الربتج " حالك الاسوداد " الفصل السابع 7 - بقلم رهف علي

_ كُل ما أتقدم خطوه أعود
خطوتين هل هُنالك خطب ما في ؟
_ولما تَقولين ذلك رُبما هُنالك شيء افضل
في انتظارك
_ أيُعقل ؟
_ ولما لا
_ بعد كُل ما خسرته لا أظُن ذلك
الامر كاد يقتلع قلبي
والخوف يدب في جسمي
_ الا تعلمي قول ربنا عند فقدان الامل
_ ما هوَ ؟
_ {وَلَسَوْفَ يُعْطِيكَ رَبُّكَ فَتَرْضَى}

لاتنسون تصويتكم والتعليقات ع الفقرات
قلبي .
مُتابعه للحساب akyta_98

ــــــــــــــــــــــــــــ•●•ـــــــــــــــــــــــــــــ

انخطفت انفاسي مني واني اشوفه
واكف كدامي كلبي
راد يطلع من مكانه لو بيدي
اركض بس أعرف انلزم بالحالتين
ااذا ركضت او بقيت واكفه
اني روحي صارت بيدهم وماكدر اطلع
من هذا المكان لو ع موتي
رجعت تشاهدت بداخلي
واني اسمعه يحجي وياي
وعيونه متركزات عليه واني الخوف ماليني
اسمعه يسألني وماعرف شنو اجاوبه

_ يا امرأة لقد سألتكِ ألى أين تذهبين ؟

سحبت نفس
حتى النفس دخل احسه يجرح
هزيت راسي مو وقت خوف تذكرت
كلام الي اخذت امي يعني اكو مكان
خاص بالنساء خلي استغل هذا
الشي الصالحي لو بالهدف لو بالنجف
واشك همَ حيدفنوني اصلاً
اي نارا لازم ما تبينين
اله انتِ خايفة ، جليت صوتي ورديت
عليه
نارا : اني من ضمن النساء المجاهدات
وعندي شغل يخصهم

اباوع عليه ماعجبه كلامي
ومو هنا المشكله ، المشكله اجوي ورى
اكثر من واحد واكفين ورى هنا حسيت
دك ناقوص الخطر براسي
كلت راح يقتلوني هيج او هيج
اذا مو هذا ف الثاني
ردت عليه
_ فالتعودي من حيث ما أتيتِ ولا تخرجي
نارا : لا لازم امشي انتَ شنو عرفك
شنو الي اريده ليش ما تخليني
امشي !
_ قُلتُ لكِ عوددي
هذا شلون بي يريد يخليني اتمرد عليهم
واسبب اضرار النفسي مو الهم
صدمني من عرف بيه اني من السبايا
الي باعوني
رديت عليه بتوتر وبالكوة طلعت من عندي
الكلمات حسيت غصه صارت بكلبي
بس غصب عني حجيتها
نارا : أي بس اني انضميت الكم
_ وأن يَكون لا نسمح للعبور ارجعي إليه
فهمت من كلامه ارجع للشخص
الي اشتراني يعني لابو نوح
تعصبت حسيت الدم صار يغلي
بكلبي

نارا : ااااااااي شلون ارجع اله وهوَ ماعاقد
عليه بأي حق حتى ارجع يمه ، عاط بوجهي الي بصفه ورد
_ كيفيك كلام قُلنا فلتعودي
م

و اني الي استسلم سحبت نفس ورديت
وجسمي كُله يرجف
نارا : أي بس ابو نوح ما عاقد عليه .
_ اذاً أبو نوح !!!
شهكت بصدمه من صرحت بأسمه
يمه شراح يخلصني هسه
يسحلوني منه والله رحتي بيها يا نارا
حاولت اطلع منها واحاول اجاريهم
بالكلام حتى يعوفوني عسى ربي
يتركوني امشي بطريقي
نارا : انتوا ما تعرفون منو اني بالنسبه
للامير هوَ الي وصى بيه واذا حاولتوا
توكفون بوجهي الا اكول اله وقتها
تعرفون هوَ شلون عصبي ومُمكن يقتلكم
فا الافضل اتركوني
ابتسم بطرف شفايفه وتقدم بخطوات
اتجاهي رجعت استرسلت بكلامي
خايفه
نارا : اذا ماتركتوني هسه ارجع للبيت
واكول اله عنكم

رفع ايده واشر الي حتى ارجع
بس شنو جان شيطان مو بشر شكد حاولت
بكُل الطرق حتى اعبر ولا مايوكفون
بطريقي بس ماكدرت
حسيت راح يغمى عليه
يعني ما استفاديت شي بس فضحت نفسي
كدامهم وبس
تركتهم ورجعت امشي والخيبه معتليه
ملامح وجهي والم يعتصر كلبي
يعني ماكو مخرج من هذا
المكان شلون بيه راح ارجع يم هذا الحقير
ويعقد عليه معقوله !!!
وصلت للبيت نفسه دخلت وسديت الباب
ورايه بس احس كلبي حيل يأذيني
وحيل خايفه اني شلون اكول
اسمه هسه يكولون اله
لو يجيبون سيرتي كدامه ويجي عليه
دخيلك ربي ما الي احد غيرك ساعدني

نزعت النقاب وشمرته فرفحت روحي
صرت افتر بالبيت ادور ع شي
يساعدني ، ورقه او سلاح أي شي
المهم يكون شي حاجه
تخليني قويه
ماخليت مكان بالبيت ما دخلت افتش بي
اخر شي رحت للغرفه الاخيره
فتحت الباب ودخلت افتر بيها
بقيت ادور وادور اروح منا وارجع منا اريد
شي بس
مالكيت شي
وكفت واني حاطه اديه الاثنين ع خصري
زفرت انفاسي بخيبه
وصحت يقهر واني ادفر الكاع برجلي ،
اااااااااي ليششششش مالكيت
اي شي ليششششش
والله راح اموووووت اختنكككككت ساعدني
ياربي انتَ اماني ومسندي
أريد تساااعدني راح اموووت هناااااا

