الربتج " حالك الاسوداد " الفصل الثاني عشر 12 - بقلم رهف علي

حوبة الابيض گلب تِحرك خَضار ايامهم .

لاتنسون التصويت والتعليقات الطيفه مَثلُكم بين الفقرات ، مُتابعه للحساب
akyta_98

هل تؤمن أن المصاعب تُصنع القوه ؟

ـــــــــــــــــــــــــ•●•ــــــــــــــــــــــــــ

جمدت بمكاني مصدومه !!!
بيني وبينه بس الباب مفتوح قليل اشوفه
هو اذا التفت راح يشوفني
اني بقيت واكفه احس عيوني انملت
بالدموع يعني راح يسلمني الهم ! كُل هذا التعامل
الي يعاملني بي بس حتى يخليني اثق بي
وأامن انُ هوَ ما راح يسوي الي اي شي روحي راحت
كلبي صار يدك بقوه
التفت ماعرف شنو يريد يسوي وشافني
هو شافني وفتح عيونه ع وسعهن
مصدوم مثلي
شكله ما جان متوقع اني ورى وشفته حسيت
عليه انخبص خبصه ومايعرف شنو يسوي
يمكن لان اكتشفته هو واحد حقير ورخيص باعني بسهوله
الهم بدون ما ينقهر عليه ولو شوي
رجع التفت لجهة الباب وسده مادخل اي واحد
بس اني بقيت واكفه بمكاني
دخل للبيت وسد الباب ورى جان لازم بيده
الجهاز مالته الي اتصل بي
اني صرت ارجف رجف من القهر مستحيل اسكت
اذا سكتت راح يحس اني صحيح
ضعيفه وراح يستغلني

صرخت بوجهة بصوت عالي ،
عرررررررفتك والله عررررفتك واحد حقيرررر
تريد تخليني اطمئن وما اشششك
بيك وبعدين تغدر بيه وتسلمني الهم ، ياااربي دخيلك
لك انتَ ششششكد قذذذر
كُل هذا الاهتماااااام طلع ورى سبب
وهذا السبب مالتك
ليششششش هيج انتَ جنت تحجي وياهم
اني متأكده
اني اصيح واحجي واجفص بالحجي وهو صار
ناار ناااار بحيث عيونه رادن يطلعن من مكانهن بس
اني بوقتها ما اشوف شكله غير
بس الموقف الي اني بي هيج بسهوله
غدرني..

الجهاز جان بأيده ماحسيت الا رفع ايده
وشمره ع الحايط بحيث تفلششش
صار طشار ركض عليه سريع
اني من العصبيه مالتي حتى نسيت رجلي وراحت
من بالي
تحركت ردت اركض حسيت رجلي
انعطنت من الالم سريع وكعت ع وجهي اصرخ
هو ما اهتم للصراخ مالتي ولا الرجلي
اجه شالني يجر بيه جر مثل الحيوان صار
متوحش كأن ثور وهاج عليه سحبني سحب للغرفه
دخلني بيها وهو يتنفس بقوه كاتم ع نفسه
اول ما دخلنا للغرفه عاط بوجهي
عيطه

_ ليشششششششش ، ليششششششش
تحجييييين ليشششش حجيتتتتتي ،
منوووو كال الج اااااحجيييييي
اني واكعه بالكاع اثر الشمره مالته رفعت
راسي اله ورجعت صحت بوجهة
_ عرررررفتك لان عرفتكككك انتَ واحد حقيرررر
مثلللهم تقتلونا بدم بااارد
وتذبحووون أبرياء وتسبووون البنات
لك ليششش هيج ليششش مو احنه بنات بلدكم
حرام عليكم ليششش هيج تسسسوي
الله ينتقم منكم يا انذااال .
ماكدر حار شنو يسوي الحايط بصفه
لم كف ايده وضرب الحايط مرتين بقوه بحيث كلت
ايده تفلشت
من يمي ايدي صارت توجعني
اثر الضربه القويه
رجع التفت الي وصاح بوجهي
_ كااااااااافي كااااافي تحججججين ماريد اسسسمع
صوتج اششششش
حط ايده ع راسه خازرني بقوه رجع نزلها ورفعها
بوجهي ك علامه تحذير يحذرني من
كلامي ويا
_ والله اااااالعظيم اذا سسسسمعت الج كلمه
احيرررر شنو اسوي بييييج بالله الكريم اذبحججج
هنااااا بهذا المكان لا من شاف ولا من درى

انعصر
كلبي بكلامه عبالك عندهم القتل سسسهل
ويقتلون بدم بارد
_ بدون ما تهدددد بدون ما تهددني اساساً
اعرفكم مايرف الكم جفن وتقتلون بسهوله
يلااا تعال اقتلني اذا انتَ رجاااااااال تعال اقتلني
اذبحني مثل ما تكول وخلصني
اذا انتَ رجججال
ماحسيت الا مشى بأتجاهي بسرعه البرق
شالتي شيل من ايدي
وشمرني ع السرير بقوه يريد يفترسني
بعيونه اني بجيت بصوت عالي
_ لكككك والله لو ابوووويه عايشش لو ابويه هناااا
مايسمح لك تسوي بيه هيج
ولا تمد ايدك عليه
صار عصبي رجع ضرب السرير بصفي
بحيث اهتزت واني كاعده عليها
_ صوووووتج صوتتتتج
_ اكل تببن لاتصرررخ بوجهي
وكف يتنفس بقوه صدره يعلى وينزل
رفع ايده بوجهي ارتديت للخلف توقعت راح يضربني
بس رجع لم قبضه ايده ونزلها طلع من الغرفه
وركع الباب ورى

