الربتج " حالك الاسوداد " الفصل التاسع وأربعون 49 - بقلم رهف علي

أمشِي خُطوة
أيجوز يطلَع مُو سَراب
وتنفِتحَلك عِين مَاي وتِرتوي
يِمكن تلاگي بطَريقَك حُب عَظيم
ليِش گاضيهَا بغُرفتَك منطُوي
أيجوز تلگه بصَفحة مَضمون الكِتاب
بغيِر صَفحة تشوف مَفهوم الطَوي
ومَيز الأيام اليمُرن عَليك
وعيِش باچر لا تعيِش البارحة
وفَتش بحيطان بيتَك
تلگى باب گبل لا يندَك اريدك فاتحَه
والمَواقف، عيشهَا وخُلگك طويل
حَتى تتحمل وجَعها وتحتويِ
اليوجعَنك لازِم يمُرن عَليك
ألثَمرة بيش تفيِد أذا مَا تستويِ
أمشي والمَكتوبلك يركُض وراك
مِثل حَرف القَافية وحَرف الرَوي

انستا akyta_98
واتباد akyta_98
تيك akyta_98
قناة تلي akyta98

البارت الاخير لاتنسون تفجروا بالتعليقات الحلوه والتصويت + الابطال متابعين تعليقاتكم ✨️

النهاية "
كلمه من عده حروف قليلة ولكن اختصرت حياة طويله
بحلوها ومرهـــــا
بجمالها وبشاعتهـا
بصحتها ومرضهـــا
بقوتها وضعفهـــــا
بشدتها وانحلالهــا
وعرفت !!
عرفت الله أكبر من دوّامةِ حزنك وقلقك،الله أكبر من الدنيا وما فيها
عرفت إنُ الانتظام بالصلاة هيّ احلى نعمة بالحياة
عرفت خطة الله دائماً أجمل من رغبتنا
عرفت العلاقة ألما ماترضى الله نهايتهة ماترضيك
عرفت مَا راح تنجح بشي إلا لما تحب إلي داتسويه
عرفت ‏لن يهجرك إلا من كان وده مكذوبا
عرفت الي يظل يجمع الخيول، تضيع منه حتى الأصيلة
عرفت سيخجلك الله بِكرمه ويمنحكَ تلك إلمُستحيلة
و راح تعيش الحَياة التي صليت من أجلها
ذات يوم بس وسّع قلبك وأصبر سيخجلك الله بِكرمه
ويمنحكَ تلك إلمُستحيلة .

- الشذام :- طلعنا من البيت متوجهين البيت الي يحبها قاسم
هو دوخنا طول الطريق بس يهز برجله متوتر وباله شارد والجهاز
بأيده ماعرف من يراسل الا ان عاط بي كُميل
- كُميل :- شششو جيب الجهاز سطرتنا سطر بهز رجلك حتى احنه الي ما نخاف ورتنا
- قاسم :- لا بداعه ابوك جيب الجهاز جيبه
- كُميل :- لك تراسل منو وانتَ رايح تخطب
- قاسم :- اراسل شيب الخلفني يعني منو غير الي بالي
- شُعاع :- طاحظك مو كلت لك لا تراسل
- قاسم :- والله عمي الي أيده بالماي مو مثل الي أيده بالنار
- الشذام :- صوجنا اجينا عود نريد نفرحك
- شُعاع :- يُبا عوفوا ماتشوفون راح يغمى عليه من الخوف

- قاسم :- عايفكم براحتكم مثل الـــ ...
- شُعاع :- مثل شنو ولك كمل ؟؟؟؟؟؟
- قاسم :- ها لا هيج اتشاقه وياكم
- كُميل :- انسحبت القوات مالته حتى ما تعوفه بنص الدرب
- قاسم :- ابوس راسك شُعاع شعندي غيرك انا احبل اجيب
- شُعاع :- اكل تبن ع كولت الي بالي وانجب
- قاسم :- مو هوَ الي بالك كول سرك بكهوه
- شُعاع :- لا تدخل
- قاسم :- الله لا يجذبني يمكن فهمت
- شُعاع :- غبي انتَ من وين تفهم
- قاسم :- وانتَ فاهمني مو ؟؟
- شُعاع :- اي اكيد
- قاسم :- شلون
- شُعاع :- افهم للغه الحمير
- قاسم :- يعني انتَ من نفس فصيلتي

- كُميل :- ههههههههههههههه اخ بويه مانغلط بالكصه نحطها
- الشذام :- لزمت وسديت حلكه ، خاب وجع سد حلكك هسه يشمرنا من السياره وعلي
- كُميل :- لك عوفني اتشمت بي هسه قصفه قصفه
- الشذام :- هو قصفه بااكلام واحنه راح يقصفنا بالفعل
بالكوه سديت حلكه خربان من الضحك ع شُعاع وقاسم
بس يتناكرون

إلى أن وصلنا البيت الناس نزلنا كل احنه وسدينا الشارع بالسيارات
وهذا قاسم انلكف عبالك جاي من غير كوكب كل شوي ويرد يسوي كارثه هو غير لو ينجعم ويركد بمكانه لا مثل القرد كل شوي ينط بمكان

دكينا الباب وطلع رجال كبير بالعمر عرفته هذا ابوها هو شافنه استغرب بس من شاف قاسم عقج وجهة هاهي واضحه السالفه من بدايتها وماعرف شلون راح ياخذها اله ولو شُعاع معروفه عنده
ياخذها اله يعني ياخذها كلمته ماتصير اثنين
من بعد السلام دخلنا جوه للبيت وكعدنا جابو الجاي والمي ورادوا نشرب بس شُعاع حجه وياهم

- شُعاع :- الله بالخير يُبا مانشرب جايكم قبل ما ناخذ منكم كلمه وتصير السالفه الي جايّن عليها
- الحجي :- اشرب ابني وان شاء الله محلوله سالفتكم
- شُعاع :- تعرفنا احنه ع شنو جايّن
- الحجي :- اي اتفضل
- شُعاع :- قبل فتره اخونا قاسم أتقدم البنتكم
- الحجي :- وانا رفضت
- شُعاع :- ليش يُبا شايف شي ع اخونا لو معيب او بي خلل
- الحجي :- لا محشوم بس انا ما اريد انطي بنتي اله
- شُعاع :- بس انتَ بهذا فعلك جاي تكول اله بيك عيوب وماجاي تنطي شنو السبب
- الحجي :- بنتي وانا اريد ازوجها الي يناسبها
- قاسم :- عمي ليش انا ما اناسبها؟؟ شفت مني شي غلط ؟
- شُعاع :- الواضح ما شايف شي الحجي بس مايريد ينطيها
- الحجي :- مثل ما كلت ما اريد انطيها اله

شُعاع :- من شنوو خايف انتَ ؟ خايف ماتكون بنتك سعيده ؟ انا اثبت لك هسه قاسم راح يخليها تكون اسعد بنت بالدنيا
وماراح يقصر وياها بشي اخوي واعرفها يكص من لحمه في سبيل الي يحبه مو عاد زوجته ! اكيد ماراح يقصر وياها بذره وحده وهاي انا والباقين شاهدين ع كل كلمه اكولها مو لان هو اخوي وصديقي واحمد بي لا يُبا كلام الحق ينقال وهذا زواج سنين وبنتك حالها من حال اختي الي ما ارضى ع اختي ما ارضى ع بنات الناس اذا تشوف كلامي بي غلط ف هسه اكوم من مكاني واطلع واذا مابي غلط او عيب خلينا نحجي بالموضوع شكلت حجي ؟؟؟

- الشذام :- الحجه بعد كلام شُعاع بقى ساكت وبس يباوع عليه شكله حصره بزاويه وماعنده عذره حتى يكوله او يطلع نفسه من مكانه اسمع قاسم اتقرب من شُعاع يحجي ويا بس اني بصفهم سمعتهم

- قاسم :- بروح ابوك انا بشاربك
- شُعاع :- هي لك يُبا لا تخاف

- شُعاع :- ها حجي نفهم من سكوتك الرضى ؟؟
- الحجي :-احجي اسمعك
- شُعاع :- الهنا خوش الحجي اسمعني عمي ، هذا انتَ موجود
وهل زلم الخيره كلها موجوده انا هنا وبهذا المكان انطيك وعد شرف وكلمه رجال ، بنتك ماترجع لك ولا يوم زعلانه ولا راح تشكتي الكم من تقصير قاسم آلها ، اكولها لك وهوَ هم جاي يسمعني شكلت قاسم
- قاسم :- والله ياعمي مثل ما كال شُعاع واذا تريد حتى ابصم لك ع كلامه

- الشذام :- اباوع ع وجه قاسم صار اصفر لو ما عيب هسه يطكها بجيه لان مقتنع من الحجي ماراح ينطي البنت خاصه صار اله هواي يطلبها منه وكل مره نفس الكلام رجعت باوعت ع شُعاع جان هادئ ولا كأن داخل بمشكله تحديد مصير بين اثنين وحياتهم ع المحك
لو تصير لو ماتصير احس بي واثق من كل شي انُ راح يصير مثل مانريد احنه مو مثل ما يريدون اهلها اخوانها يباوعون ع ابوهم شنو يكول ومنتظرين كلامه وشكلهم يمشون ورى كلمته ، رجعت اباوع ع ابوها جان ساكت ويباوع بالوجوه كأن جاي يقرأ واحد واحد وهناك وطكها صفنه ع شُعاع وقاسم كأن جاي يدرسهم ويشوف مدى صحه كلامهم

عم سكوت قاتل وماينسمع اي شي غير بس النظرات هي الي تحجي التوتر صعد والضغط صعد حتى السكر والي بي مرض يمكن ينجلط ويموت ع هذا السوكت الي يذبح من بعد سكوت دام الفتره من الوقت اهتز المكان بصوت ابو البنت وهو يعلن عن قراره
قاسم حط ايده ع رجله يوكف تحركها واني بس اراقب بيهم
من بعد كلام دام الساعات وحوارات ما تنتهي و وعود طويله
واخيراً نطق وحرر المكان من عتمته

