الربتج " حالك الاسوداد " الفصل العشرون 20 - بقلم رهف علي

‏"حتى وإن تعافى الانسان ونسى كل شيء ستبقى معه تلك اللحظة التي اشفق بها على نفسه ستبقى راسخة في ذاكرته للأبد كندبة لا يمكن شفائها او تجاوزها"

هل تعلقت بشخص
مُعين إلى درجه كُنت تتخيله معك ؟"

احس صرت ع اخر حبه من الانهيار
مامصدكه هو كدامي واكف
ولا مصدكه اني طلعت مم تحت هاي الانقاض بسلامه
ولا هوَ
نسيت نفسي ونسيت الدنيا كلها واني كدامه
محتضنته ابجي كأن هو
شخض من عائلتي
حسيت بي من حط ايده ع راسي وهمس الي
شُعاع :-كافي بجي بابا الحمدلله انتِ بخير ماصار بيج شي
نارا :- حسيت ع نفسي وابتعدت عنه منحرجه
احس روحي رايحه رفعت ايده امسح ادموعي حتى توضح
عندي الرؤيه
رفعت راسي صارت عيوني بعيونه بسس
حححححيل تعبان شكله يوحي هوَ من صدُك ماعنده اي طاقه
لا حتى يوكف ع طوله ولا حتى يحجي

بنفس اللحظه ردت اسأله عن نفسه بس ماكدرت
قاطعوني يسألوا
- منو انتَ ؟
رد عليهم شُعاع بتعب ..
شُعاع :- يابه كلت الكم اني منو وانطيت الكم
اسمي الكامل شُعاع (....) .
- ومنوو يكول كلامك صحيح وانتَ جنت بينهم ؟
شُعاع :- تكدرون تروحون تبحثون عني وقتها
راح تلكون عائلتي كلها وتعرفون حتى اصلي
ليش هيج مستغرب انتَ
- شنوو الي جابك الهذا المكان ؟؟
شُعاع :- من اول ما شفتوني واني حجيت الكم
تكدرون
تتأكدون مني ..
نارا :- يباوعون عليه ما مصدكي لان شكله صحيح
عبالك منهم هو واللحية مالته والملابس
وجان بالمكان الي تابع الهم
الهذا ماصدكوا
- تمام اكيد راح نتأكد من الموضووع بالأول يلا
نكدر نسوي الازم
نارا :- شكلهم ما مصدكي اوووف ياربي من وين
نتلكاها ماعرف
بقيت واكفه يمه هو كل شوي يغمض عيونه
بألم ويفتحهن حيل خايفة لا يوكع ويصير بي
شي
وين اروح اني ..

كعدنا بالكاع مابي حيل يوكف بعد اكثر
واكو واكفين فوك راسنا عبالهم احنه ضدهم
التفتت الشُعاع سألته
نارا :- شُعاع
هوو باوع عليه مبتسم بتعب
شُعاع :- ها ماشا
نارا :-شنو الي صار صحيح وكع البيت عليك هاا
اني سمعت هيج صاحوا
شُعاع :- صحيح بس اني صرت بالاخير وتأذيت شوي
نارا :- سوده عليييه راحت روحي من سمعت
هذا الشي ،
غمض عيونه ورد
شُعاع :- اسم الله ع روحج يابه

ورى شويه رجعوا علينا
- يلا امشوا اصعدوا بالهمر ..
رفعت راسي اله مستغربه
نارا :- شنو راح تاخذونه ؟
رد عليه
- اي يلا كومواااا
نارا :- صاح بينه بصوت عالي بالكوه سكتت اجيت
ارد عليه بس شكل شُعاع وكفني
مشينا للهمر وصعدنا شُعاع بالكوه واني صعدت ويا
اثنينا ورى
اول ما صعد شُعاع مابي بعد كل الحيل
حط راسه ع رجليه مغمض عيونه مايتحرك ..
اني دموعي صارت تنزل ع وجناتي
اباوع عليه شلون صاير
هذا نفسه الي جان حاميني هسه مابي حيل
يفتح عيونه ويحجي وياي
او يسكتهم مايحجون وياي
ماحسيت الا صار صوووت ححححيل قوي والمكان
اهتز
صاح واحد بصوت عالي
- لاااااااا ايييييييمن ..
اطعلووووا بسرررعه اطلعوااااا هسه ينفجر الهمر
نارا :- فتحت عيوني مصدومه
شنو يعني احنه هم راااح نمووت دخيلك
ربي
تحركت الهمر ومشى بينا بس الخوف الي
حسيته وكف شعر راسي
جسمي يرجف ما هدأت إلى أن مشى مسافه بعيده
عن هاي الهوسه بس الرجفه بعدها بجسمي
وحتى حاضنه راس شُعاع
احمي لا يصير بي شي
صار الوضع هدووء سحبت نفس
خليت ايدي ع راس شُعاع هو احسه مابي روح
بجيت وصرت ادندن اله
بصوتي المخنوك
نارا :- دللول يابني يا الولد دللول عدوك عليل وساكن
الجول نومات الغزيل يابعد روحي

رفعت ايدي ومسحت خده الي كله تراب
ماحسيت الا صوت الي ديسوق اجاني
- اي نام نام
رفعت راسي عليه عقدت حاجبي
نارا :- شنو هو نايم ع كلبك ؟؟؟
ضحك عليه وهز بايده
- هسه تطلعون منهم وينكم و وين تعرفون علي وتحلفون
بي وانتوا جنتوا بنصهم
تعصبت منه وعليت صوتي فز شُعاع يفتح ويغمض متألم
نارا :- نعررررفة شلون ما نعرررفه وغضب عنك
هو سكت واني سكتت بس احس فرت
من العصبيه
رجعت اباوع الشُعاع ماعرف شلون هو الهسه
عايش ولا اني شلون عايشه من بعد
كل الي صار

