الربتج " حالك الاسوداد " الفصل الحادي وأربعون 41 - بقلم رهف علي

عندما تحدثت نارا
قالت :-
"يُغريكَ هذا النورُ بي لا تقتربْ
‏نارٌ أنا في موطنٍ رثٍ خَرِبْ
‏لو كنتَ تحسبُني بلادًا إنّنِي
‏مَنفَى إذا منْهُ اقتربتَ ستغتربْ
‏أوْ كنتَ تحسبُني هدوءً ما أنا
‏إلا الهياجَ فلو دنوتَ ستضطربْ"

عجباً ع من كان زماناً أهل لي والان اصبحوا سهماً بات في فؤادي
عجباً ع من كان يجب أن يكون قوهً لي اما الان أصبحوا مصدر خوفي
كانوا في الماضي قوسً مُجهزاً و الان أطلقوا في اذرعي و فوق ومن تحت ومن جوانب حطامي
قد قالوا من انتِ في يوم ملجأي ولكن !!! تقدموا من تحت السرابُ و دمروا استقراري
قوه فوق ضعف هلُكت حياتي
تجبر فوف صعاب عانيت من زماني
ايجب ان يكون الثمن ذرات من حُبي وضياع أحلامي ؟
ام ان لي شيء آخر ركيك ، سليط ، مُهاجم في اوج سعادتي !
انا اُشاهد انا أرى انا ااعـــــيش .

قطرات ماء في غرفه قامته الالوان ذات عُتمه في النور
زخات مطر أصوات تلخبط الأشجار في الجدار
أصوات عويل حيوانات مُخيفه
طُرقات وأصوات اقدم مُختلفه !
انا أين في قاع اي جُحر
في قاع اي بئر !

حاولت افتح عيوني لكن الالم الي حسيت بي برقبتي شل حركتي
انيت بألم حاولت بكافه الجُهد لكن بدون فائده قاومت إلى أن كدرت افتح عيوني توسعت من هول الصدمه المكان جان مُظلم بشكل مُخيف
اليل حااالك الأصوات زادت من خوفي أكثر وأكثر حاولت اتحرك بس ماكدرت لان اديه مربطه بحبل ورجليه مربطه سحبت ايدي مره واثنين
وعشره بس ماكدرت شهكت بخوف اني وين !!!! المكان أظلم وبس ضوء القمر يطُل من الشباك ذات فتحه صغيره من أعلى الحايط
ماكو احد يمي والمكان ماكدر اشوفه شلون شكله بس شكل المكان
منقطع لان ماكو اي أصوات يدُل ع وجود ناس قريبين مني يارب
اني وين ومنو الي اخذني ما اذيت بشر منوووو الي سوه هيج !!!

صرت اتحرك بصوره عشوائيه وسريعه احاول افتح الحبل بس ماكدرت
لان مشدود بقوه تعبت واحس قوتي خارت وماكدرت اتحرر خايفه كُلش خايفه وادركت هسه الخطأ الي ارتكبته والفداحه العارمه الي ارتكبتها اني هسه بين أدين شخص مجهول ومو بس هيج لا الاتعس
هو مجنون وماعرف شنو مُمكن يسوي بيه ولا شنو بالضبط الي يريده مني

شُعاع هسه وينه ليش الهذا الوقت ما اجه معقوله ماكدر يلكاني زين اني صار الي شكد هنا بهذا المكان ؟؟؟ ساعه ساعتين لو ساعات
عرف شُعاع بيه مخطوفه لو شنو الي عرفه ؟؟؟
بجيت بقله حيله مو بس خوف من المجهول لا وأنما خايفه شنو يكون مفكر بيه شُعاع

نفذت طاقتي المكتومه وصرت اصيح بصوت عالي ع الاقل خلي يجي هذا الشخص يواجهني احسن من ما اكون ماعرف شنو الوضع الي اني بي ، مننننننننووووو هناااااااااا ! اااااااانتَ ياهذذذذاااااا
ووووينك ؟؟؟؟؟ شنو مايسمعني وينه المشكله حتى المكان عتمه
وما اشوف ضوء خفيف مال القمر والله شكلج يانارا رحتي بيها
وراح تموتين هنا ومحد يعرف عنج اي شي وماراح تشوفين شُعاع مره ثانيه ، رجعت صحت بصوت أعلى هي موته وحده لو اثنين عليك يا الله توكلت ، ااااااااالوووووو منوووو انتَ اذا تسمعني
شكو خاتل لو تخاف؟ الجبااااااان وييييييينك اطلع شوفني شكلك
الخايس مثل أخلاقك

هم ماكو اصيح واصيح وصوتي اختفه راح من الصياح حسيت بحركه برى الغرفه سريع سكتت وجمدت بمكاني اراقب المكان جف ريقي
وصرت ارمش أكثر من مره حتى استوعب هذا الصوت الشنو بالضبط معقوله صوت حيوان مُفترس لو هو نفسه الحيوان البشري ؟

