الربتج " حالك الاسوداد " الفصل التاسع وثلاثون 39 - بقلم رهف علي

- هذا الوجـع مو عادي
هذا الوجـع يخنگني
حاولت اشـرد من البيت
بس البيت يلحگنـي
اطلع من القفص فرححان!
وترد النااس تلزمنـي
هو الهوى الأشتمه؟
مثل تـيـزاب يحرگني ..

الصوت حيل قوي هز المكان هز واللهب حيل قوي الصوت حيل مُخيف
بنفس اللحظه كُلنا نزلنا روسنا لحظه وحده حسيت احنه راح نموت كُلنا بس الله لطف بينا وجان الانفجار بعيد بس من قوته حسيته قريب منه
بقينا كم دقيقه ع نفس الوضع الا ان سمعت صوت شُعاع يصيح

- شُعاع :- يلااا حرك السياره سريع وارجع شذذذام
- نارا :- اباوع ع عنقاء صفره وشفايفها بيض حقها هي ما عايشه بهيج أجواء بس تبجي والشذام يسكت بيها خايف عليها وشُعاع عيني عليه
كأن يكول الي بنظراته انتِ قويه ما تهزج هيج شي ، الشذام سحب السياره ومشى من غير طريق واحنه دنمشي وكفتنا سيطره قريبه من
المكان جانوا يحجون ويا الشذام لان هو الي ديسوق خاصه صار الانفجار فلازم تحقيق عاد شُعاع طلع الهم الهويه مالته بس شافوا سريع دكوا اله التحيه وكالوا " احترامي سيدي ، اتفضلوا " ومشينا

بقيت حاضنه عنقاء إلى أن وصلنا للبيت هم دخلوا اللبيتهم واحنه
نزلنا البيتنا ، امشي وافكر ياربي ما مصدكه كدرنا نطلع من الموت
بأعجوبه، الحمدلله ياربي اول ما دخلنا البيت شُعاع اتمدد ع القنفه
اني بقيت صافنه عليه بس احس رجليه خيوط من هول الموقف

- شُعاع شلون صار هيج ؟ رفع عيونه وزفر بقوه
- الوضع صاير مو زين وهسه كل واحد ضام راسه راح يبدي بالأفعال
- اي بس مو هيج
- هيج وازيد ماتعرفين شنو مستعدين يسووّن علمود مصالحهم
- الله يستر
- رايح اني اصعد فوك
- تمام

هو راح صعد واني بقيت كاعده بمكاني اتصفن لو ماشين شويه بعد
جان هسه احنه ميتين جان مابقى اثر النا احس حيل تعبت الحياه مو راضيه تكون عادله ويانه وتنصفنا شكد ما نحاول نبدي من جديد ونبتعد عن كُل شي يجي شي حدث يرجعنا النقطه الصفر من التعب بجيت
خليت راسي بين اديه وصرت اشهك بالبجي كافي كافي اريد اعيش
مثل باقي البشر كل فتره حياتي تنعاد ، فجأة سكتت وصفنت اني
ليش دابجي ليش ضعفت وهذا اختبار من ربي مسحت دموعي بقوه
من ع وجناتي وكمت دخلت للحمام سبحت ورحت صليت إلى أن ارتاحيت اليوم انكتبت النا حياه جديده

سحبت الجهاز واتصلت ع اختي شهد حيل مشتاقه الها
اول ما رفعت الخط حجيت اني

- هلا شوشتي شلونج ؟ ردت عليه بملل وحزت بخاطري
- الحمدلله وانتِ
- شبيج شهد شو احسج ضايج ؟
- ها لا مابيه شي
- زين ما ناوين تجون للعراق
- حتى لو نجي ما نمر عليكم
- جوابها حيل صدمني فتحت عيوني ، ليش ؟
- ازواجنا مايقبلون
- ليش ؟
- ماعرف عجزنا نعرف السبب
- اني من يمي دموعي وكعن حجيت وياها ، شهد يجي يوم وتوفني؟ ردت عليه بدون نفس وكأنها ضايجه من اتصالي بيها
- شبيج صايره كُلج طاقه سلبيه ايع لعبتيها النفسي
- اني انصدمت بردها رديت عليها بصدمه ، شهد شبيج ؟
- شنو شبيه غير زوجي مايقبل
- هاهي حبيبتي اخذي راحتج ، حسيت نفسي حيل ثقيله سديت
الاتصال منها وانهاريت يعني معقوله اختي هيج صارت وياي معقوله !

