الربتج " حالك الاسوداد " الفصل السابع وثلاثون 37 - بقلم رهف علي

وطفه الشارع ضواه ،
ونعست كل الدروب
وروحي ع المامش تلوب
وآنه أذوب
يا بحر ،
يا ليل ،
يمعود ،
روحي بالظلمة تذوب
والخطاوي متيهة دمي
والعيون تبوگ حلمي
والأزقة الغافية ، وكل الدروب
يا فوانيس المحلة إشتعلي مني
هاچ دمي
هاچ دمعي
هاچ كل هذا الحنين
إشتعلي مني ، روحي بالظلمة تذوب
يا بريد ، الليل ما يرهم رسالة
خاطر گليبي يتوب
وآنه ع المامش الوب .

وكم من أهوى يستمر في ألم الرحيل والعذاب !
وكم من أهوى تلجأ روحه بعيدهً عني في انياب الظلام !
لا أعلم هل هيَ لعنة الحُب ام لعنةً لا أسم لها مكتوبه لنا منذ الأزل ؟

صوت الجهاز يرن بهزات مُخيفة طووووووووط ....
- بسُررررررررعه جيبوووا دم راح نخسسسسر المريض
- مصطفى :- لااااا تكولهاااا لاااا الله عليكم لا تموتون !!!

كأن الظلام قد لامس ارواحنا معاً لكِ يُحيطها من كُل سور
لا يسمح إلى النور في الولوج ألينا

- خسرناا المررريض
- لااااا شنو خسرتووووووا لاا دكتوووور اتحرك سوي شي لاتخسرررروا
- تحررررك جيب الجهاز بسسسسرعه
هل ذَهب شُعاع أم ذهب انا ؟
من منا قد خسر حياته هل عُدت إلى أحضان والدي أم هوَ !!

ا- . a witness Two lives In bart

- فتحت عيني بخمول قوي حسيت بألم قوي واحس جسمي
متكسر بصوره قويه ، مرتميه ع الارض قاومت ورجعت افتح عيوني الي سديتهن اثر الالم اباوع المكان عباره عن دخان كحيت بخمول
لفت نظري الجسد الي واكع بصفي وقريب مني حاولت احرك نفسي بس عجزت ، ألم صاب قلبي الصغير اول ما عرفت هذا
الجسد يعود الأكثر شخص يحبه قلبي همست بضُعف " شُعاع "
لمحت كزاز داخل برقبته وبراسه ومتناثر الدم بكُل مكان رجعت همست " شُعاع حباب "

ماكدرت اكمل الكلمه حسيت بهزه جهاز جوه ايدي نزلت عيني شفته جهازي صاير جوه ايدي بيه وما بيه
سحبت الجهاز من جوه ايدي وصرخت متألمه ماعرف من وين الالم اجاني بس ما اهتميت فتحت الاتصال وخليته قريب من راسي
اجاني صوت الشذام يسأل
- اااالو وين انتوا سمعنا صوت خما بيكم شي !!!
- رديت بألم ، شُعاع مات ، ماكدرت اكمل واسمع صوته يصيح مفجوع اثر الصدمه الي وصلته ، ماكدرت أرد أكثر ماكدرت
ماعرف الجهاز انغلق او لا بس صرت اغمض عيوني وارجع افتحهن
احس روحي تنسحب من جسدي شوي شوي .

الضوء المُشرق من خارج النافذة يَطلُ إلى الداخل سالك مسارهُ
إلى رموشهُ الشُعاعيه ذات العيون النرجسية مُخترق كُل نثره دماء
ع جسده مضيء عتمتهُ .

مرت فتره قصيره سمعت صوت الشذام يصرخ بصوت عالي بأسماءنا اني كُل شوي اغيب عن الوعي لثواني وارجع اصحى
بس ما اكدر احجي شي اسمعه بسمع متقطع
- الشذام :- لااااا خويه لاااااا شُعاع وووينك وينك خوووويه
دخيلك ربي لا تأخذ اخوي وعائلته ، نااااارااا وين انتوووووا
- حسيت بحركه صارت يمنا وصل اي وصل لكانه الحمدلله اول ما شافنا صاح من هول المنظر كعد بصف شُعاع يصيح
- لاااااا شُعاع لاتموت بداعه الخووووه لا تمووووت حزام ظهري انتَ لا تكسرر ظهرررري خوووويه ، نااارااا خويه نااارااا
- مارديت هو طلع الجهاز واتصل يصيح
- بسرررررعه البيت شُعاع تعالووووا شُعاع ومرته متأذين بس لا يموتون بسرعه

ورى عده دقائق ماعرف كم بالضبط حسيت المكان صار بي
ناس هواي ونسمات هوى مرت ع ملامح وجهي ، هذا صوت مصطفى اسمعه يصيح شوي وسمعت شخر شُعاع كأن روحه
جاي تطلع منه ، بردت أطراف جسمي وحسيت بديت افقد
انجريت من مكاني واختنكت احس راسي صار نار تألمت بصوره قويه اريد اصرخ اريد اكول الهم لا بس ماكدر اريد الهوى يدخل بصدري
ماكو الهوى شح عندي واختنكت صرت اشخر احاول ادخل الهوى الصدري الضيق ، سحبوني بسرعه صرخت أثر الالم ويعدها ماحسيت بأي شي سوى الظلام .

