الربتج " حالك الاسوداد " الفصل السابع والعشرون 27 - بقلم رهف علي

- فراشة أنا وأنتَ ضوئي
بكل أحتمالات نجاتي مُنك
وإحَتراقي أركض نحَوك .

هل لديكَ صديقً يُغنيك عن ألف شخص ؟

*_*_*_*_*_*_*_*_*_*_*

-نارا :- بقى صافن بوجهي حتى رمش مارمش
كأن كلامي كان من صدُك رصاصه وصابته اني دموعي بس تنزل ابجي واشهك رمش بعد استيعاب
- شُعاع :- شنو ؟
- نارا :- والله ياشُعاع والله وحق الإمام علي اني ردت اكول لك من زمان بس خفت منك خفت اخسرك وانتَ اخر شخص باقي الي بهاي الدنيا خفت تعوفني وتهجرني حقك والله حقك واني الي غلطانه اعترف بهذا الشي ..

احجي ويا وهو بقى صافن بوجهي جنت اني بحضنه ابتعد عني القميص مالته مفتوح وكف ع طوله صار كدامي
احسه بعده ما مستوعب كلامي ولا اي شي من الي حجيته راح للميز سحب باكيت الجكاير طلع وحده حطها بين شفايفه واني بس اراقبه بعيوني وابجي خايفه من رده فعله انتبهت عليه شغل الجكاره وسند ظهره ع الحايط سحب قوي من الجكاره وزفره وعيونه مانزلت من عيوني
نظراته اتجاهي مثل الطلقه وصابت كلبي ..

شُعاع يكول :-
عفتك للزمن ماشايل عليك
الزَمن يتكفلْ بجَبر الخواطر
من تنَكسر مره وترجعْ
تعيش
بُخور تحسهَ دخُان
الجكاير

- شُعاع :- شلون تكولين هيج وانتِ محد لازمج ؟
- نارا :- سحبت نفس ارجف ، والله ما ادري والله اصلاً اني هم عرفت بوقت متأخر يعني مو من زمان بوقت الي وكعت وصارت العمليه مالتي عرفت من الدكتوره هي الي كالت الي .
دنك راسه ماعرف بشنو يفكر بعدها رفع راسه صارت عينه بعيني
- شُعاع :- يعني الشغله الي ماردتي تحجين الي بيها هي هاي ؟؟
- نارا :- هزيت راسي ارجف ، رجع سحب نفس
- شُعاع :- اني شكيت بيج
- نارا :- ها
- شُعاع :- منو الي معتدي عليج احجي والله ما اتقرب منج او اضربج والي تريدي يجرالج
- نارا :- كلبي رجف اعرف يريد يسحب مني الكلام ويريد يعرف وهذا من حقه رديت عليه ، والله ما اعرف وحق هذا الله ما اعرف
- شُعاع :- تأكدتي من كلامج ومن الدكتوره ؟
- نارا :- اي حتى من رحت مره ثانيه للدكتوره هم كالت الي هيج
- شُعاع :- هاا
- نارا :- اي ، الهدوء الي هو بي هبطني جان حيل هادئ
ما تصرف مثل الي فكرت بي ما صيح ولا عيط ولا حتى كسر اي شي واني عكسه منهاره وبس ابجي .
- شُعاع :- ما تذكرين شي ؟
- نارا :- لا حتى من جنت يم ابو نوح الوحدي والله يا شُعااااع ما خليته يتقرب مني والله ماسمحت اله ولا خليته يلمسني ويدنس شرفي واذا تريد جيب الي
القرآن هسه احلف كدامك هو ما متقرب مني .

اباوع عليه سحب اخر نفس من الجكااره وشمرهة ع الارض
ضغط عليها برجله فز كلبي لان ما لابس شي برجله
واحس الجمره طفت بكلبي مو برجله
تقرب مني وكعد يمي اتوقعت راح يضربني صار كدامي مد ايده ع وجهي ومسح دموعي حجه وياي بهدوء قاتل وعيونه بعيوني

- شُعاع :- ما اريد عيونج تبجي ولاتنزل دمعه من عينج .

احس جسمي صار يرجف ويا كُل لسمه لمسها ع وجناتي
ماحسيت الا وكف ع طوله سد دكم القميص مالته
كلبي رجف من شفته انطاني ظهره ومشى كمت سريع من السرير واني لازمه البدله لان مفتوحه من ورى وخفت
لا توكع ركضت ورى صحت شُعااااع اريد الزمه بس هو
راح وتركني الوحدي ..
اخخخخ ياكلبي
عطش صبير ولا فركـَاكـَ .
تعال بحلم واحسبها الك جيّه
واكـَولن جيت .

كعدت ع الارضيه ابجي واشهك صوتي عالي اصيح
بأسمه اريييده يرجعلي ماااريد يعوفني هذا كُل اهلي شلون يتركني ويروح شششلون احس روحي انمردت ويا طلعته ليش ياربي ليششش بجيت بقهر وحركه كلبي احس روحي صارت تفرفح حسيت
لُجين وعنقاء صارن كدامي مصدومات اجني يركضن مهبوطات واني بس ابجي واشهك كعدت يمي عنقاء حضنتني ترجف تحاول تفهم مني شبيه بس اني احس فقدت اصيح " اريد شُعاع " صارن البنات يبجن ع البجي مالتي وهنَ ما فاهمات اي شي
- عنقاء :- اسم الله اسم الله شبييييج لة تخبليني ليش تبجيييين نااااراااا
- نارا :- اريد شُعاع ااااخ يمه اريد شُعاع.
حاولت تهديني بس ماكو بثغري غير بس هاي الكلمه

صوت الشذام يصيح عليها راحت تركض عليه تحجي ويا
هو يسألها شكووو وهي ترد عليه روح دور ع شُعاع شوفه
وينه ماكو ونارا بس تبجي
واني ع فرد بجيه ما بطلت ارجف رجف مو طبيعي وابجي
مرن ساعات طويله ومن رجعوا ما وياهم شُعاع فص ملح. ذاب دوروا عليه وما لكوا اني من سمعت هيج رجعت ابجي بهستريه مانمت ولا مر النوم ع عيوني البنات يمي ماتركني ولا لحظه إلى أن صار الصبح واني ع نفس
الكعده مالتي ما اتحركت حتى جسمي احسه متكسر وما بيه حتى احركه
اندك الباب مال الغرفه اسمه برى صوت غريب
راحت عنقاء تشوف شكو اسمه يكول اله لبسها واستريها رجعت ورى شويه رجعت عنقاء كعدتني ع السريرو خلت العباه ع راسي
وسترتني وطلعن ..

