الربتج " حالك الاسوداد " الفصل الثاني وأربعون 42 - بقلم رهف علي

عِشت خِنگة ظفِيرة
شلون افلن روحِي واتمشَط ؟

ذات يوم قالوا الي جملتين يحلن كُل شي
للأنسان

( كُل شي يتعوض ) ( كُل شي يُشترى بالمال ) ! هاي الجملتين عباره عن اكذوبه المتأذي راح يحس انُ مُستحيل كُل شي يتعوض وبنفس الوقت مُستحيل كُل شي يُشترى بالمال ( العائله ، الصحة ، الأصدقاء ، السعادة ، الخ ) مُستحيل وحده منهن تكدر وحده من هاي الجملتين تعوضهن محد يكدر يحل مكان الثاني
هاي عباره عن اكذوبه كذبها شخص بحاجه انُ يكون
كَادر يخفف عن الوحده الي عايش بيها او عن شعور مؤذي شفت وتأكدت
شفت مريض ماكدر المال يشفي
شفت وحيد ماعنده عائله
شفت انسان غني ماعنده اصدقاء مُجرد أشخاص حقودين طامعين بنقوده
شفت غني تعيس وفقير سعيد
شفت وشفت وشفت لكن ماكو شي تعوض بشي
ثاني اذاً اكذوبه وتبقى اكذوبه إلى النهاية .

#بقلمي_رهف_علي

- نارا :- اباوع وعيني اجتي ع السيطره الي كدامنا بمسافة قليله
اول ما وكعت عيني ع الي واكف بنص الضباط احس الفرحه ملت روحي وكلبي شهكت بفرحه هذا شُعاع هذا حبيبي والله هذا هوَ
روحي فرفحت واني اشوفه كدام عيوني هو جان مركز ع السيارات الي قبلنا ولأن السياره الي اني بيها صغيره وناصيه ف ما انتبه
جان يحجي ويا السياره الي واكفه ماعرف شنو وكل شوي يرفع عينه ع يحجي ويا الضابط ويرجع يحجي وياهم مُهيمن ما منتبه او بالاصح ما شاف شُعاع واني لان حافظته حفظ لكفته من بعيد حافظه حتى طوله وهيئه جسمه فزيت ع صوت مُهيمن يحجي وياي ويسب ويغلط

- مُهيمن :- اسمعي لج صوت ما اريد اسمع منج هسه رجلج الشفيه مبلغ السيطرات بس اكيد مايعرف ياسياره منهن وحتى شكله ما يعرفه ، هسه كدامي ارفعي الشال ع وجهج حتى ما يعرفوج كل شي اتوقع من ال **** مالتج يجوز معمم شكلج
وبس اسمع حسج هذا السلاح افرغه كله براسج ومو بس هيج افرغه حتى براسه

- نارا :- عقدت حاجبي وخزرته ، لاتحجي ع شُعاع هيج هوَ يسواك ويسوا كُل اهلك ياحقير ، مد ايده وضربني حيل قوي ع رجلي مايكدر يسوي شي هنا لان سيطره
- مُهيمن :- سهله بس خلي نطلع واعرف شلون ارجع اربيج
من جديد
- نارا :- ربي نفسك بالبدايه اني الحمدلله متربايه مو مثلك
- مُهيمن :- اسكتي ****
- نارا :- فتحت عيني مصدومه لان فشر عليه رفعت ايدي وضربته
بقوه هو لزم ايدي حسيت اصابعي اتكسرت بأيده صاح بيه بغضب مكتوم
- مُهيمن :- اعلمج شلون ترفعين ايدج عليه الا اكسرها الج
- نارا :- عطت بألم ، اااااااانجب
- مُهيمن :- بسيطه .

كال هي وشمر ايدي بقوه بحضني لزمت اصابعي بأيدي الثانيه افركهن من الالم وبكلبي ماخليت كلمه ما سبيته بيها الحيوان
مشى السير بس حيل بطيء واكو من الجهة الثانيه الي بصفي
سايد الثاني مفتوح بس حاطين بي الكبوسات مال السيطره حتى يصير بس طريق واحد ويمرن كُل السيارات من هذا السير ماعرف شنو المغزى من كُل هذا ومعقوله اكو طريق ثاني وحاصرين كُل الناس بسايد واحد ومسوين كُل هذا الازدحام ! عيني اني منزلتها من شُعاع وبنفس الوقت ما خليت مُهيمن يحس بشي اعرف بي غبي
والاغبى من كُل هذا عباله شُعاع مو ذكي مايعرف يمكن حتى السياره
الي احنه بيها يعرفها وحتى صوره جده السابع هم جايبها عباله شُعاع مثله خلي مفكر هيج حتى نستغل الوضع وشُعاع يشوفه

صارن كدامنا كم سياره ونوصل للمكان الي واكفين بي اني عيوني
انترست بالدموع ما مصدكه كلت بس اوصل اعيط واخليهم ينتبهون مو هسه او بالأساس هم عيونهم طايره منا ومنا بدون ما اعيط راح ينتبهون ماحسيت الا مُهيمن عيونه عليه سريع بعدت عيني من شُعاع
هو رفع راسه يريد يشوفني اني وين اباوع وجان بلمح شُعاع صاح بصوت

- مُهيمن :- الله ياخذك هذذذا شجااابه هناااا ال***
- نارا :- اني باوعت عليه وضحكت ، عبالك شُعاع غبي مثلك !
- مُهيمن :- الكلبببببه اني الج
- نارا :- اتمتع بحريتك بس هاي الدقايق وراها ما راح تشوف حتى
الشمس .

