الربتج " حالك الاسوداد " الفصل الخامس 5 - بقلم رهف علي

يا الله وكأني أغرق أرحمني كادت
قواي تخور وظهري ينكسر .

كُلما اشتدتُ الايامُ علينا تجعلنا
ننفر بِفزع ونتلخبط يمين وشمال
باحثيت عن منفذً يكون مأوى لنا
ليسَ من شده البرد ولا من حراره الايام
وإنما من ظُلم الانسان
هاربين من مكانً إلى أخر لعلُ يكون
اقل قساوةً من عند الاخرِ
وليس نحنُ بمُدركين أننا نرمي
بأانفسنا إلى التهلكُة .

واكفه بمكاني جامده عيوني مفتوحات
ع وسعهن عيني ماترضى ترمش وهيَ تعاين
المنظر الي كدامها
فجأة احس الزمن والوقت والدنيا كُلها توقفت
بلمح البصر نسيت حتى شلون اتنفس
نسيت شلون احس بنفسي ولا حتى أدرك
الوضع الي يمي
قساوة المنظر الي كدامي نساني حتى منو اني
للحظه حسيت كأن روحي طلعت من مكانها
اريد استعيد وعيي بس ماكدر
لحظات مرت كأنها دهر كامل
عيوني تشوف بس منظر واحد
شلون ابويه امدد ع الارض وينزف دم بغزاره من راسه دم !! دم !!

ماعرف شكد مر الوقت عليه واني جامده
بمكاني سمعت صوت صراخ
وضوضاء عارمه
أدركت اني وين حسيت ع الأصوات صارت
اقوه رمشت عيني من شفت
اخويه محمد وكع مغمي عليه ردت اتحرك بس جسمي مايتحرك
اول ما وكع سمعت صرخه اخُتي زهراء
دوت المكان خطفت من يمي وراحت تركض
ع محمد فجأة الي كتل ابويه لزمها
من ايدها وسحبها اله وهي تصرخ تريد
تسحب روحها من عنده بس هوَ اقوه منها
هيَ ناعمه وصغيره
احس اريد اتحرك بس ماكدر حسيت نفسي
مشلوله

زهراء تصيح تريد تروح لمحمد هو لازمها
ويصيح عليها " ابتعدي عن هذا المُرتد لا بارك الله فيه ولا في المرتدين "

صرت اسمع أصوات اخواتي يصرخ
ب أسم بابا بس ما سمعت صوت أمي ابد
عيني راحت عليها لكيتها مثل حالتي
حتى رمش ماترمش جامده بمكانها
اخواني الصغار وأخواتي يصرخن

اسمعهم يحجون ويانه بيهم يحجون فصحى
وبيهم عراقي وبيهم من غير دول
" سوف تخرجون معنا من دون أي صوت ولا تَمرد
اياكُنً التَمردُ "
رفعت عيني عليه هوَ رفع سلاحه رمشت
عيني بفزع من شفته وجه السلاح مالته
ع ماما هنا جسمي أدرك بمكانه شهكت
من كُل كلبي وركضت اله بفزع اصرخ
ركضت عليه لزمت ايده ابوس بيها واتوسل
بي حتى ما يكتل ماما ابجي ودموعي
تنزل بغزاره
_ الله يخليك لااااا تكتلها شنو تريد اسوي
بس لا تموتها الله يخليك فدوه لك لا تضغط
لا تموتهااااااا،
احس حنجرتي راح تطلع من الصراخ واني
احاول اتوسل بي حتى ما يكتب ماما
هي باقيه واكفه بمكانها جامده
واني اصرخ ،
هوَ شافني هيج دفعني بقوه وصاح
بوجهي
" لعنكم الله ينعلكم الله مُرتدين "
اني مثل المجنونه ابجي و اهز براسي
وارد عليه
_ ميخالف شنو تريد احجي بس لا تموتها
الله يخليك

بعدني احجي جان يدخل واحد من باب الشارع
هو مفتوح
ماحسيت الا اجه عليه وسحبني من شعري
بقوه شهكت ب ألم حسيت شعري
صار ب أيده
خليت ايدي ع ايده الي لازم بيها شعري
وصرخت متألمه
صاح بوجهي " ابتعدي ايُتها الفاسقة "
ب ايده الثانيه لزمتها وعضيته بقوه
دفعني متألم وصرخ بيه رجعت ضربته بقوه
احس الدم براسي اتجمع
والخوف ماليني
ما اشوف الا الي كتل ابويه شمر
زهراء ع واحد ثاني وتقرب مني