سكتت خايفه من حسيت صار هزه اول مادفرت الكاع
وكفت بطلت حركه خليت ايدي ع راسي
عبالي ضغط لو شي لان راسي افتر
وجسمي اهتز
من وكفت راحت الهزه رجعت تحركت
اهتزيت فتحت عيوني ع وسعها
شنو هاي !!!!!!
شديصير وياي معقوله تخبلت نزلت عيوني
ع الأرضية مفروشه
نزلت ع الارضيه ادور اتلمس بأيدي
شنو اكيد اكو شي هنا يلا نارا
دوري دوري
سحبت نفسي عن الفرشه ورفعتها
عن الارضيه واني دكات كلبي
اسمعها بأذني من التوتر
من رفعت الفرشه مالكيت اي شي
زين ليش الي حسيت بي !!!!

اتذكرت بابا من جان يدك ع مكان حتى
يشوف اذا اكو بداخله فراغ او
لا اني هم رفعت ايدي ضغطت ع اصابعي
وكورتهن
ودكيت الارضيه سمعت صوت
يدل ع فراغ المكان يعني الأرضية من هاي
الناحيه فارغه يعني الارضية مو مصبوبه
مثل الباقي
ركضت اجيب شي حتى اكدر افتح
ارفع الارضيه دورت
لكيت شي مثل الحديده سحبته
ورجعت اركض للغرفه خايفه لا يجي
خلي انتهز الفرصه واشوف
شنو هنا
خليت الحديده بالأرض داحاول
ارفعها اول ما خليتها
ماحسيت الا الأرضية انرفعت
فتحت عيوني ع وسعها اول ما شفت
الموجود شهكت مصدومه
من شفت نفق !!!!!!!!!

ياربي هذا نفق والله متأكده هذا نفق
بحيث المكان يكفي يدخلون منه
حيل جبير وعميق
صح ظلمه جوه بس عرفت هذا نفق
شهكت مصدومه من شوكت
اني هنا صارلي اكثر من شهر
وهسه يلا عرفت بي موجود
نفق بالبيت الي اني كاعده بي
بقت اسأله براسي
زين هذا النفق ويين ياخذ الشخص اذا
دخل اله
الحد وين يوصله
ياترى اذا دخلت راح اطلع منه لو اروح المكان
أظلم اكثر من الي اني بي

قررت ادخل وكُل شي مكتوب بيد
الله اذا طلعت منها ف اني بأحسن
حال واذا ماطلعت منه معناها مكتوب
الي اموت هنا أو على ايدهم
سميت بأسم الله وصليت ع النبي
ودعيت الدعُاء الي امي تدعي دائما
من تدخل بضيق او مأزق
" يا من أخرجت يونس من بطن الحوت
أخرجني من هذا المأزق
اني يا الله أسألك بعزه مُلكك وشده قوتك
وبعظم سُلطانك وبُقدرتك ع خلقك
أخرجني من هذا الحجر والخوف
الذي انا به
يا الله بعظمتك الذي وسعت كُل شيء
اخرجني يارحمن يارحيم "

هستوني ردت ادخل وجان اسمع
باب البيت انفتح شهكت خايفة
اذا شافني راح ينهي حاتي رجعت
طلعت ارجف سديت المكان
ركض بركض واديه ترجف جسمي يرجف
واني اريد بس اخلص قبل
لا يوصلني
احس راح يوكف كلبي من الخوف
سديت النفق ورجعت الفرشه
المكانها اريد اطلع من الغرفه قبل حتى لا يشوفني
بس هوَ صوت
صياحه حيل عالي يصيح
عليه بغضب
يمه اكيد راح يموتني

خايفة ماعرف شنو اسوي
بقيت افتر بمكاني واديه حاطتهن بحلكي
من التوتر ماكوو امل راح يجيني
اسمع صوته يصيح عليه
_ اااااااين انتِ
ومبين حيل عصبي حتى نسيت اني طلعت
من البيت راح من بالي من شفت النفق
ف ما حسبت حساب يكون
عرف بهذا الشي واجه حتى
يحاسبني عليه
هستوني طلعت من الغرفه جان
يصير كدامي شهكت مفزوعه
من تقرب عليه
شكله مقلوب انقلاب تام حيل يخوف
رفع ايده عليه ونزلها بكُل قوته
ع وجهي ضربني كف عمري ما انسى
من قوته حسيت وجهي انخسف
شهكت من الألم الي حسيت بي
ما انطاني مجال حتى اسوي اي شي او
ادافع عن نفسي
رجع سحبني من شعري وجرني جل
حسيت شعري انقلع من جذره
واني اصرخ
_ لككككككككك حيوووووووان عووووفني
كسرررر بأيدك ياااااكلب .
هو ما يسمع وكأن يريد يعذبني
اكثر واكثر

صرت اصرخ بكُل صوتي
واني اهمش اريد اوصل لأيده الي لازمني بيها
حتى اعضها
كطع شعري الحقير
من ما وصلت لايده وفقدت الامل
حتى اول ألها
صار أقرب شي يمي واكدر الزمه
هيَ اللحية مالته خاصه هيَ
طويلة يعني اكدر الزمها
صرخت بصوت عالي من جر شعري
عاد اني رفعت ايدي وسحبت اللحية
مالته بكُل قوتي هو صاح متألم
وترك شعري بس عيونه
تريد تفترسني
استغليت الوضع كدامي صارت المساحه
مكشوفه رفعت ايدي وصفكته ع وجهة
بكف عُمره وحياته ما ينسى
بحث صوت الكف صار بي صدى