فتحت عيوني اون من الالم اباوع مصطفى كدامي وخالتي
حلكي ناشف صفنت ماكدرت احجي شي جسمي احسه متكسر
اريد احجي اريد اكول شُعاع وينه بس ماكدرت انطق بس حرف اسمه
" ش " مصطفى من شافني اجه يركض تقرب مني يريد يفهم اني شنو اكول قرب أذنه مني حتى يسمعني رجعت همست بضعف
" ش.." هوو رفع راسه
- مصطفى :- شُعاع !!
- نارا :- غمضت عيوني دلاله ع كلامه صح رجعت فتحت عيوني
- مصطفى :- الحمدلله هو بخير
- نارا :- صفنت بوجهة حاولت انطق وينه ؟ بس هو فهمني
- مصطفى :- تقصدين وينه ؟
- نارا :- هم انطيته اشاره غمضت عيوني هو جاوبني
- مصطفى :- بالغرفه الثانيه
- نارا :- كلبي يكول بي شي رجعت سألته وينه !
- مصطفى :- والله بالغرفه الثانيه صيري زينه صار الج ٤ ايام نايمه غيبوبه اصلاً شُعاع صحته احسن من صحتج
- نارا :- بس كال هيج وكام مني ابتعد اني بقيت صافنه متألمه
احس جذب احس شُعاع بي شي وهو ضام عني مايكول شي
يخاف لا تنتكس حالتي ازيد .

بعد مرور اسبوع كامل ، طول هذا الأسبوع واني الهج بس بأسم شُعاع لا يخلوني اشوفه ولا يخلو يشوفني صرت الوب وروحي
تريد تطلع بس اريده اريد احس هو بخير ، من اسألهم شلونه مايجابوني بس انُ هو بخير ، زين اذا هو بخير ليش الحد الان ما شايفته
زاد الفراق الي بينه وحسيت نفسي ابتعدت عنه هواي احبه اريد قربه احس بفراقه ما اكدر اعيش شُعاع احسه صار ويا روحي يمشي
وحسيت هسه اني من دونه مستحيل اكدر اعيش بدونه مستحيل

جنت نايمه ع السرير بالمستشفى حسيت باب الغرفه انفتح
درت وجهي شهكت بفرح اول ما شفته كدامي روحي فرفحت
اريد اكوم اركص ارتمي بحضنه صرخت من فرحتي بشوفته كدامي
- شششششُعااااااااع
تقرب مني يمشي سحبت نفسي وكعدت هو كعد يمي سحبني الداخل حضنه اول ما دخلت بحضنه لزمته بقوه ودفنت راسي بصدره
ابجي واشهك وهو كل ما يشوفني اشهك قوي يعتصرني داخل حضنه اقوه ، اني بس اردد بأسمه ، وهو يشم بيه قوي يبوس بيه من راسي كُل ما يحاول يبعدني حتى يشوف وجهي اني احضنه اقوه
ما اريد ابتعد عنه اسبوع واني ما شايفته ولا اعرف عنه شي غير بس هو بخير

بعد راسي عن صدره لزمه بأثنين اديه صار يبوس وجهي من كُل
مكان خدودي انفي حواجبي عيوني ماترك مكان بوجهي الا ما باسه
واني ابجي رجع سحبني الحضنه
- احبج ياتعب روحي احبج
- شُعاع، اني اني احبك
- ااااخ يابه اموت عليج
- بقيت حاطه راسي ع صدره مطوقه خصره باديه المجروحه
وهو يمسح ع شعري ماحسيت ع نفسي الا اني وغافيه بين اديه .

مرن اربع ايام وهو سريره بص سريري بنفس الغرفه
إلى أن تأكدوا من صحتنا احنه الاثنين يلا طلعونا من المستشفى وبخلال هل ايام ماكو شخص تركنا مسوين مناوبات علينا
إلى أن طلعنا البيت عمتي لان بيتنا يحتاج تصليح من بعد الي صار
اول طلعنا من المستشفى الحد البيت هم أصدقاء شُعاع بس يهوسون اله الى ان دخلنا للبيت جان وقت غداء ومسوين وليمه شكبرها شكدها ع سلامتنا
اباوع ع ام شُعاع حيل تعبانه حتى شعرها بلش يوكع وجها حيل تعبان منا ع ابنها ومنا هي مريضه وضميرها يأنبها أكثر اني ما شلت نظري عنها رغم الي سوته بس يبقى كلبي ينقهر عليها اني بشر مو حجاره
بقينا جوه يم الناس هواي اجتي تغدوا وبعدها راحوا اني وشُعاع حيل تعبانين الهذا صعدنا فوك للغرفه

راح كعد ع السرير وفتح اديه اليه اني رحت ارتميت بحضنه
حضنا بعض كأن تعويض عن كُل الي مرينا بي تعانقت ارواحنا قبل أجسادنا إلى أن نمنا بأحضان بعض مره ثانيه من بعد كُل هاي الايام الصعبه الي مرت علينا .

الساعه 7:30 صباحاً صوت القرآن الي يفتح النفس من صباح الله

- نارا :- شُعاااااااااع ويننننننك ؟؟؟؟
- شُعاع :- ووولج صكيطططه فضحتينااا بهذا صوتج
- نارا :- عوفك من صوتي كول الي الشامبووو وينه
- شُعاع :- اني خليته الج ع الميز حتى تشوفي ركزي
- نارا :- ماكو تعاال شوفه الي
- شُعاع :- دخيلك ربي شلون بنت مُهمله ومضيعه راسها من رجليها شوكت تتعدلين انتِ ماعرف

وكفت اسمع اله من فوك وهو يدردم عليه ابتسم واني اتذكر الايام الي مريت بيها قبل ، واخيرا رجعت الحياتي والبيتي من بعد ما جنت عند عيالي اسابيع طويله إلى أن انتهى ترميم البيت مالتنا
بس اني طول هاي الفتره جنت بحاله نفسيه صعبه ، التفكير بالصار والانفجار الي صار بالبيت وشلون هيج صار ومنو ، اشتياقي للجامعه والساره ، مشتاقه الاخواتي والحياتي ، بقيت بهذا الحال إلى أن انتهى الترميم ورجعنا للبيت من جديد ورجعت أبني الحطام
الي تخلف ورانا من جديد