التعب الي مريت بي تعب حيل قوي
حتى الضربات الي حصلتها طلعت منها بس مانسيتها
الهسه الالم موجود
احس الحياه وقتها توقفت ما اكتملت عندي
اخخخخ يا الله
مشت الهمر هواااي مسافه الطريق إلى
ان رفعت عيني
ع لافته مكتوب بيها
" الموصل تودعكم "
ااااخ يا الموصل شكد اخذتي من حيلي حيل
شكد اخذتي من عندي اعزاز
دمرتيني وهديتي كل حياتي ماشفت بيها بس الالم
والفقدان
غمضت عيوني ونزلت دموعي
ودعت بيها كل الالم الي عشته ودعت بيها كل روح
فارقتها وكل موقف صعب عشته بيها
من موت وفراق اهلي إلى كل ذره تعب عشته
بيها
كل شي بيها حتى الطفل علي ودعته تاركته بيها
ماوكفت بجي صرت اشهك
والله مو هينه والله مو هينه
الي عشته حيل صعب ومو اي انسان يتحمله
اني بنفسي مستغربه
شلون عشته واني الحد الان عايشه

سحبت نفس وبقيت ادرر بالدعاء
( اللهمَّ لك الحمد والشكر في الأولى، ولك الحمد والشكر في الآخرة، ولك الحمد والشكر من قبل، ولك الحمد والشكر من بعد، وآناء الليل وأطراف النهار، وفي كل حينٍ ودائماً وأبداً". "الحمد لله حبّاً، والحمد لله شكراً، والحمد لله يوماً وشهراً، والحمد لله عُمراً، والحمد لله في السرّاء والضراء، والحمد لله على ما قسمه الله لنا".)

استمرينا نمشي واحس رجليه نملت فد مره
لان ما تحركت بقيت كاعده بمكاني
وشُعاع ع رجلي هو هم ما اتحرك كل ظني هو
نايم مرت ٦ ساعات ماعرف شكد بالضبط
إلى أن وكفت الهمر
رفعت راسي اباوع ليش وكفت
- يلا وصلنا انزلوا
بقيت صافنه بعيوني احس ما مصدكه
نارا :- وين ؟
رجع عاط بيه بصوت عالي
- يلااااا انزلوااا بدووون كلام
نارا :- أي أي شبيك ..
فزيت من صوته ورجعت احرك بشُعاع حتى يكعد
شُعاع اكعد وصلنا يلا حتى ننزل ..
اباوع احجي ويا ماايرد عليه رجعت هزيته
شُعاع اكعد شبيك ؟؟؟
شو هذا ما يجاوبني هزيته من كتفه حتى يكعد
وما كعد
رجف كلبي وحيل خفت
اديه ترجف صعدتها وخليتها ع النبض
مالته وسكتت صافنه شهكت
مااااكوووو نبض ليششش نبض مااااكوووو
بقيت اهز بي حتى يكعد
الي يمي يسألني
- شنوو شبي ؟؟؟
نارا :- مااااايكعددددد شُعاع مااايكعددد
ماكوووو نبضضضضض
- شنو مااات
نارا :- شهكت ويا كلمته ، مممماكو نبض
- شششنو !!!
نارا :- رجع صعد للهمر وشغلها سريع ومشى
اني بس ابجي احاول اكعده بس هو
مايكعد روحي راحت
وجهة اصفر ماعرف يالون

مسافه طويله يلا وصلنا للمستشفى نزل الولد
يركض من الهمر
دخل يصيح عليها
- عنددددي شششهيدددد ..
نارا :- اني سمعت كلامه وتخبلت صرخت من يمي
لاااااا ما ماااات شُعاع مووووو شهييييد ما ميييت
نزلت عيوني عليه وهزيته بقوه واني
ابجي اصيح عليه
للللللك شُعااااااع اكعددددد لا تخبلنننني
اككككعد انتَ ماااابيك ششششي
يلااااا اصححححى
ماحسيت الا اجوي فتحوا الباب وسحبوا من بين
اديه
حطوا ع السديته واخذوا اني نزلت
اركض ورى واني بهاي الحاله
كلي تراب ومخربطه ملابسي وبيهن شق
و

حتى حافية مابرجلي اي شي لابسته
جنت اركض وراهم
ما احس الا الي ويانه سحبني
هو اسمه احمد سمعتهم يحجون ويا بهذا الاسم
احمد :- وين رايحه ؟؟؟؟ اررجعي اصعدي لاتنزلييين
نارا :- دفعت ايده بكل قوتي ، وووووخر مني ،
وركضت ورى شُعاع وين ماا اخذوا
شفتهم دخلوا وماقبلوا ادخل وراهم
بقيت برى ابجي فرفحت من البجي

احمد :- شو انتوا ما عبالك من داع١١.
اني بيا حال وهو بيا حال باوعت عليه ودموعي تنزل
نارا :- اسسسكت شبيككك انتَ اسسسكت
احمد :- لج لا تردين هيج
نارا :- اااي احترم ع الاقل ما تشوف الوضع اسكت .
هو وكف كدامي بعصبيه
احمد :- احترمي نفسسج لا افر راسج
بس بختج ما انمد ايدنا ع نسوان
نارا :- اني حايره بشُعاع وهذا
ماعرف شبي لعبها النفسي
رديت عليه ، ااي ميخااالف بس عوفني
هو ضحك وراح شوي بعيد

بقيت واكفه بمكاني انتظر احد يطلع يطمني عليه
احس إعصار صار ببطني
روحي راحت من شفت الممرض
رحت اله ركضت اسأله
نارا :- الله يخلييك شبببي احححجيلي ،
هو ملامح وجهة معفوسه
حيل خفت بس لا صاير بي شي
الممرض :- هسه يطلع الدكتور وهو يبلغج
نارا :- شو هذا كال هيج وعافني وراح
ركضت ورى احجي ويا ،
بسسس فهمني شنو الي بي كووول انتَ
شُعاع شنو الي بي ،
مارد عليه عافني الوحدي بهمي
رجعت المكاني كعدت ع ركباتي ابجي وانحب
حسيت عقلي
طار دام هو ما بلغني شنو الي بي اكيد صاير
شي خطير لو ميت
اتهسترت ، لاا شُعاع مايعوفني هو كال
اني ما اعوفج وياج ابقى يا الله لا يتركني والله ماعندي
احد غيرررره
صرت اهز براسي وابجي
اجه احمد يركض
احمد :- شكووو شبيج ؟؟؟؟
نارا :- احس نفسي فقدت صحت ، ماااات شُعاع مااااات
احمد :- شنو ماات !!! كولي يا الله اهدئي
نارا :- راح احمد رفعت راسي جان يحجي ويا
الممرض
بس بصوت عالي لان الممرض صوته صار
عالي بوجهة
الممرض :- شبيكم اهدوا ترى انتوا بالمستشفى
مو بمكان عام
تخبل احمد لزمه من ملابسه وجره
احمد :- صووووتك ما تعلي فهمتتت
نارا :- وكفت ع طولي ابجي ركضت عليه صحت بي ،
كاااافي الله يخليك كااافي
اباوع عليهم واحد يعلى والثاني يعلى اكثر منه
اجوي اخذوا الممرض وراحوا