فتح عيونه مصدوم من الي سويته
بس حيل بي يستاهل
المهم اسوي اله مثل ما سوه الي
بس ماتوقعت تكون رده الفعل مالته
بهاي الطريقه
عيونه حسيتها راح يطلعن من مكانهن
اني لزمت وركضت اصرخ وهو
يركض ورايه يريد يلزمني
اعرف اذا لزمني ما راح اكدر انفذ بنفسي
وصلت للغرفه سريع دخلت بالكوه سديت
الباب وقفلته وهو وصل يدك
ويصرخ هرج البيت بالصياح
والعياط مالته يدفر بالباب ويصيح عليه
ابو نوح : نهااااااايتكِ ع ايدي ايُتها الع***
لعنكِ الله أيتها الخاااائنه
يحجي يحجي واني ارجف ما افتح الباب
اله

ماحسيت الا سمعت صوت سحب
اقسام !!!!!!
فتحت عيوني ع وسعهن مصدومه شنو
راح يسوي بالسلاح
ركضت ابتعدت عن الباب جسمي انهد
من الخوف ماحسيت الا صار صوت
الطلق يرج البيت رج
كعدت بزاويه الغرفه اصررررررخ واني حاطه
ايدي ع أذاني من الخوف الطلق
كدامي يريمي عامي شامي ع الباب
حتى يفتحه
واني صوتي يعلى ويا صوت الطلق

بقيت اصرخ بكُل صوتي
ياااااا الله ياااااااااااعلي يا الله
اشهد ان لا اله الا الله وأشهد أن محمد رسول الله
وأشهد أن علي ولي الله ،
يااااااعليييييي ياربي ساااااااعدني يااااعلي

توقف الطلق فتحت عيوني خايفه وماحسيت الا
دفر الباب بكُل قوه ونضرب
بالحايط دخل بكُل قوته كأن ثور
هايج تقرب مني رجعت اصيح
ياااااااااا الله
يااااااااعلي يا ابو الحسسسسسسن
صار كدامي يتنفس بغضب
و فتح عيونه خازرني
صاح بيه بصوت عالي
ابو نوح : مممممممممنن؟؟؟؟؟؟؟؟
اني مو يمي مستمره اصرخ يا الله يا علي
ابو نوح : أسسسسم ممممممن تقووولين!!!
ايتهااا الكااافرررة
هو يحجي واني اصرخ ماسكتت
ماحسيت الا انشاليت فتحت عيوني وجهة بوجهي
صار القذاره تطلع حتى من عيونه
رفعني لفوك وبكُل
قوته شمرني ع الأرضية بكُل قوته
حسيت اعضامي تكسرت وايدي تأذت
وكعت عليها ماسكتت
واني بس اصرخ والهج باسم ربي وأمامي
هو حسيته تخبل فد مره تخبل
كأن شيطان واقرا عليه آيات قرآنية
شلون ثار كدامي ويريد يفترسني

ابو نوح : اخخخخخخخخررررسي
قذذذذرة اخخخرسسسي .
ماسكتت مستمره دام هذا الشي يفترسه
ويموته
ماحسيت الا رفع سلاحه اني
لتفتت ضامه نفسي
ماحسيت الا بالسلاح مالته ضربني
ع ظهري من قوه الضربه والسلاح حديد
وثكيل كلت هاهي انشليت
فتحت عيوني ع وسعهن مصدومه من الالم
الي حسيت بي شهكت حتى انفس انقطع
بالكوه سحبت نفسي
احس راح يغمى عليه واني الساني مستمر
ما انقطع
رجع ضربني وبقى يضرب بيه
اكثر واكثر واني حاطه اديه
ع راسي واصرخ واسمي

الا ان حسيت بي ابتعد عني من تلقاء نفسه
واني انهديت
من التعب والألم الي احس بي
حتى جسمي ماكدر احركه
خفت منه من ابتعد رفعت راسي
وعيوني تتجول
عليه اريد اشوفه
شنو يسوي بيه بعد اكثر من هيج جسمي متخدر من الالم
هو صفن بيه نزل شال السلاح مالته
ورجع وكف كدامي
رفع السلاح بوجهي وسحب اقسام
هنا روحي راحت
يعني راح يرمي عليه راح يموتني
هنا شريط حياتي كُلة انعاد عليه
الي اعرفه الأنسان قبل لا يموت ترجع اله كُل
ذكرياتي كان حياته تصير
كدامه مثل الشريط ينعاد
عليه كُل شي كُل حياته تختصر بعده من ثواني
بلمح البصر كُل شي يرجع من جديد
صارت ضحكاتهم سوالفهم
كُل شي حلو صار كدامي بعدها
صاروا كدامي من توفوا وسحبوهم مني

وعيت ع نفسي وهو كدامي
حاط السلاح بوجهي
صرخت ، وووووووخر من وجججججهي
حيووووان حقيررررررررر
وووووخرررررر ،
وووووووولج ييييييييييييمه
وينننننج الحككككيني
صاح بوجهي .
ابو نوح : ااااخرسسسي واخفضي صوتكِ .
ما اسمع اله واني اصرخ
بقى صافن بوجهي بعصبيه
ماحرك السلاح من وجهي حاطه بوجهي
واني خايفة ع للحظه تطلع طلقه
من يمه

صرخت ياااااااااعلي
ماحسيت الا اربع طلقات طلعن وحده
ورى الثانية من المسدس
صرخت مفزوه واني اغطي راسي ب
أدية كُل ظني هذن الطلقات صارت
بيه حسيت صار هدوء
بس صوت الانفاس حيل عالي
توقعت روحي طلعت
رفعت راسي ارجف لكيته واكف كدامي
خازرني التفتت لكيت الحايط
الي ورايه بي اربع طلقات حيل
قريبات من يمي حيل قريبه
مني بحيث شعره وحده ويصيرن بيه هذن
الطلقات
ماراد يكتلني بس راد يخوفني
واني حلكي نشف من الخوف
يعني بيني وبين الموت شعره وحده بس
جان اخترقن هذن الطلقات جسمي

