رواية الريم بين احضان الاسد الفصل الخامس عشر 15 - بقلم شيـخـة ✍️🖤

طحت صح بَـس صرت احلى .

گذله و طيحتي على العيـن فرق عن طيحة الڪحله "
.
.
.
.
.
.
.
البنات...
جانن الينات مجتمعات بغرفه نيران وضي ويسولفن ويضحكن
ديمه:اكول بنات
البنات: كولي
ديمه: ماتخلونه اليوم نسوي سهره بيناتنه نبدل ونكشخ ونتمكيج ونجيب حبشكلات و نجيب الدي جي الزغيرونه ونركص عليه والله نتونس
نازك: اييي والله صدك
اصيل: نجبن بدون هيلكه
نيران: انتي نجبي ....دمدوم حبي حضري الدي جي وحملي الاغاني واني وريم نجحهز الحبشكلات وشمس وضيوش يجهزن الملابس
البنات: كيفن وضلن يكمزن ويصفكن ......
الديوان ....

همام واشم: جابوا الحطب
حسين(بعصبيه) : بعد مابقيتوا شويه
همام: اي والله الجو يخبل لو باقين مو اشم
اشم: اي بالعباس الجو راقي
حسين: اكلوا تبن اني مو كتلكم علئ السريع جيبوا الحطب وتعالون وصارلكم ساعه رحتوا ومارديتوا زمايل
حسين رزله رزاله غسل ولبس وخلاهم يرتبون الديوان
و دك تلفونه طلعه من جيب الدشداشه شاف هاي نازك اخته تتصل عليه جاوبها
حسين: ها بوية
نازك: ....

البنات
نيران: لج نازك خابري حسين خلي يدزلنه واحد من الولد يروح يجبلنه هذني الشغلات حبابه
نازك: اوك حب هسه اخابرة
نازك: ها حسوني
حسين: ها بويه
نازك: دزلنه واحد من الولد نريد هذني شغلات نشتريهن
حسين: خوش بوية هسه ادز لو كيان لو جود
نازك: ماشي
نازك: حبي نيران خابرته وكال هسه ادز لو كيان لو جود
نيران: تمام حياتي

الديوان....
حسين: شاف جود كاعد كدامه صاحله جود جود
جود: عا ابو علي
حسين: كوم للبيت البنات يردن غراض روح اشتريلهن
جود: ماشي
جود دخلت للبيت دكيت باب المطبخ لان ادري بنات عمي عدنه
دكيت الباب مرتين محد حاجاني دخلت واشوف نازك بنت عمي تركض وطلعت وراها نيران تركض وتصيح وما احس اله نازك انلطشت بيه  ....
نازك: جاي نلعب اني و نيران كمت رشيت علئ راسها كلاص مي بارد ثلج يبست من البرودة كامت تركض وراي وتصيح
نيران: الزمج اليوم اله تذب عليج سطل مال مي مخلينه بالمجمدة
واني اركض واضحك ماحس اله انلطشت بواحد رفعت راسي واشوفه جود ابن عمي يبوووة يا فشلتي كبل كتله
نازك: اااسسفه
جود: باوعلتها وضحكت ودرت وجهي
نازك ضحكت بوجهي ودار وجهه اني خليت وطفرت للغرفه
جود: سمعت نيران تكلي
نيران :ها جود محتاج شي
جود: حسين دزني كال البنات يردن غراض روح اشتريلهن
نيران: اي والله جود هذني الغراض انطته ورقه مكتوب بيها الغراض الي محتاجاتهن
جود:تمام .....وههههه عود خطيه سطل مي مثلج هواي خاف تتمرض
نيران: جودو امشي اطلع برة شعليك انته ها
جود: هم صدك شعليه
طلعت اشتري الغراض للبنات

