الربتج " حالك الاسوداد " الفصل الثامن والعشرون 28 - بقلم رهف علي

" لآتُِدع غَيرِك يلَّوُن حيآتكَ ،
فـقَد لآيحُمـلَ بيَده سـوِى حُبَر أسَوُد

هل انتَ بخير ؟؟ اخبرني

*******************

- الشذام :- الساعه ٣ الفجر جنت كاعد اجاني اتصال
رفعت الخط اجاني صوت الطرف الثاني المرعوب
- شذاااام الحك السجين هررررررب
- الشذام :- فزيت وكفت ع طولي اول ما سمعت الخبر
صحت بي ، شششششلون شتحجي انتَ
- ووووحق الله جاي اكول هررب الحك جاي تصير عمليات وممكن توصل الكم لان انتوا الكم ايد بالموضوع بحبسه
هذا ورى ظهر قوي
- الشذام :- لااا تخبلني شلون صااار كل هذا
- ومو بس هيييج حتى صاير انفجااار هسه بالــــ***
- الشذام :- لااا يا الله ، شمرت الجهاز وطلعت برى اركض الغرفه شُعاع دكيت الباب اعرف الساعة فوك ال ٣ بس الوضع حيل خطر انفتح الباب صار هوَ بوجهي
انتبهت ع وجهة اكو حمره هو يباوع عليه مصدوم
- شُعاع :- شكووو شنو صاااير
- الشذام :- ابو نوح انهززززم
- شُعاع :- ششششلون
- الشذام :- امشي نروح سريع صارت هواي شغلات
- شُعاع :- يلا هسه اجي
- الشذام :- دخل يركض يلبس وطلع يركض نزلنا
طلعنا من الفندق نركض ..

- شُعاع :- خلي اوووصل الهم وحق هذا الله اذا
ماا العب بيييهم لعب وحق الكاافل اذا ما ااندمهم ع اليوم
الي لعبوا بي بذيلهم ما اتسمى ابن ابوي
- الشذام :- اني سكتت وهو حيل عصبي يصيح
- شُعاع :- يعني ماااا فاد بي كتل هذاك الاسبوع اني اله
هل ***** ابن ...
- الشذام :- شُعاع
- شُعاع :- هااا
- الشذام :- احم اعرف مو وقتها بس اكو حمره ع خدك
- شُعاع :- شنو ؟
- الشذام :- نزل المرايا يباوع ع خده يمسح بيها والتفت الي
- شُعاع :- ها راحت ؟
- الشذام :- لا بعدها هاك هذا المي امسحه بيها
سحب مني البطل يغسل بخده شكد فرك وجهة حتى تطلع بس حيل قويه عبالك لازكه بصمغ مو حمره
حتى المكان صار احمر يلا راحت وهو عصبي منا بحيث خده غسله غسله معدله وهو بس يدردم حاب هذا
ع هذا وحركهم كلهم ..

وصلنا للسجن الي المفروض بي ابو نوح
نزل يمشي سريع واني ورى دخل جوه ودفر الباب بقوه
صاروا الحراس كدامنه
خايفين واحد منهم حجه بخوف وارتباك
- سيدي نافل هوَ الي جان حارس ع السجين بس يكول ما ادري بي وجنت غافي
- الشذام :- ضحك شُعاع بصوت عالي وهز راسه بعدها
صاح بصوت عالي
- شُعاع :- نااااااافل نااااااافل تعاااال
- الشذام :-اجه نافل يركض قبل لا يسأله هو جاوب
- نافل :- سيدي والله ما جنت اعرف اني غفيت بالغلط
- الشذام :- اباوع عليه شلون شُعاع سحب نافل صار
مثل الكتكوت جوه ايده وطلع صحت ورى ، شُعاع وين ماخذه ؟؟؟؟
- شُعاع :- اسسكت شذام
- الشذام :- سحب نافل ورى وهو يفرفح خايف من شُعاع
بس شُعاع مايسوي شي الا ما يكون متأكد منه
لزم نافل وبقى منه بس حرف النون خلص عليه ويحقق ويا
ويا كل ضربه يسأله

- شُعاع :- انتَ لك ايد بالهرووب؟؟؟؟
- نافل :- والله ما مهربه وداعه جهالي
- الشذام :- رفع شُعاع حاجبه وسحب المسدس من خصره سحب أقسام وحطه براسه هذاك يرجف
- شُعاع :- اكتلك واشمرك بالزبل اااااحجييي لك ***
- الشذام :- صار يرجف وعيونه حمر خايف من شُعاع
- نافل :- اي اي والله راح احجي بس لا تسوي الي شي الله يخليك عندي أطفال
- شُعاع :- اااحجي
- نافل :- اجاني أمر من المسؤول بالدوله بلغني وكال الي انُ اطلعه واذا اجو وحققوا وياي لازم انكر واكول جنت نايم وهو الي راح يحميني
- الشذام :- مجرد ما خلص كلامه احنه نباوع عليه اني مصدوم من كلامه ومن المؤامره الي صارت وانحاكت بصوره دقيقه
- شُعاع :- ياهو المسؤول ؟
- نافل :- المسؤول ( فلان )

- الشذام :- صفنت من ذكر الاسم هذا صديق ابو شُعاع
اول ما نطق اسمه التفتت ع شُعاع سحب السلاح
وركض ركضت ورى صعدنا السياره وشخطها سريع
يشمي احسه يمشي ع اعصابه بعد مسافه الطريق
وصلنا البيت حيل فخم عرفت هذا نفسه الشخص خاصه من حاولنا ندخل الحراس ما قبلوا حجه وياهم شُعاع بالكوه لازم اعصابه واحد بيهم حط ايده ع السماعه الي بأذنه وانطى خبر ورى شويه دخلونا
دخلنا جوه البيت عباره عن فخامه هذن بفلوس المواطنين
لاعبين لعب وبايكين الدوله كعدنا اباوع ع شُعاع يهز برجله
كل هذا واني ساكت اشوف الوضع وين راح يوصل
إلى أن طلع نفس الشخص المسؤول وهو وشياكته لازم بيده ملفات تقرب من شُعاع صار كدامنه وشمر كدام
شُعاع الملفات يأشر عليهن ويحجي ويا ..

- شوف هذا الفساد الي بالملفات كلها راجعه لابوك
شوف ابوك شنو شمسوي
- الشذام :- شُعاع باوع ع الملفات وضحك
- شُعاع :- من كل عقلك انتَ
- اي من كل عقلي
- شُعاع :- وتريد يعني اصدك بيك وبكلامك
- الشذام :- وكف ع حيله صار كدامه حط اديه بجيبه وعيونه ما نزلت عن المسؤول ميل راسه لليمين بصوره
هادئه ابتسم بوجهة
- شُعاع :- والشركه الموجوده بمنطقه الـــــ×××
- الشذام :- المسؤول بقى صافن ع شُعاع لان نطق اسم الشركه
- شُعاع :- حدك تعرف المن ؟؟؟
الـــــ٥ الصبح اذا ما انطيت كامل المعلومات عنه وانتَ
تعرف اقصد منو اوديك ورى الشمس واخليك عبره لمن
اعتبر مفهوووم !!!!
- الشذام :- هذاك بس صافن بوجه شُعاع ما نطق
مشى شُعاع وتركه يضرب الوحده اخماس بأسداس

بقينا نفتر اني وشُعاع برى شويه ورحنه للبتاوين هم
نفتر بعدها رجعنا لنافل وكف شُعاع كدامه يهدد
بي وبأهله لان اهم نقطه ضعف عنده هو عائلته حتى نكدر نلزم ابو نوح بسرعه

- شُعاع :- اسمع لك ، عائلتك كلها جوه ايدي
اكدر هسه بلحظه وحده اخلي عبوه بيتك وافجره ع روس اهلك بلمح البصر ، تعرفني زين شنو اكدر اسوي
تروح انتَ برجلك الهم وين مكانهم بالضبط وتحجي الي اكوله لك بالحرف الواحد اريد اوصل لهذاك ال**** سريع
فهمت لو لا
- نافل :- اي اي والله فهمت الي تقصده بس اهلي لا تسوي بيهم شي فدوه لك
- الشذام :- رفعت راسي الشُعاع، اكول حبيبي هذا وجهة كله دم هسه اذا يروح الهم راح يعرفون ورى احد دازه
- شُعاع :- خلي يطب جوه يغسل ويرتب نفسه بعدها ينصرف بسررعه
- نافل :- اي اي مثل ما تريد

- الشذام :-
طب غسل ورتب نفسه وبعدين راح ، احنه بقينا ننتظر الحد الساعه متأخره وراى فتره
وصلت رساله الشُعاع سريع فتح الجهاز جان الموقع الي
دزه نافل مكتوب اله ( هذا الموقع هنا ) سريع شُعاع
اتصل ع الرقم طلع السيم كارت مال نافل مكسور عرفنا بس دز الموقع وطلع السيم كارت وكسره حتى ينهزم من عندنا وقتها حزمنا الأمر مو مهم نافل هسه المهم
نوصل الابو نوح ونلزمه لان ورى كوارث
رجعنا للبيت الي مخصصي النا غيرنا ملابسنا ولبسنا غير لبس وجهزنا كل الأشياء الازمه واتفقنا ويا عده أشخاص
حتى يجوون ويانه وطلبنا دوريه كامله حتى جهاز
المكافحه جان موجود بوقتها شُعاع انطى كافه المعلومات
الي تنص ع هذا الشخص حتى انطى كافه المعلومات
الي عنده بخصوص المسؤول الي بالدوله
بعدها طلعنا ورى ما تم وترتيب كل الموضوع
ورى شوي اتصل ضابط ع شُعاع جنت يمه اسمعه
كال اله ( كل المعلومات الي انطيتهن طلعت صحيحه وحتى الموقع الي دزيته طلع مضبوط صحيح بس نافل ما موجود بنفس الموقع الي دزيته النا وحتى المسؤول الي
دزيتنا علينا طلع ماكو ) ..