دخلت للحمام اسبح من بعد ما شوفني الشامبو صحيح حاطه ع
الميز بس من تأخيري ما انتبهت عليه سديت المي من سمعت
صوت شُعاع
- يلااا نارا اطلعي ترى تأخرنا
- اي اي طالعه ، طلعت بسرعه بالبرنص نشفت ولبست ملابسي سريع والعباه وهو يصيح
- يلا ناااارااا
- نزلت اركض احس كلبي راد يوكف كُلها ركض بركض
وصلت يمه يباوع عليه هز ايده يضحك
- شلون بيج هاي يوميه هيج نتأخر راح نكضيها تأخير آلى أن تخلص السنه
- ههههه يلا حبيبي امشي
- هاهي يابه ع راحتج ماشين ماشين

وصلنا للجامعه ونزلنا سوه هو لازم ايدي ابتسم بوجهي
- ها حبيبي نرجع نبدي من جديد
- ااااكيد ، هزيت راسي وهتفت بسعاده دخلنا للجامعه اول ما رفعت راسي وكعت عيني ع ساره اجتي تركض واني رحت الها ركض حضنتها ، ضربتني
- ساره :- حقيررررره وين جنتي
- نارا :- يمج هاي اني
- ساره :- لج يا يمي صار الج شهر ماكو شصار ليش هيج اختفيتي حتى ما تردين ع جهازج
- نارا :- اباوع ع لهفتها الي ابتسمت صار الي سنين ما مجربه الصدقه ، سحبتها من ايديها احجي وياها ، تعالي نمشي للمحاضرة واسولف الج الي صار
- ساره :- كل شي احجيلي يلا
- نارا :- سحبت نفس قوي وشكلت بأيدي بدأت احجي الها كل شي وهي تستمع الي مصدومه
- ساره :- بس فهميني ليشش هيج انتوا مأذين احد
- نارا :- لا
- ساره :- رجلج يشتغل بالدوله ؟؟؟؟
- نارا :- بلعت ريقي ، ها لا
- ساره :- لعد شنو يشتغل
- نارا :- عنده شركه
- ساره :- هاااا
- نارا :- اي

دخلنا للمحاضرة واني بالي مو يمها إلى أن خلصت
طلعت من القاعه اباوع بالمكان الي ينتظرني بي شُعاع مالكيته مثل كل مره حسيت نفسي وحيده ليش هو ماكو ، طلعت ساره وكفت بصفي
- ساره :- شبيج ؟
- نارا :- ماكو
- ساره :- تعالي نكعُد هنا
- نارا :- مشيت وياها كعدنا ، طلعت جهازي اتصلت عليه احجي ويا بعبره ومختنكه ، وينككك وين رحت
- شُعاع :- ها حبيبي ها ياروحي صارت عندي شغله واتصلوا عليه
- نارا :- الدمعه بطرف عيني ، شلون عفتني
- شُعاع :- ابوي انتِ والله ما عفتج بس خابروني ضروري
- نارا :- تمام ، سديت الخط وساره تباوع عليه مصدومه حضنتني
- ساره :- اهدئي نارا اني يمج شبيج مو الوحدج ليش خايفه
- نارا :- لا بس متعلمه عليه
- ساره :- اني يمج ما اعوفج
- نارا :- حطت راسي ع صدرها اطبطب ع كتفي

إلى أن بدأت المحاضره رجعت دخلت وكملنا باقي المحاضرات
إلى أن انتهى الدوام طلعت برى متلهفه وشفته كدامي البسمه شكت حلكي رحت مشيت بخطوات سريعه اريد اركض اروح اله
اول ما وصلت اله حجيت
- شششلون تعوفني
- اروح فدوه للمتعصب
- اكل بعقلي حلاوه
- انتَ الحلاوه ولك

مر اسبوع كامل هدوء ماكو اي شي حياه مستمره
إلى أن بيوم عصريه دخل شُعاع يحجي وياي اني جنت انظف
- نارا
- ها حبيبي
- تجين نروح البيت اهلي
- ليش
- مسوين عزيمه
- عزيمه شنو ؟ صفن بوجهي بعدها ابتسم
- بمناسبه امي بدأت تتعالج وكدروا يسيطرون ع المرض
- بقيت صافنه بوجهة سحبت نفس ابتسمت اله، تمام

رحنا البيت اهله جانوا كُلهم موجودين حتى خالتي ام شيت موجوده هي والبنات والولد
جانوا مجهزين كل شي اول ما وصلنا تغيدنا سوه خلصنا شالوا السفره اني رحت كعدت يم ام شُعاع اول ما حجيت وياها شُعاع ومصطفى انتبهوا عليها وصاروا يراقبوني ويراقبون كلامي وياها
- نارا :- شلونج عمه
- ام شُعاع :- الحمدلله
- نارا :- صحيح بدأ المرض يروح
- ام شُعاع :- مو هواي نسبه قليله
- نارا :- الحمدلله ع سلامتج
- ام شُعاع :- نارا روحي الغرفتي اريدج بشي
- نارا :- صار ، كمت رحت للغرفه وشُعاع عينه عليه دخلت وكعدت انتظرها هي اجتي ورايه دخلت وسدت الباب كعدت كدامي تحجي