حسيت ع شخص دخل للغرفه رفعت راسي عيوني
مورمه اباوع دخل واحد طويل لبسه كلاسيك شعره طويل مرجعه للورى جان يباوع عليه واني عيوني عليه سحب الكرسي من عند الميز وجابه كدامي حطه وكعد كدامي
ماحجيت ولا حرف هو الي حجه .
- مصطفى :- نارا اني اخو شُعاع اسمي مصطفى

باوعت عليه ودموعي نزلن
- مصطفى :- باعي عليه اني من عرفت بيج وسمعت قصتج كلها ما اعتبرتج غريبه ولا زوجه اخوي لا اني اعتبرتج وحده من عندنا وحده من اخواتي ويشهد عليه الله اني الي اساعدج بكل شي وتكدرين توثقين بيه اني اكثر واحد بين اهلي
- نارا :- منزله راسي وهو يحجي
- مصطفى :- نارا شُعاع وينه وين راح ؟
- نارا :- رديت عليه وصوتي بالكوه يطلع من البجي ، ماعرف .
- مصطفى :- شنو الي صار بينكم ؟
- نارا :- ما صاير شي
ماحسيت الا وكف ع طوله وتقرب كعد يمي وبينه مسافه
استغربت من تصرفه
- مصطفى :- نارا شُعاع صارله كم سنه غايب عنه واحنه اتوقعنا استشهد ليش خليتي يروح مره ثانيه
- نارا :- ماعرف ، رفعت راسي باوعت عليه ،
انتَ شلون تجرأ تكعد يمي ؟؟؟؟
هو ابتسم بهدوء وكف ورجع كعد كدامي ع الكرسي
- مصطفى :- نارا وين شُعاع
- نارا :- مو كلت لك ما اعرف

- مصطفى :- زين كومي جهز نفسج حتى نطلع
- نارا :- عقدت حاجبي ، مو ملاحظ نفسك وتصرفاتك واسلوبك وياي ؟؟؟ هز راسه بقبول
- مصطفى :- اي اعرف ملاحظ نفسي يلا كومي
مو تريدين شُعاع
- نارا :- رجف كلبي من كلمته ، تعرفه وينه ؟؟؟
هو رفع ايده ع شفايفه همس
- مصطفى :- اشششش بدون حرف لاتحجين شي
- نارا :- هزيت راسي واني صافنه عليه ، تمام اطلع انتَ

هو طلع اول ماطلع البنات دخلن للغرفه خايفات عليه
- عنقاء :- هااا شنو يريد ؟
- نارا :- سحبت نفس ، كال امشي البيت اهلي ، يمكن شُعاع هناك
ويا كلمتي دخل الشذام كال يا الله
عدلت نفسي هو دخل وكف كدامي يحجي وياي
- الشذام :- شلون تطلعين البيت اهله وشُعاع ماكو ؟؟
- نارا :- والله ما بيه حيل اجادل اني حيل تعبانه
- الشذام :- ماشي
- نارا :- هو طلع بس شكله حيل مقهور وضايج لان ما لكه شُعاع واني منا مابيه حيل حتى للمجادله بس اريد اعرف شُعاع وين راح شمرت العباه و دخلت للحمام نزعت البدله
وغسلت وجهي فتحت التسريحه مالتي صايره
هوسه و وجهي صاير خارطه غسلت لبست ملابسي وطلعت لكيت البنات ينتظرني نزلنا جوه
جان مصطفى ينتظرني ودعني البنات وراحن واني صعدت
بالسياره ويا مصطفى

- مصطفى :- اي ماتعرفين هسه هو وينه ؟
- نارا :- عقدت حاجبي ، لا ما اعرف
- مصطفى :- سهله سهله
- نارا :- هزيت راسي بهدوء وما جاوبته درت وجهي ع الجامه بقيت اباوع وهو يسوق بس مجرد ما هو اخو الشُعاع حسيت بأمان يمكن لان هو اخو بالرغم ماعندي ثقه بي
مشت السياره والطريق طويل حتى استغربت معقوله هو يعرف شُعاع وينه خلي انتظر واشوف وين يوصل واذا سوه الي شي وقتها ما اتردد واخلي السجينه بكلبه

وصلنا المكان و وكف السياره بص بيت صغير صفنت ع البيت اجاني صوته
- مصطفى :- هنا تلكين شُعاع
- نارا :- شنووو !!
- مصطفى :- انزلي
- نارا :- نزلت بهدوء واني كلبي يدك هو طفى السياره ونزل وياي دك الباب ماكو احد طلع شكد دك وماكو اي احد
ماحسيت الا مصطفى كسر الباب ودخل واني دخلت ورى
افتريت ماكو اي احد بالبيت التفت عليه
- شنو تريد تسوي انتَ ؟؟؟؟؟؟؟هو ضحك نترت بوجهة
ااااحجي شبيييك ؟؟؟؟
- مصطفى :- هذا بيت أبويه مخلي اله كل ما يتعب يجي هنا وفكرت شُعاع راح يكون هنا اذا راد يرتاح او يفكر بشي
- نارا :- ويا كلمته عفته ومشيت بخطوات سريعه طلعت من البيت ارجف صعدت بالسياره وهو اجه صعد يستغفر
الله
- مصطفى :- شلون مو هنا استغفر الله جنت متوقع هنا
- نارا :- مصطفى
- مصطفى :- ها
- نارا :- بعد ما عندكم إمكان غيره
- مصطفى :- لا اني جنت مفكره هنا بيت أبويه
- مصطفى :- خلي اتصل ع لؤي
- نارا :- تعرفه ؟
- مصطفى :- اي لعد شلون اخذت رقمه بالعرس
- نارا :- اتصل عليه وفتح السبيكر اني اسمع ..

- مصطفى :- شلونك حبيبي
- لؤي :- الحمدلله حبيبي وانتَ
- مصطفى :- ماشي الحال ، شنو الوضع يمك ؟
- لؤي :- بأستغراب ، شنو ؟
- مصطفى :- لا اقصد شُعاع يمك
- لؤي :- شنو يمي غير يم مرته هسه
- مصطفى :- لا كلت عبالي يمك
- لؤي :- مصطفى شنو تحجي اني بالبيت وشُعاع يم مرته
- مصطفى :- لا ماكو شي خويه اطمئن
- لؤي :- اذا تحتاج شي اتصل
- مصطفى :- ماتقصر.

- نارا :- سد الاتصال والتفت الي حاير
- مصطفى :- شلون هسه
- نارا :- ما ادري ما ادددري ، دنكت راسي وبجيت
- مصطفى :- اهدئي يابه اكيد يطلع وين يروح لازم ارجعجج للفندق لان حاجزين بي انتوا اسبوع ماكدر اخذج هسه البيت اهلي لان راح يصير حجي
- نارا :- ماشي ، امسح بدموعي ويرجعن ينزلن
ر

جعنا للفندق بعدنا ما نازلين واشوف هوااااي واكفين
كدام الفندق غمضت عيوني شكلهم وصل الهم الخبر
استغفر الله هسه اني شلون راح اوجهم
نزلت من السياره جانوا كُلهم موجودين ومن ضمنهم شذام وعابد لُجين عنقاء
مشيت وصلت يمهم صار الشذام كدامي يحجي ويا مصطفى

- الشذام :- لازم تاخذها وترجعون للبيت
- مصطفى :- يعني وصل الخبر الهم مو
- الشذام :- اي وصل بعد مايصير تبقى هنا الوحدها
- مصطفى :- هاهي اني راح اوصلها للبيت ونشوف شُعاع وينه
- الشذام :- هم جاي اندور عليه بس ماكو مالكينا
- مصطفى :- سحب شعره بقوه للورى ، اريد اعرف وين راح
- الشذام :- الا مايرجع مايبقى بمكان معزول
- مصطفى :- تعلمنا بأخوي تعرف راسه شلون يابس
- الشذام :- اعرف يابه اعرف شُعاع والراس اليابس اخوان
- مصطفى :- الا ما يرجع يعرف نارا توكع بيها
- الشذام :- صحيح ، هسه نرتب وضع الفندق ونلغي الحجز تاخذ أغراضها وترجع وياها لا تخلي احد يحجي وياها تعرف هاي امانه
- مصطفى :- لا ت صيني عليها هاي اختي صارت
- الشذام :- كفو منك ، يلا امشي ..