سحبت نفس واتصلت ع ساره هي صديقتي والأقرب الي من اخواتي
بهذا الوقت ع الاقل هي تفهمني وراح توكف وياي مو مثل اختي حتى ماسألتني شبيه واني جنت بأمس الحاجه آلها اول ما فتحت الخط
ردت عليه بلهفة عكس اختي اني سولفت الها كل شي واني منهاره وابجي وهي تسكت بيه وتحاول تقويني عكس اختي

- نارا تدرين حياتج كلها توجع القلب بس انتِ حيل انسانه صبوره
الله يعينج
- ماشفتي هذا لا شي من الي عشته
- ناااراا
- هاا
- تدرين انتِ فخر العرب
- ههههههههههه ضحكتيني واني ضايجه
- اي والله لج انتِ مثال للقوه اني لو بمكانج جان ميته من زمان
- كولي غيرها
- لا والله كلامي صحيح

بعدني احجي وياها ودخل شُعاع استغرب من شكلي لان واضح عليه
جنت ابجي وجهي اكيد احمر عقد حاجبه سألني ويا منو تحجين
رديت ع ساره كلت الها ساره بعدين اتصل بيج حبيبتي وغلقت الخط
رفعت راسي رديت عليه

- ويا ساره
- ليش جنتي تبجين ؟
- شعرفك
- شوفي وجهج شلون احمر شبيج حبيبي
- بلعت ريقي ، ها لا ماكو شي ، هو اجه تقرب مني سحبني من ايدي
دخلني الحضنه وحضني حيل
- ناري احجي شنو الي بيج
- مابيه بس جنت تعبانه واحتاجيت احجي وياها
- ليش ما كعدتيني
- شفتك نايم ما هان عليه اكعدك وانتَ تعبان ، رجع سحب راسي حطه ع صدره مسح ع شعري واني أطلقت العنان لدموعي صرت ابجي هو يمسح ع ظهري وشعري يحجي وياي بهدوء
- بنيتي حبيبي ادري بيج هواي تعبتي وادري الي شفتي مو قليل
بس هذا الي مكتوب النا مانكدر نغيره بس نكدر نعيش ويا ماشفت
انسانه قويه مثلج وفوك هذا حتى اني تعبتج وياي اشهد الج ماكو
انسانه مثلج
- رفع راسي ومسج دموعي ابتسم بوجهي
- ااااخ بويه شوف الجمال هو كل واحد يبجي هيج يصير حلو مثلج
- ضحكت ع كلامه ونزلت دمعه من عيني
- كومي نستبحث ونغير جو
- شلون يعني ؟
- هسه اشوفج

كام وشالني بحضنه احس نفسي طرت لزمته من رقبته شهكت
لان فجأة شالني وهو ما شاء الله طويل صرخت
- عززززه راح اوكع ، قرب وجهة من وجهي وغمز
- انتِ بين اديه انسي توكعين مره وحده وكعتي وبس
- شوكت ؟؟ رجع غمز
- وكعتي بحبي خاتونتي
- ضحكت بصوت عالي وطير كل القهر الي بكلبي

مشى بيه للغرفه المكتب مالته كعدني وراح فتح الشباك ورجع يطلع
بالكتب ويحط كدامي ويحجي وياي ويعلم بيه ويا كُل كتاب واني مستمتعه اول مره يبادر بهيج شي وخاصه بالكُتب مالته
حط كدامي كتاب وأشر الي
- هذا أخذته من دبي
- رجع حط واحد ثاني كدامي
- وهذا الكتاب أخذته من مكتبه حيل قديمه
- هزيت راسي ، شُعاع سؤال
- جواب
- الانفجار الي صار اليوم شنو سببه
- هذا صدفه يعني مو يخصنا او يخص الي ورانه
- زين وسالفه الي صار بيتنا بهذيج الفتره
- قصدج الرمانه ؟
- اي ، سحب نفس قوي
- هذا من الي يهددوني لان ما امشي وياهم دزو تهديد
- شهكت بخوف ، زين وين رحت واختفيت صار لك ٣ ايام ؟ صفن بوجهي شكله ما راد يجاوب بس بعدين جاوبني
- رحت للموصل
- فتحت عيوني ع وسعهن مصدومه ، ششششنو ؟؟؟؟
- اي ورحت لتكريت ورجعت السامراء
- ليشش شُعاع ليشش
- شغل حبيبي
- بس شكلك من رجعت ...
- اي لان هذا الشغل ما توقعت أطلع منه سالم
- يمه كلبي وشلون تعوفني وتروح ياربي
- سلمتج بيد الله وأهل البيت