رفع شُعاع راسه الي ورجع يكمل ويا ..

- شُعاع :- هذا كمين ؟
- لازم نداهم المكان ولازم نطلع بفرقه كامله
- شُعاع :- ادرسوا المكان بشكل كامل حتى يتم التنفيذ
والمكان لازم يتطوق ضروري
- تم ..

- الشذام :- سد الجهاز التفت الي ضغط ع كتفي
- شُعاع :- يلا امشي ..
- الشذام :- هزيت راسي ومشيت ويا
شغلنا السياره وطلعنا ورى فتره

طبكن سيارات فخمه نزلوا منها بهمه الأشخاص الي اتصلنا بيهم وجهاز المكافحه وهمَ
عيونهم تترصد المكان كأنهم ذياب ماكره
مُترصده بشكل كثيف اتجهت اله وهو ربت ع كتفي
بحزم ويحجي وياهم

- شُعاع :- مثل ما فهمتكم تمام ، لا تدخلون الا انطيكم
اشاره
-الشذام :- خليك حذر ترى هذول غدارين مو أمان
- شُعاع :-لاتنسى يُبا احنه الذياب الماكره شلون نخاف من الجريذيه .
يلااا كل واحد ويأخذ مَوقعه !
- الشذام :- انسحبوا بسرعه الضوء لاماكنهم المخصصه
بقيت صافن بوجهة
هز راسه الي بمعنى شنو ؟ رديت عليه
روحي بروحك لاتخليهم ياخذون روحي مني مره ثانيه شُعاع ، ابتسم الي وهو يضغط ع كتفي

- شُعاع :- ربتج يُبا ربتج

- الشذام :- ضحكت بخفه وبصفي لؤي عقد حاجبه مستغرب من الكلمه تقرب من عندنا يسأل مستغرب
- لؤي :- شنو ربتج ؟؟؟؟
- الشذام :- ضحك شُعاع بخفه تقرب من عنده غمز اله
بمكر رد عليه ..

- شُعاع :- الربتج يعني الأمـــــان يُباا

- الشذام :- تجهزنا كلنا حتى ندخل بعد ما تم الموضوع
وسيطرنا ع كل المكان وشُعاع جنت كلش خايف عليه
لان اعرفه حيل متهور وما مستعد اخسره مره ثانيه هذا اخوي ، داهمنا المكان صار كدامنا نافل رابطينه ومعذبي
أشد العقوبات واكو بصفه أشخاص يسألون بي من صارت المداهمه فزوا خايفين لان صار الحدث بصوره سريعه
وما جان عندهم علم راح أتم المداهمه عليهم شُعاع صاح
لان عرف ابو نوح جوه وصار عنده علم بالكمين

- شُعاع :- لك هاااا ابووووو نووووح وصلت لك وصلت
- الشذام :- ماحسينا الا طلع ابو نوح من الغرفه صار يرمي احتمنيا حتى ما تصيبنا انفتحت جبهة بين الطرفين شُعاع وابو نوح لان جانوا هم الأقرب البعض
اني والشباب ركضنا النافل فكينه الحبل عنه وسحبنا
من بعد المواجهة الي صار
تم إلقاء القبض ع ابو نوح والمسؤول الي صدر قرار افرار ابو نوح من السجن والي عنده عده سوابق وعمليات فساد بالدوله بعدها طلعنا واخذنا نافل للمستشفى
وبدورهم اخذوا ابو نوح والمسؤول وياهم واتصلوا ع شُعاع
حتى يطمئن الأمور صارت تحت السيطره وتم كل شي .

- نارا :- اجتي عنقاء الي خايفه واني خايفه وياها مانعرف شنو صار وياهم ولا ليش طلعوا وحيل تأخروا وما رجعوا
بالنا يمهم وقلقانات عليهم ورى فتره اجتي لُجين للمكان الي احنه بي ننتظرهم
- لُجين :- عيني عابد هسه وصلني وكال نزلن حتي يوصلجن انتِ عنقاء البيت اهلج وأما نارا البيت اهل شُعاع او اذا تريدين البيت اهلي ماكو مشكله
- نارا :- لا عيب خلي يوصلني البيت اهل شُعاع بس الله عليج ماتعرفين شنو الي صار بالي يمهم
- لُجين :- ماعرف شي وهسه هو عابد برى ينتظرنا ..
- نارا :- هزيت راسي خايفه سمعت صوت مصطفى برى يحجي ويا عابد
- مصطفى :- ها لك عبود
- عابد :- هلا حبيبي
- مصطفى :- خير وين شُعاع
- عابد :- راح بشغله مهمه
- نارا :- صرنا كدامهم التفت مصطفى مستغرب
- مصطفى :- شنو وين طالع
- عابد :- شغل شغل شبيك ماكو شي واحنه هسه راح نطلع
- مصطفى :- خوش لعد نارا اني أخذها البيتنا
- عابد :- براحتك خويه.
- نارا :- نزلت ويا بعد ما ودعت الكُل ومشينا سألني
- مصطفى :- شُعاع وين راح هو وشذام صاير شي ؟
- نارا :- والله ماعرف بس كالوا شغل
- مصطفى :- خير ان شاء الله
- نارا :- سكتنا إلى أن وصلنا للبيت ..

اول ما دخلنا للبيت استغربن لان دخلت ويا مصطفى مو شُعاع
سريع صارت امه تحقق وياي
- ام شُعاع :- وين شُعاع ؟
- نارا :- طلع بشغل
- مصطفى :- هو شُعاع اتصل عليه حتى اوصل نارا للبيت وهو راح للشغل مستعجل
- ام شُعاع :- هااا تمام .
- نارا :- اني بقيت صافنه مشت امه التفت عليه ، شوكت كال لك شُعاع ليش تجذب ؟
- مصطفى :- علمودج جذبت حتى ما تدخلين تحقيق وياهم
- نارا :- هزيت راسي مبتسمه عفته وصعدت فوك غيرت ملابسي لكيت الباب مصلحي جان مكسور عدلت الغرفه رغم هي مرتبه غيرت الفرشه مالتها ودخلت سبحت
وراها طلعت سرحت شعري ورتبت نفسي لبست شال ونزلت جوه

سألتهن اذا اساعدهن بشي اجتني وحده سمره
كمت اني وكفت رحت سلمت عليها استغربت اول مره اشوفها
سألتهن منو هاي ؟؟ التفتت الأخت شُعاع جانت لابسه قصير وحاطه رجل ع رجل ونص رجلها طالعه ومرتبه نفسها ع اخر حبه
ضحكت بصوت عالي وهي تهز برجلها وأخواتها الي يمها يضحكن ..
- وفاء :- هاي المساعده مالتنا
- نارا :- بقيت صافنه ، هاا ماعرف اول مره اشوفها
- وفاء :- لا مو من اجيتي المره السابقه هي جانت
مجازه
- نارا :- تمام ، شويه وكالت تعالي أفرج بالبيت لان اني كل الوقت الي بقيت بي يمهم ما شفت البيت بكامله
مجرد اروح بطريقي وارجع بطريقي
مشيت وياها وصارت تشوفني البيت ، بيتهم جان جبير وحيل حلوه وفخم
دخلت الغرفه كالت هاي غرفه مصطفى مايقبل احد يدخل آلها وما يقبل أحد ينظفها بس هو الي يرتبها
انتبهت عليها مبينه غرفه شبابيه انتبهت الرسم الي ع الحايط يجنن واضح هو الي يرسم ع الحايط مال غرفته
وملابسه كلاسيك ومرتب إلى أبعد درجه
رجعنا نفتر بالبيت ندخل الغرفه ونطلع الغرفه ثانيه
بعدها رجعنا نزلنا للمطبخ تقربت مني المساعده تحجي وياي ..