- نارا :- رحت تقربت منهم سألت شذام ، الله عليك ما تعرف وينه ؟
- الشذام :- خويه والله ما اعرف وينه
- نارا :- هزيت راسي بأسف واني محترك كلبي
حسيت الدنيا افترت بيه دخت هو سريع سحب الكرسي
اني خليت ايدي ع الكرسي ولزمته دايخه
ركضن البنات الي خايفات عليه بس اني احس روحي صرت بغير عالم حتى اصواتهم فقدتها اسمع يمي بس
ضوضاء قويه بس ما افهم شنو يكولون ولا يحجون
مجرد أصوات قويه تحسسني اني بعالم ثاني
ماحسيت بنفسي الا اني واكعه مغمي عليه ..
ورى فتره كعدت لكيت نفسي اني بحضن لُجين
والعنقاء بصفي تفرك بأديه والولد فوك راسي مقلوب وجهم بسبب وضعي بجيت بقله حيله
تقرب مني مصطفى
- مصطفى :- يابه لاتبجين والله يرجع وروح أبويه يرجع لاتسوين بنفسج هيج خليج قويه
- الشذام :- سحب نفس وزفره بقوه ، خويه لا تسوين هيج
احنه جاي ندور عليه صيري قويه
- نارا :- ماحجيت بقيت ساكته وهم فوك راسي يحجون

رتبوا الوضع ورجعت اني ومصطفى البيت اهل شُعاع اني احس كلبي ممرود وروحي رايحه ما اعرف شُعاع وينه وبالي يمه ومن جهة ثانيه خايفه هسه شلون راح اوجه الكُل خاصه امه اني شنو اكول الها لو سألتني عن ابنها ، ليش هيج يا شُعااااع ليش احس ربطت اديه بهذا تصرفك جان تصرفه هادئ وما مد ايده عليه بس شكله كلبه انطع بسببي وراد يبقى الوحده حقه مو هينه الصدمه الي عاشها بسببي ..
وصلنا للبيت ماجان اكو ناس لان يعرفون احنه حاجزين بالفندق وما نرجع ثاني يوم ف ماكو اي خطار يمهم
اول مادخلت استقبلوني كلهم الي موجودين بالبيت
وشكلهم واضح عليه الاستغراب والف سؤال براسهم
تقربت اخته من عندي ابتسمت بهدوء بوجهي وسحبتني دلتني ع غرفه شُعاع مشيت وياها بروح خاويه وتعبانه
فتحت الغرفه ودخلت وهي تركتني
اباوع ع الغرفه مرتبه حيل وهمَ مسويها النا ع الرغم يعرفون بينه ما نعيش يمهم بس تبقى هاي الغرفه الشُعاع
جانت غرفه عريس وحيل حلوه

بعدني ما كاعده جان يندك الباب همست تفصلي ، لان اعرف بس البنات هنا انفتح ودخلت امه
للغرفه تقربت مني
- ام شُعاع :- بنيي شنو الي صار بينكم انتِ وشُعاع سولفيلي حتى اكدر اساعدكم بس سولفيلي ليش صار هيج حتى اعرف شنو اتصرف ليش شُعاع تركج بهاي الطريقه وهو اخذج عن حب ويحبج صاير شي بينكم
- نارا :- مجرد ما ينذكر الموضوع جسمي يرجف رديت عليه ، خاله والله ما اكدر احجي واني حيل تعبانه
- ام شُعاع :- تمام يا روحي راح اتركج الوحدج وانتِ ارتاحي هذا الحمام هنا كومي اسبحي وارتاحي
- نارا :- تمام .

هي راحت طلعت وسدت الباب وراها واني كمت سحبت من ملابسي ودخلت الحمام
وكفت جوه المي ابجي اختلطت دموعي ويا قطرات المي الي تنزل بصوره متعرجه بين مسام جسمي التعبان
اختلط ألم روحي ويا ألم كلبي بحزن كبير وعظيم بحزن اسود وتعبان ما اله اي طريق للنجاه بس طريق واحد هو
اسمه شُعاع..

طلعت من الحمام بتعب اجر بأذيال الخيبه سحبت روحي
وارتميت ع السرير اني وكُل احزاني غمضت عيوني وغفيت ..

ورى فتره صحيت ع صوت الباب يندك فتحت عيوني بخمول
كعدت متكسره جان ينفتح الباب وتدخل اخت شُعاع تبجي
منهاره اني فزيت خايفه
- نارا :- ششكووو ؟؟؟؟ ااااحجي شبيج تبجين صاير شي
- وفاء :- ااااتخيلي الدنية مكلوبه يدورون ع شُعاع بس مااالكووو اخويه ما اعرف وين راااح ، راح نتخبل كلنا والله
- نارا :- مابجيت ما اريد ابجي ، رفعت عيوني عليها بتعب ، احيانا الانسان من يتعب ينعزل
- وفاء :- هو شنو صاار الله عليج فهميني ليش عافتج
- نارا :- ما اعرف .
هي بقت تبجي وبعدها عافتني وطلعت

مشيت اني بخذلان وصلت الباب قفلت وطفيت الضوه ومشيت للزاويه مال الغرفه كعدت بيها
بقيت اهز بنفسي صار صوت براسي حيل قويه صرت اهز بنفسي مره ثانيه وثالثه واضرب جسمي بالحايط
اتذكرت الي صار وياي وراح بالي الهذاك اليوم
الي دخل بي اليه واني جنت حيل خايفه منه ..

تنفست بقوه واني اخلي ايدي ع كَلبي
خايفه ومرعوبه من الي صار
سحبت نفسي النهاية الغرفه وصرت بالزاوية
احس اريد ادخل نفسي بنص الحايط
حتى اختفي من الوجود واتخلص من هذا الكون
المُرعب
فزيت اول ما حسيت الباب انفتح سحبت نفس بقوه
صلبت ملامح وجهي حتى ما ابين اني خايفه
ولا اريد ينتبه ع خوفي
دخل الغرفه ورجع قفل الباب صار كدامي وكف بهيئته المُرعبه وملابسه المخيفه شديده السواد
ماعنده رحمه ماعنده !!
جله صوته وكال ..

_ ها أبو النار '

رديت عليه واني اتصنع القوه ، هااا ؟؟؟
ماجاوبني بس رد الي ابتسامه
حسيتها ابتسامه شيطانيه
تقرب عليه وسحبني بقوه ارتفعت المستوى وعطت ..
- نارا :- ااابتعدددد عني
- ليش ابتعد اني مستحيل اتركج انتِ صرتي بهذا المكان
- نارا :- جان يأشر ع راسه ونظراته اتجاهي تخوف
- مستحيل اتركج مستحيل ..

