الربتج " حالك الاسوداد " الفصل السادس وأربعون 46 - بقلم رهف علي

مَابين انكسَاري وضعُفي والراحَ اكثر
شيِ مِأذيني ضحگتي اكُثر شِي
قلقتي بهَاي الأيام مِن اتذكر احَزاني
بفرحَتي كبر عُمري وبعَدني بطبعَ
الأطفال وتعَرك لمنَ يمدحَوني گصَتي
اخذت مِن الحَياة اشِكال والوَان
لكن مَاخذت مَنها فرصَتي

ا عندما يَكون هُنالك شخص سوف يتنازل عن العالم لأجلنا علينا وقتها أن نَكتمُ ذلك في أنفسنا قبل قلوبنا
عندما نُريد ان نُحافظ ع ألماسه لأمعه في كف أيدينا علينا وَقتُها أن نُخبئها جيداً في جوف أعيُننا
هذا الحال يكَون في النسبه الي مُفضلنا لماذا تسأل لما ؟؟؟ لان الأشياء الجميلة قد تُصاب
والاصابه حتماً تكون قاسيه أما الفراق او العذاب
لاشيء يَدوم عندما تكون هُنالك أعيُن تتمنى منه ولو جزء قليل
عند أذاً قد تُصيبه لَعنه الهلاك إلى ما لا نهاية .

شايفين من تحسون الدنيا وكعت فوك راسكم باللحظه وحده ؟
شايفين من تحسون السند الي انتوا متمسكين بي كأن وهم ؟
شايفين انُ انتوا كنتوا بالسماء وفجأة تنسحبون إلقاع الارض ؟
هاي اني هيج حسيت ، ماكو شعور يكدر يوصف هذا الاحساس
مشاعر الدنيا كُلها ماتكدر توصف عن كسره كلبي وصدمتي
بهاي الثانية من اول كلمه نطقتها و بوجهي بقيت كأن اني لا حول ولا قوه انتظر النجاة من رب العباد عسى يكون هذا الشي
مقلب او خُدعة لا أكثر ! لكن شكله القدر اله رأي ثاني
حابب أكون ضحية الشخص من جديد .

واكفة بمكاني اباوع عليها واني رمش مارمشت مامستوعبه كلامها
الطفل جان صغير يادوب عُمره سنتين لو سنتين ونص ومن ضربته
ع ظهره ودفعته اتجاهي هو وكع ع الارض و صار يبجي حتى ما نزلت وحاولت اسكته ولا هيَ تقربت تسكته ، بقت عيوني تنتقل بينها وبين الطفل من صدمتي حتى ما نطقت بحرف واحد منتظره المسرحيه تخلص هي حتى شكلها أعوذ بالله منه كأن هي جايه
من عالم هزيل ، حركه العلج وتصرفاتها ولبسها وكُل شي يدل ع أنُ هيَ انسانه مُنحطه ، انتبهت ع الطفل وكف وراح الها لزمها من رجليه يريدها تشيله بس هيَ لا أُبالي ! شنو من قساوة قلب شايله اتجاة ابنها !

هزيت راسي ونفيت كُل الأفكار الي اجتني ابتلعت ريقي
ورمشت

- نارا :- شنو تحجين انتِ ؟
طكت العلج مالتها وعوجت حلكها ردت عليه بتموع
- كُلت الج هذا الطفل ابن رجلج أخذي
- نارا :- رجعت عادت الكلمه مره ثانيه لو فرت ، شنو تحجين ؟؟؟ عن أي طفل تحجين يمتى صار الرجلي ططفل !
- ليش حبيبتي إذا ماتعرفين هسه اني اجيت حتى اخليج تعرفين
- نارا :- شعرف ؟ ضحكت بضحكه سخيفه وردت
- زوجج عنده طفل وانتِ ماتعرفين بي
- نارا :- جذابه ، رديت عليها برود قاتل بس اني من داخلي افور
- ما اجذب عليج هذا ابنه كدامه شوفي

نزلت راسي اباوع ع الطفل احس انعصر كلبي معقوله هذا ابن شُعاع
معقوله يسوي بيه هيج شي ويخوني! لا يا الله ما اتحمل
حاولت كد ما كدر اكون كدامها قويه حتى ما تستغفلني بكلامها وتتلاعب بأعصابي

- نارا :- انتِ تعرفين منو زوجي ؟ يمكن غلطانه
- زوجج شُعاع ابن ـــــ اعرفه حق المعرفه
- نارا :- من وين تعرفي ؟ تقربت خطوه مني وغمزت الي
- من الملهى اسفة اقصد المقهى .

احس الدم صعد الراسي عرفت تقصد النوادي اليلية بس شُعاع شنو يسوي هناك وهو ما يوصل هيج أماكن اول مره اسمع بي يروح هناك
كلبي زادت دكاته والدمعه كُل شوي تريد تنزل بس لازمتها بالكوه

- نارا :- جاية تضحكين عليه انتِ امشي اطلعي برى لا والله هسه اسوي بيج الي ماصاير شنو عبالك اني مُغفله وتريدين تقنعيني انُ هذا ابن شُعاع وجايه بكُل عين صلفة تكوليها بوجهي ، زوجي يحبني
ومُستحيل يسوي شي مثل هذا ولا يوصل القذاره مثلج اني واثقه بي مثل ما واثقه بعيوني هسه جاي تشوف انسانه مُنحطة وبلا اخلاق وتربيه مثلج
- راح اسكُت وما ارد عليج لان حقج واضح بيج مصدومه بس يلا هيج او هيج راح تتقبلين الواقع
- نارا :- عصبتني وضحكتها المُستفزة خلتني انجن ، هييييي الهنا وحدج لا تخليني اشوفج هسه نارا منو والله العب بيج
لعب اخليج ماتنتظرين ولا ثانية وتوكفين كدامي اخرب وجهج
وهسه انقلعي من هذا البيت واخذ وياج هذا ال*** الي ما اعرف من وين جايبته وتريدين تشمرين بلاج علينا يا بلا تربيه
- اااااييييييي عيني عيني مو عبالج اسكُت الج احترمتج لان مصدومة بالخبر لا تطاولين
- نارا :- اطلعي برررررررررررى
- ما اطلع
- نارا :- برى اطلعي برى بيتي ما يلفي وحده *****
- ههههههههههاااااي لفاها زوجج