- ماما انت شنو تريد اكل مشتهي اسوي
- وفاء :- تقصد شنو تريدين تسوي اكل الج اذا مشتهية شي
- نارا :- ابتسمت بوجها ، شنو رأيج انسوي اكل اني وياج
- وفاء :- بس ما اعرف اسوي اني ولا وحده من البنات تعرف بس امي تعرف
- نارا :- هاا
- وفاء :- اذا انتِ حابه نسوي عادي
- نارا :- لا ماكو داعي ، رجعت المساعده سألتني جاوبتها دوله عاد هي جهزت المواد وكعدت تسوي واني واكفه بالمطبخ
ورى شويه اجوي اثنين اطفال سألتها منو هذول ؟.
- وفاء :- ولد اختي الكبيره
- نارا :- ها يعني اجت ؟ ويا حجايتي دخلت اختهم الكبيره للمطبخ من شافتني ضحكت بوجهي تقربت مني حضنتني
- نور :- ما شااء الله تخبلين
- نارا :- ابتسمت بوجها ، اشكرج حبيبتي
- نور :- من رخصتكم اروح ارتب اغراضي ..
- نارا :- بقيت واكفه زين هي اجتي وهذول اطفالها شنو ترتب أغراضها تقربت مني وفاء تشرح الي وتفهمني
- وفاء :- حبيبتي هي هنا عندها غرفه خاصه يعني من تجي تبقى بيها وها لازم لكُل شخص هنا اله خصوصيه يعني مالازم تدخلين ع احد بالغرفه الا ادكين الباب عليه
ويسمح الج يدخل يلا تدخلين هيج احنه متعودين من احنه
وصغار واذا ردنا نطلع بأي وقت مصطفى يطلعنا
،راح اعرفج علينا
اني مهندسه واختي الثانيه ادله جنائية تدرس حالياً
أما مصطفى متخرج من علم النفس
- نارا :- صدُك ؟
- وفاء :- اي والله اما اختي نور الكبيره هي تحليلات بس سنه ثانيه وزوجها بطلها لان يغار عليها
مع العلم والدي الله يرحمه يحبنا نكمل دراسه بس ما كدرت تكمل ..

- نارا :- اني بس اهز براسي واحفظ بيهم حتى
ما انساهم ولا اتيه بيهم
- وفاء :- وانتِ دارسه مو ؟
- نارا :- نزلت راسي مقهوره رجعت رفعت راسي ، اني
طب عام ، هي فتحت عيونها مصدومه
- وفاء :- شنوووو ؟
- نارا :- اي ، بهاي اللحظه حسيت حيل فخوره بنفسي
- وفاء :- زين مكمله
- نارا :- لا سنه الثانيه خلصت تقريباً ودخلوا داع١١
- وفاء :- اي زين تكدرين ترجعين
- نارا :- لا وين ما الي قدره ولا خلك
- وفاء :- يااا شبيج والله ترجعين وغصب عنج واني احاجي شُعاع الج ، لج تعرفين شنو يعني طب عام ؟؟؟
هاي اختي يمج كتلت نفسها عليه وما حصلته
- نارا :- هزيت راسي اضحك ، اباوع ع المساعده اسمها نُبل جانت تلف بالدولمه كعدت يمها و وفاء كعدت يمي
اني أخذني الواهس وصرت الف وياها بالدولمه
ضحكت وفاء
- وفاء :- عوفي هذا شغلها هي
- نارا :- لا عادي احب اشتغل بأيدي
- وفاء :- احنه لو نوينا انظف البيت تنظيف قوي انجيب مساعده ثانيه لان احنه ملتهيات بالدراسه ومانكدر
- نارا :- بقيت ساكته الف بالدولمه ..

ماحسيت الا واحد دخل للمطبخ رفعت راسي
شفته شُعاع الضحكه صارت لاذني ..
- شُعاع :- اوووف مريتي ..
- نارا :- ضحكت وكتمت ضحكتي تقرب مني حضني من ورى اباوع وفاء عادي عندها ومبتسمه
همست اله ، وخر شُعاع عيب ، هو ضحك
- شُعاع :- وين العيب غير مريتي انتِ ، كومي غسلي ولحكيني للغرفه
- وفاء :- حبيبتي روحي اخذي راحتج
- نارا :- كمت سريع غسلت اديه وهو صعد قبلي واني ركضت ورى لكيته بالغرفه تقربت منه ..
وين جنت واني بالي يمك بقى ؟؟؟
- شُعاع :- ولج صار عندي شغل ضروري وطلعت
- نارا :- وهيج تطلع خوفتني
- شُعاع :- بعد صارت
- نارا :- وتعوفني بهاي الطريقه شُعاع
- شُعاع :- اي يُبا غير مستعجل وداعه عيونج
- نارا :- باوع هاي سوالفك ماتعبر عليه بعد لا تعيدها
- شُعاع :- تدللين صااار
- نارا :- نزع التيشيرت مالته ، هاااا
- شُعاع :- اريد اسبح
- نارا :- راح فتح الكنتور بعدها رجع صاح
- شُعاع :- رؤى
- نارا :- عقدت حاجبي مستغرب ، منو رؤى ؟؟
- شُعاع :- اختي
- نارا :- ماعندك اخت هيج اسمها
- شُعاع :- شوفي ، نور الكبيره ومصطفى أصغر من نور بسنه ، وفاء الوسطانيه ، وسهى أصغر من وفاء بسنه
اما رؤى الصغيره
- نارا :- اااي كمل
- شُعاع :- واني الجبير مالتكم
- نارا :- ما شاء الله
- شُعاع :- ع فكره ابويه متزوج اثنين
- نارا :- شنووووو ؟؟؟؟
- شُعاع :- اي والله شبيج وعندي بعد اخوه واخوات بعدين اعرفج عليهم اجو العرسنا
- نارا :- يعني بعد شكد عندك اخوه ؟
- شُعاع :- ٥ اخوات و ٤ ولد
- نارا :- بقيت فاتحه حلكي ، زين اني شلون احفظ الأسماء مالتهم
- شُعاع :- ههههههههه لا تخافين اني احفظهم الج
- نارا :- هزيت راسي بقله حيله

شويه وصعدت اخته سألها جانت ناعمه وتمشى ع كيف
مثل الاميره دخلت الغرفه من بعد ما دكت الباب
- رؤى :- صحتني مو
- شُعاع :- اي وين الفانيله مالتي الزركه
- رؤى :- نُبل غسلتها
- شُعاع :- ليش مو نظيفه روحي جيبيها الي أريدها
- رؤى :- تمام
- نارا :- جانت تحجي بهدوء احسها ترفه حيل
وهو جان هادئ وياها
ابتسمت بهدوء طلعت وهو التفت عليه هزيت راسي
شُعاع..
- شُعاع :- عيونه
- نارا :- اريد انزل اسوي زلاطه ، ضحك
- شُعاع :- لاتسوين اي شي اتركي هنَ الي يسوون
- نارا :- اي بس عادي ، اجه تقرب مني وهو يبتسم بوجهي
- شُعاع :- اي اكعدي واسكتي اهتمي بس بيه اني
- نارا :- شُعاع عندي امُنيه
- شُعاع :- شنو هيَ اطلبي
- نارا :- اريد اسوي شلون هذول الي ينخطبون بالامام الحُسين( عليه السلام ) ويفرحون بيهم ، ضحك
- شُعاع :- منين متعلمه هاي الشغله لازم من عنقاء
- نارا :- دنكت راسي هو اجه تقرب الي بخفه دنك باسني من رقبتي
- شُعاع :- صار تدللين ومن عيوني

اباوع عليه راح نام ع السريرر رفع ايده اشر اليه
بأيده
- شُعاع :- تعالي نامي بحضني
- نارا :- احس بعدني ما متعوده ع علاقتنا خجلت رحت
كعدت يمه ع السرير هو سحب ايدي رفعت عيني اباوع عليه
- شُعاع :- بس نرجع من كربلاء نروح نسافر
- نارا :- صدُك !!!
- شُعاع :- اي ياعيني غير اني حاجز ورى العرس نروح
نسافر شهر عسل مو عرس صار علينا غضب
- نارا :- ضحكت بخفة صحيح والله كُل شويه وصاير ويانه شي ، منو يروح ويانه ؟ غمز الي
- شُعاع :- الوحدنا
- نارا :- صخنت ، ها يعني ليش الوحدنا
- شُعاع :- شنو ناقصني يجون ويانه رايحين زفه لو للفندق
عجيب
- نارا :- ياااا شبيك
- شُعاع :- احبج من تصيرين غبيه
- نارا :- هاي علييه ؟؟
- شُعاع :- لا ع نُبل
- نارا :- لاتغلط عليها
- شُعاع :- هههههه احبها اني هي تزخفلي
- نارا :- لا تجذب كبينه هي خوش بنيه
- شُعاع :- ااااه اني اجذب
- نارا :- هزيت راسي اعرفه يتشاقه هو سحبني من ايدي
بسرعه اني وكعت ع صدره ك رده فعل خليت ايدي ع صدره
لفني بحضنه وهمس الي

