الربتج " حالك الاسوداد " الفصل الثامن 8 - بقلم رهف علي

صِارن هّواي عَلى گلبّي وبچِيت

التصوويت لاتنسوا + تعليقاتكم الحلوه
akyta_98

ــــــــــــــــــــــــــــــ•●•ـــــــــــــــــــــــــــــــ

وكفت واني اشوف نظراتها
شلون اتجاهي عدسات عيونها تتحرك
من مكان وتنقلهن المكان ثاني
كأن اكو شي بداخلها ، كلام ، أو شي خطر
عقلي صار يصور الي أشكال
اني خفت منهم بس شكلهم المريح خله بكلبي
شي حلو اتجاهم وارتاحيت الهم
ونسيت انُ مو كُل شي يلمع هذا ذهب
صارت بوجهي وهيَ تحجي وياي
بس احساسي ماعرف شنو ساعتها حسيت .

الحجيه : اني من وكفت يمج يم باب الحمام
موو كلت الج أطلعي ليش ما طلعتي !!!!
نارا : فتحت عيوني ع وسعهن ،شنو تحجين
اني توقعت تكولين اطلعي من الحمام
ما اعرف جان قصدج اطلع من البيت
هيَ هزت راسها بنفي ورجعت بررت كلامها
اتجاهي
الحجيه : لا اني قصدت من البيت بس غلفتها
من الحمام حتى ما يسمعون الكلام ويفهمون
اني جايه انبهج انُ تُهربين
نارا : مافهمت كلامها ، رجعت حاجيتها
فهميييني الله يخليج شنو الي دتحجي انتِ
ليش اطلع من البيت
الحجيه : حبيت انطيج خبر لا أكثر واساعدج ع ما راح يصيبج
نارا : احس بالهلع والخوف دب بجسمي
رجعت استرسلت بكلامها
ونطقت باحرف هزت جدران كلبي
الحجيه: اني سبق ونبهت البنات الي قبلج
ونفس الكلام الي حجيته الج حجيته الهن
بس هنَ ما سمعن كلامي وبقن بسذاجتهن
واخرتهن هسه وين هنَ ؟؟؟
نارا : سألتها بهلع " وين " ؟
ردت عليه بعدم مبالاه
الحجيه : بجحيمهن

نارا : رجفت اديه واني احجي وياها ، خليني
اطلع منا الله يخليج اريد اطلع
ابعدي ابنج وزوجج عن طريقي خلي اطلع من هذا
البيت
هزت كتفها وردت
الحجيه : ما بالأيد حيلة
نارا : شششششنووووو قصدججج !!!!!
انتووووا منهممممم موووووو ؟ انتوا من ضمن هاي الدولة الي تحاااارب
ماردت عليه فضلت السكوت
وعرفت سكوتهااا يعني الجواب أي همَ من ضمن
هاي الدوله معناها اني وكعت بايدهم
يعني ما راح يرحموووووني ااااااابد
لزمت ايدها اتوسسل بيها واني ابجي
عيوني صارن يأذني ويحركن بيه حرك
لزمت اديها وعيوني بعيونها ابجي
الله يخليييج خلصيني منهم سسسساعديني
لا تتركيني تحت رحمتهم والله يدمروني
زعزت كلبي من ردت عليه
الحجيه : ماكدر اسوي الج اي شي
بعد انقفلت الابواااب بعد ماتكدرين اطلعين من هذا
المكان الا للمكان الي تنتمين اله
نارا : احس النار صارت بكلبي وبلشت
تصعد الراسي صرخت بوجها بصوت مكتوم
ششششششششنووووو !!!!!
ليش يقفلللل الباااااب ليششششش
ابتسمت بوجهي وردت
الحجيه : لان بلغ عليج وراح يجون ياخذوج

هنااااااا حسيت كلبي صار بأيدي
حتى النفس انقطع عندي
طلع صوتي يرجف سألتها
نارا : بلغ عليه ! منو الشرطه تقصدين مو
جنت اتمنى لو تكول اي الشرطه بس انصعقت من ردت الجواب ع سؤالي
الحجيه : الدولة الإسلام
نارا : لاااااا لااا تكوليهاااا الله يخليج اعتبريني بنتج
لاتسوين بيها هيج الله يخليج والله ما اتحمل
لزمت اديها اتوسل بيها
اتوسل بيج عليج الله بس خلصيني
وساعديني ماردت عليه بس تباوع استنزفت طاقتي
وارددت
يااااااعلي شلووون راح اطلع من هذا
المكان شلووووون
اول ما نطقت هذا الكلام فتحت عيونها
ع وسعهن ونفرت ايدي من بين اديها
سألتني وهيَ متعصبه
الحجيه : ااااانتِ رافضية !!!!
نارا : ليش تسأليني واذا رافضية شبييييكم ويانه
انتِ هم مثلة هم راح تضربيني وتسلميني الهم لان
ارردد بي شبيييييكم
الحجيه : تستاهلون الي يصير بيكم ، كذلك
بلغونا الي عنده بنت ويسلمها النا ينطوا
مكافأة
نارا : انصدمت من كلامها يعني هي مثلهم
واكيد ماراح تساعدني
صرخت بوجها شنوووووو احنه لعبه
بأيدكم حتى تبيعون وتنطون مكافأة لليتبرع
بالبناااااات حراك عليكم سكتت وماردت المشكله
حتى نظراتها تغيرت ماصارت تباوع عليه
بأاهتمام صارت تباوع عليه مثل العدوه
الها
حسيت كلبي انعصر هاهي يانارا رحتي بيها

دقايق وصارت صوت السيارات ترس
أذني هنااااا انهااريت يعني معناها
صحيح بلغوا عليه يعني وصلوا ياخذوني واكيد عرفوا
بيه اني هاربه منهم واني من
السبايا الي اخذوهم
رجعت اتوسل بيها عسى ولعل تساعدني
بس جانت تقابلني ابروده أعصاب
وكأن تكول حيل بيج وتستاهلين الي صار
بيج
صرت اشوفها مثل الشيطان عكس اول مره
شفتها حيل انقلبت من سمعت بيه اردد
بأسم الامام
ماعرف شلون غاسلين عقلهم الهاي
الدرجه
شكد حاولت اطلع من البيت بس ماكو
منفذ هو الباب وهذول الانذال قافلي حتى ما اطلع
واهرب منهم