بقيت ساكته اراقب الحركه شوي شوي صارت تزيد أكثر خفت
وانرعبت هسه لو اكو ضوء ع الاقل اكدر اشوف مو هيج احس نفسي صرت بدون نظر ، ماحسيت الا فجأة و يكمز شي بوجهة
صرخت خايفه واني اكمز بمكاني ماعرف ليش حسيتها فاره يمه كلبي صار يدك بقوه ماخليت كلمه ماكلتها شكو مسبه بكلبي طلعتها
ع هذا الحقير الي حابسني هنا لان بسببه اني بهذا الوضع

تعبت وهلكت ومر الوقت هواي هواي مر وماعرف شكد الساعه
بالضبط حسيت النعاس غلبني قفلت عيوني ونمت كُل شويه افز لان ما مأمنه للمكان وخايفه لا يجي واني ما اعرف بس النعاس موتني والتعب هلكني حتى عطشت واديه ورجليه حيل صارن يأذني من الحبل اخر شي غفيت بدون ما احس ع نفسي

ورى ما غفيت ماعرف شكد بالضبط بس اعتقد مو هواي فجأة حسيت اكو شي جاي ينحط ع عيوني فزيت مخترعه اصرخ وهو يشد بعيوني ماكو ضوء شكله بعده دنيا اليل بس هو يريد يسد عيوني اعتقد حتى ما اشوفه صرت اتلخبط بين اديه احاول افك نفسي بس هو لازمني حيل قوي وكدر يشد عيوني ودفعني من كتفي حيل قوي
بحيث وكعت ع ايدي حسيتها رادت تنخلع من مكانها طلعت مني الاااااخ كُلش عالي ما اجه منه اي شي واني اتألم من دفعته الحقير

صرخت بصوت عالي ، ااااااانتَ حيووووووووان بششششري ،
ضحك بصوت حيل عالي اني سكتت احاول استوعب اريد أميز اذا اعرف هاي الضحكه لو لا ! بس المشكله ماااعرفت منوووووو

هزيت راسي بقوه وصرخت ، منوووو انتَ احجي شبيك ؟؟؟
صار هدووء قوي شويه وحسيت ملمس ع خدي فزيت ورجعت راسي للورى صحت بي ، وووووخر مني لاتلزمنننني ، الحقير ماسمعني رجع حط ايده ع خدي واني فرفحت روحي القذر شلون يلمسني ماريد أبين نفسي كدامه ضعيفه ماريد ، شششبيييك ماتسمممع داكول لاتلمسسني وخر ايدك القذره عني اكسرها لك

- ههههههه شلون تكسريها شوفيني
- نارا :- سكتت اتنفس بقوه اول مره اسمع صوته بس ماعرفته منو ، منوو انتَ ؟
- مو مهم
- ااااحجي منو انتَ لاتخبلني ، حسيت بانفاسه قريبه مني همس بهدوء
- راح تعرفين بس مو هسه
- شنو انتَ تلعب عليه احجي
- لا ادوخيني
- شكووووو اخذتني ليش تهددني شبيك انتَ مخبل احلف عليك
عبالك اني خايفه منك تخسى اخاف منك
- واضح
- شنو اسمك ؟
- تحبين تتعرفين عليه
- ااااايع شكو اتعرف عليك بس اريد اعرف
- بعدين
- اي عرفت انتَ شنو اسمك
- اي ؟
- صحت بي ، حيووووووان بشششري
- انجبي لج لا اكص السانج
- افتح عيوني خلي اشوف ، سكت ثواني بعدها رد بصرامه
- لا

اني هم سكتت احس الصوت سامعته بس وين ماعرف وبنفس الوقت ماعرفه لان واضح هذا الشخص مو من أقارب شُعاع يعني ماسامعته من قبل ، سحبت نفس واحس جسمي صار يرجف من البرد والخوف بنفس الوقت كلت بلكت يجي بالطيب والكلام الهادئ قوي نفسي وحاولت امثل عليه بصوتي عيوني بعدهن مشدوده ماكدر اسوي أكثر من هيج

- الله يخليك فهمني انتَ شنو الي تريده مني اني اذيتك بشي ؟
ليش هيج خطفتني وقبلها تهددني وكلامك كأن طالبني ثار
اي غير افهم اني شنو مسويه اني عندي عائله وهم هسه قلقه عليه حرام عليك ، سكتت اريد اسمع الرد مالته بس الهدوء قاتل
ورى دقيقه صدمني بالرد مالته
- اني اطلبج ثأر وهذا الثأر حيل قديم وهسه اجه وقته .