يمه ردت اي شي كدامي حتى الزمها واكطعها تكطع هسه لو الزمها محد يكدر يفكني منها تقربت لزمتها من كتفها ودفعتها بقوه ايدي للباب شو هاي دفعتني سحبت ابنها ودخلت جوه ركضت وراها لزمتها هي ادفع بيه

- نارا :- ههههييييي انتِ شنو هاي الصلافه الي شايلتها
- والله هذا الموجود ليش تخليني اجي اعيش وهنا بهذا البيت اني وابني خليني اخلي ابني واروح ماعندي مشكله حبيبتي
حاولي تتأقلمين
- نارا :- والله حلم أبليس بالجنة اني موجوده وانتِ موجوده ونشوف
بس اكعدي اني واثقه بزوجي واعرفه شنو بس ماعرف هيج وحده ***** وبدون اخلاق تريد تتلبس وتلزك بزوجي وتشمر بلاها عليه
هاي الشكولات اعرفها اصبري اني اعلمج .

تركتها كاعده بالصاله وابنها يمها واني سحبت الجهاز ودخلت بالمطبخ ارجف جسمي كله يرجف من القهر اديه ترجف وجسمي
موتني مايثبت اتصلت ع شُعاع ثواني ورد عليه بعده ما حاجي اني
الي حجيت

- نارا :- هسسسسه تجي والله اذا ما اجيت احرك نفسي
- شُعاع :- ياستار شبييججج !!
- نارا :- وحقققق هذا الله اذا ما اجيت ماتلكاني بهذا البيت
وحتى اثر ما تلكه الي
- شُعاع :- نااااااراااااا
- نارا :- نزلت دمعه حاره من عيني همست بشفايف ترجف ،
تخوني شُعاع تخوني وعندك طفل !!! هنت عليك بهاي السهوله ؟
رد عليه بعصبيه
- شُعاع :- جااايج
- نارا :- لزمت وسديت الجهاز بوجهة

خليت ايدي ع كلبي يدك بسرعه بقيت افتر بالمطبخ رحت للسنك فتحت المي وطشيت ع وجهي يااااااابوووووووية ناااار وجت بيه
هاي الحقيره هيج تسوي بيه وشُعاع شلللللون والله اني عبالهم مثل قبل مايعرفون بايعه الدنيا بس ااذاا احد وصل الي كافي ماا اتحمل اكثر من هيج
سحبت نفس احاول أهدأ نفسي ، بقيت دقيقتين هيج إلى أن هدأت مسحت وجهي وارتمست ملامح عدم الاهتمام ع وجهي ورجعت دخلت للصاله هي بعدها كاعده وحاطه رجل ع رجل وتباوع ع كُل تفصله بالصاله ماحجيت اني رحت وكعدت كدامها خليت رجل ع رجل وسندت ظهري وعيني بعينها مابينه اي كلام هي تباوع عليه
واني اباوع والهدوء قاتل بس صوت الطفل يلعب ويفتر يمها

ورى تقريباً ربع ساعه سمعت صوت شخطه السياره عرفت هاي
سياره مال شُعاع بقيت كاعده بمكاني ما تحركت اريد اشوف الي يصير كدامي شنو !! ثواني وانفتح الباب ودخل شُعاع صاح اسمي ماكمت بقيت كاعده شويه ودخل للصاله اول مادخل اجتي عيني بعينه
صدمني من ما بدر منه اي رده فعل قويه يعني احس يعرفها صحيح
بادت روحي أكثر من التفت عليها وحجه وياها ولا كأن اني موجوده
كدامه !!!!!!!!

- شُعاع :- شجابج هنا ؟؟؟
- نارا :- هي نزلت رجلها وردت عليه طبيعي دون توتر
- جابتني رجليه
- شُعاع :- شكو جايه هنا
- كلت لك قبل وكلت ترى اجي اوكف كدامك وبيتك شنو ما عرفت بيه اني كد كلمتي
- نارا :- فتحت حلكي يحجون سوه ومامعتبريني كدامهم
- شُعاع :- كومي اطلعي برى
- لا حبيبي اجيت اخلي ابنك هنا
- نارا :- لا عاد هنا اني ماكدرت اتحمل لا هو ينكر ولا هي تسكت يعني افهم من هذا الشي الي ديصير كدامي هو الحقيقه
وكُل كلامها صحيح

وكفت ع طولي وتقربت وكفت كدامه سحبته من ايده بقوه خليته ينتبه عليه
- نارا :- كلامها صحيح ؟؟؟ هو بقى يباوع عليه مارد ولا نكر بنفس الوقت ،شششششُعاع سألتك كلامها صحيح لو لا ؟ اجاني صوتها من ورايه
- أي حبيبتي صحيح
- نارا :- درت وجهي عليها وصرخ بيها ، اااااااانتِ اسكتي سدي حلكج لا اني هسه اسده ، رجعت ع شُعاع، ااااحجي
- شُعاع :- مو وقت هذا الحجي
- نارا :- لاااااا هسه كول صحيح لووو لاااااا ، ضحكت من ورايه بصوره سخيفه
- هههههههه جاوبها
- شُعاع :- اطلعي برى عندي حجي وياج كووومي
- نارا :- فتحت عيني مصدومه ، شنو تطلع برى تحجي وياها ؟؟
مخبل انتَ ؟؟؟ اني حجيت هيج وهو خزرني كز ع اسنانه حجه بهمس الي
- شُعاع :- حسابي وياج بعدين
- نارا :- رجع رفع راسه وصاح بيها
- شُعاع :- وووووانتِ كوووومي لجججج وأخذي ابنج وياج لا اسوي شي اخليج تندمين

هي كامت وطلعت والطفل أخذته وياها راد يطلع وراها لزمته
منه ايده وجريته بقوه هو تخبل صحت بي
- نارا :- وووووووين انتَ شبيك لا تخبلني
- شُعاع :- بعدين
- نارا :- شنو الي بعدين اياك تطلع وراها
- شُعاع :- ناااارااا مو انتِ الي تقررين شيلي ايدج هاي المره سويتيها غير مره اذا سويتيها وقتها رده فعلي تختلف
- نارا :- شُعاع
- شُعاع :- بعدين عندي حجي وياج مو هسه