شوي وانفتح الباب بقوه حسيت
انفاسي انكتمت رفعت راسي شفت
ابو نوح صار كدامي رجف جسمي من نظراته اتجاهي
حسيت انتهت حياتي وراح يكتلني
اتمنيت اموت ولا ياخذني ويا
اتمنيت الله ياخذ امانته مني ولا يتقرب مني
لان ساعتها ما راح اطلع من بين اديه
ولا راح احد يخلصني منه ويساعدني حتى اخلص منه
تقرب مني وهو عاقد
حواجبه خازرني بقوه ونظراته لو جانت تقتل
جان قتلتني بالمكان
اول ما صار كدامي
ابو نوح : اشتقت لكِ ايتُتها الفاج**
لزمني من شعري وسحبني
بقوه حسيت راسي راح ينقلع من مكانه
ر

فع راسه لام بكر وحجه وياها
ابو نوح : شُكراً لكِ ايتُها المجاهدة ، تنتضركِ مكافأة قيمه
هي ضحكت وكأن الدنيا ما سايعه الها
طلعت طول هذا الوقت تمثل عليه وهيَ
منهم

نزل النقاب ع وجهي وسحبني ورى
يسحل بيه سحل طلعني برى شفت الحجي وابنه
واكفين ردت اروح اضربهم إلى أن يشفي
غليلي منهم بس ماكدر
جرني وشمرني بالسياره جانوا اكو ناس
وسيارات بس مااعرف منو همَ
اعتقد ويا لان ماحجوا اي شي
سد الباب ورجع صعد من الجهة الثانيه
ضرب المقود بأيده بعصبيه وصاح بيه بصوت
عالي
ابو نوح : ايتُهااااااااا اااالعا*** اتهربييييين
مني انااااااااااا
رجع التفت عليه نار نار لزم راسي من ورى
وضربني بالدشبول مال السيارة
حسيت افترت بيه الدنيا فر
استعاديت وعيي ع صوت صياحه
رجعت صحت بي ماسكتت
اله ابد
نارا : بسسسسس كااافي إلى متى ابقى
ع هذا الحاااال افهم اني بشر اني بشر مو حيوان
كدامك تضربني ولك حتى الحيوان هم ماينضرب
هيج بس انتَ وغيررررررك انذاااااال
ذليتونااااا حار شنو يسوي
بيه
ابو نوح : اخرررررسي انا سوف اعُلمك
كيف تطيعنني ولا تعصين الي امر
سوف أجعل حياتكِ جحيم تتمنين لو لم تخطي
هذهِ الخطوه وان تحاولي الهروب مني
ولن تعيدي هذهِ الكره من جديد وان تخافي حتى من خيالكِ
نارا : بجيت بصمت مابيه بعد اتحمله اكثر
انسان كافر واني داجاهد واقام اتجاهة
والحد الان محافظه ع نفسي ماعرف
ع اي لحظه يصير انذل من هذا الوقت ويحاول يحطمني
اكثر من هسه

رجعنا للبيت بس هو ما اكتفى بالي سووه
بيه استمر يحجي ويحجي ويصيح
ويضرب بالسياره كأنها اني ،
مخبل رسمي
واني حاطه ايدي ع كلبي ماعرف شنو
يريد يسوي بيه
إلى أن وصلنا للبيت
دخل السياره جوه وفتح الباب ونزل
بهمة وكأن يتسابق ويا الثواني
حتى يوصل الي بسرعه
هزيت ايدي وضربت رجليه حجيت ويا
نفسي هاهيَ رحتي بيها يانينا
فتح الباب مال السياره وعاط بيه
بقوه وهو يرفع النقاب من وجهي
ابو نوح : اُخرجي
نارا : اني العناد راكب راسي ما اسوي اي شي
يكوله الي لهذا بقيت معانده وكاعده بمكاني
حتى لو يكتلني المهم ما اسوي شي يريده مني
هو رجع صاح بيه حتى انزل
شافني مانزلت تخبل انجن
ابو نوح : هللللل تتعمدين استفزااااااازي
ااااانتِ ؟؟؟؟؟؟ اتُريدين ان اقتُلكِ !!!!!!
نارا : قابلته بنظرات قويه وهو كذلك
اخر شي سحبني من ايدي ونزلني
دخلني جوه كُل باب يفتحه لازم يضربه بالحايط
بحيث البيت هدوء ويا كُل ضربه يصير صدى
قوي
سحبت نفسي منه اريد يفك ايدي بس ماكدر
لازمني قوي ومايقبل يتركني
إلى أن وصلني للغرفه
فتح الباب وشمرني بكُل قوته وكعت ماسيطرت
ع نفسي وصرخت بوجهة
شبيييييييك مو هيييييج حيوانه اااااني
ما اهتم لكلامي ويا تقرب مني
وهو يتنفس مثل الثور
صار يتلفت بكُل مكان يريد ماعرف ليش
انرعبت من نظراته
كأن يدور ع شي
بس مالكه اي شي طلع من الغرفه اتوقعت
راح يتركني جريت نفس
بس انصدمت ورى شويه رجع للغرفه
وبيده احزام
ارتعشت اطرافي واني اباوع عليه
شلون يتقدم اتجاهي

صار كدامي ثواني رفع ايده
وضربني قوي اجتي الضربه برجلي
صرخت من آلالم وشديت رجلي الصدري
محتضنه نفسي حتى ما يضربني
صار يضربني مره واثنين وعشره
وكُل ضربه تجي بمكان بجسمي
صرت مثل الجنين حتى احمي نفسي واتفادى
ضرباته
بس الالم حيب قوي الي حسيت بي
بالبداية بعدين جسمي خدر
ويا كُل ضربه يضربهة الي يغلط ويشتمني
بشتى الألفاظ الرخيصه
وكأن اني مجرمه
عزت عليه نفسي شلون صار بيه و ع ايد انسان
قذر مثله
ماتركني الا ما هلك من التعب
بحيث ما كدر بعد يحرك ايده
يلا ابتعد عني صدى صوت انفاسه القذره الي اعتلت الغرفه
ويا صوت انفاسي المضطربه
استمرت الحالة دقايق
إلى أن طلع من الغرفه وتركني

بقيت ضامه نفسي
ومحتضنه نفسي بنفسي حتى اخفف عن
الالام الي احس بيها
اخفف من كسره كلبي والم جسمي وروحي
الي احس بي
تعبت وهلكت حتى مابيه ادعي ولا احجي
صرت ارددت بكلبي " يا الله "
حتى صوت كلبي صار ينازع وهو يطلب المساعده
والمناجاة من ربه
بقيت ع مكاني ما تحركت ولا خطوه إلى
ان اغمى عليه ...