- شُعاع :- انتِ هم خوش بنيه واني هم خوش رجال
شتكولين لو نخلف خوش ولد
- نارا :- لااا ما نخلف خوش ولد ، رد بتذمر
- شُعاع :- ترى حرام عليج
- نارا :- صدُك صفنت بيها حرام عليه ، هااا
- شُعاع :- اي والله
- نارا :- سحبني الحضنه اكثر وعيونه عليه ، هزيت راسي ، شُعاع مسوين دولمه ، رد بقهر
- شُعاع :- انتِ شايلين عندج شي اسمه رومانسيه شبيج لج
- نارا :- يااااا هسه اني شنو سويت
- شُعاع :- اي غير انتِ حجاره ويمي اجيبج منا تجين منا
- نارا :- صفنت بوجهة ، شُعاع اني مشتهية لبن ،
كام كعد كدامي فاتح عينه
- شُعاع :- بووووويه بعدني ما متقرب منج ولا انتِ حامل
- نارا :- غمضت عيوني ، ااااااي وعليه ليمون
- شُعاع :- ايي !!!
- نارا :- فتحت عيني لكيته صافن بوجهي مصدوم ، اكول
- شُعاع :- كولي
- نارا :- خلي اصعد ع ظهرك ، صاح بصوت عالي
- شُعاع :- دددددخيلك ررربي انتِ مخبله ضاربج فيوز
- نارا :- ضحكت بصوت عالي ع شكله وملامح وجهة

ماحسيت الا دفعني وصار فوكي دفعته اضحك
- نارا :- وخرر
- شُعاع :- ما اوخر
- نارا :- شسمه خلي اكل دولمه بالاول مشتهيتها
- شُعاع :- خررررب غيرتج لج اريدج
- نارا :- اريد دولمه
- شُعاع :- ررررربي جاي تشوف
- نارا :- الله اشتم ريحتها وصلت الهنا جاي تشتمها
- شُعاع :- ااااي
- نارا :- اي لعد خلي ننزل نأكل
- شُعاع :- مالي خلك خلي يصعدون الاكل هنا
وبأيدج انتِ توكليني
- نارا :- بس عيب منهم
- شُعاع :- لا مو عيب
- نارا :- اختك الكبيره اجتي عيب لازم ننزل
- شُعاع :- شكد تلحين
- نارا :- اااااني
- شُعاع :- لا ع هاي المرايا شوفيها راح تعرفين
- نارا :- انتبهت ع المرايا اني !! شنو تقصد اني ؟
- شُعاع :- وجهي لو وجهج تشوفي اكيد وجهج
- نارا :- بقيت صافنه يااااا، ماحسيت الا جرني بقوه
صرت جوه جسمه حط شفته ع شفايفي و باسني بقوه

ابتعد عني احس روحي انسلبت مني صرت اتنفس بقوه
وجسمي يرجف ضحك بوجهي يباوع عليه بعدين صاح بوجهي كأن تذكر شي
- شُعاع :- ووووولج وووووولج
- نارا :- هااا شنو
- شُعاع :- شذاام شاف حمرتج طابعه ع خدي
- نارا :- فتحت عيني مصدومه ، عزززززززه شكد عيب
- شُعاع :- دخيلك ربي لج صووووتج
- نارا :- هههههههه ، سمعنا نور من جوه تصيح ولك شُعاع تعالوا انزلوا جوه ، رجعت ضحكت رديت عليه
هيج احسن لك

هو كام وكف مشط شعره وحط عطر اني صافنه اباوع
عليه التفت عليه اشر الي
- شُعاع :- كومي
- نارا :- كمت ويا دخل للحمام والباب مفتوح فتح المي
وصار يغسل بأيديه اكثر من مره احس ايده الجلد مالتها وكع يغسلها بقوه اني انصدمت بقيت فاتحه عيوني اراقبه
من يمي حسيت بأديه صارت توجعني جلف ايده جلف
حجيت ويا ، يلا شُعاع ، اباوع سد المي ورفع راسه يباوع بالمرايا بعدين رجع نزل عيونه يباوع ع اديه رجع فتح المي
وغسل ايده مره ثانيه وبنفس الطريقه اني فتحت عيني
مصدومه ، ششششُعاع شبيك ؟؟؟؟
هو فز من صوتي رفع راسه يباوع عليه يمكن نساني ورى
- شُعاع :- هاا !
- نارا :- شكو شبيك ؟ شبيها ايدك ؟
- شُعاع :- مابيها شي
- نارا :- طلع من الغرفه واني ورى ونزلنا بس بقى هذا الموقف براسي احس حتى ما جان بوعيه وحتى نساني اني ورى

نزلنا جوه اجتي نور سلمت عليه وباسته واجوي الأطفال هم سلموا عليه واني عيوني تفتر وراهم بس اباوع
رجع دخل مصطفى يصيح
- مصطفى :- ااااي دولمه
- نارا :- شُعاع رفع راسه ع مصطفى وحجه ويا
- شُعاع :- مصطفى اطلع جيب لبن وارجع بسرعه
- مصطفى :- شعجب
- شُعاع :- مشتهي
- نارا :- اني من يمي ضحكت بالكوه كتمت الضحكه عرفت يقصدني اني وعلمودي لان اني اشتهيته
كعدنا ع الطاوله ورى شويه اجه مصطفى حط كدام كُل واحد بطل اني باوعت اكو ليمون ع الطاوله
سحبت الجهاز من يمي وكتبت رساله الشُعاع
( شُعاع حباب اعصر الي ليمون ع البن اني استحي )
دزيتها اله من وصلت قراها رفع راسه يباوع اشر الي وحجه بشفايفه بمعنى ( صار ) اني ابتسمت اله
الجهاز مال شُعاع بصف مصطفى انتبهت عليه يمكن قرأ الرساله لان صار يضحك بس ما حجه شي
شُعاع عصر ليمون ع البن واني احس روحي صارت بي
صرت اكل واشرب اني احس صار الي فتره ما ماكله
وحيل جوعانه هم سريع خلصوا
رفعت راسي مصطفى كدامي
- مصطفى :- اكلي اكلي لا تستحين محد يفيدج غير بطنج واذا تستحين خليهم يصعدون الج الاكل فوك
- نارا :- ابتسمت بهدوء وانقطعت عن الأكل استحيت
بس جنت جوعانه

غسلنا وصعدنا فوك هستوني كعدت ما حسيت الا
الصينيه صارت كدامي رفعت راسي لكيته شُعاع حاط الاكل كدامي
- شُعاع :- اكلي حبيبي
- نارا :- هاي الي
- شُعاع :- اكيد الج
- نارا :- من صدُك اني بعدني جوعانه لان ما اكلت جوه استحي سحبت الصينيه وصرت اكل هو كدامي
ضحك حجه وياي
- شُعاع :- جعل محد غيرج ياكل
- نارا :- ضحكت ، دير وجهك استحيت ترى
هو رجع ضحك والتهى بالجهاز اني خلصت احس بطني صارت توجعني لان اكلت هواي
ماحسيت الا بضحكته العاليه رفعت راسي لكيته يباوع عليه ويضحك
- شُعاع :- ها مدام نفيخه شبيج لازم انتفختي
- نارا :- هههههه اي
- شُعاع :- بالعافيه
- نارا :- مال هسه جبس حامض
- شُعاع :- شبيج ويا الحوامض بابا
- نارا :- مارديت اندك الباب اجتي نُبل اخذت الصينيه ونزلت

صار الليل هو طلع كال راح اجيب نمنميات واكمل شغلي واجي اني استغليت الوضع عنقاء مشتريه الي فستان
حيل حلوو مرتب طلعته اباوع عليه واحس كلبي صار يدك بقوه رحت سبحت وطلعت جففت شعري وخليت مكياج
الفستان جان لونه احمر وخليت حمره حمره ومكياج
حيل حلو صرت غير شكل بقيت صافنه ع نفسي واحس جسمي برد سحبت المرطب رطبت جسمي رجعت سحبت العطر وترست نفسي بالعطر كل شويه اسحب شغله وارجعها احس خايفه ومرتبكه شلون راح يشوفني
بقيت واكفه بمكاني ماعرف شنو اسوي حسيت الباب
انفتح التفتت صار شُعاع كدامي واكف صافن يباوع عليه
مصدوم ابتلعت ريقي بصعوبه احس أطراف جسمي بردت ..