وهذا مستمر يغلط
احمد :- مااااااتشووووف القندره جووووه ميت ،
فتحت عيوني مصدومه هذا ديقصد شُعاع
صحت بي
نارا :- شلوووون تحجي هيييييج بأي حححق
رجع التفت عليه
احمد :- شووو انتِ الثانية اسسسكتي
نارا :- شبيييك انتَ
احمد :- اسسسكتي
نارا :- شبييييك عووووفنه روححح شكو هنااا باقي
يمنه
هز ايده ما عاجبه
احمد :- علمود ما تخلون واحد ما تفجروا .
نارا :- فتحت عيوني مصدومه احس انهاريت
يعني بصريح العباره ديكول
علينا احنه ارها****
كعدت بالكاع ابجي احس طاقتي خلصت
مابيه بعد لا ارد عليه ولا ادافع عن نفسي او عن شُعاع
وهو ولا مهتم
ولا كأن هسه اتهمنا اتهام يكسر
الظهر
رجعت وكفت ورحت كعدت بمكاني انتظر
يطلع الدكتور حتى يبلغني شي
يخليني اطمن عليه

مر وقت طويل إلى أن طلع الدكتور
اول ما شفته وكفت فازه ورحت اركض
عليه واحمد هم من شافه اجه سريع يمنه واكف
احمد :- ها دكتور طمني
نارا :- الله يخليك كول هو ما بي شي
الدكتور :- الله ستر و وصلتوا بالوقت المناسب
حاليآ صحته مستقره و وضعه تمام بس
يحتاج راحه تامه
احمد :- يعني حالته تمام
الدكتور :- اي نعم ، منو نارا ؟؟
نارا :- ااااني ليش
ابتسم الدكتور بوجهي
الدكتور :- جان يهذي بأسمج
نارا :- الفرحه ترست روحي ترس
احس كأن جنت بالموت وطلعت ، ضحكت ،
يصير ادخل اشوفه ؟
الدكتور :- يصير بس لازم تنظفين نفسج من التراب
مايصير تدخلين اله بهذا الشي
المكان معقم ..
نارا :- أي أي ميخالف ..

نارا :- نفضت نفسي من التراب
واني متحمسه حتى ادخل واشوفه
احمد عارض ماقبل ادخل بس ماسمعت اله ولا الكلامه
اسمعه ابتعد عني شوي يخابر ويكول
سيدي
ما اهتميت اله
فتحت الباب ودخلت
صار شُعاع بوجهي هو شافني جان مفتح عيونه بتعب
ابتسم بوجهي واني ضحكت
حيل فرحانه من شفته هو بخير مابي شي
ورجع للحياه
رحت تمشيت اله اضحك والبسمة ع وجهي
نارا :- لك هاا شُعاعي
ابتسم بوجهي ورجع جاوبني
شُعاع :- ها ناار كلبي ها يابعد اليوجعني ها يابعد هروش
كلبي
ابتسمت بخجل ع كلامه ونظراته اتجاهي
وصلت يمه
نارا :- فدوه لك والروحك
باوعت بعيونه وهو يباوع عليه صرت حيل قريبه منه
عيونه عليه
شُعاع :- ملاك انتِ الله دازج اليه مووو !!
ضحكت هزيت راسي
نارا :- no daddy انتَ الملاك
ضحك بخفة ورد ألي
شُعاع :- tulip
نارا :- شنو ؟
شُعاع :- اتقربي
نارا :- تقربت منه أكثر همس بأذني
شُعاع :- توليب روحي

نارا :- رفعت راسي اباوع عليه واضحك
يلا شوكت تكوم حتى نطلع من المستشفى؟؟
شُعاع :- مو هواي اني هم ما احب المستشفيات،
اكول ..
نارا :- ها
شُعاع :- مو تكولين انتِ زوجتي ترى يدكون ويعرفون
وتصير سألفه حيل جبيره
نارا :- تمام ، بس وين راح يودونه ؟؟
شُعاع :- يودونه ..
ناارا :- راد يكمل بس انفتح الباب ودخل واحد
شكله ضابط
سلم ودخل كعد يم شُعاع
اباوع ع شُعاع شكله انقلب شبي هذا بس يأشر
الي
شنة معاجبه ابقى هنا وكفت ع طولي
وتجهت للباب حتى اطلع
باوعت عليه هزلي راسه بمعنى لا
بس اني عفتهم الوحدهم وطلعت افتر برى
شفت دكتوره كدامي رحت عليها
عفوا ممكن تنطيني الرداء اكدر البسه فوك راسي
حتى لو مال العملية
هي صفنت بوجهي وبشكلي عافتني ومشت
ماقبلت شبيها هاي
رحت مشيت إلى أن لكيت عامله
هم سألتها اذا تكدر تنطيني وهي قبلت
اخذتني وياها ووانطتني القبعه الي يلبسوها
لبستها ورجعت للغرفه
الي بيها شُعاع
اول ما دخلت جانوا اثنينهم
يحجون سوه من انتبه عليه رفع راسه
باوع عليه وابتسم اني ركض ركض
رحت كعدت يمه ..