- ام شُعاع :- ادري انتِ ماتحبيني وادري بيج تتمنين الي الشر مو الخير وهسه ودج تقتليني وما تكعدين كدامي حقج وكل هذا حقج بس نارا اني اتمنى منج شغله وحده انُ تبريني الذمه اترجاج اني تعبت واحس ايامي معدوده
- نارا :- اني مدنكه راسي وشابكه اديه ببعض حسيت احد ورى الباب ديسمع رفعت راسي صفنت بعيونها هزيت رجلي رديت عليها ، ما ابريج الذمه ، وكفت ردت اطلع هي لزمت ايدي
- ام شُعاع :- نارا بروح امج ابريني الذمه
- نارا :- درت وجهي عنها الدموع بعيوني مُجرد ما اتذكر اهلي احس كلبي ينترس حقد اتجاها وكعن دموعي دفعتها من ايدها ، ديري بالج تجيبين سيره امي ع السانج مره ثانيه فهمتي ، عفتها وطلعت ابجي شُعاع شافني اني عفته وصعدت بالغرفه ابجي

انهاريت مُجرد هذا الشي انذكر وطلبت مني ابريها الذمه حسيت انعاد كل شي من جديد
اسمع شُعاع يدك بالباب حتى افتحه ما فتحته عرفني اريد ابقى الوحدي بقيت بالساعه اني الوحدي إلى أن ارتاحيت نزلت جوه
جان هو كاعده ضايج رحت كعدت يمه
- شُعاع نروح البيتنا
- اي يلا
- كمت اني ويا سلمنا وطلعنا البيتنا اول ما نزلت ودخلت للبيت
ماكدرت اتحمل كُل الي بكلبي مكتوم طلعته كدامه بقيت اصرخ كدامه

- نارا :- ششششوكت اني ابقى بهااااي الحاله شششوكت
والله ادمررررت نفسيتي ادمرررررت ما اكدر اتقبل اي شيييي ضح احبك بسسس ما اكدر اتقبل ابوك هو اله ايد بمقتل ابويه وكل اهلييييي تعبتتتتتتت حسسسسسو بيه اني بشششر جايه تريد هسه ابريهااااا الذمه بعديششششش شوكت اتخلص منكم احس روحي تفرفح يممممكم اخذتوااا مني كل شي اخذتوا اهلي من اهليييييي ابويه الي روحي متعلقه بروحه اخذذذذتوااااا ، صووووجي اني قبلت صووووجي صوووجي الله يااااخذذذذذكممممم ، شلت الكلاص وضربته بقوه ايدي بالحايط صرت اشيل واشمر واكسر
البيت صار طشار انهاريت كأن احس اليوم هو مقتل اهلي كدام عيني من جديد كلمتين منها خلتني ارجع سنين للورى واعيش نفس الالم من جديد ، ركض شُعاع الي حضني بقوه يهديني واني منهاره

- اشششش اهدئي بابا اهدئي اني يمج اششششش
كلبج راح يوكف
- صار يبوس بيه واني جسمي يرجف منهاره
- اشششش اي اي اهدئي ، احبج ياتعبي احبج
- شالني بخفة ومشه بيه للغرفه غسل وجهي ومددني ع السرير
فرك اديه ورجع شري ورى أذاني حط عينه بعيني التعبانة
- احبج ياتعب كلبي

ا- :- After one year

مرت سنه كامله بحلوها ومرها بهاي السنه حاولت استعيد نفسي
واركز ع حياتي ودراستي بعد ما اكدر اسوي أكثر من ارده الله بكُل حياتي هو الي حكم الي هاي الحياه انُ اكون بقُرب أكثر الناس الي ظلموني بحياتي حاولت استعيد نفسي الي ضيعتها روحي الي هلكتها بالزعل والتعب حاولت إلى أن تمكنت خليني ارمم حياتي
وبعدي عن الناس الي ما الها داعي بيها واكون النفسي قبل ما اكون النفس غيري هاي اني نارا علي من جديد بحياه جديده .

اسمع أصوات زقزقه العصافير الجميله بصفي شُعاع
جان نايم اباوع واركز ع كُل ملامح وجهة بشرته السمره رموشه السواء الكثيفه شواربه السود وذقنه الي مبدأ بالظهور نايم بضخامه جسمه ع بطنه عاري الاكتاف ، سحبت الغطاء ع اكتافه و وكفت فتحت شعري رميته خلفي وتمشيت بخطوات هادئه للشباك الغرفه
فتحته جان الجو بارد وهوى الشتاء المنعش يتسابق ع تضارب مسام وجهي سحبت نفس بقوه ورجعت سحبت العطر خليت منه
ورحت بصف شُعاع ابتسمت ، رفعت ايدي باصبعي السبابه امرر اصبعي ع وجهة بهدوء وهو يعقد حاجبه ابتعد من يفتح عقده حاجبه ارجع أكرر نفس الخطوه إلى أن فتح عيونه صارت بعيوني دنكت راسي بقرب وجهة وكع شعري ع وجهة ابتسمت بسعاده

- صباح الخير ياوجه الخير الي بحياتي كُلها ، قلب جسمه نام ع ظهره مبتسم بتوسع سحبني من ايدي وكعت عليه بدون ما يجاوب عليه اخذ شفايفي بقُبله عميقه وصلت إلى أعماق روحي سلبت مني كُل سُبل المقاومه رجف جسمي ابتعد عنه اسحب النفس وهو يضحك بوجهي ضربته بخفه ع صدره احجي ويا .

- شُعاع يلا كوم ترى تأخرنا خلينا نروح ناخذ النتيجه مالتي
- كلتي النتائج خوش خلي نكوم نتريك ع كيفنا لاحكين بعدين نشوف اذا انتِ مصخمه وجهنا لو لا
- ههههههه هاي شنو تشك بيه
- لا يابه انتِ جيد جدا
- لا امتيازززز حبيبي
- انشوف خاتون .