فتحت عيوني لكيت نفسي ع حطتي
مامتحركه ونفس مكاني
و على نفس
وضعيتي بحيث من ردت اكوم صرخت متألمه
جسمي حيل يأذيني يوجعني
وزاد الالم جسمي متشنج لان باقيه مامتحركه
الساعات طويلة
بالكوه تحركت اريد
اوكف ماكدر
تعبت تعب واني احاول اوكف ع طولي
اريد اروح اغسل اشتم ريحه حيل زفره
بيه من الدم الي يابس ع جسمي
وراسي وخشمي
سندت نفسي ع الحايط ومشيت بخطوات
بطيئه احس جسمي كُله يأذيني
عبالك بسسجينه مشرح
وصلت للحمام دخلت وسديت الباب
اكو مرايه كدامي
اول ما صارت بوجهي شهكت مفزوعه
من شكلي
اني غطيت وجهي من ضرباته بس وصل
اله كم ضربه
صاير بي خطين حيل واضحات
ولونهن يخوف
وشفتي مشكوكه ويابس بيها الدم
وخشمي نازف واني ما حاسه بي
لان الدم نازل منه وهم يابس
لعد اني
صار الي شكد من فاقده الوعي معقوله ساعات طويلة !!!
هو وينه وين راح معقوله ما رجع !
نزلت دمعتي واني اشوف شكلي بهذا الحال
ليش هيج صار
بيه شنو الي صار وتغيرت كل حياتي للأسوء
فتحت المي وصرت اطشه ع وجهي
شهكت من انلسعت جروحي
من المي غمضت عيوني ورجعت اطش مي
ع وجهي
حتى لو اتألم المهم هاي الريحه الزفره
تروح لعبت نفسي
ومو كادره اتحمل أكثر
اخذت منشفه وطلعت من الحمام
عيوني صايره حمر دم

حتى ما الي نفس اكل اي شي صليت
بالكوه ورحت كعدت بمكاني
بالغرفه
إلى أن مرن ايام وبدن الجروح والآثار
أطيب وتختفي بس جرح الي بالروح
شلون يخفتن!!
هو ما يتقرب مني واذا يتقرب
يصير جدال بينه وينتهي بالضرب
واني ماكدر اتحمل اسكت وما اخذ حقي بالكلام
الهذا هوَ يتنرفز مم اجاوبه
يريدني
اكول اله سمع وطاعه

مرت الايام طووويلة وأشهر طويلة واني
يمه حتى مليت حياتي لا اني
الميته ع حق ولا اني
العايشه بالخير
جنت كاعده تذكرت التسبيحات والادعية الي
بابا يسبحهن ويدعيهن لقضاء الحوائج والشده
صرت ارددهن
_ اللّهُمَّ إنّي أسألُكَ الْيُسْرَ بَعْدَ الْعُسْرِ ، وَ الْفَرَجَ بَعْدَ الْكَرْبِ ، وَ الرَّخاءَ بَعْدَ الشِّدَةِ ، اللّهُمَّ ما بِنا مِنْ نِعْمَةٍ فَمِنْكَ ، لا إله إلّا أنتَ ، أَسْتَغْفِرُكَ وَ أتُوبُ إلَيْكَ.
_لا إِلَهَ إِلا اللَّهُ الْحَلِيمُ الْكَرِيمُ، سُبْحَانَ اللَّهِ رَبِّ الْعَرْشِ الْعَظِيمِ، الْحَمْدُ لِلَّهِ رَبِّ الْعَالَمِين
_لا إله إلا أنت سبحانك إني كنت من الظالمين
سحبت نفس واني احس براحه من بعد ما
رددتهن مسحت ع وجهي وجسمي
وارجع اخذ نفس بكُل قوتي
حتى يدخل الهوى الصدري ويشرحه

اني ومغمضه عيوني سمعت فتحه
الباب فتحت عيوني اريد انهزم للغرفه
واقفل الباب بس وقفني الصوت اريد اشوفه ليش كُل هاي
الهوسه والضوضاء الي جلبها من دخل
حسيت اكو شي بس ما اعرف شنو
هو الهذا بقيت واكفه
المشكله مو بس صوته لا اكو ويا صوت ثاني
يمكن نفسه صديقه
همَ كعدوا بالاستقبال واني ركضت
اسمع الهم مافهمت اي شي
غير بس صوت صراخه
حتى مافهمت اي شي اخر شي سمعته
عاط

ابو نوح : يكككككفي لقد اذيتني كثيراً
_ لا استطيع التوقف النزيف قوي سوف تخسر
الكثير من الدماء
ابو نوح : اذاً اااااعمل بمهلك لا تدخل يدك بهذهِ
الطريقه انها مؤذيه
نارا : حطيت ايدي ع حلكي هذول شنو
ديحجون شنو دم شنو ألم، شصاير ليش
هذا الكلام الي بينهم
احس ما دا استوعب
رجعت استرق السمع منهم
ابو نوح : هُنالك خائن قد خاننا لو يقع في
يدي الا اجعلهُ طعام للحيوانات
فييييي سببه حالتي هكذااا
_ لا تقلق سوف نبحث عنه وبالطبع
سوف نلاقيه ونعاقبه في أشد العقاب والان دعني
اكُمل مافي يدي لادعكَ ترتاح
أبوح نوح : عندماااااا تجدوووا انا سوف أنال
منه اقطع كُل جزءً منه واحرقه إلى أن تذوب
عضامه أمام عيني
نارا : بهت وجهي واني اسمع كلامهم
شلون هيج يحجون
بدم
بارد ع انسان
مثلنه يريدون يقتلوا بهاي الوحشيه يارب دخيلك
ساعد هذا الي ديحجون عليه ولا تخليهم يلزموا
يارب ، صرت ادعي اله واني
ما اعرفه