- الحجي :- البنت الكم ، الله يتمم ع خير ويقدم الي بي الخير

- نارا :- جنت كاعده ع نار اريد بس اعرف شنو الي صار وياهم
احس كلبي ملهوف خطيه قاسم يستاهل كُل الخير شويه وسمعت
صوتهم من برى عالي كمزت كمزه ورحت اركض للمطبخ حتى اشوفهم
دخلوا للبيت بس جانت الفرحه باينه ع وجهم وقاسم اباوع عليه حاضن شُعاع ويبوس بيه وهذا شُعاع متنرفز لان يبوسه وكُل شويه
كافخه ع راسه يبعدة عنه وقاسم لازك بي مايعوفه عرفت أهل البنت وافقوا كُلش فرحت اله خطيه مبين حيل فرحان
حتى الشذام وعابد وكُميل واكفين يضحكون هو عافهم و وكف بالنص
وصار يهوس وفرحان كُلش اول مره اشوف واحد من بعد مُعاناة ياخذ حبيبته وهيج تكون فرحته

طبعاً قاسم سوه الخطوبه والعرس كُلها بشهر وأحد حتى ما يتراجع
ابوها وماينطيها اله جان لازم كلبه كُل يوم اذا مر يكول خاف يتراجع
عن قراره الا ان صار العرس يلا ارتاح بعد هاهي صارت بحضنه
منو يتجرأ ياخذها منه إلا يحط طلقه بنص راسه ويفجره
بيوم العرس اني رحت كاعده بالسياره واباوع عليهم شلون نزلوا
بالشارع يهوسون اله العريس واكف بالنص وجماعته كُلهم واكفين دئره يهوسون

دخل عابد يهوس اله صاح بصوت عالي ها خوتي ها
كُلها ردت ورى بصوت واحد عالي هااااااا ، رفع ايده وصار يهوس
" زفينااااااااا الجان مسربت زفيناااااااا "
" زفينااااااااا الجان مسربت زفيناااااااا "
بقى يكمز بالنص وهم يكمزون ويهوسون ويا اني خربانه ضحك
ع الهوسه وقاسم ما مهتم بالعكس ويا يهوس
رجعوا صعدوا السيارات وانطلقوا البيت العروس ومن وصلنا نزلوا كُلهم من أخذوا العروسه وكفوا بالباب بعد ماصعدوها للسياره
وكف شُعاع كدام قاسم لزمه من كتفه وصاح بصوت عالي
كُلها وكفت ويا وهو صار يهوس القاسم بصوت عالي
" ولاتكول أوحيد كلنا اخوتك ولا تكول أوحيد "
كلها تصيح ورى كلنا اخوتك

العرس جان ولا بالحلام كُلش حلو وتعم بي الفرح والأصوات الموسيقى بوقتها دعيت من الله يلم شمل كُل اثنين يحبون بعض
ويخليهم يعيشون بهاي الفرحه العارمه طول العمر

- تَشابگنا ، وَنسى كُلشِي !!
صَفن وَيباوع بِرمشِي
ضحك مِن گتلة ها نَمشَي ؟
غمَزلي وگالي شُويَة
مَشة وتبُوس جدمة الگاع
شحلاة عِيُونَة اذا سَلهم
وَرگُبتَة بَيها مَدري شچم
حَدايق وَرد جُوريَة
احبَة بِساعَة المَلگة
الـ هَلا مِن تَطلع بِحَرگة
بَدفو مِن اسمَعُها مِن حَلگة
وَاردِد بَيها ليليَة
كُل ذنِي وَبعد اوصَاف
طفِيت الضُوة وتنشَاف
يَلمع خدُك الشَفاف .

- نارا :- الفرحه ترست كلبي واني اباوع ع شُعاع مم بعيد واكف يباوع عليه بكُل فخر وحُب وبنفس الوقت كأن يشوفني من أعظم
الأشياء الي يمتلكها ، رفعت القبعه التخرج واني اسمع المصور
يصيح بصوت عالي جاااااهزييييييين واحد ، اثنين ، ثلاثه ، ارفعوا القبعات ، رفعت قبعه التخرج والضحكه ماليه وجهي وكُل الطُلاب رفعوا القبعات وهناك والتقط النا صوره التخرج ، صفكنا بفرحه
والأصوات أعتلت والتبريكات اداولت بين الطُلاب والأهالي

رفعت راسي اباوع ع شُعاع جان واكف وحاط اديه بجيوبه يباوع عليه
رفعت ايدي ولوحت اله من بعيد ونزلت من المدرجات ركض عليه
وكفت كدامه هو رفع اديه باسني من راسي كدام الكُل
- شُعاع :- مَبروك التخرج حبيبي
- نارا :- اني تخرررررجت شُعاع تخرجت
- شُعاع :- ههههههه فدوه اروح الهاي فرحتج
- نارا :- سحبني وحضني اني حتى العيب كدام الناس ما اهتميت
اله حيل فرحانه هو شالني وفرني واني بس اضحك واكو بيهم
صاروا يصفكون النا

واخيرا حققت حلم ابويه واخيراً
ياربي من بعد هذا التعب هاي اني اتخرجت شكد واجهت صعوبات
بحياتي بس اخر شي لابُد انُ نعيش القدر المكتوب النا سواء شر او خير الله فتحها بوجهي من بعد اسوء ايام حياتي الي عشتها

استمرينا بالحفلة مال التخرج واخذنا صور هواي طبعا اني وشُعاع أخذنا صور إلى أن هلكنا من العب
طلعنا من الكُلية واحنه ايد بأيد سحبني اتجاهة وحطني جوه جناحه
إلى أن وصلنا للسياره فتح الي الباب مال السياره اني ضحكت
وصعدت سد الباب وتحول للباب الثاني
اباوع عليه التفت ماعرف ع شنو ورجع صعد مسح ع وجهة وردد
- شُعاع :- يا ابو الحسن
- نارا :- استغربت ، شبيك شُعاع؟؟؟
- شُعاع :- لا ماكو شي حبيبي
- نارا :- ما عرت الموضوع أهمية بس الي صدمني شغل
السياره وداس البانزين ومشى سريع شهكت ، ششششُعاع شكوو؟
اني اتهسترت اريد اعرف شنو الي صار احجي ويا ما يجاوبني
اخر شي حط ايده ع راسي ونزله جوه صاح بيه
- شُعاع :- لا ترفعين رااااااسج
- نارا :- الله يخليك فهمني شششكو ؟ فشرت بصوت عالي وصار يغلط ويسب ماعرف ع منو
- شُعاع :- ***** منهم ومن أهلهم السكَط ماناوين يعوفوني الا **** يلا يرتاحون

- نارا :- الرعُب دب بجسمي واني اشوفه سحب السلاح مالته
ومشى ع الجسر يمه الخوف الي عشته ماعايشه احد رفعت راسي
اباوع ورانه اكو سيارات حتى ماكدرت اعدهن شكد بالضبط انهبطت ومنهم ومنا شُعاع يصيح ويفشر احس انثولت حتى ما صرت اعرف شنو اتصرف ولا حتى ادعي هيج عبالك مصدومه وكفت السياره
التفت الي شُعاع حجه وياي
- شُعاع :- اتشاهدي بابا كل شي يصير

- نارا :- فتحت عيني ع وسعها هو نزل من السياره بعد ماكو امل لان شفت ٥ سيارات طبكن علينا وحاصروا المكان حتى الي يريد يساعدنا مايكدر يخافون ع نفسهم لا يصير بيهم شي وهمَ يشوفون
الي يصير كدامهم بدون شي ، من نزل شُعاع التفت الي وكال انزلي اني نزلت من السياره مثل ما كال و وكفت يمه جنه واكفين بصف حافه الجسر اباوع من جوه اكو مي رجعت نظري ع شُعاع
جان ينزلون من السيارت كلهم وصاروا كدامنا بس بينه مسافه

صاح وأحد بيهم

- امشي ويانه بدون مشاكل
- نارا :- شافوا ما اهتم الكلامهم عاط واحد بصوت عالي
- اااااصصعددددد لك اااااصعد للسياره والله الا انطلع الفلوس الي اخذهن ابوك واكتلك من بين عيونك وعيون هاي الحلوه الي وياك

رجعت نظري ع شُعاع اباوع عليه اعرفه من يتعصب بس مابين الهم وضحك كال الهم " هسه اصعد وياكم مثل ماتريدون "
اني كُل ظني انُ شُعاع هاهي استسلم الهم وراح يصعد وياهم بس
بحياتي وعمري كُلة ما جنت متخيله ولا متصوره انُ يسوي هذا التصرف ويخطي هاي الخطوه حتى بدون ما اني اعرف كُل شي صار بلمح البصر وبلحظه وحده اتقرب مني شُعاع وشالني اني مو طويله ع كد ايده الهذا شالني بسهولة هي شيله وهي طفره من فوك الجسر للمي الصرخه الي صرختها وقتها اتفزز الميت
ماحسيت الا بأصطدام المي بجسمي بقوه وصوت الاصطدام القوي
أثر ولوج أجساد بداخله
شهكت شهكة قويه وحسيت المي كُله دخل بحلكي اني ما اعرف اسبح روحي فرفحت احاول اطلع بس احس شي يسحبني من جوه
كُل ما اريد اطلع نفسي يسحبني أكثر فرفحت روحي وحسيت
هاي اخر لحظات حياتي هاهي راح اموت هناااا وحسيت بشُعاع
يرفعني من جسمي ويصيح بصوت عالي حتى اسمعه

- شُعاع :- ررررخي جسمج ع كيفج هيج راح تغركيييين لج بابا
رخي رخي لاتسوين هيج مااايصير
- نارا :- راااح راااح اموووت راح امووووت
- شُعاع :- ما تموتين انا وياج ع كيفج بس اهدئي لاتسوين هيج
هاي انا يمج راح اطلعج من هذا المكان
- نارا :- ماا... مااا جاي اتنفس
- شُعاع :- هاي طلعتج والله بس لاتسوين هيج وادوهنيني