نزلت جوه اسوي الريوك كملت وصعدت فوك هو هستوه طالع من الحمام والمنشفه حاطها ع كتفه شمر الي بوسه بالهوى
- شُعاع :- فديك وفديت أناملك الحلوه
- نارا :- انزل حبيبي بين ما البس
- شُعاع :- نازل
- نارا :- هو نزل واني لبست سريع ونزلت لكيته واكف منطيني ظهره والمشنفه بعدها ع رقبته اباوع دمارات جسمه شلون بارزه ولون بشرته السمراء متضارب ويا تفاصيل ظهره وصاير عباره عن
جمال مُبهر سرحت بتفاصيله هو جان ياكل التفت لاكني ورى
- شُعاع :- ها حلمي
- نارا :- ها حبيبي
- شُعاع :- يلا اتريكي حتى نطلع بين ما البس
- نارا :- تمام ، تريكت سريع وهو نزل ، طلعنا للكُليه حتى نروح نستلم النتيجه مالتي .

دخلنا للكُليه واني كلبي يدك بخوف وتوتر شُعاع لازمي ايدي يطمني بس اني وين حيل خايفه خاصه المرحله جانت حيل صعبه عليه
وصلنا للقسم دخلنا جانوا ينطون النتائج حسب لليجي يستلمها
ابتلعت ريقي وشُعاع بصفي انيطيتهم اسمي وهمَ صاروا يطلعوها
صاحوا اسمي وشُعاع خليته هو ياخذها اني بقيت واكفه ارجف من الخوف
اخذ شعاع النتيجه منهم وتقرب مني صفن بوجهي ابتسم بتوسع
وكأن الفرحه تارسه روحه باسني براسي كدامهم ابتعد عيونه بعيوني
- شُعاع :- تدرين رفعتي راسي
- نارا :- ضحكت بفرح يعني نجحت بتفوق
- شُعاع :- اااااخ لج اريد هسه احضنج واكسر ضلوعج بالحضنه بس مو هنا امشي نروح
- نارا :- فرحانه حيل فرحانه وفرحتي ما انطيها البشر طلعنا من الكُليه وصعدنا للسياره وهو شغل اغاني ويطك اصبعتين فرحان بيه
أكثر مني
- شُعاع :- اليوم اخلي الناس كلها تعرف بنارا علي رافعه راسي
- نارا :- بقيت اضحك ع خباله

إلى أن وصلنا البيت اهله جان بعده مشغل الاغاني ويدك هورن
طلع مصطفى من البيت يركض وهو مايعرف شنو السالفه
نزلنا وبلغناهم وهمَ باركوا مو بس الي لا حتى الشُعاع باركوا اله
والاحلى من هذا كدامهم يصيح دكتورتي واني الفرحه ما واسعتني
بقينا يمهم ساعه ورجعنا للبيت اول ما دخلت حجه شُعاع

- شُعاع :- يلااا بسرعه غيري لبسج حتى نروح الكربلاء
- نارا :- كيفت وطرت من الفرح

مصطفى من عرف راح نروح الكربلاء كال لعد خلي نروح وياكم
وهم أزور البنات ترتاح نفسيتهن الصراحه ما اعترضت لان اني فرحانه بنفسي ودام الفرحه هيج جبيره طلبت من شُعاع يتصل ع
الشذام حتى العنقاء تروح ويانه هي وزوجها وشُعاع اتصل عليه
وقبل يروح ويانه صعدت فوك غيرت لبسي ونزلت
وهمَ انطوا خبر احنه راح نوصل ف شُعاع طلع برى يطلع السياره مالته بالشارع رحت صعدت جاي ننتظرهم شويه واجه مصطفى

مصطفى اجه من كدام صارت سيارته كدام سيارتنا جان مشغل اغنيه ساجده بصوت يعني ينسمع والسياره مالته تهتز لان جان يركص
وصوت ضحكته شعلوا شُعاع يسمع ويهز بأيده يصيح مخبل هذا
اني أضحك اجه الشذام وصارت سيارته ورى سيارتنا مصطفى من
شاف سياره شُعاع صارت بالنص طلع راسه من الجامه صاح بصوت عالي

- مصطفى :- هااااا خويه حصرنااك ههههههههه
- شُعاع :- انجب لك لا انزل لك اطيح حظك
- مصطفى :- غمز ، مو ماتكدر لان محصور

راد ينزل شُعاع يسحله بالشارع واني لازمته بالكوه وخربانه من الضحك ومصطفى يتعمد يستفز شُعاع، اما الشذام يصيح
طفي الاغاني لك وهذاك عناد بي يعليهن أكثر

رحنه الكربلاء وصلنا ونزلنا نزور جان المكان حيل حلو احس نفسيتي انفتحت بالزايد حسيت روحي طير حُر جنت كاعده بالصحن اباوع
ع الناس والابتسامه ماليه وجهي ماعرف وماحسيت بنفسي جنت مركزه ع شخص اني ما بالي اركز عليه بس صدفه شفته شو هذا
جان يباوع عليه ويضحك شكد استحيت نزلت راسي ودرت وجهي عنه شُعاع جان كاعد بصفي والباقين كاعدين يسولفون بس اني احس دخنت رجعت جاي احجي ويا شُعاع وهم رجعت بالصدفه صارت عيني بعينه الهذا الي ضحك بوجهي وهم نفس الشي ضحك مره
ثانيه لا هذا شبي زودها اذا شُعاع شافه يسويها عزه علينا
فجأة اجاني صوت شُعاع

- شُعاع :- شبيج ؟؟؟
- نارا :- هاا لا ما بيه
- شُعاع :- ع شنو تباوعين وليش هيج حمره ؟
- نارا :- هاهي ياربي راح انلزم هسه عباله عندي شي ، لا بس حسيت صار الجو حار
- شُعاع :- يا حار حبيبي هي غير بارده
- نارا :- ها اي يمكن
- شُعاع :- بيج شي بابا
- نارا :- هزيت راسي واني اتهرب منه هو سكت بس ما
مقتنع بيه واني هم بعد عيني ما وديتها ع الجهة الثانيه ابد

جنه كاعدين وماحسينا الا صاروا فوك راسنه رجال ومرأة كبار بالسن
وجهم بشوش ومبتسمين سلموا علينا واخذوا أذن حتى يكعدون يمنه
يحجون ، ما جان بالي شي انُ جاين بسبب بس صدموني بكلامهم
خلوني فاتحه حلكي اول ما كعدوا من بعد السلام والتعريف دخلوا
سريع بصُلب الموضوع .

