الربتج " حالك الاسوداد " الفصل الثالث وأربعون 43 - بقلم رهف علي

كُلها تغيّرت يا گلبي أُخذ مني
و لا تتغير اتشضّيت
يا لگمة بـ سِجن ، ملّيت
شگد عن عزتي تدنّيت
شگد بـ اللاوعي تعنّيت
شگد زعلان بس حنّيت !
واتحاسَب على البچي ضلّيت ؟
لا والله اموت اعله البچي و بالدنيا ما ابدله
البچي شغلي ، البچي من الصبح اگعدله .

قد نكون في أفضل حال عندما نكون مُبتعدين عن كُل ما هوَ نحسهُ قريب منا ولا نستطيع العيش من دونه لان ذلك فقط وهم ، قلبنا يجعل منا اننا لا انستطيع العيش من دونه وعقلنا يُصدق ذلك الوهم اما في الحقيقه انهُ مُجرد وهم ، نستطيع ان نعيش وان نحب وان نكون ما نُريد بدون هؤلاء الأشخاص عندما نبتعد سوف نكون ع يقين
كُل هذا مُجرد وهم وهم وهم نحنُ قادرون ع ان نعيش غامروا جاهدوا اتركوا كُل شيء يؤذيكم لاتكونوا ع ضُعف كُل ضعيف لهُ نهاية حزينه وألم قاتل يعيشه كُل يوم عندما تقولوا " لا " لكُل شيء يؤذيكم وقتها سوف تعيشون بقوه إلى النهاية .

- نارا :- فتحت عيوني مستغربه اني الوحدي وشُعاع ماكو يمي
حتى برى ماكو صوت بقيت صافنه عيوني تنتقل بين اقل ثقره
بالغرفه الي اني موجوده بيها تململت واحس جسمي كُله يوجعني
المغذي بلش ينتهي شي اكيد هسه ترجع الممرضه واسألها اذا هو برى لو لا رفعت ايدي الي بدون كانونه خليتها كدام وجهي صرت اباوع ع الأثر الي بيها ماعرف ليش حسيت بأحساس غريب
مقهوره اي بس إلى متى !!! زين هاي الآثار الي بجسمي شوكت تروح ؟ كُل يوم ينضاف اثر جديد وجرح جديد بجسمي وبكُل اثر
اله قصه طويله الها اول ما الها اخر من أحداث الموصل لغيرها وغيرها سحبت نفس بقوه وزفرته يارب إذا هذا عقاب الي فأ اني
ما أذيت شخص بحياتي واذا هذا اختبار الي ف هذا اختبارلك صعب
كُلش صعب وشكلي راح اعاني منه طول حياتي

ابتسمت بهدوء والدموع متعلقه بمحجر عيني من تذكرت الكلام
الي كاله الي شُعاع( اشفيهن الج وحده وحده وما اخلي الهن لا اثر ولا ذكرى ) اااااه يا شُعاع تشفي شنو من شنو والى متى تبقى تشفي بجروحي الي ما يروحن إلى آخر يوم بعمري اني واثقه منك
بس ما واثقه من نفسي أكدر اتخطى كُل هذا الي صار هذن سنين طويله اني عشت بيهن بصعوبات سنين ماشفت الراحه شلون راح ينسن يوم يوم ، اااي يا نارا حاولي تتأقلمين ويا هذا الوضع وتعيشين هي هاي الحياه شنو قابل نعيشها بس فرح اكيد اكو ايام
تخلينه نتخلى حتى عن نفسنه ونكون ضُعفاء إلى أقصى درجه

فجأة واللحظات قليله رجعت ذاكرتي بيوم أجواء شتويه عاصفه
قويه االى يوم من الايام مُمطر بأيام اثريه سعيده ،
فزيت ع صوت رعد قوي اباوع بغرفتي ظلمه وبس صوت الرعد
والمطر العالي بعدت الغطى عني ونزلت من سريري سحبت الجهاز وفتحت الضوء مشيت وطلعت برى الغرفه جانت الكهرباء طاكه تعودنا بس تمطر لازم الكهرباء اطك نزلت جوه البيت هدوء اهلي كُلهم نايمين انتبهت ع الساعه جانت 11 باليل هلوو بعد شنو ينومني والباجر عندي مدرسه يلا اكل سريع وارجع انام دخلت المطبخ وفتحت الثلاجه ع كيف حتى ما يطلع صوت طلعت جبن
ورحت حررت الجاي والخبز وكعدت ع الميز أكل فجأة فزيت ع صوت البرق القوي شهكت وخليت ايدي ع كلبي رجعت اكمل
اكل

حسيت بحركه صارت رفعت راسي انتبهت ع شخص سريع صرخت
انتبهت هذا بابا صاح من مكانه

- علي :- الله الله شبيج بابا
- نارا :- خليت ايدي ع كلبي ، اوووف بابا رعبتني شبيك ابتسم الي وتقرب مني
- علي :- يموت الخوف بابا شكعدج بهذا الوقت
- نارا :- جعت وكعدت اكل ، مسح ع شعري ع كيف
- علي :- وراج مدرسه اكلي ونامي سريع
- نارا :- زين مُمكن اعرف انتَ ليش كاعد ياسيد علي ؟ ضحك بصوت عالي واهتزت اكتافه اني سرحت بضحكته فرحانه
- علي :- والله يابنتي شنو اكول الج
- نارا :- كول اعترف
- علي :- امج تعرفيها شلون جان تدلل عليه هي كل ما تصير حامل
لازم تدلل عليه لو بعز نومتي تكعدني واطير النومه من عيوني لعيونها الحلوه
- نارا :- ضحكت بصوت عالي ع شكله جان يحجي وهو يمثل بوجهة ، اي شنو يعني لازم الاميره تدلل عليك غير هي حبيبتك
- علي :- من حقها تدلل ع حبيبها ليش شعندي غيرها اني
- نارا :- لا بابا هيج جرحت مشاعرنا لعد اني واخواتي وأخويه شنو ؟
- علي :- انتوا بنص كلبي يابه
- نارا :- اوووووي شكد حلوين انتوا
- علي :- شو تعاالي ولج شو طالعه عينج انتِ
- نارا :- والله الصراحه الي يشوفكم طبعاً تطلع مو بس عينه حتى كلبه
- علي :- لا لا شكلي راح ارجع افتح الموضوع ويا ابتسام ونعيد صيانتكم من جديد
- نارا :- سيد علي بعد ماتكدر النا كبرنا هههههه
- علي :- هو اني خلي اكدر الامكم يلا بعدين اكدر الكم
- نارا :- ماتكدر ياحلو امي مسيطره
- علي :- هو شطيح حظي غير سيطره امكم وسيطرتكم وياها يلا يابا كومي نامي تأخر الوقت