ورى كم ثانيه ما احس الا سمعت
صوت طلقات ٣ بهت وجهي ورجف جسمي
شنو هاي الطلقات ياربي
منو الي رماهن
حسيت توقفت عندي العقارب الساعه
حتى رمش ما كدر ارمش، رجعت
حاولت انزل اريد اطلع اشوف
شنو هذا الصوت مال الطلق بس ماكدرت نزلت
عيوني ع رجلي وانصدمت
الخياطات مال رجلي طاكه شهكت بصدمه
وصرخت
لاااااااااااااااا يا الله "
الدم ينزل من رجلي بغزاره تنزف ما يتوقف النزف
الالم موتني صرت اشهك واردد بصوت
عالي ، يا الله دخيل حبيبك محمد يارب ساعدني
، ياعلي ياعلي
صرت استنجد باأبويه
بااااباااا راح اموووت سااعدني ، ياربي
شوي واندفر الباب دخل عليه وجهة اصفر ماعرف شبي حتى شكله تعبان
دخل الي شكله سامع صوتي واني خايفه
نزل نظراته الرجلي وشاف الدم والخياط مال
رجلي طاك
بقى صافن بوجهي ثواني وطلع من الغرفه يركض
اسمع صوته يتقيء
شبي هذا اني بقيت ابجي حتى عيوني احسهن
غوشن وماعدت اركز بيهن
بقر يلهج لساني بذكر الله وابجي
إلى أن رجع للغرفه يركض الي
حالته ماعرف شبيها اصصصفر امر من وجهي هم
اصفر

نزل الرجلي جايب ويا قطعه قماش
كعد يم رجلي رفعها غ رجله وصار يلف بيها
حتى يقطع الدم
اني الالم مالت وصل للسماء رفعت راسي اتنفس
بالكوه روحي شاطت ويا كُل ضغطه من ايده
ع رجلي
رجعت نزلت عيوني ع رجلي كُلها دم
بهت وجهي سألته واني ابجي
_ شديصيررر ليش رجلي طك االخياط مالتها
رفع راسه وعيونه بعيوني خزرني ونتر بوجهي
_ من عرامـــــج طك الخياط مال رجلج
قابل منيين يعني ماتعرفين

نزلت راسي الرجلي بعدين رفعته اريد
احاول أوضح الصوره كدامي بس ماكدر عيوني غوشن
وصرت اشوف بشكله مو واضح
رفعت راسي صرت اغمض عيوني بالكوه
وارجع افتحهن صار صوت براسي حيل
قوي
صرت اسمع أصوات ضحك عاالي بعدها أصوات
طلق هزيت راسي خايفة من
الي داسمعه فجأه اجاني صوت ماما وهي تصيح
عليه " نينا يلا تعالي " وراها صرت اسمع
أصوات صريخ ، ركض بشر
طلق ، بنات يصرخن ، اطفال يبجون ، صوت
اخواتي ، صوت الساعه وهي ادك براسي
تك تك تك تك
كُل هذا التم براسي
احس صرت مجنونه وعقلي خرب
رفعت اديه ع أذاني وسديتهن بقوه هزيت راسي
للجهتين مره يمنه مره يسره بطريقه
سريع
واني اصرخ
" كااااااافي وخري مني وخخخخري كافي
عوفيني " صرت اضرب ع راسي واني
مغمضه عيوني
ضرب واصيح احس بأيد تحاول تمنعني من الضرب
كُل ضني هذا ابويه
بس اني ما توقفت حتى عيوني ما فتحتهن
" كااافي اطلعوا من رررااااسي عوفوننننني "
فجأه ثقل جسمي واديه خدرت
بعدها ماحسيت بنفسي اغمى عليه .

صحيت ورى فتره فتحت عيوني
افتحهن وارجع اغمضهن إلى أن وضحت الرؤية
عندي
اباوع بالغرفه ماكو احد يمي
التفتت بكُل مكان ماكو احد
نزلت عيوني لرجلي لكيتها مخيطه مره ثانيه
احاول اتذكر شنو صار اخر شي
إلى أن تذكرت بس اخر شي فقدت منو الي
خيط رجلي وشنو صار بعدين
اريد احجي فتحت حلكي ماكدرت بلاعيمي
احسهن متجرحات
وحتى ماكدر احجي جسمي مهدود حيله
هذا وين راح !
بس لا عافني الوحدي
بيه ومابيه بالكوه صحت بصوت واضح
" وينك " !!!!
ماكدر اطلع ولا بيه اشيل رجلي احس
جسمي
كُله مخدر ماعرف مشلول
رجعت راسي الأفكار واخر شي صار بينه
معقوله راح يسلمني الهم
ورى كُل هذا الاهتمام الي اهتم بي بيه
هيج راح يسوي بيه !
رجعت عيوني تغوش بسبب فقدان الدم
ونزفت هواي يحتاج الي دم
انوب التمت عليه من كُل الجهات رجلي والشهريه
خلصوا دمي

حسيت ع الباب انفتح غمضت
عيوني تعبانه واخاف لا افتح عيوني لا يطلع
مو هوَ لان ما سمعت صوته ولا هو
حجه دكات كلبي صارت بأذني اسمعهن
فتحت عيوني ع كيف الصوره
كدامي مو واضحه بس اشوف هيئه جسم
بس ما مبين منو هوَ بالضبط
_ منو ؟؟؟ انتَ منو ، منو هنااا
رجعت خليت ايدي ع عيوني افركهن
وايدي الثانيه كدامي اخاف يتقرب
مني
سريع اجه صوت الطلق براسي
وهذا منا مايحجي احس الخوف دب بجسمي
لا هو يصدر صوت ولا يجاوبني
بس صوت خطواته تجي
بأتجاهي
" منوو انتَ احجججي "
هم ما رد عليه
ضغطت ع عيوني " جاااوبني يا الله ساعدني منو انتَ "
فجأه اجاني صوته قريب مني