كال للضربته " ابا السامي اتُركها لي انا "
حسيت بالخوف موطبيعي
خاصه نظراته الي جانت تخوف ومو راحه ابد
صار كدامي واني ابجي
_ عنيدةً ايضاَ !!!
مارديت بس احس روحي تطلع خاصه
من تقرب مني وانفاسه قريبه من انفاسي
حسيت نفسي قلبت ولعبت روحي منه
رجع كمل كلامه
_ وجميلة ، حلاوتكِ احستني بأني ذوقتُ
حوريات الدنُيا قبل حوريات الجنه
هوو يحجي اباوع شلون غمض وسحب نفس
ماتحملت رفعت ايدي
وضربته برقبته هو فتح عيونه متعصب لان مديت
ايدي عليه
ماحسيت الا رفع ايده وضربني كف ع وجهي
من قوه الكف وكعت ع الارض وحسيت راسي
انقسم نصين بحيث خدي صار نااار
صرخ بيهم بصوت عالي ..
_ اخذوهن إلى السيارات

من شفت شلون دخلوا وصاروا ياخذون بينه
حسيت بفزع قوي
اباوع كُل واحد سحب وحده من اخواتي
وطلعوهن برى وياهم وهن يصرخن
صراخ قوي
وجعني كلبي واني مابيدي اسوي شي الهن
رجعوا ع اخواني الصغار اخذوهم وياهم

لفت نظري اخويه محمد !!! ليش الحد هسه
مغمي عليه حسيت ب انفاسي اضطربت
سحبت روحي وركضت العنده
حاولت اكعده بس ماكعد
فتحت عيوني ع وسعهن كلبي علمني بي شي
خليت ايدي ع التنفس
مالته ماكو مايتنفس كلبي صار يدك بقوه
نزلت راسي سريع ع قلبه ماحسيت بي !!!
رفعت ايدي ترجف رجف مو طبيعي خليتها
ع النبض مالته هم ماكووو حس

هنا أدركت اخويه محمد مات اثر صدمته
بمقتل ابويه كدام عيونه ' اخويه ماات!!!
هاهيَ اخويه مات بلمح البصر !!!

صرخت مفزوعه شلته وحضنته
اصرخ صريخ " لاااااااا محمددددددد لاتروووووح ويا ابويه لاااااااا ، الله يخليك اكعد لاتموووووت
محمددددددددد "
حاضنته ع كلبي واصرخ حسيت واحد يجر
بيه رفعت راسي لكيته نفسه الي ضربته
يصيح عليه حتى اعوف اخويه بس
اني وين اعوفه هيهات متشكبه بي بقوه
وابجي حتى النفس ماصرت اعرف شلون
اتنفسه اخويه صغير ع الموت بعده طفل
شلون مات ليشش
مات بهاي السهوله ،
بعدني بصدمتي صار واحد كدامي واحد ورايه
يريد يسحبني والكدامي يسحب ب اخويه
من بين اديه واني لازمته
الا ضربني بقوه من قوتها فتحت ايده وسحب
اخويه مني
وشمره بعيد عني ورجع سحبني من شعري
واني اصرخ متألمه ، ولكم لاااااااااا عوفوني ..
وين يسمعون ! سحلوني سحل برى البيت
اني اخر وحده
طلعت من البيت ، منهاااره وعيوني ماشوف
بيهن من الدموع احسهن مورمات

مسحت دموعي بقوه بمعصم ايدي
ورفعت راسي ع بيتنا
واحد منهم شايل بيده مثل الصبغ
كتب ع البيت مالتنا " دوله الإسلام "
بعدها صار رمي حيل قوي من قوته بي رهبه
حيل قويه

صعدونا بالسيارات وهمَ يصيحون
علينا واحد منهم لازم اختي شهد
هي تريد تنهزم منه وتمردت عليه من شافها
مافاد وياها الصياح لزمها ومشرها
بالسياره بقوه بحيث انضربت ع راسها
بقوه واغمى عليها
اباوع شلون اخواتي شمروهن شمر عبالك
مو بشر
واكو بيهم لازمين اخواني الصغار
ف نفسه الي صعدني صاح بيهم
" خذوهم إلى تلك السياره لينضموا إلينا "
فتحت عيوني ع وسعهن شنو اخواني
بعدهم صغاااار علي ومجتبى حيل صغار
شنو ينضمون الهم !!!!
شكد صحت ردت وهمَ ولا عبالك احجي وياهم
فرقونا عن اخواني وحطونه بسياره بس بنات
بعيد عن الولد

هنا وسمعت صوت ماما تصيح بنحيب عليهم
ابتسام : وين ماخذيهم بعدهممم صغاااار
اطفال صغااااار يخافون .
رجع رد عليها بصوته القبيح
_ أخرسي أيُتها الفاسقه ، المُرتده ، الزان**
ايُتها الفاجرة .
اني من سمعت شلون يحجي عليها
صحت بوجهة
_ مااااااااكو فاجر غيرك انتَ وامك الزا***
ياحقيرررررر .
هو اني حجيت هيج اجاني سريع متعصب
تقرب مني لزمني من راسي وضربني بقوه
بالسياره وهو يصيح عليه " لعنك الله ايُتها المرتده "
راسي حيل اذاني
لان الضربه قويه خليت ايدي ع راسي ونزلتها
لعيوني ايدي مليانه دم
عيوني غوشت بس بقيت واعية
اباوع شهد رجعت الوعيها تبجي يم ماما
وجعني كلبي عليهن واني اباوع
حالهن ومابيدي اسوي اي شي