بلشت تحجي المرأة الكبيره بالسن

- احنه جاين الكم ونعرف لا الوقت مُناسب ولا الزمان بس هي القسمه لو رادت تصير ما تعرف لا وقت ولا مكان ، الهذا يايمه
احنه هسه بصحن الإمام الحُسين ( عليه السلام ) واحنه جاين
نطلب ايد هل محروسه بنيتكم الابنه ع سنه الله ورسوله من بعد قبولكم نجي البيتكم ونطلبها حسب الأصول حالنا حال الناس وان شاء الله ايتم هذا الزواج والقربه
- نارا :- احنه كُل ضنه تحجي عن وحده من اخوات شُعاع بس هي
رفعت ايدها وأشرت عليه وكملت
- وان شاء الله تكون هاي الحلوه زوجه ابني
- نارا :- غمضت عيوني بخوف هسه شُعاع يقلبها علينا
اباوع عليه صار احمر وخازر المرأة عديت بكلبي ع الانفجار ومترقبه الوضع

- شُعاع :- شنو تكولين حجيه ؟؟
- اي يمه اطلب ايد هاي البنت الابني
- شُعاع :- سحب نفس يهدأ اعصابه ، حجييه شعرفتي عنها حتى تجين تخطبيها
- اي مابيها مشكله نتعرف ويصير تقارب بين العائلتين
- شُعاع :- تدرين هاي منو الي تحجين عليها
- منو ؟
- شُعاع :- مرررررتي هاي شلون جايه تطلبين مرتي مني
هاي وين صااايره
- يااا يمه واني كُل ظني تكون ابوها لو اخوها الأكبر منها
لعد يمه غير شفت انتَ مبين اكبر منها ما توقعت تكون زوجها
- شُعاع :- وهاي اني كلت الج زوجها ، وزواج ماكو الله وياكم
- نعتذر يمه
- شُعاع :- رد بدون مزاج ، هلا

نارا :- كاموا من عندنا وراحوا كعدوا بصف هذا الولد الي جان
يضحك الي حجوا ويا باوع عليه وخزرني يااا عمى شبي هذا
فوكاها يخزر ، ردت وجهي اباوع كُلهم حاصرين الضحكه وكاتميها
لان شُعاع صاير نار ماتحمل وانفجر كدامنه صار يدردم

- شُعاع :- شاااافتني جبير كااالت اروح اطلبها منه شنو شايفتني كرن لو شنو تجي تخطب مرتي مني والله خوش كلاوات
عبالهم تمشي عليه هاي بالحرام لو ما عمرها جان عرفت شلون اردها لا جايه ومتفاجره وتريد تخطبها الابنه ال**** ، استغفر الله يخلون الواحد يطلع من طوره بالكوه
- نارا :- مصطفى ماكدر يكتم ضحكته ضحكت واكتافه صارت
تهتز عاط بي شُعاع
- شُعاع :- انتَ هيييييييييي صم حلكك لا اصمه لك
- مصطفى :- رفع راسه يضحك ، الله عليك خويه جان ما كلت الهم أنطونه وقت نفكر بي
- شُعاع :- ااااااكل نعل لك لا اكوم لك
- مصطفى :- ههههههه هسه اني شكلت غير هي هاي العادات شكو صاير نار وما تحتاجه
- شُعاع :- صاح ، ممممممصطفى
- مصطفى :- هاهي سكتت هووووب لاتكوم عليه
- الشذام :- ههههه لك سد حلكك ماتشوفه شلون صاير نار هسه يكوم يسحلني وياك واني ما مسوي شي

نارا :- سوه ع حلكه مثل السحاب وخيطه بس بعده يضحك
والباقين يضحكون صار هدوء محد حجه وشُعاع بس يخزر بيه واني اتهرب من عيونه ، رجع مصطفى حجه
- مصطفى :- شُعاع
- شُعاع :- ها
- مصطفى :- بالخير خطبوا مرتك من عندك خويه ههههههههههه
- الشذام :- أكلها ياحبيبي
- نارا :- هو حجه هيج وكام اله شُعاع وهذا طفر من مكانه يضحك
عاط بينه شُعاع
- شُعاع :- سدووووا حلكمممم

- نارا :- سكتناا وهو بس يخزر بينه جان بيدي اني علك أخضر
الف بي ع اصبعي وافتحه هو انتبه عليه سحبه من ايدي وكص منه قطعه صغيره برمها وسحب ايدي حطها ع رجله اني بس اباوع عليه
ماعرف شنو يريد يسوي ، قرب العلك سوه ع شكل سوار
وشده ع ايدي وعكده قوي لزم ايدي بأيده وضغط عليها رفعت عيني صارت بعينه باوع بعيوني وهمس قريب مني
- شُعاع :- شديت العلك الج بصحن الُحسين ( عليه السلام ) حتى يكون شاهد ع كلامي تبقين الحد اخر نفس بيه وبيج مالتي وبس
وما اسمح المخلوق يتقرب منج وياخذج من ايدي خليها بالج انتِ بس الشُعاع انخلقتي ، انتِ نار الشُعاع يُبا

- نارا :- طلعنا من كربلاء واني كلام شُعاع بقى براسي
شكد ما هوَ عصبي بس اني احس روحي طير بكلامه كُلش بقى براسي وكلبي صار ينبض بقوه ويا كُل كلمه اتذكرها همسها الي تصيبني بقشعريره الكُل جسمي اول ما وصلنا للبيت بس سبحنا وغيرنا ملابسنا ونمنا من التعب .