- عنقاء :- جنت ملتهية ويا ابني مريض وحالته حاله انطيته العلاج ونومته طلعت ع كيف ورديت الباب ورايه بس تركته مفتوح حتى إذا
كعد اسمعه دخلت اكمل شغل المطبخ وما اشوف الا باب الشارع
ينفتح بقوه وينضرب بالحايط فزيت فزه قويه وصرخت خايفه خليت ايدي ع كلبي كُل ظني واحد غريب بس الي صدمني دخول الشذام
وبهاي الطريقه الغريبه اول مره يدخل هيج سريع ، قبل لا افتح الباب مال المطبخ هو فتحه ودخل يتنفس بسُرعه ، شششكو شصاير ، خوفتني ليش فتحت الباب بهاي الطريقه ؟؟؟

- الشذام :- مو وقت اسأله كولي نارا هم اجتج ؟؟؟
- عنقاء :- تقصد اليوم
- الشذام :- ااااي اليوم بالضبط بعد الدوام أو قرب الظهر يعني قبل الساعه 12 الظهر
- عنقاء :- عقدت حاجبي مستغربه اول مره يحقق وياي وعن نارا !!! ليش تسأل صاير شي خوفتني
- الشذام :- جاااوبي عنقاء
- عنقاء :- لا والله ماشايفتها صار الي فتره حتى مكالمه نادراً نتصل ع بعض
- الشذام :- استغفر الله
- عنقاء :- اباوع عليه ضرب الباب بأيده قوي فزيت من الضربه ، ششششكو غير افهم رعبتني نارا شبيها
- الشذام :- عنقاء
- عنقاء :- كول ترى وكفت كلبي نارا صاير بيها شي الله يخليك احجي احس كلبي راح يوكف من الخوف عليها ، ااااحجي اختي بيها شي
- الشذام :- نارا مختفيه صار الها ساعات
- عنقاء :- شهكت بصوت عالي ، شنننننننو !!!!!!
- الشذام :- اي والله وماكو فص ملح وذاب ومحد يعرف وينها

من قوه الخبر احس دخت ردت اوكع سريع سحب الكرسي وكعدني
بجيت بقله حيله رفعت راسي احجي ويا واني ابجي
- عنقاء :- اختي وينها شذام
- الشذام :- ماعرف ماعرف
- عنقاء :- شلون ما تعرف هي اليوم بالدوام دورو عليها زين اكيد كاعده بشي مكان هي كُل ما تذكر اهلها تكعُد بمكان معزول تبجي وبعدين ترجع توكف ع طولها وترجع قويه يمكن هل مره هم هيج !!!!
اباوع عليه هز راسه بيأس
- الشذام :- هل مره تختلف هل مره نارا ماكو اي اثر الها
- عنقاء :- خليت ايدي ع راسي ، لا تكولها الله يخليك سووو
شي مو انتوا بالدوله سووو شششي الكو اختي دورو عليهاااا
- الشذام :- جاي ندووور صارلنا ساعات وماكو اي نتيجه

- عنقاء :- فزيت ، وشُعاع ؟؟؟؟؟؟
- الشذام :- تعالي شوفي حالته صاير نار كبرى مايتحاجه ياهو الي يجي كدامه ينطي خبر سلبي يخلي بوجهة بوكس يخلص عليه
وهو طالع يفتر يدور عليها ماترك مكان ما راح اله مشتشفيات مراكز شرطه ، جامعات، معاهد ، كلها بس ماكو آلها اي اثر
- عنقاء :- وهسه شنو تسوون الله يخليك احجي
- الشذام :- مو وقتها لازم اطلع اني اجيت بس حتى اسألج واتأكد
لازم ارجع الشُعاع هذا مخبل هسه يسوي كارثه
- عنقاء :- راد يطلع و لزمته ، وين رايح واااني لاتخليني هيج ترى اتخبل
- الشذام :- اني أبلغج اذا لكينا شي لازم اطلع تعالي قفلي
الباب ورايه بسرررررعه

- عنقاء :- صاح بصوت عالي وطلع يركض ركض مو يمشي واني ركضت ورى قفلت الباب كعدت ابجي وين نارا وين راحت معقوله انهزمت بس ليش تنهزم هي ماعندها شي وحياتها مستقره
شنو صاير وياها ماريد افكر بشي سلبي ماريد افكر واكول يمكن مخطوفه ياربي كُل شي ولا مخطوفه احس كلبي عصرني هاي اختي الي ماجابتها امي شلون اذا هسه هي بوضع حجر وتحتاج مساعده وماكو احد يمها شششلون ياربي ساعدها يارب عينك عليها وانقذها بأي مكان هي بي ورجعها النا بالسلامه

وكفت ع صوت ابني يبجي شكله كعد ركضت اله اسكت بي
واني ابجي وادعي النارا ترجع بالسلامه اتصلت ع لُجين هي هم
حالتها حاله وتبجي الواضح الخبر طش بسُرعه لان الكُل طالع يدور
عليها وصايره هوسه يارب جيب العواقب سليمه.