_ انا المبيوع من روحه

هزيت راسي حتى اركز ويا الصوت
_ شنوو ! ابو عصام ؟
ماحسيت الا رد بتذمر عرفته هوَ من حجيه
_ ولج حتى وانتِ مسطوره السانج مو بحلكج
فتحت عيوني
_ الله يسطررك كون
صفن بوجهي مصدوم اني بهاي الحاله وارد عليه
_ انتِ بيج شي اكيد لان مو صاحيه ابد
هزيت راسي بأي ماكده كلامي
_ اي بيه مداشوف بعيوني ليش هيج
رد عليه بدون خجل وأسلوب وقح
_ اي طبعاً ماتشوفين اذا انتِ تخرخرين دم من كل
مكان ، رجلج، وخشمج ينزف دم ، ووو ...
راد يكمل كلامه عطت بوجهة واني
احس خدودي صارن حمر من كلامه
_ اسكككت شبيك اسسسكت عيب عليك
_ اي شبيج غير جاي افهمج الوضع الي انتِ بي
ع هذا وضعج بعد مايبقى بيج دم

سكتت احاول اغير الموضوع فتحت عيوني
شوي وضحت الرؤيه عندي
_ وين جنت ؟
هز راسه بعدم مبالاه
_ اقتل الأعداء، عدوين الله
فتحت عيوني ع وسعهن اذكرت ابو نوح هم هيج
جان يحجي وقتها عرفت يقتل الناس
الأبرياء شهكت خليت ايدي ع حلكي
صافنه بوجهة وعيوني مفتوحه
ع وسعهن
نزلت ايدي
_ ششنو كلت ؟؟؟
قوس شفايفه ورد
_ مثل ماسمعتي
_ يعني تقصد بشر !!!
_ لعد حيوانات! اكيد بشر
شهكت مصدومه
_ اياااااا حقيرررر ايا ابن*****
ماحسيت الا أصابع ايده انطبعت ع خدي
ونص ايده صارت ع اذني بحيث حسيت
الطبله مال اذني انشكت وصوت صار حيل قوي
بأذني بسبب قوه الضربه
من الصدمه بقيت ماحجي بس حاطه ايدي ع خدي
هو وكف كدامي
عصبي لان سبيته بهاي الطريقه
ومسيته
_ انتِ مايجي وياج العين والاغاتي شو كومي
لزمني من ايدي وسحبني ورى
سحلني سحل واني احاول ابعده عني بس ماكدرت
طلعني من الغرفه
ومشى بيه برى شفته توجه للباب الحوش
هنا حسيت يبس الدم بجسمي
كل ظني راح يوديني الهم
لو يرجعني واصير تحت سيطرتهم
_ لالالالا وين ماخذني وييين
هو مايحجي
الا ان طلعني برى بالحوش وشمرني بنص
الحوش

بقيت كاعده بمكاني مصدومه راح دخل ماعرف
شنو يسوي ورى شويه طلع وبيده
سطل
ماحسيت الا شمر السطل فوك راسي
شهكت من بروده المي الي صارت تنزل ع جسمي
الجو جان حيييل بااارد وانوب جاب
المي بارد وشمره عليه
حسيت صرت اشهك اريد نفس يدخل
الصدري صرت قالب مال الثلج
جسمي صار يرجف رجف احس حتى اديه
ماحس بيهن

هو ابتعد عني سند ظهره ع الحايط
وحط رجله اليمنه ع اليسره هو واكف
طلع باكيت الجكاير من جيبه ورث الجكاره وحطها بحكله يدخن
كل ما يزفر الدخان يقلص عيونه ويباوع
الي بنظرات تخوف

اني شفايفي صارن يرجفن رجف مو طبيعي
سديت اديه ورفعتهن انفخ بيهن
اريد بس حتى يدفى جسمي
بس ماكو مايدفى وهو ما حرك ساكن بس صافن
عليه ويباوع بنظرات
لو بيه حيل الا اكوم اكسره تكسر وارتاح
منه ومن الي يسوي بيه
خلصت الجكاره شمرها بالكاع وبرجله
داس عليها وسحكها بقوه
وعيونه بعيوني واني مره عيني تروح ع رجله ومره
بعيونه
هو جان يقصدني بهاي الجكاره والسحكه
الي برجله
ارتفعت شفايفه بمكر اردف .

_ هيج اشربج وهيج ادوس عليج واسحكج برجلي

سكت بعدين استرسل بكلامه
_ انطيتج مجال اريد اعرفج انتِ شنو ، ومنو
ف لا تاخذين دور الفقيره والحبابه
اني اعرف هاي قوتج وراها شي
صار يتقرب مني ونظراته مانزلت مني خفت منه
وسحبت روحي للورى وهو يتقدم بتجاهي
الكاع تصكع من البروده
روحي فرفحت بس الخوف اقوه
فاتحه حلكي اسحب الهوى من حلكي مو من خشمي
اريد اكبر قدر ممكن من الهوى
ماحسيت الا وأدررّت ع نفسي فتحت عيوني
ع وسعهن
بحيث حسيت بالحروره نزلت دموعي
هاي بسبب البروده هيج صار بيه
نزلت دموعي ع حالتي
ليش هيج جاي يسوي بيه ليش هاي حالتي
وصلت بيه المواصيل ادررّ ع نفسي
وبسببه

ثنى نفسه كدامي و حط رجل ع الارض والرجل الثانيه
سند بيها ايده اتكه عليه
_ ترى لاتشوفيني اتعامل وياج
بأحترام واهتمام وساكت واداريج
رفع ايده ومشى أصبعه السبابه ع رموشي
واني عيوني ماترمش باقيه صافنه
بوجهه وارجف
رجع كمل كلامه
_ ترى هاي الرموش الطوال الي بعيونج اشلعهن
الج
رجع نزل أصبعه من رموشي الجوه عيوني
إلى أن توقف ع خدي
سحب خدي بالصبعه السبابه والابهام
واردف بصرامه
_ مفهوم كلامي !!
ماحجيت بقيت ساكته من البرد
هو بقى صافن بوجهي

ماحسيت الا حط ايده ورى ظهري
وضربني ع ظهري بقوه
روحي رادت تطلع من جسمي شهكت وكحيت
بقوه صرت اجر النفس
ايده ثكيلة وضربني بقوه
حجه بعدم مبالاه
_ لتخافين ع نفسج ما تموتين رب الكيتج متصوبه
ومشموره مامتي ف عاد هسه بهذا
الوضع تموتين ! اطمني
انتِ ام سبع أرواح مثل البزونه
نكول راحت الج روحين وحده من الطلقه
والثانيه من الخوف بقت اربعه اطمئني
بس هذن الاربعه اروحهن ع ايدي اني
اني صافنه بوجه
إلى أن وكف ع طوله وعافني وراح
ماعرف وين راح بس
راد يعاقبني بهاي الطريقه
المزريه