مشت السياره عاط بينا " ماريد صوت " ماكدرت اسكت
واني الساني مو بيدي
وادري راح يعم عليه بس موبيدي اشوفهم
شلون يلعبون بينا وابقى ساكته
صحت عليه
_ انتوا ألدوله مالتكم هي الصح ؟؟؟
ماجاوبني رجعت صحت جاوووووبني
هو خزرني ورد بفخر
_ نعم وانتم المُرتدين المرتزقى .
غمضت عيوني وسحبت نفس رجعت حاجيته
بصوتي اليرجف
_ انتوا قتلتوا ناس أبرياء هم تمسون
نفسكم دوله صالحه انتوا مو يم الإسلام والله بريء
منك اليوم اليدين .

ماحسيت الا شخط السياره وكفها بقوه
بحيث من قوتها ردنا نوكع
نزل من السياره متعصب
اجه فتح الباب وسحب امي وبيده السلاح
يعرف وشاف نقطه ضعفي من راد يكتلها
شلون دافعت عليها لهذا عاف الكُل وراح
عليها
من شفته فتحت عيوني ع وسعهن وصرخت
اترجى
_ لاااااا عوفههههااا لا تقتلها تريد تعال اقتلني
ااااني مووو هيَ .
اعتلت البسمه ع ثغره بسُخريه ورد عليه .
_ لا استطيع ان اقتُلكِ انتِ جميلة جداً .
هزيت راسي بيأس رديت عليه بغضب عارم مصاحب بخوف
_ لعد عوفههههها ليش تقتلها
شتريد منهاااا
_ اترُكها اذا اعتدتم الصمت والا اقتلها
هزيت راسي بقوه وجاوبته .
_ تمام راح نسكت بس اتركههاا
رجعنا للسياره وهمَ يضربون بينا ويسبونه
وهاي كلمه مُرتيدن ما تنزل من السانهم ابد
كأن احنه الكفره وهمَ المُسلمين .

مشت السياره مسافه طويله
واحنه حاطين ادينه ع كلبنا خايفين احس
كلبي ع لحظه يوكف
رفعت عيوني اباوع
ع عائلتي الي تشتت
بلمح البصر شلون خايفين ومرعوبين
اخواتي ، ماما
والاتعس اخواني الي مانعرف وين راح
يودوهم يقتلوهم شنو يسون بيهم هم ماعرف
زهراء جانت تبجي
وبين صوتها
حطيت ايدي ع حلكي وهمست الها
، اششش ، ماريد ينتبهون عليها
ويرجعون يضربوها بس هيَ
ماسيطرت ع نفسها وبين صوتها سريع عاط بيها
الي يسوق السياره
" اخررررسي لا اُريد سماع صوتكِ القذر لا اياكِ والبُكاااء "
من خوفها
غمضت عيونها وسدت حلكها بقوه
بهت وجهي واني اشوف شلون
الخوف تملكها وين جنه وين وصرنا ليش
هيج صار شنو سوينه
حتى يصير هيج ويانه
وبهاي البشاعه

مرت فتره طويله الا ان توقفت السياره
سحبت نفس خايفه ماعرف
وين جايبينه
وشنو راح يسوون بينه وهمَ يلقبونا بالروافض
يعني عكس دولتهم
اجوي فتحوا السياره
ونزلونا يجرون بينه
جر واذا ما مشينه وياهم
يضربونه
ويجرونه من شعرنه حتى نضعف وتخور قوتنا
يكدرون يسيطرون علينا بكُل سهوله
نزلنا من السياره رفعت عيوني اباوع
واكفين كدام بيت حيل جبير بس مبني من الصب والطين يعني مو حديث
والأرض كُلها تراب انقبض كلبي من شفته
حسيت هذا البيت يخوف من الداخل
شلون راح ندخل اله وياهم حيل
خايفه

دخلونا البيت شفنا هواي
نسوان موجوده بي والي لازمني صاح
_ اُم يُوسف
طلعت وحده من النسوان تقرب النا ردت عليه
_نعم مولاي
رجع
استرسل بكلامه ورد عليها
_ هؤلاء مجموعه من النساء الروافض
ليبقن معكِ هُنا
هزت راسها وردت اله معترضه
_ نعم !!
_ اجل يا اُم يُوسف يبقينً معكِ هُنا
_ ولماذا لم تقتلوهن اذا هُنَ رافضيات
اهتز راسه برفض أردف
_ لعلِ افعل ذلك لكن الامير لايسمح لي هذا الامر
ف انا اتوق إلى أن اقُتلهنَ واُطر هذه الأرض من قذارتهنٌ
اهتز رأسها بقبول واردفت
_ سمعً وطاعه ، يانساء تعالن اخذوهن