هو صار نااااار حاول يرجع للورى بس ماكدر انتبهت ع شُعاع رفع راسه وعينه صارت ع السياره هي كل الي صار واحنه بالسيطره ما يتجاوز ال ١٠ د من صارت عين شُعاع ع السياره فتح عينه ع وسعها
كأن لكه روحه سريع ركض و ورى كومه ضباط يركضون المسافه مو بعيده ومُهيمن الحقير من شاف شُعاع انتبه علينا هو حرك السياره للسايد الثاني وداز بانزين
طير الكبوسات الي حاطيها فاصل بين السايدين وداز بانزين بكُل قوته
انتبهت عليهم من مشى من يمهم طلعوا اسلحتهم كل الي سمعته خطف من بعيد صوت شُعاع وهو يصيح عليهم بصوت عالي كال الهم ( لاااا ترمون ) عبرت السياره واني درت وجهي اباوع عليه من ورى شلون ركض ع سيارته جان راكنها ع صفحه سوده عاليه صعدها بسرعه وشخطها

اني روحي فرفحت بقيت اكمز واصرخ شُعاااااع شُعاااااااع
ومُهيمن بصفي ماخلى كلمه ماكالها سب وشتم وفشار حتى يغلط ويكفر مديت ايدي عليه وصرت اضرب بي واصيح ، اوووووووكف
لك حقيررررر ولك السياااااره ، اضرب بي واصيح وهو ديفع بيه
ويغلط عليه حرت شنو اسوي حتى توكف السياره وهو طاير بيها طير الشارع الي ع أطراف بغداد مايكون مزدحم ويكون فارغ مو مثل
وسط بغداد مزدحم الهذا ماكو شي عائق كدامه وهو يسوق سريع

رجعت ردت وجهي اباوع شُعاع ورانه هو هم طاير بالسياره ما اكدر اشوفه بالضبط لان السرعه قويه واني كلبي احسه يريد يطلع من مكانه حسيت نفسي بفلم رعب واكشن ما توقعت بكُل حياتي اكون
بهيج موقف وبهذا الحال خايفه ومرعوبه ع شُعاع أكثر من نفسي
خفت لا يتأذى لو يصير بي شي غير اموت ورى كُل شي ولا شُعاع
كون الاذى الي وما يتقرب منه اي شي

كثر ما اضرب بيه واريده يوكف عاط بيه عيطه وضربني ع حلكي
صار ينزف دم

- مُهيمن :- فرحاااااانه مو والله ما اخليكم تتهنون لا انتِ ولا العار مالتج عبالج اخليج تتهنين ع الاقل اذا رحت هسه اخذج وياي للموت
اخسر نفسي عادي المهم ما اعوفج تتهنين ويا
- نارا :- صرخت بي بحركه كلبي ، الله ينتقم منك لك شنوووو تريد من عندنا
- مُهيمن :- اريد روحج
- نارا :- جان يحجي بصريخ ويسوق سريع واني ارد عليه بصريخ
الوضع فوضى عارمه وكل هذا دقايق قليله معدوده بس حسيتها
عمر طويل ، مُهيمن كافي الله يخليك وكف السياره وخليني انزل وانتَ روح والله اني امنع شُعاع مايلزمك بس اوووكف ، حاولت اسايره واحجي ويا هو ضحك مثل المجنون
- مُهيمن :- انتِ من كل عقلج جايه تضحكين عليه هو بس يلزمني بعد ما يعوفني ع الاقل هسه انتِ وياي شفتي طلقه وحده ما ضرب ع السياره لان يعرفج انتِ بيها
- نارا :- دااااامك تعرفه هيج شششكو اخذتني
- مُهيمن :- كتلج اريد اخذ روحج
- نارا :- زين وكف السياره والله هو الخاطري راح يتركك اذا اني حجيت ويا شفت اذا ع السياره ما ضرب طلقه لان خايف عليه
اكيد اذا حجيت ويا راح يسمعني
- مُهيمن :- اششششششش صوتج ما اريد اسمعه

حاولت ويا ردت بس ماكو كل شويه التفت الكه شُعاع ورانه صار حيل قريب من عندنا إلى أن صارت سيارته بصف سياره مُهيمن هو اني شفته لو روحي فرفحت صرخت بصوت عالي بأسمه
شُـــــعااااااااااع هو عينيه صارت عليه اعرف نظراته هاي كُلش زين
اني عيوني صارت تكت بالدموع صاح بصوت عالي ع مُهيمن

- شُعاع :- ووووووووكف السسسسياره لك ك***
- نارا :- جان صوته من قوته وصل ترس اذني رجع رد عليه مُهيمن يصيح
- مُهيمن :- تحلممممم
- شُعاع :- كتلك ووووكفها وعلي كتلتك ع ايدي ياااااااعاااار
- مُهيمن :- **** امشي لك
- نارا :- حسيت شُعاع طك اخر عصب عنده وراد يضرب سيارته بسياره مُهيمن بس أتراجع شكله خاف لا اني اتأذى