احس سحبت المي كُله ودخل الصدري صرت اسمع بس صوت خبصه وسيارات شرطه من بعيد بس احس اني رحت الغير عاالم
كُل الي احس بي هو شُعاع من سحبني للضفه حسيت طلعني من المي ويدلك بصدري فزيت وصرت اسُعل والمي الي بداخلي
كُله طلعته شهكت بصوت مخنوك هو سحبني الحضنه يمسح ع راسي وظهري ويحجي وياي بس مامركزه بي شنو يكول
مابيه حيل حتى ارفع نفسي جسمي احسه باد حيلة

ورى وين يلا وعيت ع نفسي وع شُعاع

- شُعاع :- اعرف تعبتج وياي اتحملي حبيبي هاي طلعنا الحمد لله
ماكو شي ماكو شي

غمضت عيني تعبانه شويه وحسيت اكو ناس صاروا قريبين من عندنا وصارت هوسه وحتى الشرطه موجوده واكو بيهم جدد مايعرفون شُعاع منو يكون الهذا رادوا يتقربون منه ويعتقلوا هو لزموا لو تخبل
منا عصبي لزم ودفعهم بحركه قويه خلاهم يرتدون للخلف يصيح عليهم ويتعارك وياهم هم معاندين هم وراكبين رأسهم اني بس ارجف وطعم المي الي بحلكي يلعب النفس اخر شي طلع الهوية مالته من ملابسه جانت تنقط مي ورفعها بوجهم همَ من شافوا الهويه اتخبلوا صاروا يصيحون اله سيدي وسيدي شنو تسوي هنا وشنو تحتاج هو عاط بيهم وعافهم اجه عليه شالني

من شالني اني لزمت بي ماكدر حتى امشي روحي رايحه
واحس عبالك متت ورجعت عشت هذا الي جنت احس بي
اصلاً اني مصدومه من الي صار وياي كلمة وحده ماحجيت
مو قليله الي عشته ! ومحد راح يعقل الي صار حتى لو احجي
البعد اسبوع او سنه محد راح يصدكني اذا اني بذات نفسي
ما مصدكه الي صار وياي

صعدنا بالسياره مال واحد من الولد القريبه من عندنا
ومشى بيه للمستشفى بس قبل لا يروح حجه
ويا الشرطه بس مستعجل ورجع عليه يركض شغل السياره وانطلق بيه بسرعه للمستشفى كُل شويه يباوع عليه احس نظراته
كأن متندم لان صار هذا الشي ومتندم لان اني ويا وشفت هذا الشي
يحس ماراح اتخطى ضرب السكان بقوه ايده ومشى اسرع
إلى أن وصلنا للمستشفى بس جانت الطُرق ازدحام خلته بس يغلط
نزل ونزلني ويا بسُرعه دخلوني للطوارئ

بس هرجهم هرج بس يصيح واكف فوك راس الدكتور ويصيح
حتى خبص الدكتور خطيه ولا اني اكدر احجي واكول اله أهدأ
روحي بردت رفع راسه الدكتور يحجي ويا شُعاع من بعد ما عايني

- الدكتور :- حالتها زينه ما عليها خطر بس تحتاج راحه زين ما مكسوره اضلاعها
- نارا :- اباوع ع شُعاع دخننن بس يخزر
- شُعاع :- يعني زينه اكيد ؟؟
- الدكتور :- اي الحمدلله
- شُعاع :- وهسه اكدر اطلعها
- الدكتور :- اي ماكو داعي تبقى هنا تكدر اطلعها
- شُعاع :- جيد

طلع شُعاع من جيبه الجهاز لكه الجهاز مالته طافي متشبع بالمي
رجع رجعه الجيبه وتقرب مني حضني من راسي البطنه

- شُعاع :- اسف بابا والله انجبرت اسوي هيج لان انتِ وياي
ماردت تتأذين منهم واعرف بيج تعبتي من هذا الوضع بس مو بيدي
الي صار
- نارا :- همهمت اله وحضنته بأكثر قوه عندي سمعته زفر انفاسه
بقوه وهو يستغفر عرفت هو محمل نفسه الي صار لو الوحده
مايهتم بس لان اني ويا حس بفداحه الموضوع وخطورته
- شُعاع :- تكدرين تمشين ؟
- نارا :- همست اله ، اي بس اسندني
- شُعاع :- بعيوني اسندج يلا بابا كومي خلي نطلع
- نارا :- اي تمام

نزلني من السدتيه ومشاني طلعنا برى ماعرف ليش ما أخذ السياره مالته واخذ تكسي صعد وصعدني ويا اساساً السياره الي اخذها من اجينه للمستشفى مو سيارته سياره واحد من الولد وهمَ ماقصروا خطيه لان سيارته بقت ع الجسر مالحك ياخذها واني بهذا الوضع
بعد ما انطى شُعاع العنوان البيت مشى بينه صاحب التكسي
بس ساكت واني هم كُل شويه اغمض وارجع افتح تعبانه إلى أن وصلنا للبيت نزلنا وشُعاع كال اله انتظر هسه اجيب الفلوس من
البيت ، بس سدينا باب السياره اشو هذا صاحب التكسي
شخط السياره بقوه وطفر بسُرعه داز الها بنازين اني بقيت فاتحه حلكي مصدومه ليش سوه هيج ؟؟؟

- نارا :- ليش سوه هيج شنو خايف من عندنا ؟؟
- شُعاع :- **** لو ما **** مايسوي هيج
- نارا :- ألفاظك شُعاع
- شُعاع :- امشي ادخلي يلا
- نارا :- اي اي

فتحنا الباب ودخلنا لفت نظري اكو ورقه بالارضيه بس شكلها غريب
يعني البيت اعرف بي نظيف وماعندنا هيج أوراق الورقه عليها شخطات حمر حتى شُعاع انتبه عليها دنك سحب الورقه وقربها يم
خشمه واشتمها هز راسه وضحك اني استغربت شنو هاي ؟
- نارا :- شُعاع هاي شنو الورقه ؟؟؟؟
- شُعاع :- معليك بابا عوفيهم ***** الوحدكم
- نارا :- شمر الورقه بالكاع وسحبني ويا دخلنا جوه للبيت

اني مابيه حيل اناقش بسُرعه تركته ورحت سبحت وغيرت ملابسي
المبلوله طلعت من الحمام لكيت شُعاع ينتظرني بالباب من شافني
اتقرب حضني واخذني للسرير اعرف بي هو خايف عليه
ومايريد يتركني الوحدي حتى الحمام جان واكف الي حتى ما يعوفني الوحدي سحبني من ايدي كعد ع السرير وكعدني بحضنه
يمسح ع وجهي وعيونه بعيوني الذبلانه

- شُعاع :- أكثر شي بالدنيا اكرهة انُ انجبر ع شي وانتِ وياي
انا ما تهمني نفسي الي يهمني انتِ كل ما تتعبين بسببي انا الي اتعب أكثر يعرفون نقطه ضعفي بيج ويستغلوها بس وعيونج
ما اخليهم يتهنون
- نارا :- انملت عيوني بالدموع همست ، شُعاع خايفه
- شُعاع :- يموت الخوف يموت وما اشوف نظراتج هاي والله
اشلع عمري كله وكلبي وانطي الج لاتخافين
- نارا :- هسه يرجعون الناا يريدون ياخذوك مني يريدون يأذوك
- شُعاع :- هذا انا وياج مارحت كافي حبيبي لا تخافين وياج انا

خليت راسي ع كلبه وهو يمسح ع ظهري سحب جهازه الثاني
موجود بالبيت واتصل ع الشذام بعده ماحاجي الرجال وشُعاع
حجه ويا كال اله
- تعال للبيت بسرعه وجيب عابد وياك
- شكووو صاير شي ؟؟؟
مارد عليه شُعاع وسد الجهاز شكد عيب من الرجال خطيه اني بقيت بحضنه بس ورى دقايق قليله اندك الباب عرفت اجه لان بيتهم
قريب ع بيتنا نزلني شُعاع من حضنه وراح يفتح اله الباب اني نزلت ورى شفتهم دخلوا للاستقبال ورى ربع ساعه هيج شي اجه عابد
هم دخل للاستقبال اني الفضول موتني اريد اعرف شنو الي صاير
وشنو الي راح يحجون بي تقربت اسرق السمع ع ولعل افهم شي
تقربت اسمعهم يحجون .

- شُعاع :- اندور ع واحد واحد ماتشوف الصلافه الي عندهم كدام الناس و ع الجسر رادوا مني اصعد وانا لو ما نارا وياي وخفت لا اصعد ويسون الها شي ماجان شمرت نفسنا من الجسر ودخلتها
بهيج حاله خطره لو ما ستر الله ماعرف شنو ممكن يصير
- عابد :- اكوووو ظهر وراااهم
- الشذام :- اي اكيد اكو تلكاهم من جماعه ابو الله يرحمه
هسه تلكاهم واحد يفتر ورى الثاني يصفون الي بدوا بي
ومايخلصون
- شُعاع :- انا وياهم والزمن طويل نخلصهم نخلصهم
بس خلي كلمه بينا بدل الربتج حتى ما يعرفون بيها لو صار شي
- عابد :- شنو هيَ ؟
- شُعاع :- .....
- نارا :- حاولت اسمع بس ماكدر اسمع لان صوته ناصي اخر شي سمعته هو g1 استغربت ومافهمت شنو يعني رجع حجه شُعاع

- شُعاع :- اليوم بشارع 75

فتحت عيني مصدومه بالموووصل يقصد !!! بقيت ادك ع راسي
خايفه ومرعوبه شنو يقصد ليش هذا الرقم راح اتخبل يعني هذا
شارع لو شنو مره لمح إلي شي بالموصل وبي رقم 75 بس مافهمت معقوله يريد يروحون هناك ، حسيت اكو واحد بيهم
اتحرك اني سريع طفرت للغرفه بس شنو كلبي صار يدك بقوه
دخلت للغرفه شويه وانفتح الباب ودخل شُعاع