- نارا :- رجعت بيه الذاكره للوقت الحالي واني اضرب نفسي بنفس المكان الي كاعده بي قبل هم هسه بنفس الوضع اني بي كاعده بالزاوية وخايفة مو بس خايفه لا مرعوبه اتمنى هسه يدخل عليه مثل قبل ما يهم حتى لو خوفني مثل قبل المهم اشوفه المهم يرجع الي
يلااا وينك شُعاع تعاال ارجع مو كلت الي مستحيل اعوفج
مو كلت انتِ صرتي براسي
رجعت صارت أصوات براسي احس نفسي صرت بنص الماضي كأن رجعت عشت الحدث من جديد صرت اشوف كل شي كدامي طلق صوت اطفال يتصارخون
ضربات قويه اي هذا صوت بابا من بينهم وهمَ يضربوا كدامي صرخت بصوت عالي ، لااااااا لاااااا تقتلوووااا
بابا هذا عوووفوووو ، لاااا لاااا وخرووووا .
سديت اذاني بأديه اريد يختفي كُل شي مني ماكدرت
بقيت اصرخ نمت ع الارضيه واني اصرخ
اسمع صوت الدك حيل قوي بس ما اعرف المصدر مالته من وين
ماحسيت الا أشخاص يبعدون اديه ع أذاني فتحت عيوني
لكيتهم كُلهم يمي ام شُعاع وأخواته ومصطفى
جانوا يحاولون يوعوني سحبني البنات وخلوني ع السرير
وهم مصدومين بحالتي اول مره يشوفوني بهاي الطريقه

- مصطفى :- اهدئي خويه لا تخافين احنه يمج
- نارا :- ما وعيت ع نفسي بعدني مصدومه تقرب ضربني ع خدي حتى اصحى امه صاحت بي
- ام شُعاع :- لااا لاتضربهاا حيل
- نارا :- راح جاب مي ورشه ع وجهي اني بس صافنه عليهم رجع ضربني ع وجهي ورجعن كُلهن عاطن بي لااا تضربها بس هو جان يريد يرجعني لان كأن وحده بغير عالم بس مفتحه عيوني
- مصطفى :- اطلع برى بسررعه
- نارا :- صاح بيهن وهنَ طلعن بقى هو كاعد يمي اني وعيت ع نفسي
- مصطفى :- ترى الي جاي تسوي بنفسج حرام كلش حرام ، ليش هيج انتِ صرتي انسانه ضعيفه من بعد ما طلعتي من الموت ؟ ليش توصلين المرحله تخلين الناس تشفق عليج ؟ الانسان لو يمر بألف حاله لازم يبقى قوي
مو يضعف هي هاي الدنيا بيها فرح وبيها حزن يوم الج ويوم عليج
من الانسان يمر بموت او حتى شي صعب لازم يكون قوي ويكول انا الله وان اليه راجعون اني وياج ما انكر انتِ تحبي ومريتي بشغلات هواي صعبه ..
- نارا :- قاطعت كلامه، مُمكن اخسره !
- مصطفى :- اذب دم كلبي وما اخليكم تفترقون ثقي بالله
- نارا :- ليش تتعاطف وياي
- مصطفى :- ما اتعاطف هوَ اخوي وانتِ زوجته ع حبه الج احنه حبيناج وصرتي منه ، وإذا انتِ خايفه مني اسألي اخواتي اني هذا تعاملي وياج او ويا غيرج الي دسوي غلط برى الدنيا مكلوبه واندور عليه مصدومين هو مختفي وكلنا نعرف هو يحبج لان شفنا شلون فرحان بيج
غير تساعدينا وتكولين شنو صار
- نارا :- اريد ابقى الوحدي
- مصطفى :- باعي خويه الباب اني كسرته ودخلت فا ماراح ينسد اذا احتاجيتي شي كولي
- نارا :- هزيت راسي وهو طلع .

بقيت الوحدي كاعده افكر وراسي صار طبل
هو ليش تركني ليش ما يواجهني لو يتركني وننفصل او يحاول يساعدني ونتخطى هذا الموضوع هو الموضوع بيدي حتى يبتعد عني ليش هيج !!!
مر اسبوع كامل وهو ماكو صرت بدون روح حتى الاكل كُلش قليل اكل التجأت الربي اصلي وادعي شكد حاولوا يطلعوني من السُبات الي اني بي بس ما كدروا يصيحوني يحاولون اطلع يمهم بس اني اعتزلت ابقى طول اليل ابجي انام الوجه الصبح واكعد اما ١٠ او ١١ حتى النوم مالتي قل التفكير موتني وروحي احسها تنزف ..

بيوم جنت كاعده يمهم بس مو وياهم
سمعت الباب يندك كالعاده مصطفى جان موجود هو الي
يفتح الباب ورى شويه سمعت صوت مصطفى يصيح
شُعاااااااع ..
كُلهن كامن يركضن عليه إلا اني بقيت كاعده بمكاني احس جسمي نحلان واحس روحي خاويه دخل هو ويا اخواته واخو رفعت عيني عليه بس نظراتي اتجاهة جانت بااارده ما اتحركت من مكاني وهو جان هادئ تقرب من امه يحجي وياها ..
- شُعاع :- شلونج يمه
هي من شافته صارت تبجي وتحجي ويا
- ام شُعاع :- وينك يمه وين رحت اندور عليك ماكو
- شُعاع :- جان عندي شغل
- نارا :- حتى ما اريد اسمع اله كمت وكفت ع طولي هو باوع عليه واشر الي حتى اصعد فوك انطيته
عفتهم وصعدت بقيت كاعده بالغرفه واني بدون روح
شويه وصعد ورايه دخل للغرفه انتبه ع الباب مكسور هز راسه ودخل بس انفاسنه تنسمع بالغرفه
هو افتر وبعدها كعد يمي سحبت ايدي الي ع السرير
وحطيتها بحضني بقينا ساكتين إلى أن هوَ الي حجه ..

- شُعاع :- نارا شنو الي يثبت ما معتدين عليج
- نارا :- رفعت راسي ، الدكتوره او اي شي تريد حتى اثبت هذا الشي ، هو دنك راسه يسحب نفس متحسر
ضغطت ع ايدي
- نارا :- شُعاع
- شُعاع :- هاا
- نارا :- طلكني
- شُعاع :- تريدين اطلك تعب كلبي
- نارا :- اي طلكني اني عار ، كام غمض عيونه بكل قوته اناطني ظهره وحط ايده ع راسه يفرك بي بقوه كأن يريد يخفي غضبه رجع التفت الي واتقرب مني سريع
صار كدامي
- شُعاع :- شلوووون الج الجرأه تنطقين هاي الكلمه ؟؟؟؟
- نارا :- انتَ بهاي روحتك معناها كلتها اليه ، اباوع عليه احسه نااار
- شُعاع :- سهله سهله

بقيت صافنه عليه هو باوع عليه

- شُعاع :- كومي
- نارا :- وين
- شُعاع :- كومي انروح للدكتوره هل مره اني الي اختاريتها غير عن الي رحتي الهن ما اريد اضلمج وياي ما اريد اجرحج ولا اقهرج
- نارا :- شنو ؟
- شُعاع :- مثل ما سمعتي
- نارا :- شُعاع بس اطلع من هذا المكان اطلكني
- شُعاع :- يصير خير
- نارا :- لااااا ما يصير خير اتطلكني يعني اتطلكني خاف انتَ غبت ٧ ايام صدكني اني اغيب العمر كُله وحتى لو ما تطلكني ماااااشي
- شُعاع :- ماشي كومي البسي
- نارا :- احس نار صارت بيه كمت وكفت يم الميز سحبت العطر وشمرته بقوه ايدي ع الجامه صحت بي ،
لاااااااا تصرف ويااااي هيييييج ..
اندك الباب اني مستوره دخل مصطفى
- شُعاع :- ها ؟
- مصطفى :- ع كيفكم خويه أهدأ انتَ وياها مايصير هيج صوتكم عالي جوه هم اكو بنات
بعدها طلع ..
- شُعاع :- يلا البسي خلينا نمشي
- نارا :- جسمي يرجف رجف سحبت العباه مالتي ولبستها نزلت ويا ..