رجعت اذني اسمع الهم..
_ابو نوح لقد اكملت الخيط في يدكَ
عليك الان في الراحه كذلك هُنالك دواء لصحتك
ان حصل بك شيء ماعليك سوا اخذ
منه لكِ لا تلتهب وتُخاطر
بحياتك
ابو نوح : حسنًا لا تقلق سوف أكون بخير
نارا : من عرفت بي راح يطلع
رخت اركض للغرفه حتى ما يشوفني
والله اذا شافني يلعب بوجهي لعب
الحيوان اول ما طلع انتبهت عليه شلون ملابسه
متلفه وردن الملابس مشكك وكُلها دم
خليت ايدي ع حلكي اضحك
اتشمتت بي وهاي اول مره اتشمت ب أنسان
مريض بس هذا ما يعتبر انسان
ولا يتنحسب ع البشر
الهذا مايعتبر دا اتشمت بي لان يستاهل
رفعت راسي للسماء و رفعت ايدي
واني طابقتهن ببعض
اتوسل " يارب لا تعتبرها شماته بس هو يستحق
الي صار يطبه وجع فوك وجع ازيد من هذا "

شفته من رجع دخل اني ركضت
للغرفه دخلت ماريد اتواجهة ويا بس
والله شكله مال اكعد اصنف عليه
وانرفزه اخلي يشيل روحه ويركعهة بالكاع حتى من
يمي ارتاح
شفته دخل للصاله وشمر نفسه ع القفنه
وصاح اسمي بصوت عالي
ابو نوح : ناااااارااا
لو بصفي طابوكه الا اضربه بيها ما ناقص
الا يصيحني الحقير ، بس شفته
مايكدر يحرك نفسه اطمنت مايسوي الي شي
رحت واني عيني ع
المطبخ اذا حاول يتطاول وياي اركض للمطبخ
واخذ السجينه واحطها بكلبه
شافني هز ايده ويأشر الي
يحجي بتعب وهو يسد بعيونه ويفتحهن

ابو نوح : اذهبي واجلبي اي قطعه قماش
نظيفه وماءً فاتر وتعالي إلى هُنا
نارا : استغربت من طلبه بس سكتت
رحت خليت بالكاسه مي وأخذت قطعه جانت
معلكه ع الدرج ما اهتميت هي شنو سحبتها
ورحت خليتهن يمه هو باوع عليهن ورفع
راسه الي
ابو نوح : تعالي نظفي يدي من الدماء ولكن
برقة لا تضغطي عليها بقوه
نارا : فتحت حلكي مصدومه شنو يريدني
اهتم بي من كل عقلة هذا !!!!
أشرت ع نفسي بصدمه
ااااااااني تقصدني ااااني ؟؟؟؟؟
ضغط ع فكره بقوه ورد
ابو نوح : ااااجل انتِ تعاااالي إلى هنا بسرعه
والا قتلكِ ثانية أخرى وسوف تلقين
نفسك في عداد الموتى
نارا: لا فوكاها يهدد ابو الوصخ زفرت انفاسي
بقوه وتقربت ماريد ابين اله اني خايفة
وماريد اهتم بي ياربي والله هوَ مايستاهل
اهتم بي وهو سوه بيه كُل هذا

كعدت ع ركباتي سحبت القطعه مال القماش
وخليتها بالمي الفاتر وعصرتها
رفعت ايدي وهيَ ترجف مستحسفه
اهتم بهاي الايد وهيَ شوهت جسمي
وخلت بي ندوب ما تروح ولا جرح روحي الي تنزف
من الالم
اشتد فكي واني اخلي قطعه القماش ع ايده
ضغطت عليها وصرخ بيه
ابو نوح : أيتها ااااااالغبية احذررررري
نارا : هزيت راسي واني امسح
ايده من الدم وكلبي يعصرني الخسيس عباله
اني تحت رحمته والله يجي يوم من الايام
والا اخذ حقي منك
سحبت نفس واني امرر ايدي ع ايده وامسح
الدم
هو كُل شوي تتجعد ملامح وجهه ادل ع الالم
ايده من فوك ملفوفه الهذا ماشفت
الجرح لان مضمده
مسحت ايده وكملتها وكمت بطفره
بس اريد اخلص منه
هو فتح عيونه انتبه عليه جنت لازمه
القطعه مال القماش بأيدي وايد الثانيه الطاسه مال المي
شفت عيونه راحت ع القطعه جان وجهة
مجعد من آلالم من شاف القطعه اتسعت عيونه بصدمه ماعرف شبي

ابو نوح : اااااانتِ قُمتي في تنظيف يدي
المُصابه بهذذذذذه القطعه ؟؟؟؟؟
استغربت كلامه هزيت راسي ب أي واني اتابع
ملامحه شلون اشتدت بالغضب
ياستار شبي هذااا انوب ، صاح بوجهي
ابو نوح : قططططعه مسح الاحذذذية القذذذررررة !!!!
هو كال هيج واني ضحكت بصوت عالي
اريد أسد حلكي من الضحك ماكدر
احاول احجي وارد عليه بس شماتي بي اكبر
من خوفي منه صار بهاي اللحظه
خاصه هو متصاوب مايكدر يحاربني ويحاسبني
ابو نوح : ايتهاااااا القذررررره العا*** اتضحكيييين
عليه اااانااااا
نارا : من بين ضحكاتي رديت عليه ، تستاهل
هذا هوَ مستوااااك يكون بهاي القذاره
وتمسح دمك بوصاختك انتَ
اني شفته يريد يكوم الي ونهزمت ركضت للغرفه
دخلت وقفلت الباب اسمعه
يصيح ويغلط ويشتم بس والله ضحكت عليه
يستاهل الحيوان
انمسحت ابتسامتي عن وجهي واني
ادعي الله ياخذ روحه بلكت
ينشل يموت يتصخم براسه واخلص منه ومن
كُل تصرفاته