- لا بالله تدري فكرتك مُجرم ، ضحك بصوت عالي
- اي مجرم بحبج
- زززززين سؤال
- ماتخلص اسألتج اليوم
- شُعااااعي
- عيونه كولي
- هذاك اليوم وصل لك مسج وانتَ فتحت الجهاز متلهف عليه شنو هو ؟ رجع ضحك بصوت اقوه
- ياااايابه يابويه شوف الغيره شوف
- تحجي لو شششلون ؟
- احجي احجي ، الرساله جانت نتيجه الشغل الي اشتغلنا وجان ناجح
والشي الي يرضينا
- وحالتك ليش هيج من رجعتوا
- لان تعرضوا النا بالطريق
- يممممه
- اي والله
- تذكر هذولاك الي رمو ع بيتنا وتعرض مصطفى الطلق نار منو هم همَ جانوا نفسهم ؟
- هم نفسهم ، ترى مايعوفونا بحالنا ابد داكين اسمي واسم ابوي يمهم
- شُعاع حباب خلي نسافر والله هنا خطر
- ماكدر حبيبي الغربه صعبه صح حلوه بس بنفس الوقت محد يكدر يعيش بيها ولاتنسين اني شغلي هنا ماكدر اعوفه
- تمام

- سحبت كتاب جان اسمه الطريق إلى كربلاء سألته، شنو هذا الكتاب ؟
- افتحي وانتِ تعرفين
- فتحت الكتاب ، يؤدي إلى الله وكربلاء اباوع بي حيل حلو وحبيته
شُعاع يحجي وياي واني عيني ع الكتاب وعيني عليه ، سألته ،شُعاع
هم اكو اخوات يتخلن عن اختهن؟
- اي اكو وهواي
- اني سكتت ما سولفت اله عن شهد حتى لا يكول شي يوم ماعندها احد وضعيفه خلي يعرف اني عندي اخوات ع الاقل بس بالاسم

دنكت راسي مقهوره منهن حسيت بي يخلي راسه ع كتفي وتقرب من رقبتي سحب نفس قوي وهمس
- تدرين ريحتج حيل طيبه جنها ريحه أهلنا
- غمضت عيوني من كميه المشاعر الي اجتاحتني
- كهوه اشربج ويبدي خفقان كلبي
- ضحكت واحس كلبي انترس فرح ، همس بصوت هادئ
- دكتورتي احبج واحب تفاصيلج
- شالني ومشى بيه للغرفه واني بس صافنه عليه وعيوني بعيونه
وهو يحير شنو من كلمات يكولها ويتغزل بيه حطني ع السرير وهو بصفي
رفع ايده يمشيها ع ملامح وجهي
- تدرين شغله
- غمضت عيوني ودكات كلبي تزيد، شنو هيَ ؟
- انتِ حزام ظهري
- فتحت عيوني ابتسمت بوجهة ، وانتَ روحي كُلها ، حط شفايفه ع جبيني وباسني بوساات هادئه ماترك مكان الا ما أخذ نصيبه
من بين شفايفه ابتعد يباوع بعيوني خجلني بنظراته ضعت بيه وبنظراته
اتملكني بكُل تفاصيلي وبكُل حُب وكأن اني الشي الاخير الي بحياته وخلاص .

- شُعاع ليش احسك انتَ ابد مو مغرور بهواي أمور يعني لا تفهمني غلط بس هواي ناس اشوفهم بنفس مكانك يتفااخرون ويحيرون شنو يسوون النفسهم يتكبرون وغيرها ، ابتسم الي سحبني الصدره
- ليش اتكبر واذا عندي أملاك وفلوس واذا عندي غيرهن ؟؟ مهما يكون اني انسان بعد كم يوم انلف شنو اخذ وياي غير بس أعمالي
- اسم الله عليك لا تكول هيج
- حبيبي بعد هذا الموت حق
- اعرف بس كلبي يوجعني من هاي السالفه اسكُت فدوه
- هاهي سكتنا لعيون الحلوه
- اي عفيه عليك

- ناري
- كول عُمري
- نروح البيت خالي
- عقدت حاجبي ، ليش ؟
- مو عندهم عرس
- فتحت عيوني ، يااااا شُعاع غير تكول الي من وقت حتى اجهز نفسي
للعرس
- لا يول العرس بعد باجر والحنه الباجر بس همَ كالوا تعال انتَ وجيب زوجتك وياك
يتعرفون عليج
- هاا ماعرف بس شو استحي يعني ما اعرفهم اني
- البنيات حبابات راح تاخذين عليهن سريع
- ماعرف شُعاع بس احس صعب اتقبل شخص بسرعه واحجي ويا
- هسه انتِ جربي واذا ماعجبج نرجع
- اذا هيج تمام
- يلا كدامج ساعتين حتى نروح بس ساعتين اذا تأخرتي اسحلج ع الخربطه مالتج

- هو كال هيج واني طفرت اركض فوك سريع سريع رحت طلعت
الي ملابس حتى كلبي احسه يريد يوكف من الركض جهزت الملابس
لبست ع السريع وكفت اخلي الميكاج أنوب الايلاينر مايضبط من تصير عندي طلعه يصير اعوج عكس الايام العاديه كل شوي امسحه وارجع
ارسم من جديد إلى أن بالكوه ضبط عدلت الشال مالتي وأخذت الحذاء شلته بأديه والعباه لبستها ونزلت اركض وكفت كدامه اتنفس سريع هو جان كاشخ واكف ينتظرني وحاط اديه بجيويه وعينه عليه شلون انزل
ضحكت واني أشر اله ع الساعه

- شوووف هاي قبل الساعتين كملت ، ربت ع كتفي يضحك
- كفوو توقعت راح اطولين كلت هسه اصعد اسحلها
- ماعيب حبيبي
- يلا امشي
- يلا .