ويا نزلتنا شافتنا امه صاحت .
- ام شُعاع :- خير يمه وين رايحن
- شُعاع :- ما انطول راجعين
- نارا :- طلعنا طول الطريق اني ما احجي ويا بس ساكته
احس روحي تلوب وبس ابجي ، اني لك شُعاع اذا ما اندمك
ما اتسمى نارا ، وصلنا للدكتوره سريع دخلنا الها شفتها وحده جبيره بالعمر مو صغيره وجها بشوش بقت مبتسمه بوجهي تحاول اطمني لان عرفت وضعي شنو
نمت وهي اجتي فحصتني بس اني احس روحي صرت فد مره وانقهرت حتى ع نفسي
كملت الفحص أشرت الي حتى اجي وراها
طلعت وراها واني هم انتظرها تحجي كعدت ورى مكتبها وشُعاع كاعد كدامي واني صايره كدامه
جان منتظر كلامها وعيونه تراقبنا اني وياها ..

- الدكتوره :- ابني البنت ما مغتصـــ/ــبه ولا حتى معتدين عليها ..

- نارا :- احس الزمن كُله اتوقف بهاي الحظه بقيت صافنه وهو هم صافن مصدومين من كلامها شلون يعني
لعد ليش الدكتورات اثنينهن كالن العكس وبس هي
كالت الشي يختلف عنهن
- شُعاع :- شلون يعني ؟؟
- الدكتوره :- اسمعني ابني الغشاء يتلف بطُرق كثيره
مو فقط الي الناس متخيليها اما زوجتك ف الرحم مالتها متضرر بدرجه كبيره وهذا السبب ما يعود النتيجه الاغتصـــ/ــاب وإنما بسبب الضرب القوي الي واصل للرحم أدى إلى هاي النتيجه أما كأ اعتداء بطريق ثانيه ف ماكو
- شُعاع :- وشنو الي يثبت هذا الشي
- نارا :- بقت تشرح اله هواي هووواي شغلات واني بس صافنه عليها وارجف
- الدكتوره :- وتكدر انتَ تتأكد من هذا الشي بنفسك
- شُعاع :- ان شاء الله خير
- نارا :- رفعت راسي صارت عيني بعينه حسيت وجهة رجعت الدم بي ونظراته اتغيرت
- شُعاع :- يلا نمشي
- نارا :- طلعت هو يمشي بصفي بس اني احس نفسي
ماعرف شنو حتى احساسي ما اعرف شنو
فرحه ع حزن ع تعب كُل شي اتجمع بيه

صعدنا للسياره وما فتحت حلكي بكلمه وحده
- شُعاع :- نتريك ؟
- نارا :- مارديت عليه بقيت ساكته
- شُعاع :- السكوت علامه الرضا
- نارا :- هم ما حجيت نزل جاب ريوك ورجع صعد
- شُعاع :- نتريك بالبيت
- نارا :- هم ما رديت
- شُعاع :- خير أن شاء الله
- نارا :- وصلنا للبيت واحنه ساكتين نزلنا صارت اخته كدامنا انطى الديوك الاخته كال الها تجهزه واني عفته وصعدت فوك اركض هو صعد ورايه
راد يتقرب مني
- شُعاع :- نارا
- نارا :- شوووف تحلم تحلم توصل الي فهمت وأريدك ترجعني تعرف وين ؟؟؟ هو يباوع عليه
- شُعاع :- وين ؟
- نارا :- للموصل
- شُعاع :- شنو هاي الخربطه شتحجين انتِ
- نارا :- هاي الخربطه تسويها واذا ما سويتها بالله اااااقتل نفسي ... هو بقى مصدوم بهت وجهة
- شُعاع :- شنووو !!
- نارا :- مثل ما سمعت ، سكتنا من دخلت اخته وياها الريوك حطته وطلعت
- شُعاع :- نارا
- نارا :- ولاحرررف ماا اريد اسمع شي
- شُعاع :- ع راحتج ماشي

- نارا :- راح البس والم ملابسي
- شُعاع :- اي بس مو هسه نطلع باليل احسن
- نارا :- ماااشي ، هو طلع واني لميت كل ملابسي واني ابجي واشهك بالبجي ماعرف شنو اريد بس احس كلبي حيل يأذيني نزلت جوه بوستهن هنَ مصدومات يسألني
- شكو شكو
- نارا :- بعد ما اكدر ابقى ويا
- ام شُعاع :- يمه صلي ع محمد شنو الي صار
- مصطفى :- شنو هذا الحجي هسه راح اخابره اشوفه
- نارا :- اتصل عليه بس مارد رجع حجه وياي
- مصطفى :- شنو هذا الحجي خويه شنو ما تبقين
- نارا :- لا تحاول..
عفتهم ورجعت صعدت كملت كل ملابسي واني بدون روح
مر الوقت ورجعت نزلت جوه يم البنات جان مصطفى يصير كدامي
- مصطفى :- مو كتلتوا روحكم
- نارا :- رفعت عيني عليه هو سكت .

صار اليل واني منتظره يجي إلى أن اجه دخل شافني كدامه
- شُعاع :- يلا امشي
- نارا :- ماشي ، اني مجهزه نفسي البنات حضنني
ودعت الكُل وطلعت هو وراي يمشي بس هادئ
صعدت بالسياره اول ما تحرك حجيت ويا ، وديني البيت عنقاء
- شُعاع :- ماشي
- نارا :- طول هذا الوقت واني صامده ما اريد ابجي هاهيَ
يعني انتهى كل شي بينه وكُل واحد راح يروح بطريق ثاني
وصلنا البيت عنقاء نزلت دك الباب طلع الشذام واني تركتهم دخلت جوه العنقاء اول ماشفتها حضنتها بقوه واحس حصوني كُلها انهدمت
بجيت بجي ما صاير صرت اشهك واحسه يطلع من كُل كلبي كُل الي جنت ضامته بكلبي طلع هسه هي تحجي وياي تحاول تفهم
- عنقاء :- لججججج شكوووو راح تجيبين اجلي احجي
- نارا :- راح ارجع للموصل
- عنقاء :- شششششنو !!!!!
- نارا :- هزيت راسي واني ابجي هي مصدومه تحاول تفهم مني ورى شويه سعنا صوت شذام بالباب
- الشذام :- يلا خويه شُعاع ينتظرج برى
- نارا :- طلعت برى وعنقاء تبجي وتحجي وياهم اني سكتت بس كلبي متروس قهر ، أخذني البيت ام لُجين
- شُعاع :- شنو نفتر باليل عليهم كلهم
- نارا :- اي ، انتبهت عليه طلع الجهاز مالته دخل ع الواتساب ع رقم مصطفى بس ماعرف شنو رسل اله وغلق
الجهاز اني بقيت صافنه