- الشذام :- طلعت من البيت اركض اريد بس اوصل لشُعاع اعرفه
هذا مخبل هسه يقلب الدنيا فوك روسهم امر من ما سوه قبل لا اجي صعدت السياره واجاني اتصال من عابد فتحت الخط قبل لا اسمع صوت عابد سمعت صوت شُعاع يصيح من بعد الصوت اجه ترس اذني ، ها عابد شنو صار ؟
- عابد :- يمعود تعال الحك
- الشذام :- خير صار شي جديد ؟
- عابد :- لا بعده بس شُعاع وكف الكل ع تك رجل وبس واحد غلط بشغله كوم الدنيا وما كعدها
- الشذام :- ابقى يمه اني راح اوصل
- عابد :- لا تتأخر يمعود
- الشذام :- لا والله هسه اوصل
- عابد :- انتظرك

غلقت الجهاز وشمرته زفرت انفاسي بتعب الحد الان ما اتخطى شلون شُعاع اجاني كأن فاقد روحه احسه مثل المجنون
جنت كاعد اشتغل بالمكتب وما حسيت الا اتفتح الباب وانضرب بقوه عبالي واحد من الجنود بس طلع شُعاع شكله جان كبريت وعيونه
نظراتهن غريبه وكفت ورحت اله اسأله

- الشذام :- شبيك شُعاع ؟
- شُعاع :- مرتي مااااكو
- الشذام :- شنو ماكو تقصد انهزمت ؟ هو اني كلت هيج لو جابني بوكس طير بي وجهي ، صاح بعصبيه
- شُعاع :- شششلون تحجي هيج هييييييي ***
- الشذام :- بس أهدأ فهمني شنو السالفه
- شُعاع :- اليوم الصبح وصلتها بأيدي للكليه ومن خلص الدوام
رحت ردت اخذهااا مالكيتهااااا لك شذذذذام مرتي ماكووو مختفيه
ماخليت مكان بالكليه يعتب عليه ما دخلت بي وماكوووو سويت استنفار كلها صارت ادور بالكليه وماااكو افتريت المطاعم الي يمها
اتصلت ع كل الي تعرفهم حتى صديقتها ساره وهم مااااكو لك شذام مرتي ماتعرف احد وكل الي تعرفهم كم نفر وما تخطي خطوه وحده بدون علمي ووووين راااااحت
- الشذام :- جان يحجي وهو مهدود حيله كلش انصدمت ، كول يا الله وين تروح هسه اكيد نلكاها
- شُعاع :- لككككك وووووووين راح اموووت طلعت دوريات هسه
وعممتها بكل السيطرات مال بغداد انطيت خبر بلكت اوصل الشي
اني ماكدر اكعد ثانيه وحده وهي مختفيه وماعرف وين بأي خطر هيَ

- الشذام :- زين شفت الكاميرات مال الجامعه
- شُعاع :- شلون فاتتني استغفر الله كوم كوم نروح نشوفها
- الشذام :- امشي خويه بس ع كيفك وان شاء الله نلكاها
- شُعاع :- ان شاء الله لان اذا مالكيتها مايصير خير .

- الشذام :- بوقها طلعنا ورحنه بوجهنا للجامعه اول ما وصلنا للاستعلامات الأمن مشغل الكاميرات وشُعاع واكف فوك راسه مركز ويا بتركيز قوي واني وياهم
- شُعاع :- ااااي ااااي هاي ماشتي
- الشذام :- شُعاع نسى نفسه من شافها بالكاميرات
- شُعاع :- رجع التسجيل وارجع شغله من جديد بطيء

- الشذام :- رجع سوه مثل ما طلب إلى أن شافها راحت حجت ويا طالب عقد حاجبه بعصبيه وركز ع الولد شافها حجت ويا بس مابين شنو حجت ويا بعدها عافته ومشت انقطع التسجيل لان الكاميرا ماكو بهذا المكان الي راحت بي ، رجع مشى التسجيل
الحد باب الكليه وشافها من طلعت انتبه ع الوقت جان قبل حتى الظهر قبض ايده بعصبيه وضرب الميز صاح
- شُعاع :- طلللللعت ، بعد اكو كاميره غير هاي ؟؟؟
- لا ماكو هنا حدهن الكاميرات
- شُعاع :- هذا الطالب منو ؟
- ماعرف بس نكدر نعمم عليه بالجامعه واكيد نعرفه
- شُعاع :- شذام يمك الموضوع اريدك تأخذه يمك وانتظرني
اني اجي اشوف شغلي ويا
- الشذام :- خير خويه عوفه عليه
- شُعاع :- لاا أخذه انتَ واني اجي بس قبلها اريدك تروح البيتك تشوف اذا مرت هناك او لا
- الشذام :- تمام .

طلعنا من الكليه مفترقين اني رحت للبيت وهو ماكال وين يروح
من بعد ماعرفت من عنقاء هي مامتصله بيها رجعت طلعت من البيت اتصل عليه عابد شكله شُعاع ما منتظرني وهو مطلع الولد
الي بالكليه وماخذه للمركز سحبت نفس وزفرته هسه لاعب
بخلقته لعب توجهت للمركز ونزلت كلها دكت التحيه شفت عابد كدامي

- عابد :- لك همزين اجيت
- الشذام :- وينه ؟
- عابد :- لك ساحب الولد من بيته وجابه هنا ماخلى احد يدخل ويا حتى اني طردني وأهل الولد خبصوا الدنيا وشُعاع مو مهتم بيهم ابد
ماعرف شمسوين جوه بي ومحد يكدر يتقرب منه تعرفه شلون مخبل
- الشذام :- استغفر الله كلت اله انتظرني
- عابد :- امشي شوفه
- الشذام :- امشي نشوف بلوتنة