طلعت صعدت بالسياره ولبست الحذاء بالسياره وهو يضحك عليه
كل هذا حتى ما يفوز هو عليه وصلنا البيت خاله جانوا هواي اكو ناس الواضح ديجهزون للعرس لان اكو يمهم خطار وشُعاع خبصتي يمشي ويصيح نزلي راسج لا ترفعين عينج حتى ردت اعثر و واوكع ع وجهي
اشر الي ع الباب الي ادخل منه لان وكفوا عاط بيه وهو كاز ع اسنانه
ادخلي ، عاد اني مشيت واسمعهم يسلمون عليه سلام حار وصوتهم حيل عالي اني دخلت جوه ماعرف احد سلمت ع الي يطلع كدامي
وهناك جان اشوف خالتي ام شيت فرحت ورحت طرت يمها همزين اكو وحده اعرفها سلمت عليها وهي تسألني شعجب اجيت كلت الها
ويا شُعاع

- ام شيت :- شبيج بنيتي
- نارا :- خاله مستحيه وماعرف احد
- ام شيت :- لا تستحين احنه اهل الولد موش اهل البنيه
- نارا :- ابتسمت ع كلامها ، اباوع صدُك كلها عينها عليه لان
محد من الي هنا يعرفوني اني زوجه شُعاع الا ام شيت كالت هاي
زوجه شُعاع عاد اجني يحضنن بيه ويبوسني بقيت كاعده يم خالتي وبس اتصفن وهنَ يشتغلن ، خاله اكوم اساعدهن ؟
- ام شيت :- كومي يمه هنَ اخياتج
- نارا :- كمت رحت يمهن كلت الهن اساعدجن وهن اعترضن بس اني اصريت وصرت اشتغل وياهن نسولف وأخذت عليهن وكسرت
شويه احسن من اول ما دخلت للبيت ورى شويه صارن يركصن ويهوسن
فرحانات إلى أن مر الوقت وشُعاع من الباب صاح اسمي هن قبلي راحن
يركضن يسلمن عليه وراها رجعنا للبيت ميته تعب وهو هم مهدود حيله

ثاني يوم طلعنا اني ويا نشتري ملابس الي وكفنا يم محل بدلات وفساتين صارت اطلع الي هواي بدلات وفساتين تقريبا بال١٥ بدله وفستان وماكو شي عجبني الا ان وكعت عيني ع فستان منفوش من جوه طويل حيل حلو ودخل براسي حطيت ايدي عليه وشُعاع جان يمي كلت الها هذاااا وسحبته هي ابتسمت بوجهي كالت ذوقج حلو ايجار مو ؟ ، شُعاع من شاف انُ عجبني اشر الها كال
- لا نشتري
- رفعت راسي اله ، حبيبي شسوي بي هو يوم واحد ، رفع حاجبه
- مشترى حبيبي
- ردت احجي بس صاحبه المحل حجت كالت المشترى سعره يختلف عن الإيجار هو ما اهتم رد عليها
- عادي مو مهم السعر
- وصدُك جهزت الفستان وطلع ع قياسي حيل فرحانه بي جان سعره غالي الفستان هي من شافت ما اهتم للسعر رجعت حجت
كالت عندنا صالون خاص اذا تحبون اتفضلوا ، التفت الي شُعاع
- ها بابا تروحين ؟
- ابتسمت ، اي ما الحك من ارجع للبيت
- هاهي لعد امشي

- مشيت ويا البنت ودخلت اسمعها تحجي ويا ام الصالون بهمس بس اني سمعتها كالت ( داريهم هذول يدفعون هواي ) اني حصرتني الضحكه
كعدت وهي اجتي وكُله حبيبتي وعيني وكلبي صدُك الفلوس الها هيبه بهذا الوقت بس اكيد مو عند الكُل
اختاريت المكياج والتسريحه الشعر بسيطه حتى اظافري اختاريت الموديل مالتهن ودفع شُعاع حتى من اجي هي تسوي الي مثل الحجز
نوب اشترينا حذاء ورجعنا للبيت من بعد كل هذا الفر

