه
رافعتها
تفكيري وبالي كُله يم الحمل اني حامل
معقوله
وصلني للحمام دخلت سديت الباب و حجيت ويا من ورى الباب
_ جيب الي الملابس والوصله
_ هسه اجيبهن الج ، محتاجه شي ثاني؟
هزيت راسي كأن ديشوفني
_ لا بس اريد هذن جيبهن الي
_ تمام
راح و بعد ماسمعت اله صوت
نزعت الي لابسته وشفت الدوش كدامي
دخلت جوه وفتحت ألمي فوك رأسي
بطني موتتني من الالم
رجليه متساعدني حتى اوكف بالكوه واكفه
وسانده نفسي ع الحايط
احس جسمي كُله ورم انتهيت حتى
رجلي صار بيها ألم
بحيث صرت احس جسمي
كُله يأذيني من كُل مكان حسيت جسمي مسوي منافسه بينه منو اكثر جزء او عضو يكول اني اكثر ألم منك وانتَ اقل

غمضت عيوني جوه المي وصرت اون
من الالم طلع صوتي واني ابجي اختلطت دموعي ويا
المي الي ينزل ع راسي
_ اااااااه يااابه ويييينك تعال شوووف حالتي
ووووينك يااابه
تعال شششوف نارتك شصار بيهاااا
فجأه سمعت صوت ابويه اجه ترس أذني
كال " بنتي " فتحت عيوني بصدمه
فتحتهن ع وسعهن
ششششنو شديصيرررر اني متأكده سمعت
صوت بابا
صرت اتلفت بكُل مكان بالحمام
حتى نسيت اني متصاوبه ورجلي ماكدر
امشي عليها
رجف جسمي وكلبي وكع
اني متأكده سمعت صوت ابويه
جانت اكو برده بالحمام زحفت نفسي الها
وشلتها عبالي ابويه واكف وراها بس مالكيته
واصلاً ماكو احد
احس الخوف دب بجسمي
ارتفع صوتي وصرت اصرخ
_ وووووينك باااااابااااا ووووين رحححت
باااااباااااا
تعااال ارررررجع
سمعته اجه يرد عليه من ورى الباب
_ ها شبيججج شكو
اني فاقده فد مره بس اصيح
احس تخبلت رسمي بس اصيح واصيح واصيح
باااااباااا وينك
سمعت صوته يرد عليه

_ يمج اني يمج لاتخافين
سحبت نفس اشهك وارجع اصيح
_ بااااااباااااا وييييينك تعاااال
سمعت دك ع الباب ويرد عليه
_ بابا يمج اني تسمعيني اني يمج
اني مثل المجنونه ما استمع اله ومصره ع انُ هذا
ابويه لان سمعت صوته
_ بابا الله يخليك تعال الي وين رحت وعفتني
_ ولج بابا افتحي الباب شبيج مو خبلتيني

تهسترت بس اصرخ من كُل شي بيه اصرخ
وهو يصيح عليه برى حتى افتح الباب
او اكول اله ادخل لان مالابسه شي
من عرفني اهلوس وهذا الكلام مو بعقلي سكت
عني بس بقى ورى
الباب ينتظرني
واني ع فد هلوسه وفد بجيه
اصيح ، وينك بابا ياروحي مو كلت ما اعوفج
وينك تعااال اخذني
اني احبك باااباااا تعااال اخذذذني
راح امووووت
اني هنا جسمي يوجعني رجلي توجعني
تعال اخذني
اخر شي ماحسيت الا ضغطت ع رجلي
صرخت هل مره صرخه
من كلبي ماحسيت الا صرخ بيه من ورى
الباب بصوت عالي وهو يدك ع الباب

_ بسرررررررعه اطلعي لاتخليني اكسر الباب
تسسسسمعيني يلااا اطلعي
استمر يدك ع الباب واني ابجي بجي ماصاير
كأن اليوم الي صارت بينا
الفاجعه
_ اذذذذذاااا ما طلعتي الا اكسسر الباااااب تسمعيني
اطلعي يلاااا بسرررعه اططططلعي
وعيت ع نفسي سحبت روحي
بصف الباب وحجيت واني بالكون اسحب النفس
أجره جر
_ انطيني الملابس مدهن الي من ورى الباب
فتحت الباب مسافه
قليله وهو يحجي وياي
_ هاج هاي الملابس لبسيهن سريع
حتى اطلعج
رجعت سديت الباب اباوع عليهن
ماكو امل الا البسهن ماكوو غيرهن رجف جسمي
اول ما لبست الفانيلة
بقيت صافنه ع البجامه شلون راح البسها !!؟
بقيت حايره لازم اوكف يلا
اكدر البسها
رجعت حجيت ويا
_ انطيني العباه
هو هم رجع انطاها الي بدون مايحجي احسه
ع لحظه ينفجر بيه
لفيت العباه عليه لف
_ تعال طلعني من الحمام
فتحت الباب وهو دخل
ماكدرت هل مره حتى امشي ع رجلي احس
جسمي كُله خدر من الالم
حاولت ماكدرت