- نارا :- كمت رجعت الأغراض وتقرب بسته بكُل قوتي من خده
وتركته ماعرف شنو يطلع الماما شكلها مشتهيه اكله بنص اليل
والله ابتسام عليها سوالف ، طلعت من المطبخ ركض صعدت فوك
دخلت بفراشي وتغطيت الأجواء جانت حلوه البروده وصوت المطر واني بفراشي دفيانه غمضت عيوني واني مبتسمه واهلاً بالنوم .

صحيت من أفكاري الحلوه واني مبتسمه الله وين رحت بذاكرتي
خلال ثواني قليله رجعت المواقف حيل حلوه بذكرياتي ابتسمت ومسحت الدمعه الي نازله ع خدي بدون ما احس بيها
هزيت راسي واني اباوع بالسقف حسيت صارت حركه يم الباب تحركت اليده مال الباب كُل ظني هذا شُعاع ابتسمت بفرح
وانفتح الباب سريع صحت بضحكه، شُعاع واخيراً اجيت ،
شهكت بخوف من شفت الي دخلوا للغرفه احس جسمي
صار يرجف من المشهد الي كدامي هذول عمامي !!!!! وخوالي !!!! لا يا الله شجابهم دخلوا للغرفه انتبهت جان بخصرهم
سلاح دخيلك ربي هذول شلون دخلوا السلاح بالمستشفى شنو
ماكو امن لو تفتيش جانوا يباوعون عليه بنظرات كُره وحقد حاولت ارفع نفسي حتى اكوم واهرب منهم بس همَ جانوا وحوش بشريه
وانتقضوا ع فريستهم

تقربوا مني عمي وخالي الأصغر بيهم والكباريه مالتهم واكفين
عمي طلع السلاح من خصره وتقرب مني اني رجعت ورى بس هو رفع ايده وسحبني من شعري بكُل قوته اني شهكت مرعوبه وصرخت بصوت عالي ، ششششششششُعاع ، سحبني عمي
من السرير الكانونه انسحبت من ايدي والدم صار ينزل من ايدي
وكعني من السرير جان عالي وتكسرت جسمي من قوه الوكعه صرخت ، اااااااخ بس همَ ما اهتموا الي
سحبني عمي من شعري وشمرني كدام رجلين عمي الجبير وترك شعري بقيت ع نفس مكاني اتنفس بقوه وكلبي يدك بسُرعه

احس فد شي جبير قاتم ع كلبي ، صار يأذيني فد مره حتى الحالي الي اني بيها اذتني فجأة حسيت حنه نفسه ولزمني من شعري بقوه
شهكت بألم رفع راسي اله هو جان يباوع عليه بحقد وكره ماعرف بس احس نظراته حيل حقيره عاقد حاجبه وخازرني بقوه صاح من بين اسنانه بصرامه

- ابو مُهيمن :- **** وووين جنتي وهسه يلا طلعتي
- ابو سجاد :- الله اعلم بأي زريبه جانت بيها وهسه طلعت تريد
ادمر سمعتنا بين الناس الكلبه
- ابو مُهيمن :- ما عاش الي يدمر سمعتنا ارمي عليه واغسل عاره واشمره للجلاب
- سجاد :- عمي ، يابه ، خلي ناخذها ويانه وهناك نغسل عارها اكيد لاعبه هيَ الله اعلم وين جانت حقه مُهيمن من اخذها راد يغسل عارها قبلنه ومالحك
- ابو مُهيمن :- ابني الي بدأ واحنه الي نكمل الي راد يسوي
مانعوف العار يسرح ويمرح بكيفه شكله اخونه ما عرف يربي بناته
عدل
- ابو سجاد :- مارباهن احنه نربيهن واذا ما نعدلن نغسل عارهن

- نارا :- اني كاعده بنفس مكاني واسمع كلامهم بكيفهم يقررون شنو يسون بيه واحد يعيد تربيتي والثاني يريد يقتلني بحجه غسل العار جسمي انتفض واحس روحي صارت تلوب اني ما اكدر الهم كُلهم ، شُعاع وينه وين راح ياربي كُل مايبتعد عني لازم يصير وياي شغله اقوه من القبلها فعلاً اني بدونه انهزم وهو السند مالتي
ماحسيت الا اجتني دفره من عمي ع خاصرتي احس طكيت من الالم سندت نفسي ع الارضيه بألم حاطيه ايدي ع خاصرتي متأذيه ماريد انهار كدامهم ماريد ياربي

- ابو مُهيمن :- ابني بين الحياة والموت بسببج والله اليوم الا اطلع روحج منج
- سجاد :- عمي لا توصخ نفسك بيها هسه احنه نتصرف وياها انتَ بس خليك هادئ لا يترفع ضغطك
- ابو مُهيمن :- شلون يهدأ وهاي ال*** كدامي
- ابو مؤمل :- راح نتخلص منها خويه ابو مُهيمن

- نارا :- احس اطرافي ثلجت من صرخ بصوت عالي رفعت راسي
وعيني بعيونه وكفت ع طولي واني عيني بعيونه مانزلت اباوع عليه بكُره رفعت ايدي ودفعت الي يتسمه عمي ، دفعته من صدره بقوه
هو ارتد للورى رغم كبر عمره الا انُ هو قوي ماوكع بس ابتعد خطوتين من دفعتي اله هو شافني هيج سويت لو انجن صاح بوجهي
ورفع العوده الي لازمها وضربني بيها بقوه ع ايدي وصاح بيه
- ابو مُهيمن :- ياااااعار شلون تتجرأين
- نارا :- صحت بصوت عالي ، مممااااااااا لك دخل بأي حق اتمد ايدك عليييييه
- ابو مُهيمن :- سسسسجاددد ، مؤمل ، جاسم جيبوهاااا ورايه اريد اشوف شلون تكول بأي حق