احس طاقتي خلصت وروحي فرفحت خليت ايدي ع كلبي
عااصرته شكد ما اخاف من السرعه بس خوفني ع شُعاع اقوه
صاروا يتراوغون بالسيارات وكل شوي شُعاع يكسر ع السياره
بس ما يزودها لان اني بيها إلى أن صارت عيني ع الكدام جان اكو
كومه من التراب مُهيمن ما منتبه لان عينه جانت ع سياره شُعاع
جان يتراوغ ويا وهذا التل ما التراب صار مسافه حيل قريبه منه
حست روحي راحت واني اشوفه كدامنا صار مُهيمن فلتت السياره
منه وماكدر يتحكم بيها طرت من الخوف صرخت بأسم شُعاع بصوت
عالي شششششُعااااااااع، وانضربت السياره بالتل ما التراب وفقدت .

- الشذام :- انتبهت صارت حركه الشباب غريبه اتجهت عليهم
وكفت يمهم سألتهم ، شكو ؟
- سيدي السياره هاي مشتبهين بيها نفس الشكل حتى بدون أرقام
- الشذام :- تقرب منه بس شكله مايشبه مُهيمن نعرف شكله
خاصه من شُعاع شوفنه صورته بنفس اللحظه جاب صورته وصوره اهله كلهم ، بعدني جاي احجي وياها واجاني نداء من عابد انُ بالسيطره الي بيها شُعاع موجود مُهيمن بسرعه ركضت صعدت السياره ومشيت سريع وعابد بعده ع الخط

- عابد :- لك شذااام شعاعنا لكه منعول الشه قبلنا راحت عليه
- الشذام :- هسه اصبر خلي نوصل وقتها نشوف
- عابد :- شنو نشوف اخخخ راحت عليه مو كتلك اني اروح
لذيج السيطره انتوا شسويتو
- الشذام :- ماشفت شُعاع شكال لان عرف بي راح يمر منها وهو راح آلها عرف بشنو يفكر هذاك الي اسمه مُهيمن
- عابد :- كسرتوا كلبي
- الشذام :- عوفك من هذا الكلام وصلت لو لا
- عابد :- هاي راح اوصل وانتَ
- الشذام :- وصلت وصلت خلي اشوف الولد هنا شصار شو مالكيت شُعاع ولا احد منهم بس الولد
- عابد :- شوفهم بسرعه

الشذام :- مانزلت بالسياره وسألت الشباب كالوا الي ، الي صار لو تخبلت يعني راح ورى بدون ما ارد حركت السياره ومشيت
احاول الحك عليهم يارب ماكو شي يارب مشيت بسرعه وعابد خبص الجو بلغته حتى هو هم يصير عنده علم ويلكنا يجوز يلكه شُعاع قبلي ع الاقل نختصر الوقت أخذني الوقت إلى أن شفت من بعد سياره شُعاع واكفه وكدامها بمسافة السياره مال مُهيمن مضروبه بالتل مال التراب دست بانزين سريع وصلت يمهم طبكت السياره ونزلت اركض وبنفس اللحظه عابد طبك وياي ونزل يركض .

- نارا :- فقدت الوعي لحظات مو هواي ورجعت فتحت عيوني
احس الضربه اجتي براسي صار يأذيني رفعت راسي مُهيمن بصفي يريد ينزل سمعت شخطه سياره مال شُعاع حيل قريبه باوعت شفته يركض باتجاه السياره اني ردت انزل بس الباب ما ينفتح مهيمن اول ما فتح الباب اجه اله شُعاع طايره سحب الباب من جهة مُهيمن
وسحبه مم ملابسه احسه شاله مثل الريشه وهو عبالك ثور ماعرف
شلون شُعاع كدر يشيله بهاي الطريقه هو عينه ع مُهيمن اني صرخت بصوت عالي ، شششُعاااع هو ما رد عليه وحط بوكس بمُهيمن وطشر الدم ع وجهة نومه بالكاع ونام عليه دك بوكسيات
وهذاك يسب ويغلط اريد انزل الباب قفل ويبس راسه مايفتح
عبرت من جهة السايق ونزلت من الباب مالته

اباوع كدامي مصدومه احس شُعاع تحول الانسان ثاني وحش مو بشر اول مره اشوفه يضرب بهاي الطريقه المُخيفه حتى كلت هسه
وجه مُهيمن تفلش مابقى بي شي صاحي كُل هذا يصيح عليه
ويغلط انهزيت هز بهذا الموقف الي صار كدامي صرخت بأسمه شُـــــعااااااااااع هو رفع راسه اشر بعيونه ما اتقرب منه ورجع يضرب بي صاح بصوت عالي

- شُعاع :- انعل الخلفوك ****** ، ***** والله ما اخلي
بيك شي صاحي الا اخليك تتمنى الموت وما تنوله الا اخليك تبجي
وتتوسل، حححححقير ***** تمد ايدك عليها تلزززززمههههها
تخلي ايدك عليييييييهاااا وين تروح مني اليوم أشعل الغالي مالتك .