- نارا :- شفته خطه خطوتين الدموع ملت عيوني قويت نفسي وحجيت ، شُعاع اذا طلعت وراها اطلكني ، هو باوع عليه ثواني
وعافني وطلع وراها !!!! بقيت جامده بمكاني جسمي اختل توازنه
وردت اوكع سندت نفسي ع الحايط الي بصفي احس الدنيا افترت
بيه

عضيت شفتي بقهر وعيوني ورى مشيت وكفت بالمطبخ اباوع
اثنينهم واكفين سوه هي كدامه تحجي ويا وهو واكف جبل كدامها
بنفس اللحظه تخيلتهم اثنينهم سوه وهي زوجته وهذا ابنهم، واني شنو ؟؟؟ اني شنو بحياته اي اذا اني حتى طفل ماكدرت اجيب اله
اكيد يروح الغيري، النار اكلتني عيوني اكلتهم شسوي شسوي

رحت امشي سريع ادور ماعرف ع شنو بس العطاب وصل الراسي
شفت كدامي الماسحه سحبتها سريع فتحت الماسحه منها وأخذت
العوده وطلعت اركض والله حسيت نفسي ولد صايع وطاك الدنيا كلها بعرض الحايط ، طلعت برى اركض هي شافتني فتحت عيونها مصدومه وختلت ورى شُعاع، يمه اني شفتها احتمت بي لو زادت الحطب بالنار صحت بصوت عالي ، لجججججججج حيووووواته
اني اعلمممممممج والله الا اخرب وجهج وهذا حلكج الي يسسسسم ، ركضت عليها سحبتها من ورى شُعاع ولزمت العوده وين الي يوجعها خلصت عليها اضرب بيها وهي تصرخ صراخ مال وحده عايقه ، شُعاع ما أتدخل بس يباوع وهي تصرخ ساعدني
هو واكف ع جهة شمرتها ع الارضيه ونمت فوكاها شعرها نتفته
لزمت راسها وصرت اضرب بيها ضرب من حيل وحركه
اصيح واغلط وهي تصيح وتغلط عليه كله فشار من هذا الثقيل صحت بيها ، والله الا اشششوفج منو بنت علي ححححقيره صميت ايدي وضربتها بكُل قوتي ع وجها اتذكرت شُعاع شلون
يضرب بمُهيمن اني سويت مثله اشيل ايدي وارجع انزلها ع وجها الدم فاض من حلكها وخشمها احس فقدت فد مره

ماحسيت الا انرفعت من فوكها ، شُعاع لازمني من خصري ورفعني عنها ظهري صار ع صدره ولازمني بقوه واني ارافس اريده يعوفني
سديت ايدي واني اضرب ع ايده انهاريت
- نارا :- عوووووووفني كُله بسببببك عوووووفني خلي اشووووف هاي الحقيررررره منو اني لك عووووووفني ماتفهمممممم ،
رجعت اهامش بس اريد يعوفني ، قرب راسه من اذني يحجي وياي
- شُعاع :- اهدئي حبيبي مو هيج موزين ع كلبج
- نارا :- **** بكلبي وكلبببببببك انتَ وياها داكول عوووووفني
- شُعاع :- اششش السانج اهدئي بابا ، واااانتِ طلعي بسرررعه
- نارا :- ثرت بالزايد اباوع عليهاا وكفت ع طولها اخذت ابنها وطلعت لو اني تخبلت ، صرت اضرب بأيده نبتت اظافري بأيده
وازلغ باللحم مالته وهو ما مهتم مشى وهو شايلني ع صدره ودخلنا للبيت

- نارا :- والله اليوووووووم اخلص عليكككككك اني هيج تسوي بيه
ولك عووووفني عوووووفني الله ياخذك انتَ وياهااااا جلاب حيوانااااات وااااانت اححححقر منهاااااا لك تخوووني وعندكككك طفل منهاااااا ليششش ليشششش ، فك اديه مني ونزلت صرت بوجهة هو واكف كدامي ما مهتم يباوع عليه حط اديه بجيوبه يباوع عليه واني منهاره ، ششششوف شلون تباوع عليه يعني صحححح يا الله
لك ماااا انتظرتني ورحت ماتحملت علمود طفل وهيج خنتني الله ينتقم منك هذا كلبي الي حركته عسااااك بحركه هذا الكلب
عبالك اني ابقى يمك بعد الي سويته والله ما ابقى والله اطلع من هذا البيت وتحلم تشوف وجهي مره ثاني والله اخليك ما تندل دربي
وتصير تتمنى تشوف ظلي ، شفتني ما عندي أهل كلت راح تسكت وتتحمل يمي وما تكدر تطلع ولا تكدر تزعل مووووو
تخسسى هسه اكدر اطلع وبهاي اللحظه ومو اني الي احتاج انسان
وربي يوكف الي بكُل وقت ما يتركني سسسسسمعتني مايتركني
وما محتاجه لكككككك

- أبي لو أنك هنا ....
لكنت تخلصت قليلاً من هذا العبء
الذي أحمله في داخلي
دون أن أتمكن من التحدث به أمام أحدهم،
من بعدك كل الأشياء المؤذية أحملها وحدي
بعدما كنت أتقاسمها معك،
لأنك كنت جميعهم بالنسبة لي،
أنا الآن وحيدة للغاية....