- نارا :- فتحت عيوني ع وسعها اباوع عليهم شلون تقربوا لزموني
كُل واحد من جهة جسمي صار يرجف دفرتهم برجليه واصرخ اباوع
برى المُمرضين مايتحركون بس يباوعون خايفين والدكاترة رادوا يدخلون بس منعوهم الي برى وياهم خايفين عليهم زين الأمن وينهم ليش هيج بهاي السهوله شنو ماكو دوله لو بحجه العشاير وغسل العار ما يتدخلون !!!!! احس روحي فرفحت ادفر بيهم اصرخ مايفيد ، طك كلبي اخر شي صرخت من كُل كلبي بمُنقذي
شششششُعااااااااااااااااع .

- الشذام :- عابد شبيك تحوس صارلك ساعه مو دوختني
- عابد :- اني راح اروح للبيت بس اسبح وارجع لك كاتلني الوصخ
مو خست
- الشذام :- وشبيك تحجيها بوجهي شنو اني الي خليتك تخيس
- عابد :- شنو انتَ وحد حالك من حال الأفندي هذاك سحلتوني
الله يرضاها واني نازل ارتاح
- الشذام :- شلون بيك راح ترجع تفتح الاسطوانه مالتك عمي روح للبيت وخلصني
- عايد :- ابوس شواربك ياحلو
- الشذام :- عقدت حاجبي لعبانه نفسي من كلامه ، دروح من كدامي لا تخليني اغلط عليك ، شو هذا شرك الحلك فرحان
- عابد :- ااااااي بروح جدك السابع عشر شو اغلط عليه
- الشذام :- انتَ مو معقول والله تريد الواحد يسبك إجباري
- عابد :- لا بس منك المسبه تختلف اطرب عليها
- الشذام :- قرفتني الله يقرفك امشي من كدامي شنو ابتليت بيك اني
- عابد :- رفع حاجبه يغمز ، اصلاً انتَ تموت عليه بس تستحي تعترف اعرفك ابو الأخلاق
- الشذام :- عابد تروح من كدامي لو الزمك تعرف شنو اسوي بيك
- عابد :- رجع غمز ، شنو تسوي احجيلي اني اسمعك
- الشذام :- ضربته ع كتفه بقوه ، شكد
سريري انتَ امشي مني لا امدك هنا ، طفر من مكانه يضحك وراح، هزيت ايدي اضحك شكد ما يكبر يبقى نفس خباله الله يصبرني عليه

حاجيت الباقين راحوا وخليت اثنين كدام غرفه مُهيمن حتى يرتقبوا ماينهزم والله يا مُهيمن شكلك ماراح أطول هواي اذا بقيت جوه ايد شُعاع احلف لك يوم ما تكدر تتحمل وتموت جوه ايده اذا هاي بس المقبلات وهيج صار بيك بعدين شنو راح يصير ، حيل بيك وتستاهل كل هذا من ايدك اذا بنت عمك هيج سويت بيها المفروض تكون حزام ظهر الها بس طلعت انكس من كل واحد بايع الدنيا ومابيها شنو يصير بعد أكثر

اتمشيت اتفقدت الغرفه مال نارا يمها الحارس وشُعاع جوه بالغرفه
اطمئن كلبي وردت امشي اروح يم غرفه مُهيمن ، هي غرفه مُهيمن بالطابق الفوك ونارا بالجوه بس مو بالارضي قبل لا امشي وكفتي الحارس الي حاطي ع غرفه نارا وكفت انتظره يوصل يمي ويحجي

- سيدي
- الشذام :- كول ابني
- سيدي اني اريد اطلع واخلي شخص ثاني يناوب عني
- الشذام :- شنو السبب ؟؟
- سيدي زوجتي بالولادة ولازم اروح الها الله يخليك ضروري اروح
- الشذام :- ربتت ع كتفه ، ان شاء الله تطلع بالسلامه هي وابنك ويتربى بعزكم يابه
- مشكور سيدي
- الشذام :- تمام انتَ ابقى الا ان يجي البديل وبعدها تكدر تروح
مو تروح قبل لا يحجي واذا رحت لازم تتأكد منه هو وصل يلا تطلع
- هاهي سيدي مثل ما تكول
- الشذام :- يلا ارجع المكان
- احترامي سيدي .

اتأكدت منه رجع المكانه واني رحت صعدت المُهيمن هذا الولد مو
امان لازم ابقى يمه ع ان تنحل السالفه ونحوله للمركز دام شُعاع جوه
اذاً مأمن عليه ما يتقرب منه وينهي ع حياته بملح البصر ويسونه رجال براسنه

فتحت الباب شفت مُهيمن مفتح عيونه بس طافي من الرئيسي بالكوه فاتح عينه لزمتني الضحكه ع شكله كل ما اتذكر شلون لكينه شُعاع نايم عليه والولد فاطس جوه اديه عبالك عصفور مهلس اريد
اضحك ع شكله بس تأنيب ضميري لازمني

سحبت الكرسي وكعدت يمه مديت ايدي وربتت ع كتفه شو هذا
فز وصرخ متألم سحبت ايدي هزيت راسي بضحكه خرب غيرتك
شُعاع مكسره تكسر

- الشذام :- خير تريد شي ؟
- مُهيمن :- وين اني
- الشذام :- بفندق خمس نجوم امر خدمه اطلب حبيبي
- مُهيمن :- شجابني
- الشذام :- مع الأسف اني
- مُهيمن :- اريد جهاز اتصل ع اهلي
- الشذام :- شنو شو انتَ صدكت نفسك لك اسكت ولا تفتح حلكك
- مُهيمن :- اني ما طلبت شي اريد اتصل ع اهلي
- الشذام :- اششش لا ادوخني سد حلكك .