- نارا :- خليت ايدي ع حلكي ابجي ماكدر اسوي شي ولا اتقرب منه مُهيمن فقد جوه ايده وجهة انترس دم وشُعاع ماتركه كلت خلاص مات جوه ايده بالكوه تحركت رحت يمه مديت ايدي ولزمنه من كتفه، الله يخليك شُعاع عوفه لا يموت بأيدك وتبتلي بي عوفه ،
مارد ولا اهتم الي شويه وحسيت سيارات طبكن رفعت راسي
وشهكت بالبجي اباوع شلون لزم ايد مُهيمن
وطكها مُهيمن شكد ما جان بي صوت بس من شُعاع كسر ايده صرخه صرخه كلش قويه اني جمدت بمكاني
اول مره اشوف شُعاع يكسر ايد شخص كدامي
شفت الشذام وعابد نزلوا من السيارات مالتهم واجو يركضون أشرت الهم واني ابجي ، عفية تعالوا وخرووا منه لا يموت بأيده ، هم سريع لزموا شُعاع ورفعوا من مُهيمن وهو يصيح
بيهم عوفوني رفعوا بالكوه من فوك مُهيمن

اني بقيت ع نفس مكاني ما تحركت بس حاطه ايدي ع وجهي وابجي شُعاع احسه ماهدأ ابد صار يفتر ويعارك ويا نفسه ويغلط ع الشذام وعابد لان وخرو من مُهيمن ، اتجهوا شالوا مُهيمن الي لا ايد ولا رجل يرفع وشمروا بسياره الشذام رجعوا الشُعاع يحاولون يهدأ

- الشذام :- شبيييك مو هييييج
- عابد :- لا والله يستاهل لو ما هو مسوي بي هيج جان اني سويت بمكانه
- الشذام :- هسه انتَ تهدأ بي لو تخلي يثور ويرجع عليه
- عابد :- جا شنو متشاقه اني
- الشذام :- عااابد خليك طباب خير واسكت
- عابد :- وهاي يابه سكتنه ابقى حلها بالتفاهم واني الهمجي
- الشذام :- اسكت لك ، خويه شُعاع خلينه ناخذه للمستشفى
- شُعاع :- يطببببه مررررض عوفه يموت بالجير
- عابد :- والله بيك بوسه
- الشذام :- صاح ، لا إله إلا الله مخابيييل انتوووا احلف عليكم
- عابد :- ههههههههه احلى مخابيل وعلي .

- نارا :- وكف شُعاع يانفس بقوه وهو عاقد حواجبه اني طكيت من البجي شافني وكأن من جان عصبي فقد وحتى ما حس بوجودي
بقيت واكفه بمكاني وهو تقرب عليه بخطوات سريعه اني اديه اثنينهن ع وجهي صار كدامي سحب اديه من وجهي واحتضني
بقوه حسيت ردت ادخل بصدره من قوه حضنته اول ما خليت راسي
ع صدره شهكت بقوه ورجعت ابجي واشهك صدري يرتفع وينزل ويا كُل شهكه وانفاسي بالكوه اسحبها هو حاط ايده ع ظهري وايد
الثانيه ع راسي لفيت اديه ع خصره ودفنت راسي بصدره اكثر
ماريد شي ثاني اكثر من هيج هاي اني هسه بحضن حبيبي وبين اديه كافي اريد الوقت يتوقف ماعدت بحاجه الشي ثاني .

نزل راسه وهمس بأذني

- شُعاع :- هذا اني يمج حبيبي لا تخافين اششش كلبج راح يوكف
- نارا :- يحجي واني ويا كُل حرف ازيد اكثر كأن داشتكي اله عن الي صار بيه بغيابه واني بين اديه وبدموعي مو بصوتي
- شُعاع :- اهدئي بابا شوي شوي ع كلبج فرفحت روحج
هاي انتِ بين اديه والله اخذ حقج منه ومن كل اهله ماخلي يمر عليهم صبح بدون خوف كافي حبيبي كافي بنيتي
- نارا :- لزمته بقوه ما ارد اعوفه ماريد حتى ابتعد عنه احس راسي يأذيني ردت ارفع راسي ماكدرت حسيت الدينا افتر بيه رجليه ارتخت افترت بيه الدنيا اخر شي سمعته صوت شُعاع يصيح بأسمي .

- الشذام :- عابد جان واكف يلاسني فجأة شرك الحلك مالته
وطكها بصفنه مبتسم عقدت حاجبي مستغرب شبي هذا تخبل ، شبيك لك ؟
- عابد :- لك دعوف هذاك يموت بالطكاك وشوف هذا الفلم الرومانسي
- الشذام :- ما فهمت يافلم تقصد
- عابد :- لك وراااك شبيك فاهي
- الشذام :- درت وجهي اباوع ظهر شُعاع عرفت قصده رجعت عليه ضربته ببطنه ، عيب لك ما تستحي انتَ
- عابد :- والله ليش الجذب ما استحي ليش تريدن مني استحي شني اني بنت
- الشذام :- اي غض البصر ، شو هذا بوز بحلكه وعقج وجهة
- عابد :- اي كول الصديقك يبطل هذا الفلم بصري شعليه شوف شوف خله الجفاف عندي يفول وصار الي ايام بالشغل وما شايف
البيت الله يرضاها سحلتوني واني هستوني نازل من دوامي طكنيي الجفااااااف يبوووووو ع حظك يا عابد
- الشذام :- لك عاااابد صوتك الله يفضحك فضحتنا هسه يجيك
شُعاع ينومك بصف هذا الي وراك
- عابد :- خاب نسينا
- الشذام :- خلي نروح لايبقى هنا ويموت ونبتلي بي وبعشيرته الصكط