- شُعاع :- خلصتي
- نارا :- مسحت دموعي وضحكت ، خلصت وراح تخلص مني طول العمر هم
- شُعاع :- شلون بله ؟
- نارا :- تاركتلك هذا البيت لك والها وأني طالعه اشبع بيها ، درت ظهري اله ومشيت صعدت ركض ابجي منهاره دخلت الغرفه
رحت سبحت الجنطه فتحتها ، رحت للكنتور اشيل بالملابس واخلي بيها بدون ترتيب وبسُرعه ما اريد ابقى هنا اكثر من هيج اخلي بالملابس واحجي مقهوره ، عبالك اني بدونك اضيع عبالك بس انتَ
الي ماتعرف اكو ربي هو الي يساعدني اذا انتَ طلعت خاين
وعشيرتي اتعس منك عبالكم هنتوني لو شنو كُلكم حقراء كُلكم ، جنت منهاره حتى صوتي عالي وماحاسه بنفسي انفتح الباب مال الغرفه ودخل شُعاع

- شُعاع :- فرغتي عصبيتج ارتاحيتي من شملتيني وياهم
- نارا :- ححححالك من حالم
- شُعاع :- رحم الله والديج
- نارا :- لاااااتسوي نفسك زين و ع اساس محملني جميل أفعالك
- شُعاع :- مثل ما تريدين يابه
- نارا :- لااااااتحجي وياي هيج وتنرفززززني
- شُعاع :- شسويتلج اني شحجيت مو هاي اني ساكت
- نارا :- ابببقى ساكت اببببقى وخليك هيج خاااااين
- شُعاع :- تمام سكتت .

يمه احس بهذا البرود مالته راح يموتني اكثر درت ظهري وخليت الملابس كلبي يريد ينفجر من القهر وهذا احر ما عندي ابرد ماعنده
ولا مهتم ابد اشو هذا عافني وراح اتمدد ع السرير وغمض عيونه
لو كدامي العوده مال الماسحه الا انومها براسه وما ارتاح الخبيييث
صحت بي

- نارا :- ناااااااام نااااام نوم الظالم عباده

ماتحركت ساكت بس شفايفه تحركت بعلامه ابتسامه تقرب منه
سديت ايدي وضربته بقوه ع صدره هو صاح
- شُعاع :- اااخ يابه مو ايد توثيه
- نارا :- حقيرررررر
- شُعاع :- جاي احسبهن الج
- نارا :- حقيرررررر احسب مايهمني
- شُعاع :- نشوف
- نارا :- الله ياااااخذني ماتحسسسس بيه
- شُعاع :- اسم الله عليك ياحلو

- نارا :- بقيت ساكته ياهو مختل عقلي يا اني الي المختله لازم واحد بينه يكون مو صاحي تركته وسحبت الجنطه ومشيت وصلت للباب خليت ايدي اريد افتحه ما ينفتح رجع احاول بس ماينفتح
ضربت الباب بدفره ولتفتت عليه ، ليششش قافل الباب ؟ رد عليه وهو مغمض
- شُعاع :- بمزاجي
- نارا :- افتح الباب
- شُعاع :- ما افتح
- نارا :- تمام لا تفتحه بس انطيني المفتاح اني افتح الباب
- شُعاع :- ججججء
- نارا :- باوع بالكوه جاي اضبط نفسي حتى ما اثور عليك
- شُعاع :- اي عادي ثوري منو لازمج
- نارا :- شبييييييك ماتحسسسس وووووجع
- شُعاع :- لا مجرد من الاحساس
- نارا :- اييييييي مو حماااار

عززه ماحسيت الا طفر طفره صار بثانيه كدامي لزمني من اذني ورفعها فوك اني عطت ولزمت ايده حتى ما يسحبها اكثر
- شُعاع :- شكلتي ؟؟؟؟
- نارا :- اوووووووي أذني عووووفني
- شُعاع :- كلت شكلتي ؟
- نارا :- ماكلت بس عوفني
- شُعاع :- تدرين ردت منج بس تسكيتين وتاخذين نفس حتى احجي الج كل شي بس هسه انتِ فقدتي فرصتج حتى تعرفين
- نارا :- هاا شنو تريدني اكثر اعرف ؟ لو تريد تحجيلي شلون
سويتو طفل سوه ، رجع سحبني اقوه ، اااااااخ
- شُعاع :- السانج ولج
- نارا :- عووووفني وخر يلا
- شُعاع :- انتبهي النبره صوتج بعدين من شوكت السانج هيج مزروف كدامي ، تغلطين عليه نارا عليه !
- نارا :- لان انتَ تستاهل

- شُعاع :- لا هسه انتِ راح تخلين نفسج تستاهل الكلته شنو بابا جلدج يحكج تردين اكتلج
- نارا :- جررررب وشوف والله تضربني اضربك
- شُعاع :- هلا والله صايره سلمنتيه
- نارا :- اي لا عبالك اكعد ابجي
- شُعاع :- لا شلون استغفر الله هو منو الي يكدر الج تبجين شنو
- نارا :- ااااي لا عبالك
سحبت نفسي منه ورفعت ايدي اله
- نارا :- انطيني المفتاح خلي اولي من هذا البيت
- شُعاع :- تحلم بابا امشي روح

- نارا :- رجع نام ع السرير واني بقيت اطحن ماقبل حجيت ردت
الحايط ينطق وهو ما ينطق انطاني نظره ورجع غمض عيونه
بقيت كاعده يم الباب كدام السرير وعيني عليه أفكاري اتضاربت
وراسي احسه يريد ينفجر متت بدمي هو ما اتحرك بقى ع نفس
وضعيته ونايم مر الوقت واني كاعده اخر شي سحبت رجليه الصدري وخليت راسي ع رجليه بقيت صافنه بس خلي يفتح الباب ما ابقى ويا الخبيث غمضت عيوني وغفيت بمكاني .

فزيت انتبهت ع نفسي اني ع السرير وهو ورايه محتضني ونايم انصدمت وأيده لازمني قوي من بطني مديت ايدي ع ايده وسحبتها
ع كيف وسحبت نفسي منه هو بعده ع نومته نزلت من السرير امشي ع أطراف رجليه فتحت الباب لكيته مفتوح فرحت حتى عفت الجنطه ما اخذتها بس سحبت العباه والشال ونزلت سحبت نفس
همزين ما كعد انتبهت ع الساعه وشهكت جانت الساعه ١ باليل
يلا ميخالف الهروب الأحسن باليل وهيج وقت مُناسب فتحت باب المطبخ وطلعت وصلت الباب البيت طكيت القفل الي بي وفتحته