بعدني جاي احجي ويا وانفتح الباب بقوه رفعت راسي من شفت شُعاع غمضت عيوني بقله صبر هسه هذا شراح يفكنه منه ناوي ع موته وكفت رحت يمه حتى الزمه دفعني وتقرب من الي نايم لا ايد يحرك ولا رجل

- شُعاع :- ها لك مهلسس .

- الشذام :- لزمت نفسي حتى ما اضحك خرب غيرتك شُعاع هو صدك مسوي مهلس مو مُهيمن غير كَالب خلقته ع البطانه تقرب وكف فوك راسه وحط ايده ع ايد مُهيمن المكسوره من فوك وضغط عليها بكل قوته وهذاك يصرخ فرفحت روحه وشُعاع ولا مهتم اله
عبالك ولا يصيح جوه ايده اني بقيت ساكت ما اتحركت غير هسه يحطني بمكانه ويكتلني

- شُعاع :- لك سربوت اني شكلت لك ؟
- الشذام :- حجه ويا بهدوء قاتل بس ايده مستمره تلعب ع ايد مُهيمن ويضغط عليها
- شُعاع :- كل ما اشوفك صاحي اجي اخرب وجهك واكسر كل جسمك حتى اخليك كل ما تفكر وتجيب مجرد طاريها براسك تبتعد عن التفكير بيها الف متر تخاف خوف العمى بس تحاول تقربها من راسك كل ما تنسى الكتل الي اخذته مني ارجع اذكرك بي وكل ما اصير كدامك حتى لو بخيالك من خوفك تسويها ع نفسك ليش لان انتَ جبان
- الشذام :- شُعاع يحجي وهذاك من الخوف عيونه فاتحهن وهن مورمات بالكوه بس صدمته بالكلام خلته يفتح عيونه ههههه
- شُعاع :- عبالك امشيها لك ؟؟؟ وربي اخليك ماتندل دربك ياخسيس
- الشذام :- تقربت منه من شفته عصر وجهة عصر وأيده الثانيه
ضاغط بقوه ع ايده المكسوره ، شُعاع كافي اتركه
- شُعاع :- وخر مني شذام اذا رايد نفسك وخر
- الشذام :- لا عمي عندي أطفال بشنو تفيديني انتَ هاي وخرت ايدي

- شُعاع :- شلون تتجرأ وتخلي ايدك عليها ؟ تريد تصير رجال براس الزواج الي عندك وتطلع كدامهم بطل لان استقويت ع بنت ؟؟ وينها الرجوله الي تتفاخر بيها وينها شوفني عن أي رجوله تتفاخر بيها ؟؟؟
- الشذام :- لزمت كلبي من كلامه اخوي واعرفه مايحجي شي الا ما يترك علامه
- شُعاع :- خليني اكسر رجولتك الي متفاخر بيها واشوف شلون **** بيها
- الشذام :- ردت الزمه وما لحكت بحركه وحده رفع رجله وضربه بالمنطقه مالته فتح عيني ع وسعها ماعرف شلون سوه الحركه
بس بسرعه بسرعه و مُهيمن صرخ صرخه كأن طلقه وتفجرت بي
سريع سحبت شُعاع ودفعته بس هو ما شاء الله حايط كونكريت ومايتحرك ، لللللك شُعاع وووخر منه موو هيج
- شُعاع :- لااا هذا قليله بحقه شو وخر مني انتَ الثاني خلي اشوف شغلي ويا
- الشذام :- خويه سمي بالله بس وخر منه ويصير خير كل الي تريده يصير بس مو هسه

جاي احجي جان يفتح الباب بسرعه قويه ودخلت وحده من الممرضات اني عبالي جايه ع صراخ مُهيمن بس الي صدمنه كلامها
عن نارا اول واحد طفر شُعاع يركض ركض واني ورى اركض حتى ماا استخدم المصعد نزل من الدرج يدفع بالموجودين ويطفر كل ٣ لو ٤ درجات واني ورى اركض بعدنا ما واصلين للغرفه الي بيها نارا وماسمعنا الا حسها العالي وهي تصيح بأسم شُعاع اني رجال وانهبطت ع هذا الصريخ مالتها وصلنا وما نشوف الا زلم هواي يم الباب من برى وحتى ما يبين الباب دفعهم شُعاع وطبك كل اثنين سوه ودخل جوه دخلنا بالغرفه ولكناهم لازميها يسحبون بيها شُعاع شاف هذا المنظر لو تخبل .

‏أنتِ الفكرة التي الجأُ اليها في بالي
دون أو اطرقَ بابِك
اتحسسُ وجودكِ في العتمة
واعرفُ انكُ هُنا ببصيرة القلبِ
يُطمئنُني ذلك
رُغم عدم تصريحي به
لنفسي أو لكِ
يمنحني قوةً ما
ورغبةً في العيش.

- نارا :- رفعت راسي وشهكت ياربي شُعاع وينه ويا صرختي
دخل هو اني شفته لو احس شفت اهلي كُلهم كدامي هنا ماكدرت
اتحمل اكثر من شفت الخوف الي بعيونه الي بجيت بجي ما صاير
هو تخبل تقرب يركض وسحب ابن عمي من يمي ضربه ع خشمه
ونومه بالكاع بقى يصرخ واجه ع الثاني زنكه من ملابسه وشاله شيول وربده بالكاع الحد هسه اتذكر شلون كسر ايد سجاد الايد الي مدها
عليه وجان لازمني بيها هذاك يفرفح صارت هوسه ودخلوا هواي
عمامي يتصايحون وخوالي وياهم مأيديهم بالسالفة مع الأسف عليهم طلعوا مثل عمامي هم يدورون غسل عار براسي بحجه اني بنت اختهم ، مبتعده مسافه وعيني بس ع شُعاع ياهو الي يجي يمه ينومه بصف الي امدد بالكاع ويضرب بيهم من حيل وحركه
اني من يمي احس جسمي صار يأذيني من الضرب الي ضربهم بي
احسه مثل الأسد من ينهش بجسم فريسته مابقى بيهم شي صاحي
وين يلا انتبهت الشذام ويا ولازم الطريق ع الباقين واجوي هواااي ناس وياهم وين جانوا قبل شويه وين من اني اصرخ