التفت عليه الضابط وسألني
- اي منين انتِ ؟
نارا :- باوعت ع شُعاع هز راسه بمعنى اجاوب
رجعت للضابط ، من بغداد
- وشنو وصلكم للموصل ؟
سحبت نفس من تذكرت السبب
نارا :- شغل والدي هناك فأضطرينا نروح ويا
- شنو يشتغل ؟
نارا :- شغل مال السيارات نقل وهيج شي
- ليش ماطلعتوا من الموصل بعدين من صارت
الأحداث؟
نارا :- حاولنا نطلع اكثر من مره بس ماكدرنا
تحاصرنا وجبرونا نبقى بالموصل
التفت الشُعاع وسأله
- شنو الإثبات الي عندك انتَ ابن ال..... ؟؟؟
نارا :- انصدمت من كال الاسم التفتت عليه
مصدومه ، شنوووو ؟؟؟؟
بس سريع اداركت الموضوع حتى ما يشكون
او يطلعونا كذابين
بس الصدمه شلتني
شُعاع :- تكدرون تبحثون حتى لو ماكو مستمسك
بس تكدرون توصلون وتعرفون اني اذا ابنه
او لا
نارا :- هز الضابط راسه بقبول ورد عليه
- تمام بس الهذاك الوقت احنه ما نترككم لازم
تجون ويانه المكان
نارا :- بهت وجهي ، شنو ؟
التفت عليه وسأل شُعاع وهو يأشر
عليه
- هاي البنت شنو تقربك زوجتك ؟؟؟؟
نارا :- ابتسم بوجهي ورجع جاوبه ..

شُعاع :- مو زوجتي بس تخصني ..

- شلون يعني ؟ شلون التقيت بيها
شُعاع :- السالفه طويلة
- سهله صير زين والكل حادث حديث وراح نحقق
من الموضوع ومن شغلك وكل شي
شُعاع :- هاهيَ
نارا :- رجع عليه
- انطيني اسمج الثلاثي
نارا :- انطيته اسمي الثلاثي ، كام ع طوله
- ان شاء الله تكوم بالسلامه يابطل اذا طلع
هذا كلامك صحيح ف انت صدك بطل
نارا :- شُعاع ابتسم وهو طلع من الغرفه
رجعت الشُعاع تقربت منه اسأله ..
شُعاع شنو راح يسوون شو اني خايفة من هذا الشي
شُعاع :- لا بابا لاتخافين هذول ولدنا
نارا :- زين خاف مايصدكون بينا ويسجنونه
دههههر اني اخلص من هذولاك وسجنهم انوب ارجع
هنا هم انسجن
هو ضحك عليه
شُعاع :- لج بابا شبيج غير راح يبحثون واكيد
راح يلكون المعلومات الكامله
وبعدها يرجعون علينا

سحبت نفس باوعت عليه سألته واني
خايفة
نارا :- شُعاع واني ؟؟؟
هز راسه بسؤال
شُعاع:- شنو انتِ شبيج ؟
ضغطت ع اديه منحرجه من السؤال مالتي
وخايفة من الجواب
بنفس الوقت
نارا :- وين اني وين اروح ..
ابتسم بوجهي ورد عليه
شُعاع :- اعوفج اني شسوي بيج بعد
نارا :- انعصر كلبي بجوابه وحسيت راح ابجي
بالكوه سيطرت ع عيوني
وكمت وكفت هز راسي اله
رديت عليه بهمس ، تمام ..
درت ظهري ومشيت صاح ورايه
شُعاع :- لججج نااااري
نارا :- ما التفتت آله استمريت امشي كلمته
حزت بخاطري
سمعته صاح اخخخخ
سريع التفتت عليه لكيته يريد يكوم ركضت عليه
صحت بي
لاا لتكوووم شبيك بعدين خاف عبالك اني عايشه
علمودك لو خايفة تعوفني
ترى اخر همي حتى لو عفتني شنو يعني
شُعاع :- شلون السان عندج
انتِ شبيج الزمي السانج شوي
نارا :- لا ما الزم الساني وبعدين ماخايفة تتركني
ترى قبل لا اعرفك وتعرفني جنت الوحدي
والله و الامام وكفوا وياي
يتيمه وهسه اروح الضريحه وادبر وضعي
هو عض شفته ماعرف شبي
يباوع عليه
شُعاع :- اخخخ لك شكد تحب اميرك ..
نارا :- انتَ كلت أميري شلون ما احبه

ابتسم بوجهي
شُعاع:- تتوقعين اعوفج ؟
رفعت اصبعي الصغير حتى ينتبه عليه
نارا :- شايف هذا اصبعي هلكد ما اثق بيك
صاح
شُعاع :- اووف اووف شنو هاي اديناتك شصاير بيهن
يابويه شو شوفيني
نارا :- بقى صافن ع اديه ويحجي
شُعاع :- شنو هاي اديناتك ليش هيج كصار
شعجب يعني اقصد أصابعك أضعاف
ليش هيج
نارا :- باوعت عليه رفعت حاجبي
هو التفتت متذمر
شُعاع :- اهووووو انتِ غير قنقينه
فتحت عيوني مصدومه
نارا :- منو القنينه؟؟؟؟؟
ضحك عليه ورد
شُعاع :- لج شلون تسمعين اني كلت قنقينه مو قنينه
نارا :- حصرتني الضحكه مارديت ع كلامه
، اني عطشانه خلي يجيبون النا مي .
شُعاع :- اي هسه اصيح الهم كارسون حتى يجيبون
الج مي
نارا :- ياااا شبيك وياي
شُعاع :- اي لعد شنو تشوفين
نارا :- أي اريد مي عطشانه
شُعاع :- عندي حل اشربي من المغذي
نارا :- اييع مااالح
شُعاع :- ها يعني عادي تشربين منه وتسويها بس لان مالح
ناارا :- اااايع شُعاع اكرررهك
شُعاع :- اي خوش كرهيني