اول ما وصلنا للبيت رحت اجرب الفستان لبسته ونزلت حسيت نفسي
عروسه وكفت كدام شُعاع وهو بقى صافن عليه وسرح عبالك راح بغير
عالم تمشيت وكفت كدامه احجي ويا وهو مايجاوب عينه بس عليه
ماحسيت الا طفر طفره وكف كلبي بيها صار كدامي سحبني من خصري وباسني بقوه ابتعد عني يتنفس بقوه حط جبينه ع جبيني ومغمض عيونه واني بالكوه واكفه ع طولي لو ما هو لازمني جان وكعت ماكدر حتى احجي نزل راسه لرقبتي يسحب النفس دغدغه صارت بكلبي واحس
الفراشات بطني انفاسه ولمساته خلتني ما احس حتى ع نفسي
- شسويتي بحالي لج ملعونه خليتيني ما اندل دربي ومو انا هذاك القوي الي ما يهزه ريح ، هزيتي الجبل الشامخ الي ما دنك الأحد وشعلتي الخلفوني
- ماكدر ارد عليه لازمه بقميصه بالكوه وارجف
- ااااخ هلطولج ودولبتي حالي يعثره
- رديت بصوت يرجف ، شُعاع
- عيوني ، روحي ، دنياااي
- عفيه ، حتى ماعرف شنو اكول بس احس معت وروحي راحت ، حسيت بأبتسامته ضد بشرتي
- بويه ذبتي بين اديه واحتار شلون المج
- ما انطاني مجال واقتحمني واني كُلي بين اديه .

ثاني يوم الصبح أخذني شُعاع للصالون حتى بدون ريوك لان عندي
حجز دخلت وهو راح كال هسه اجي ماعرف وين راح بقيت كاعده ١٠ د
ورجع لكيته جايب الي ريوك لان من طلعت ماتريكت جان لازم كوب الجاي حااار اثنين بأديه وحده من اديه جان لازم بيها ويا الكوب جكاره
الفرحه ترست كلبي مجرد اهتمامه بيه يخليني اسعد انسانه تريكت ع السريع وهو راح رجعت كعدت وبلشت بيه مكياج وتسريحة هي سألتني كالت هذا زوجج الي اجه وياج اني باوعت عليها نظراتها ماعجبتني كلت الها اي رجعت سألتني ومارديت بقيت ساكته تريد تعرف عنه معلومات استغفر الله شلون بيها هاي بقيت ماحجي إلى أن خلصت لبست البدله واجيت اشوف نفسي فتحت عيوني ع وسعهن يا الله شلون هيج تغيرت اني ماعرفت نفسي حيل حلوه وحتى ام الصالون
انعجبت بيه اتصلت ع شُعاع وهو اجه من شافني بقى صافن عليه
حقه اذا اني انعجبت بنفسي طلعنا من صفنتنا صوت ام الصالون تحجي ويانه

- عيني مُمكن اخذ صوره الها للصالون ك لوك
- بعدني مارداه وشُعاع رد بحزم
- ممنوع
- زين عندنا ستوديو ناخذ صور بي للعرسان تحبون تصورون ؟
- شُعاع جان لابس بس خليجي وطالع يجنن كُلش يجنن حتى اني
بقيت صافنه ع جماله حبينا نوثق هاي الحظه عاد دخلنا أخذنا لقطات حست رجعنا عرسنا من جديد أني ويا والقطات حيل حلوه
من خلصنا كالت ٤ ايام ويجهزن عاد طلعنا ورحنا للعرس طول الطريق وهو يتغزل بيه غزله حيل جريء ومايستحي ابد إلى أن وصلنا للعرس

من وصلنا جان الشارع هوسه وبي زلم هواي شُعاع من شاف الوضع صاح
- هسسسه شلون انزلج كدامهم استغفر الله
- اني ماحجيت سكتت ، هو فتح الجامه وصاح بيهم
- يووولد وخروا الكراسي خلي ادخل السياره جوه
- واحد بيهم صاح ، احنه شلون وياك شُعاع موتتنا، رجع صاح بيهم شُعاع
- تشيلوهن لو انزل الكم اكسركم
- صار ابن المدلل صااار
- مو راح انزل اطيح حظكم
- اني بلكوه لازمه ضحكتي بس اضحك يرجع عليه وهو نزل عليهم بالنازل
وصدُك دخل السياره يلا نزلت وهو راح يم الولد برى .