اني باقي بصفنتي مصدومه
إلى أن رجعت العقلي مديت نفسي ونمت ع ظهري بالحوش
ملابسي كلهن مي والكاع حيل بااارده
تلسع من البروده
رفعت عيوني للمساء صارت
بس هي الشي الي اشوفه
سحبت نفس دخل الهوى باارد
صرت اتشاهد بداخلي
" اشهد ان لا اله الا الله وأشهد أن محمد رسول الله وأشهد أن علي ولي الله "
صرت اردد بالشهادة واني عيوني
ع السماء مفتوحه حتى ما أسد عيني الا
ما تتعب فد مره يلا اغمضهن
وارجع افتحهن بسرعه خايفه لا أحد يجيني
إلى أن عيوني صارت
الوحدهن ينقفلت شكد حاولت اقاوم بس
ماحسيت بعد بنفسي وغمضت عيوني
نمت ما اعرف اغمى عليه
بسبب فقدان الدم

ورى فتره حسيت بشعري ينسحب
صحيت ع اثر سحبه شعري
وريحه جكاير قويه وحراره بوجهي
فتحت عيوني لكيته لاف شعري ع ايده يجر
بي ويدخن ويزفر الدخان مال الجكاير
بوجهي
اختنكت صرت اكح حسيت الدخان
كله دخل الصدري
_ اكعدي شنو نايمه .
صرت ارمش بعيوني احاول اصحى راسي
يأذيني وجسمي جامد من البروده
رجعت غمضت عيوني
ماحسيت الا مي طش ع وجهي
شهكت بقوه
احس راحت روحي هذا مخبل رسمي
شلون هيج يسوي
ماعنده ضمير ولا انسانيه ع الاقل يكون بشر
بالتعامل وياي
رجفت شفايفي
_ تدري شغله ؟
رفع حواجبه
_ اخخخ حجت اي بالله شنو هيَ الشغله
احجي !
_ بيك مرض نفسي بحيث تحب الناس تعذبهم
بأيدك او يتعذبون كدامك
هو يباوع عليه رجعت كملت واني ارجف
_ عبالك بهاي سوالف راح تضغط عليه
او تخليني وياكم لو تخوفني
يابه صدكني والخلقك ماراح اطولني ولا راح تمس
مني شعره
دخت بس بقيت متمسكه
والخلق هذا الجسد وبث الروح بي
ماراح تخسون انتوا توصلون وتمسوني
او تخوفوني وتخلوني اتبعكم بابا اصحى انتَ وغيرك
احنه ناس إيمانه بالله قوي
مو تجون انتوا الحثاله تريدون تخلونه
نتبعكم وانتوا تقتلون بدون سبب وبدك بارد
ناس مالها اي ذنب
انتوا مريضين والله مريضين نفسياً داخلكم مريض
كلوبكم مريضه عديمه الرحمه والإنسانية
قاتلين الله ماراح يرحمكم لا بالدنيا
ولا بالاخره
هسه لو تعذبني شكد ماراح اهتم
شفتني مهتمه وانتَ شمرتني هنا بهذا البرد
واني بهاي الحاله
هم ما راح اطاوعك واخليك توصل الغايتك
انتَ او غيرك ، مايهمني حتى
لو ترجعني يمهم
هي الروح وحده ولو الله راد ياخذها
ف ياخذها وعنده تكون احسن

اني احجي وهو صافن بوجهي
عيونه تنزل ع شفايفي وتصعد ع وجهي
احس كل كلمه اكولها تحرك بداخله
شي بس ليش ما يستسلم ما اعرف
شلون هيج غاسلين عقلهم الهاي الدرجه ماعرف
مارد عليه بس صفنته تشرح
هواي أمور عالقه براسه
غمض عيونه وسحب نفس
تقرب مني اني رجعت نفسي للورى بس
هو ماحجه شي
اخر شي رجع حط ايده
جوه رجليه وايده الثانيه ورى ظهري وشالني
شهكت وحطيت اديه ع حلكي
خجلانه من حالتي
كُلي مي وتوصخت ملابسي بس هو
ما مهتم تمشى بيه بدون ما يحجي
واني بقيت ساكته ارجف
إلى أن دخلنا جوه بالبيت
شكد ما البيت بارد بس مو مثل البروده الي برى
بحيث من دخلت البيت حسيت دفيت
لان انقطع الهوى البارد
من انسد الباب
دخلني للحمام
حجه وياي بهدوء بس صوته بي بحه مختلفه
ماعرفت افسرها
_ كملي وصيحيني راح اجيب الج ملابس .
طلع وسد الباب ورى
اني بقيت صافنه منين راح يجيب الملابس
ورى شوي سمعت صوته
_ الملابس هنا من تكملين صيحيني انطيهن الج

بقيت ساكته هو راح واني
صرت اغسل بجسمي ريحه الدم موتتني
لعبت نفسي منه
صرت امسح بجسمي بقوه وارجع أكرر
الحركه
رفعت راسي ادور اذا اكو شامو
بس مالكيت بس صابونه سحبت نفسي
الها وأخذتها اشتميتها ريحه الورد
غسلت بيها
بقيت حايره حجيت ويا
_ اانتَ وينك ، سريع اجاني صوته
_ ها
_ عندك نشأ ؟
رد عليه متذمر
_ شنو ناويه تسوين بي كاستر بالحمام
خجلت من طلبي صح وين اكو نشأ هنا
سكتت وبقيت صافنه
رجعت كملت سبح وبقيت بالحمام هوااي
طولت بدون ما اسوي شي
بس اريد ابتعد عنه وما التقي بي كل ما نصير
سوه لازم تصير شغله ونتعارك
واني مابيه حيل