طلعن نسوان مجموعه واجني يمنه
وكفن كدامنه حسيت نفسي عايشه
بفلم رعب
النسوان الي اجني أخذن اخواتي وسحبنهن
بقوه وهنَ يصرخن يريدن يبعدن
بس هنَ اخذنهن
والي ملقبه ب ام يوسف تقرب مني
ومن امي سحبتنه اثنينه من شعرنا
وجرتنه بقوه تصيح علينا وتشتمنا
_ مابالكنُ بهذه القذاره ليلعنكن الله
ماتحملت كُل هذا لزمت ايدها
وصرخت بوجها ابعدها هيَ حاطه اصابعها
بداخل شعري بحيث فروه راسي حسيتها
تريد تنقلع وهي ضخمه
لفتنه اني وماما لف بين اديهة

سحبونه سحب ودخلونه بوحده من الغرف
الس موجوده بالبيت واني بس اصيح
أريدها تعوفنه ،
عووووووفيننننننه ياحيووووانه
شنووو تريدوووون منه يا انذااااال
الله ينتقم منك كفاااار .
دخلت امي ودفعتها ورجعت عليه
اني لزمت ودفرتها بقوه وعطت بوجهة واغلط عليها
بحيث اول مره اغلط هيج غلط
_ ****،**** انتِ الفاجررررة
هي عيونها صارت براسها شلون
هيج غلطت عليها وسبيتها شتمتها ب ألفاظ
قبيحه
لزمتني من شعري حطيت اديه ع اديها
أريدها تعوف شعري بس ماكدرت
بخفة ايدها ضرربت راااسي ححححيل
بالحايط مرتين بحيث الدم صار ينزل
ع عيوني دخت كُلشش دخت وعيوني صارت
تغمض وتفتح بالكوه
عاطت بيه بصوتها القذر
_ انتِ الفاجرة اياكِ ان تقولي ما قلتيه مرةً اخُرى
والا قتلتكِ .

ماكدرت ارد عليها من الدوخه عفتها ورحت
يم امي كعدت اريد
استعيد قوتي هزيت
راسي ورى دقيقه ورفعت
عيني ع ماما لزمت راسها واضغط عليه
بهدوء اعرفها
هسه تأذت من جرتها بكُل هاي القوه
وهيَ ساكته احسها مصدومه بشكل
رهيب
رجعت ع اخواتي احاول اسكتهن وهنَ
يبجن تعبت نفسيتي وماعرف شلون
اتصرف
رجعت ام يوسف عاطت بينا
_ اسسسسسُكتوا والا اقوم بقتلكم جميعاً
سكتنه ماحجينه خايفه ع امي والبنات
لو وحدي جان مابقيت ساكته
بس يعرفون شلون يلون ذراعي
كعدت مهمومه واحس جبل فوك ظهري
حسيت الدينا قفلت أبوابها من كُل الجهات
مرت فتره ورجعت دخلت علينا

تقربت مني وكعدت يمي انقرفت منها بس
سكتت ما حجيت
هيَ الي بلشت تحجي
_ تدرين!
رفعت عيني عليها بصدمه ورديت عليها
_ تحجين عراقي !!!
هزت راسها وردت بلامبالاة
_ احيانًا
نزلت راسي بأسف ع الي صار بينه
لابسه دشداشه وشعري مكفش من الجر
لميت رجلية الصدري
ومنزلة راسي بحضني
مارديت عليها هيَ رجعت استرسلت
بالكلام الوحدها ،
_ انتِ عنيدة جداً والامير يَحُب العنيدات سوف يَحبكِ كثيراً
عقدت حاجبي بنرفزه نزلت رجليه وكعدت
عدل رديت عليها بعصبيه
_ ااااانعل ابوج لابو حتى الأمير مالتكم
كووووومي من يمي
هوَ انتِ وحده بلا شرررف
بايعه نفسج ومخلصه وياريت
بايعتها الشي يسووووه
الأكثر من هذا الشي
بايعتها الدوله كُلها خُرااافة
و كافرة يسبون بناتها ويقتلون
بددددددم بااارد
مارد ع كُل هذا كلامي ضحكت بقوه
ورجعت ردت عليه باستفزاز اكثر
_ هههههههه انتِ مُتزوجة ؟
مارديت عليها هيَ رفعت ايدها وكرصتني
من صدري
دفعتها بقوه وخزرتها عطت بيها بصوت
_ شبيييييج وججججع الووووجعجججج
رجعت ضحكت بصخب واردفت

_ عنيدة وجميلة ايضاً افكر انا من المحظوظ
الذي سوف ينال هذا الجمال
ويشتريكِ ليحظى معك ليلة جميلة ك وجهكِ
وو... وجسمك
فتحت عيوني ع وسعهن رديت عليها
_ شنو تقصدين ؟؟ شنو منو يشتري ليش
هزت راسها وردت بعدم احساس
_ خلال يومين سوف يأخذوكِ انتِ ومن معكِ
إلى سوق السبايا من يعلم ربما يقتلوكن
لا أعلم حسب رأي مولاي الأمير ورأيه
هوَ سمعً وطاعة .