شهكت بصدمه من شفت شُعاع دفع عمي الصغير وبكُل قوته
ضرب عمي بالمكان الحساس خليت ايدي ع حلكي لان صاح بصوت عالي لو عمامي تخبلوا صاروا يدفعون بشُعاع ادفع وهو يصيح يسب بيهم ويضرب بحيل وحركه ماحسيت الا عابد دخل بالنص وياهم
عاد هو شلون حامي ويحب الضرب وهيج أجواء عيد واجه اله
يشيل بهذا ويشمر و يضرب هذاك ويصيح حيييل حيييل اقووه
المستشفى بهذاك اليوم صار شي ما يتخيل ناس تصارخ وناس تضارب وناس مصدومه واني باقيه ع نفس حركتي ما تحركت بس حاطه ايدي ع حلكي مصدومه من الهجوم الي صار

وكف شُعاع يتنفس بقوه وعيونه صايره براسه عصبي ناااار وهذولاك بالكاع يونون من الالم ، عيونه جانت ادور عليه من شافني اجه طاير عليه سحبني من ايدي الحضنه دخل راسي بصدره عصرني عصر
اني حسيت روحي ردت الي حضنته وبجيت جلبت بقميصه بقوه
اهمس بص بأسمه وارجف ، حسيت بي صار مشى وصرت ارجع للورى شوي وتوقف اني مغمضه عيوني ثواني وحسيت شي صار ع راسي هسه يلا انتبهت اني بدون شال وهو رجع بيه حتى يوصل للشال ويخلي ع راسي اني لازمته بقوه سحبني ع كيفه وباسني بقوه من راسي كل هذا وهم يتصايحون مامهتم الهم جان تركيه كُله وياي يمسح بدموعي ويهمس الي

- شُعاع :- والله اخذ حقج منهم كلهم صغير جبير مايهمني الا أخليهم يزينون شواربهم كدامج ويتوسلون بس حتى تسامحيهم وكدام الديوان كله ماخلي احد يحترمهم حتى الصغير يمر منهم ويتفل بوجهم وما يحترمهم بس دموعج لا تنزليهن حبيبي

- نارا :- هزيت راسي وهو مسح دموعي سحبني ع كيف وكعدني ع الكرسي جاب كلنس ومسح بي ايدي وجاب الثاني وحطه ع المكان الي ينزف منه دم وسحب ايدي الثانيه حطها ع الكلنس رفع نفسه ومسح ع شعري ع كيف ورجع عليهم

وكف كدام عمامي الكبار بس اني من شفته طار كُل الخوف الي بكلبي سرحت بي شلون هو واكف كدامهم ومخرسهم كُلهم
وماكو صوت يعلى ع صوته وجان هو الوحيد الي صوته بارز وعالي بينهم حتى هو أطول واضخم واحد بيهم ع كثر ما الموقف يقهر بس عفت كُل شي وركزت بس ع هيبه حبيبي بينهم كُلهم

- نارا :- صاح عمي بعصبيه بوجه شُعاع
- ابو مُهيمن :- اااااااانتَ شششلون تسوي هيج
- نارا :- رد عليه شُعاع وهو يضرب صدر عمي بأصبعه بعده مرات متكرره كأن ديحذره
- شُعاع :- الايد الي تنمد ع مرتي الزمها واكسرها واخليها
معلكه لا تفيد بيها طب ولا دوه
- ابو مُهيمن :- وبأي حق البنت بنتنه واحنه نسوي بيها الي نريده ما لك حق
- شُعاع :- انتَ الي بأي حق جاي هسه ومن بعد سنين تريد تخلي لك حق عليها ، قسم بالله هاي سوايتكم الا اخليكم تدفعون ثمنا غالي لا عبالكم اخليها تمر مرور الكرام وابنكم هذا اذا لكيتوا صاحي
- نارا :- عمي من سمعت السالفه وصلت الابنه انفجر
- ابو مُهيمن :- اااابني ما توصل يمه واذا وصلت ما يصبح صبح
المرتك الي تتفاخر بيها
- شُعاع :- جربت انتَ واوصل الها وقتها ما اخلي احترام حتى للمدفون انبش كبره واخذه حقها حتى من عنده
- ابو سجاد :- ااااانتَ اشو ما تحترم احد
- شُعاع :- صوووتك لك ما يعلى لا ادوس ع راسكم واهينكم كدام هاي الناس ادورون احترام وانتوا كل احترام ما الكم يمي ولا يم احد

- نارا :- عمي تخبل صار يدفع بشُعاع متخبل شلون هيج يحجي
ويا ، اجوي أخذوا سجاد لان ايده مكسوره راحوا يعالجوا والباقين
مكسرين وجهم كُله دم سحبوهم وهذول ينفرون من العصبيه
تقرب شُعاع مني رفعني من كتفي وسحبني ويا تقربنه من يمهم وكفني كدام عمي حطني جوه جناحه محتضني كدامهم عمي من شافني خزرني بي ما اهتميت لان شُعاع يمي هو ساندني
- شُعاع :- جاي تشوفها مو ؟؟؟
- نارا :- عمي بقى ساكته بس يخزر صدمني من حجه شُعاع

- شُعاع :- بس خيط من لبسها يسوه العكال الي لابسه انتَ وكل شيوخكم وانتَ منا وقيسها .