دخلت جوه لكيتهم كُلهم موجودين حتى عيالي وخالتي ام شيت
والبنات ياهي التجي تصيح عيني زوجه شُعاع راح تكسر ع العروس
وبقن يركصن وياهي التجي تصيح هاي منو هل بنت واني باقيه اعرف ع نفسي إلى أن كالوا راح نروح البيت العروس اجتي بنت اسمها فاطمه تعرفت عليها طلعت تصير بنت خال شُعاع حتى اخذت رقمي وكالت اروح وياج مبينه حيل حبابه وحلوه اتصلت ع شُعاع كال تخف الزلم واطلعي
صدُك بقينا ننتظر إلى ان اتصل كال اطلعي طلعت ويا فاطمه من شاف فاطمه كال شعجب وياج كتله جبتها وياي هو ضحك كال عبالك جايبه طلي وياج اني نحرجت منها بس هي عادي تضحك بقى الطريق كُله يتشاقى وياي إلى أن وصلنا للعروسه جان بالقاعه والعرس حيل حلو
دخلنا اني وفاطمه نركص ويا البنات شويه ونزلت العروس تركص ويانه

صارت العروس قريبه مني تقرب الي سألتني
- منو انتِ
- اني نارا زوجه شُعاع، هي ابتسمت ردت
- تشبهين بنت خالتي كُلش حتى شبهتج بيها
- اني عقدت حاجبي ، وينها ؟
- ماعرف عنهم شي بس امي تسولف الي عنهم وتشبهج من شفتج شبهتج بيها
- اني سكتت شويه واجت امها تقربت مني اني بقيت صافنه
ارمش بعيوني احس اني مشبها عليها ياربي معقوله هي لو اني مشبها
هي امها اجتي ضحكت بوجهي وحجت وياي
- فدوه تخبلين عين الحاره بارده
- اني بقيت ارمش اريد استوعب هاي نفسها الي مشبها بيها اني
رجفت شفايفي وحسيت ريقي نشف همست بخمول ، خاله نضال !!
هي فتحت عينها مصدومه يمكن شبهت بصوتي بس شكلي متغير
صاحت
- شششنو منو انتِ ؟؟؟
- هزيت راسي اريد اتأكد ، انتِ نضااال !!!
- اي اي اني نضال انتِ منوو
- رجف جسمي وعيوني نملت بالدموع صرخت اااني نااااراااا
هي جمدت
- نارا شنو !!!
- الاغاني طفت وبس صوتنا الي يبين اني ارجف وابجي اصيح ، خاله اني نارا اني ناااارا علي ناااارااا ابتسام ، صرت اردد بالاسماء وارجف هي فتحت عينها ع وسعها مصدومه وصرخت صرخه قويه
- يييييييمه بنيتي يييييييييمه ناااااارااا
- ركضت عليه وحضنتني بقوه تبجي واني اشهك بحضنها حاضنتها ولازمتها بقوه مامستوعبه اني لازمه خالتي وبين اديها اسمع صوت شُعاع من برى يصيح شكو شنو هذا الصياح بس اني بالي مو يمه ، يم خالتي
هي تبجي وتحضن بيه وتبوس واني ارجف رجف مو طبيعي لزمتني من كتفي دموعها شلال

- يمه بنيييتي يمه ياروحي انتِ وين جنتي وووووين انتِ وأهلج ولج وينكمممم
- هي عبالها اهلي موجودين ماكدر احجي بس ابجي
- نارا ريحي كلبي كولي الي أخيتي وين امج وينها
- نزلت راسي وبجيت ، امي استشهدت
- ااااااخ يمه ياااااخيتي ولج ابتسسسسام
- الناس كلها صارت تبجي ويانه وهي ادك ع صدرها وتبجي رفعت راسها
- كولي يمممه اهلج وينهم ابوج اخوانج اخواتج وينهمممم
- خليت ايدي ع عيوني ويجيت بنحيب هي وخرت اديه من وجهي تسألني وتشهك بالبجي
- كولي يمه وينهم
- خاله اهلي كُلهم استشهدوا بس شهد وزهراء بقوا من اهلي
- هي كعدت ادك وتبجي حتى نست عرس بنتها وكلها تبجي
كعدت يمها احجي وياها وامسح بدموعها

- خاله كافي فدوه العينج هذا عرس بنتج لا تسوين هيج ، بالكوه سكتت
بس احسها حيل انكسرت بهذا الخبر حتى فرحتها ماتت بقت
حاضنتني وهلهلت لان لكتني وشافتني ماخلتني ابتعد عنها ولو شوي
- كولي يمه شلون وين وهسه انتِ عند منو
- اني زوجه شُعاع ابنهم واجيت ويا صارت تسألني واني اجاوبها وحجيت الها وهي كل شويه تبجي
- قبل فتره طويله اجو ناس يسألون عنج وحتى سألوا خوالج
- اي صح هذا شُعاع دزهم
- اي بس مانطوني خبر ورى فتره يلا كالوا وشكت اصريت حتى اعرف الي سأل عنج حتى الكاج بس ماكدرت وهم خوالج هم الغلط راكبهم ومارادوج اخخخ يمه لوو اعرف بيج جان اني اجيتج
- نزلت راسي بأسف هي لزمت وجهي ورفعته
- اني امج وانتِ بنيتي مستحيل اعوفج
- حضنتني وصارت تبوس بيه