عفته وكمت فتحت الباب ردت اطلع حتى
اشرب مي لكيت واكفين ٣ حراس
بالباب من انفتح الباب التفتوا عليه بقوا يباوعون بوجهي
واني اباوع بوجهم ماعرف شبيهم يمكن
مخترعين من شكلي لو خايفين مني
لا اتصرف تصرف مو زين
بس اكيد مصدومين من شكلي
الدم تارس ملابسي وحافية مالابسه شي برجلي
وجهي كله تراب ورموشي عبالك
حاطه الهن مسكاره كثر ما ثقيلات
والله شكلي يخرع حقهم مصدومين بيه
حركت راسي اباوع سألتهم
ااا... اريد مي ماعندكم ؟؟
- هسه اروح اجيب واجي
نارا :- أي تمام ، راح هو واني بقيت واكفه بمكاني
ورى شوي رجع شايل بيده مي
مد ايده الي ومبعد نفسه عني حسيته قرفان مني
جريت البطل منه بسرعه دخلت وسديت
الباب
بقيت ادردم عليه
شُعاع:- شبيج ؟؟؟
نارا :- هذاا يباوع الي كأن كدامه شي مو زين وقرفان
مني
شُعاع :- ميخالف بابا اسكتي خلي تعدي ع خير
ولا مثل سالفتج الي سويتيها
اكول الج اسكتي اسكتي وانتِ ولا مهتمه
وكاتله النسوان
واحنه بنص الخطر
نارا :- أي لعد شنو تريد اسوي الهن وهنَ كدامي
يسبن بالامام علي ، لااااا ومحمد هسه
رفعت البطل عليه ردت اضربه لان ضوجني ،
هو بقى صافن بوجهي
شُعاع :- اي ليش لا اضربيني يلا اركعيني
نارا :- هااا لا ماقصدي بس شويه اتحمست
شُعاع :- لا لا اركعييني وبردي كلبج شو ..
نارا :- ماحجيت ولا رديت عليه تقربت قست
النبض مالته
رجعت باوعت ع الفص مال عينه
انتبهت عليه هو هم صافن بوجهي ويباوع عليه
ابتعدت شوي
نارا :- احم ، هاا شبيك ؟
شُعاع :- ها وين اني ؟؟
نارا :- ضحكت ، بالعالم الموازي
هز راسه
شُعاع:- لا أحد يجي يكعدني عوفوني نايم لا تكعدوني
نارا :- لا تصير عيار مابيك شي كوم يلاا
ورانه هوسه حيل جبيره
هو ضحك واني هم ضحكت ع ضحكته

انفتح الباب ودخل واحد لابس لبس
عسكري
تقرب منه
- حالياً ماكو اي شي عليكم انُ يوحي انتوا
وياهم لكن حاليا تأكدنا من شكوكنا
ولازم تمشون ويانه جهزنا الكم البيت كا إجراءات
تبقون بي هاي الفتره
هز راسه شُعاع وهو يبتسم اله
شُعاع :- اشكرك ما قصرتوا
نارا :- مديت ايدي الشُعاع حتى اكومه
وهذا الضابط صافن علينا ماعرف شبي
كومت شُعاع خليت ايدي ورى ظهره ومشيته
وهذا بعده صافن علينا رفعت راسي
اباوع عليه يباوع علينا بنظرات حب ماعرف شنو
رفعت راسه شُعاع هز اله راسه
شُعاع :- ها ؟؟؟
نارا :- مارد عليه بس ضحك رجع التفت الي
شُعاع :- يلا بابا امشي نطلع
نارا :- أي يلا ، طلعنا برى المستشفى والسياره
برى تنتظرنا
فتح الباب واني كعدت شُعاع بالسياره
شُعاع حيل ثكيل من كعد واني برى السياره
انجريت حيل و وطببببب وكعت بالكاع لززززك
بحيث حسيت رجلي رادت اطك كعدت خجلانه ومتفشله
شو هذا الضابط الخبيث دار وجهة
عني ويضحك لان وكعت
شُعاع :- الله الله شبيج غير تنتبهين
نارا :- هااا ما ادري
شُعاع :- يلااا تعالي اصعدي بس لا تأذيتي
نارا :- لا مابيه ، ركضت صعدت يمه
وهذا بعده يضحك عليه الخبيث

عدلت الكانونه الي بأيده مشت السياره شويه
وحسيت شُعاع فد مره انسحنت روحه
نارا :- بسس اوكف السياره شُعاع ماعرف شبي
هو وكف السياره واني فتحت الجامه
وصرت اغسل وجهة بالمي
وهذا يباوع علينا بالمرايا ما اهتميت اله
احجي ويا شُعاع
أهدأ اتنفس ع كيف هسه نوصل ..
التفت ع الكدامي سألته
اكول عندكم اكل ؟؟؟
ضحك ورد عليه
- اي اكو كل شي اكو بالبيت
نارا :- لعد امشي بسرعه فدوه
- ماشي هسه نوصل
نارا :- مشينا مسافه إلى أن وصلنا للبيت
نزل يفتح الباب واني نزلت شُعاع وياي
دخلنا للبيت صدُك جان حلو
وحسيته بي بالأمان مجرد ما دخلت اله حسيت عندي
صارت حياه
جان البيت مرتب باوعت ع القنفات كعدت شُعاع ع
وحده منهن
- المطبخ هذا واني راح اروح واترككم
نارا :- تمام.. عفتهم ماعرف شنو حجه ويا شُعاع
واني ركضت للمطبخ
فتحت الثلاجه اباوع بيها أشكال واللون موجود
بيها خضروات والفواكه كومه
أشكال واكو اثنين جدروه حاطين بيها
جريتهن فتحتهن بيهن تمن ومرك بقيت صافنه عليهن
خليتهن ع الكاونتر ورجعت الشُعاع
لكيته الوحده
سألته
نارا :- هذا البيت المنو ؟
شُعاع :- خطيه بيت واحد من الولد ونسونه متسوكات
كل شي ومسويات الاكل النا
نارا :- هاا تمام ، عفته ورجعت حررت الاكل
لكيت الموعين غسلتهن وخليت
الاكل بيهن ورجعت الشُعاع حتى ياكل
خليت الصينيه بالكاع
سندته وكعدت اوكل بي لان ما يكدر ياكل
إلى أن هو ابتعد
شُعاع :- كافي شبعت ما اريد اكل بعد ، عاشت ايدج
نارا :- زين لازم تسبح
شُعاع :- والله ما اكدر اريد انام جسمي يأذي
اريد بس ارتاح خلي انام شويه ع الاقل
نارا :- تمام ، هو اتمدد واني ساعدته ، انتظر هسه اجي.
رحت ادور ع شي غطه دخلت الغرفه
لكيت بيها افراشات
جريت بطانيه ورجعت اركض اله
غطيته بيها حجيت ويا
نارا :- نام يلا ارتاح اني يمك ما اعوفك
شُعاع :- اي خليج كاعده يمي لا ترحين