- شُعاع :- اانتِ مو تعبانه ؟؟؟؟
- نارا :- اباوع عليه عاقد حواجبه عصبي اني نشف الدم بجسمي ولوني انخطف هزيت راسي ، ااي تعبانه
- شُعاع :- ليش تتسمعين ع كلامنا ؟؟
- نارا :- فتحت عيني مصدومه ، هاا ما اتسمعت عليكم ، عاط بيه
- شُعاع :- نااارااااا اشششش لا تجذبين سمعت مشيه رجليج
- نارا :- دهررررررر شلون
- شُعاع :- مو غشيم انا
- نارا :- اي زين شنو تسوي بالموصل دام انتَ كشفتني
- شُعاع :- ها لازم سمعتي الي كاتلج الفضول عليه
- نارا :- اي رقم 75
- شُعاع :- شصخم بالموصل بعدين هذا الاسم خاص بينه
- نارا :- وشنو يعني ؟
- شُعاع :- لاتسألين بابا نغيره مايبقى نفسه
- نارا :- اااااي ؟؟؟؟
- شُعاع :- وجعي بكَلب العدو اكعدي واسكتي معليج حتى جاي مانريد

اباوع عليه اتخطاني وشلع الساعات ودخلهن بالغرفه وحتى الاجهزه مالتهم جابهن وحطهن بالغرفه وفتح المجر مالته طلع خارطه شكبرها واخذ قلم اسود بس شكله حلوو وطلع قفل الباب كل هذا الي سوا
واني بس صافنه مصدومه وما مستوعبه الي صار هسه
طلع راح يمهم رجع وماعرف ع شنو يخططون اني عقلي صار يضرب اخماس بأسداس اباوع ع جهاز الشذام جاي يتصل باوعت لكيت عنقاء تتصل عليه اني نصيت الصوت وفتحت الاتصال عليها

- نارا :- الو ، هي احسها انصدمت
- عنقاء :- منو انتِ ؟
- نارا :- اني حاولت اكتم صوتي حتى مايبين رديت عليها، انتِ منو ؟ عاط بيه
- عنقاء :- منووووو انتِ وزوجي ويييينه
- نارا :- يمي ، هي فشرت ورجعت عاطت بيه
- عنقاء :- **** رجلي ووووينه منو انتِ
- نارا :- لاتفشررررين وووجع
- عنقاء :- ناااارااااا هاي انتِ والله هذا صوتج
- نارا :- لا جوارينهم هسه يلا عرفتي وجع
- عنقاء :- امدااااج يالثوله ، شيسوي جهاز الشذام يمج
- نارا :- خيه غير حبسوني يمهن عبالك اني جندي
- عنقاء :- ششششنو ؟؟ عززززه شنو صار
- نارا :- اسمعيني "حجيت الها كل شي " بس ماعرف ليش خلوني يم الاجهزه وهمَ بعيدين عنها ؟؟؟ جان تعيط بيه عيطه فزيت من يمها
- عنقاء :- لللجججججج ثوووووله يراقبوووون أجهزتهم الهذا بعدوهن من عندهم وانتِ كعدتي تحجيييين كل شششي

سدت الجهاز بوجهي واني بقيت اكل بنفسي ارجف عزززه بعيني اني شنو سويت بقيت حايره يعني هسه اذا جانوا يراقبون الاجهزه معناها سمعوا وعرفوا كل شي مر وقت طووويل والبيت هدوووء
الابره اذا شمرناها بالكاع ينسمع صوتها بس عقلي صار يصور الي
شغلات تخوف يارب ماتصير سالفه بسببي غير اموت
انفتح الباب فزييت فزه قويه رفعت راسي مرعوبه

- شُعاع :- اسم الله بابا شبيج هذا انا شكو مرعوبه
- نارا :-هاا لا بس جنت صافنه وانتَ فتحت الباب
- شُعاع :- اهاا زين راح اخذ الاجهزه
- نارا :- تمام

اخذ الاجهزه واني عيني ع جهاز الشذام بس لا عنقاء تحجي اله
او يصير شي كُلش خايفه كلبي يدك يدك ورى تقريبا ساعه هيج شي
وما احس الا الباب مال البيت انضرب بقوه وصوت شُعاع
يصيح بصوت عالي انهبط كلبي

- شُعاع :- نااااااراااااااا
- نارا :- دخل عليه عصبي وعيونه ناطه عروق الي برقبته مبينهكثر ما شاد اعصابه ، وكفت ارجف اباوع عليه يخوف يخوف من يصير عصبي عاط بوجهي
- شُعاع :- يااااادين محمد شحجاااااااااااج
- نارا :- هاا اني شنو ماحاجيه شي
- شُعاع :- تقشمررريني هاااااي مكالمج مسسسجله مسسجله
- نارا :- صرت احجي مخربط واحس معدتي صارت تقلب ، شنو ماعرف شنو حجيت اني شبيك شُعاع

اتقرب مني بعصبيه صار كدامي اني بطني صارت تأذيني بقوه
دفعته وركضت للحمام دخلت وسديت الباب صرت اتقيء وروحي احسها طلعت اسمعه من برى يصيح حتى افتح الباب اله واني مو كادره حتى أعين نفسي استمريت اتقيء إلى أن ارتاحيت كل هذا وهو هرج الدنيا يدك الباب بقوه ويصيح حتى افتحه بادت روحي وكعدت بالحمام مسلوبه روحي وماعرف حسيت شي نزل مني
بس ماعرفت شنو بالموت رفعت نفسي وصلت للباب فتحته هو
واكف كدامي راد يلزمني يريد يعرف شبيه ، اني دفعته وهمست بنحول " ووووخر عني " رحت للغرفه وهو يمشي ورايه اتمدد ع السرير وخليت راسي ع المخده وبجيت

ماعرف شبيه احس نفسي اتخبلت صرت ابجي واشهك فجأة اجه ع بالي ابويه شلون قتلوا وكل اهلي صرت ابجي واصرخ واحجي كلام
مو مفهوم ووويييين يلا حسيت بشُعاع يضرب ع وجهي ويصيح اصحي اصحي فتحت عيوني اباوع عليه كدامي بس شنو خايف وعركان عليه واني روحي ذبلانه مابيه حيل عيوني بالكوه افتحهن احسهن مورمات اسمع صوت الشذام وعابد يصيحون خلي ناخذها للمستشفى وهو مامهتم الهم عيونه بس عليه يريد يطمئن عليه
قوست شفايفي مقهوره وبنفس الوقت خايفه

- نارا :- والله ما اعرف شلون حجيت
- شُعاع :- اششش حبيبي طز بيهم كافي المهم انتِ كل شي يهون العيونج كافي اهدئي
- نارا :- حط راسه برقبتي ويردد " كل شي يهون لعيونج "

شويه وكام راح طلع الهم يحجي وياهم واني اسمعهم يحجون
- شُعاع :- انتوا كملوا الي كلت الكم عليه انا ساعه واطلع
- عابد :- خويه خلي ناخذها للمستشفى
- الشذام :- اي صح هي منا جانت مهبوطه وهسه زادت
- شُعاع :- لا ماكو داعي
- نارا :- اسمع الشذام صاح من ورى الباب بصوت
- الشذام :- عااادي نارا انتِ من البدايه جفصتي بيها
- شُعاع :- اااانجب لك ويلا اطلعوا برى
- عابد :- لك الله يالفقير كل شوي تنطرد
- شُعاع :- وغصب عنكم يلا انقلعوا

اسمعهن يصيحون وهو يعيط بيهم إلى أن طلعهم سد الباب ورجع عليه كعد بصفي وسحبني الحضنه حط راسي ع صدره بقى يهدأ بيه
إلى أن حسيت رجعت الطبيعي قبل لا يطلع جاب عنقاء يمي
هو اخذ ملابسه اني من شفت عنقاء كدامي حضنتها وانفجرت بالبجي بقيت احجي الها وهي تواسيني احسها اختي أكثر من اختي الي من امي وابويه اني واحجي وياها احس دخت دوخه قويه رفعت راسي الفوك هي شافتني لو تخبلت صارت تصيح شبيج
شبيج ، اني دفعتها وركضت للحمام صرت اتقيء من جديد ابجي واتقيء هي ورايه ادك ع ظهري وتحاول تفهم شبيه واني بس ابجي إلى أن هدأت وهي حضنتني المشكله هي هم تبجي وياي خايفه لا بيه شي

اخذتني للغرفه حضنتني بقوه خلت راسي بحضنها تمسح ع شعري وصارت تغني الي دللول يانارا دللول اني من سمعتها اتذكرت ماما
ونفس الشي هي جانت تسوي الي هيج بقيت ابجي ودموعي
تنزل من كل شي حتى ذاكرتي ماسعفتني ولا رأفت بحالي
واني تعبانه .

- الشذام :- طلعت من البيت واني افكر شوكت يحلون عنه
ويعوفوا هذا الرجال شكد تعب بحياته واتورط وكل ما يكول حلال
تجي تايهة من هاي التايهات ،ابو بالدوله وما مرتاح وحتى من مات هم ما مرتاح هاي احنه بشغلنا ونركض ورى هذا وذاك وهم ما ملحكين مو عاد هوَ ادري شيلحك الحياته !
- عابد :- بشنو جاي تفكر ؟
- الشذام :- جاي افكر بأخوي هو رجال حوم بس مايتساهل الي جاي يصير بي
- عابد :- خويه هوَ جاي يدفع ثمن أفعال ابو وهاي المسكينه الي ويا
هم اتورطت لان تعتبر نقطه ضعف اله
- الشذام :- الله يساعدهم
- عابد :- زين اريد اسأل سؤال ولو أتدخل بس هوَ شُعاع مايسوي أطفال خايف عليهم لو شنو لان اعرفه هو يحب الأطفال وروحه بيهم
لازم يخلي سند اله بالدنيا
- الشذام :- ماعرف واني هم ما اكدر افتح ويا هيج موضوع رغم اشوفه من يشوف أطفالي ياخذهم بحضنه يبوس بيهم
- عابد :- ها هيج السالفه
- الشذام :- اي امشي نروح للبيت ونكمل امورنا ونشوف شُعاع
- عابد :- خوش

ورى شويه اتصل شُعاع عليه سألني
- شُعاع :- وين انتَ ؟
- الشذام :- بعدني بالبيت بس اغير ملابسي
- شُعاع :- طاحظكم وحظ الي يعتمد عليكم الحفله راح تخلص والعروس راح تجي وانتوا بعدكم
- الشذام :- صدك !! هسه نجي
- شُعاع :- هاي نباوع عليهم راح يجون للمطعم
- الشذام:- بس ثواني ، اتصلت ع الولد ؟
- شُعاع :- اي
- الشذام :- جاي اني جاي