- نارا :- هي مجرد كلمات خلتهم يشتعلون شعل عود همَ جاين ولابسين عكَال عمامي وخوالي ، تسودنوا
- ابو سجاد :- اااااالزم السانك تهيننه كل من مررررره
- شُعاع :- لان هي تسوه روسكم
- نارا :- شُعاع يحجي بهدوء خلاهم يموتون رفع ايده ابو مُهيمن
- ابو مُهيمن :- راح اطلع هسه بس الي وياكم حساب من جديد
- نارا :- انتبهت ع شُعاع ابتسم بوجهة بأستفزاز ورد عليه بهدوء
- شُعاع :- اني وياكم والزمن طويل

نارا :- طلعوا كُلهم وراحوا ماعرف وين حتى ما يهمني بس شُعاع اشر الشذام وعابد يروحون وراهم وانطاهم اشاره عرفت يقصد
ع مُهيمن يمكن يروحون يمه حتى ما يحجون ويا طلعوا كُلهم وبقيت بس اني وشُعاع بالغرفه من بقينا الوحدنا هو اندار عليه
هنا من صدُك حسيت نفسي وحيده وبس هو الي تعلكت برقبته
وطكيت بجي وهو حاضني بكُل قوته حتى رجليه ارتفعت من الارضيه
- شُعاع :- لا تبجين لا تبجين قسم بالله اذا استمريتي بالبجي هسه اطلع احط طلقه براسه واموته وانعل الي يطلع وراهم
- نارا :- شُعاع
- شُعاع :- روحه ، كَلبه ، عيونه الاثنين
- نارا :- حجيت وصوتي بالكوه يطلع من الغصه ، رادوا ياخذوني رادوا ياخذوني وياهم كالوا نغسل عارها
- شُعاع :- ااااني اروح اغسل عارهم بأيدي خلي يصبرولي الا ما اخليهم يبوسون القنادر اااااخ يااابويه بس هينه هينه اني الهم
- نارا :- الله يخليك بس خلصني منهم لاتسوي شي ترى يأذوك
- شُعاع :- جاهل انا وتخافين عليه ؟؟؟؟
- نارا :- حشاك بس ماريدهم يأذوك حباب بس انتَ الي عندي
ماعندي غيرك انتَ كُل اهلي لا تخليني اخسرك
- شُعاع :- اهدئي مايكدرون يسون شي ولا حتى يوصلون الطارف اظفرج
- نارا :- بعدني عن حضنه ولزمني من وجهي باسني بوسه خفيفه ع شفايفي وابتعد عني
- شُعاع :- خلي تجي الدكتوره تشوفج حتى نطلع للبيت
- نارا :- اي عفيه ماريد ابقى
- شُعاع :- ان شاء الله حبيبي

- نارا :- رفع الجهاز واتصل حتى ما طلع من الغرفه ولا تركني
سحبني جوه جناحه واني كاعده شويه ودخلت الدكتوره فحصتني ونظفت ايدي وأخذنا العلاج وطلعنا بس من طلعنا لكيناهم كُلهم واكفين برى هواي جاين من عشيرتي عضيت شفتي مقهوره من شفتهم يعني البنت من تشوف عندها هيج ناس هلكد مو لازم تتفاخر بيهم وتستند عليهم يكونون الها السند الي ما يهتز ولا ينزاح زين ليش اني العكس ليش همَ الي يمشون ورايه ويريدون يتخلصون مني وبعمرهم ماكانوا الي السند الي احتمي بي من الغريب ليش هسه الغريب هو الي يدافع عني اني الي اعرفه العم هو مقام الاب الا عمامي حرموني من هذا الشي واني جنت بأمس الحاجه الهم
حسبي الله ونعم الوكيل عليهم كُلهم

شُعاع حط ايده ع راسي وسحبني الحضنه كدامهم مامهتم الهم
فتح الي باب السياره وصعدني ورجع سد الباب حجه ويا عابد والشذام وصعد مشينا والطريق هدوء مابيه حيل حتى احجي
رجعت راسي للورى غمضت عيوني وغفيت ، فزيت ع صوت شُعاع
يكعدني اباوع واصلين للبيت وماعرف حتى الطريق ماحسيت بي
حححيل لعد شكد تعبانه اني نزلت دخلت للبيت احس رجعت
للقصر الي ارتاح بي ابتسمت من اشتميت عطره رحت اتمددت ع القنفه غمضت عيوني بتعب

- شُعاع :- ترى اهلي رادوا يجون بس اني ما خليتهم
- نارا :- فتحت عيوني ، ليش ؟
- شُعاع :- انتِ تعبانه مو مال هوسه ارتاحي وقتها عود يجون
- نارا :- بس عيب ، رد بنفي
- شُعاع :- لا
- نارا :- تمام ، رجعت غمضت عيوني
- شُعاع :- كومي حبيبي اسبحي ونامي فوك حتى ترتاحين
- نارا :- حبيبي والله تعبانه ومابيه حيل حتى مابيه حيل اسبح
- شُعاع :- ومنو كال اخليج تسبحين وتتعبين
- نارا :- سمعت جملته ردت افتح عيني ماحسيت الا هوَ شايلني
شهكت بخوف وطوقت رقبته بأيدي ، عزززززه شُعاع شدسوي ، شو هذا غمز الي بأبتسامه لعوبه ورد عليه
- شُعاع :- اسبحج اني
- نارا :- فتحت حلكي ، ششششنو !!!!
- شُعاع :- ياروحي اسبحج بأيدي
- نارا :- عطت ، لااااااااا مُستحيل
- شُعاع :- وليش عيوني الاثنين
- نارا :- شُعاع مُستحيل ، اتقرب من اذني وهمس الي بكلام جريء صحت بصوت عالي ، ماااااااااااااااااا ماااا معليه
- شُعاع :- ههههههههه هسه انتِ شنو فهمتي دخيل الله
- نارا :- والله معليه شُعاع الي براسك مااااا
- شُعاع :- خرب غيرتج هسه شكلت اني
- نارا :- ماااااااااااا
- شُعاع :- لا عيب ولا حرام
- نارا :- غمضت عيونه لان يباوع عليه بجُرأة خلاني اطب بنص ملابسي ، عفيه شُعاع، ضحك بصوت قوي حيل قوي
- شُعاع :- ااااااشتعلوووووووا لج شعلتيني شششعل
- نارا :- شُعاع لاتباوع عليه هيج
- شُعاع :- شيلي ايدج خلي اشوف شلون انصبغتي
- نارا :- والله ازاعلك شبيك وياااي
- شُعاع :- ههههههه عمي سكتت بس شيلي ايدج لا اوكعج
- نارا :- اي بس ما تباوع عليه بهيج نظرات
- شُعاع :- يلا ع امرج ما اباوع