وصلني للغرفه لكيتها مقفوله وبس صوت الولد يصارخ دكيت الباب
شكد حاولت ردت يفتحه بس مافتحه حاولنا نفتح الباب من يمنه
بس قوي ما ينفتح مرت نص ساعه وانفتح الباب طلع شُعاع جان
رافع اكمام قميصه جان لابس ابيض اباوع اكو نقاط دم ع اكمامه غمضت عيوني وتنهدت اكيد ماخلى الولد صاحي

- الشذام :- مو كلت لك انتظرني ؟ مارد عليه باوع بطرف عيني بعصبيه ومشى للمكتب مشيت ورى اني وعابد دخلنا هو كعد
واخيرا نطق ابو الهول
- شُعاع :- اسمعوا
- الشذام :- نسمعك كول
- عابد :- كول خويه
- شُعاع :- الي عرفته انُ نارا حاجيه ويا ع اساس هو جاي يهددها
ويدز الها رسائل وهو اعترف الها مو هوَ الواضح اكو موضوع قوي ورى هذا الشي واحتمال هي طلعت النفس هذا الشخص واحتمال قوي تكون شافته وهنا مربط الفرس وين بالضبط التقت ويا
لازم كل بيت وكل محل وكل اسواق ونقطه اشاره هناك بيها كاميرات
مراقبه اريدكم تروحون ادورون بيها واذا لكيتوا اي دليل او اشاره ولو صغيره لو بس لمحتوها لمح بوحده من الكاميرات اتصلوا عليه
لان اني هم راح ادور افترقوا حتى نكسب الوقت مانريد نضيع ولا دقيقه الوقت مو الصالحنا ابد

- الشذام :- بقيت صافن ع الذكاء مالته صدك من اخذوه حتى يستخدمون عقله الصالحهم ، ما تأخرنا سريع رحنه افترنا كل واحد
اتجه المكان قريب من الكليه شفنا الكاميرات وماكو اي شي
صار اليل وماكو اي دليل ملموس انُ هي مخطوفه وشُعاع يلوب كل شويه يتصل ها مالكيت شي ومن اكول اله لا يسد الجهاز بوجهي
اخر مكان جان ورى الكليه اكو بيت ماقبلوا ينطون اي تسجيل
اتصلت ع شُعاع وبلغته كال انتظرني جايك انتظرته بنفس الوقت اجه عابد وشُعاع ورى طبك السياره كلت راح تنكلب بي ونزل منها
بهمه عاقد حاجبه

- شُعاع :- يابيت ؟
- الشذام :- هذا ، اشر عليه وهو راح مشى قبلنا ، تقرب مني عابد يحجي بهمس يخاف لا يجي بوكس من شُعاع
- عابد :- اكلك
- الشذام :- ها
- عابد :- صاحب البيت صغيره لو جبير
- الشذام :- ليش ؟
- عابد :- مو اريد اشوف اذا صغير يتحمل بوكس شُعاع اما اذا جبير خاف نطلع من البيت للنجف كبل حتى بدون انعاش للفتحه السابعه
- الشذام :- خزرته ، هسه وقت شقاك
- عابد :- اي شبيك هسه شكلت اني
- الشذام :- اسكت فتحوا الباب خلي نشوف .

الرجال اول ما شاف شُعاع خاف منه بحيث اول ما طلب منهم التسجيل سريع انطوا بدون اي كلمه عمي والله الخوف اله هيبه
طلعنا التسجيل وفتحنا شُعاع بالنص اني وعابد من الجهتين واكفين
اشتغل التسجيل بالبدايه ناس تمشي وتعبر وهناك جان يلمح زوجته
صار يقرب إلى أن وكفت بنص الطريق ورى الكليه كأن هي ادور ع احد بقت فتره كم دقيقه من رادت تتحرك وما انشوف الا واحد
وراها حط ايده عليها ولزمها كتم صوتها وهي ترافس جوه ايده تريد تنهزم ويا واحد ثاني جان شايل ماعرف شنو بأيده وضربها ضربه قويه ع راسها فقدت الوعي شالوها اثنينهم حطوها بالسياره واخذوها السياره مبينه قديمه حتى أرقام مابيها بقينا مصفنين
مانحس الا شُعاع منطي بوكس بقوه ايده ودخلها بنص الشاشه
ايده صارت تنفر دم وكف عيونه حمر وعصبي فد مره

تقربت اريد اشوف ايده سحبها مني بقوه وما اهتم الها صاح بينا
وتقرب يدك ع الميز باصبعه وعيونه علينا
- شُعاع :- تعمموم صوره السياره مو مواصفاتها لا اريد صورها الها اريدكم تعمموها بكافه بغداد ماتخلون سيطره تعتب عليكم
واذا اضطر الأمر تعمموها بكافه العراق هاي السياره ماريدها تخطي خطوه خارج بغداد واذا خطت خطوه وحده بسسس وقتها اتصرف
اني وياكم غير تصرف مفهووووم وأريد تتفقدون كاميرات السيطرات اذا مرت هاي السياره منها او لا مفهوووم !!!!
- مفهووووم

- الشذام :- ضرب الباب ورى وطلع صاير يعامل بس بالضرب
بس والله حقه شاف بعيونه شلون اخذوها وهو لاحول ولا قوه
مابيده شي ومايعرف وين اخذوها ، طلعنا وتوجهنا ندور حتى نلكه
السياره اكيد اذا لكيناها راح نوصل الهم .