- شُعاع :- اي وبعدين ؟؟

- نارا :- فزيت فزه ع صوته شهكت خليت ايدي ع كلبي واني اباوع عليه لكيته واكف بالباب مال المطبخ وحاط ايده ورى ظهره
هز راسه الي ورجع حجه
- شُعاع :- وبعدين ؟
- نارا :- شنو
- شُعاع :- طلعتي منا وين تروحين
- نارا :- رفعت اكتافي ، عادي ارض الله واسعه
- شُعاع :- كلتيلي
- نارا :- اي
- شُعاع :- تعالي ارجعي عود اطلعي الصبح هسه ليل اخاف عليج
- نارا :- عليك الله ؟
- شُعاع :- وعيونج يلا بابا تعالي دخلي والباجر روحي
- نارا :- شُعاع من كُل عقلك تحجي
- شُعاع :- لا من عقلج ياكلبي

تقرب مني لزمني من ايدي ودخلني ويا اني احس عقلي انضرب هسه هذا يتشاقه وياي لو يحجي من عقله شو احسه مامهتم وبارد
كُلش حسيت نفسي هو الي مسيطر عليه ماحجيت اي شي
رحت كعدت ع القنفه وهو كدامي واكف بقى ساكت واني ساكته
هز راسه وراح كعد كدامي اني اباوع بس عليه

- شُعاع :- ليش هيج تسوين
- نارا :- اسأل نفسك شنو مسوي وبعدين تعال عليه
- شُعاع :- ما مسوي شي
- نارا :- دام احنه كاعدين ادخل بالموضوع اني ، شوكت اطلكني
- شُعاع :- من اموت
- نارا :- سحبت نفس ما اريد أضعف ، خنتني انتَ
- شُعاع :- احبج
- نارا :- خنتني
- شُعاع :- احبج
- نارا :- عندك ولد
- شُعاع :- احبج
- نارا :- طلكني
- شُعاع :- احبج

زفرت بتعب والدموع متعلقه بأهداب عيوني
- نارا :- حرام عليك لا تأذيني اذا شي يوم حبيتني ولو شوي
اعتقني، هو وكف ع طوله وتقرب مني كعد بصفي اني سريع وكفت اريد ابتعد بس هو سحبني وكعدني ع رجله صرت حيل
قريبه منه نزل الشال من راسي وسحب خصله النازله ع عيني
حطها ورى اذني
- شُعاع :- تتوقعين مني اسوي هيج شي ؟
- نارا :- شلون يعني مافهمت
- شُعاع :- اسألج بالله هيج انسان يحبج هذا الحب ويسوي هيج شي بيج ؟
- نارا :- بقيت ساكته اريد اشوف وين يوصل
- شُعاع :- احجي وياج جاوبيني
- نارا :- شنو ؟
- شُعاع :- ليش انتِ ماعندج ثقه بيه
- نارا :- كل شي يدل الي داشوفه هو الصح
- شُعاع :- من شوكت احنه نحكم قبل لا نسمع ؟ من شوكت نلقي الحكم قبل لا نسمع كلام المتهم ، من شوكت نتخلى قبل لا نشوف الدليل
- نارا :- نزلت راسي مقهوره

هو تقرب مني حط راسه برقبتي انفاسه قريبه مني قشعر جسمي ميلت راسي الراسه هو باسني ع كيف وابتعد احس اني معت بأيده
- شُعاع :- احجي
- نارا :- ها شنو
- شُعاع :- هو هذا حبج الي تفكرين ابيع بسهوله واخون بسهوله
مو كلت الج انتِ الدنيا كلها بعيني حتى لو ماعندنا اطفال انتِ الي
معوضتني عن كل شي بالدنيا الطفل اذا مو منج ما أريده
- نارا :- رجف كلبي وعيوني انملت بالدموع ، شنو قصدك ؟
هو ابتسم بوجهي ورد عليه بهدوء

- شُعاع :- يعني يا مدام هذا الطفل مو مني وكل هذا لان ما انطيتها الي تريده وعندي شغل بالمكان الي هي بي وتحاول تستغل هذا الشي مقابل تكون زوجتي يعني نكول ما تنطي الا ما تاخذ.

- نارا :- شهكت ، يعني يعني !! هز راسه
- شُعاع :- اي يا خاتون وانتِ طلعتيني من *** الجلب
- نارا :- خليت ايدي ع حلكي
- شُعاع :- ها شنو استحيتي لا احجي احجي ولا يهمج
- نارا :- لا عيب
- شُعاع :- هو انتِ شنو خليتي حتى تكولين عيب ؟؟؟
- نارا :- ها
- شُعاع :- وجعا بكَلب المهلس

- نارا :- صفنت بوجهة فجأة بجيت اني وكاعده بحضنه حضنته من رقبته وطكيت بالبجي ابجي وابجي وهو يضحك
- شُعاع :- كافي كافي ع شنو هذا البجي
- نارا :- جنت جنت عبالي
- شُعاع :- عبالج اني واحد **** واروح ويا ال*** مو
- نارا :- اي
- شُعاع :- يابه يابه حتى ما تكول حشاك شكد مطيه
- نارا :- ضحكت مختنكه بالبجي
- شُعاع :- شو بعدي وجهج خلي اشوف
- نارا :- بعدت وجعي وهو يمسح بدموعي مبتسم
- شُعاع :- تروحلج فدوه شنو هي حتى تبجين بسببها
- نارا :- ضربته ، كُله بسببك

- شُعاع :- هو انتِ انطيتي مجال ثور وهاج
- نارا :- اااااااااني
- شُعاع :- كولي لا ؟
- نارا :- لا
- شُعاع :- جذبتي
- نارا :- شلون بله ؟
- شُعاع :- ومنو لزمت العوده وطلعت تركض مثل الساحره
هي والمكنسه مالتها تصدكين ولا عرفتج بقيت صافن كلت هاي مرتي لو مبدليها نمتي عليها نيوم وكَلبتيها ع البطاله هسه
تلكيها تصيح التوبه من هل نوبه
- نارا :- شعبالك حبيبي اني انكَلب لبوه ع الي يتقرب منك
- شُعاع :- اووووويلي يابه ماتجين تنكلبين لبوه وياي
- نارا :- اسكُت مُنحرف
- شُعاع :- انحرف بس وياك ياحلو

ضحكت بصوت عالي وباوع ع الساعه لكاها عابره ال ٤ الفجر
شالني بسُرعه وصعد بيه فوك يصيح
- شُعاع :- شايفه الي حسبتهن الج شكد
- نارا :- هزيت رجليه وهو شايلني ، ههههه اي ؟
- شُعاع :- الا اطلعهن من عينج وحده وحده عبالج امررهن الج مرور الكرام يابه الا اخذ حكي منج مو بس انتِ
- نارا :- دخلنا للغرفه وشمرني ع السرير وعيونه تباوع عليه بخبث
ماكدرت اهرب منه ، وين اهرب وهن ملجأي الوحيد والاحبه ! .