قهرني كلامها وكأن احنه مو بشر
سألتها
_ انتِ من وين ؟ ردت
_ الموصل
رديت عليها بصدمه
_ وبعتي شرفج الهم وانتِ من هاي الدوله !
وكأن ماهمها
_ همَ ع حق كلامهم هوَ الصحيح
ونحنُ معهم .
جوابها خلاني انقهر وكأن عادي عندها هل شي
هزيت راسي بحقد
_ وانتِ عاجبج هذا الشي الي ديصير ؟؟
عاجبج من انطيتي شرفج بهاي السهولة
عاجبتج الشغله من زني** ويا شخص غريب
مايقربج بالحلال !
وكُل يوم ويا واحد ينام وياج بهاي القذاره !!!
حطت عيونها بعيوني وابتسمت
كأن هل شي حيل فخر الها ردت علية
وهي مسبله عيونها وكأن عاجبها إلى أقصى
درجه
_ شعور جميل ، جميل جداً

ضغطت ع ايدي بقوه وريت عليها
_ تدرين ؟ رفعت حاجبها
_ ماذا !
_ الشرف غالي وانتِ بعتي شرفج بهذا الرخص
وبهاي السهولة وماعندج اي شرف من
انيطيتي ب أبناء بلدج بهاي السهولة
مثل احنه وغيرنا سواء نساء او رجال

_ تدرين ؟ رفعت حاجبها
_ ماذا !
_ الشرف غالي وانتِ بعتي شرفج بهذا الرخص
وبهاي السهولة وماعندج اي شرف من
انيطيتي ب أبناء بلدج بهاي السهولة
مثل احنه وغيرنا سواء نساء او رجال .
،رجعت ضحكت وردت عليه
_ انتِ كذلك خلال يومين لن يعود
لديكِ أي شرف فقط انتظري يومين وسوف
تفقديه
رجعت ضحكت وكرصتني من خصري
دفعتها بتقزز وكفت ع طولها ولزمتني من
شعري بقوه
_ اذا بقيتي في هذا العناد سوف اقتلكِ انا من
دون لا يعلم أي أحد فهمتي !
رصيت ع اسناني وجاوبتها
_ لاااا اني الي اكتلج وادفنج ومحد يدري بيج مو انتِ ، دفعتني وطلعت قفلت الباب وراها

حطيت راسي ع الحايط مصدومه من
كُل هذا الي صار امي صافنه واخواتي بس كاعدات
يباوعن ويبجن
حيل مر الوقت حسيت صار الوقت بعد منصف
اليل يعني بعد ال 12 اسااسًا اول ما دخلوا النا
جانت الساعه 4 وكُل هذا الي صار
الوقت مر
رفعت راسي لكيت اكو ساعه وفعلاً جان
الوقت متأخر الساعه 2 باليل
عيوني قفلت من الالم والنعاس
واحنه مانايمين طول الايام الفاتت من الخوف
وهسه اكثر
خايفة لا انام ويدخلون علينا ياخذون اخواتي
لو يقتلونا
صرت افكر هي كالت بعد يومين يعني
بعد يومين ياخذونا ومانعرف شنو
يسون بينا يقتلونا لو يبيعونا
واذا باعونا شلون بينا !!!!
الأفكار صارت تتراود براسي
بصوره عجيبة
والموقف رجعت الي من جديد
حسيت روحي راح تطلع محبوسين هنا
ومحد يعرف بينا
اتمنيت ما داخلين الموصل ولا شايفيها
لو باقين يم عمامي ولا هذا الي يصير
بينا

رجعت ام يوسف للغرفه وكعدت كدامنه
بدون ما تحجي بس ساكته
ماما تعبت فد مره غمضت عيونها وهي
حاطه راسها ع الحايط واخواتي
دائرها
اني نعست بس ماكدر انام من الخوف
وكأن بابا خلاني حارس الهن قبل لا يروح
ام يوسف نامت واني عيني بالغرفه تفتر
اكو بنات هواي بالغرفه مو بس احنه
بس شادين اديهن ويعونهن ومن اول
مادخلنا مانطقن ولا كلمه
ولا حتى بجن
ماعرف ليش بس احسهن
خايفات كُلش ومسوين الهن شي مرعبيهن
إلى درجه مخليهن حتى ما يسون
اي رده فعل
صارت الساعه 4 الفجر وحسيت
صارت ضجة برى خليت ايدي ع كلبي
خايفة لا يدخلون علينا ويسون بينا
شي من الي حجوا بي
خايفة ياخذون وحدة منا