كملنا تبديل اني وعابد وطلعنا اكو هواي سيارات موجوده مركونه
هي تبين مابيها أحد بس موجودين بيها جماعتنا محد يعرف بيهم
هنا همَ وكفنا يم المطعم ونزلنا دخلنا لكينه شُعاع كاعد ياكل
ومنزل اكل هواي رحنه يمه اني وعابد وكعدنا ناكل بس عيونه تّحرك بتخفي بدون ما احد ينتبه شويه ودخل واحد من بالباب ورى كم دقيقه رجع دخل واحد ثاني بعدها انتظرنا ماكو مادخلوا غيرهم رفعت راسي الشُعاع سألته

- الشذام :- شنو وين الباقين ؟
- شُعاع :- لا راقبت اتصالاتهم محد راح يجي بس ناخذ هذول دكه وحده يكتون الاكو والماكو
- الشذام :- فز عابد ملهوف وبعيونه لمعه شر
- عابد :- عليك الله خلي نكوم عليهم هسه انطبطبهم
- شُعاع :- انجب منا العالم موجوده
- عابد :- يلا يلا شوكت اتحمست اكفخ ايدي تحكني
- شُعاع:- مو هسه ابني اصبر

- الشذام :- بقينا كاعدين لبسنه محد يعرفه ولابسين كاسكيتات
انرتقب وناكل حتى ما نلفت انتباه شُعاع ضرب عابد وصاح بي
- شُعاع :- لك *** لا تمد ايدك ع لحمتي لا اشك حلكك
- عابد :- خويه خليني اكل اذا انتَ منزل كل شي
- الشذام :- خاب هييي صوتكم نصوا
- شُعاع :- انتَ تسكت لا اكوم هسه كدامهم احصرك جنك **** بيضه حتى ابيض من حياتي
- عابد :- اي والله هذا حتى أبيض من تيسير ههههههههه
- شُعاع :- ضربه ، شبيك تضحك جنك وحده ****
- الشذام :- صحت بيهم ، خااااب انتوا شله لو سلمنيته
ادري جاين تسختون لو تشتغلون
- عابد :- شنو حبيبي إذا ما عاجبك عوف ماعونك واطلع منا
- شُعاع :- ديربالك ترى عينه ع لحمتك
- عابد :- ليش حجيت مو ردت استدرجه واكل لحمته
- الشذام :- شكد طايحين الحظ انتوا
- شُعاع :- انا ما مشول وياكم
- عابد :- لا انتَ تاج وباج يابه

- الشذام :- هم بقوا كاعدين احنه كمنا طلعنا من المطعم وبقينا ننتظرهم برى ورى فتره همَ طلعوا واحنه طلعنا وراهم
شفناهم نزلوا ومشينا وراهم بتخفي
شويه وشُعاع انطى خبر وكُل واحد من مكانه ينطي خبر للثاني
ك أمان للمكان الي هو بيه ويبلغ الموجودين

- ربتج رقم 7
- ربتج رقم 8
- ربتج رقم 9
- ربتج رقم 10 NO
- شُعاع:- The situation is not safe, take another route
1
2
3

- الشذام :- بعد هتاف شُعاع والعد ركض عليهم واحنه ورى نركض
وتحركنا وتحركوا الي موجودين ويانه شُعاع ركض ع واحد منهم ودفره ونام عليه نيوم وهو منا ضخم سحبناهم وصعدناهم بالسياره
واخذناهم للمكان ، نزل شُعاع يصوفر وعابد بصفي حضني ادفع بي
وعيني ع شُعاع جانت نظراته نظرات شخص شيطانيه دخل الهم للغرفه ونزع فانيلته وكعد كدامهم اني ورى صار يحجي وياهم

- شُعاع :- راح اجيكم بالحسناء ولو هي حسناء هسه اتزوجت ميخالف اجيكم بيها واذا ما حجيتوا شكو شي بجسمكم اكرضه
وطلعه من هذا المكان ما الكم والي جاي تغطون عليهم هسه بشربه ماي باعوكم لان جانوا متأكدين منكم انتوا مو كفو ويعرفون بيكم
أغبياء، هسه ياشاطر بيكم يحجي منو الي وكف ع الجسر اريد اسماء والعنوان احجوووووا
- الشذام :- محد نطق بيهم حاول وياهم بالهدوء محد اجه ويا
اخر شي شُعاع رفع رجله ودفر هذاك ترس اجتي الدفره بنص صدره شمره بالكاع شلون طار طيره رحت سريع لزمته ، لك ششششُعاع هسه اذا سويت بيهم هيج بعد منوو يعترف لك !!!
- شُعاع :- اااااانتَ اسسسسكت معليك
- الشذام :- دفعني وراح عليه شاله من شعره وبقوه ايده
ضربه كف ع وجهة خله الدم ينفر منه نفر من يمي فكي صار يوجعني
رجع ضربه مره واثنين وثلاثه
حتى خشمه كسره رحت بسرعه لزمته لا يموتهم وهم يرافسون جوه ايده ، لك ششششُعاع مو هيججج رجع دفعني وهذاك من الخوف
انطى اسماء والعنوان رجع شُعاع ضربهم ودفرهم وطلع من الغرفه
طلعت ورى

صاح بوجه الحراس
- شُعاع :- اذذذا اشتمواااا الهوى من دون علمي انتوا الي تتحاسبون مفهوووووم
- الشذام :- كلها صاحت مفهوم وطلع طلعنا ورى شال الجهاز
واتصل
- شُعاع :- 75 تجهيزات فوراً

طلعنا وشُعاع عصبي نار غير الغلط والفشاير مالته مالهن والي
صعدنا السيارات و وصلنا للشارع الي متجهزين بي
السيارات موجوده بس طافيه وصل النداء الشُعاع ع جهازه
انُ واحد منهم دخل جوه رد عليه شُعاع
- شُعاع :- تراجعوااا
- الشذام :- انطاهم الخبر لان صاروا يراقبون وشكلهم انتبهوا
همَ تراجعوا مثل ما كال الهم وطلع السلاح مالته طلعوا بالسياره
ولحكناهم جماعتنا طلعوا الهم من الشارع الثاني يعني بس يمشون يصيرون كدامهم واحنه وراهم همَ داسوا الها وحاولوا ينهزمون
بس وين ينهزمون من بين ادينه طلعت سياره جماعتنا صارت كدامهم وكفت سيارتهم ماكدروا يعبرون واحنه حاصرناهم من ورى لا يكدرون
يمشون للكدام ولا بيهم يرجعون للورى نزلنا احنه
وهم نزلوا رفعوا سلاحهم ورفعته اسلحتنا بوجهنا

عابد اتهور بينه واجتي الطلقه بي ع صياح شُعاع فزيت يصيح
- شُعاع :- لااااا عااااااااابد خوووويه
- الشذام :- للحظه حسيت الدنيا اسودت بعيوني واني اشوف اخوي متمدد بالكاع والدم مالي جسمه صارت اشتباكات عنيفه
بس انتهت وكدرنا نلزمهم ، ركضت العابد اباوع شُعاع حطه بحضنه
يطبطب ع وجهو حتى يصحي وعابد بس يردد
- عابد :- بنتي امانك عندكم بنتي امانه عندكم ، بركبتكم بنتي
- شُعاع :- لككككك عاااااابد ديربالك تموووووووت

- الشذام :- شلنا اني ويا وصعدنا بالسياره وهو ينزف نزف مو طبيعي خليت راسه بحضن شُعاع واني اسوق اسمعه بس يوصي ع بنته واني لو بيدي اطير بالسياره شُعاع يصيح عليه حتى يبقى واعي واني اصيح عليه نريده يبقى مايغمض عيونه إلى أن وصلنا للمستشفى، نزل شُعاع يركض شال عابد شيل ودخل بي للمستشفى يركض ويصيح رغم ضخامه عابد بس شُعاع كدر يشيله الوحده دخلت ورى اركض والارضيه مال المستشفى مليانه دم عابد
- شُعاع :- اخوووووووي اخوووووووي اتصوب الحكوووووا
- الشذام :- حطوا ع الستديه وشُعاع يصيح
- شُعاع :- راح يصيررر زين مابيه خساره جديده راح تصير زين

- الشذام :- أخذوا من عندنا ودخلوا الغرفه العمليات بقينا يم الباب نفتر مثل طير المذبوح هذا اخونا هذا ضلعنا وعضيدنا لو صار بي
شي احنه ننتهي اباوع ع شُعاع صار احمر خفت عليه لا يصير بي شي خليت ايدي ع كتفه ، راح يصير زين عابد رجال قوي ما يستسلم بسهوله ياخويه ،
هو مارد عليه بس مدنك راسه اعرفه جاي يلوم نفسه يعتبر هوَ السبب بس هوَ هذا الشغل ونعرف بي خطر

مرت ساعات واحنه بس نفتر نريد واحد يطمنه عنه بس ولا واحد
كال شي براسه خير تعبنه وهلكنا من الانتظار إلى أن طلع الدكتور ركضنه ركض اله ملهوفين الكلامه عن اخونا

- شُعاع :- كول شي خير دكتور
- الدكتور :- الحمدلله ع السلامه نجحت العمليه والمريض اتعدى مرحله الخطر
- الشذام :- شُعاع من سمع هيج حضن الدكتور يتشكر منه بس شنو حضنه بقوه حسيت الدكتور اتكسر ، سحبت شُعاع منه والدكتور يضحك ، الحمدلله رجع بطلناااا
- شُعاع :- الحمدلله بطل هذا بطل
- الشذام :- اي شفت كلت لك راح يطلع بالسلامه ، ابتعد عني سجد بالكاع سجده شكر اني اباوع عليه كلش فرحان