فاتحه عيوني بصدمه سكتت
كلبي يدك يدك بقوه يضرب حسيت الدم
صار براسي
بقيت صافنه ومبهوت وجهي
هوَ راد يسكتني وفعلاً كدى يسكتني
هو بقى صافن عليه
والسلاح بعده موجهة عليه
لا اني احجي ولا هوَ يحجي
اني بحاله صدمه وهو نااار ثاير مثل البركان
الواضح مايريد يكتلني او مايكدر يكتلني
من الأساس
ورى ماعرف كم دقيقه
حسيت عليه تحرك رفعت راسي
هوَ شمر السلاح ع الأرضية وتقرب مني
نزل ثنى ركباته كدامي
ولزم شعري بقوه ونزله للورى بحيث
راسي نرفع حسيته راح ينطبك ويا ظهري
صار يتنفس مثل الثور
انقرفت منه خاصه انفاسه
قريبه مني
قلبت نفسي وردت اتقيء

كز ع اسنانه بقوه اردف
ابو نوح : لماذا تحبون علي ****
نارا : جنت مغمضه عيوني من الالم
من سمعته هيج حجه وغلط فتحت عيوني
بردت روحي وكُل شي ماعدت احس
غير بس بالحقد والكره تجاهة
اريد اي شي بس حتى اشفي
غليلي منه هذا الحيوان الدنيء
رصيت ع اسناني ورديت
عليه واني حاطه ايدي ع ايده الي لازم بيها شعري
" اكل تبن ، هذا الي تحجي يسوه راسك وراسكم كُلكم يا انذاال "
ماحسيت الا جر شعري بقوه
ولزمه بقوه اكبر الحايط
جان ورى ظهري لزمني من راسي وصار يضرب
راسي بالحايط بكُل قوته
مره ومرتين وثلاثه صرت ماعرف شكد مستمر
يضرب بيه والدم ينزف من راسي ملاني
حتى وجهي صار خريطه
حسيت صرت اغفى وارجع افتح عيوني
الصوره صارت عندي مو واضحه
كُل شي كدامي صار مو واضح
بس صوته وهو يردد كلماته المسمومه وهو يضرب بيه بدون رحمة
ابو نوح : أين علي ااااااالان هياااا قولي
أين هوَ الان عندما تتألمين أين هوَ
ليُخلصك من هذا الألم قووووولي أين هوَ
ليرحمك ،
بعد ماكدرت اقاوم ابد قوتي راحت
وجسمي باد الحيل مالته
غمضت عيوني وبعد ما حسيت ب اي
شي يمي واخر شي سمعته هو كلامه
القذر .

صحيت ع ألم براسي حيل قوي
وريحه الدم بخشمي حيل زفره قلبت معدتي
من اشتميته خليت ايدي
ع راسي حسيت الدم الي ع راسي
يابس الواضح صار الي هواي غايبه
عن الوعي جسمي ماكدر احركه
لتفتت براسي ادور وين اني
لكيت نفسي بعدني بنفس المكان الي اغمى بي
عليه يعني هل مره ما اخذني المستشفى
وأنما تركني انزف الوحدي
عبالي هوَ مو هنا بس التفتت للجهة
الثانيه لكيته كاعد بالزاوية
كدامي ماد رجله والرجل الثانيه ساحبها
اله وحاط ايده العكس عليها وحاط خطة ع ايده
وبأيده الثانيه مادها يم رجلة والسلاح
قريب منها
اول ما شافني صحيت اردف .

ابو نوح: لقد صحت الأميرة واخيراً
اني الساني ثكيلة رديت عليه
نارا : أكل تبن
سكت واحسه يريد يكوم يموتني بمكاني
رجع من سكوته
ابو نوح : اتعلمين ماذا !
نارا : لا ما اريد اعرف ، رغم اعتراضي
وماريد اسمع اي كلمه منه بس
هوَ استرسل بكلامه وكمل كأن مايسمعني
ابو نوح : لو تعلمين كم أتوق إلى حرقكِ
وانتِ ع قيد الحياة اريد ان أراكِ تتعذبين
في النار أمامي ولا تكسري خاطري
ولو لثانية واحده ، كم اتوق إلى اغتصــ*
بأبشع الطُرق إلى أن ينفجر رحمكِ وتموتين وانتِ
في ابشع قذارتكِ
نارا : أكل تبن
وكف ع طوله وتقرب مني اني مابيه حيل اله
ابو نوح : لماذا لا استطيع قتلكِ
كزيت ع اسناني ورديت
نارا : لان اني مو مثل نسوانكم ال****
هز راسه بنفسي ورد
ابو نوح : استطيع ان اقتلكِ وبكُل سهولة
لكن لا أريد أن تُأثري ع حياتي في شيء
ولو كان حجم هذا الشي صغير
نارا : أكل تبن انتَ وحياتك وكُل الي بيها
ابو نوح: بهذا لسانكِ تجعليني
اضربكِ بلا أي رحمة
نارا : اضربني ما يهمني