- نارا :- سكتت مصدومه ثأر !!! همست بصوت مخنوك ، ثار شنو الي تطلبه مني فهمني ؟
- مرت سنين طويله وهسه اجه وقته
- نارا :- اي بس اني ما اعرفك شلون تطلبني ؟ ضحك ضحكه طويله شريره تحركت متضايقه عيوني ضوجني لان مشدوده واديه صارت توجعني لان حركتهن هواي والحبل حز بيهن
- تعرفيني
- نارا :- اعرفك ؟ كول منو انتَ
- حتى صوتي ناسيته حلوو
- نارا :- صفنت نبره صوته شكيت بيها اعرفها بس المشكله ماحضرني اي اسم وما اجه بالي اي شخص ، اي ماعرفك احجي
- تريدين تعرفين منو اني ؟
- ااااااي
- ادللي

- نارا :- صار هدوووء قاااتل حتى هو ما عاد تحرك خوفني كلت هسه ياذيني لو يضربني يارب صبرك كلبي خلص اريد اعرف منو
هذا وشلون اعرفه ، حسيت صارت حركه وفجأة سحب الوصله
من عيوني فتحت عيوني بعدها ظلمه وماكو اي ضوه صرت اتلفت
شفت خياله عبر من كدامي زاد تنفسي من حسيت الهية مال جسمه
مو ناعم هذا حتى ماكدر اضربه وانهزم منه لو حاولت ، مشى مسافه و اتوقف فجأة شغل الضوء وصارت الغرفه كلها نور وكعت عيني ع ظهره شويه والتفت انطاني وجهة بهت وجهي اول ما وكعت عيني عليه واطرافي ثلجت همست بدون وعي

- نارا :- مُهيمن !!!!!!!

اباوع شكله صح متغير بس هاي الملامح هي هي ماتغيرت نفس هذا الإنسان الي أذاني وخاربني اي هو نفسه واكف كدامي ابن عمي والي لازم يكون سند الي هيج سوه بيه ! جان واكف يباوع عليه
بخبث ، رجع ضحك ضحكه حيل قويه وعيونه عليه اني بس جامده بمكاني شجابه هذا شعرفه بيه شلون لكاني شلون اخذ رقمي
احس عقلي وكف تقرب صار كدامي سحب مثل الحجاره وكعد عليها كدامي رفع حاجبه ومستمر يضحك

- مُهيمن :- مصدومه مو اي حقج اكيد حتى ما اجيت ع بالج
بس اني من يوم الي عرفت بيج انتِ بغداد واني الحك اثر الج وشكيت وثبت الشك من شفت خالتج هههههه كلت اجت برجلها
لموتها شبيج هيج صافنه ، يلا انطيج وقت تستوعبين بي الموقف
او نكول الصدمه
- نارا :- ليش ؟
- مُهيمن :- تقصدين ليش سويت كل هذا !
- نارا :- هزيت راسي بأي
- مُهيمن :- اريد ادفعج ثمن كل يوم تركتيني بي ورحتي للموصل
اريد ادفعج ثمن كل دقيقه وثانيه جنت انتظرج بيها كله من ابوج
انطاج دلال ومشى كلمتج علينا وهسه راجعه هنا وايدج بأيد هذا ال*** اي اكيد غراج بمكانته والفلوس مالته وانتِ طمعتي وكلتي أخذه ابن عمي شنو
- نارا :- فتحت حلكي ، انتَ من كُل عقلك تحجي
- مُهيمن :- بس هسه صرتي بأيدي وين تروحين مني تبقين جوه ايدي العمر كله
- نارا :- شُعاع ماراح يتركك عايش صدكني
- مُهيمن :- **** منه ومن اهله تخوفيني بي انتِ لجججج
- نارا :- والله بس يلزمك الا تتمنى الموت وما تحصله

هو اني كلت هيج وجابني بكف عوج بي فكي ما اهتزيت كدامه
هو رجع عدلني ورجع ضربني مره ثانيه بس حيل قوي حسيت
شي حار صار ينزل من خشمي عرفته دم رجع عدلني واني عيني
بعينه مانزلت عيني هو من شافني هيج تخبل صار يضربني
مره واثنين وثلاثه ع وجهي و ع بطني وملكدر احمي نفسي للن مقيدني بالكوه كاتمه صوتي بس احس طحن جسمي من الضرب كل شويه وكافخني ع راسي
تعب وكعد كدامي يتنفس اني بعد مابيه حيل أسند نفسي متمدده
ع الارضيه الصلبه البارده