ثاني يوم فزيت ع صوت حركه اني كُل ظني هذا شُعاع بس انصدمت من شفت شُعاع نايم بصفي لعد منو هذا الي يطلع الصوت خفت كُلش دغيت شُعاع من كتفه واني عيني ع الباب
اخاف لا أحد يدخل
- ششُعااااع كووووم ، هو فز خطيه
- ها شكو ؟
- اكو صوت برى عفيه ، هو كام ع طوله سحب السلاح
- لاتتحركين هسه انزل اشوف
- هو طلع واني طلعت ورى بس احس رجليه صارن خيوط من الخوف نزلنا جوه جان الصوت من المطبخ جاي من شافني شُعاع دفعني اشر الي
- ابقي هناا ، وهو دخل بس ماسمعت اي صوت لا صوت شُعاع ولا صوت ثاني ماكدرت اتحمل ودخلت ورى لكيت شُعاع يباوع عليه هز ايده يضحك صارت عيوني ع الطباخ لكيت البزونه مدخله نفسها
بالجدر واطكطك بي تسوي صوت

هي البزونه رفعت راسها من الجدر كُلها مركه من شافتنه طفرت
اني اصيح وهي تركض وشُعاع فتح الها الباب طلعها وميت من
الضحك دخل يسبح واني نظفت المكان وسويت ريوك طلع وكعدنا
نتريك من خلصنا غسلنا رحت فتحت الشباك يدخل الهوى للحلو واجيت كعدت يمه

- اني فرحانه راح نرتاح بيحاتنا هسه
- واني أكثر فرحان بيج وكلش فخور دكتورتي
- حضنته بقوه وابتعدت اباوع بعيونه همست ، اسمر والغزل تارس عيونك ، هو تقرب مني كُلش هواي تقرب انفاسنه اختلطت سوه
- من شفتك شفت روحي بلا مرايا ولكيتك تشبه البيه وحيد وحزنك
ولايه
- شُعاع
- ها ياكَلب شُعاع
- احبك
- نينا
- ها ياعيونهاا
- انتِ سلعتي الي ميت بيها
- حضني قوي واتمددنا ع الارضيه دخل ايده بشعري واني ع صدره
نايمه

- ناري
- ها حبيبي
- تجيبين مني طفل ؟
- ضحكت بصوت عالي وضربت صدره من اتذكرت كلمته من جنه بالموصل وشلون سوه بيه رهبه ، خبييييث انتَ ،
هو رجع حط ايده بشعري وشفايفه ع جبيني رد
- بولانت مني ومنج
- صفنت ما فاهمه، شنو ؟
- اي بولانت
- ليش ؟
- لان احب هذا الاسم
- ليش مو علي نسمي ابنا
- لا حبيبي مو علي
- ليش شُعاع ليشش اني اريد علي حباب وخر مني
- هسه جنتي حبابه شجاج
- لعد ليش مو علي
- يأذيج هذا الاسم بابا راح يذكرج بكل شي
- دمعن عيوني ، بسس
- اششش

- قرب شفايفه مني أصبعه ع خدي وهو يتمتم بكلمات وبصوته الدافي
ا- i love you with all my mighty
ا- i love you , my only love

نارا :- جنت كاعده وماعندي شي ضايجه وهو جان راجع من شغله من شافني هيج ضايجه اجه يمي تقرب
- شُعاع :- كومي
- نارا :- وين ؟
- شُعاع :- شو كومي
- نارا :- كمت ويا هو راح شال الفراش مال الاستقبال واني صافنه عليه راح جاب الزاهي ورجع شمر الزاهي ع الارضيه وطشره
ورجع طش المي فوك الزاهي صارت رغوه وانملت الارضيه اني بس صافنه اجه تقرب مني شالني وطفر بنص الزاهي ما حسيت الا اني ويا واكعين بالكاع متزحلين شكد ما تألمت من الوكعه بس فطست ضحك وهو يضحك بصوت عالي واني اضحك رجعنا وكفنا صرنا
نلعب اني ويا بالزاهي نتزحلك اروح منا وهو يجي منا وصوت ضحكنا واصل برى البيت ما اهتمينا المهم هو يشوف فرحتي وعادي عنده يسوي اي شي بس حتى يضحكني ، اخر شي نام بالكاع وسحبني نمت ع صدره ، وخر هسه منو ينظفه
- عود بعدين اني وياج
- ههههههه مو صاحي مخبل
- بيج حبيبي
- احبببببك

- كومي نلعب غير شغله
- ياااا شُعاع شنلعب
- نلعب غميضان اني وياج
- هههههههههه صدُك تحجي
- اي شبيج اغير نفسيتج
- احبك هواي من تسوي هاي الشغلات علمودي
- شعندي غيرج احبل اجيب
- ههههههههه
- كومي يلا اني راح اغمض وانتِ لبدي بمكان واني ادور عليج
- طفرت من مكاني ختلت وهو غمض شويه وصار يدور عليه
اني ختلت ورى باب المطبخ هو شويه ودخل يدور يصيح
- بشبشش، بشبووششي
- هو يحجي واني ساكته شو هذا دك جهازه فتح الخط جان يكول
- الو شلونج
- اني من سمعت هيج طلعت اله ركض هو من شافني شمر الجهاز وصار يضحك
- ششفتي لكيتج بسهوله
- عرفته سوه هيج حتى اطلع ركضت عليه اضرب بي لان خسرني وهو يضحك