اباوع ورى شويه عنقاء طلعت لابسه هي واطفالها
صعدها الشذام بالسياره مالتهم
اني بس صافنه هذول وين راحوا شُعاع شافني صافنه
ومستغربه جاوبني قبل لا أسأل
- شُعاع :- أخذها البيت أهلها ، يلا تريدين اخذج البيت عابد ؟؟
- نارا :- اي ، وصلنا البيت لُجين بس اني ساكته
هم نزلنا دكينا الباب طلع عابد سلم علينا وهم عفتهم ودخلت جوه لكيت لُجين لابسه وتريد تطلع ماعرف وين
هي من شافت شكلي اجتي
- لُجين :- اسم الله شبيج ؟؟
- نارا :- راح ارجع للموصل واجيت اسلم عليج
- لُجين :- شششنو يا موصل شنو تحجييين انتِ
- نارا :- ع صوتها دخل عابد
- لُجين :- عااابد شنو هذا الحجي وين ياخذهاااا
- عابد :- ما النا علاقه بيهم عيني يلا امشي خويه شُعاع يريدج
- لُجين :- شنوووو معلينا بيهم شنو تحجي انتَ والله ما تطلع من هذا البيت وتبقى يمي
- عابد :- لُجين زوجها يريدها برى
-- لُجين :- كلت لك تبقى ييييمي
- نارا :- سمعت صوت شُعاع من برى يصيح يلا نارا ،
اني تركتهم وطلعت مهضومه منهم حيلل احس الكُل ما اله علاقه بيه وكُلهم يريدون مني اروح وارجع للموصل
هيج بهاي السهوله حتى ما حاولوا يقنعوني او يبقوني
حتى شُعاع هيج كُلهم هيج
صعدت بالسياره واني اريد ابجي اريد ادخل بنوبه بكُاء عارمه اريد اطلع كُل الحركه الي بكلبي واخلص
بس مو بيدي
مشت السياره واني صافنه ..

انتبهت دخلنا الكاظميه النهر دجله صفنت احنه ليش اجينا هنا اباوع المكان يجننن يجننن بمعنى الكلمه
اباوع الارضيه كُلها ورد احمر بقيت صافنه
- نارا :- ليش جايبني هنا
- شُعاع :- انزلي خلي اشتري منهم
- نارا :- روح انتَ اشتري واني ابقى هنا بالسياره
- شُعاع :- لا انزلي شويه غيري جوه
- نارا :- تمام ، نزلت وهو نزل صار يمي
- شُعاع :- اكول
- نارا :- ها
- شُعاع :- ليش ما اشمرج منا
- نارا :- اي تسوي فضل حتى اخلص
- شُعاع :- اي خوش ..
- نارا :- سكتت شوي وصار المكان أظلم
- شُعاع :- شوفي حتى الكهرباء طفيتيها
- نارا :- قصدك اني فكر ؟؟؟؟
- شُعاع :- لا عيني لا ، تعالي خلي ندخل هنا
- نارا :- شنو ما اشوف شلون المكان أظلم
- شُعاع :- هسه امشي وما عليج ..

دخلت امشي ع كيف ماعرف ليش احس تصرفاته
غريبه وليش احنه هنا بالذات وبهذا الوقت المفروض احنه رايحين للموصل مو هنا دخلت للمكان ماحسيت الا شوي
واشتغلت الاضويه فتحت عيوني مصدومه واني اشوف كدامي الكُل موجود اهل شُعاع بيت عابد وبيت الشذام
اني بقيت صافنه ما مستوعبه الي ديصير كدامي شجابهم هنا شكو ؟؟؟! اباوع ع المكان كُله ورد وكيك
ردت وجهي ع شُعاع مصدومه هو تقرب مني بهدوء
ماحسيت الا كدامهم وحضني صرت كُلي داخل حضنه من الصدمه حسيت رجليه ارتخن وردت اوكع هو لزمني
سحب الكرسي وكعدني يحجي وياي بهدوء
- شُعاع :- اهدئي بابا ..
رفعت راسي اباوع الكُل مبتسمين لُجين وعنقاء يضحكن
ومصطفى صاح من يمه
- مصطفى :- رررركصني ايوووااا .
اني بس صافنه مصدومه شُعاع كدامي ما ابتعد عني رجع سحبني الحضنه وحضني قوي يتنفس بقوه
- شُعاع :- توليب روحي
- نارا :- رديت عليه بصدمه ، شنو هذا
- شُعاع :- من كل عقلج اعوفج الا اذا ما رايد نفسي شبيه تخبلت هذا كله علمودج اريد ارجع فرحتج
- نارا :- بس بس انتَ الي ردت
- شُعاع :- لا اني ما ردت هذا الشي بس زعلت واني زعلي ثكيل لان ما حجيتي الي من البدايه وشكد كلت الج اني يمج ما اعوفج بس احجيلي واني من حقي اعرف شنو يصير وياج لان انتِ تخصيني انتِ روحي من الدنيا
- نارا :- وتعوفني ؟
- شُعاع :- درس هذا حتى ما تعيديها
- نارا :- سهله سهله ..

ورى شويه جابوا العشه وكعدنا كُلنا طاوله وحده حيل جبيره سحب شُعاع الكرسي الي واني كعدت
وهو بصفي رفعت راسي الُجين وعنقاء يضحكن بوجهي همست الهن اني اعلمجن .
- عابد :- خويه اعتذر خويه بس اني ما اعرف شلون اذا ماا اجفص بيها
- نارا :- لا عادي
- عابد :- هو الي كال الي هيج كول
- شُعاع :- عاااابد هسه مو كلت توك ماعرف شلون
اذا ما اجفص بيها شبيك لك
- نارا :- كُلهم ضحكوا ع كلامهم واني بداخلي اريد اخلي
ارجع اله الي سوه بيه واقهره مثل ما قهرني وخلاني طول هل ايام بدون روح مر الوقت وشُعاع حجه وياي
- شُعاع :- ها نمشي
- نارا :- انتبهت بيدهم علاليك استغربت من كلامه سألته ، وين ؟
- شُعاع :- للفندق
- نارا :- مجرد ما ذكر اسمه اني حسيت كلبي نغزني ، لا عفيه لاااا ماريده
- شُعاع :- والله غيره
- نارا :- هااا !!