سمعت صوت هوسه غمضت عيوني
وسويت نفسي نايمه
حجيت بكلبي " ياترى هسه الدور ع منو بينه "
معقوله اني او غيري
فزيت ع همس بصفي همست وهي ترجف
زهراء : نينا
نارا : عيونها
زهراء : اني خايفه بعدني صغيره
نارا :- نصي صوتج لايسمعون لاتخافين الله وأهل البيت ويانه
زهراء : حبابه اخاف ياخذوني احميني منهم
بعدنا دنحجي ودخلوا فتحوا
باب الغرفه ودخلوا علينا سريع غمضنا عيونه
حتى ما ينتبهون علينا نرجف خايفين
وكُلنا كاعدين بس مسوين نفسنا
نايمين حتى ما ينتبهون علينا
فتحت عيوني ع كيف شفته شلون اي بنت
كاعده كدامه ياخذها وهي تصرخ تفرفح روحها
وهوَ مامهتم الها ابد
زهراء بصفي همست ترجف
زهراء : نينا لا نينا لا ياخذوني اني خايفه
همست الها
نارا : اششش لاتحجين اسكتي
سمعت واحد صاح بصوت عالي
هوَ نفسة الي دخل ياخذ البنات صاح
_ ام يووووسف
هي وكفت ع حيلها وردت عليه
_ نعم يا ابا عمر
_ شوفي الي وحده من البنات أخذها
اني هنا شفتها شلون صارت
تباوع ع كُل وحده تريد تختار
وحده من البنات اله وصلت عينها عليه
غمضت ارجف وعبرتني رجعت فتحت
عيوني ع كيف
حسيت زهراء سوت حركه انتبوا عليها
همست الها ، اشششش زهراء
تقربوا منه غمضت عيوني بخوف

سمعت عيطه وصراخ قوي
فتحت عيوني ارجف وعيوني تراقب مشى
بتجاة اختي زهراء سحبها بقوه وشالها
باواع شلون اخذوها
من كدام عيوني وهي تصرخ وتستنجد وكفت
سريع
زهراء : نينااااااااااا ساااعديني اني خايييفه
ركضت بكُل سرعتي عليه اريد اسحبها
من عنده هو لازمها قوي وهيَ تصرخ
لزمته وضربته اريده يعوفها هو لزمها
ب ايد وحده ودفعني ب ايده الثانية
اني احس روحي تلوب اريد بس الزم زهراء
حسيتها راح يوكف كلبها
لزمتني ام يوسف وجرتني بقوه دفعتني
للورى وصاحت بيه
_ اجلسسسسسي هُناااااا
اني ما اهتميت الها رجعت وكفت برغم
ظهري صار اثنين من الالم
رجعت ركضت عليه
اريد أخذها من بين ايده بس
هو دفعني وطلع اخذ زهراء ويا
بيقنا نصرخ كُلنا بس محد اهتم النا
حتى الي بالغرفه كُل وحده حايرة بروحها
بقينا ع فد بجية الحد ما طلعت الشمس
واحنه بس نبجي ع زهراء
شلون أخذها خايفين لا يسوي بيها
شي

بالنا كُلة يمها حسيت اريد
اخلي طلقة بنص راسي وارتاح
روحي تلوب اريد خبر عنها
كُل ما احجي ويا ام يوسف تصيح عليه
وتهددني بالبقية
ورى فتره انفتح الباب ودخل
نفس الشخص الي أخذنا من البيت
سأل ام يوسف
_ ام يُوسف أين الرافضيات
_ نعم هؤلاء الرافضيات لكن أتى ابا عمر
واخذ واحده منهن
_ ماااااذااا ابا عمر !
_ اجل
اردف باعصاب ثائرة
_ ابا عمر قد كان مخمورً
_ هوَ أتى و اخذ واحده منهن

كُل هذا وهم واكفين برى الغرفه
واحنه نسمع اني الوب شنو
يعني هذا الكلام وهي حجت اله كُل الي
صار
صار عصبي ودخل للغرفة صاح بوجهنا
بعصبيه
_ هياااااا فقن انهظواااااا ماذا فعلتوا بي .
صفنت شنو يقصد بكلامه ماذا فعلتوا بي
ليش احنه شنو مسوين اله
انطتنا ام يُوسف نقاب لكُل
وحده منا وجبرتنا نلبسه
لبسنا كُل ما نعترض يضربونا ويشتمونا

اخذونا بالسياره وهم رجعوا
مشوا مسافة طويلة واحنه كاعدين نبجي
ع زهراء شلون بينا وين هيَ هسه
شصاير بيها كُل هاي الساعات وهي الوحدها
معقوله اغتصبها لو قتلها
الأفكار صارت تتصادم براسي
امي انتهت احسها ع للحظه تموت
مو هينه كُل أطفالها اخذوهم منها
وبللحظه انطفت شمعتها
الي ديسوق السيارة اجه اتصال ع الاسكلي
رفعه وجان الصوت واضح
سمعنا الطرف الثاني حجه ويا
كال اله
_ ابو نوح في انتظارك .