بعدنا جاي نحجي وما نسمع الا صوت شُعاع يصيح بينا نفتح باب السياره اله نباوع شايل نارا وهي فاقده لا ايد ولا رجل
سريع فتحنا باب السياره وصعدها وطار بيها ضربت عابد بوكس بكتفه صحت بي

- الشذام :- شكد فكر انتَ شوف عينك شسوت بيهم
- عابد :- هههههههه اخ بويه طلعت احسد اني وماعرف بنفسي
- الشذام :- وفوكاها متفاخر
- عابد :- دطير مني
- الشذام :- امشي نلحكه ونوصل هذا بطريقنا للمستشفى
- عابد :- الله ع المظلوووووووم
- الشذام :- منو مظلوم ؟
- عابد :- اني
- الشذام :- امشي كدامي لك لاتخليني هسه اخسر أخلاقي عليك
- عابد :- عليك الله اخسرها امنيتي اشوفك شي يوم تفشر شو انتَ فد مره خلوق ماعرف شلون هيج مؤدب شو اني جاي اكول لك
انزع اخلاقك اريد اشوف الجانب السلبي منك وشلون تفشر بداعتي
- الشذام :- استغفر الله شلون بيك انتَ وخر مني تريد اخسر اخلاقي علمود وجهك
- عابد :- بداعتي مو جاي اتوسل بيك
- الشذام :- اذلك بأخلاقي
- عابد :- صفك اديه وفتحهن بوجهة ، امداك وخر مني ابو الأخلاق
- الشذام :- احسن منك ههههههه يالنازع الأخلاق

- الشذام :-
صعدنا بالسياره وانطلقنا للمستشفى اباوع هذا ورايه لا حس ولا نفس زفرت انفاسي وكفت السياره حاولت اكعدت بس مايكعد
شلون سالفه هاي هسه شلون ويا ، نوب هسه يجون اهله ويسونه
رجال براسنه وهو كل رجوله ماعنده يلا ع الاقل مُتهم بتهمه خطف ومحاولة اعتداء ، من بعد الطريق وصلنا للمستشفى لكينا سياره شُعاع موجوده قبلنا نزلت وصحتهم يجون ياخذون مُهيمن للطوارئ يفحصوا عاد جابوا استديه واخذوا ركضوا بي من صدك وجهة متفلش
وما باقي بي شي ينشاف عابد جان يمشي وياي واكو ضباط هم من جماعتنا موجودين وشرطه وعالكه للستار

شفنا شُعاع ورحنه يمه جان واكف ينتظر شكد ما اكول عنه قوي
ومايهزه شي بس من توصل الحبيبه كلبه كل شي يتغير ويصير
انسان ثاني

- الشذام :- شلونها ؟
- شُعاع :- بعدها ما طلعت الدكتوره جاي انتظرها تطلع
- الشذام :- مابيها شي ان شاء الله
- شُعاع :- وين وديتوا ؟
- عابد :- جابه هنا هسه هوَ بالطوارئ
- الشذام :- لا يموت يمعود
- شُعاع :- خوش يطيب وارجع اشوه وجهة كل ما يصير زين ارجع اكسر اعضامه وحده وحده هل مره مو بس اكسر ايده لا اكسر اديه اثنينهن ورجليه
- الشذام :- مو هيج ياخويه
- عابد :- والله اني ويا
- الشذام :- خوب انتَ تكيف ع هيج سيابه
- عابد :- شعبالك

الشذام :- ورى شويه طلعت الدكتوره تحجي ويا شُعاع
بخصوص وضعها واحنه واكفين بصفه

- الدكتوره :- وضعها زين حالياً بس لازم تبقى تحت المراقبه
اليوم لان الضربه الي جايه براسها حيل مأذيتها وكذلك اكو كدمات
هواي ع جسمها اديها ورجليها وحتى بطنها ومتضرر قفصها الصدري اثر ضربه قويه متعرض اله لازم تبقى تحت المراقبه حالياً
- الشذام :- شُعاع من سمع كلامه صار احمر عصبي كلش يمكن لو مُهيمن كدامه الا يكسر كل جسمه ويحط طلقه براسه
- شُعاع :- وهسه هي كاعده لو لا ؟
- الدكتوره :- لا انطيناها علاج بي منوم خليها ترتاح هسه لان متعرضه الصدمه واضح من محاوله الاعتداء الي ع جسمها ضروري نبلغ الشرطه حتى ياخذون اقوالها ونكتب بيها تقرير تعرضها للاعتداء
- شُعاع :- ماكو داعي
- الدكتوره :- براحتكم بس من صالحكم
- شُعاع :- انقلوها الغرفه خاصه
- الدكتوره :- شويه وينقلوها ، سلامتها ان شاء الله