هو حنه نفسه حط ايده جوه رجليه وايده
الثانيه جوه راسي وشالني
واني بس ابجي واهلوس بيني وبين نفسي
" اريد بابا ، وين بابا، ليش عافني "
وصلني للغرفه حطني ع السرير
_ اني يمج بابا
رفعت عيوني اله هاي الكلمه مالته خلت
كلبي يرفرف حسيت بالغصه
_ ممكن تطلع
هو طلع من الغرفه وسد الباب
انتبهت للغرفه الفراش الي ع السرير مغيره
كُله كُل شي تالف
شايلة وشامره وريحه الغرفه حيل
طيبه راش بيها
عطر طيب بس هم شكله حيل قوي
اني و على السرير كاعده
مديت ايدي وشكلت البجامه برجلي ورفعتها
راحت روحي يلا كدرت البسها

من شفت قطرات الدم بقيت صافنه
عليها هنا يلا طكت السالفه براسي
يااااااا هاي الشهريه مو السالفه الي براسي
اني شلون نسيتها وفاتني
شكد غبيه وصرت افكر اني حامل
شلون عقل صاير زفت وتاالف بس لا حقي يعني
بعد الي مريت بي اكيد عقلي يوكف
وما افكر بس بالشي السيء
سحبت الوصله همزين ع الاقل هاي عندي أدبر
نفسي بيها

ورى شوي انفتح الباب دخل شايل
بيده كوب
عقدت حاجبي هو تقدم الي
ومد ايده انطاني الكوب
_ اخذي
صفنت عليه
_ شنو هذا ؟
_ اخذي الزمي وشربي زين عليج
بقيت ما مستوعبه كلامه شنو اخذي اشربي
خاف حاط الي بي شي ويريد
يسوي بيه شي
خفت
_ لا ما اريد اشرب منك اي شي
_ اشش اشربي
ليش الهاي الدرجه مُصر
_ شنو هذا ؟
زفر انفاسه بغضب
_ مفطح يعني شنو هذا اشربي وبدون صوت
لا هسه اكسر اسنانج بحلكج
سكت بعدها رفع الي حاجبه لان ما أخذته
منه ضاج مني
_ ااكل تبن شبيك تغلط عليه
_ ااي اشربي خلصيني ، واعلمج منو الي
ياكل تبن بعدين
سحبت الكوب من ايده واني احجي ويا
_ اي انتَ اكل تبن قابل اشاقه وياك

قربت الكوب اريد اشوف شنو حاط بي بس مبين
بس مي
عقدت حاجبي
_ ليكون حاط الي بي شي ؟
_ ماحاط
_ حاط سم ؟
_ لا
_ زين منوم ؟
_ لا
_ حاط الي مخدرات ؟
_ ججججء
_ سحر اكيد
_ راح اهفج براشدي اطير بي وجهج كتلج شربي
خلصيني
رجعت قربت الكوب من شفايفي واني
عيوني بعيونه شربت شويه
منه
حسيت طعمه حلو عرفت هذا مي حار وشكر
شربت كُله اول ما نزل البطني حسيت
بالدفو
شربت الكوب كُله
دفت بطني وارتااحيت شويه

تمددت ع السرير وخليت راسي
ع المخده راح طفه المروحه ورجع يمي رفع
الغطه وغطاني
اني رجعت ابجي
بهاي الفتره اصير حساسه بزايد
يعني فوك هذا الوضع زادت عليه ما نقصت
هو كعد توقعت راح يطلع بس كعد
كدامي
سألني

_ شنو هذا الدم الي شفته ؟
مارد اكول اله
_ معليك
سكت ثواني ورجع صدمني بسؤاله
_ اكو احد متقرب الج قبل ؟
جحظت عيوني بصدمه رديت
_ شنووووو
هز راسه الي
_ ليش تقيأتي ؟! الا اذا ....
هزيت راسي بهستريه ردت اكوم انتف بيهن
شعره
_ محددددد متقربلي ولااا اي شخص
كدر يمسس شرفي ولا راح يكدر اي شخص يمسه
لا هسه ولا بعدين ولا حتى قبل
ياحقرراااااء يا****
باوع بوجهي ورد
_ ليش تجاوزين
_ لان اااااانت وااااحد منهم تريد تخلي
اطمئن وأامن بيك علمود يجون ياخذوني
سكت بقى يباوع بوجهي
_ منو كال الج هذا الكلام ؟
_ هوووَ هيج اوو تريد تزوجني حسب طقوسكم
والشغلات التلعب النفس الي
خليتوها قوانين الكم