انتبهت العلاليك شمرهن بالكاع وهو عيونه عليه اكلتني
حتى انحرجت منه عضيت ع شفتي حاولت احجي ويا
همست، شبيك ؟ ماحسيت الا تقرب مني بخطوات سريعه وحضني بقوه داخل حضنه رجفت اديه
- شُعاع الباب مفتوح عيب هسه يشوفنا .
هو ابتعد عني راح سد الباب وقفله كلبي حسيته صار يدك بقوه وأطرافي ترجف رجع تقرب مني اني احاول اغير الموضوع من التوتر
- احم شسمه اريد جبس
- شُعاع :- اششششولا حرف
- نارا :- جبس جبس وعصير
- شُعاع :- اشششش
- نارا :- زين كاكاو
- شُعاع :- وحتى حب
- نارا :- اااحلف
- شُعاع :- اي وكل الي ردتي
- نارا :- طفرت من كدامه ورحت للعلاكه دنكت افتحها
ماحسيت الا صار ورايه وحضني من ورى ظهري
شالني بلمح البصر وشمرني ع السرير شهكت بقوه واحس كلبي صار يدك بقوه جنت لازمه بأيدي جبس هزيت راسي
- شنو رأيك انتابع فلم سوه ؟؟؟ هو سحب الجيس مال الجبس من ايدي وصار فوكي احس انفاسي انكتمت
تقرب همس الي
- شُعاع :- شنو رأيج اخليج تحبيني أكثر
- نارا :- هاا ، غمز يضحك بضحكه حيل حلوه
- شُعاع :- اي
- نارا :- هاا لا وخر ، نزل راسه وهمس بأذني
- شُعاع :- الخاطر حبنا
- نارا :- هزيت راسي ارجف وجسمي يرجف اطرافي صارت ثلج
- شُعاع :- حرام عليج
- نارا :- اممم
- شُعاع :- ناري
- نارا :- رجفت شفايفي هو ابتعد عني نزع القميص مالته
ورجع تقرب مني حاولت ابعده لزمني من ايدي تقرب مني
يحجي وياي بهمس كأن يخاف اصحى ويحاول ياخذني ويا الغير عالم ما اخاف ولا ارتبك وما اضيع الليله الي تكون احلى لليله بحياتنا همست شُعاع..
- شُعاع :- اششش ياروح شُعاع عمر شُعاع عيون شُعاع
- نارا :- كُل حركه منه تخلي كلبي يدك اكثر واكثر روحي احسها اطير ويا كل همسه غزل من عنده طارت ارواحنا سوه إلى أن تعانقت وانختمت بأسم حُبنا الحلو
واتسجلنا للأبد بأسماء بعضنا نار الشُعاع ، شُعاع النار ..

نارا :- كعدت الصبح فجأه اجه ع بالي كُل الي صار امس
باوعت لكيت نفسي بحضنه بقيت صافنه بوجهة شكد جنت متخيله شنو الي راح يصير وما جنت متأكده من نفسي راح اسمح اله يتقرب مني بس صار الي صار ولكُل شي حدث مكتوب يتم
رفعت ايدي ضغطت ع ايده شُعاع؟؟ هو فتح عيونه وابتسم بوجهي
- شنو سويت انتَ ؟ هو ضحك بصوت عالي واهتز صدره
- شُعاع :- غير مرتي انتِ
- نارا :- شنو مرتك هاا ، رجع ضحك بصوت اعلى
- شُعاع :- شبيج بويه
- نارا :- عيب عيب وخر مني ، هو حضني بقوه يضحك
- شُعاع :- ابوس هذا عقلج الغبي
- نارا :- اييييي وخر وخر اكرهك ، صار فوكي رفع حاجبه
- شُعاع :- تكرهيني ؟؟
- نارا :- اييييي ، تقرب باسني
- شُعاع :- وهسه تكرهيني ؟
- نارا :- ضحكت ، اايييي
- شُعاع :- وهسه
- نارا :- ضحكت بصوت عالي ورجع يبوس بيه وما بعد عني ابد ، يلا بعد ما احبك
- شُعاع :- بس اني احبج
- نارا :- رجع سند نفسه وسحبني الحضنه وشغل الجكاره
سحب نفس قوي وزفره
- شُعاع :- تدرين شغله
- نارا :- شنو ؟
- شُعاع :- انُ انتِ أطيب من الحلاوه الجكليتيه

- نارا :- صدُك
- شُعاع :- اييي تعالي اسولف الج سالفه
- نارا :- شنو هيَ
- شُعاع :- مره من جنت صغير ابويه كال ودي اخوانك للمدرسه عاد اني وديتهم وجانت بنت خالي وياي هي جبيره بس لاكتني بالطريق وكالت الي وديني ع مدرستي بطريقك
- نارا :- شكبرها؟
- شُعاع :- تقريباً اني اكبر منها ب ٤ سنوات المهم وصلت اختي وهي بالطريق حجت وياي كالت الي
شُعاع اني معجبه بيك اني جنت ما احبها واكرها بنص الطريق وكفت السياره وكتلها انزلي هي صارت تتعيقل براسي شلون انزل والجو حار عطت بيها اااانززززلي وهيَ نزلت سريع خافت مني بوقتها اني رجع بالليل خالتي متصله ع امي شلون شُعاع تارك جيهان بنص الطريق وما موصلها للمدرسه وصارت تشكي الأمي عليه وامي ما قصرت من عرفت اجتي تحجي عليه اني وقتها فررت شلون هاي تسوي هيج وياي ما فوتتها الهن رحت الهم للبيت بحجه يم ابنهم وابات يمهم بس اني بالي غير شي
اريد بس انتقم منها من صار الليل كل واحد بغرفته طلعت اني اتختل رحت الغرفتها بالليل وبيدي مجموعه من الطكطاكات شغلتهن سريع وشمرتهن ورجعت اركض بفراشي واسمع الصوت طك ما طك بوقتها صوت صراخها وصل يمي واني اضحك بس خطيه من الهبطه والخوف شكل بيها سكر والبنت بيه سكر صار بسببي انبني ضمير بوقتها ولمت نفسي ماتوقعت هيج يصير بس بسببها ..

- نارا :- هههههه عزززه خبلل
- شُعاع :- اي والله والحد الان ما يدرون شنو السالفه ومنو سوه هيج لان اني عود فزيت وياهم وطلعت اركض وياهم
وبالكوه لازم ضحكتي ماعرفوا واذا ابوي عرف الا يخليني امشي صفح
- نارا :- عززززه
- شُعاع :- وغيرها جنت هم صغير وابويه بوقتها معروف
جان ما يخلينا نطلع لان يخاف علينا اول ما شفت ابويه طلع اني ركض طلعت ويا جوارينا اطك طوبه ويا والعب
ما انتبهت وششتت الطوبه بقوه وأجتي بأيد طفل ضربته بقوه وبوقتها الطفل فرفح من البجي وايده انكسرت ماعرف صار بيها تمزق اني من شفته هيج خليت وطفرت وعفت الطفل يصرخ رجعت للبيت سبحت وسويت روحي نايم
صار الليل وابويه رجع للبيت ماحسيت الا الباب مال البيت اندك اني منا جنت شويه ضخم مو ناعم واسمع طلع ابو الطفل اجه لأبويه يحجي يكول ابنك كسر ايد ابني وابويه انصدم رد عليه بوقتها كال اله يا ابن اني ما اخلي ولدي يطلعون برى رد عليه كال اله هذا ابنك الجبير شُعاع
وابويه من عرف بيه طالع ومنا كاسر ايد الطفل رجع دخل اليه وهو شايل واير بأيده وحمسني بي حمس اصيح موو اني وهو يرجع يكل لا تجذب هذا انتَ
والطفل مجبسين ايده غلط وصاير بيها خلل والحد الان ايد الطفل الي كبر هسه معوجه مو عدله وهم بسببي ..