صفن بوجهي بعدها رد بتقزز
ابو نوح : لماذا الرافضيون هكذا اقوياء !
في عقولهم وقلوبهم ، حتى أنهم يخشون النساء
ابتسمت ورديت عليه بقة
نارا : لان أميرنا الامام علي
زفر انفاسه مثل الثور بلش صبره ينفذ
ابو نوح : وماذا تعلمون انتم عن علي !
هو الذي ***** ( اعتذر ماكدر اكتب الي
حجه عن الامام )
نارا : اتنرفزت وثارت عصبيتي
لو بيدي الا اكوم احط السجينه بكلبه واكتله بالمكان
هذا الحقير ، رجعت رديت بعصبيه
ااااااكل تبن وبطل تحجي هذا الحجي
ابو نوح : سوف اضربكِ
حجه هاي الجملة وابتسم الي ابتسامه
بريئه وهو مابي اي براءة وهو عباره
عن شيطان قذر
نارا : هسه انتَ تقبل اغلط واحجي
عن الأشخاص الي تقدسوهم وتتبعوهم لو
بس جاي علينا شبيكم انتوا
تقرب حط ايده ع حلكي وسده بقوه
رد بعصبيه
ابو نوح : اشششش أُمزقكِ ان نطقتي بكلمة واحده
هزيت راسي بضعف هو بعد ايده
عني
نارا : لعدد ليشش تحجي عليه
ابو نوح : لان هوَ ****
نارا : فتحت عيوني مصدومه صرخت بي
مااااااكو واحد **** غيرررر هذا الحقير
الي تتبعووا مثل البهايم

اتوقعت راح أثير عصبيته بهذا
كلامي بس تفاجأة من تقرب من وجهي
حط وجهة بوجهي ورد عليه والابتسامه
معتلية ثغره بمكر
ابو نوح : هل تعلمين ماذا فعلوا في والدتكِ !
من جاب سيره امي صفنتتتت
رجف جسمي وفكي اهتز من الخوف
وكفت ع حيلي واني ارجف اريد اسأل واخاف
من الجواب الي راح يجاوبني بي
صرخت بصوتي
نارا : شششششششنو امي شبيهاااااا
ليش جبت طاااااريها احححححجي شبيهاااا
اااااامي
بدون ما يجاوبني وكف ع طوله
كدامي ورد بعدم مبالاة والهدوء يسود
ملامح وجهة
ابو نوح : لم يفعلوا بها شيء وجدوها
ميتـــــه ع الفـــــراش ..

كلمات صارت ترن بأذني !!!!!
ميته !!!!!! ع الفراش!!!!!
احس الدنيا توقفت عندي بقيت صافنه
بوجهة احاول استوعب الي نطقه
بس ماكدر استوعب وشه قوية صارت
بأذني لحظه وحده غبت بيها عن العالم
بأكملة نسيت حتى منو اني
رجعت اتذكر كلامه احس الدنيا كُلها وكعت
فوك راسي
وجهي مبهوت وحتى رمش ما ارمش
احاول استوعب الي كاله
بس ماكدر استوعب اي شي
مصدددوووووومه

هو من شاف حالتي هيج ماعرف شلون
تقرب مني
لزمني من اكتافي وهزني يمين وشمال
حتى ارجع لوعيي
ابو نوح : مابكِ ها ! أين علي الان ؟!

خارت قوتي ورجليه ماعادت تكدر
تشيلني رجفت رجلية وكعدت
ع الارض صارت الأفكار تصتدم براسي
هو واكف كدامي ما نطق بكلمة بس يتابعني
ويشوف شنو سوت بيه هاي
الكلمات الي نطقهن بدون احساس ولا ضمير،
صفنت كدامي ع الحايط رجعت حولت
عيوني ع ادية صفنت بيهم ما احس بيهن
بس يرجف رجف مو طبيعي بس ما احس
بيهن
رجعت رفعت عيوني باوعت ع الحايط وصفنت
نزلت عيوني ع جسمي صفنت ع جسمي
رجعت تحركت واحس
عقلي فااااصل فد مره ومامستوعب اي
شي

تقربت من يمه صار وجهي بوجهة
تقربت من أذنه وهمست بصوت خاوي من الحياة
وكأن اليأس استوطنه بكُل جبروته
نارا : اقتـــــلني
ابو نوح : ما اكدر
رمشت بعيوني من نطق حجه عراقي بس مابالي رجعت رديت
نارا : اقتـــــلني
ابو نوح : ما اكدر
بعدها عافني وطلع من الغرفه بقيت صافنه بالمكان
الي جان واكف بي هوَ

كعدت ع الأرضية واني صافنه مرت دقايق
ماعرف شكد بالضبط الا ان وعيت
ع نفسي وادركت بكُل الي يمي
وهناااااااا ورجعن كلماته ترن بأذني رن
لكوها ميته ، ميته ، ميته !!!!!!
يعني ماكو ماما بعد ماتت !!!!!
صررخت صرخه طلعت من أعماق كلبي
بحيث شكت كلبي وطلعت
لاااااااااااااااااااااااااااا ووووولج يييييييييمه
يييييييييمه ليشششش رحتي
وعفتييييييييني ووووولج يييييييييمه
ليششش ترحين وتعوفييييني ليش عفتيييناااا ليششش
مو كلتي مااااعوفجنن ، موووو كلتي
ماعووووووف بنااااااتي و ولددددي
يمممممه ، يييييييييمه
فدووووه الكلبج ييييييمه اررررجعي ، الله
يخليييييييج ارررجعي
اصرخ واملخ بنفسي ودموعي تنزل بغزاره
ماهمني لا جروحي ولا ألم جسمي
ولا حتى الدم الي رجع ينزل من راسي ولا ألم ايدي ولا ظهري ولا اي شي
صرت املخ بنفسي وجهي صار دم
جسمي صار ازرك كثر ما ضربته
ااااانتهيت اااااادمرررررت
رجعت اصررررخ بكُل قوتي
يمممممممممممه يووووووم رررررجعي
لاااا مااااااتعوفنااااا هي كالت ابقى وييياكم
ااي اي اعرف هي توفي بكلامها
هي وعدتني ماتعوفني اي صح هي ماتعوفني

فقدت متت اريد بس
يجي يموتني هاي الي صرت أتمناها
صرت اتمنى الموت
شنوووو الي بقت من حيااتي
كُل عائلتي راحت ادمرت
وماعرف اي شي عنهم
صرت اصيح ، وووووووينك تعااااال
مووووتني مو تريدني امووووت كدامك
هاي اني دامووووت هسسسه
تعاااال يلا سوووي الي انتَ تتمنى
تعال مووووتني احركني واني عايشششششة يلا
تعااااال ، ما اجه بس حسيت اكو حركه
ورى الباب يعني موجود ويسمعني
بقيت اصيح
إلى أن راح صوتي وهو ابد ما دخل
بس شمر الكارثه الي وطلع تاركني بكُل
هذا الاعصار الوحدي