هناك وسمعت صوت شُعاع يصيح من برى اريد مرتي وووينها
خالتي من سمعت صوته ضحكت
- نضال :- فدوه هذا رجلج مو
- نارا :- ابتسمت ، اي هوَ
- نضال :- كومي يمه روحيله مبين نار عليج
- نارا :- اني ضحكت وكمت رحت اله هو من شافني ما اهتم لأي أحد
سحبني وحضني كدامهم
- شُعاع :- وووينج لج كلبي اشتعل عليج
- نارا :- رفعت راسي من حضنه ابتسمت ، لكيت خالتي
- شُعاع :- شنو !!
- نارا :- خالتي اخت امي لكيتها شُعاع طلعت هي أم العروس
هو فتح عينه مصدوم
- شُعاع :- روحي صيحيها
- نارا :- تمام رحت صحتها من شافها سلم عليها وباسها من راسها
حجوا شويه وطلع .

خلص العرس وخالتي ابد ما تاركتني لا هي ولا فاطمه من ردنا نطلع
سلمت ع خالتي ردت اصعد بالسياره وهي اجتي لزمت بيه تحجي ويا
شُعاع

- نضال :- يمه رايده بنيتي تجي وياي
- نارا :- شُعاع شكله ضاج بس سايرها
- شُعاع :- تعذريني خالتي ماكدر
- نضال :- ترى هي بحسبه بنتي اني اخت امها عليك الله يمه أريدها يمي عيوني ما مصدكه شوفتها
- نارا :- بقت شكد تحجي ويا وهو معاند وراكب راسه يحسهم غربه
مو اهل امي إلى أن كسر شويه
- شُعاع :- ان شاء الله بس أخذها للبيت تغسل وتبدل

رجعنا للبيت وهو عينه عليه غسلت وغيرت لبسي وطلعت لكيته
واكف ينتظرني بالصاله من شافني فتح الي ايده ركضت دخلت
بحضنه حضني قوي ويبوس بيه

- الخاطرج قبلت واني ما يهون عليه اعوفج بغير بيت وبعيده عني
- فدوه لك هي هم خالتي
- ماناسي الي سوو خوالج واعرفهم ج** اذا صار وشفتي واحد بيهم او لان وصل خبرج الهم سريع اتصلي بيه تلكيني فوك رأسهم واطيح حظ حظهم
- رفعت راسي من حضنه ، خايف عليه ؟
- شلون ما اخاف عليج بويه انتِ بنيتي وحبيبتي
- اطمئن مايصير شي وخالتي مثل امي
- هاهي كل شوي اتصل مو ماتفتحين خط
- مو تدلل عُمري
- يلا امشي هسه ينتظروج

طلعنا وهو لازم اديه وصلني البيت خالتي اول ما دكيت الباب طلعت
خالتي الي تركض الوضح هي منتظرتني خطيه سريع حضنتني
وبنتها هم وياها دخلتني جوه وشُعاع راح بقينا كاعدين سوه
واني احجي الها وهي تسمعني وتبجي اخر شي سحبتني
الحضنها ونومتني يمها اني خليت وجهي بصدرها واشتميت عطرها
احسها بيها ريحه امي بقيت ع نفس حالتي وغفيت ماحسيت ع نفسي الا ثاني يوم الصبح بنت خالتي تكعد بيه لان اليوم العرس

سألتني اذا اروح وياها للصالون ، ف اتصلت ع شُعاع وهو ما مانع فتح الي كاميرا حتى اختار الفستان وهو يجيبه الي ويوصلنا للصالون وصدُك ما كسر بخاطري فدوه الكلبه اجه واني طايره من الفرح وصلنا للصالون
وراح لان العريس ابن خاله تجهزنا من مكياج وصالون رادت خالتي تتصل ع واحد ياخذنا بس اني ماقبلت الا شُعاع لان هو منبهني هو خطيه ما يحجي اجه أخذنا وصلنا للقاعه اول ما وصلنا تلكتني فاطمه تحضن بيه وتبوس

طلعت من القاعه اني وفاطمه خليت العباه ع وجهي وبس طلعت عيوني حتى محد يعرفني شفت زلم هواي وهناك وشفت من بينهم شُعاع جان هم لابس لبس خليجي هو والدشداشه ف فتت من يمه اني وفاطمه وبس عيوني طالعه جان مصطفى واكف يمه جان شُعاع يشوفني وصفن عليه
شكله عرفني اني سريع مشيت قبل لا اعبر سمعته يحجي ويا مصطفى بس قصده عليه يصيح
- اعرررفك عمي لو شما تلبس تمشي من يمي وعطرك هذاك يهف
خلى كلبي يرف بعد كلبي
- اني من سمعت كلامه دخلت القاعه اكركر من الضحك عرفني
من عيوني وعطري فدوات لك كلبي