- الشذام :- صدك ورى شويه نقلوها الغرفه خاصه التفت الي
محذرني
- شُعاع :- ديربالك يفلت من ايدك خلي عليه كم واحد لا يكعد وينهزم
- الشذام :- هاهي صار بس أعصابك يمعود هسه ضغطك صعد
شيفيك
- شُعاع :- انعل ابو ضغطي كتلك هذا اذا انهزم احطك انتَ بمكانه وتعرف شسوي
- عابد :- حححيل تستاهل الا هيج يلا تمشي ابو الأخلاق
- الشذام :- اسكت انتَ
- عابد :- سكتنا وجع

- نارا :- فزيت اثر صوت سده الباب اباوع ع المكان الي اني
بي وغمضت عيوني بأرتياح كُل ظني اني بعدني يمه بس شجابني للمستشفى ؟ حاولت اتذكر رجعت ذاكرتي إلى أن اتذكرت اخر شي من وكعت واغمى عليه واني بحضن شُعاع، وينه هوَ ليش ماكو
بقيت نايمه وعيوني ع السقف اتذكر كل الي صار بدون ما احس
ادموعي صارت تنزل رفعت ايدي اباوع عليها كُلها آثار اكو اثر لاصابع مُهيمن وهو لازمني من ايدي بقوه واكو اثر الحبل سحبت نفس بقوه واني ابجي كُل ما اسحب نفس قفص الصدري مالتي يأذيني

شويه وحسيت الباب انفتح درت وجهي شفته شُعاع هو اني شفته
لو الله ذب عليه البجي كُله تقرب مني وكعد يمي سحبني ع كيف وكعدني حط راسي ع صدره جان يمسح ع ايده وظهري وراسي
بكُل هدوء كأن يخاف يأذي الآثار الي بجسمي

- شُعاع :- اشفيهن الج وحده وحده وما اخلي الهن لا اثر ولا ذكرى

- نارا :- رديت عليه بصوت متقطع ، شُعاع أذاني هواي شلون
راح يروحن من عقلي
- شُعاع :- يموت شُعاع اذا ما نسيتيهن واني عند وعدي الج كافي بابا لا توجعين كلبي عليج اكثر دمرتيني
- نارا :- صعدت راسي وخليته قريب من رقبته طوقت خصره
بكُل ما عندي من قوه نزل راسه همس بأذني

- شُعاع :- تدرين نمت ويا الجثث ما خفت وإهتزيت
خفت بيوم الي رحت المكانج ومالكيتج

- نارا :- اني كُل ظني بعد ما اشوفك
- شُعاع :- بطلي بجي
- نارا :- خفت بس جنت واثقه شُعاعي راح يلكاني جان عندي ايمان بالله قوي وعندي ثقه بيك هم قويه هنَ الوحيدات الي صبرت نفسي بيهن واني بنص خوفي وبنص الظلمه الي جنت بيها
- شُعاع :- اششش لا اتعبين نفسج
- نارا :- لا تعوفني حباب
- شُعاع :- اعوف روحي وما اعوفج
- نارا :- رفعت راسي من صدره بس اني صرت سينما جان اكو شعري ع خدودي هو رفع أديه وصار يبعد شعري من وجهي ويمسح بدموعي
- شُعاع :- يروحون فدوه الكل دمعه نزلت من عيونج

- نارا :- شُعاع
- شُعاع :- روحه
- نارا :- سكتت خايفه اسأله والكه رد يمرد كلبي سكتت متندمه لان حجيت
- شُعاع :- احجي حبيبي ليش سكتي
- نارا :- سحبت نفس ، انتَ شاك بيه ؟ عقد حاجبه رد من بين اسنانه
- شُعاع :- بشنو ؟
- نارا :- نزلت راسي خايفه من نظراته هو رفع راسي بأصبعه
- شُعاع :- بشنو سألت ؟
- نارا :- انُ اني عندي شي ويا ؟ لزم خصله من شعري وفرها ع أصبعه وسحبها ع كيف وعيونه بعيوني انكتمت انفاسي وحسيت
حتى الهوى انقطع من ورى نظراته
- شُعاع :- ما اشك ولو شاك بيج ولو شوي راح تشوفين غير شُعاع كدامج
- نارا :- ليش تباوع عليه هيج
- شُعاع :- شلون ؟
- نارا :- نظراتك تخوفني ، تقرب همس كدام وجهي وانفاسه الحاره وصلت ولامست مسام وجهي
- شُعاع :- ليش تخوفج
- نارا :- ابتلعت ريقي وسكتت
- شُعاع :- ها ؟
- نارا :- ماعرف
- شُعاع :- لاتخافين اتذكري اني منو

- نارا :- سريع اجه بالي شلون جان يضرب مُهيمن وكسر ايده كدامي بقيت صافنه عليه هو رفع ايده وصار يتلمس وجهي وصل الشفتي جان بيها اثر الضربه مال مُهيمن من لمسها عقدت حاجبي
متألمه منها
- شُعاع :- هو ضربج هنا مو ؟
- نارا :- لو النظرات تقتل جان هسه اني ميته من اول ما وكعت عينه عليه ، ماحجيت بس هزيت راسي اله بتأكيد هو هز راسه بوعيد
- شُعاع :- سهله سهله اخلي يندم ع اللحظه الي لمسج بيها
- نارا :- بقيت ساكته هو نزل نظراته ع ايدي رفع اكمام القميص مالتي وشاف معصم اديه شلون متأذايه سحب نفس قوي وزفره
احسه كاعد ع اعصابه فجأة وكف كدامي استغربت من تصرفه
عبالي شوف شبي بس صدمني من كال الي .