ثاني يوم الصبح كعدني من الصبح ماعرف شعنده
- ها حبيبي شبيك
- كومي شو كومي نسيت اليوم اني عازم صديقي
- وكفت ع طولي ، كووووول والله
- اي والله لج نسيتيني بسبب خبالج مال البارحه
- عزززززه شُعاع شنو الحك اسوي مانايمه بس ساعتين
- تلحكين يابه واني هم اجيب وياي يلا لا تبطين

كمت من مكاني اركض سويت ريوك سريع وتركينة هو راح يجيب
المحتاجتهن واني بديت اسوي طلعت اللحم حتى يموع
سويت مطبك دجاج ومندي لحم ومرك وفواكه وهو جاب الي احتاجهن والنواقص كل هذا واني اركض منا وارجع منا خليت الاكل ع النار
ورحت اعزل بالبيت وانظفه مسحته وبخرته صار يلمع لمع
اباوع كل شي جاهز الا اني رفعت راسي ع الساعه بقى وقت
بقيت بس اني لازم اسبح وارتب نفسي ، خاصه زوجته هم جايه ويا
رحت سبحت وطلعت اركض عبالك عندي سباق نشفت شعري وسشورته خليت مكياج والعطر طلعت اشررررد شمرت الي بوسه
بالمرايا فدوه الهذا الجمال شكد حلوه اني
دخل شُعاع للغرفه من شافني صوفر الي

- شنو ياحلو تريد تطلع بهذا البس ؟
- اي حبيبي شبي
- لا بويه قصير هذا شلون تطلعين بي روحي غيري
- لاا والله حلووو
- ابد روحي غيري
- مو بعد لبست وكملت وشوف طلعت حلوه ، فريت نفسي
- تنحسدين شافه نفسج شلون طالعه هسه يطكوج بعين
- شعشوعي
- بلا تنعوص وامشي

ماكدرت بعد اغير رأيه جان قافل لبست مثل الفستان طويل لونه احمر
طلع احلى من القبله عليه وهو كُل شويه يتحارش بيه خبلني يطك بأصبعه ويغني الي " ام ثوب الأحمر "
سمعنا صوت الباب وهو نزل يفتحه اني ورى نزلت دخلوا جوه شويه وطلعت زوجته من الاستقبال واجتي يمي سلمت عليها
بقت واكفه يمي وتجهز وياي همَ كعدوا يتغدون واني وياها سوه
كملنا لملمت الهوسه ورحت اني وياها للصاله كعدنا نسولف .

- تدرين شغله ؟
- نارا :- شنو هيَ
- زوجي جان يسولفلي عليكم
- نارا :- شلون يعني
- يعني سولف الي قصه حبكم وكُلش حبيتكم
- نارا :- ابتسمت ، حبيبتي
- قصه حبكم لو صارت قصه تتوقعين الناس راح تصدك بيها ؟
- نارا :- رفعت اكتافي ، والله ما اعرف
- ليش ؟
- نارا :- لان الي عشته صعب ومو اي شخص راح يصدك الي صار وياي
- هم صحيح حقج ، زين انتِ من الموصل ؟
- نارا :- من بغداد بس عشنه فتره بالموصل ورجعت البغداد
- فهمت عبالي من الموصل
- نارا :- لا عُمري

ابتسمت بوجهي سحبت القهوه شربت منها ورجعت رفعت راسها
وهي تلعب بالحلقة مالتها

- اني وكُميل اتزوجنا عن حُب
- نارا :- زوجج ؟
- اي زوجي أخذني عن حُب
- نارا :- حلووو شلون
- اسمعي قبل صادف تفتيش علمود السلاح هاي قبل مو هسه
اني طلعت وهو صار كدامي شافني ورى فتره اجه خطبني
بس قبلها مراقبني ومتابعني وين ما اروح وسأل عنه وعن اهلي واجه خطبني
- نارا :- لمعت عيوني فرحانه الها ، واهلج وافقوا سريع ؟
- اي اكيد وافقوا حبوا

بقت تحجي الي عن قصه حبهم وعن حياتهم وحتى رقمها انطته الي ماطولوا هواي وراحوا دخل من برى يضحك وكف كدامي
كال

- شُعاع :- حبيبي
- نارا :- عيونك تحجي كول ضحك
- شُعاع :- تقريباً فد يومين هيج شي انا عازم اهلي
- نارا :- صفنت صح ما اريد اختلط بأمه بس تبقى امه ابتسمت ،عادي براحتك
- شُعاع :- ماكو شي مو
- نارا :- هزيت راسي بنفي
- شُعاع :- فدوه الروحج الحلوه شكد احبج
- نارا :- واني احبك بس خليني احبك اكثر و ورق الي هسه ، رفع حاجبه
- شُعاع :- خير ياطير تريدين تقطيني علمود تحبيني ماصايره هاي
- نارا :- كل شي اله مقابل حبيب قلبي يلا ورق الي
- شُعاع :- انا اخوك مال شنو
- نارا :- يااااا شُعاع غير مال الجامعه وهاي السنه الاخيره الي
- شُعاع :- تدرين راح من بالي
- نارا :- اي حقك حبيبي إذا هواي غبت
- شُعاع :- من بطن عيني ياعيني انتِ
- نارا :- اروح فدوه العينك شكد احبك
- شُعاع :- عفية ناس صايره مصالح
- نارا :- شعبالك قلبي هههههه

بيني وبينه مسافه هو عيونه تمشي ع طولي ونظراته تخبل تخبل
وبنفس الوقت وكحه
- شُعاع :- الأفكار الي براسج شيليها وخلي بالج شي واحد بس
شُعاع مايكون بس النارا لا طفل ولا مره يكدرون يبعدوني عنج ، الطفل من غير ما اريد وحب من غيرج هم ما اريد، اذا مكتوب النا خير ع خير واذا ما مكتوب بعد هذا رزقنا من الدنيا
- نارا :- ماتعرف كلامج شكد يخليني مرتاحه واثقه بيك اني بس ..
- شُعاع :- بس شنو ؟
- نارا :- ماواثقه بغيرك ماواثقه بالدنيا مُمكن ع ثانيه وحده تكون تحت ضغط مُجبر عليه وساعتها ماعندك غير قرار
- شُعاع :- وتتوقعين اني صغير ويخلوني تحت قرار مجبر عليه ؟؟
- نارا :- ماعرف خايفه

- شُعاع :- افاا عليج تخافين وانا يمج
- نارا :- لاتعوفني ابد
- شُعاع :- وللموت.