بقينا بالعرس وتونسنا بعدين رجعنا لبيت دخل شُعاع يسبح واني
اطلع بالملابس وامسح بالمكياج حتى اسبح ورى
اول ماطلع دخلت اسبح شمرت كُل التعب وطلعت لكيته متمدد ع الفراش سريع سرحت شعري ورحت فتحت ايده نمت ع ايده وحضنته وهو لف ايده ع خصري ودخلني بحضنه
- حبيبي الباجر نروح للدكتوره مو
- اي بنيتي حجزت الج يم دكتوره كالوا زينه
- غمضت عيوني واني ادعي يارب مابيه شي لان كلبي لاعب وحيل خايفه

ثاني يوم رحنا للدكتوره ودخلت هي جانت مرحه وطيبه فحصتني وكعدت اني سألتها خايفه
- عفيه دكتوره ليش الهسه ما صار حمل ؟
- صار الج شكد من متزوجه ؟
- تقريبا صار الي ٣ سنوات
- حبيبتي انتِ مابيج شي وهاي فحصتج يعني ماكو اي سبب
يمنع الحمل
- لعد ليش الهسه اني مو حامل ؟
- ممكن يكون السبب من الزوج مو منج
- اني صفنت ، لا ما اعتقد
- ضروري نتأكد حتى نعرف اذا منج ماكو سبب ممكن منه او يمكن
انتوا الاثنين مو منكم السبب
- زين هسه شنو نسوي
- لازم زوجج يسوي تحاليل
- تمام

طلعت الشُعاع وحجيت ويا وفهمته وهو ابد ما اعترض بالعكس
احسه يسوي الي يدري بي يريحني وخاصه هو يريد اطفال
سوه التحاليل وانتظرناهن إلى أن رجعنا للدكتوره مره ثانيه شافت
التحاليل وكذلك حتى هو مو منه السبب ردت عليه
- حبيبتي انتِ رحمج مثل الورد مابي شي وهو زوجج كذلك ما بي شي
لكن الرزق من الله

اني طلعت من الدكتوره وكلامها براسي بقى حيل انقهرت صح رزق من الله بس احس اني اريد طفل يعوضني عن كُل الي مريت بي تعبت
اريد ارتاح بحياتي من شافني شُعاع سألني وحجيت اله وجنت حيل مقهوره وهو بالعكس احسه متفائل لان احنه الاثنين ما منه سيب
بوقتها ما رجعني للبيت بقى يفتر بيه يحاول يغير الي جوه بعدين تأخر الوقت يلا رجعنا

- شبيج ليش هيج ضايجه هسه الحمدلله مابينه شي المفروض تفرحين
- شُعاع بس اني خايفه
- تخافين واني يمج ، من شنو حبيبي
- اخاف لا مايصير عندي أطفال وما اكدر اجيب لك الطفل الي تحلم بي، حط ايده ع شفايفي
- اششش لا تحجين هذا الكلام المفروض تكولين الحمدلله
- بس
- بدون بس نارا انتِ مؤمنه وتعرفين شنو اقصد
- واذا ماصار ؟ باوع بعيوني وابتسم ابتسامه كُل حلوه
- عادي ولا يصير شنو ناسيه نفسج انتِ بنتي ومعوضتني عن أطفال
الدنيا كلها
- عيوني انملت بالدموع ، وما تزوج عليه ولا تفكر ؟؟
- شتحجين بابا انتِ نسواني الاربعه لآخر يوم بعمري
- حضنته بقوه ، احبك شُعاعي
- احبج ناري .

دك جهازه الشُعاع شفته الشذام سحب ايده من جوه راسي وكعد عدل يحجي ويا اسمع الشذام يسأله ع أوراق يريدهن الهذا نزل جوه وهو يحجي ويا و
يجهزن اله حتى يجي ياخذهن واني بقيت نايمه بنفس مكاني ع السرير

ماحسيت الا صوت رسائل صارت تجيني وحده ورى الثانيه مثل الصلي حتى اني استغربت من يدز رسائل هيج رحت طلعت الجهاز جان بالجنطه
فتحته لكيت رقم غريب داز رسائل ع الواتساب عقد حاجبي منو هذا اني رقمي محد يعرفه غير بس أشخاص معدودين ماعرف ليش حسيت بالخوف وكلبي صار يدك فتحت الرسائل وهنا جانت الصدمه
بقيت ارجف وكلبي يدك بقوه

بَلكي نموت
خلصنه العُمر لچمات
محد يفهم شبينه
الوجع لاحگنه من كل صوب
حافظ حَتى أسامينه .
يتبع ✨️

شنو التوقعات برأيكم اتحفووووونااااي ..