إلى أن اجاني صوته
_ شنو نمتي بالحمام اطلعي يلا
_ كبر شبيك
_ اطلعي ومرض شتسوين بالحمام ادري
تخترعين الذره
هزيت راسي بدون فايده
_ انطيني منشفه اكو ؟
_ هييي اكول ترى انتِ ماكاعده بفندق ديانا
مثل مافشلني رجعت فشلته
_ ترى اني ماطالبه منك شوربه مالحه
رد عليه
_ اهووو راح تبقى تعيرني بيها
اني شعليه ردت اخلي ملح وانفتح القبق
ووكع الملح كله بالشوربه يعني مو مقصوده
سكتت عنه ضحكت بس ماخليته
يسمعني اضحك
_ هاا كتلي مو مقصدوه
_ اي قابل خايف منج
_ خوش

سكتت من سمعت صوت صرخه اجتي
بأذني
رجعت اسمع أصوات بأذني نزلت
راسي وحطيت اديه ع أذاني اصيح
" اسسكتوووا اسسسكتوااا "
_ ها هسه شنو انطيج ؟
هييي وينج الووو تسمعيني مو تحجي وياج
بدون ما احس طلع صوتي
" اااخ بابا ساعدني "
سريع اجاني صوته يحجي وياي ويدك بالباب

_ اطلعي يلاا لاتبقين بالحمام
شافني ما رديت صاح بصوت
_ راح ااادخل اذا ماطلعتي
_ ماا
_ شتحجيين انتِ حروف الجر اطلعي لا ادخل
الج
رديت عليه بتعب
_ لا ،انطيني العباه
هو مد ايده من الباب من بعد ما فتحته
لفيت نفسي لف بالعباه
وفتحت الباب وهو دخل شالني رجعني للغرفه
حطني ع السرير
واني ماعرف شبيه اسمع الأصوات برأسي
حتى دخت صرت اسمع صوته
يصحيني ويضرب وجهي بخفه
_ ااالو شنو نمتي
اني عيوني ماكدر حتى افتحهن احس روحي
ر

احت وجسمي باد حيله
حتى احس جسمي طار الهوى
ماعدت احس بي ع الارض
والأصوات صارت حيل عاليه وصوت طفل
يبجي براسي
اريد اصرخ حتى صراخ ماكدر
إلى أن قفلت عيوني من جديد

صحيت اباوع اني وين راسي صاير عبالك بي
حرب
اباوع ايدي مربوط بيها شي
رفعت عيوني شفت بطل دم !!!!
هاي شنو منو حط الي بطل مال الدم
اني وين ركزت بعدني بنفس مكاني
عبالي بالمستشفى
بقيت ارمش بعيوني إلى أن صار هو كدامي سألته مستغربه
_ هاي شنو البطل ؟
_ دم ، اتبرعت الج بالدم
رديت عليه لعبانه نفسي مصدوم
_ شنووو ، اااااايع دمك صار بجسمي هسه !!
ردت اسحب الصونه لزم ايدي
عاط بيه
_ والله الزمج واهبدج حتى دمي الي بجسمج
هم اطلعه هسه تاكلين *** وتسكتين
_ مااريد دمك هي كوه ، ايييييع وخر دم نكس يمشي
بجسمي
ضحك ورد عليه
_ اي ميخالف
_ ايييييع
صاح بيه بصوت فززني
_ بااااعي لج لا تخليني هسه انعل ****
فتحت عيوني
_ ليششش تغلط ترى انتَ الي *** مو اني
_ استغفر الله شلون تخليني هسه اكسر سنونها بحلكها
شلون زفره كاعده يمي
_ انتَ الزفرر
_ انتِ ولو ارش عطور الدنيا تبقين زفره
بجيت ماتحملت هاس المعامله
واحس صار ضغط عليه فد مره
هو سكت بعدها حجه
_ باعي اسسسكتي
كال هيج وطلع من الغرفه

ورى شويه اجه دخل شايل صمونه وطماطيه
حطهن كدامي رفع عيوني اباوع عليه
هو صفن بوجهي
_زين انتَ جبت اكل وهذا بطل الدم شنو
_ الاكل ويا بطل الدم يصير بطلين اكلب يفيدج
رفعت حاجبي
_ شنو هذا الطب الي عندك احسه مطور
_ اي شعبالج هسه اكلي شكد تحجين
سكتت اباوع ع بطل الدم رجع سألته
_ منو علك بطل الدم الي
_ اني
_ انتَ ؟؟؟.
_ اي اني شبيج مستغربه
_ منين تعرف
_ شفت واحد شلون يعلكه واني تعلمت منه
_ من اول مره ؟
_ اي
_ هاا شاطر
_ اي احسن منج
صار هدوا واني مالي نفس اكل بس احاول
_ شكو لابسه عباه عبالك شكل خالتي جايه من المقبره
صفنت بوجهة وين رجعني تذكرت مكانه بغداد
وشلون جنه نروح زياره للنجف
نزلت راسي عيوني انملت دموع
حجيت ويا بصوت طلع متشحرج
_ شيل الاكل ماريد اكل
_ اكلي اكلي لا الطمج ع حلكج اطلع دمي منج
سحبت نفس استغفر الله
_ اكول يا ابو دم اني ماجابرتك تنطيني دمك ع اساس
اني ميته عليه وصار يمشي بجسمي انوب
_ المفروض تشكريني
_ اي اي

خلص بطل الدم وشاله
وهيج استمرت الايام مرن ٣ ايام بالضبط
واني ع نفس وضعي
ما اطلع من الغرفه غير بس للحمام
وهو يجيب ويا الاكل حيل خفيف
مرات طماطه وخبز ومرات شوربه
هو من يطلع من البيت يتأخر هواااي بحيث ابقى
خايفه رغم هو وجوده هم يخوف بس اهون
من يتركني الوحدي
اخاف ع لحظه يدخلون عليه ياخذوني
ماعرف من يطلع شنو يسوي
هو يكول اقتل أعداء الله واني هاي الكلمه بقت براسي
محاول ولا مره يفهمني الوضع بالضبط
بالعكس يخليني ابقى بالاوهام والخوف
مالتي ولا يحاول يطمني ابد
بمره جان راجع من برى دخل سريع
وقفل الباب استغربت شكله جنت هستوني
طالعه من الحمام بالكوه امشي
اكمز ع رجلي واسحل نفسي سحل
إلى أن اوصل للغرفه بس شفته
دخل سريع وسد الباب وقفله
اني مشيت دخلت للغرفه بس صحته هو اجه ورايه