ضحك ودنك راسه بعدها رفع راسه
يباوع بوجهي
_ باعي
_ هاا
_ اني ما اثق بوحده ولا انطي ثقتي
لكن من سألت عرفت انتِ شنو
بقيت صافنه بوجهة ارمش مامستوعبه كلامه
اخاف يكون يعرفني قبل ويريد يخليني
أأمن بي وبعدين يغدر بيه
حيل خايفة لان هذا شكله مو سهل وحيال
مارديت عليه
_ ماكلتي شنو اسمج ؟
نزلت راسي بتعب ورديت اله
_ نارا اسمي نارا
سكت ثواني بعدها نطق
_ لا اسمج مو نارا
عقد حاجبي بأستغراب
_ شنو مو أسمي لعد شنو اسمي
_ نار انتِ نار
بقيت صافنه بوجهة حتى ماعرف شنو احجي
احس كلمته خرستني شنو
يقصد هذا !!!

ورى سريع سألني
_ ما كلتي ليش هذا الدم ؟
من احراجي رديت عليه بصوره وقحه
_ هذا اكلان تبن
رفع حاجبه
_ كلتي اكلان تبن
_ اي
_ هاا
هزيت راسي كلامه اجابه هو
سكت شكله وصلت اله المعلومه
وكف ع طوله وراد يطلع
سريع سألته
_ ووووين رايح
_ شنو يمكن عجبج دور الزوجه وصرتي تاخذي
بجديه حتى تسأليني هذا السؤال
انحرجت من كلامه
_ ترى ماقصدي شي بس ردت اعرف وين
لان حياتي معتمده ع طلعاتك لا انوب
تروح تسوي شي اليه
_ اطمني ما اسوي شي طالع اتأخر
راح طلع وكالعاده لازم يقفل الباب ورى
بالف قفل ماعرف شبي ويا القفاله الهوااااي

ورى ساعتين رجع بس اني ماتحركت بقيت
كاعده بمكاني
صرت اشتم ريحه حمس بصل
عقدت حاجبي " اكيد ديسوي اكل اله لازم جاع الطلي ويريد ياكل "
هزيت ايدي مايكول اكو انسانه
حابسها هنا ولازم اراعيها
بقيت حاطه ايدي ع بطني حيل توجعني لازمه
الفراش ونايمه
ورى تقريبا نص ساعه هيج تقريباً
انفتح الباب مال الغرفه
دخل وبيده صينيه
بقيت صافنه بوجهة هو حطها يمي ع السرير
_ كومي كعدي اكلي سويت الشوربه
الج حتى تاكليها
اني بقيت صافنه طخت براسي كتله
_ يعني هاي اني الطلي ، وااشر بأيدي ع نفسي
هو باوع عليه مستغرب
_ شنو طلي مافهمتح؟
_ هااااا هيج ماقصد شي
_ دام ماتقصدين شي كومي اكلي يلا

صفنت بوجهة سألتها واني حايره بي
كُل شوي يقلب شكل ثاني
_ انتَ منو ؟
رد عليه بهدوء
_ ابا العاصم
_ ليش هيج جاي تسوي وياي ومهتم ؟
ضحك بخفه ورد عليه
_ لان وراج كتل لازمج شي يسند كلبج بي
انصدمت
_ شنووو تقصد ؟
ضحك بصوت عالي واهتزت اكتافه
_ اكلي اكلي
_ شنوو
اني مصدومه بكلامه عاد شال الصينيه
وحطها كدامي

_ يلا اكلي بس اكلج البصل شويه عفته
يحمس زياده
باوعت ع البصل لكيته اسسسود
ومحترك رفعت راسي اله
_ هذا محترك شلون تكول حمسته زياده
ضحكت ع شكله
سحبت الخاشوكه واكل اول ماخليتهة بحلكي
وبلعتها غمضت عيوني
_ ماااالحه هاي
_ ها كلتي مالحه اي عادي زين الملح يوخر
الالم الي تحسين بي
_ ها اكيد ؟
_ اي اكيد شبيج اكلي
باوعت عليه مامقتنعه بكلامه بس اكلت استمريت
اكل