- نارا :- شلت ايدي وهو يضحك صعدنا فوك كعدتني ع السرير
وهو راح يطلع الي ملابس حطهن ع السرير ورجع شالني كُل ظني راح يدخلني للحمام ويطلع بس صدمني من صدُك راد يسبحني عرك اني ويا وهو الي عاند اكثر مني وانتصر عليه بس شنو حسيت
الدم يبس بجسمي من الخجل ، وهو ولا أُبالي عادي عنده بالعكس متونس ع خجلي كُل ما ينزع قطعه من ملابسي يخليني اصير نار من الخجل يبقى يشاقي بيه إلى أن افك بس وين اني وهو وين
متت بدمي صح هوَ زوجي وصار النه سنين من متزوجين بس الهسه أخجل منه وخاصه زواجنا جان كُله عقبات يعني ما متقاربين هواي من بعض ف خجلي الهسه نفسه ما متغير ماقبلت يكمل الا ما يطفي لضوء مال الحمام صار بس ضوء خفيف من برى يجي مال الغرفه
هو يضحك عليه ويصيح اني رجلج مو غريب ، كعدني وهو صار يخلي المي ع راسي غسل شعري بعدها جسمي واني اتهرب من نظراته شويه و وكفني كدامه اني ختلت بحضنه اهرب من عيونه
وهو خلصهة عليه بس ضحك يضحك عليه و ع خجلي
ماحسيت الا المي صار فوك راسنه طلع فاتح الدوش فوك راسنه حتى هو دخل وياي بنص المي بملابسه .

طلعنا من الحمام بعد ما لبسني البُرنص وهو هم لبس كعدني ع السرير وجاب السشوار صار ورايه واكف ينشف بشعري ورجع يدندند يغني الي ( كان ودي نلقي في حياتي تشرقي مثل نجمة تبرقي لكن ظروفك غريبة انت عارف يالحبيب ان عالمنا غريب والهوى قسمة ونصيب وهذي الدنيا عجيبة ) جفف شعري وكعد ورايه سحب المشط يمشط الي ع كيف واني مبتسمه احس فراشات بداخلي اطير من اهتمامه بيه احسه يعاملني مثل الطفله يحسني كأن اني بنته مو زوجته يسرح كُل خصله وحدها حتى ما يأذيني ولا يأذي شعري و يوكع تقرب طبع بوسه ع خدي ورجع يكمل
صار يلعب بشعري يجيبه منا و يودي منا ضحكت بصوت لان يحاول يسوي الي ظفيرة

- نارا :- حبيبي دسوي ظفيره بشعري
- شُعاع :- اي ، تدرين شكد احب شعرج
- نارا :- ابتسمت ، شكد ؟
- شُعاع :- اكثر من ما تتخيلين روحي تروح فدوه لكل خصله بي
- نارا :- اسم الله ع روحك لا تكول هيج ،
لزم راسي وداره عليه لكيته مكزكز باسنانه ضحكت باسني هواي هواي بوسات ع شفتي وابتعد عني

- شُعاع :- الدوله كلها تروح فدوه للظفيرة

- نارا :- الابتسامه وصلت الاذاني من الفرحه من صدُك كدر يغير
كُل مزاجي وبهاي السهوله شُعاع تأثيره قوي كُلش قوي عليه واني
متأكده بدونه انتهي، وكفني ولبسني ملابسي وهو هم لبس ملابسه جاب الي الاكل طلع موصي عنقاء تسوي الي بس من ارتاح يجون كُلهم الي اكلت وكملت ودخلني للفراش وغطاني راد يطلع من الغرفه لزمته ، وين رايح ؟؟؟؟
- شُعاع :- حبيبي عندي شغله اسويها وارجع ما اتأخر
- نارا :- تعوفني الوحدي ؟؟؟؟؟؟
- شُعاع :- لا ياكَلبي وحدج شنو مصطفى راح يجي يبقى جوه مايصعد اني نبهته وحتى وفاء ويا كلت الهم محد يوصل يم الباب مال الغرفه وحطيت حراس يم الباب لبين ما ارجع بس اكمل شغله
ع السريع وارجع ما أطول عليج
- نارا :- لا تتأخر وانتبه النفسك
- شُعاع :- بعيوني يلا نامي وارتاحي
- نارا :- تمام ، راح واني نمت

- الشذام :- شُعاع اول ما انطاني اشاره طلعت ركض المُهيمن
لكيتهم يريدون يدخلون ومتهجمين ع الحارس الي موجود يم الباب
بعدتهم من بعد التهديد يلا بعدوا وبلغت عليهم الأمن يلا طلعوهم برى المستشفى اني سريع دكيت ع الي جنت مأمن وجوده يم الباب مال نارا هو فتح الاتصال صحت بي ، اني شكتلك مو كلت تبقى يم الغرفه ما تعوفها الا ما يجي البديل لو ما كلت ؟؟؟
- سيدي والله الوقت داهمني واني اتصلت ع البديل وكال وصلت
اطلع انتَ واني طلعت يعني مو ذنبي
- الشذام :- ووووانتَ تعوف الغرفه فارغه مابيها بس المريضه ؟ مو شفت شُعاع طلع منها شلون انتَ تتوفها الوحدها تعرف العقوبه الي راح تحصلها !
- والله يا سيدي هو كال الي اطلع اني وصلت لا تتأخر ع زوجتك
وابنك
- الشذام :- تمام يصير خير ، سديت الاتصال شُعاع طلع من المستشفى يوصل نارا للبيت بس ماتوقعت يرجع من غلقت الجهاز انفتح الباب ودخل شُعاع هاهي انعلسنا اجه يهد ع مُهيمن الا شافه يبجي يلا تركه ورجع عليه راد يحط بيه بوكس وينومني بالكاع بالكوه خلصت نفسي منها ، سحبني ع جهة يحجي وياي