مر الوقت إلى أن كعد عابد وفك البنج مالته دخلنا عليه
اني وشُعاع هو جان مفتح عيونه بس مبين تعبان خطيه شافنه ابتسم
- الشذام :- كبر لفك شبيك سلمتها بساع كرصني بقوه وهو يضحك
- شُعاع :- لك اخذت كلبي وياك ما اتوقعت تطلع هيج عزيز عليه
- رد عابد بتعب
- عابد :- جذاب اني اخذت كلبك لو نارا
- شُعاع :- اشتعل الشذام لك شكد احبك اني
- الشذام :- هسه اني شكو تخلوني بالنص صدك جذب
- شُعاع :- انتَ اكل تبن
- عابد :- خويه اريد الطحينية مال مرتك من صواب مصطفى بقى طعمها بحلكي
- شُعاع :- يابه تدلل اذا ع بس هاي

- الشذام :- اتصل ع زوجته بس مافتحت خط ولأن عنقاء يمها اني سحبت جهازي واتصلت عليها اسمع يمها هوسه سألته مستغرب
وين انتِ شو يمج هوسه ؟؟؟
- عنقاء :- احنه بالمستشفى
- الشذام :- خيرررر شكو شنو صاير ؟؟؟
رفعت راسي الشُعاع اباوع عليه هو هم يباوع عليه عقد حاجبه
- شُعاع :- والله ناغزني كلبي شبيك تباوع عليه هيج
- الشذام :- خويه
- شُعاع :- اااحجي
- الشذام :- نارا بالمستشفى ماخلاني اكمل كلمتي دفعني بسرعه
وطلع يركض يركض ركض متهستر واني ورى اصيح عليه بس مايسمعني

- نارا :- فزيت من حضن عنقاء ، امشي نروح للمستشفى بعد ما اكدر اتحمل
- عنقاء :- شلون زين بس خلي ننطي خبر الهم
- نارا :- بعد مااااا اكدر عنقااااء بطني جاي تمووووتني ، بجيت من الالم وهي لزمتني لبستني وهي لبست وطلعنا لكينه تكسي برى صعدنا ورحنه للمستشفى من شافوا حالتي بسُرعه دخلوني اني احس روحي تريد تطلع احس الالم دمرني
نومتني الدكتوره وصارت تفحص بيه ورى شويه رفعت راسها

- ماما انتِ حامل

- نارا :- العاصفه الي اجتاحتني بهاي اللحظه ما اكدر اوصفها
كميه المشاعر الي حسيتها ماحاستها من قبل الشعور الي اجتاح كلبي وكُل جزء بيه ماكدر اوصفه عيوني انملت بالدموع بس لا هاي المره دموع الفرح دموع المعجزه من بعد التعب من بعد هاي السنين
واخيرً صرت حامل واخيراً راح اكون أم واحس بهذا الشعور ياربي كلبي صار يدك بقوه وأريد اطير من الفرحه مو عارفه شنو اسوي بس حبيت نفسي وحبيت الدنيا بهاي الثانيه

- الدكتوره :- بس الطفل متأذي متعرضه الشي او الجُهد
بس اني راح انطيج ابر وحبوب مثبت للطفل
- نارا :- بقيت صافنه ع الدكتوره وحتى أفراح شكلها مصدومه وياي
رجفت شفايفي واني اسألها ، الله عليج يعني صدُك اني حامل ؟
- الدكتوره :- اي والله حامل
- نارا :- رفعت ايدي اشكر ربي وابجي انهاريت بس هوَ هذا الانهيار الي طلبته من ربي هو هذا الانهيار الي يحبه كلبي
واخيراً بجيت من الفرح مو من كسره كلبي
عنقاء بصفي تبجي وهي هم فرحانه الي
- عنقاء :- تعالي حبيبتي ارتاحي هنا لا اتعبين نفسج
- نارا :- سحبتني وكعدتني حتى ما اتأذى رفعت راسي واني امسح دموعي ، باعي عنقاء الله رزقني
- عنقاء :- والله احس نفسي اني الحامل ماتصدكين شلون فرحانه الج ياعمري مبروووووك
- نارا :- ههههههه راح اصير ماما
- عنقاء :- واحلى ماما بالدنيا
- نارا :- وراح اعوض طفلي عن كل شي فاتني
- عنقاء :- اكيد هذا الشي
- نارا :- ياربي فرحانه كُلش
- عنقاء :- بعد روحي الله يديم هاي الفرحه الحلوه عليكم

كاعده واني مبتسمه رفعت ايدي وخليتها ع بطني يعني هسه اكو طفل هنا يعني هسه ببطني اكو بيبي بذره حبي اني وشُعاع هسه هنا مامصدكه كميه الفرحه الي اني بيها
رفعت راسي العنقاء لكيتها صافنه بيه تتأملني والبسمة ع شفايفها
فرحانه الي هواي
- نارا :- باعي ماريد شُعاع يعرف بيه اني حامل
- عنقاء :- ليش ؟
- نارا :- اريد اسوي اله مفاجأة وماريد يعرف هسه بس مصطفى حتى هو يساعدني
- عنقاء :- تمام حبيبتي مثل ما تريدين

بعدني جاي احجي وياها وما اسمع الا صوت شُعاع العالي
وهو يصيح بأسمي ناااااارااااااا ، حسيت دخلني إنذار وكفت ع طولي اباوع عليه اجه يركض ركض ماصاير بس شنو وجهة احمممر
عبالك انسان ثاني حتى خفت عبالي عصبي لان طلعت بدون ما اكول اله هو وصل يمي جان يسحبني من ايدي ويدخلني بنص صدره ويحضني بكُل قوته

- شُعاع :- اااااخ بووويه وكفتي كلبي ااااااخ شبيج بابا شنو صاير بيج ليش انتِ هنا
- نارا :- ابتسمت ، ماكو شي حبيبي شويه تعب
- شُعاع :- اي غير تخابريني ماتعرفين شنو صار بيه من
سمعت بيج هنا
- نارا :- فدوه لك ياروحي اطمئن بس خلي احجي ويا الدكتوره وارجع
- شُعاع :- شكالت الج شنو الي بيج ؟
- نارا :- هاا بس هيج يعني بسبب التعب ومشاكل صحيه
يعني ماكو شي ، يااااا شُعاع وين رايح
- شُعاع :- كلامج مايفيدني اريد اعرف منها شنو الي بيج
- نارا :- لزمت كلبي دخل للدكتوره ماريد يعرف اني صرت ورى شُعاع صرت اغمز الها وأشر الها حتى تفهمني انُ ماتحجي اي شي هي شكلها فهمتني من سألها كالت اله مابيها شي مُجرد تعب عادي تصير هو بقى صافن عليها ما مقتنع بس اهم شي
ماعرف قبل لا يطلع كال من تخلصين اني برى انتظرج هزيت راسي وهو طلع بقيت اني وعنقاء يمها

- الدكتوره :- ليش رفضتي تبلغي؟
- نارا :- ردت اسوي مفاجأة ماريد يعرف هسه
- الدكتوره :- هههههه اذا هيج ف حقج ،
الف مبروك
- نارا :- تسلمين حبيبتي

طلعت اني وعنقاء لكيته ينتظرنا برى صعدنا و وصلنا للبيت
من نزلنا هو حاضني الصدره حتى عنقاء خجلت منه وطفرت
واني اضرب بي لان خجلها وهو يصيح عليه " حلاااالي قابل بايك "
عرفت بعابد بالمستشفى غير ردت اتخربط ويغمى عليه اعزهم احسهم مثل اخوتي وهمَ حيل حبابين وياي بس طمني عليه
وكال إصابته زينه وراح يطلعوا الباجر من المستشفى للبيت يعتنون بي واساساً الشذام ويا ماتركه الوحده مسوين مناوبات عليه

بيومها كُل ماتلعب نفسي انهزم منه حتى مايشك بيه ومن ارجع يسألني وين جنتي اكول اله اشرب مي لو مثلاً اكلت ماريد
يحس الا ان تكمل المفاجأة بيومها باليل أخذني الحضنه ونومني مثل الطفل بحضنه إلى أن صار الصبح كعدنا واني بس اريده يطلع حتى انفذ خطتي ويا مصطفى اني اتصلت ع مصطفى وكلت اله يجي ف من اجه ودك الباب فتحه شُعاع اله مستغرب

- شُعاع :- ها ولك شعندك هنا
- نارا :- دخل مصطفى يهز بأيده
- مصطفى :- هاا شلووونكم
- شُعاع :- شكو جاي خيرك
- مصطفى :- والله مشتاق الكم وكلت اجي اشوفكم
- شُعاع :- خير ان شاء الله منك من الشيطان تشتاق النا
- مصطفى :- شني شايفني مطي ما اشتاق
- شُعاع :- حشى المطي عنده مشاعر أكثر منك
- مصطفى :- رجاءً لا تشبهني بعابد
- شُعاع :- والله لو يسمعك هذا شعرك يهلسه
- مصطفى :- خلي يطير اتصاوب وبعده السانه رشاش

- نارا :- رفعت جهازي ودزيت رساله المصطفى كتبتله " خلي شُعاع يطلع من البيت بأي طريقه اريدك بموضوع ضروري " وديتها هو من وصلت رفع الجهاز وفتح الرساله باوع عليه وهز راسه رجع كتب الي ودز
- مصطفى :- سهلة
- نارا :- ورى شويه اجاني شُعاع
- شُعاع :- حبيبي راح اروح شويه البيت اهلي واجي
- نارا :- الا شويه اجيت اطلعه بأيدي كتمت ضحكتي ، روح عُمري
هوَ طلع سديت الباب وركضت المصطفى لكيته كاعد منتظرني
- مصطفى :- شبيج شصاير ؟؟؟
- نارا :- كعدت كدامه والضحكه شاكه حلكي
- مصطفى :- لزمت كلبي بس لا مسويه مصيبه وتريدين تكربسيها براسي موووو اي اعرفج حظي واعرفه شلون مشعول الصفحه
- نارا :- ضحكت من كل كلبي عليه لا وانوب يمثل بوجهة
عفس وجهة وصاح بيه
- مصطفى :- خرب حظي خرب حظي ماتجيك يامصطفى بس البلاوي احجيلي شنو هي البلوه الي راح توكع براسي
- نارا :- احزززر
- مصطفى :- شنو ؟؟ مو وقت حزازير وخزازير اطلعيلي بالنظيف