فجأة سكتت احس البروده مشت بجسمي
سحبت نفسي النهاية الغرفه
ولفيت نفسي بالملابس الي لابستهن
وصرت احرك بجسمي مثل المجنونه
هو اني فعلاً انجنيت
وصار يميل جسمي بحركه بطيئه
يمين وشمال
صفنت صفنه ، بقيت احرك بنفسي
حسيت الباب انفتح مارفعت راسي ولا باوعت
عليه هو بس شافني وطلع واني
بقيت ع هاي الحاله كأن انجنيت
ومابقى عندي عقل حتى ماعرف شنو
اهلوس مااتذكر شنو حجيت
جنت غايبه عن الدنيا ودخلت بدوامه سوده
ما الها اي نهاية ..

بقيت فوك الشهرين واني ع هذا
الحال تعبت واحس حتى عقلي راح مني
صرت انسانه ضعيفة احس الي مريت زادني ضعف
بس ابجي وانحب إلى أن اتعب مرات
كثر البجي الي ابجه اكعد الصبح ما اعرف بنفسي
شوكت نايمه بعدين يلا اعرف بنفسي
اني يغمى عليه من البجي
راسي احسه صار يأذيني بشكل مو طبيعي
وعيني الوحدها صارت ترف بدون
ما أخذ الها اي علاج
طول هذا الوقت واني يمه
مايقرب مني صح بس حياتي مدمره
صرت احلم بكوابيس مرعبه
افز باليل مرعوبه ابجي واصرخ
إلى أن يغمى عليه وارجع انام
نومي ماكدر اطلق عليه اسم نوم لان اساسًا
ساعه ع بعضها ما اكدر انام
لازم افز مرعوبه افتر مثل المجنونه
وبعدها ارجع اكعد بمكاني إلى أن يخويني
التعب

الوقت صار يمشي حيل بطيء
بحيث حتى مليت من حياتي وصرت اعد
الايام حتى يجي اليوم
الي لازم اموت بي
الهاي الدرجه صرت انتظر اليوم الي اموت
بي حتى تطلع روحي من جسمي وارتاح
هناك يم ربي
حتى صلاتي صرت اتذمر بيها
ماعدت اصلي بالوقت ولا اكون
قريبه من ربي جهلت الحياة وردت بس الموت
هذا طلبي بس اريد اموت

كُل ما اتذكر اهلي كعدتنا سويه
ضحكنا ، مشاعرنا الحلوه اضحك بهستريه إلى أن ابجي مرات توصل بيه المرحلة
انام واني فاتحه عيوني
هيج مجرد ابقى فاتحه عيوني بس عقلي
فاصل
صرت اعيش او اقضي بقية ايام
بس بالذكريات !.
كُل ما يمر طيف اهلي اكعد ادعي الهم
وابجي وارجع اصفن
صرت انسانه ثانية انتزعوا مني الحياه
سلبوا مني الحريه
اسروا روحي بقفص من حديد عتم اسود
من بعد ما جنت بنت مرحه احب الحياة
صرت اكرها واتمنى أغادر منها وتتركني
بحال سبيلي
روحي صارت عباره عن سواد قاتم

عجبي ع نفسي ، حين تستبد الكأبة
الثقيلة في النفس التي
ولدت من المحن في ظلام،فجأة
تأتي الذكريات من حيث
لا أعلم فتنعش النفس وتُحييها من جديد ،
مثلها كمثل قطرات من الندى التي تضعها رطوبة المساء على الأزهار من بعد نهار خانق ، فتبعث الحياة في هذه الأوراق الحزينة التي كادت تمحوها الشمس المحرقة وتزهر من جديد ..

اليوم من دون كُل الايام صفنت بيني وبين
نفسي
استغربت ليش اني هيج ليش هاي حالتي ؟؟؟
معقولة اني هيج ضعيفة ومستسلمه لأمري
من دون ما اسوي اي شي
معقوله ما احاول مره ثانية إلى أن أنجح!!!
امي راحت الدار حقها صح شي يأذي
وصرت مجنونه من راحت بس
لازم اشوف الموضوع من غير جهة هيَ
راحت عند الكريم الي احسن من كُل شخص
هنا موجود
ما اعرف شنو الي صار بيها بالضبط
وخايفة اعرف شنو الي صار
وشلون ماتت بس يبقى
المكان الي راحت اله احسن من المكان الي موجود
هنا واحنه بي مثل العبيد
يتاجرون بينا مثل السلع
قررت هنا لازم اخطي خطوه حتى لو اندم
عليها بعدين المهم اكون حاولت المهم ما اموت
واني ما محاوله
خلي ابذل كُل جهدي عسى
ربي اكون حققت انجاز
حتى لوو اضحي بنفسي .