- شُعاع :- كومي
- نارا :- اني كمت نزلت من السرير بدون ما اسأله ليش
راح للباب قفله ورجع الي صار كدامي رفع ايده ونزعني الستره الخفيفه الي جنت لابستها عقد حاجبي مستغربه وهو عيونه مو عليه
ع اديه شويه وصار يفتح ازرار قميصي سريع شهكت وخليت ايدي
ع ايده امنعه هو رفع عيونه عليه بدون ما يرفع راسه وخزرني همست اله برجفه ، لا حباب
- شُعاع :- شيلي ايدج
- نارا :- هزيت راسي بنفسي وعيوني انملت بالدموع خايفه من نظرته الي بعد ما يشوف جسمي شلون بي آثار ماريد يشوفني
بهاي الحاله وعرفت هو ديسوي هيج حتى يشوف جسمي والاثار الي بي
- شُعاع :- ناااارااا
- نارا :- حباب
- شُعاع :- مو حباب انا شيلي ايدج
- نارا :- عوفه
- شُعاع :- شششكلت !!!!

- نارا :- رفعت ايدي من ايده نزلتها وهو بعده يباوع عليه
شويه ورجع نزل راسه يفتح ازرار قميصي ضغطت ع ايدي وصرت اتنفس بقوه حتى ما اكدر اكتم نفسي صخنت فد مره شويه شويه بلش يظهر جسمي كدام عيونه إلى أن كمل ونزع القميص مالتي وشمره ع السرير مال المستشفى عيونه ع جسمي شافه لو جمد بمكانه شويه وحسيته صار نااار رفع ايده صار يتلمس الآثار الي بجسمي اول ما لمست ايده بشرتي قشعر جسمي من أطراف ايده البارده ضد بشرتي الحاره رفعت ايدي لزمت بيها ايده ماريد يسوي هيج ماريد ماكدرت اتحمل نظراته سريع ارتميت بحضنه اريد اهرب من نظراته ، اي اهرب من نظراته بس اهرب اله وبين اديه هوَ ضمني الحضنه قوي ولف الكوت الي لابسه عليه ودخلني بحيث غطاني كُلني بي جان ساكت واحس هذا الهدوء الي سبق العاصفه

ابتعدت عنه ورى فتره هو سحبت القميص مالتي ورجع لبسه الي رجع زر الازرار مال القميص عدله الي ورجع سحب الستره لبسها الي
رجع كعدني ع السرير وشكل المغذي بأيدي عدله ونومني باسني من راسي بقوه و راد يطلع
ماعرف ليش خفت ابقى الوحدي سريع صحت بأسمه

- نارا :- لا تعوفني الوحدي
- شُعاع :- هسه اجي
- نارا :- لا لا ابقى يمي الله يخليك
- شُعاع :- حبيبي مارايح بعيد هاي يم الباب
- نارا :- شُعاع اني خايفه ، تقرب مني عاقد حاجبه
- شُعاع :- يخسى الخوف ، تخافين واني يمج

اجه تقرب مني اني أشرت اله ع المكان الي بصفي هو كعد سند ظهره للورى بس بقى كاعد وفتح الي اديه سريع صرت بحضنه حضنته قوي هو يلعب بشعري ، اريد اسأله بس ماعرف رده فعله شنو

- نارا :- وينه
- شُعاع :- منو
- نارا :- مُهيمن ، سمع اسمه لو تخبل
- شُعاع :- لاتجيبين اسمه ع الساااانج
- نارا :- تمام أهدأ بس اريد اعرف وينه
- شُعاع :- بجهنم
- نارا :- شُعااااع
- شُعاع :- خيرررر نارا خيرررر
- نارا :- بس داسألك
- شُعاع :- وليش تسألين عليه شنو خايفه عليه لو شنو
- نارا :- لا اكيد ما خايفه عليه طبه مرض بس اني خايفه عليك
- شُعاع :- وليش خايفه عليه
- نارا :- ما اريدك تتورط بي مايستاهل ، صاح بيه
- شُعاع :- وشنو اني جاهل ؟؟؟؟
- نارا :- حشاك حبيبي بس خايفه عليك شنو من حقي اخاف عليك غير انتَ كُل اهلي وما اريد اي شي يصير بيك
- شُعاع :- اطمئني مايصير شي عليه
- نارا :- اي هم اريد اعرف
- شُعاع :- شنو ؟
- نارا :- وينه
- شُعاع :- مو كلت الج بجهنم
- نارا :- اي يعني ؟ زفر انفاسه بقوه
- شُعاع :- الشذام جابه للمستشفى
- نارا :- الحمدلله باوع عليه بغضب ، اي شبيك ماريد يصير بي شي وانتَ الي تتأذى خلي يدخل السجن ما اهتم المهم عندي انتَ
- شُعاع :- هاهي انسي ماكو شي