ردت اغيضه واحرك دمه الحقير ضحكت بتعب
- نارا :- تعرف بالبدايه جنت خايفه من الرسائل والتهديد ليش اجذب عليك وحتى خفت لا تسبب الي مشكله ويا زوجي ومن عرفت بيك تراقبني هم خفت بس هسه احس كُل خوفي طار تعرف ليش ؟ لان طلعت انتَ وحرامات كل هذيج الايام واني مضيعه يومي بالخوف طلعت ما تستاهل جزء من خوفي ياحيوان

هستوني كملت كلامي وما احس الا هجم مره ثانيه وضربني ضربه وحده ع كلبي حسيت نفسي انقطع صرت اشهك النفس اريده
يدخل الصدري كلت هاهي اكيد راح اموت بقيت ع هذا الوضع
كم ثانيه إلى أن رجع تنفسي طبيعي بس احس كلبي صار يأذيني
وهو ولا مهتم الي غمضت عيوني بتعب صرت ادعي يجي شُعاع ويخلصني بسرعه قبل لا يلكاني جثه بدون روح

- مُهيمن :- ماشفتي شي بعدج اصبري الا اشوفج شي بحياتج
ماشايفته
- نارا :- صدكني ما راح اخلي كلبي يرأف عليك بيوم الي يلزمك
شُعاع ولا راح اكول اله خطيه يمك وتنغلق كل شي حتى الرحمه
ماتحصلها وكول نارا ماكالت

راد يحجي بس دك جهازه رفعه كدامي وحطه ع أذنه جان مبتسم بس من سمع الطرف الثاني ماعرف شنو كال اله واختفت ابتسامته اني وقتها عرفت هذا الشي اله علاقه بشُعاع معناها وصلني فدوه الكلبه حبيبي هو سريع غلق الجهاز واجه عليه صار يفتح بالحبل
اني هادئه ما انطيت اي رده فعل اريد اشوف وين يريد يوصل
فتح الحبل من ايدي احس تحررت صرت افرك بيها وحيل متأذيه اباوع صاير بيهة اثر يخوف رجع فتح رجليه كام وسحبني من ايدي بقوه وكفني عطت بي

- نارا :- شبيييك ع كيفك
- مُهيمن :- اششششش حيوانه كلمه ما اريد اسمع منج
- نارا :- ابتسمت ، ها لازم وصل لك
- مُهيمن :- اكتلج وما يرف الي جفن
- نارا :- نشوف ضغط ع ايدي حيل قوي وحجه
- مُهيمن :- صوت ما اريد اسمع الج والله اذا سمعت نفس واحد
طلقه براسج وانهي حياتج
- نارا :- احاول يا ابن عمي

ماعلق ع كلمتي سحبني وطلعني برى اباوع المكان بي بيوت قليله
والشمس ع وشك انُ تطلع الدنيا الفجر والبرد يموووت الهوى
حيل بارد الفجريه وبس صوت الصرير جانت اكو سياره قديمه راكنه
بصف الخرابه الي اني جنت محبوسه بيها فتح الباب وشمرني بيها
وهو راح صعد من جهة السايق التفت عليه قبل لا يشغل السياره
وصاح بيه

- مُهيمن :- اسمعيني لج راح نعبر من سيطره اذا شفتج فتحتي
حلكج بكلمه وحده صدكيني ما عندي أشكال اكتلج وانسجن لو اموت
المهم ماخليج تعيشين مرتاحه واذا صار وسألوا كولي انتِ خطيبتي
فهمتي
- نارا :- رفعت كتفي برود ، ما اخون زوجي
- مُهيمن :- اكلي *** وتسوين مثل ما كتلج
- نارا :- اني جنت بارده لان واثقه من شُعاع لكاني والا اني نفسيتي حيل تعبانه وما الي الحيل حتى ارد عليه ، ما انطيته اي
رد وهو شغل السياره ومشى وين ماعرف بالضبط .

- الشذام :- جنت نفتر بكل السيطرات الا ان وصلنا للسيطرات ع أطراف بغداد بس قبل لا نوصل للاطراف لكينه سيطره وسحبنه التسجيل وجان نشوف السياره نفسها عابره من هاي السيطره
شُعاع اول ما شافه التسجيل سوه استنفار ع كل السيطرات الي تكون بعد هاي السيطره وقبلها لان اكيد جان ناوي يطلع بيها خارج بغداد النذل بس الغبي مافكر يغير السياره مالته وهذا اكبر دليل نكدر
نحصله بي بس الواضح الخطيه مالته ركيكه توزعنا احنه الكل ع كل السيطرات والجهاز بأدينا بس واحد يلمح شي يبلغ الثاني
والدوريه مستعده وكل شي بس ننتظر يمر من وحده من هذن السيطرات يوكع بأدينه