رجعت تذكرت النفق ماكو غير بس النفق
اطلعو منه حتى لو ماعرف شنو الوجهة
مالته إلى وين يوصل وشنو نهايته
بس لازم اغامر وما ابقى هنا
وانتظر يسوي بيه شي
واعض اصابعي ندم لان ما حاولت مره ثانيه
رحت لبست وتوجهت للغرفه
الاخيره هو بهذا الوقت ما موجود
بالبيت
اخر شي من بلغني بخبر وفاة ماما بعد ما تقرب
مني ولا حاول يعقد عليه تاركني
بحالي واني هم ما احتك بي ولا اغلط و
شكد ما يغلط اني ما ارجع اله
المهم رحت للغرفه سحبت نفس
وتوجهت للنفق

رفعت الفرشه وشلت
الارضيه طلع كدامي
سحبت نفس ونزلت دكات كلبي صارت
ادك بقوه تضرب بصدري
ويا كُل خطوه تخطيها اسمي بالله
جان النفق الريحه الي بي تقتل عفن
إلى
درجه كريهة والرطوبة الي بي تخنك
حسيت انكتم ع صدري ع لحظه يغمى عليه
مشيت بخطوات حذره خايفه من الي
يطلع كدامي
خانسه ما اطلع اي صوت وكاتمه ع نفسي
بقيت امشي مسافه لا بأس بيها
إلى أن وصلت لنهاية النفق جان
درج ونهايته باب
صار بيني وبين الجهة
الثانية الي يطل
عليها النفق فقط الباب وماعرف
شنو موجود ورى هذا الباب صعدت
بحذر وصلت الباب
خليت ايدي ع كلبي وصرت اقرا آيات
قرآنية سحبت نفس بقوه
وخليت ايدي ع
الباب جان مصدي وبي
ريحه عفنه اثر الرطوبه غمضت عيوني
خايفة من الي راح اواجهة ورى الباب
و
دفعته بقوتي وأنفتح

صار بوجهي هوى قوي انتشر بكُل اطراف جسمي
بس ماكو اي صوت
فتحت عيوني خايفه صار بوجهي شارع
وماكو اي احد سحبت نفس
بكُل قوتي وسحبت نفسي وطلعت
جانت الدنيا ظلمه يعني الظلام
جان دامس
طلعت ورجعت سديت الباب
عرفت هذا النفق همَ مسوي نفق سري
حتى يطلعون منه
سحبت نفس واني اشم بنفسي ريحه
صارت حيل مو طيبه
وكُلي تراب

نفضت نفسي من التراب ومشيت
الشارع مابي احد
بس مع ذلك مشيت بحذر
لا يطلع الي وأحد وهم يلزمني
نزلت النقاب ع وجهي حتى مايميزون اني منو
بالضبط
مشيت مسافه حيل طويلة
امشي وامشي وامشي واحس رجليه صارت
خيوط
التعب والإرهاق والعطش احس حيلي
انهد ماكدر حتى بعد امشي اريد بس
مكان ارتاح بي لان تعبت
بس ماكدر اخاطر واوكف بمكان اكيد هسه يلكوني
لازم ما أخاطر رجعت امشي
قطعت مسافه حيل طويله ومر الوقت
وقت حيل طويل

بعد ما بيه حيل اتحرك
كعدت ع الارض وصرت اتقيء
مصاريني احسهن صارن يأذني ومعتدي انقلبت
رفعت راسي للسماء وضحكت
ضحكت بهستريه
خليت ايدي ع رقبتي صارت توجعني من
تقيأت
رجعت اضحك احس فصلت عن نفسي
هزيت راسي ورجعت رفعته للسماء
يعني هسه ماما يم ربي روحها صعدت
للسماء يعني ابويه وأخويه هناك ، وبعد ما اعرف
اذا اخواتي راحن يمهم او لا
ضحكت والدموع صارت تلمع بعيوني
حجيت واني موجهة نظراتي للسماء
" ياربي هسه اهلي كُلهم يمك ليش اني مو يمهم
هي الروح امانه يمنه اخذ امانتك والله تعبت "
رجعت دنكت راسي اضحك واحجي ويا
نفسي
" لج نارا غبيه شلون تحجين هيج
انتِ مايصير حرام "
رجعت رديت ع نفسي
" بس اني تعبت اريد ارتاح "
رجعت حجيت
" هذا اختبار لازم تجتازي "
احس صرت نسختين من يمي اسأل نفسي
واجاوبها
رجعت حجيت ويا ربي اناجي
" اخذني يمك ياربي اني احبك ما احب هذا المكان
اخذني مثل ما طلعتني من هذاك المكان
القذر تعبت ياربي تعبت ساعدني "

صفت ثواني بعدين رجعت وكفت
انفض التراب مني لازم امشي من هذا
المكان يمكن يكون قريب منهم ويلزموني
وين أودي نفسي
واخاف لا ابو نوح يرجع للبيت ويشوف
المكان مرفوع الفراش ويعرفني اني
طلعت من النفق الا يلحكني لازم
امشي رجعت امشي وامشي

إلى أن وصلت المكان لكيت بيوت بس مو هواي
وبيهم اضويه
مفتوحه وكفت اتلفت اشوف
اكو احد هنا لو لا بس جان المكان هدوء
بس خفت لا يطلعن هذن البيوت الهم
صرت اردد مره الشهاده ومره قرآن ومره ادعيه
لازم اشوف واحد من هذن البيوت
بلكت يطلعون ناس من اهل الله ويستقبلوني
واذا جانوا من هذول الانذال اكول
الهم اني زوجته فلان حتى مايشكون بيه
اما اخاطر او اخاطر ماكو حل غيره
سحبت نفس وكفت بصف وحده ممن هذن
البيوت جان بيت بسيط
رفعت ايدي ودكيت الباب واني ادعي يارب
يطلعون من اهل الله ناس خيره ..