نارا :- تمام ، بقيت كاعده يمه اول ما غفه
كمت ركض للمطبخ ميته من الجوع
فتحت الجداري وكعدت كعده مرتبه وصرت اكل
احس صارلي سنين ما ماكله اكل وارجع
اكل خليت الخاشوكه مال التمن بحلي وسمعت
صوت شُعاع يون
وكفت سريع ورحت اركض اله حتى اشوف شبي
حتى التمن بعده بحكلي بلعت
الكمه الي بحلكي عرفت بي يتحلم هزيته
حتى يكعد ، هو خطيه فز سريع
اشش ماكو شي اني يمك ،
شربته المي شرب ورجع نام بقيت يمه إلى أن
غفه فد مره يلا كمت
كمت رحت للحمام
اباوع كل شي بي موجود منظفات مقشرات
حتى مكينه حلاقه وكل شي
دخلت للحمام يمكن بقيت بي ساعتين كاملات
اريد اسبح مال السنوات الي فاتت كلهن
حتى شعري احسه صاير سيم ما الموعين كثر التراب
الي موجود بي
طلعت من الحمام لفيت المنشفه ع راسي

باوع لكيت شُعاع مصخن ناااار و يون
غير انهبطت عفت كل شي وركضت عليه
الزم راسه صار نااااار ماعرف شنو اسوي واني وحدي
خفت عليه حيل وهو بس يهذي
ويون عضيت ايدي ياربي شنو اسوي
كمت وكفت ادور ع شي اله علاج اي شي
لكيت اكو جهاز موجود ع القنفه بس
صرصور فتحته زين اني ما اعرف المنو اتصل
لكيت رقم موجود بجهة الاتصال
ضغطت عليه اتصلت ياهو الي يطلع اسأله بلكت
يساعدني واكيد هذا الجهاز
الواحد من اهل البيت
انفتح الخط وطلع رجال سألته
- الو
نارا :- انتَ منو ؟؟؟
- ها شبيكم صاير شي
نارا :- عرفته هذا نفسه حجيت وياا ، عفية شُعاع صخن
فد مره وحرارته ارتفعت
جيب الدكتور اي شي فدوه لا يصير بي شي
- جايكم ، مسافه الطريق
نارا :- أي عفية ، سديته منه ورحت يم شُعاع
ردت ابجي واني اشوف
حالته مسحت وجهة وبقيت كاعده يمه
اقرا ع راسه
وصحيح ما تأخر واندك الباب
كمت ركضت رحت فتحت الباب لكيته هو نفسه
و ويا احد عرفته هذا الدكتور
دخلوا واني وراهم شو اباوع هذا أشر الي
- دخلي جوه واتركينا
نارا :- لا ما اعوفه اخاف عليه
هو خزرني واني رجعت رفعت اله حاجبي
رد متذمر
- ياعمي ما تنردين
نارا :- لا تسون اله شي ترى ما اثق بيكم
هز ايده
- وانتِ شنو الي تعرفي
نارا :- غير اني دكتوره شنو شعرف
- هااا خوش تعالي

دخلت وياهم وشفته كسر ابره وضربه
رجع حجه
الدكتور :- لازم تجيبون اله ابره هاي فوراً ،
رديت عليه
نارا :- Give me the name of the treatment ( اعطني اسم العلاج )
باوعوا عليه اثنينهم
ورد عليه الدكتور
الدكتور :- Do you speak English ؟
باوعت عليه ورديت
نارا :- Doctor of heart surgery
ابتسم بتوسع ورد عليه
الدكتور :- واوو
الضابط صافن رد علينا
- انطيني اسم العلاج اني اروح اجيبه
كتب اسمه اله
الدكتور :- It is essential that you receive treatment now ( من الضروري أن يتلقى العلاج الآن )
نارا :- Well, I'll get him treatment but please, I don't want him to leave me(حسنًا، سأوفر له العلاج، لكن من فضلك، لا أريده أن يتركني )
ابتسم الدكتوره والضابط
عرفته هو هم يعرف بالانكليزي وما عبرت عليه
سألني
الدكتور :- زوجج ؟؟
نارا :- دنكت مارديت والضابط حجه
- دكتور هاهي هسه اجيب اني العلاج اله
الدكتور :- تمام

طلعوا الاثنين واني رحت ركضت ع شُعاع
امسح بجبينه رجع حجه وياي
- اني راح اجيب العلاج واجي
نارا :- تمام بس جيب الاصلي والزين
- ماشي هاهي ..
راح هوَ واني بقيت يم شُعاع انتظره يجيب العلاج
بقيت صافنه ع شُعاع هو مغمض عيونه
صان عيني ع وجهة
همست اله( لو كان طلوع علاج لمرضك لاخرجته
من جسدي لأجلك انتَ )
سحبت نفس وهو حسيته خف شويه
وبطل الون مالته والحرارة بدأت تنزل
ورى شويه اندك الباب
رحت فتحت الباب سألني
- ها شلون صار
نارا :- زين بدأت حرارته تنزل
- خوش هذا العلاج واذا صار شي اتصلي اي شي تحتاجوا اني موجود
نارا :- تمام ...

راح هو واني رجعت اتوضيت وصليت
افتريت لكيت قرآن موجود
احس الفرحه ترست روحي صارلي شكد ماقاريه
قرآن
كعدت اقرا يم شُعاع احس روحي هدأت
صدقت وسديت الكتاب خليته
ع كلبي صح مرتاحه بس الغصه بعدها بصدري
شكد مر الوقت والسنوات بس الجمه هي
هي ما تغيرت
سحبت نفس مسحت الدموع الي ماعرف
شوكت نزلت
كمت ع طولي
ورحت للمطبخ لكيت اكو برتقال
عصرته وسويت عصير
رجعت اله انطيته العلاج مالته وشربته العصير
حسيت وجهة رجعت طبيعي
بس بعده ع الاقل احسن من اول ما شفته
مرن يومين
الأوضاع بلشت تتحسن
وشكله اتحسن شوي وحتى كدر يتحرك