السليمانيه...
ايان: بعد ما شلت حور والي عرفت اسمها من حاجاها الحارس. توجهت للفندق وصعدت للغرفه الي نازلين بيها اني واسد فتحت الباب مال الغرفه وخليها علئ جربايتي وغطيتها بالشرشف جذبني ملامح وجها ماحسيت علئ نفسي من صفنت بوجهها اباوع عليها الخدود جنهن تفاحه الشفايف كرز الحواجب مرسومات العيون وساع لونهن شذري ورموشها كبار وكطن من البياض وناعمه ماحسيت علئ اسد من دخل للغرفه كال....
الشيخ اسد: بعد ما طلعت من الميتم ومستمسكات البنات وياي توجهت لللندق الي نازلين بي اني وايان وصعدت للغرفه فتحتها شفت ايان مخلي حور علئ الجربايه وصافن عليها ضحكت وكتله
الشيخ اسد: جنها عجبت ايون
ايان (ب احراج و ارتباك) :لا شنو هلحجي
الشيخ اسد: احجيهن لغيري
ايان (وهو يغير الموضوع): شسويت للحارس
الشيخ اسد (عرف ايان يريد يغير الموضوع ف جاوبه) :وكلته المقسوم ورحت للادارة جبت مستمسكات البنات واجيت
ايان: ها
الشيخ اسد: ايي
ايان: و هسه شنسوي
الشيخ اسد: نرجع لهلنه
ايان: هاا
الشيخ اسد: اي والله لان تأكدت من كلام ريم
ايان: وحور؟
الشيخ اسد: شبيها!
ايان: تاخذها وياك
الشيخ اسد: طبعا
ايان: لا ماتاخذها
الشيخ اسد: وليش بله
ايان: لان انت معروف وهذا الحارس الكلب ابن الكلب ماراح يعوفك وراح يشتكي عليك بقضيه خطف قاصر و قضيه التعدي علئ ممتلكات الدوله وقضيه التعدي عليه
الشيخ اسد: هم صدك بس ريم عدنه شلون
ايان: هي شكد عمرها
الشيخ اسد: 19سنه
ايان: وحور؟
الشيخ اسد: عمرها 17 سنه حسب ما قريت مواليدها بالجنسيه
ايان: ريم كلشي ماعليها لان هي عابرة السن القانوني ومو قاصر بس حور قاصر لذالك راح يرفع قضيه خطف قاصر
الشيخ اسد: والحل شنو
ايان: اخذها وياي لبغداد اخليها بشقتي
الشيخ اسد: اهاااا خوش بس شلون تخليها وحدها وياك لاتفهم قصدي غلط اني ثاق بيك بس البنيه مااعتقد تقبل او تثق بيك
ايان: هم صدك لعد اخذها لبيت اهلي احسن من الشقه
الشيخ اسد: هاي هيه هسه خلي نرتاح علما تكعد ونفهم هي ليش ماراحت وي السفرة وليش ملابسها ممشككه هيج وهذا حالها كلش مااعاجبني
ايان: اني هم خاف هذا الخنيث مسويلها شي
الشيخ اسد: ان شاء الله ما مسويله شي
ايان: ان شاء الله
كل واحد راح نام لان تعبواكلش ....
البنات .....
جهزن كل الاشياء الي يحتاجوهن للسهرة مالتهن
نيران: اني وريم كملنه الحبشكلات وانتن؟
ديمه: اني هم حملت الاغاني وشحنت الدي جي
ضي الگمر: اني وشموسه جهزنه الملابس والمكياج
اصيل ونجمه: واحنه سوينه العشا للولد وانطينا الهم
نيران: حلوو كومن خلي نبدل ونتمكيج
البنات: يلا
البنات كلهم لبسن شورت وفانيله تعلاگه وكل وحدة لون
ونوب كعدن وحدة ورا الثانيه يتمكيجن وهن يضحكن ويسولفن وياخذن صور ونوب كملن من المكياج وو
ترف: لج دمدوم شغلي الدي جي وشدت الشال علئ خصرها
ديمه: اي حبي تدللين شغلت ديمه الدي جي و طلعت اغاني ردح وكامت هي وترف وملاك ونازك و نيران يركصن ويضحكن وشمس تصور بيهن
نيران: ريم يلا كومي اركصي ويانه
ريم: ها لا مااعرف عوفيني
شمس: شبيج ريوم دكومي حبابه
ريم: مااعرف
ترف:حبي علمين تجذبين اكيد مو عليه روحي جذبي علئ الدبة ماكو بنيه ما تعرف تركص
نازك: عمي الركص بالفطرة
نيران: ااااههههوووو دكومي ي ريم
ريم: كامت وانطتها اصيل شال شدته علئ خصرها و كامت تركص علئ ايقاع الاغنيه والبنات يركصن وياها والي كاعدات يصفكن ويضحكن واكيد شموسة تصور .....