مر الوقت وصارت بعد منصف اليل
اني ما اناك يادوب انام الي نص ساعه واكعد
ع كوابيس واحلام مرعبه
لو تجيني احلام بمقتل ابويه وأخويه
وكُل اهلي لذلك النوم صار عندي
لاشيء ما انام الا اهلك فد مره حتى اكدر انام اكثر
من ساعه
الهذا اني كاعده اقرا بالتسبيحات
حسيت ع صوت برى
رجف كلبي شنو هذا الصوت بقيت
ساكته بمكاني وبطلت اقرا التسبيحات حتى اسمع
شنو هذا الصوت
المشكلة الصوت يروح ويرجع
وما مفهوم شنو
وكفت وتقربت من الباب خليت اذني حتى اسمع
بس هم ما فهمت شي كأن صوت شخص !!!!
ماكدرت اتحمل اريد اشوف شنو
ومنو فتحت الباب وطلع

صرت اتمشى ع روس اصابعي
بخفة واني اتقرب من الصوت
شوي شوي بدأ يوضح
عندي إلى أن وصلت للصالة وكفت اتذكر
الصاله بيها ابو نوح ليش
هيج تطلع منها أصوات تخوف
جان الباب مسدود
خليت ايدي ع ايد الباب وسميت بالله وفتحته
ع كيف الاضوية جانت مفتوحه
فتحت عيوني مصدومه من شفته كدامي
والأصوات هاي جاية من يمه هوَ
جان مغمض عيونه بقوه ويهلوس ماعرف شنو يحجي
بقيت واكفة بمكاني اباوع
عليه
وهو منتهي شكلة يا الله بلكت يموت
صرت ادعي عليه يموت
حتى وجهة مبين احمر
الواضح حرارته حيل مرتفعه هزيت ايدي
قابل اروح اسوي اله
كمادات بارده لو انطي علاج ! بأحلامه
ولا اساعده ابو الوصخ الحقير
شديت ع ادية وضميتهم الصدري
سندت نفسي ع الباب واني اتابعه بنظراتي
الحراره كل ماتزيد يتأذي
واني اريده يموت
بقيت انتظر يموت الهل درجه وصلت بيه
انتظر انسان يموت كدامي واني
دكتوره لازم اساعه !!!!
بس مو شرط لان هوَ انسان حقير ما يستاهل
العلاج وانُ انقذ حياته
بقيت صافنه علين هوَ بغير عالم
مو يمي ابد

لمعت الفكره براسي واني اشوفه بهذا
المنظر اكيد هو مايحس
اذا اسوي بي شي
خلي اخذ حقي منه حتى لو شوي
مو هواي
تقربت منه واني مترقبته خاف يكعد واتورط ويا
بس لا مايكعد
وصلت وصرت كدامه
اباوع يرجف ووجهة احمر ضحكت ، حيل تستاهل
ان شاء الله تمووت
وما انقهر عليك
نزلت نفسي اله وصرت قريبه منه
ابتسمت واني اشوفه متعذب
رفعت ايدي وضربته كف حيل قوي
بحيث من قوته ايدي
صارت تأذيني
هو بسبب الكف فتح عيونه بخمول عاقد حاجبه
متألم سريع رفعت راسي وخليت ايدي
ع حلكي اواسي بي وانسي الكف
الي ضربته اله
نارا : ابو نوح انتَ زين ؟؟
هو بس يباوع عليه بس ماعرف ليش حسيت هو
عرف اني ضربته و واعي ع نفسه
حجه برجفه
ابو نوح : بارده

هزيت راسي واني احجي ويا
نارا : أي أي هسه اجيب لك شي و اغطيك، هزيت راسي بدون اعتراض اباوع عليه ماعليه اي غطه
والعلاج مالته بعيد
طلعت من الغرفه واني اهز بأيدي
امداك اي والله وامداني اذا جبت لك غطه حتى اغطيك وادفي جسمك القذر
مثلك
يطبك مرض عساك بالزايد اني شكو
قابل ينكسر كلبي عليك
جان انكسر كلبك عليه وانتَ تأذيني بهذا
الشكل
دخلت للغرفه وسديت الباب ماريد اساعده
هو شنو حتى اساعده انسان حقير
خليت راسي وغمضت عيوني واني
اسمع أصوات ادل ع الهلوسه مالته
ولا انقهرت ولا اهتزيت
رجعت اكمل التسبيحات مالتي واني بالي مو يمه
ابد إلى أن ماعرف شوكت غفيت .

ثاني يوم صحيت ماكو اي صوت
اتوقعته ميت الهذا طلعت حتى استبشر بهذا
الخبر بس خابت آمالي من ما لكيته
بالبيت
شكله صاحي وحتى ماخذ من العلاج مالته
ادري شنو هل روح الي عنده
ما اثر بي مرض ولا
بقيت افتر بالبيت احس بالكتمه صارت
بصدري خابت كل آمالي
ومخططاتي العقيمة االي ما اعرف شوكت
اشوف الهن بذرة توصلني
للطرف الثاني
مر الوقت وكالعاده الوحدي وبين هل اربع حيطان
إلى أن رجع للبيت
اول مادخل ردت انهزم بس صاحني

التفتت اله واني اشوف تعابير وجهة
بس لا يتذكر البارحه شنو صار
هنا غير تخرب مشى وصل صار
كدامي عيونه جان تفتر عليه واني دكات كلبي
صرت اسمعهن
رفع حاجبه وسألني
ابو نوح : ما الذي حصل في الأمس؟
نارا : ماصار شي
ابو نوح : لا تستغبيني يابنت وقولي ما الذي
حدث
نارا : ردت اكول اله ضربتك واشفي غليلي
بي بس تراجعت لا يرجعه الي وهو شكله
شاك بشي ، شنو ما صار شي شبيك
هو اني بس نظفت ايدك مثل ما ردت
وبعدها رجعت للغرفه نمت
قلص عيونه وهو يباوع عليه
ابو نوح : أيعقل انكِ لن تنسي شيء ؟
نارا : وكع كلبي هذا شنو جاي يلمح ، مثل شنو انسى ؟؟؟
رد عليه ونظراته تخزرني
ابو نوح : عندما صحيت وجت اثر احمرار
ع وجهي ما تفسيركِ له ؟؟؟؟
نارا : ياحبيبي اكلناها عقدت حواجبي ورديت
عليه بنتر ، اي واني شعرفني
يمكن انتَ نمت ع خدك
رفع حابه وسألني بنفس نبره صوتي
ابو نوح : ولكن انا لم أقل وجنتي وانما قلت وجهي!!!!!!!!!!
نارا : هذا يريد يوكعني بكلامه ، وجهك او خدك
نفس الاسم عندي كله هو عباره عن وجه
حتى العيون هم وجه ليس تكبر الموضوع
شعرفني اني بعدين !!!!!
سكت بس وجهة واضح عليه الف علامه استغراب
وسؤال
وتعابير
وجهة تجبرني ع الضحك مو بيدي بالكوه
لزمت نفسي