رجفت من انفتح الباب طلعوا الي
رجال جبير بالعمر هوَ و ولد ويا اعتقد
ابنه تحمحمت وسلمت
نارا : السلام عليكم ، ردوا هم الاثنين
_ وعليكم السلام
بقوا صافنين بوجهي واني صافنه
يريدون يعرفون شنو اريد منهم
رجعت حجيت واحاول ما ابين ع صوت اي
شك او ريبه ويحسون عليه
نارا : لعبوا اعرف اجيت بوقت حرج
بس اني جنت اتمشى وتعبت
صابني ارهاق قوي وجابتني رجليه الهذا
البيت ، تستقبلون ناس تعبانه مو ؟
عادي اذا ما تستقبلون كولوا حتى اروح .
اني احجي من كملت بقى صافن بوجهي
هوَ وأبنه رجع سألني الاب
_ منو انتِ ؟
نارا : ها اني منا كلت لك تعبت وماكدرت
اكمل الطريق ردت مكان ارتاح بي وتعرف
ماكدر اكعد برى وانتظر
يصير ادخل يمكم شويه وبعدين من تتحسن
حالتي اطلع ؟؟؟
حسيت بي من كلامي ويا شوي لين وتقبلني
ابتعد عن الطريق ورد عليه بااحترام
_ تفضلي بنتي
_ ماتقصر عمي

لزمت ودخلت همَ أشكالهم حيل فقيره
مو مال ةنُ يكونون من هذول الانذال
حتى وجهم يشوش ومريح
بس هم بقيت متخوفه منهم من دخلت
شفت اكو وحده الواضح هي أم البيت
وحده شويه جبيره بالعمر يعني زوجته
هي من شافتني بهت وجها
اني من دخلت سلمت وكعدت وهمَ دخلوا ورايه
دخل الرجال الجبير صار كدامي
حجه وياي بهدوء وحنيه
_ كومي بويه كومي غسلي اديج و وجهج
وتعالي تعشي اكيد انتِ ما ماكله اي شي
اكيد جوعانه .
اني بقيت صافنه جانوا حبابين وياي
وحتى ابنه موجود
بس ماعرف ليش اجه براسي المثل
الفنلندي
"ليس كل ما يلمع ذهبا ولا كل ما يبرق فضة"

رغم اعرف هذا الشي بس
ردت يكونون ناس طيبين ويساعدوني
حتى لو عرفوا شنو اني .
كمت رحت للحمام دلوني عليه
هستوني دخلت خليت المي ع وجهي
جان يندك الباب وصوت الام تحجي وياي بسرعه
كأن عبالك تريدني اطلع بسرعه وما
اتأخر
_ خاله اطلعي اطلعي بسرعه
طلعت من لحمام عبالي بيها شي
بس لكيتها واكفه الي يم الباب وشايله بيدها
منشفة انطتها الي اخذتها منها وشكرتها
بهدوء و على وجهي ابتسامه حتى ما تشك ،
أنوب اجه الحجي عليه بسرعه
كال
_ ها بنتي خلصتي
اني بقيت صافنه شبيهم ، هزيت راسي
ورديت اي خلصت
مشيت للغرفه ودخلت اجه الولد ورايه دخل وهي والحجي
سألت ها تتعشون جاوبوا اي
اني ردت اكوم وياها اسوي بس خفت لا
تطردني واستحي احجي براحتي وياها
لهذا بقيت لازمه بمكاني وكاعده

طلع الحجي والحجيه باقيه جان اسمع صوته
يصيحها
_ ام بكر تعالي
اني بقيت صافنه بصدمه ابتلعت ريقي بصعوبه
دكات كلبي زادت كلت بس لل همَ وياهم
اني من سمعت هيج وكفت ع طولي ولبست
النقاب
اريد اطلع جان يدخل الحجي شافني اريد
اطلع جان يصير كدامي
نقطه دم مابقت بجسمي
_ وين بنتي ما تطلعين منا انتِ هم مثل
بنيتنا الا تتعشين والصبح ينشاف الشوف
واطلعي هسه مو وقت طلعه ابد
نارا : اني رجعت كعدت بس احس
كلبي يدك الف مره بالثانيه
ماكو احد يمي طلعوا وهو رجع صاح عليها
ف كلهم طلعوا وتركوني الوحدي
وراها رجع دخل الحجي وبيده
صينيه الاكل حطها كدامي
_ يلا بنيتي مدي ايدج واكلي
اني استغربت ليش الحجيه ماكو وين راحت
سألته بريبه
نارا : عمو لعد خاله وينها ؟
_ ها الحجيه راحت نامت تعبانه الهذا
دخلت ترتاح بالغرفه
خليها ترتاح وانتِ اكلي ، تعال بويه بكر
تعال اكل
وطلع من الغرفه اني دفعت الصينيه
خفت أكل منها شي يمكن
حاطين بيها شي منوم لو سم وين اروح وين
أودي وجهي انوب حسيت بالخوف
دخل كلبي شكلهم بده يتغير
والشك بيهم وبيه زاد من الطرفين

رجع دخل شافني ما اكلت شي سألني
_ ليش ما اكلتي شي بنتي ؟
_ عمو مو جوعانه شكُرا الكم من طلعت من البيت
حتى اتشمى
اني جنت ماكله لهذا ماجوعانه بس بسبب التعب
ردت ارتاح بمكان
_ ع راحتج بويه ، اخذي راحتج بالمكان هذا وارتاحي.
بعدها اخذ الاكل وطلع هو وأبنه حكموا الا ابقى والصبح
اطلع منا اني هم بقيت كلت الصبح
اطلع من هذا المكان واروح بعيد
محد يندل مكاني

ماحس الا ورى شويه دخلت
الحجيه استغربت هوَ مو كال نايمه شلون
هسه رجعت ماعرف ليش
لزمت كلبي
هي اجتي بتجاهي وجان شكلها
غريب حسيت يبس
ريقي من نظراتها اتجاهي
تقرب مني وحجت بوجهي
كلامها خلاني اموت الف موته من الخوف
" كتلج اني اطلعي بس انتِ ما طلعتي
حالج حال الباقيات ما أخذن
كلامي وهسه الباب ونقفل عليج وين
راح تروحين "
شهكت مصدومه وماسمعت
الا صوت السيارات صار بترس اذني ..

ــــــــــــــــــــــــــــ•●•ـــــــــــــــــــــــــــــ

يتبع ..

توقعاتكمممم شنوووو ؟؟؟

التصوووووويت لاتنسسسون
وعلقوا ع الفقرات حُبحُب