الشباب بالديوان
همام: حسين
حسين :ها بوية
همام: خلي نسوي جلسه شعرية
جود: اي والله مادام ماعدنه شي وكاعدين
شهم: خوش كومو حضرو الكهوة
كام همام وجود حضرو الكهوة وكعدو وبدوا جلستهم الشعرية
الي بدة بيها شهم
شهم:
"
يجي يوم
نلم حزن الايام ..
وثياب الصبر ونرد لهلنه ..

يجي يوم ..
الدرب يمشي ..
بكيفه ،وياخذنه لوطنه .!!

يجي ذاك اليوم ..
لاچن انه "خايف" ..؟
گبل ذاك اليوم تاكلني العگارب ..
الشباب : الله الله عشت
شهم: انتو العايشين
حسين:
"
انه "الخواف " يادنيه ..
انه "الخواف " من كلشي .!!
لو احلم حلم مو زين أنه ارجف گبل رمشي .!!
،

امير:

يا باب الفرح ..
والحزن مد الشوف ..!
"خايف" لا يهب عالي الهوه وتنسد ..
،
محمد:
ياعشگي لونك بهت
هم تعبتك فرگتي ؟ لو عدت الفتره
مالومك بگطعتك (محروس من كلَ جرح)
برد المشاعر تره الماكمل العشره !
-
جود:

يا خوخ
لجلك عاشرت
كل الطيور وصادگت ..

"خايف"
جنح عصفور
يهدل غصنك ويمك نمت ..
،

كيان

"خايف" ..
واليخاف عليك ..
يتباهه بوجه خوفه .!!
اني "خايف" ..
اعله ضلك يتعب اعله الگاع .!!
خليني اشيلة بروحي ومشي وياك ..

ذو الفقار

حَنيتلةة بِـ كُل كتر،
آنةة وشطوط السَهر
التتمرجَح بِـ عيني ♡♡-
.

"
اشم:
اميرتهن ترى المفروض
تتقدس تفاصيلج
وارتب شعرج بـ أيدي
وابوس ايدج واغنيلج
واذا صابج تعب نامي
    حبيبج باقي يدعيلج💜..

همام:
*
ضحكتچ لو ترهم عگال ؟
چان تشيخت بيها ♥️.

محمد:
عتك شباج بستاني
تعال
استنكه المرطبات
تعال
اشجم كمر تاناك
وانته معاشر المدري
اتيه بنص تجاعيدي
من افوت بسجت مرايه
تعال عليك
( انته عليك )
هوه انته قسم عشاك

همام: يبببوه طلعتوا شواعر ومادري بيكم

شهم: اسكت ابو شضحكتج لو ترهم عكال جان تشيخت بيه خاب دكوم انت وضحكتها
الشباب كلهم ضحكوا وو......

وهنا حبايب خلصت هذا البارت اتمنئ ينال اعجابكم ويرضيكم
واعتذر عن الاخطاء الاملائية

عدد كلمات البارت 1174 كلمه

في امان الله و حفظة

#الكاتبة زينب الساعدي