اندك الباب وخلصني منه ومن المحاكمه
الي يطبقها بيه
اشو هذا طول معقوله كل هذا الوقت
وهوَ برى ويا هذا الي
دك الباب
مديت راسي مالكيت اي احد
وين هذا راح شعجب طلع ، يلا يولي
همزين طلع وافتكيت منه
الحقير ابو الوصخ

كعدت واني اتذكر اهلي نزلت دموعي
بقهر شنو الي تغير وحالتنا
هيج صارت
رجعت ذاكرتي لسنه ٢٠١٠
الغرفة امي بالضبط دخلت عليها لكيتها
كاعده هستوها خلصت صلاه يمها
واني شايله المشط ب ايدي
حجيت وياها متذمره من
شعري
نارا : ماما سرحي الي شعري ضوجني
هي ابتسمت بوجهي وصاحتني
ابتسام : تعالي يمه تعالي يمي كعدي كدامي
رحت الها ركض كعدت كدامها
وانطيت الها ظهري
سحبت شعري وصارت تسرح بي
واني مغمضه حتى ما احس بيها من تسرحه عكسي اني اقلعه من الجذور مالته
خلصت وبخرته بالبخور مالتها الي ريحته تجنن
وشدته
بعدها ع كعدتها بس التفتت وخليت راسي
بحضنها
بوقتها هيَ جانت لابسه ربطه سوده
وهيَ بشرتها بيضه طلعت تجنن
حاجيتها
نارا : نعست واني بحضنج ريحتج طيبه
هي خليت ايدها ع شعري ومسحت
راسي

صارت ادندن بصوتها العذب
دخل مسامعي بكُل احساس وصوتها الحنون
نامي وانتجي وامج تهفيلج
ترى نوم الضحى يانارا يعينج

الكلمات حيل حلوات بحيث تخلي
الراحه الي بداخلي تم والسلام يسود موطني
رجعت مسحت ايدها ع شعري ورجعت
ادندن وتقرا الي
حـسـيـنُ اللهِ بالأرواحِ نفديهِ / حـيـاةٌ مـوتـنا يا لائمي فيهِ
بـهِ الـمختارُ و القرآنُ أوصانا / نـلـوذُ إذا تـمادى غدرُ دنيانا
و خـدامـاً أبـو الزهراءِ سمانا/و يـومَ الـحشرِ أحراراً نلاقيهِ
صارت تمسح ع شعري وتقرا بيها
وكُل ما تخلصها ارجع اطلب منها تعيدها
روحي تروح ويا صوتها من تقرا
إلى أن غفيت بحضنها ..

صحيت من موجه الذكريات الي أني
جنت داخله بيها لكيت نفسي منهااره
دموعي تنزل بغزاره والشهكه من نص روحي
تطلع
صرت اجر بالنفس اهدي نفسي واتذكر القصيده
الي رددتها الي واني بحضنها
صرت اردد بيها حتى ترتاح نفسي
وتستقر كُل شوي ارجع اعيدها بس اقرها مخربط
مو نفس ما يقروها يمكن من الحزن
الي انبي بي وموجوده الذكريات الي
اجتاحت بالي
" نـلـوذُ إذا تـمادى غدرُ دنيانا "
" حـيـاةٌ مـوتـنا يا لائمي فيهِ "
إلى أن ارتاحيت وهدأت اضطرابات انفاسي
ورجع كلبي يدك من جديد بهدوء

انفتح الباب ودخل ابو نوح حتى نسيت
هو طلع او راح يرجع
دخل يباوع عليه وملامح ماعرفت شنو
افسرهن
صار كدامي
ابو نوح : اتعلمين ماذا ؟
مارديت عليه مدنكه وحاطه اديه بحضني
وعيوني ع أصابع اديه
رجع حجه
ابو نوح : يا ابنه الرافضيه ألم تسمعيني !!
رفعت راسي بتعب واجتي عيني عليه
رجعت نزلت راسي
صار صوته بأذني
ابو نوح : أنا عندما اريد من أحب أخذ ، ومن اريد ان اقتل ف اقتل ، ومن اريد ان اخذ ف أخذه بدون
شي ، ما الذي يجبرني ع بقائك بجانبي اذاً ؟؟؟؟
نارا : رغم كلامه هم مارديت
اله ومنزله راسي وعيوني بحضني
رجع هتف بصوت مسموع

ابو نوح : ايُتها الجراحة العظيمه

نارا : جملته خلتني ارفع راسي مستغربه
وما مصدكه الي ديكوله الي
سألته ، وتعرف كُل شي عني ؟؟؟
رد بهدوء ونظراته اتجاهي مصبوبه
ابو نوح : نعم اعرفكِ
سألته واني صوتي يرجف
نارا : ليش هيج تسوي بيه ليش هيج
تعذبني وحابسني حتى الشمس ماشايفتها
شنو الي سويته حتى هيج تسوي بيه
مارد عليه بس نظراته اتجاهي نظرات سخريه من كلامي وعدم مبالاة المشاعري
رجعت حجيت
نارا : ليش ما تقتلني وتخلصني
قرب راسه مني واردف
ابو نوح : الأمير يُريدكِ
عصبني جوابه نترت بوجهة
نارا : ااااكل تبن
تقرب مني وهو يبتسم بمكر
ابو نوح : سوف اكُلكِ
مارديت وهو رجع طلع ابو الوصخ اربعه وعشرين
ساعه يطلع واني حابسني هنا