مرن يومين الساعه تقريبا ال٧ الصبح صوت الطلي برى اليوم العزيمه ولازم يذبح اني كُل ما يصيح اضحك تقربت من شُعاع شفته منطيني ظهره تقربت منه وصحت بصوت عالي
- نارا :- ممممممممممميع ، التفت الي وصاح بيه
- شُعاع :- الحمدلله ع نعمه العقل
- نارا :- ههههههههههه حبيبي ديصيحك الطلي برى احجي واضحك هو فهم قصدي عاط بيه
- شُعاع :- لا يا طليه يا ادبسسسزز
- نارا :- ردت انهزم لزمني اني الله ذب عليه بس الضحك صرت اكركر
- شُعاع :- ع كيفج راح تختنكين
- نارا :- الله عليك لا تذبحه خطيه
- شُعاع :- ليش يابه لازم شفتي بي واحد من خوالج
- نارا :- طفرت من يمه بسرعه وصحت عليه ، لا شفت خالتك
- شُعاع :- مووووو اجيج اجنزج لج
- نارا :- تعال ، اني كلت ما يجي شو هذا اجاني يركض واني طكيتها بركضه نزلت جوه وهو يصيح عليه بقى من فوك

رحت اكمل شغلي الطباخ يجي الساعه ٨ ولازم يجيب الكصاب حتى يذبح الطلي راد يطلع شُعاع والباب اندك راح فتحه ودخل مصطفى شايل بيده هواي علاليك واغراض

اول ما دخل مصطفى للبيت الطلي صاح مااااااااع مصطفى رد عليه
- مصطفى :- هلا بيك شكرا لهذا الاستقبال
- نارا :- ههههههههه لازم عرفك
- مصطفى :- اي مو غريب هذا من اقاربنه
- نارا :- صاح شُعاع بي
- شُعاع :- خفت الحلكك دخل الأغراض جوه لك
- مصطفى :- راح ادخلهن بس رايد من اختي الكفو ريوك لان ع لحم بطني اجيتكم
- نارا :- بعيوني

دخلوا واني سويت ريوك كعدوا ياكلون ويتناكرون واني خلصتها
بس تكركر عليهم ورى ما خلصوا اجه الكصاب اني بقيت بالمطبخ ماريد اشوف الدم بس اشوفه ادوخ وتراودني افكار مو حلوه
بس عيني غدرت بيه وشافت شلون ذبحه لو حسيت جسمي برد
ونفسي انقلبت دخل شُعاع راد ياخذ شغله من المطبخ وملابسه اكو دم شافني مو ع بعضي تقرب مني راد يلزمني ابتعدت عنه متر خايفه هزيت راسي بلا وهو افتهم مني صاح ع مصطفى يبقى يمي خاف يصير بيه شي وهو ركض فوك ماعرف وين ، مصطفى يمي يحاول يهدأ بيه شويه ونزل شُعاع مغير ملابسه وغاسل اديه
تقرب مني لزمني حطني جوه ذراعه

- شُعاع :- شبيج بابا ع كيفج ويا نفسج ، مصطفى الغي العزيمه بكاملها
- نارا :- رفعت راسي اله ، لا ماكو داعي
- شُعاع :- ماكو شي يخوف مو هذا طلي كدامج من شنو خايفه
- مصطفى :- رحم الله والديك غير انتَ اخوي هم
- نارا :- معناها يقصد هو هم طلي وشُعاع عاط بي وضربه براسه
- شُعاع :- ادبسسسسز
- مصطفى :- لك الله يالفقيرررررر

- نارا :- ضحكت وشُعاع ساندني هو شافنه هز ايده وحجه النا
- مصطفى :- هل لي سند بالدنيا غير حضنك لي
- نارا :- التفت شُعاع اله ورد عليه
- شُعاع :- عوف هاي سوالفك التعبانة وروح شوف الطلي برى يرافس مثلك
- مصطفى :- راح اطلع بس اخذ الصوف اسوي بي قمصله
- شُعاع :- تلوك لك نفس فصيلتك

خربت ضحك عليهم حتى غيروا جو الي جهزنا كُل شي وحتى الطبخ كمل والبيت نظيف وبلشوا يجون حتى بيت عابد وبيت الشذام هم اجوي وخالتي ام شيت كُلهم وبيت اهل شُعاع كُلهم
بحيث البيت صار مليان بالناس غير عن العاده يكون هادئ
ومايكون بي أحد غيرنا اني وشُعاع بي سلمت عليهم ودخلوا كُلهم سوه يسولفون انتبهت ع شُعاع راح صعد فوك اني رحت ورى صعدت
ماعرف شنو جان يطلع من الدرج

- نارا :- حبيبي
- شُعاع :- روحه
- نارا :- ماعرف ليش حسيت نفسي منحرجه بس حجيت ، عادي أعزم خالتي ؟؟ بدون ما يرفع راسه رد عليه " بلا " اني سكتت وحيل انقهرت اعرف بي يضوج منهم بعد الي صار ومن حقه بس خالتي ما الها ذنب هي مثل امي وما اذتني ، تقرب مني باسني من راسي ونزل اني نزلت ورى بس حيل ضايجه جان يحجي ويا الشذام سحب السويج مالته وطلع ، عقد حاجبي ماعرف وين راح حتى السويج مال سيارته فوك واخذ مال الشذام استغربت اني التهيت وياهم كلت بس يرجع اسأله ، ورى تقريبا نص ساعه دخل
هو اني صرت بوجهة ابتعد شويه ودخلت خالتي ورى احس روحي طارت الها قبل رجليه رحت ركضت الهل حضنتها ابوس بيها وهي طايره بيه خطيه ، طلع شُعاع راح جابها الي حتى ما يكسر بخاطري
غمز الي ودخل جوه واني الابتسامه ماراحت من وجهي طول العزيمه