ضحك ع تصرفاته عبالك كدامه فد مرض مُعدي
هزيت اله حواجبي

- نارا :- راح تصير عم
فتح عينه مصدوم خطيه
- مصطفى :- اااااااحلفي!!!
- نارا :- والله
- مصطفى :- يعني راح يصير شُعاع اب وانتِ ام !!!
- نارا :- اي والله ، شو هذا طكها بهلهوله زرف بيها اذني زرف
يهلهل ويرجع اليورى واني الله ذب عليه الضحك بس اكركر
شمر هوسه بصوت عالي وصار ييهلهل

- مصطفى :-
فرح بيك الحرَم بالمولد وْ حياك
وْبامر رب الجلاله يرحب بْملگاك

- نارا :- يبوووو مصطفى عوف الفرحه ع جهة رايده مساعدتك
- مصطفى :- ها بشنو كولي تريدين اني اكول الشُعاع سهله
- نارا :- لااااااا
- مصطفى :- شبيج زرفتي اذني لعد ؟
- نارا :- اريد اسوي اله مفاجأة عن خبر الحمل وأريد مساعدتك
- مصطفى :- هااااا يعني سوالف رومانسيه
- نارا :- رومانسيه مو رومانسيه المُهم اريد المساعده
- مصطفى :- اي كولي اسمعج
- نارا :- اريد تجمعهم كُلهم هنا بالبيت بيت الشذام وعابد وبيت خالتي ام شيت وفاطمه وخالتي اخت امي
اريد اشوف الفرحه بعيونه
- مصطفى :- اجيتي يم الشخص الصح لعبتي
- نارا :- هاا ولازم نفاخ وكوشه وكل هاي السوالف
- مصطفى :- سوالف مال أتراك هذن
- نارا :- وشبينه احنه قابل الرومانسية بس الهم
- مصطفى :- لا حشاكم يابه ، اليوم باليل مو ؟؟
- نارا :- اي بس ماريد شُعاع يكون موجود بوقت التزين
- مصطفى :- بهل حاله لازم الشذام يعرف
- نارا :- عادي مو مشكله

اتصل مصطفى ع الشذام وحجه ويا وبلغه بس اسمع صوت التصفير
من الجهاز وصوت الشذام يصيح فرحان ويهوس سد الجهاز وكتبت اله كُل شي اريده والكيكه ردت عليها اسم شُعاع ونارا وبالنص اسم بولانت هو باوع ع الاسم وطكها صفنه
- مصطفى :- شنو هذا الاسم تركي ؟
- نارا :- عوفك من هذا الحجي اريد منك تساعدني بتعديل الغرفه
- مصطفى :- عادي مو مشكله سهله بس اكعدي لا يوكع الطفل
ونبتلي غير شُعاع يهججنا
- نارا :- هههههه لا ماكو شي شبيك ، ها وأريد انغير مكان القنفات
- مصطفى :- سهله سهله

شويه وراح يجيب كل الي وصيته عليهن اني اشتغل والفرحه تارسه كلبي ورى فتره رجع محمل بالاغراض والكيكه بعدين تكمل
صعدنا رتبنا الغرفه حتى القنفات والبيت وكل شي نفخنه النفاخ والزينه وكل شي صار مرتب وحلو احس عيوني صارت قلوب الحُب
من كثر الفرحه تقريبا صار المغرب واتصل الشذام ع مصطفى فتح السبيكر اسمعه يحجي

- مصطفى :- هااا ؟
- الشذام :- لك مصطفى هذا اخوك صار يلوب كل شويه وكال اريد ارجع للبيت مرتي مريضه واني مجلب بي لا يطفر ويجيكم يخرب عليكم
- مصطفى :- ها هي كل شي كامل تعالوا كُلكم حتى انتوا
- الشذام :- تمام

رحت اتجهزت وكل شي كامل حتى الكيكه وصلت وخليت السونار بوكس صغيره وبيها شريط مسدود ع شكل فيونكه لون احمر
شويه وصار يجون شوي شوي همَ مستغربين عبالهم هاي الحفله علمود التخرج مالتي همزين سالفه التخرج غطت ع المفاجأة وماخربت عليه يعني بأختصار نقذتني صاروا وجابوا عابد خطيه شفته رغم تعبه اجه الله يساعده كُلهم دخلوا جوه بس شُعاع بعده ماداخل
طفيت الضوه وهم مصدومين مايعرفون شنو صاير سمعت صوت شُعاع دخل يصيح شكو الكهرباء وينها شو ماكو

اني وكفت متجهزه بس شنو احس كلبي صار يدك بقوه من دخل
سريع مصطفى شغل الاضواء هو باوع وبقى مصدوم عيونه تنتقل بين هذا وهذاك هز راسه الي
- شُعاع :- شكوو ؟؟؟ شنو صاير هنا
- نارا :- ضحكت بفرحه ومشيت اله حضنته فرحانه ، شصاير يعني
- شُعاع :- اني الي اسألج شنو صاير
- نارا :- اباوع عليه الحد هسه مصدوم

سحبته من ايده وأخذته للكوشه الي مجهزيها والميز عليه الكيكه وبصفه البوكس هو يباوع بس مامركز لان عيونه تنتقل بينه وبين الكوشه والأجواء وكلهم يصيحون احجوولنا شكو اني مطنشتهم بس مركزه ع شُعاع وكفت يمه وأخذت البوكس الصغير ورفعته اله

- نارا :- هاي هديه لك
- شُعاع :- بس اليوم مو عيد ميلادي
- نارا :- اعرف
- شُعاع :- شنو المناسبه ؟
- نارا :- ابتسمت ، افتحها وانتَ تعرف ، فتح البوكس وبقى صافن دقيقه كامله هو بس صافن بالبوكس رفع راسه يباوع عليه
احسه مصدوم رجع نزل نظراته يباوع بالبوكس طول بنظرته ورجع يباوع
عليه احس عيونه انملت بالدموع يريد يحجي بس مايكدر اني من شفته هيج نزلت دموعي اباوع عليه شلون ابتلع ريقه حجه بصعوبه

- شُعاع :- انتِ حامل ؟
- نارا :- هزيت راسي ، اااي راح تصير أب
سريع شمر البوكس وحضني بقوه وفرني ما مصدك ويصيح
- شُعاع :- الحمد لله الحمد لله رااااااح اصير أب رااااااح اصير أب
- نارا :- شايلني ويفر بيه وكُلهم يهوسون ويصفكون بس اني ويا بعالم ثاني صرت ابجي ع رده فعله وهو احسه بالموت مسيطر
ع نفسه مايبجي نزلني وبقى حاضني حط راسه برقبتي وبقى
ماتحرك للحظه وحده اهتز كلبي وجسمي واني احس بدموع شُعاع نزلت ع رقبتي بس ماراد يرفع راسه اعرفه مايريد يشوفنه يبجي
رفعت ايدي الشعره امسح عليه واني ابجي ورى شويه ابتعد عني باسني من بين عيوني ومن خدودي ومن جبيني وهو عيونه حمررر
دم بس مبينه الفرحه ع وجهة حيل فرحان

اجوي كُلهم يباركون اله ويحضنون بي وخالاتي يهلهلن والبنات يصفكن حتى عابد الي مابي حيل وتعبان وكف يريد يهوس بسلازمي بالكوه حتى ما تنفتح الخياطات مالته

رجعت نظري ع شُعاع لكيته صافن عليه يباوع بنظرات حيل حلوه
كاعده بصفه وهو ايده ع كتفي محتضني وكُلهم كاعدين ياكلون كيك
ويسولفون هزيت راسي

- نارا :- هههههه شبيك
- شُعاع :- فرحان بيج
- نارا :- ااااه بيه لو بالطفل ، سحب نفس بقوه كأن ديكول العكس
- شُعاع :- فرحان بيكم انتوا الاثنين خليتوني اسعد انسان بالعالم
ماتعرفين شلون طاير من الفرح والله لو اكول الج الدنيا ماواسعتني
من الفرحه يمكن تكولين هذا جاي يتشاقه وياي
- نارا :- نظراتك هي الي تحجي كل شي يعجز يكوله السانك
- شُعاع :- عرفتي شنو اكول ؟
- نارا :- عرفت مايحتاج تعلمني حافظه نظراتك حفظ مثل اسمي
- شُعاع :- اااااخ منج ااااخ

رد ارد عليه بس فزيت ع صوت الشذام

- الشذام :- من هسسسه اسمعني شُعاع
- شُعاع :- خير ياطير
- الشذام :- بنتك الابني واذا كلت غير هذا الكلام نتخارب
- شُعاع :- ابنك خوش ابن بس ما انطيها
- الشذام :- ليش لك لما هوَ سميك
- شُعاع :- حتى لو اذا الله رزقني بطفله شحده الي يتقرب منها
الا اسوي وصلتين واحرك ساس الي يتقرب منها
- الشذام :- طاحظك كسر كلبي وحطمت مشاعري
- شُعاع :- هذا الواقع
- الشذام :- هو بكيفك ؟؟؟ شو اخذها الابني وغصب عن راسك
- شُعاع :- جرب ومد ايدك الا اكسرها واعلكها بركبتك
- الشذام :- ااااخ بويه هاي هيج صارت
- شُعاع :- وازود

- عابد :- لا خلي يولي هسه يطلع ولد ومن هسه احجزه البنتي
- شُعاع :- لا يابه بنتك جبيره ع ابني
- عابد :- شطلعت هاي العمر مو مهم
- شُعاع :- الي بمزاجي اسوي لا بنتك ولا ابنك انتوا الاثنين
- الشذام :- مو صوجك صوجي اني الي جاي اخذ رأيك
شبيه ماعندي أدين خلي تجي البنت بالسلامه وفنك اذا فتحت حلكك هاي اذا ما حبت ابني وتعلقت بي
- شُعاع :- محد يتقرب البنتي سمعتوااا اشكه شكتين الي يتقرب منها