صار اليل رجع جان جايب ويا الاكل
صرت ما انهزم واقفل الباب من يجي لان
هو ما اله شغل بيه بس حابسني
اباوع عيونه حمممررر دم دم ماعرف شبي
حط الاكل كدامي
ابو نوح : كُلي
انعفست نفسي واني منا تعبانه
ابو نوح : تناولي طعامكِ
رديت بدون نفس
نارا : ما اريد
هو رجع سحب الاكل من كدامي
ابو نوح : جيد

حطه ع صفحه ورد ورد عليه بأمر
ابو نوح : البسي نقابكِ وتعالي معي
فتحت حلكي هذا وين يريد ياخذني
شاف النقاب سحبه وشمره بوجهي وصاح بيه
ابو نوح : هيااااااااا ارتدي النقااااب
اني مالبسته شنو وين ماخذني شعرفني ما يروح
يوديني للامير مالته وتضيع حياتي يمه
هو شافني معانده ومغلسه عليه
تقرب سحبني من شعري وجره بقوه رجع راسي
للورى صرخت بألم وحطيت ايدي ع ايده
الي لازم بيها شعري
نارا : عووووووفني وين ماخذني ما البسسسه
بأيده الثانيه ضغط ع فكي وكز ع اسنانه اردف
ابو نوح : ألبسي النقاااب والا سوف اتندم
ع هذا الهدوء الذي اتعامل به معكِ
خفت لا يسوي شي هزيت راسي اي هو
عافني بس احس راسي وفكي حيل يأذوني
سحبت
النقاب ولبسه بس
حيل خايفه
خايفة لا ياخذني المكان اتعس من المكان
هذا
الي اني عايشة بيه واشوف اشياء اقوه من قبلها

اجه سحبني من ايدي واخذني ويا
طلعني من البيت جريت ايدي
منه بس مل تركها حجيت ويا
نارا : بسسسسس فهمني وين راح تاخذننني
ليششش ما تجاوبني وتريح كلبي
هسه اني شلون اروح وياك مطمنه وما اعرف
اي مكان ماخذني
ابو نوح : اخررررسي لا تسألي اي سؤااال
والا قتلك اخذكِ إلى اي مكان اُريد
لا شأن لكِ في ذلك
لو اكو حجاره يمي جان لزمتها وركعته بيهة
بس ماكو
نارا : شلوووون ما يخصني وانتَ ماخذني وياااك
ماحجه فتح باب السياره وشمرني بالسياره
وسد الباب
هو هم رجع صعد شغل السياره ومشى
اني دكات كلبي صارت اتزيد
وين ماخذني يعني معقوله ياخذني لأهلي
يعني معقوله راح اشوف اخواتي
واخواني ؟؟؟
لو راح يوديني للامير مثل ما كال !!!!
احس روحي راحت من يمشي سريع
بالسياره منا التفكير اكل راسي ومنا هوَ يمشي
سريع
ورى فتره وكف السياره
ابو نوح : لقد وصلنا هياا انزلي

باوعت لكيت موكف السياره كدام
بيت جبير هنا من صدُك حسيت قربت نهايتي
ماعرف هذا البيت منو موجود بي
فززني من خوفي الي اني بي فتحه باب السياره
ابو نوح : انزززززززلي
نارا : شكووو وين جايبني انتَ ؟ هذا بيت منو ؟
منو هناااا موجود بالبيت لاتخبلني احججججي !
ضغط ع فكي وصاح بوجهي
ابو نوح : ااااياكِ والصراخ في وجهي والا قتلتكِ
سحبني من ايدي ونزلني اني اجر
بأيدي وهو يجر بيه
العباه الي اني لابسته حيل طويله وكبيره
عليه بحيث هو سحلني مشيت ورى صارت
جوه رجلي ونكلبت ع وجهي وهو يجر
بيه شافني ثقلت التفت عليه
ابو نوح : أيتها الحمقااااااء قومي
نارا : اااااااي ووووجع ماتشوفني شلون وكككعت
اووووكف شكو تسحبني وراك
اشوو هذا طلع سلاحه وحطه براسي
ابو نوح : لا اريدددددد ان اسمعك هيااااا
ادخلي
سكتت ورجع سحبني ورى بقيت بخوفي
ماعرف وين ماخذني ولا شنو الي ينتظرني

هستونه دخلنا البيت جان اسمع صوت
شخص يصرخ هنا ما بقت
قطره دم بجسمي
من الخوف شنو هذا الصوت !!!!
هذا الصوت صوت رجال بس ليش يصرخ !!!!
احس حتى رجليه ما تعيني
سحبني المصدر الصوت كٌل ما نتقرب يصير
الصوت اقوه الا ان دخلنا الغرفه
انصدمت من شفت رجال متصاوب ويصرخ
من الالم الي هوَ بي
بقيت مركزه نظري عليه الا ان طلعني
من صفنتي صوته

ابو نوح : انظري هذا الرجل قد تصوب أثناء الجهاد
مع أعداء الله
رفعت راسي اله
نارا : اي واني شكو
عاط بيه
ابو نوح : نااااارااا
نارا : شكوو
ابو نوح : لماذا تتكملين كثيراً
نارا : هسه شتريييد مني
ابو نوح : انتِ سوف تنقذيه
انصعقت من كلامه
نارا : ااااني شعلييية ماتاخذه للمستشفى
ابو نوح : ناااااارااااا
نارا : شكوووو تصيح شعليه اني أخذه للمستشفى
هناك يعالجوا
ابو نوح : أنا قُلت انتَ التي سوف تنقذيه
هيا اذهبي وانظري إلى جرحه ماذا قد يحتاج
نارا : واااني شعرفني يادوب مرحله ثالثه
صرت تريد اسوي عملييية اله ؟؟؟؟ أخذه
للمستشفى ماكدر اله
ابو نوح: اخرسسسسي وعالجيه
ماريد اعالجه هو هذا
الحيوان اكيد وياهم شلون اساعد واحد
اذانه ، تقربت منه لعبت نفسي اول ماشفته
كُله دم و وجهة لعبان نفس