صعدت اني وياها فوك حتى اشوفها البيت ودخلنا للغرفه
هي كعدت واني كعدت كدامها ابتسمت الي وسألتني بحنيه
- شلونه وياج يمه ؟
- نارا :- كُلش زين وياي بس هو الي احسه بقى الي من الدنيا
- الله يسعدج حبيبتي كل يوم ادعي الج لان اعرف انتِ شنو ، والله يا يمه امج بين عيوني واشوفها بيج
- نارا :- خليت راسي بحضنها واختنكت هي مسحت ع شعري
- اني اعتبريني مثل امج لا تكولين ماعندي احد
- نارا :- بقيت ساكته اني وهي تمسح ع شعري ماعرف شنو احجي شويه واندك الباب رفعت راسي ودخل شُعاع مبتسم
- شُعاع :- ها يمه
- نارا :- اني صفنت شنو كال الها يمه !! هي ردت عليه
- ها وليدي
- نارا :- هو شافني مصدومه ضحك بوجهي
- شُعاع :- شبيج ؟
- نارا. :- كلت الها يمه !!!
- شُعاع :- هي بمقام امج اكيد اكول الها يمه

- نارا :- احس مشاعر الدنيا كُلها ماتكدر توصف ولو جزء صغير من حنيته الشُعاع اتجاهي ااااااحبه وصرت اااااحبه أكثر وأكثر
كُل يوم وهو وياي حبه يزيد ما ينقص فعلاً هذا الي اسمه العوض
خلصت العزيمه وراحوا البيوتهم واحنه عزلنا البيت ونظفنا اني ويا
خطيه هو ساعدني ماتركني الوحدي ابد.

مرت الايام واجه الدوام هاي السنه الاخيره الي وراح اتخرج
صدُك الايام السعيده تمر بسُرعه عكس الايام السيئه ولا تمر ونحسها كأنها سنين طويله ، بلشت اداوم والأجواء تمام وماكو اي شي
وحياتي الحمدلله ماشيه طبيعي اروح وارجع اني وشُعاع سوه
هو يطلع من الدوام يجي عليه ياخذني يوصلني ومناك يطلع للشركه مالته يراجع الملفات ويشوف الأوضاع شنو وهو حاط مُدير يدير الشركه بس هو لازم يروح يشوف الوضع خاف يصير شي خلل
حياتنا هادئه و كُل شي طبيعي .

بعد مرور قرب ال ٣ أشهر جنه كاعدين واني كاعده ع رجليه وبحضني ماعون مال الفواكه اسحب شيف تفاح وأوكله وفجأة كال الي
- شُعاع :- حبيبي الباجر عندي طلعه تجين وياي
- نارا :- خليت شيف التفاحه بحلكي ورديت عليه ، وين ؟
- شُعاع :- للموصل
- نارا :- هو كال هيج واحس التفاحه ما تمشي بقت بلعومي ردت اغص هو دك ع ظهري يصيح الله الله ، انطاني مي شربته وأخذت نفس ، شكلت ؟
- شُعاع :- شكلت الج يابويه حتى هيج اختنكتي
- نارا :- لا بس ليش نروح
- شُعاع :- وجهج ليش انخطف لونه شبيج
- نارا :- هاا بس اخاف ، هو ابتسم بهدوء وهز راسه
- شُعاع :- ع شنو تخافين ماكو شي يخوف ومناك نطلع للبصره وماكدر اتركج طول هاي الفتره الوحدج ع الاقل انتِ وياي واذا وديتج يم اهلي اعرفج ما ترتاحين
- نارا :- سكتت ماحجيت صح خايفه بس بنفس الوقت اريد اروح
هو افتهم من سكوتي شنو يعني

جهزنا نفسنه حتى نطلع ثاني يوم ، وفعلاً صار ثاني يوم وطلعنا بس طول الطريق واني خايفه ولازمه كلبي
احس اخاف ادخل الموصل لا تنعاد نفس السالفه واعيش نفس الحدث من جديد رغم ماكو شي بس خايفه ومو بسهوله اكدر اتقبل الشي الي صار وياي
اني من عايشه بغداد اهون عليه ع الاقل ماكون بالمكان
الي انقتلوا بي كُل عائلتي وانسلبت مني حياتي وكُل ضحكتي ، طول الطريق شُعاع يحجي وياي ويحاول يغير الي نفسيتي ويحجي وكأن ماصاير شي قبل والوضع جداً سهل سميت بأسم الله وتوكلت عليه

رفعت راسي ع الكتابه " الموصل ترحب بكم "
ياربي يعني هسه اني دخلت الموصل كلبي صار يدك بسُرعه وحاطه ايدي ع كلبي يارب دخلتنا خير
ومايصير اي شي يعكر الهدوء الي جنت عايشه بي طول هاي الفتره .

الشمس بلشت تغيب وحل الظلام الدامس
سلك شُعاع طريق بس هذا الطريق ماعرف ليش حسيت بالخوف منه وكلبي صار يدك بقوه صرت اقرا آيات قرآنية بس حتى نطلع من هاي المنطقه
المكان حالك السواد والرعب دب بجسمي
فجأة طلعت النا سياره وصارت كدام سيارتنا وشُعاع ضرب بريك قوي ردت اطلع من السياره ، اباوع نزلوا من السياره مُسلحين صرخت بصوت عالي ارجف ، لااااا ششششششششُعاع لاااااااا ..

چنها هالمَرة صدگ متفارگين
اليوم أودي وين كُل هذا الحنين؟
مرة فارگتك دقايق ومن إجيت
گتلك شعَطلك كُل هاي السِنين
يتبع ✨️

التوقيعات ششششنوو ؟؟ منتظرتكم أحداث احووي.

.