_ ها شنو رايده
_ تعال اكعد اريد احجي وياك
_ شنو تريدين تتونسين براسي
_ اهووو يعني مايصير احجي ويا
_ يلا وهاي كعدنا احجي
_ اي عفية، من وين انتَ ؟
رفع حاجبه توقعت راح يغلس بس جاوبني
_ من الموصل
_ شنو اسمك الحقيقي
_ ابا العاصم
_ متأكد هذا اسمك الحقيقي ؟
_ اي
جان يرد بهدوء وكأن الاجوبه حافظهن
_ زين ليش تتعاطف وياي ؟ شنو غايتك ؟
_ بدون غايه
_ زين شلون جبت الملابس؟
رفع حاجبه وابتسم
_ الزوجتي
انتفضت من كلمته
_ ااااني مو زوجتك
_ اي لاتحجين هواي
_ انتَ واحد منهم مو ؟
_ اي
انعصر كلبي الجوابه اتمنيت يكون العكس
_ اذا منهم ليش ماتغلط مثلهم
سحب نفس ورد
_ اختلف
_ بشنو ؟
_ بهواي أمور
_ يعني ؟ زين شنو السبب الي يخليج الهسه
ماماخذني الهم ع الرغم راح تحصل فلوس
من ورايه
هز راسه بهدوء ونزل عيونه عليه صارت
تنتقل بين ملامح وجهي حتى خفت منه
_ ليش اوديج الهم خوب اني استفاد منج
عقدت حاجبي بأستغراب
_ بشنو تستفاد مني
_ حتى ادك بفركج
_ هااا وشنو حلوه ؟؟
سند ظهره بأرتياح ورد عليه
_ احيانًا احب العب بأعصابج حلوه هل شغله
_ دومك مستفزز انتَ
_ احياناً ، خلصتي هسه اجه دوري

باوعت عليه بأستغراب
_ شنو
_ اسألج وجاوبيني بصراحه لان اعرف الجذاب شلون تصير حالته وشوكت يجذب ، منين انتِ
_ شنو الي يخليني احجيلك ؟؟؟
وشنو الي يخليني مجبوره احجي
رفع ايده الفكه وفرك مكان اللحيه مالته
_ باعي انتِ حالج حال البنات السبايا الي اخذوهن
والي نقتلن وغيرهن وغيرهن
اني صافنه اباوع عليه شنو يحجي واريد
أفهمه
رجع استرسل بكلامه
_ يعني ماتفرقين عنهن بشي انسانه انتِ مو متخفاية فقط إذا انتِ جايه ضدي ماتكدرين تحجين
ولا تسولفين
رمشت بعيوني كتله
_ هاا ؟
_ اي مثل ما اكول الج بس ما شاك انتِ جاية ضدي
لان اني لكيتج
لكن هذا ما يمنع اشك همَ حاطيج بنص الطريق
صفنت هذا يحجي علينا لو عليهم
سألته
_ والطلقه الي برجلي ؟
همهم بهدوء وهو يدك بأصبعه ع الخشبه
بحيث صار تركيزي ويا الدكه مالته
_ هاي الشغله تشيل شوي من شكوكي
اتجاهج
_ انتَ غريب اذا تشك بيه شلون تحجي وياي بكُل شي
وعادي عندك.؟
_ ما احب اللف والدوران انتِ منين
_ من بغداد
نزلت عيني ع ايده مستمر يدك ع الخشبه حتى وترني
_ وشجابكم للموصل ؟
_ شغل ، ابويه عنده شغل هنا واستقرينا

لف راسه مثل اللعبه بحيث حتى
دكات كلبي صار سريعه حسيت نفسي بفلم
رعب وجاي يستجوبني
شنو هذا شبي
جاي يطبق براسي اساليبه
_ ليش ماطلعتوا من الموصل
سحبت نفس قوي تذكرت ماما شلون جانت
تتوسل بي
_ ماجان يعرف راح توصل الهاي المواصيل
ونتشتت بسبب دخولنا هنا
وميعرف بيكم انذاال راح ادمرونا
ضرب الخشبه ورفع ايده
_ صكيطه بدون غلط
_ هااا وليش يغثك هذا الشي
_ كلش
_ هاااا وميغثك من تلعب بأعصابي وتتلفهن
عادي عندك حلال عليك وحرام عليه
رفع حاجبه
_ مو كأن تحجين هواي
كزيت ع اسناني ونترت بوجهة
_ لازم ماعاجبك ؟؟؟؟؟
_ لا ، هذا كلام زايد جاوبي بس ع سؤالي
حجي زايد لاتحجي
اسمج الحقيقي شنو
_ نارا
_ هذا الحقيقي ؟
_ اي

عافني وطلع بعد ما اكتفى من الي
هو يريده ماعرف إذا اكتفى فعلاً او لا لان
الواضح كلامه مُبهم وتصرفاته
تخوف

مر الوقت اني جنت نايمه
بس بين النايمه والكاعده حسيت
ع شي
يمشي ع خدي توقعت حشره او هيج شي
ما أخذت الموضوع بجديه
ورى شويه حسيت
صارت تتحرك اكثر اني جسمي خامل
من الالم والتعب
ثواني وحسيت اكو حروره قريبه من رقبتي
جمدت من صحيت الغرفه
جانت ظلمه ومايبين منها شي
هذا ابو عصام رجف جسمي من قربه
مني جان حيل قريب وتصرفاته
تخوووف ضغطت ع ايدي ماريد يعرف اذا
كعدت راح يتمادى اكثر يمكن
هسه يعوفني
رجف جسمي من تقرب اكثر وارنبه
أنفه لامست رقبتي
اصبع ايده السبابه جان يمشي ع خدي
بهدوء حتى ما اكعد بس
اني اضطربت انفاسي وصدري صار
يعلى وينزل كتمت انفاسي حتى
مايحس بيه
بس احس عركت فد مره
فتحت عيوني ع وسعهن من حسيت
باسني بخفه برقبتي
هنا كُل حصوني انهدمت ومن رجفه جسمي
واضح عليه كاعده
ثواني ورفع راسه لأذني صدمني
من حجه وياي بس جان صوته يختلف
يحجي بهمس

_ أتنفسي يُبا لا تموتين .