حسيت الي ديسوق ارتبك ورد عليه
بعدين انقط الاتصال
رد علينا بعصبيه وصاح بوجهنا
_ مااااااااذااااا فعلتم اننننننتوا بي
ماعرت كلامه اي انتباه
بقيت ساكته بس ابجي
ورى فتره وكفت السياره ونزلونا
المكان الي وصلنا اله جان عبارة
عن بنات هواااااي من شتى الصنوف
والطوائف يعني مو بس احنه رافضيات
لا غيرنا هواااي
حسيت راح يغمى عليه مصدومه بكمية
البنات الموجودات هوااي ماينعدن
واكو هواااي زلم رجف جسمي
هذول شنو ديسسون
ليش هيج واكفين المشهد الي شفته
حسيت روحي بغابه والحيوانات
المفترسة مجتمعة حول فريستها
هذا ابسط مثال اشبهة بالوضع الي احنه
بي

البنات هوااي بيهن مُنقبات
والزلم يفترون عليهن يرفعون النقاب
يشوفوهن ويرجعون يتركوهن يروحون
ع بنات غيرهن
هناااااا أدركت نفسي انُ احنه بسوق السبايا

نزلونا من السيارة وسحبونا سحب
غصب عنا
صاح بينا واحد بيهم
_ خلوووهن يوكفن هنااا
رجعوا سحبونا وكفونا وياهم غصب
عنه اني وامي واخواتي الباقيات
مو بس احنه البنات لا بعد هواي غيرنا
مينا جانت واكفة قبلي
جانوا هواي رجال موجودين
تقرب واحد وصل يمنا هنا دكات كلبي زادت
وصل يم اختي مينا وهمَ رافعين النقاب
عن وجها بقى صافن عليها
كصها كص بعيونه بحيث هيَ تبجي وهو
مستمتع بشكلها
هوَ جان حيل مُقرف شكلة عطره كُل شي بي قرف
بقى صافن عليها هواااااي بالدقايق
اخر شي ابتسم بشر ونطق
_ عجبتني أريدهااااا .
مينا : لاااااااا لااااااا حباااب لااااا

كُلنا شهكنا مصدومين من كلامه ومن
صراخ مينا وهي تتوسل بي يعوفها
اسمع مينا صارت تشاهد
مينا : اشهد ان لا اله الا الله وأشهد أن محمد رسول الله .
تتشاهد وترجف ودموعها تنزل بغزاره
اباوع شلون راح دفع الفلوس الي معونينه عنها
والباعوها بي ورجع الها وكأن علامه النصر
ع وجهة
سحبها من ايدها وجرها هي
تجر بنفسها وتصيح وهو يجر بيها
احنه كُلنا نصرخ ع صراخها حتى النقاب وخرته
من وجهي احس النفس نقطع
اريد اركض وراهم حتى أخذها من بين
ادية بس اكو نسوان لازماتني
من ادية مايخلني اركض وراهم
صوتي احسة راح يختفي كثر ماصيحت

وخخخخري عني ولج عوفييييني
وين ماخذين اختي الله لا يوفقكم
الله لا يرضى عليككككككم
عوفوهاااااااا
لج عوفي ايدي خليني اروح ورى اختي
راح ياخذهااااا ، كُل هذا الصراخ
كدامهم كُلهم وهمَ يباوعون علينا
ماما من جهة تصرخ واخواتي من جهة
راحت زهراء وهسه مينا فرفحت روحنا
اكل ما ماكلين وقوتنا خارت بعد
مابينه حيل نبجي ولا بينا حيل نوكف
جسمي يرجف رجف مو طبيعي بس
مع ذلك اصرخ بكل قوتي

ع الرغم احنه يسمونا الروافض
والمفروض بينا يقتلونا بس تسابقوا علينا
ع المشترى يعني يربحون بينا غاليات
خاصه بعدنا بنات المهم يبيعونا ويحصلون
من ورانا فلوس وبعدها بكيفهم
اذا رادوا يقتلونا او لا
ع الرغم اكو هواي طوائف غيرنا ومنهن من
البنات ايزيديات ومسيحيات وغيرها

نظراتهم اتجاهنا كانت عباره عن قرف
يناظرونا كأن احنه فريستهم
يجاهدون حتى يحصلونا ب اي طريقه
ماعندهم شي اسمه زواج لا
يحصلون اي بنت بالحرام لكن هذا
الشي عندهم حلال دام صارت يمهم
الزنا عندهم شي طبيعي وعادي
البنت ينتاولوها اكثر من أشخاص
وينقلوها من شخص الشخص ثاني
بعد حسب رغباتهم
واذا ماحبوا او ملوا يا الجهاد او القتل
اما اذا تمردت وحده عليهم مصيرها
الاغتصاب وبعدها القتل
هذا مصير اي بنت سواء متزوجه أو لا
وهمَ يرغبون البنت يكون سعرها أغلى
من المتزوجة.