- نارا :- عزززه شنو هذا شُعاع
- شُعاع :- هههههه تاريخي حافل بالانتصارات والكتلات
- نارا :- يااااا
- شُعاع :- ولج شووو ما تضحكين
- نارا :- ضحكت اني
- شُعاع :- لا هسه راح اضحكج بطريقتي
- نارا :- لا لا شُعاع وخخخرررر ، صار فوكي يدغدغ بيه واني اضحك واني ضحكتي صارت بصوت عالي ماكدرت اسكت سحب المخده حطها ع وجهي يصيح
- شُعاع :- خرب لج فضحتيناااا
- نارا :- وخرت المخده اضحك ، وخخر
- شُعاع :- احبج
- نارا :- اكرهك
- شُعاع :- اموت عليج

ورى فتره كال الي جهزي نفسج حتى نطلع واني ما صدكت لبست وتعدلت وطلعنا اول ما صعدنا وشغل السياره شغل الاغاني
- نارا :- شُعاع طفي الاغاني
- شُعاع :- ليش
- نارا :- احسن طفيهن
- شُعاع :- عندي كلام وياج بس من نرجع احجي بي مو هنا
- نارا :- اني هنا ماعرف شصار بيه حسيت معدني خبطت رغم ما مسويه شي بس حسيت برهبه رحنه نزلنا بمطعم تريكنا ورجعنا للبيت وطول الطريق اني بس افكر شنو يريد مني اول ما صعدت بالغرفه غيرت ملابسي هو اجه سحبني من ايدي وكعدني كدامه
- شُعاع :- اليوم راح اسولف الي عندي وانتِ تسولفين الي عندج
- نارا :- ماشي
- شُعاع :- ليش ما تحبين الاغاني
- نارا :- من زمن ابويه سمعت هذا الشي حرام رغم صار العرس وشغلوا بس بداخلي ما مقتنعه واستحي اطفيهن
وأهلي مو يمي حتى اوصيهم
- شُعاع :- ممكن تشيلين من قاموسج كلمه اهلي مو يمي
- نارا :- مستحيل هذا الشي ولا أنسى ولا اتخطى
- شُعاع :- بس اني اهلج
- نارا :- يعني تجيب نفسك لأبويه
- شُعاع :- ليش مستهانه بيه
- نارا :- بالعكس اصلاً انتَ فوك راسي بس ماكو احد يجي بمكان ابويه وما احب الاغاني
- شُعاع :- زين هم ارتبطتي قبل
- نارا :- لا بس جان ابن عمي وابن خالي رايديني
- شُعاع :- **** غيررر
- نارا :- ضحكت ع كلامه
- شُعاع :- شنو سبب القوه الي عندج هاي من يوم الي عرفتج
- نارا :- مثل ماتعتمد عليه بشغله مهمه وماكو احد يحلها غير ف اني هيج مثلها جنت معتمده وكُلي امل وقوه بأهل البيت وبربي جنت ولازلت واستمد القوه منهم
- شُعاع :- واذا طلبت منج تنزعين العباه ؟
- نارا :- حسيت هذا اختبار منه بس مع ذلك جاوبته من قلبي ، مستحيل هذا الشي يصير لا هسه او بعدين ،
من شاف ردي حسيته ابتسم من كُل قلبه

- شُعاع :- عندج امل تلتقين بأخواتج الي موجودات ؟
- نارا :- ااااكيد عندي امل وحيل كبير كُل شي صار ويانه معجزه ومو بعيده ع ربي واذا تسولفها الناس غيرك هاي المعجزات الي صارت راح يكذبوك لان ما عندهم ايمان بالله وأهل البيت
- شُعاع :- زين تتخيلين شي يوم تتخلين عن حبج الهم
- نارا :- ابتسمت ، تكدر انتَ تتخلى عن روحك
- شُعاع :- لا
- نارا :- رجعت ابتسمت ، خلاص لعد
- شُعاع :- بنيتي الحلوه
- نارا :- شُكرا ههههه
- شُعاع :- ترجعين للدراسه ؟
- نارا :- صفنت بوجهة ، شنوو ؟.
- شُعاع :- وفاء حجت وياي عن دراستج وبعد انتِ القرار الج واني احب تكملين وتخلين بايدج شهاده تسندج
اني أدبر الموضوع واني الي يوميه اجيبج واوديج وشنو تريدين اني جاهز الي ترتاحين اله
- نارا :- بس خليني افكر لان احسها صعبه عليه
- شُعاع :- براحتج ، زين عندج فستان مناسب
- نارا :- الشنو ؟
- شُعاع :- نروح الكربلاء
- نارا :- ابتسمت ، عاجبني البس ابيض
- شُعاع :- عندج لو نطلع نشتري الج تحتاجين شي من السوك
- نارا :- عندي ابيض ، بس اذا ويا عنقاء اطلع لان استحي اطلع ويا اخواتك تعودت ع عنقاء
- شُعاع :- اخواتي هن اخواتج لا تستغربين ولا تستحين منهن واني يمج ما اعوفج وشوكت ما تريدين تطلعين بس كولي
- نارا :- ابتسمت الكلامه
- شُعاع :- اني افكر من نرجع من تركيا نستقر الوحدنا هيج احسن
- نارا :- هزيت راسي فرحانه هيج من صدُك احسن حتى اخلص والكُل يرتاح ..

تقرب مني عيونه بعيوني
- شُعاع :- انتِ تعلكتي بالصميم مال الكلب
فديري بالج تستحين مني او تخجلين مني
- نارا :- هزيت راسي بأي واني احس فراشات بكلبي
- شُعاع :- باعي بابا
- نارا :- هاا
- شُعاع :- اني فتحت شركه خاصه بالملابس
- نارا :- شنو
- شُعاع :- ااي اني اشتريتها وخليت بيها موظفين بيها
- نارا :- وين ودوامك مو راح يتضارب ويا الشركه ؟
- شُعاع :- تدرين أنطوني منصب ابويه بس اني ما قبلت - نارا :- فتحت عيوني ، شنو ليش
- شُعاع :- عندي اني شغل هوايه
- نارا :- زين اكو هيج بالعراق و بغداد معقوله
- شُعاع :- اوووو أشكال وألوان تشوفين أشكال من قتل وسلب ونهب وفساد مالي وإداري والدوله بيها فساد هووواي وحتى النزيه الي بيها يعزلوا عن منصبه لو يغتالوا لان ما يمشي ويا متطلباتهم
- نارا :- يعني هواي شغلات ما تخطر بالبال
- شُعاع :- اي واكو أبرزها مافيا ال **** الجرائم الي مرتكبيها بالعراق ما تخطر ع بال احد ومحد يكدر يتحمل وشنو الي دخل الداع١١ للعراق وشلون دخلوا ف كل شي موجود الفلوس والسلطه كل شي بالدينا عندهم

- نارا :- زين ليش ما قتلوني
- شُعاع :- الي يريدون منه شي ما يقتلوا مثلي ومثلج ومثل غير أشخاص كدروا يطلعون
بعدين ع اخر للحظه هم قتلوج لو ما لكيتج جان روحج هسه بالسماء يعني هسه انتِ عايشه بفضلي
- نارا :- لا والله ترى الله كاتب الي عمر جديد
- شُعاع :- شنو ماتقكرين تحمدين بيه مثلا
- نارا :- هزيت كتفي ، لا
- شُعاع :- تخيلي شغله
- نارا :- شنو هيَ ؟؟؟
- شُعاع :- ناشرين البيت الي جنه كاعدين بي اني وانتِ
- نارا :- شششلون ؟؟؟
- شُعاع :- باعي اي فصيله من الفصائل المقاتله ضروري تتواجد الإعلام يعني لازم يكون هناك تسجيل ومثلا يعرف اني جنت هناك يجي يسحب مني التجسيل او التصوير
حتى بوقتها يكدرون ينشرون كل شي للناس حتى تشوفه
ينشرون ع مواقع التواصل ع التلفزيون
- نارا :- مافهمت
- شُعاع :- حبيبي صايره هواي غبيه
- نارا :- اايييي فهمني
- شُعاع :- اسمعيني اغلب النشر الي صار ع مواقع التواصل الاجتماعي والتلفزيون مو بس الإعلام او المراسلين هم الي يصورون لا اكو هواي الولدنا هم الي صوروا ودزوا الهم وهمَ بدورهم ينزلون لان هذا الشي يعتبر انجاز بهذا الوقت اكو تصوير للأحداث
- نارا :- هااااااااااا
- شُعاع :- اي تذكرين الي دخلوا وجانوا يصورون بوقتها كُل هذا بوقتها انشر للاعلام
وكلش هوااي نشروا وبيهن يكتبون بعدسه الجهاز وبيهن عدسه الكاميرا

::::-- ( هذا دليل ع الصوره الي نزلتها الكم واكو بيهن اتهمن باطل ونزلن منشور يحجن بي عليه ع اساس شي كبير مسوياته مع الاسف عليهن المهم هذا ردي الهن ، لذلك دائما اكول الكم لا تسبقون الأحداث اذا نزلت صوره تخص الحدث سواء الي او لغير كاتبه
ان بعض الظن إثم )

- نارا :- زين شُعاع اكو بنات مثلي ؟
- شُعاع :- بكد شعر راسج وهواي مهجرين عوائل مو بس نفر او نفرين ... اسمعيني بابا اي شي تحتاجين شي من مصطفى احجي ويا او اذا ضجتي واني ما موجود الج منطيج كامل الصلاحيه
- نارا :- شنو السبب
- شُعاع :- هو دارس علم النفس وراح تستفيدين هواي
وسالفه الدراسه فكري بيها علمود احبج بحُب
- نارا :- ههههههههه
- شُعاع :- فدوه الهاي الضحكه ، لج شكد سولفتي
- نارا :- ااااااني ؟؟؟؟
- شُعاع :- لعد ابويه ، يلا كملي حتى اوصلج البيت شذام تطلعين انتِ وعنقاء للسوق
- نارا :- طلع محفظته سحب فلوس هواي وانطى الي
- شُعاع :- اخذي واذا عوزتي كولي
- نارا :- هذا هواي
- شُعاع :- تحتاجي
- نارا :- لعد اني هسه نازله يم البنات عيب
- شُعاع :- ولج بابا لا تكولين عيب ترى اهلي مامتقيدين لازم تنزلين بوقت محدد ماعندنا هيج شي عليج بنفسج وبيه
- نارا :- هااا تمام زين ما يحجن عليه
- شُعاع :- لا حبيبي ، ابويه معودنا من الصغر هيج وهنَ هم تعودن شلون يحجون عليج
- نارا :- بس بيتكم ما توقعته هيج
- شُعاع :- شنو تتوقعين من بيوت دوله وللعلم مو بس بيتنا هلكبره
- نارا :- لعد ؟
- شُعاع :- هواي مسؤولين وناس غيرنا هيج بيوتهم شغله طبيعيه
- نارا :- بس اني ما احب هيج بيوت كبار
- شُعاع :- لعد ؟
- نارا :- احب هيج بيت صغير وهيج يكون حلوو
- شُعاع :- سهله سهله ..