- نارا :- احنه نسمعهم وبس نضحك هم يحجون بشقه بس شُعاع اخذ الموضوع بجديه صح هادئ بس مبين عليه ماعاجبه حتى خلاني اكركر هذا شكله من البدايه راح يصكرنا اني وبنتي لو ابني عمتي ام شُعاع كاعده ومبتسمه يعني ما تدخل بس فرحانه النا والباقين
كُلهم فرحانين كل واحد كاعد يم زوجته وبصفه أطفاله ماحسينا الا ع ضربه الماعون بالميز فزينا نباوع ع مصدر الصوت لكينا مصطفى

ضربت الماعون بالميز ويباوع ع الكُل بعين ونص

- مصطفى :- يعني والله حرااام عليكم
- شُعاع :- وجع شبيك
- مصطفى :- الله مايرضاها ولا محمد يرضاها
- عابد :- خيرررر شبيك تولول
- مصطفى :- يعني كل واحد متزوج ويمه زوجته واطفاله
وبس اني العزابي الي كاعد بالنص طكننننني الحنين المرتي المستقبليه
- الشذام :- اي ماتزوج اكو احد لازمك
- مصطفى :- هي وينها مرتي وينها جايه وكلت لا الها
- شُعاع :- بس أشر عليها من الباجر اروح اخطبها لك
- عابد :- ااااالعب
- الشذام :- بيها يابو سميره
- مصطفى :- حششوا عليه سريريه واني الي طاكني الجفاف
اااااخ كلبي كله بسببكم
- عابد :- شسوينه لك ولك
- مصطفى :- خليتوني افكر بالزواج سويتوا الي الواهس
شكووول عليكم شحججججي لك الله يالفقير
- عابد :- يطبك سم روح اتزوج لازميك مانعيك

- نارا :- شُعاع سند ظهره ع القنفه وحجه ويا مصطفى بجديه

- شُعاع :- ليش ما تزوج شنو الي ناقصك شغل ؟ هاي جاي تشتغل ، والتخرج وانتَ متخرج واذا تريد تشتغل بتخصصك من باجر تنفتح لك عياده خاصه واذا تريد هاي المعارض موجوده لو الشركه
شنو الي ناقصك ابني واذا تحب وأهلها ماقابلين من باجر اروح
اطلبها لك حتى لو ماقبلوا اخليهم يقبلون وبشرط يكونون همَ الفرحانين بهذا الزواج
- نارا :- جان يحجي والكُل يستمع وهادئين حتى إخوانه الكبار
كام مصطفى وباس شُعاع من راسه
- مصطفى :- ماتقصر خويه والله اعرف بيك قابل تعلمني بيك
- شُعاع :- شنو الي يمنعك؟
- مصطفى :- ماكو بنت الحلال الي دخلت بالي الحد هسه وشكلي صعب الكاها
- شُعاع :- الطيبون للطيبات ماكو شي صعب كول يا الله واتوكل
وخلينا نفرح بيك
- مصطفى :- ان شاء الله خويه

تأخر الوقت وكلها طلعت ودعناهم برى وقفلنا الباب ودخلنا شافني كدامه تقرب حضني بس ساكت مايحجي واعرف بي من يضيع عنده الكلام مايحجي
بس يسحب نفس ويزفره بقوه صار يتمايل بيه
كأن رقصه السلو بدون موسيقى واني حاطه راسي
ع صدره الحنين الدافي وهو متمسك بيه ابتعد عني
يباوع بعيوني

- ليش تباوع عليه هيج
- شلون يعني
- نظراتك
- شبيهن ؟
- تخلي كلبي يرجف
- وانا اريده يرجف بس يمي
- تحب تشوفني ضعيفه كدامك
- خليج ضعيفه بس يمي اما لغير لا اريد لبوه شرسه تكونين
- هو اني من اشوفك اضيع
- ضيعي بيه مثل ما ضايع بيج من زمان

بعدهل صعد قبلي واني ورى لكيته طالع من الحمام وجان يصلي اني سريع دخلت سبحت وطلع شفته متمدد ع السرير ابتسم الي نشفت شعري سريع وخليت مرطب باوعت عليه هو فتح اديه الي رحت دخلت بحضنه هو حضني بقوه يبوس بيه بهدوء

- فرحان حبيبي ؟
- ناري حبيبي لا تسأليني هذا السؤال لان جوابه ما اكدر اجاوبج عليه
- ليش ؟
- كلمه فرحان قليله بحق الي صار ، جنت اتمنى هذا الشي من ربي ودوم ادعي الله يرزقني منج ثمره حبنا تجمع دمي ويا دمج تمزجهم سوه ماجنت أبين الج هذا الشي ماريد احسسج حتى ما تضوجين بس بكل صلاه اصليها اطلب من ربي الذريه الصالحه
كل شي بالحياه رزق والحمد لله الله رزقنا بهاي النطفة واشكر
ربي عليها ليل نهار وهم قليله
- هو يحجي واني ابجي رفع ايده مسح دموعي يضحك
- هاي بسبب الحمل لو شنو
- بسبب الحمل وبسبب كلامك
- شبي كلامي
- حلووو كُلش فرحانه اني بيك وبالطفل وبكل شي جاي يصير هسه
- انتِ انسانه عظيمه وقويه بنفس الوقت الي مريتي بي مو قليل
وهذا الشي عوض من رب العالمين الج صح اختبرج هواي
بقوتج وأيمانج وصبرج بس بالاخير انتِ نجحتي وكدرتي تتخطين كل الي صار وبجداره يمكن اكو أشخاص بنفس مكانج استسلموا بس انتِ قويه وانا شفت هذا الشي بعيوني بدون ما احد يكول
- كل الي صار وياي جنت صابره لان اعرف مكتوب الي
- اي اعرف بيج

مشيت اديه ع اديه الي محتضه بطني واجه ع بالي كُل الي مريت بي وكُل شي صار بحياتي من اول ما وعيت ع الدنيا إلى أن وصلت الهذا اليوم بعمري ماجنت متوقعه راح اعيش مثل هذا اليوم من بعد العيشه الي عشته واحداث الموصل وقتل اهلي كلت مستحيل اكدر اعيش من جديد بس عرفت انُ الحياه تمشي ماراح توكف راح نعيش ونشرب وناكل ونفرح ونضحك راح نعيش ماراح نموت صح تموت بينا اشياء بس الله يرجع ينبتها من جديد

شكد اتمنيت اخواتي ترجع علاقتهن بيه بس للأسف هنَ اختارن يكونن بعيدات عني ماعرف شنو السبب اذا هذا منهن او من ازواجهن لكن طريقه كلامهمن اثبتت الي هنَ الي مايريدن يحجن وياي واني ما احب اثقل ع احد تركتهن المهم اعرف بيهن عايشات ومرتاحات هاي كُلش كافيه ، شكد اتمنيت امي عايشه وارجع التقي بيها وشكد اتمنيت اخواني الي ماعرف وينهم اذا ميتين لو عايشين
ارجع اشوفهم من جديد اذا عايشين اتمنى التقي بيهم ويجمعني القدر بيهم واذا ميتين الله يرحمهم يبقون طيور بالجنه لان صغار
اما ابويه اااخ يا ابويه الي دمعتي عليه الحد هسه ما ناشفه كُلهم
اتمنى التقي بيهم سواء أحياء او اموات

فزيت ع شُعاع باوعت عليه لكيت حاط راسه ع بطني ويبوس بيها تحديدا مكان الجنين
ضحكت هو رفع راسه يضحك بوجهي رفع نفسه ورجع شعري ورى اذني همس كدامي ونظراته اكلتني اكل

- شُعاع :-
البارحة نمت بقصيدة
والأغاني گمت أَملها
الليلة بس انت التحلها

باسني بخفه وابتعد مبتسم واحس اغضان ذابله بروحي خضرت

- شُعاع :- احبج ماشتي الحلوه ، الوضع
يمج ربتج حبيبي ؟
- نارا :- ربتج حبيبي ربتج

- شُعاع :- انتِ الصواب الوحيد بين أخطائي المرة

ــــــــــــــــــــــــ•●•ـــــــــــــــــــــــ

هُم عاشوا لبعض وأنا طويت الكتاب
أنتهت الحكاية وبات الجميع سُعداء
النهاية
1/18

أنتهت الروايه
وأصبح حُب الشُعاع إلى نارا حكاية تروى
إلى بذرة حُبهم يومآ ما
ذات يوم !
كُتبت رواية لأشد اقوياء هذه الحياة
رجلا شرسً لفتاة قويه قد جمعهم القدر
في ليلة حالكه السواد
ذات عاصفه حياتيه مُهلكة ازلية
شاء الله لهم أن يكونوا معاً
فتاة مسلوبة الحياة لرجَل لا يُهاب الموت
مغروسه القدم لِمَطعون الظهر
ليصبحوا في يداً واحده
واليحاربوا نحوا الانتصار

رجُلاً الشُعلة المُلتهب
دُمر ما لم يَكون في الحُسبان وأصبح ملك الزمان
هاجم وأقصى ، ذات الوجوه العديدة والاخطار الخفية
القوه عنوانه والضُعف عدم استقراره
ناصر المَظلوم ومُقاتل الزقوم
أخذ من مصدر ضُعفه قوهً
وأصبح الحليف لهُ عدم الثقه
كان ولا يزال غامضً لسببً لا يُذكر
قاتل حد النهاية ونال شرف الصداره حتى يُفنى .

فتاة نارً النور ع نور
مُكافحة إلى أخر نفس فيها اتخذت قوتها من أيمانها
وتَمسكُها بربها و بعقيدتها
فاقت المعقول قادت العقول لآخر المقتول
جامحهً كُل ما باتتّ تُضعف تعود ويبث لها الله فيها الصبر من جديد
الصبر خليلها هذا ماتميزت به رغم كُل ما مرت فيه لم تستسلم
حتى الرمق الاخير
من انا ؟
انا هي فتاة النار حد النهاية.

يعز عليه اختم رواية كانت السبب بجمعتنا ع الحُب والموده اتمنى نكون اني والابطال خفيفين الظل عليكم وما سببنا اي سوء الأي شخص ومانكون تركنا خلفنا الا الذكر الطيب

إلى هُنا أكون وصلت وياكم المحطة الاخيره اذا التقينا مره ثانيه أو لا اتمنى تكونون بخير إلى الابد احبكم ✨️🤍

.