شُعاع :- نارا
نارا :- ها
شُعاع :- تعبتي انتِ كلش !
دنكت راسي
نارا :- كلش تعبت أكثر من ما تتصور
موو هينه لازم ابقى محافظه ع نفسي من كل شي
حواليه
طبطب ع المكان قريب منه
شُعاع :- تعالي اكعدي هنا ،
كمت وكفت ورحت كعدت بالمكان الي طبطب عليه
شُعاع :- اتقربي شبي قابل راح اكلج
نارا :- ابتسمت بوجهة ، لا خليني هنا احسن
شُعاع :- شنو الي يخليج ملتزمه الهل درجه
نارا :- باوع اذا أنطونك امانه ترجعها خربانه ؟؟؟
صفن بوجهي ..
شُعاع :- اكيد لا .
نارا :- زين الله سبحانه وتعالى انطاني روح
مايصير اتلفهاا بوصخ الدنيا
واذا سبق وصار حادث ف مو بيدي والله كله الي صار
مو بيدي اذا مسكت ايدك بسبب خوف او مرض
مو بيدي
وانتَ تبقى بعيد عني
شُعاع :- شلون يعني ؟
نارا :- يعني تبقى غريب عني
شُعاع :- زين اعتبريني واحد من الأقارب الي يخصوج
نارا :- كلهم الأقارب ولد العم ولد الخال كلهم
حرام يتقربون مني لان اني احل الهم
مايصير هذا التقارب بينه مو بحجه
ولد عمي لو خالي ويشوفون شعري
شُعاع :- بس اني شايف شعرج
نارا :- صار غصب عني قابل اني مرتاحه هيج ؟
كل الي صار غصب عني
لو جنت متعرضه الطلق ومرميه لو اطلعوني من تحت
الانقاض لو لو .... هو بيدي اني
شُعاع اني اكره هيج كلام بخصوص الي صار وياي ..
شُعاع :- هاهي بابا اعتذر..

مرن ٣ ايام وهو باقي مبتعد عني حتى لزمه ايد
ما يلزمني ومحترمني
سمعت الاذان باوعت اذان الفجر كمت اتوضيت
ورحت اصلي
باوعت شُعاع نايم
صليت واحس عيوني طلعت كثر
البجي الي بجيته اتذكرت اهلي اخواتي امي ابويه
اخواني كلهم تذكرتهم
دنكت ع التربه ابجي احس الحمل الي ع اكتافي
حيل جبير
ويأذيني
خلصت وكعدت اقرا قرآن وامسح بدموعي

صفنت صفنه اخذتني المكان حيل بعيد
ماحسيت الا صوته
طلعني من صفنتي
شُعاع :- نارا
اني ما اتحركت بقيت جامده بمكاني
كام وكف وتقرب مني ضربني ع خدي بخفة يصيح
عليه
شُعاع :- ناااارااا تسمعيني شووو اصحي
شوي وبقيت ارجف رجف مو طبيعي وجسمي
اتشنج
هو يصيح
شُعاع :- لالالالالالا نااارا لاتسوين هيج دخيلك ربي
استغفر الله
جانت اكو بطانيه قريبه منه سحبها
وحطها بحلكي بالكوه
واني فاتحه عيني ع وسعهن واهتززز جسمي
متشنج
حط ايده ع عيني وبقى يتشاهد ع راسي
ويستغفر
شُعاع :- اششش ماكو شي هسه ترجعين طبيعيه ..
رجع حاول يفتح اديه واني سادتهن
اظافري نبتت بأديه وآدم نزل من اديه
هو ثبت اديه برجله وصار يحاول يفتحهن حتى ما أذي
نفسي اكثر
بقيت هيج إلى أن انتهت النوبه الي صابتني
وهدأت وجسمي باد حيلة..
احس جسمي مطحون طحن
فتحت غيوني وغمضتهن سألته بتعب
نارا :- شنو صار ؟
اباوع عليه عركان ويتنفس بقوه
شُعاع :- ااااخ لج بابا تعبتيني
ذب حسره واني صافنه احس جسمي طاير
نارا :- شنو صار وياي
شُعاع :- اششش ماصار شي نامي يلا
نارا :- شو وخر
شُعاع :- كعدي لعد عدل غير انتِ مريضه ارتاحي
نارا :- غمضت عيني وبجيت ، شديصير وياي
ليش هاي حالتي هيج دصير ؟؟؟
شُعاع :- اشش لا تبجين والله تصيرين
زينه ما عليج بس خليج قويه ..
نارا :- هزيت راسي واني ساكته
صار ثاني يوم ..

سمعنا صوت الباب يندك دخل الضابط
وراحوا كعدوا سوه واني رحت للمطبخ
اسوي الهم جاي
سويتلهم ورجعت حطيته كدامهم وكعدت
يم شُعاع صفن الضابط بوجهي
واني باوعت عليه
- بلا زحمه ممكن تكومين اريد احجي ويا بموضوع
نارا :- هزيت راسي ،لا ما اكوم
ضحك شُعاع
شُعاع :- كومي بابا
نارا :- ما اكوم اخاف يسوي لك شي
رجع ضحك بصوت عالي
شُعاع :- شنو اني طفل ؟؟؟
نارا :- انحرجت منهم ، ها لا مو طفل بس ما مأمنه
هز راسه ورد علينا
- هاهي لعد اتركها
نارا :- كعدت يم شُعاع وهذا صاح من يمه
- شبيج بويه عوفي الرجال لازكه بي
نارا :- فتحت عيوني ع وسعن ، شعليك ؟؟؟؟؟
- هاهي اعتذر ..

رجع التفت الشُعاع حجه ويا
- اني اعتذر منك لان قصرنا بحقك وعاملناك بهاي
الطريقه
شُعاع :- لا يابه ماصار شي ، ها شصار ؟؟
- تأكدنا من هويتك وعرفنا صحيح انتَ ابن ال(.....)
وعرفنا كل شي عنك انتَ
نارا :- بقيت فاتحه حلكي مصدومه يعني
صحيح هو طلع ابن مسؤول بالدوله
بهت وجهي من رجع عليه وجه كلامه الي