جنت مركز بالسيارات الي يمرن والجهاز بأيدي اتصل عابد
فتحت الاتصال اسمعه عبالي شاف شي

- عابد :- بروح ابوك اذا شفته قبلنا اتصل عليه اني اول واحد
قبل لا تتصل ع شُعاع
- الشذام :- ليش شنو تريد منه
- عابد :- اديه يحكني اريد اني اجلده قبل شُعاع بروح ابوك
- الشذام :- ليش تخليني اخليك بالتوقيف
- عابد :- هسه اني شطلبت جاي اكلك ايدي تحكني لاتسير
ادب سسززز ولو اعرفك انتَ تنقط اخلاق جباره
- الشذام :- وغصب عنك
- عابد :- هسه كول تتصل عليه لو شنو
- الشذام :- اي
- عابد :- كون امعطك هسه من شواربك الحلوه شني انتَ كيمر خما كيمر اصبر بس خلي تخلص هاي السالفه
- الشذام :- شنو تسوي
- عابد :- **** ع هذا جمالك حبيبي
- الشذام :- اصبرلي بس تخلص السالفه الا اشمرك بالتوقيف ع شرط ويا عقوبه ونفسها الي يحبها كلبك يتناوبون عليك الضباط الحلوين
- عابد :- لعبت نفسي امشي ولي لك
- الشذام :- امشي مني لك .

غلقت الاتصال واني اضحك ع تذمره حسيت صارت حركه
بسرعه اتجهنا للمكان واحنه مستعدين اله .

- نارا :- يمشي واني ساكته بس هو كُل شويه يتلفت يباوع اذا اكو احد ورانه لو لا وكُل شويه يجي اتصال سحبت نفس قوي الهوى يضرب وجهي من الجامه لان مفتوحه احس جسمي يحل يوجعني
وكلبي يأذيني خايفه اجذب اذا اكول ماخايفه خاصه شفتح سلاح
بخصره ، الغرفه والمكان وكُل شي ذكرني بالموصل والايام الي عشتهن هناك

اباوع بلشت الشمس تطلع بقيت مركزه وياها إلى أن مر الوقت
وصارت واضحه يعني هسه عبرت الساعه ٦ الفجر لان بالشتاء شروق الشمس يتأخر عكس الصيف نغزني كلبي ودعيت من الله
يساعدني صرت ارجف من البرد احتضنت نفسي بأديه هو باوع عليه
وما اهتم اني لبسي جان خفيف يعني ما لابسه لبس قوي
اجاني صوته

- مُهيمن :- هيج تزوجتي بسهوله
- نارا :- ترى الي عشته اني محد منكم عاشه جاي تحاسبني ؟؟؟؟ وينكم قبل وينكم من اجاكم الضابط يسألكم عني وينكم من نكرتوني
هااا لو هسه جاي تبيع مراجلك عليه وطلعت السانك وينك من
ابوك وبقيه عمامك نكروا وجودي ونفوني بعيد عن العشيره ؟؟؟
وووينك من لجأت الشخص غريب واني ماعندي مكان انام بي؟؟؟؟
وينكم انتوا من جنت أسيره بين انذااال! وينكم من اهلي انقتلوا كدامي واخواني الهسه ما الهم اثر !!!
ماحاولتوا توصلون الي وانتوا بسهوله تكدرون توصلون
صار الي كم سنه واني هنا من اول ما علنوا تحرير الموصل
ليش ما دورتوا علينا لو هسه جاي تحاسبني روح حاسب نفسك
وأهلك وكل عشيرتك لان انتوا كُلكم نفس الزباله واحد انكس من الثاني ، بعدني داكمل كلامي وضربني كف ع حلكي شك شفتي
صارت تنزف
- مُهيمن :- ااااكلي *** وانجبي كل هذا الي كلتي مو مهم عندي
- نارا :- تريد تسكتني واني صاحبه الحق ع اي اسسساس
شكد شفت ناس انذال وحقراء بس مثلكم ماشفت تف عليك وع كل واحد مثلك من اكبركم الاصغركم حسافه اني محسوبه عليكم
- مُهيمن :- هسه اصبري بس نوصل واني اعلمج شنو اسوي بيج
- نارا :- هاي اذا كدرت تطلع
- مُهيمن :- نشوف

- حسيت خفف سُرعه السياره شويه شويه اني جنت صافنه من خفف السُرعه سريع رفعت راسي اباوع
كدامنه سيارات انتبهت اكو سيطره ولازم الا نُعبر منها
مُهيمن جان مرتبك وحاط ايده ع السلاح اني عيني
ع السيطرات موجودين بيها ضباط وعيني ع مُهيمن والسلاح الي حاط ايده عليه مشى السير وهناك
جان اشوف من بين الضباط الي واكفين شفت شُعاع
شهكت بفرحه ودكات كلبي زادت ياربي والله هذا هوَ حبيبي .

عن حالهم |
جايك
جَيّة الجنّاز
بس تحضني
اكَوم ابَچي .
يتبع ✨️

التوقعااااااات بسسسسسُرعه ✨️

.