بعدها عافني وطلع كُل هذا واني تحت
الصدمه هذا شنو سوه
شنوو يريد يسوي
حسيت كلبي راح يطلع من مكانه
اول مره شخص يتقرب مني بهاي الطريقه
كعدت حاطه ايدي ع كلبي
يدك بقوه
حتى النومه طارت من عندي
واليل كُله ما نمته
ثاني يوم ماكدر حتى احط عيني بعينه
حيل خجلانه منه بس
هو ولا كأن صاير شي
طلع ورى فتره رجع جانت ملابسه
متربه إلى درجه وحالته مبهذله
خلاني صافنه بيه
لزم وكعدت كدامي اني بقيت صافنه

_ خلينه نرجع نكمل كلامنا مال البارحه
_ كلام شنو ؟
سكت وبقى يباوع عليه بعدين
حجه بهدوء كأن داخله بتحقيق
حتى استغربت من طريقه كلامه حسيت ورى شي
سألني
_ شلون اجوي الكم واخذوكم ؟
_ منو همَ
_ الدوله
رجعت ذاكرتي الهذيج الايام وشلون اجوي
كان صرت احجي ويا نفسي
واني ارد ع سؤاله
_ اجوي ع جيرانه واخذوهم بعدها صاروا
يجون بين كل كم يوم ومرات يوميه
يجون يدورون ويأخذون الي يعجبهم
حسب حاجتهم بيهم قتلوهم وبيهم
اخذوهم للميدان مثل ما تسموا انتوا والي يحجي
حجايه يضربوا يعني انتوا
سكتت ودنكت راسي
_ اي كملي
_قبلها بيوم اجوي رادوا ياخذون واحد من المنطقه مالتنا جان عنده ٦ بنات قتل بناته وزوجته وبعدين انتحر وراهن وماخلاهم ياخذون بناته
هاي الحادثه سببت االنا الهلع
وراها اجوي علينا

ساد الهدوء بينه طلعني صوته
_ ابوج وين ؟
سؤاله هذا حسيت جاب السجينه وحطها بكلبي
غمضت عيوني ورجعت فتحتهن
احس دكات كلبي زادت وانفاسي علت
حتى صدري صار ينزل ويصعد بصوره سريعه
جاوبته وصوتي خاني طلع متشحرج
اثر الغصه الي كاتمتها
_ اول ما دخلوا علينا اثنين رادوا ياخذونا
بابا قتلهم وماخلاهم يسحبونه
كال ع جثتي اخليهم ياخذوكم وحاربهم علمودنا
بعدها ،
دخلوا شافوا ابويه بيده سلاح وهذول ميتين
بدون ما يتفاهمون
حطوا طلقه بنص راسه وقتلوا بنفس
المكان
وصدُك مثل ما كال ع جثته اخذونه
نزلت دموعي رفعت ايدي سريع
مستحتهن انصدمت من سألني
_ محمد ؟
رفعت راسي مصدومه
_ شنووووو ؟
_ اخوج محمد ؟
نترت بعصبيه اعصابي تلفت منه
_ شمدرررريك بأخويه

بسط اديه كدامي ورد بهدوء
_ انتِ ونايمه مره سمعتج تهذين بأسماء
مافهمت وبعيدين يلا فهمت
وبالعلامه سمعت اسم مينا وكررتي اكثر من
مره
سكتت حايره بكلامه
رفعت اكتافي بعدم مبالاة
_ حتى لو تعرف عني شغلات ف ماراح تخوفني
بيهن
_ لا يروح بالج بعيد هو اني بس سمعتج
تهذيج اطمئني
_ هاااا
_ اي ، ليش ملتزمه بصلاتج الهسه ؟؟
_ يعني بشرفك اذا عندك شرف يعني ، هذا هم سؤال !!!!
ماكو شي اتنفس بي من ضيق هاي الدنيا
بس صلاتي هي الوحيده الي
وياي
منفذي الوحيد وخلوتي الي اكدر بيها احجي الي
اريده واكو رب بالسماء يسمعني
ويسمع كل كلامي
طول بنظراته اتجاهي
_ اشوفج تحبين الامام علي هواي ؟
صفنت هذا شعرفه يعني سامعني اكيد
بس حتى لو سامعني مايهمني وحبي اله فخر
سحبت نفس وزفرته بخنكه
_ اااه ياعلي
_ ها ؟
_ شلون ما احبه لا عبالك اخاف منك ، هذا أمامي
هواي نخيته بجاهة عند الله و وكف وياي
هذا ابو الأيتام واني يتيمه هواي وكف وياي
حسيته فعلا اب الي مو بس أمام
حسيته صفن وبعيونه لمعه ماعرفت
افسرهن
واني ماسكتت ع ربي يهدي
_ مو اخذوني وهذا الي اسمه ابو نوح
اخذني هواي عذبني وخلاني اجوع
دمرني وضربني واكثر من مره ضربني ع كلبي وهو
جان لابس بسطال جبير
واستمر يضربني وراد يعتدي عليه
وبكل مره الله يوكف وياي ومن اكول اسم أمامي
احسه موجود وياي ويساعدني