- بس البنت
شُعاع :- شبيها ؟؟؟
- ماعرفنا الها لا عم ولا خال سألنا وتحرينا عنها
وعرفنا العشيره وكم شخص يخصها
بس من سألناهم نكروا وجودها وما اعترفوا بيها
نارا :- شهكت مصدومه يعني عمامي نكروا
وجودي
دنكت راسي وبجيت
- اهدئي ترى شُعاع يمج
رفعت راسي سألته
نارا :- شنو نكروني
- نكروا وجودج والله ماردت تعرفين بس انتِ
اصريتي تعرفين خاف ادورين عليهم بعدين لو شي
ف تعرفين هم احسن
نارا :- دنكت راسي بخذلان وحيل خجلانه من
شُعاع عمامي وخوالي نكروني بهاي
السهوله وامي بنت ابنهم وبنتهم رجع حجه وياي
- دكينا اسم ابوج بالحاسبة وكل العائله
سحبت نفس
نارا :- اييي ؟؟؟
- كل التقارير ادل ع انُ عائلتج كلها مستشهده
وعاديهم ويا شهداء الموصل
نارا :- صفنت بوجهة جان عندي امل ولو ١% يكونون
عايشين بس للاسف هسه
ثبت الي هم متوفين كلهم
شهكت ابجي واحس روحي راح تطلع من جسمي
حيل مقهوره واحس فرفحت من
البجي

- بس اكو ٢ من اخواتج عايشات وماندري
عنهن اي شي
لا وين هنَ ولا ويا منو
نارا :- صرخت من كل كلبي ع اهلي ابجي بصريخ
انهاااريت انهياااار تتااام
فرفحت روحي
شُعاع يحاول يسكتني
بس ماكدر اسكت موووووو هينه والله
شُعاع :- لاااااااااا اششش اهدئي ،
راح ركض الضابط يجيب الي مي و شُعاع بصفي يسكتني
اجه جاب المي
شُعاع غسل وجهي وهو يصلي ع النبي
واني ماحسيت بنفسي الا ومغمى عليه ..
صحيت ورى فتره لكيتهم همَ الاثنين فوك راسي
صاح بيه شُعاع بعصبيه
شُعاع :- يعننننني اني مو كلت الج اطططلعي ليش
ما سمعتي مني
نارا :- وكفت ع طولي واني ابجي
عفتهم همَ الاثنين ودخلت للغرفه
وقفلت الباب عليه كعدت اشهك بالبجي مايحسون
بيه ماااايحسوووون
عائلتي كلها ماتت واخواتي ماعرف وينهن ويمكن
هنَ هم ماتن
ومن جهة ثانيه عمامي نكروا وجودي
يعني هسه اني صفيت بدون اهل بدون اي ناس
اعرفهاااااا ...
ورى شويه اجه شُعاع يدك بالباب
شُعاع :- ولج بابا ليش تسوين بنفسج هيجج
مو تعرفين انتِ واني اعرف بيهم
ليش هيج دسوين بنفسج
نارا :- انتَ ماااااااتحسسس بيه مااااتحسسسس
اهلك عايشين اماااا اهلي كلهم مااااتووووا
شُعاع :- بس ع كيفج لا تجيج النوبه
اتعوذيني من الشيطان كولي يا الله
نارا :- بجيت بحركه صحت بي
عااااافووووني كلهم عااافوني صررررت وحيده
شُعاع :- لاتحجييين هيج والله اني ما اعوفج اني وياااج
صحيح اهلي عايشين
بس انتِ اااهلي واني اهل الج ..

مرت ايام واني ما كدرت اتخطى الي عرفته
حسيت روحي من صدُك
هل مره يتيمه وماعندي اي احد
عشت بخذلان وتعب وصرت أضعف اكثر
بمره خطر ع بالي اطلع برى اشتم الهوى
رحت عليه لكيته كاعد ماعرف شنو يسوي
نارا :- شُعااااع
رفع راسه يباوع عليه
شُعاع :- ها
نارا :- اختنكت من البيت اريد اطلع برى شويه
اشتم هوى
شُعاع :- سهله البسي شي وخلي نطلع
نارا :- رحت لبست سريع
وطلعنا اني ويا برى البيت
انتبهت الحارس الي برى صار يخابر وعينه علينا
شوي واجه
- ماتكدرون تطلعون لازم ترجعون
نارا :- شنووو هي خنكه خلي نتمشى شويه ،
ماحسيت الا شُعاع كرصني من ايدي
بقوه فزيت متألمه بس ما صحت هو خازرني شلون
حجيت هيج ويا
شُعاع :- جاي تحجي ويا لؤي ع الخط مو ؟
- اي
شُعاع :- جيب الجهاز اني احجي ويا
نارا :- شُعااااع حجه ويا الي اسمه لؤي
وكال اله نطلع شوي ونرجع ما انطول
ورجع الجهاز للحارس
ومشينا بس الحارس بقى ورانا يمشي
تمشينا وصلنا للحديقة دخلنا بيها اكو مسطبات هواي
كعدنا ع وحده منهن
بقيت كاعده اباوع ع الأطفال اتذكرت اخواني
اتذكرت شلون من جنه نطلع للحديقة سوه
اخر مره
حزت بخاطري وانقهرت

شُعاع :- توليب انتِ
رفعت راسي اباوع عليه ماكدر ارد عليه
نارا :- اممم
رجع حجه
شُعاع :- سندي وروحي انتِ
نارا :- شُكراً اخويه انتَ صير زين واني اعوفك
شُعاع :- وين تعوفيني
نارا :- اوديك لأهلك
شُعاع :- وانتِ وين تروحين ؟؟
نارا :- ارض الله واسعه
شُعاع :- وانتِ من كل عقلج اكدر بدونج؟
نارا :- اي تكدر
شُعاع :- لا ما اكدر
نارا :- ترى الدنيا ماتوكف ع احد
اهلي استشهدوا كلهم وتركوني حتى علي الصغير ،
لزم فكي
عووفني شُعاع وخر
سحبني من ايدي وقربني حيل عليه
رد عليه بصوت بي بحه حيل حلوه
شُعاع :- ناااري
نارا :- رفعت عيني بعينه حيل خجلانه وروحي رايحه
رديت عليه باالكوه
ها شُعاع؟؟؟

ابتسم بوجهي وعيونه بعيوني همس بهدوء

شُعاع :- احبج ماشتي..

ضل باليل ماكو وميزت ضلك
واندلك واجيك واكدر اوصلك
ادورك ما امل والكاك واندلك
ولو حبه رمل عنوانك بصحراء
اشمن ريحتلك بالكاع واوصلك
يتبع ...

شلونه البربر يانااااااس🫂✨️