- نارا :- شُعاع وأهله
- شُعاع :- شبيهم ؟؟؟
- نارا :- ترى اعرفهم همَ مو قليلين شر ابد ويدورون المشاكل بروح اذا شافوا ابنهم هيج ماراح نخلص منهم
- شُعاع :- شحدهم الا اسوي طشارهم ماله والي واسحلهم من شواربهم امسح بيهم الكاع هى حيوانات
- نارا :- زفرت انفاسي بتعب ، ماجاي تفهمني راح يحاربونه من كُل مكان
- شُعاع :- اني قليل شر ؟
- نارا :- هاا
- شُعاع :- اسألج اني قليل شر ؟ شفتيني خيخه مثل ابن عمج ؟ اني مو قليل شر ولا اضم راسي ورى احد واستقوي بي اخذ حكي بيدي خلي يندكون ويشوفون شنو اسوي بيهم
- نارا :- سكتت الحجي ويا ضايع وخايفه لا يصير شي يخليني
اعض اصابعي ندم

- شُعاع :- ترى عقابج ما بادي
- نارا :- رفعت راسي من صدره مصدومه ، شنو تقصد ؟
- شُعاع :- شنو حبيبي عبالج الشغله راحت وعدت
- نارا :- يمه لعد ؟؟
- شُعاع :- والله الا اخليج تصيحين الويل
- نارا :- ابتعدت عن صدره مصدومه من كلامه ، عفيه شنو تحجي انتَ
- شُعاع :- ما اتشاقه وتعرفين اني قول وفعل
- نارا :- اي بس اني شنو سويت
- شُعاع :- كل هذا وتكولين شنو سويت
- نارا :- اي شنو بالضبط
- شُعاع :- من يوم الي وصلتج رساله تهديد الحد هذا اليوم كلهن شفتهن حتى الرسائل شفتهن والمكالمات حتى كاميرا البيت شفتها من طالعه بنص اليل مثل الحراميه واني نايم طالعه حاجيه ويا بالجهاز كل شي حتى مصطفى كال الي بخصوص الرساله الي
شايفها من الاشعارات بجهازج بيوم الي رجعه الج حتى حاجيت عنقاء زوجه الشذام وعصرت مخها عصر الا ماكالت عن كلامج بيوم الي سألتها عن لو تحجي لو تسكت ، وحتى صديقتج ساره رحت البيتها وسألتها عن كل شي
- نارا :- هو يحجي واني مصدومه منه ومن كلامه كلهن هذن سواهن بنص يوم يمه صرت اخاف منه رديت عليه ، يمه شُعاع انتَ ينخاف منك
- شُعاع :- هسه يلا عرفتي !
- نارا :- اي بس مو عن قصد سويتهن
- شُعاع :- كلههههن كلهههن تتحاسبين عليهن وحده وحده واني رجل قانون عادل اطبق القانون
- نارا :- شششششُعااااااااع هاي شنو
- شُعاع :- اششش تعالي نامي يلا

سحبني تحت ذهولي من كلامه وخلاني ع صدره بقيت بصدمتي
يمه ماجانت هاي الشغله براسي خاصه من شفت معاملته شلون عاملني بخوف وحنيه ماتوقعت راح يقلب بهاي الطريقه
زفرت انفاسي بتعب وسكتت هو صار يلعب بشعري شوي شوي إلى أن ما حسيت ع نفسي من غفيت واني بين اديه بس حسيت بي من عدل نومتي ونومني ع المخده وغطاني اني مابيه حيل افتح عيوني والنعاس غلبني الهذا غطيت بنومتي ورى فتره ماعرف يمكن كم دقيقه حسيت ع دخول الممرضه للغرفه فتح عيني شفتها
ضربت ابره بالمغذي وطلعت ااني رجعت نمت من التعب

ورى فتره فتحت عيوني اباوع بالغرفه شُعاع ماكو
وين راح ياربي هذا الرجال راح يموتني ناقصه عمر
شويه وحسيت الباب انفتح كُل ظني هذا شُعاع
بس انصدمت من الي شفته كدامي !!!!!!

فجأة وبصوره مُرعبه دخلوا عمامي وخوالي للغرفه وهمَ
شايلين اسلحتهم ونظراتهم تقتل بالمكان شهكت بقوه خايفه ماحسيت الا واحد منهم لزمني من شعري
وسحبني بقوه وكعني من السرير وايدي صارت تنزف دم من ورى الكانونه صرخت بصوت عالي مرعوبه وجسمي يرجف ، ششششُعااااااااع ششُعااااااااع .

متوهمَين موش احنّـه التِغيرنـه بس
دگاتكم كسرن خواطرنه ..
شايف مِـن يجَـن كلهن لابيـكّ
التكوملهـن ولابيك التـرتبهن حِـزنك
خـوفك، والضياع البيك گِلـي
شلون تحَملهـن ..؟
يتبع ✨️

التووووقعاااااااات ششششنو برأيكم ؟؟؟

.