- يلا غمضي هسه دورج
- ششششنو انتَ غشيت
- لج غمضي
- غمضت عيوني وهو مشى رجعت فتحتهن صاح
- ترى شفتج لج يلا غمضي
- غمضت عيوني وهو راح عديت وفتحت عيوني ادور عليه جاي امشي ادور عليه واصيح وماحسيت الا هو ورايه شالني من خصري
فزيت وصرخت هو باسني من رقبتي يضحك
- هاا وهسه انتِ هم لزمتيني مو بس اني لزمتج
- ههههههه اي عفيه

- شالني وصعدني فوك كعدني ع السرير يباوع بعيوني ونظراته احسها كُلها حُب
- نارا تدرين يوم بعد يوم جاي احبج أكثر
- واني هم احبك اكثر
- بس مو مثل حبي الج بابا انتِ انزرعتي بعقلي وكلبي ساحرتني
- اي ساحرتك بحُبي ياحبيبي
- اعرف اعرف
- اندك جهازه وهو نزل يريد يشوف منو جان يزلك بالمي اني شفته وكع لو وكعت من الضحك عليه
- جيرره بكصتج
- بقيت اضحك وهو راح ع جهازه

اتصل الشذام ع شُعاع وهو بس سبح وطلع واني بقيت انظف بالبيت لان صار بي مي وزاهي بس صحيح غير مزاجي
وفرحت من لعب وياي مرت الايام هادئه وحياتنا احنه الاثنين
حلوه صح بس ما ينقص من خوفي ع شُعاع ومن شغله الي كل يوم يزيد خطوره أكثر وما صار يحجي الي اي شي وغرفه اله خاصه بشغله ما افتحها اني حتى ما اكون بخطر وابقى ليل نهار بس ادعي الله يحفظه الي لان بس هو الي بقى بحياتي خاصه اخواتي انقطعن عني من زمان لو يتصلن لو لا ناسياتني ومو بالهن اني وكأن ماعندهن اخت واني هم تعودت ع عدم وجودهن صح اتألم بس بعد هاي
الدنيا واني عندي شُعاع يسوه الدنيا ومعوضني عن الكُل

بيوم جنت جاي اغسل بالفراش برى جان يدخل شُعاع من برى
يصيح
- ادددددخلي جوه سررررريع
- شششكو شُعاع
- ادددددخلي سرررريع
- حاولت افهم بس ماكدرت وهو مافهمني شويه والباب البيت مالتنا اندك بصوره قويه طلع شُعاع فتحه صار الشذام كدامه دخل عنقاء واالاطفال يبجون جانت عنقاء لابسه بس عباه حتى مالابسه شال والأطفال بس يبجون واني كلبي صار برجليه من الخوف
هم بس يصيحون علينا اخذونا جوه وكف شُعاع يحجي ويصيح
- شُعاع :- تببببقن بالغرفه الاخيرررره والي يطلع منها حلكه اشكه
- نارا :- عززززه شُعاع شصاااار لا تخوفني
- شُعاع :- اشششش يلا جوووووه بسرعه
- نارا :- دخلونا جوه وقفلوا علينا الباب من برى واحنه بس نصيح
نريد نفهم شكو نوب أخذوا سلاحهم وطلعوا
احنه بقينا بالبيت والخوف ماكلنا ٣ ايام بالضبط واحنه محبوسين بالبيت ومانعرف شنو الي صاير حتى عنقاء ماتعرف وبس لازمين كلبنا لا صاير بيهم شي ٣ ايام وهم مختفين مانعرف وينهم
ومانكدر نطلع ابد .

ورى ٣ إيام العصر اندك الباب مال البيت خفنا نفتحه بس اني
وعنقاء سندنا نفسنا ورحنه نشوف من الكاميرات اول ما شفته مصطفى طلعت ركض للباب حجيت من ورى الباب
- نارا :- هاااا مصطفى
- مصطفى :- افتحي الباب
- نارا :- ما اكدر مقفول
- مصطفى :- شكووو
- نارا :- ما اعرف
- مصطفى :- لج حتى ما اكدر اعبر من الباب ، منو يمج
- نارا :- زوجه الشذام
- مصطفى :- شُعاع وينه
- نارا :- ماكو مختفي هو والشذام من ٣ ايام
- مصطفى :- صاح ، شششششنو !!!
- نارا :- شو هذا عافنه وراح شكد صحت ورى بس مارجع رجعنا دخلنا جوه بالبيت ننتظر خايفين وبس ابجي .

صار اليل رجع اجه مصطفى صرت ورى الباب حتى احجي ويا

حتى ينفتح القفل
- نارا :- والأطفال هنا راح يخافون
- مصطفى :- سدي اذانهم نااارا
- نارا :- اني وعنقاء سدينا اذانهم وهو ضرب الباب وفتحه
دخل جان لابس كِمامه صاح بينة
- مصطفى :- بسرررعه لفن نفسجن
- نارا :- عزه مصطفى شكوووو
- مصطفى :- نارا عوفج من الكلام ماريد حتى وجهجن يطلع
بسرررعه لفن نفسجن وامشن ورايه
- ماكدرنا نحجي شي ولا نسوي شي الا مثل ما طلب منا
لفينا نفسنه وطلعنا نتختل صعدنا بالسياره ومشى سريع البيتهم
نزلنا اول ما دخلنا انصدمت بقيت فاتحه حلكي ريقي نشف
وجسمي صار يرجف رجف مو طبيعي شُعاع !!!!!.

والـمــادروا گالــوا تــخســره
وانا شنهي الماخسرته وحتى اخسره .
يتبع ✨️

التوقعاااااات اصدمووووناااااا .