جنت اكل وهو كاعد كدامي يباوع عليه
رفعت عيوني من الماعون
_ شبيك تباوع عليه هيج خفت الهل العيون
ضحك
_ اكلي ما الج دخل
هزيت ايدي
_ انتَ شبيك شبيك اكوو واحد ياكل والكدامه
يباوع عليه كوم اطلع
طلع من الغرفه يضحك
اني كملت الشوربه شربتها لان حاره
علمود بطني يخف الألم منها
ورى ربع ساعه رجع دخل للغرفه
وبيده كوب بقيت مستغربه
_ سويتلج جاي هاج اشربي
سحبت الكوب منه ردت اشرب بعدين صفنت
سألته
_ شنو يخليني اثق بيك انُ ماحاط بي شي اليه ؟؟
هز ايده متنرفز من كلامي

_ تحجين صدك انتِ هو العدس لكيته بالكوه
هنا ومو بس انتِ اكلتي من الشوربه
حتى اني اكلت
جان صار بيج شي صارلج ربع ساعه من
شفطتي الكاسه جان طلعت روحج مو كاعده كدامي
مثل الحصان مابيج شي
صلللل مايأثر بيج شي
بقيت ارمش بعيوني
_ هاي شبيك اكلتي وشربتني
_ غير انتِ ادوسين بالبطن
_ يااا شبيك انتَ شبيككك وياي
_ غير انتِ جنج مامقعتنه بكلامي
حتى البهارات ماعرف شنو لكيت مخبوطه
وحطيته للشوربه
فوك ما تشكريني جايه تتهميني
_ يااااا شبيك وياااي شكو تهتم بيه لعد ؟
_ يكولون لازم الرفق بالحيوان واني رفقت بيج
_ انتَ حيوان موووو اني
_ ديلا خوش اشربي وانتِ ساكته
مالي مزاج توكعين براسي

بقاني بصدمتي وطلع من الغرفه
ضحكت بس لو افتهم هذا شنو سالفته
وليش هيج يهتم بيه معقوله
الله دزه الي يساعدني لو ورى شي
حسيت اني حيل متردده من ناحيته
وماريد أأمن بي ابد ممكن ع لحظه يغدر بيه ويسوي
الي كمين وياخذوني
هذا الي خايفة منه اني
خايفه من هذا الاهتمام لان اعرف كل شي
حلو
حيطلع من خشمي
تذكرت ماما هم من صارت حالتي هيج
سوت الي شوربه
وشربتها همين مال العدس
من تذكرت سريع نزلت دموعي
بقهر
هو بهاي الأثناء دخل للغرفه ماعرف شنو يريد
ياخذ شافني
سألني
_شبيج ؟
هو شاف دموعي ليش يسألني
_ اكول انتَ ماتشوف نفسك غبي ؟ تسألني هاي
الأسأله وتعرف جوابها
رفع ايده
_ لا بس احب اضوجج
_ ها !!!
_ اي
_ هسه شنو دتبجين انتِ ؟
درت وجهي ضحكت
_ استغفر الله
شافني اضحك
_ خفت الهل سنون
_ تروح الهن فدوه

هز ايده وطلع مر الوقت واني ماسمعت اي
حركه وحتى ماعرف وين راح تأخر وبس
اسمع صوت قفاله مال طلعته
حيل تأخر ورى ماعرف شكد من الوقت
رجعت سمعت صوت كلت لازم اكوم
اشوف شنو صاير
بيه ومابيه بكُل القوه الي عندي وكفت
من السرير رفعت رجلي المتصاوبه
وصرت اكمز برجلي الثانيه واني
سانده نفسي ع الحايط
طلعت اتختل ماريد اطلع صوت اريد اشوف شنو يسوي
اول ما طلعت من الغرفه شفته يم الباب
واكف ومنطيني ظهره
هستوني ردت احجي بس وكفني صوته
استغربت يحجي بالجهاز !!!!!!!
بقيت استرق السمع

" اي 5 دقائق وتعالوا اخذوها بهذا المكان الي
وصفته الكم ، منتظركم اني "
بهت وجهي شنوووووو هذا
شنو ديحجي خبر عني يااااا الله خبر عني
راح يجيبهم حتى ياخذووووني
نزلت دموعي ورجف جسمي ماعرف شنو اسوي
هو بقى واكف ماطول
تقريباً 5 دقائق واندك الباب
راح فتح الباب سمعت صوته
يكول الهم
" اي هيَ جوه موجوده دخلوا اخذوها "

ــــــــــــــــــــــــــ•●•ـــــــــــــــــــــــــــ
يتبع .

توقعاتكم
راح ينطيها النينا ؟؟؟