صفنت بوجهة وهمَ كُلهم كاموا
مشينا تقربت من عنقاء كرصتها بقوه هي صاحت ، ها خاينه هاي تاليتج هيج تسوين بيه
- عنقاء :- والله اني معليه هم كالوا الي هيج سوي
- نارا :- وشلون كدرتي تبجين كدامي
- عنقاء :- تعرفين بيه سريع اتأثر ومن شفتج تبجين اني هم بجيت وياج
- نارا :- فتحت عيني التفتت الُجين ، وانتِ ام الصريخ ؟
- لُجين :- ههههه شعبالج لعد غير لازم نمثل عليج
- نارا :- يضحكن عليه التفتت ع مصطفى ضحك بوجهي
- مصطفى :- ها رايحه للموصل مو
- نارا :- وخر هاي عود حتى انتَ هيج وياهم متفق
- مصطفى :- هههههه غير هذا رجلج من صباح الله اجه علينا واتفق ويانه وجهزنا كل شي وهو
كلمته وحده تريدين يكول شي وما نسوي الا يجلدنا
واحنه نباوع ع خبالج تبجين وتحضنين عبالك خبله
- نارا :- ها هيج يعني اني الكم اصبرولي

صعدت بالسياره وشُعاع يمي يسوق واني ما احجي ويا
احس كلبي محمل عليه ومو بهاي السهوله ارضى
ولا كأن صاير شي
جان الجو حلو والدنيا ليل اني صافنه ع الطريق
قبل ساعه جنت مفكره راح ارجع للموصل وهسه وين رايح بيه للفندق معقوله الدنيا هيج تلعب بيه بهاي السهوله
كُل شويه شكل
ورى فتره وكفت السياره رفعت راسي واكفين بصف الفندق مايقل جمال عن الي قبله بس ماعندي اي مشاعر حلوه بداخلي احس ماتت
نزل من السياره فتح الي الباب ونزلت ويا بكُل هدوء
اخذ المفتاح وصعدنا دخلنا للغرفه اني قبله امشي اباوع حيل حلوه الغرفه نازكه ومرتبه صفنت اباوع وهو
صار ورايه

- شُعاع :- هاا
- نارا :- عقدت حاجبي رفعت عيني صارت بعينه ، تحلم ..
- شُعاع :- احلم بيج غير
- نارا :- لااااا ، تدري شنو صااار بيه هااا تدري ؟؟؟
كعدت ع السرير احجي اله وكأن اشكي منه اله اشكي عن الي صار بيه بغيابه بكُل يوم اشكي منه وهو بعيد عني وما اعرف وينه ولا اعرف بشنو ديفكر ولا يسوي
هو جان فاتح اول زرين من القميص صافن بوجهي ويدخن يسحب كُل نفس بحيث يوصل النص الجكاره ويزفره بعيد عني وكُل ما تخلص الجكاره يطلع غيرها ويشغلها واني مسمره احجي سكتت اباوع عليه مقهوره
جر نفس وزفره بحسره
- شُعاع :- يُبا كل هذا صاير بتوليب روحي

- نارا :- اسكت اسكت لاتخليني هسه العب بيك لعب
هذا مو مُبرر هيج تعوفني وتروح تدري بيه ماعندي غيرك
- شُعاع :- يمعوده جنج ترمز والسانج مترتين هاي طويله شلون
- نارا :- صحت بي بقهر ، هااااي علييييه اني انوووب !!
- شُعاع :- يمعوده صوتج السانج منا الوادم هسه شنو يكولون دخيلك ربي السان لو رشاش
- نارا :- وكفت من قهري رفعت ايدي وضربته ع صدره بقوه ايدي صاح
- شُعاع :- اااخ كلبي
- نارا :- عبالي صدُك اتأذى شو هذا صار يضحك
- شُعاع :- عوفج هسه من هذا الكلام تعالي مادام خلينا الأغراض هنا تعالي ننزل جوه نفتر شويه
- نارا :- ليش
- شُعاع :- حتى اعصابج تهدأ
- نارا :- مارديت عليه لان من صدُك اذا ابقى هنا دقيقه انفجر بي نزلت وهو وياي سحب ايدي ولزمه بأيده
اني جريت ايدي منه وهو شد لزمته حتى ما أفلت ايدي من ايده رفعت عيني عليه فرق الطول بينه فضيع
رجعت نزلت عيني ع ادينا اباوع ايدي ضايعه بأيده
صرنا نمشي سوه اكو حديقه حيل حلوه قريبه دامشي اني
واتعمدت دست ع رجله بقوه
- شُعاع :- ها شبيج
- نارا :- ها لازم وجعتك
- شُعاع :- كل الوجع يروح فدوه العيونج
- نارا :- صفنت بوجهة صحت بي ، وجعاااا هو ضحك
- شُعاع :- تريدين اشتري الج شعر بنات اكيد تحبي
- نارا :- شعرفك
- شُعاع :- هو انتن البنات كلجن تحبنه
- نارا :- رفعت حاجبي ، ها لازم مجرب كُل البنات
- شُعاع :- دخيلك ربي هاي المره تريد توكعني وماتعرف شلون ، شلج بيها الهاي السالفه
- نارا :- والله مو أمان ، هو ضحك بصوت عالي
اشتره الي شعر بنات وكملنا مشي

شفت كدامي واحد يبيع لبلبي ، أشرت اريد لبلبي.
- شُعاع :- اي مو تدللين
- نارا :- اشترى الي كعدنا اكلنا ورجعنا نمشي ، باوعت عليه ، اريد مي عطشت
- شُعاع :- صار
- نارا :- راح جاب الي مي ورجع المكان الي احنه بي حيل حلو وهواي ناس موجوده صفنت رجعت رفعت عيني اله
باوع ..
- شُعاع :- هااا
- نارا :- اشتهيت دولمه
- شُعاع :- هااا
- نارا :- اي والله شبيك تباوع عليه هيج
- شُعاع :- امشي نرجع للسياره
- نارا :- ليش ؟
- شُعاع :- نروح للمطعم حتى تاكلين دولمه
- نارا :- لا ما اريد بطلت ، سكت رجعت حجيت ، شُعاع
- شُعاع :- ها حبيبي
- نارا :- الحذاء اذت رجلي وصارت توجعني
- شُعاع :- اشيلج
- نارا :- لا عيب
- شُعاع :- جاا؟
- نارا :- ماعرف
- شُعاع :- انزعي الحذاء وامشي ألمكان حيل نظيف ومغسول
- نارا :- اي صح ، لزمته من ايده ونزعت الحذاء وهو شاله بأيده ضحك
- شُعاع :- ههههه بالحرام اذا جبتي طفل تتلابسين انتِ ويا
- نارا :- رفعت حاجبي
- شُعاع :- خير خير
- نارا :- لا تتنمر عليه ، رفع ايده بأستسلام
- شُعاع :- التوبه