بعدها طلعنا البيت عنقاء دخلت سلمت عليها وهي استلمتني شلونهن وياج وبس لا يضوجنج حسيت نفسي بيت اهلي ع تعاملها وياي
- عنقاء :- كال الي شذام تريدون تروحون الكربلاء
- نارا :- اي صحيح والله بخاطري
- عنقاء :- سهله حبيبتي يلا خلينا نطلع واختي راح تجي يم الأطفال تبقى
- نارا :- تمام ، طلعنا للسوك وتسوكت كل شي بخاطري
اشتريت كعب واحذيه وكل شي صح بالكوه يلا لكيت قياس الحذاء المناسب لان رجليه صغيره بس من بعد فرات هواي يلا لكيت
رجعنا للبيت سويت ويا عنقاء العشه تعيشنا اني وياها وبعدين اتصلت بشُعاع حتى يجي ياخذني لان كملت كل شي رتبت كُل الأغراض واجه شُعاع وشذام
طلعوا الاغراض بالسياره صفن شُعاع يحجي ويا شذام
- شُعاع :- شنو هاي مرتك مشتريه السوك بكامله المرتي
- الشذام :- هههههه هاي غير مرتك شعليها مرتي

رجعنا للبيت وطول الطريق يتحرش بيه إلى أن وصلنا للبيت
استحيت انزل الأغراض هسه شيكولن جايبه السوك وياها
وحجيت الشُعاع هو ضحك
- شُعاع :- كم مره اكول الج معليج بيهم لج بابا شبيج
امشي يلا ننزل
- نارا :- نزلت الأغراض وصعدناهن ماحجوا اي شي
واني هم رحت غيرت ملابسي بملابس مريحه
ارتب بالاغراض وهو فتح الابتوب مالته ..

صرت اطشر بالاغراض كأن طفله وانطوها العاب هيج فرحانه اني رفعت راسي شُعاع ملتهي يشتغل رجعت نزلت راسي اتفرج سحبت الفستان الأبيض ورحت لبسته
ورجعت افتر اباوع ع نفسي بالمرايا كُل ظني شُعاع ملتهي وعيونه عليه ماحسيت الا هو حضني من ورى ونظراته جانت حيل حلوه ابتسمت بوجهة
- شُعاع :- شنو هذا الجمال
- نارا :- ابتعدت عنه افتريت كدامه ، حلوه ؟
- شُعاع :- صارلي ساعه صافن عليج و ع جمالج اكول هاي المخلوقة معقوله صارت الي
شلون بيه اغار عليج اذا تلبسي الباجر
- نارا :- هههههه لا بس شويه ، ابتعدت عنه ورحت طلعت رداء ابيض شوف البس هيج ، هو صفن بوجهي
- شُعاع :- تطلعين مثل الملاك واني اغار
- نارا :- قوست شفايفي ، شُعاع اني بنفسي هيج شبيك، باوع هاي الكفوف بيهن تول وهذا الورد حيل حلو تنلبس ويا
- شُعاع :- وغيرتي عليج شلون
- نارا :- شُعاع حباب لا تكسر خاطري ، هو جر نفس بقوه
وحضني بقوه
- شُعاع :- ولج احبج
- نارا :- فرحت يعني قبل وما عنده اعتراض ، سحبت نفسي ورحت للحمام نزعت الفستان وكعدت اغسله شويه وحسيته ورايه سألني
- شُعاع :- شنو دسوين ؟
- نارا :- اغسل الفستان
- شُعاع :- غير هو جديد ليش تغسلي
- نارا :- عقد حاجبي ، ايييع ريحه بي مال الملابس لازم ينغسل وهو واكف فوك راسي يضحك
كملت نشفته وشريته رجعت للغرفه طلعت الحذاء اشوفه وهو يختار وياي وينطي رأيه
- شُعاع :- شنو تلبسين يخبل عليج
- نارا :- صرت حمره مجرد ما اسمع غزله اتجاهي
- شُعاع :- تدرين هذا الحذاء مالتج ما يدخل لاصبع رجلي
- نارا :- عقدت وجهي ، شبييك ؟
- شُعاع :- بيه انتِ

نارا :- لميت الأغراض وجبت علبه المكياج وخليتها كدامه سطرت كل احمر، باوع شُعاع احس هاي الحمره التُرابيه مو حلوه تسوي الشفايف بيض وهاي الحمره خاف اخليها وتسوي شفايفي كبار واحمر ومايصير نشاز ، اني احجي وهو صافن عليه سحبت حمرتين نفس الوان بس درجات مختلفات، شوف هذن حلوات
- شُعاع :- هن غير هذن نفس الون بعدين اني شعرفني بالمكياج
- نارا :- لازم تعرف غير اخذ رأيك ياعيني بعديين لااااااا هاي الحمره تختلف من هاي الحمره شوف ..
سحبت ايده وخليتها ع رجلي فتحت الحمره وخليت ع ايده رجعت فتحت الثانيه وخليتها بصفه ع ايده ع شكل خطين
شوف شلون هذن لونين ويختلفن
- شُعاع :- اي والله صدك يختلفن
- نارا :- واخيراً اتفقت وياي الله ، صفكت بحماس وهو اختار الي لون لان جنت محتاره

-شُعاع :- شو عوفك من المكياج ابني وتعال بحضني
- نارا :- سحبني من ايدي الحضنه اني سكتت بس اسمع دكات كلبي صارت ترس اذني وخدودي صارن حمر
همست ، شُعاع شنو نمت.. هو مغمض عيونه
- شُعاع :- اي
- نارا :- بقيت صافنه بوجهة وهو حاضني بقوه مايخليني اتحرك بالكوه تحركت اجاني صوته بهمس
- شُعاع :- شبيج
- نارا :- ردت اشوفك نمت
- شُعاع :- اشش ما اريد اسمع صوت خليج هيج بحضني
- نارا :- عصرني عصر بحضنه حسيت تكسرت ، شُعاع اني جوعانه اريد اندومي
- شُعاع :- لا بابا مو زين
- نارا :- سكتت رجعت ، شُعاع اريد لبن ، هو ضحك
- شُعاع :- كومي بالثلاجه تلكين
- نارا :- ابتعدت جانت اكو ثلاجه صغيره بالغرفه فتحتها لكيت لبن سحبته وكعدت كدامه اشرب وهو عينه عليه يضحك بوجهي ، هزيت راسي اضحك، ترى اني جوعانه بعدني
- شُعاع :- كومي ننزل جوه

نارا :- سحبني من ايدي ونزلنا جوه دخلنا المطبخ ماكو احد ماحسيت الا اديه صارت ع خصري رفعني من خصري
وكعدني ع الكاونتر اني شهكت مصدومه ما توقعت هيج
حركه من عنده ونظراته حيل حلوه حسيت عصافير ببطني
- اكعدي هنا ومعليج
- شنو تعرف تطبخ ؟
- اي اطبخ لعيونج
- تقرب مني وباسني من عيوني اني خدودي صارن حمر
خليت ايدي ع شفايفي اضحك ، شُعاع لا يجي احد
- لا محد يجي
- صار يفتر بالمطبخ يطلع بالاكل
- شنو تريدين تاكلين
- ماعرف بكيفك
- هسه اسوي الج اكله تحبيها
- يلا لعد ، صار يتحرك بالمطبخ واني احرك برجليه لان بعيده عن الارضيه بس شغله حيل مرتب ومو هوسه
هو التفت واني نزلت طلعت خياره خليت عليها ليمون وملح ولمندوزي وسماك ماحسيت الا صاح بيه
- اشتعلوووووا لج يكططع مصارينج شلون تاكلي
- اشششش عفيه ترى طيب ، هو صافن بوجهي خلصت الطبخه مالته كمل المعكرونه وصرت اكل ويا الخيار الي سويته حيل طيب وحاممممض حييل
صار ياكل وياي ويضحك عليه و ع خبالي