ابتسم بوجهي
_ مهووسه انتِ بالامام علي
_ إلى أقصى درجه ممكن تتخيلها
_ شنو الي يخليج قويه الهذا الحد وبهذا الوقت ؟
استغربت سؤاله بس جاريته بكلامي
_ باوع ابويه مات كدامي هذا الشي بحد ذاته
يدمرني
واني ماشايفه شخص ينقتل كدامي من
قبل مو انوب ابويه بس مع ذلك قويه ما انطي نفسي
حسيت عدل نفسه وسألني
_ شلون ؟
_ مو استشهدوا اهلي
_ اي
_ بس احسهم وياي همَ بكل خطوه وياي يباوعون
عليه
_ اشوفج ملتزمه بهواي شغلات ؟
_ اي ابويه جان يعلمني
_ شنو يشتغل هوَ
_ بنقل السيارات وهيج
_ هاا
_ اي وهو دارس حوزه فجان يعلمنا مو بس هيج
هو دارس طب نفساني
_ حلو
سكتت شكله ماعرف بشنو يفكر

_ انتِ تثقين بيه ؟؟
عقدت حاجبي الهذا سؤاله
_ للأسف لا حتى الصفر هواي عليك
_ تدرين شغله
_ شنو هيَ
_ فكرتج هواي يمهم انتِ
_ شلون ؟
_ شنو احاجيج ترديني واي تصرف يبذر منج اضربج
رفعت اكتافي بعدم اهتمام
_ جنت يم ابو نوح وانصدمت هواي ف ليش
ابقى مصدومه الحد هسه
_ ها يعني شبعج دكاك هناك يمه ومتعوده
_ مُمكن تاكل تبن
_ نااارا السانج
_ شايف لو رجلي مابيها شي
_ اي بالله شتسوين
_ قسم الا اكوم اسحلك هنا
ضحك بصوت عالي واهتزت اكتافه رد عليه
_ ايباااااااه

_ منين انتَ
_ من الموصل
هزيت راسي مامصدكه بكلامه
_ ماصدك بيك لو فعلاً من الموصل جان
حجيت موصلي
_ شعرفج انتِ اني متعدد اللهجات والغات
فتحت عيوني مصدومه عبالج ديجذب
عليه
_ شنو انتَ تضحك عليه
_ لا بابا ليش اضحك عليج
_ شتعرف انتَ
رجع سند ظهره طلع جكاره ورثها وصار يدخن
_ اعرف لهجات العراقيه اماراتيه وغيرها متنوعه
اعرف لغات منهن الانكليزيه والتركيه
هزيت راسي بتعجب
_ جيد جيد
_ شعبالج بابا إمكانيات

_ بس انتَ الحد الان ما انطيت ملعومه عنك
ارتفعت شفايفه نمت ابتسامه عليها ماكره
_ حجيت عني معلومات بس انتِ ماتفهميهن
شسوي اذا انتِ غبيه
انتفضت من مكاني وضرب
ايدي ع الفراش رديت عليه بأعتراض
_ بااااالعكس افهم ااااني مو غبيه
وكف ع طوله واشر بأيده
_ شايفه هذا العامود ؟؟؟
هزيت راسي
_ اي شبي ؟
راد يجاوبني واندك الباب
جمدت بمكاني منو هذا
هو رفع ايده حطها ع شفايفه وسوه الي
علامه انُ اسكت
همس بصوت ناصي
_ اششششش
بقيت بمكاني خايفة راح طلع ورى عشر دقايق
رجع
_ راح اطلع لاتخافين
_ منو هذا الي دك الباب
صفن بوجهي وبعدها رد بنظرات مافهمتها
_ ميخصج لا تسألين اسأله اكبر منج
عافني وطلع خلاني بحيرتي

بقيت وحدي كاعده صفنه تجيبني وصفنه
توديني
اني شلون بيه صارلي هواي بهاي
الحاله هاي دخلنا بشهر الثالث
يعني صارلي سنه و ٣ أشهر ع هاي الحاله
من مكان المكان ومن خوف الخوف اكبر منه
حتى ما أعرف اي شي عن اخواتي
ولا شنو الي بيهن
اذا هنَ ميتات او عايشات
ولا اعرف اخواني وين راح بيهم الوقت
اذا هم عايشين او لا
ماما ، بابا
صرت افكر بيهم
اخخخ يانارا شلون تحملتي كُل هذا
شنو يريد يصير بيج بعد اكثر من هيج
وانتِ فاقده كُل شي

هذا وين راح مايحس اني مريضه
ولازم يبقى وياي اذا احتاجيت شي
شلون ابقى هيج إلى أن يجي
خلاني مثل الحيوان هنا وقفل عليه البيت
ضربت رجلي
زين هذا ليش مو مجرم مثلهم لو صحيح مجرم ؟؟؟
لو هو دارس كل خطوه يخطيها
ومايخليني اعرف هو مجرم
بعدني دافكر

ماحسيت الا صار صوت خطوات
حسيت ع احد ديمشي ع كيف اني تأكد هذا مو
ابو عصام لان هو يدخل مثل الثور
الهايج
اما هاي الخطوات مو اله
حسيت كلبي صار يدك وجسمي يرجف
سحبت روحي للزاويه مال السرير
شديصير منو هذا احس بالخطوات
شوي شوي صارت قريبه من الباب
صارت يده الباب تتحرك بهدوء إلى أن نزلت واني
لازمه السرير بقوه خايفة
ما اشوف الا الباب انفتح ودخل
فتحت عيوني ع وسعهن مصدومه
صرخت بصوت عالي
" ششششششششنوووو هذا انتَ " !!!!

ــــــــــــــــــــــــــــ•●•ـــــــــــــــــــــــــــــ

توقعاتكم ؟؟

قلبي انتوا انتبهوا ترى دانزل بين
يوم ويوم ليش تكولون
دتأخرين بالتنزيل ؟
والبارت داكتبه اكثر من 5k كلمه
ومرات اقل بشويه ومرات اكثر حسب الأحداث
الي توصلني
ليش تكولون قصير ترى والله طويل
بس انتوا ماتحسون بي
حتى بسبب هيج شي ديخرب واهسي
تقرون سريع وعبالكم
الي اكتبه بيوم ونص تقروا بعشر دقايق وأقل ،
لهذا انتبهوا ع التنزيل عيوني