واكفين كدامي مثل الحيوانات يتناولون
البنات اسمعهم يصيحون عليه لان
اصرخ وابجي
_ من يَحُب هذه الجميلة فاليشتريها .
مابيه حيل حتى ارد اله محروك كلبي
ع مينا وزهراء

امي بصفي تبجي ماحسيت الا المرأة الي
لازمتنا تقربت من امي وحجت وياها ..
_ انتِ امرأة كبيره في السن لماذا لا تأتين معنا إلى معمل النساء للجهاد وانا اقوم في شراؤك
امي عاطت بيها و ردت عليها
_ ماااا اررريد عوفيني
اباوع عيوني انتقلت للمرأة الي حجت ويا
امي من شافت رد امي ما استسلمت
عافتنا وراحت للرجال الي واكف ماعرف منو
بس شكله هو الي يبيع بالنساء الموجودات
بالسوق
ماعرف شنو حجت ويا بس شكل
كلامها هو الي يمشي سريع هز راسه الها
بخضوع وتقرب من يمنا بحزم
هنا حسيت نفسي راح اخسر حتى امي
وكف كدامنا وسحب امي بكّل قوته وهي
ماعندها قوه ولا حيل وشمرها كدام
المرأة الي رادت تشتريها
_ تم بيعك ، خُذيها إلى حيث تُريدين .
ماعرف شصار بيه من شفتهم
ياخذون امي من كدامي
ادمرت انتهيت
شكد حاولت الزمها ماخلوني لازماتني بقوه
حتى ما اتحرك

عوووووفي امي لاتاخذ لاتاخذوهااا شتريدون
سووو بيه بس عوفوا اااامي ،
ماسمعوا كلامي ولا اهتموا الي
امي حيل تعبانه حتى مشت بدون لا حول
ولا قوه ماعرف ليش كلبي وجعني واني
اشوف منظرها يكسر الكلب
بحيث أدركت هيَ ماراح أطول ممكن بالطريق
وتموت ع ايدهم
مابيها حيل النفسهم صدمتها وحده ورى
الثانيه ما تحملتهن
بقيت اصرخ عوفوها راح تموت بس
لا حياة لمن تنادي اخذوها من كدامي
وبدم بارد
صفيت بس اني وأخواتي الاثنين
الصغار
كعدت ع الارض اشيل بالتراب واحطه فوك راسي
واصرخ وهمَ ماخلوا شتم ضرب
كُل شي جربوا بينا

رفعت راسي اناجي رب العالمين
اول ما رفعت راسي وكعت عيني بعين
شخص واكف كدامي بس بعيد
ماركزت بي بالضبط بس رفعت ايدي
تمسح دموعي من عيوني حتى اركز
لكيت نظراته مصبوبه عليه
انتبهت ع وجهة يختلف عنهم ماعرف ليش
هيج حسيت
وجهة يختلف رغم شفت حاجبة مقطوع
جسمه متروس ضخم بس مو هواي
واكف وصافن عليه
بقيت صافنه عليه ودموعي تنزل
ماعرف ليش حسيت هذا الشخص مُمكن
يكدر يساعدني
عسى ولعل ربي زرعه بطريقنا الصالحنا
ردت بس امل واحد بس واحد حتى
يساعدني بس مالكيت غير بس نظراته
تجاهي
شفته مشى اتبعت خطواته
تقرب من يمنه وراح بتجاة الي يبيع
النساء بالسوق
سمعت صوته ماعرف شنو حسيت
سأله ورفع ايده بتجاهي يأشر
عليه وكمل سؤاله
_ كم سعر هذهِ الفتاة ؟!
اليبيع النساء جاوبه هو هز راسه ومشى
عافنا

ماعرف ليش حسيت بهذا الاحساس
انُ اني فاقده الأمان واريد بس
شغله او طرف واحد حتى اعلق آمالي بي
واطلع من هذا القعر الوصخ
حتى وان كان ع حساب هذا الشخص
مايهمني لان أيقنت انُ هنا
كُل شخص يدور مصلحته حتى يطلع من
هذا المكان حتى لو ع حساب شخص
ثاني
كُل شخص يكول " ياروحي "
اني اريد شخص استند عليه حتى
اخلص اهلي من يمهم حتى
لو اني الي اتأذى المهم
اخلص عائلتي من بين اديهم القذره ..

مستمرين بالبيع
مال النساء بالسوق والبنات مستمرين
يشتروهن واي وحده يوصل
الها الدور تفرفح من البججي ويحاولن
وياهم ويتمردن بس مايصير بعدين
الا الشي الي همَ يريدوا مو الي احنه
نريده

بقينا واكفات وعيوني تنتقل من مكان المكان
عسى ربي تصير فد معجزه
حسيت ع صوت سياره
وكفت ونزل واحد من يمها
مارفعت راسي بقيت منزلته
حسيت صاحب السياره تقرب يريد يشتري
بنت من الي واكفات سأل البائع
وصار صوته بترس اذني
_ اُريد هذه الفتاة بكم سعرها ؟؟.
رفعت راسي بتعب
اريد اشوف منو هذا
صارت عيني بعينه فتحت عيوني ع وسعها
مصدومه هو عيونه مركزات عليه
همست بدون وعي " أاانتَ " ؟؟؟؟؟؟؟

ــــــــــــــــــــــــــــــ•●•ـــــــــــــــــــــــــــــــ
يتبع ..

هاا دادا احجولي عن الأحداث البربر؟؟

هاي الصوره الي مافهمتوها
بالبربر الأول نزلتها الكم واضحه وبعد اكو هواي
صور نزلتهن ع القناة لسه موجودات
ماحاذفتهن
رابط القناة بحساب الانستا
akyta_98
الساعه الي حبيتاها والسلاح