- شُعاع :- اسمعني زين وسوي كل الي اكول عليه بالحرف الواحد
وياويلك اذا لكيتك مسوي غير شي
- الشذام :- كول خويه
- شُعاع :- هذا مُهيمن تعرف شنو الي عليه والحبس اصلاً موجود
بس بداخله الشغل عليه
- الشذام :- شنو راح تسوي اله عوفه هو اخذ عقابه وراح ينسجن
- شُعاع :- لا الهسه ما برد كلبي منه علاجه عندي
- الشذام :- استغفر الله
- شُعاع :- اسمع الي اريده منك بخصوص عمامه شنو تسوي
- الشذام :- كول
- شُعاع :- ويبقى بينه تجيب اوراقهم عندي واني الي كعده وياهم
وقتها اخليهم بنص الزلم وانزل رأسهم
- الشذام :- شنو ناوي تسوي ؟؟؟؟
- شُعاع :- كل الخير
- الشذام :- كال هيج وطلع بس ابتسامته حيل تخوف الله يستر
شنو راح يسوي الهم وينزل رأسهم بين كل هاي الناس الله يستر

- نارا :- ما حسيت ع نفسي بسبب العلاج الي
أخذته ماصحيت الا باليل ع صوت شُعاع يكعد بيه ، غسلت وجهي وغيرت لبسي خليت الشال ع راسي ونزلت لكيتهم كُلهم موجودين
من شافوني ركضوا عليه يسلمون عليه ويتحمدون الي بالسلامه
كُلهم موجودين بيت خالتي ام شيت وأم شُعاع بيت الشذام وأم لُجين والبنات وبيت عابد والبيت صاير هوسه فد مره بس حيل فرحت بجيتهم وحسيت الله عوضني بيهم صح ماعندي عائله بس هسه صاروا همَ عائلتي

- عابد :- لك مصطفى
- مصطفى :- هاا خير
- عابد :- والله فاتتك فوته
- مصطفى :- عدل كعدته ، شنو هي ولك ؟
- الشذام :- خلي يولي غلس لا تهتم اله
- عابد :- انتَ اسكت
- الشذام :- استر علينا
- عابد :- ما احب الستر اسكت معليك
- مصطفى :- شذام اسكت خلي نشوف شصار وانتَ عابد احجي
- عابد :- لك فاتك الذيب شلون نام نيوم ع الفريسه مالته
وكطعها بسنونه ماخله شي صاحي بيها واني صويحبك شكد ردت افترس هاي الفريسه بس ماحصلت منها شي بقيت ايد ورى اايد كدام اتحسر عليها واني جنت اتمنى اخذ حصتي منها بس ماحصلت شي
- مصطفى :- كول والله
- عابد :- والله
- مصطفى :- شكد فاهي انتَ اكو واحد يضيع هيج فرصه ثمينه
- عابد :- زفر انفاسه يمثل ، شسوي ياخويه هذا حظي الفكر
- مصطفى :- ضرب رجله ، الله يساعدك ع هاي الخيبه المؤلمه

- نارا :- كاعده اني بصف عنقاء وهم يضحكون اني اتذكر الموقف كدامي شلون شُعاع نام ع مُهيمن وكتله بس من صدُك كأن هو الذيب وأما مُهيمن هو الفريسه ، يضحكون وصوتهم عالي بس شُعاع ما يضحك وياهم بالعكس هادئ وكأن باله يفكر بغير شي ماحجيت اني ولا بادرت إلى أن كاموا وصاروا يطلعون طلعت وراهم كُلهم سلموا وراحوا بقى مصطفى اخر واحد قبل لا يطلع اجه يمي وكف كدامي

- مصطفى :- انتِ تطلبيني اعتذار
- نارا :- عقدت حاجبي ، مافهمت ليش اطلبك ؟ زفر نفسه وباوع عليه بنظرات تأنيب الضمير
- مصطفى :- والله ضميري جاي يأنبني لان شكيت بيج
- نارا :- طخت براسي بيوم الي جاب الي الجهاز وجان يباوع عليه بنظرات تحز بالخاطر ، ابتسمت وهمست اله ، لا عادي
- مصطفى :- لا مو عادي لان اني بحسبه اخوج والمفروض ما اشك بيج بس اني غبي من شكيت وما حاولت افهم منج اعذريني خويه
بس والله التوبه حتى لو شفت بعيوني اجي الا اسألج يلا اخذ نظره عنج كلش اعتذر، اسف وحقج ع راسي
- نارا :- مصطفى انتَ اخويه ماصار شي انسى
- مصطفى :- فدوه للحنينه الله يحفظج الشُعاع والنا
- نارا :- شُكراً مصطفى ، لوحت اله بأيدي وهو راح .

دخلت اني وشُعاع قفلنا الأبواب وصعدنا للغرفه هو اتمدد ع السرير وفتح الي اديه رحت سريع دخلت بحضنه شكد نمت العصر بس من دخلت بحضنه نعست اكثر وكأن معوزه نوم اكثر غمضت عيوني وهو يبوس بوجهي حتى ماعرف شوكت غفيت وشكد هو يلا نام نمت مثل القتيله .

مرن تقريباً ٣ اسابيع وماعرف شُعاع شبي يطلع من الصُبح ما يرجع الا باليل بس كُل شويه يتصل عليه مايترك ساعه تفوت بدون ما يتصل وحاط الحراس بالباب برى وعنقاء يوميه تجيني ومصطفى يجيني مايتركوني الوحدي ابد زاد استغرابي اكثر وكُل ما اسأله يكول الي
اصبري ، لو يكول الي مابقى الا شوي وتعرفين واني الفضول موتني حتى مُهيمن ماعرف شنو صار عليه
ولا اعرف عمامي وخوالي شنو صار بيهم مع العلم همَ هددوني علني وشعجب ما حاولوا يجون ويتهجمون عليه مره ثانيه ماعرف

بيوم جانت العصريه جنت كاعده هسه طلعت عنقاء
وراحت البيتها فجأة انفتح الباب بقوه ودخل مصطفى يركض والضحكه واصله الاذانه وصل يمي يصيح
- ااااااامشي سررررريع لبسي خلي نطلع
- ووووين ؟؟؟
- لج اااامشي الكل جاي ينتظرونج بالديوان اليوم راح تصير الا طحين
- شنووو تقصد مصطفى
- رجلج وفى بوعده واليوم راح تزّين الشوارب لخاطر عيونج .

مو مُهِم الينگال لك المُهِم
"اليصير عَلمودك"
يتبع ✨️

✨️ التوووووووووقعااااات ولجن ✨️

.