رجعنا نمشي ع كيف وبهدء الجو حيل حلو
صفنت هو حقه بكُل شي صار حقه لو حاجيه اله اني من البدايه ماجان صار هيج بس مو المفروض يسمعني
ليش هيج ابتعد عني بهاي الطريقه
اني ورجعت ذاكرتي شلون تركني ما اتحملت نزعت الدبوس من الشال وجكيته بظهر هو صاح والتفت الي مصدوم
- شُعاع :- ااااخ شبيج
- نارا :- ليش تعوفني ليش عفتني
- شُعاع :- افس
- نارا :- شنوو هاي؟؟؟
- شُعاع :- اقصد اسسف
نارا :- هااااا ، بقيت صافنه عليه رجعت رفعت ايدي وضربته ع صدره بقوه التفت وصار يمشي كدامي سريع بخطوات سريعه واني اركض ورى
ووووين رااايح وعايفني ، رجع وكف كدامي يمثل بوجهة
- شُعاع :- اي مو زعلت اني
- نارا :- ترى هسه اشمر نفسي منا بالمي
- شُعاع :- لازم تريدين تبربعين بالمي
- نارا :- ورجع يمشي بخطوات سريعه واني امشي ورى عبالك اركض انتبهت عليه يضحك صحت ، ششُعاع
والله انتَ داضحك عليه
- شُعاع :- شنو يابه غير زعلت منج قابل بس انتِ تزعلين
- نارا :- رجع يمشي خطواته عاديه بس عبالك سريع واني امشي ورى ركض هو وكف واني انردمت بظهره
صار يضحك بصوت عالي اختنك

- نارا :- ع فكره سوالفك تعبانه ، هو تقرب مني ولزمني
من ايدي
- شُعاع :- امشي نرجع
- نارا :- صفنت بوجه ، شيليني
- شُعاع :- ها يُبا توج كلتي عيب
- نارا :- شيلني معليه تعبت اني
- شُعاع :- هي الدنيا ليل ما تنشافين شو تعالي اشيلج
- نارا :- تقرب مني وبحركه سريعه شالني ضمني الصدره
- شُعاع :- هسه عبالهم انتِ بنتي مو مرتي
- نارا :- ردت اضحك بس خفيت ضحكتي مشى مسافه طويله انتبهت عليه هسه اكيد يتعب صحت بي ، نزلني نزلني
هو نزلني وسحب نفس
- شُعاع :- خرب يومج
- نارا :- رفعت حاجبي ، هاا ؟
- شُعاع :- اقصد يومي يومي ..

رجعنا للفندق جان الوقت متأخر باليل دخلنا للغرفه
رحت غيرت ملابسي بشي مُريح ورجعت شمرت
نفسي ع السرير وهو جوه بالحمام
طلع واني اباوع عليه راح للميز سحب المشط سرح شعره بعدها مشط شواربه سحب العطر مالته وحط منه واني بس صافنه عليه وتقرب يمشي بأتجاهي اني بس صافنه عليه ماحسيت الا شمر نفسه يمي ردت ابتعد
رجع سحبني من ايدي ودخلني الحضنه قيدني بين اديه
وضمني الصدره اني احس كلبي يريد يطلع من مكانه شكد ما امثل عليه بس يبقى كلبي ضعيف
اتجاهة لان احبه ، بقى صافن بعيني والعطر مالته احسه
صار براسي حيل قوي ..

- شُعاع :- تخافين مني ؟
- نارا :- لا بس ما اريدك تتقرب الي
- شُعاع :- تدرين جاي تعذبيني نفسياً يعني هسه انتِ بحضني وتكولين ما اريدك
- نارا :- اي
- شُعاع :- ع راحتج يُبا
- نارا :- هو سحب نفسه مني والتفت انطاني ظهره ، سحبت نفس ماعرف شبيه متردده اريده وما اريده
ورى فتره لزكت نفسي بظهره همست ، شُعاع نايييم ؟؟؟
هو رد عليه
- شُعاع :- اي
- نارا :- قلب نفسه ونام ع بطنه اني صعدت فوك ظهره ،
شُعااااااع انتَ نااايم
- شُعاع :- اي
- نارا :- شو اشوف عيونك نايم لو كاعد
- شُعاع :- يعني بس فقراتي
- نارا :- ضغطت ع ظهره ، شبيهن ؟؟
ماحسيت الا كعد وكعت ع السرير رجعت كعدت اباوع عليه حاصرتني الضحكه
- شُعاع :- خرب يومج
- نارا :- اني بالكوه لازمه نفسي حتى ما اضحك ..

ماحسيت الا التفت عليه باوع بعيني بنظرات حيل حلوه
تقرب بحركه سريع دفعني من كتفي نمت ع السرير
وهو صار فوكي ما اتحملت وضحكت لزمني
- شُعاع :- ولج تتشطرنين عليه ؟؟
- نارا :- اااي
ماحسيت الا بحركه خاطفه تقرب مني حط شفته ع شفتي والتهم شفايفي احس تاهت علمومي وروحي طارت صرت اسمع دكات كلبي بالرغم هاي مو اول مره بس بكُل مره احسها اول مره اتيه وماا اندل دربي ويا كُل حركه يسويها اتجاهي او اي لمسه يلمسه الي
رفع نفسه مني يباوع بعيوني ومبتسم

- شُعاع :- ها شبيك ياحلو شو صرت احمر وسنحت
- نارا :- هاا ، دفعته من كتفه وهو رجع دفعني يريد يرجع يبوسني صحت ، ششششُعاع صرصورررر
هو ابتعد عني
- شُعاع :- وينه ؟؟؟
- نارا :- ضحكت بصوت عالي عليه
- شُعاع :- هلكدوتج وبيج كل البله تضحكين عليه لج
- نارا :- عرفني اضحك عليه نزع التيشيرت مالته و سحبني من ايدي
ودخلني الحضنه نام ونمت ع صدره
رفع ايده يمررها بين خصلات شعري وأيده الثاني لازم بيها ايدي الي ع صدره احس هو عنده كلام هواي واني هم
بس حاليا بحاله هُدنه تعبنه هواي ويكفي نريد
نرتاح ع الاقل ويا كُل الي صار بينا من الايام السابقه والتعب
باسني من راسي وسحب نفس من شعري بقوه ورجع يلعب بخلات شعري ومره يخلي اصابعه بفروه راسي
يدلكها ع كيف انتبهت الساعه ٣ الفجر حتى ماعرف شلون مر الوقت بهاي السرعه واني بين اديه
بس أيقنت اذا الشخص باحضان الي يحبه ينسى حتى نفسه ..

٣ الفجر الجو هادئ واالارواح متعانقه الالم مفقود بين
أحضان الحُب والقلب مرتاح اما العقل نائم في
سُبات ..

الفجر حسيت الباب اندك بصوره عجيبه تخوف
وحيل قويه فز شُعاع من مكانه هو هستوه غافي
فز يركض للباب واني احس كلبي صار برجليه من الخوف
شكو الساعه ٣ الفجر منو يجي بهذا الوقت
فتح الباب وماعرف منو الي موجود ع الباب وماكدر اطلع اشوف منو
ماسمعت الا صوت شُعاع صاح بصوت عالي
- شُعاع :- شششششنووووو !!!
رجع دخل للغرفه يركض حتى مايعرف شنو يسوي
اني وكفت ارجف احجي ويا شُعاع شبيك الله يخليك
احجي شبيك وهو ما يرد عليه سحب التيشيرت
مالته ولبسه بسرعه
وطلع يركض بفزع واني امشي ورى
اصيح شُعااااااع وووين رااااايح شششكووو
مارد عليه تركني وراح يركض ..

*************

وكُل قسوتك هذه تفرّغها في قلب من تحب ،
ماذا بقي لتقدمه لخصومك إذاً!
" يتبع "

التوقعااااااات ولجن بسسسسرعه
هي غير القفله وراها كارثه وانتوا ما محلفيني
الا طحين ين ين ين ..

.

.