الطلقه جايه من جهة كتفه قريبه ع كلبه
ينزف نزف وينازع
زين اني شلون لطلع الطلقه منه
هاي خطره ع لحظه يموت خاصه اذا
كصيت بدون ما اعرف الوريد يروح
بيها واني اروح بيها ويا
انوب ماكو اي اداه اشتغل بيها وماعندي اي
تجربه سابقه
هاي شلون شغله تخوف
ياربي امتحانك حيل صعب عليه
راح طلع ابو نوح ماعرف وين وبقيت
بس اني وهذا المتصاوب
لعبانه نفسي منه

نارا : انتَ داع١١ي ؟؟
رد عليه بألم بالكوه
_ من دوله الإسلام
نارا : سديت اديه اثنينهن وفتحتهن بوجهة غميته
جيره بفركك وفرك الدولة الأسلام
هو باوع عليه متألم بس فتح عيونه ع وسعهن
لان حجيت ع دولتهم وكدامه وهو مايكدر
يسوي الي شي
_ ماذا !!!!!
رجعت رديت عليه واني لعبانه نفسي منه
نارا : ومررض المرضك اكل تبن وبلا صوووت
واذا اجه ابو نوح وكلت اله هاي تتجاوز
عليه صدكني انهي حياتك
وهي هسه بأيدي
هو صفن بوجهي متألم رد بانفاس مقطوعه
_ أنتِ ابنت الرافضيه
عقجت وجهي
نارا : وتاااج ع راسسسك ياقندره خليني
اكمل شغلي ولا تقاطعني
_ اكملي يابنت
نارا : ضربته ع كتفه صاح متألم ، ومرض
المرضضك ومرض البنت اكل تبن وحسك
ما اريد اسمعه ابددددد

بعدني احجي وحسيت ع دخول ابو نوح
للغرفه سكتت سريع اباوع بيده
جنطه اسعافات أولية باوع عليه وعليه
شلون يون بألم
عقد حاجبه
ابو نوح : عن ماذا تتكلمين مع ؟؟
سحبت نفس
نارا : ولا شي بس جنت اسأله عن الطلقه
حتى اشوف شلون اشتغل
هو قرب الجنطه مني وسحب
السلاح حطه براسي
ابو نوح : انظري ياالرافضية لو فعلتي خطأ واحد
فقط سوف اقتلكِ بدون رحمه
مارديت عليه هزيت راسي خايفة
فتحت الجنطه بيها كُل الاداوات الي احتاجهن
لفاف ، مقص ، خيط وابره، الملقط
وكُل شي موجود
سحبت نفس خايفه
لان اكو وريد يتصل بالقلب اذا قطعته
يموت سريع وخايفة لا ارتكب خطأ وينقص
وهاي اول مره اسوي بيها تطبيق عملي
وحياته بين اديه شلون هسه
زين اذا قطعته هسه ينزف سريع ويفقد ويموت
والمشكله ماكو بنج اكيد راح يتأذى ويبين
هو ميت مو فاقد لان بنج ماكو
ما مخدر
وانوب هو حاط السلاح فوك راسي واذا
قتلني بعد ما عندي فرصه ادور ع اخواتي
والكاهن

قربت منه واني احاول اطلع الطلقه منه
بس الأفكار صارت تجي براسي اني هسه
داعالج انسان حقير ارتكب بحقنا
أشكال الجرائم شلون اني
اعالجه حتى يرجع بصحه زينه ؟؟؟ اجتي بالي
فكره اقطع الوريد واخلي ينزف ويموت
بس هذا الثاني حاط السلاح براسي
اي خطأ ارتكبه يحط طلقه براسي
ويموتني
كل الأفكار السوداويه اجتي براسي
تحثني حتى اطبقها .

رفعت راسي وحجيت ويا
نارا : شبيييك حاط السلاح براسي ترى
جاي توترني واني بعملية خطره
دفرني بظهري بالحذاء مالته تألمت
ابو نوح : اااكملي بدون أن تتكلمي شيء
بعدت ايدي عن المصاوب ولتفتت عليه
نارا : يعني اني مو جراحه خبيره ولا عندي عمل سابق ليش مسلمه بيدي ماتاخذه للمستشفى هذا الداع١١ي
هو تقرب مني كاز ع اسنانه
سحبني من راسي
ابو نوح : ايااااااكِ اياااااااكِ ان تنظري الي
في هذهِ النظراااااات
حاولت افتك منه رديت عليه بحقد
نارا : يعنييييي اني تحت عملية خطره وانتَ هيج
تعاملني شلون اشتغل عدل بعدين ؟؟؟ اذا مات
بيدي
عاط بصوت رج البيت رج حتى اني خفت منه
لل يكفخني
ابو نوح : لاااااااااا تتكلممممي لماااااذا انتِ
ثرثاااره هكذااااااا
حصرتني الضحكه ع شكله شلون صار
وحسيت بالراحه لان نرفزته بهاي الطريقه
وخليته يثور ويعصب
رجعت نزلت راسي واني ابتسم
احاول اطلع الطلقه
هو صرخ بيه
ابو نوح : لماااذا تبتسميين؟؟
زفرت انفاسي بتعب ورديت عليه
نارا : ااانتَ شبيك وياي خبصتني خبص
بلماذا ولمااذاا احجي عدل مثل الناس ولا تحجي فصحى لعبت نفسي
ابو نوح : اكملي والا وضعتكِ فوقه
نارا : هو انتَ شاطر بس بهاي
شفته ضغط ع فكه نزلت راسي اكمل شغلي
واطلع الطلقه منه

انوب
هذا وجهة صار اصفر ليمونه
ونزف هواي
سحبت نفس واني اسحب
المقص ويا الملقط حتى اكدر اطلع الطلقه بسهوله
حجيت ويا
"اتحمل هسه اطلع الطلقه واخيط الجرح "
اني دخلت المقص اريد اسحب
الطلقه ويا ما سحبت الطلقه ماحسيت
الا الوريد انكص والدم صار
ينزف هو صرخ وبعدها سكت
رجف جسمي " ماااااات "

ـــــــــــــــــــــــــــ•●•ــــــــــــــــــــــــــــ
يتبع .

توقعاتكم ؟؟؟؟ اتحفونا
لاتنسوووون التصويت والتعليقات
تفاعلكم ابد مايحث حتى استمر بالتنزيل
علقوا ع الفقرات والتصويت حُب