خليت الاكل بحلكي جان يدخل مصطفى للمطبخ
بقى يباوع علينا مصدوم شُعاع ضحك وحجه ويا
- شُعاع :- تعال تاكل ويانه
- مصطفى :- شنو تاكلون ؟
- شُعاع :- معكرونه اشتهيتها وسويتها
- مصطفى :- خوش خوش احاول اصدك مبين منو المشتهي
- نارا :- شبيك ترى شُعاع الي اشتهى ياكل واني الي سويتها اله
- مصطفى :- ميخالف بس أمسحي خشمج بالاول وصله المعكرونه الخشمج
- نارا :- عيب عليك
- مصطفى :- لا والله فوكاها
- نارا :- ايي ، شُعاع صافن علينه ويضحك شويه دخلت امهم للمطبخ
- ام شُعاع :- شنو تسوون ؟
- مصطفى :- هههههه شُعاع اشتهى معكرونه ونارا سوتها اله
- نارا :- ماحجت شربت مي وطلعت وهذا بس فاتح حلكه يضحك لان كاشفنه ما اهتميت كملت اكلي اني
وكمت سمعت مصطفى يسأله
- مصطفى :- الله لا يجذبني يمكن مرتك حامل
- شُعاع :- لا ولك
- مصطفى :- لعد دكوم وراها واني ارتب المطبخ

- نارا :- ضحكت وصعدت للغرفه اباوع ع الارضيه اشتهيت انام عليها ماخليتها بخاطري رحت نمت ع الارضيه
شويه وشُعاع صعد اني مغمضه عيوني هو شافني صاح خايف عباله بيه شي
- شبيج شبيييج اسم الله
- فتحت عيوني ضحكت ، شبيك اشتهيت انام ع الارضيه
- صدك تحجين
- اي والله
- دخيلك ربي يعني كلامه صحيح هذا التيل
- عرفته يقصد ع كلام مصطفى ضحكت وهو سحبني
الحضنه ونام وياي ع الارضيه يضحك ..

- نارا :- كعدت الصبح لكيت شُعاع ماكو كمت وكفت فزيت افتر وينه سمعت صوت المي عرفته ديسبح خليت ايدي ع كلبي ماعرف شلون شعور انتابني مو حلو مجرد ما لكيته يمي رجعت تمددت ع السرير صافنه ورى شويه دخل للغرفه المنشفة ع راسه
- شُعاع :- لك ها صفاوتي كعدت
- نارا :- اي عيوني
- شُعاع :- كومي حبيبي اسبحي علمود نتريك وهم يلا نطلع
- نارا :- لا اريد اكل جوعانه
- شُعاع :- ع اكل البارحه
- نارا :- شنو تحسب ورايه
- شُعاع :- ههههههه لا ياوليف روحي
- نارا :- ضحكت رحت غسلت ورجعت ، تدري اريد طماطه وبتيته خبط وعليهن ليمون
- شُعاع :- هههههه الله يستر صار يُبا
- نارا :- هو صاح نُبل تجهزها وهي صدُك سوتها من فوك اشتميت الريحه نزلت عليها طايره روحي صارت بيها
انوب لكيت صمون حااار سحبت وصرت اغمس وأكل
ونُبل تكول الي ماما حار واني مو يمها اكل
حسيت شُعاع دخل للمطبخ
- شُعاع :- اكو وحده تنزل من الدرج هيج اذا وكعتي
- نارا :- هههههه ماكدرت بعد اكلنا وكملنا
جهزنا نفسنا وطلعنا كُلنا حتى اصدقاء شُعاع هم اجوي
وعابد والشذام واكيد كل واحد وعائلته وكل واحد راح بسيارته ومصطفى اخذ البنات ويا وطلعنا الكربلاء

كالعاده الطريق سووا حيل حلو ودام عابد ومصطفى بالموضوع اذاً علكوها اخذوا الطريق ونسه وماكعدوا راحه
شُعاع يصيح و شذام يصيح وهم ولا أبالي مامهتمين
إلى أن وصلنا الكربلاء
نزلت اني بالعباه جنت دامشي ردت اعثر دزت ع الخيط مال الحذاء رفعت راسي لُجين يمي
- نارا :- عادي انزع الحذاء
- لُجين :- اذا تأذيج انزعي
- نارا :- صرنا ع جهة و نزعت الحذاء اباوع ع اخوات شُعاع كاشخات كشخه مرتبه
ولان شُعاع العريس بعده صاروا يهوسون اله وفرحانين
ومصطفى ما صدك هو عابد للوضع والناس تتفرج
" معرس ضلع من ضلوعي معرس ضلع "
رجع مصطفى صاح
" ومعرس واحد من بيت الباشا "
- نارا :- انتبهت ع شيخ جبير دخل بالنص صاح
" حلوه زفتك يالزفتك هيبه برطين الماو وضبرم ونيبه
بس كلب اليحبك اااخ بنصه خضرت شيبه
عرسك بي رفعه راس وتهلهل ام حديبه "
- نارا :- اني والبنات ع جهة بس. مبتسمات

وراها دخلنا نمشي اني وشُعاع وهو بصفي والبنات ورانا
يطشن ورد وجكليت همس بأذني شُعاع
- والله عليج سوالف
- شُعاع شبيك واذا
- لج الناس كلها تباوع عليج وين اضمج
- ابتسمت همست ، ضمني بكلبك بعدين غير مرتك اني
- اخخخخ من السانج لا عبالهم بنتي جنج دكمه
- عصرت ايده بقوه ، هاي ع منو
- اشششش لا تفضحينااا
- ضحكت وكتمت ضحكتي هو كرصني
- لاتضحكين بنت الحلو
- ليشش
- لان تصيرين حلوه
- هزيت راسي مبتسمه

أخذنا صور هواااي وبعدها رحنا
للمطعم كُلنا سوه سمعت صوت عابد عرفته يريد يغيض شُعاع
- عابد :- شنو اكو يمنا ملاك نازل
- نارا :- سريع خزره شُعاع
- شُعاع :- اسكت لك لا اكوم لك
- مصطفى :- عبالك جنها روبه سفن يا ملاك
- نارا :- بقيت صافنه ، هاي ع منو ؟
صاح شُعاع بيهم يسكتهم، همست اله شُعاع اني جوعانه ، هو صار يلف الي وينطيني وكل شويه يخلي كدامي لو يسوي الي لفات صغار ويوكلني وهذول صافنين
كدامنه
ماحسيت الا عابد انشحط يكح
- عابد :- خرررب ردت احجي هسه بس شورتوا بيه
- شُعاع :- اي مو كلت لك اسكت
- عابد :- صااار سكتت
- نارا :- صاروا كُلهم يضحكون وحيل تونسنا بهذا اليوم واني احس شي حيل حلو صار بحياتي مُجرد ما صار الشي الي ع طول حبيته وجنت احلم بي وهو ما كسر بخاطري
ابد

من بعد تعب اليوم رجعنا للبيت ميتين تعب والباجر لازم
نطلع لان طيارتنا اطير التركيا لازم نرتاح
قبل لا انام اتصلت ع لُجين وعنقاء حتى ينصحني شنو اخذ وياي واجهز وهن ما قصرن كملت كل شي ونمت
صار ثاني يوم ودعنا الكُل وشُعاع اتصل ع الشذام هو يوصلنا
ويرجع طلعنا وطول الطريق هم يحجون سوه
و ع الشغل لان راح يتركه بيد الشذام هو يستمر بي
خاف يصير اي شي خطأ
إلى أن وصلنا للمطار
الشذام ودعنا وراح
دخلنا اني وشُعاع للمطار ننتظر موعد الطياره حتى نروح

شفت اكو كراسي رحت كعدت ماحسيت
الا أشخاص كعدوا يمي رفعت راسي بقيت صافنه
خاصه من حجوا شهكت بصوت عالي مصدومه
دخيييلك ربي لاااااااا مو معقول !!!!!!

^^^^^^^^^^^

‏لا الحِبر يُنصفُ أوجاعي ولا العَتَبُ
ولا السُّكوت سيُبدي بعضَ ما يجبُ
ما بين موتٍ وموتٍ أسْتَقي وجَعِي
كشعلة النار إذ يُرمىٰ بها الحطبُ
أقاوم اليأس بعد اليأس مُنهزماً
كأنَّهُ قُبَبٌ من فوقها قُبَبُ
وكُلَّما قلت تلك الشمس طالعةٌ
رأيتها في ظلام الهمِّ تحتجبُ
" يتبع "

التوقعاااااااات بسسساع منو تتوقعون شااافت
وليش هيج انصدمت
البارت حيل طويل
🤸‍♀️🤸‍♀️🌝

.
.