رواية الريم بين احضان الاسد الفصل السادس عشر 16 - بقلم شيـخـة ✍️🖤

من شافو اضحك جذب
كالو عليه اتعافه

مخفي الحزن جوه الگلب
همزين محد شافه

.
.
.
.
البصرة ....
الساعه ب 12:00 مساءً
الديوان
حسين: يلا شباب ندخل للبيت
شهم: اي والله اني هلكت من التعب
حسين: اي اني هم تعبت
طلعوا الولد وجود قفل الديوان وتوجهوا للبيت جود وذو الفقار كل واحد دخل لغرفته والشباب نامو بالصاله والاستقبال
جود :دخلت تعبان نزعت ملابسي ورحت طلعت ملابس اريد اسبح وانام درت وجهي واني اشوف هلشوفه ضليت مصدوم كلشي مامستوعب غير الكدامي يمكن هاي حورية طفرت من الجنه اي هو اكيد اريد اشيل عيوني ماكو ماكدر كلت
جود: انتي حورية نزلتي من الجنه مو؟
يعني صراحه جنت مصدوم حتئ ماعرفت شحجي

نازك: دخلت لغرفه جود الغرفه كلش حلوة وهادئة جان لونها اسود و رصاصي الوان غامقه ملابسه الي نازعهن الصبح شامرهن علئ طرف الجربايه رحت شلتهن العطر الي بيهن خلاني بدون وعي اقربهن الي واشمهن وووفيش الريحه دمار رجعتهن علئ الجربايه ورحت للميز مال المرايا العطور مالته مرتبات علئ الميز ضليت اشتم بيهن اريد اعرف العطر الي بالملابس ولكيته رشيت منه علئ مكانات النبض ورجعت العطر للميز نوب فتحت الجرار لكيت الساعات مالته كلهن باللون لاسود ورصاصي واكو بيهن لون الازرق الغامق حيل ابتسمت وسديت الجرار نوب فتحت الجرار الثاني بس محابسه من كل انواع الاحجار كلش حلوات وعجبني سديته وفتحت الجرار الثالث بي السبح مالته بكل الالوان الغامقه الضاهر جود يحب هيح الوان ولكيت زنجيل وسوار بالفضه مكتوب عليهن الجود المهم سديت الجرار ورحت للكنتور مالته فتحته لكيت خانه بيها دشاديشه مرتبات بتدريج الالوان من الاسود منتهيه بالسمائي الفاتح وكلهن فصال الي يفصل الجسم تخيلتهن علئ جسمه وهو جسمه رياضي وواو يطلع جمال ههههه سديت الخانه مال الدشاديش وفتحت الخانه الثانيه لكيت كلها بنطرونات جينز و كلاسك وقمصان وبديات اخر موديل و احذية سبورت سديت الكنتور و اخذت المنشفه بس مااخذت ملابسي كلت محد يدخل اطلع من الحمام والبسهن لان لبسهن بالحمام يصير صعب خصوصا البجامه تضل مجلبه بجرف رجلي المهم دخلت للحمام سبحت وكملت نشفت ولفيت المنشفه علئ جسمي وطلعت مااحس بس جود يكلي انتي حورية طافرة من الجنه موو؟ اني نصدمت كبل رجعت للحمام ياربي نفضحت يمه شكد عيب الله يطيح حضج نازك ليش ماخذتي هدومج وياج ضليت كاعدة بالحمام لحد ما ....
جود: اول مرة اشوف نازك بت عمي بهل المنضر يعني هي حتئ تراكات ماتلبس كدامي علطول ملابسها عريضه وحجابها مايوكع من راسها من تجي عدنه طبعا مصدوم بجمالها نازك جميله لابعد الحدود يعني شنو هي هستوها صارت هيج لو اني ماجنت منتبه عليها ياربي زين هي شدخلها لغرفتي وشكو تسبح بحمامي وليش طلعت بدون ملابس هيج بس المنشفه ضليت مستغرب لجد ماانتبهت ملابسها علئ الجربايه وهي دخلت للحمام ماطلعت رحت دكيت الباب وكتلها
جود: نازك نازك
نازك: جود دك الباب مال الحمام صاحلي جاوبته واني ابجي هاا
جود: هذني ملابسج لكيتهن علئ الجربايه
نازك: اي عفيه انطينياهن
جود افتحي الباب هذني
نازك :فتحت الباب ومديت بس ايدي انطاني الملتيس وسديت الباب بساع
جود: فتحت الباب ومدت ايدها غي. اله شرايين اديها مبينات من كد البياض بس اخذت الملابس كبل سدت الباب اني رجعت كعدت علئ الجربايه وبعده منضرها براسي ماجاي يروح شكلها شلون شعرها الاسود نازل لحد خصرها وبي مي لو رجليناتها الكطن والركبه يبوية دمار استغفر الله هاي اني شجاي اكول مايصير افكر هيج ....
نازك: لبست ملابس ولفيت شعري بالمنشفه واخذتلي 5دقايق مستحيه وخايفه اطلع اخر شي فتحت الباب علكيف وطلعت لكيته كاعد علئ الجربايه ومنزل راسه يمه احس روحي راح افقد من الفشله
جود: رفعت راسي لكيتها واكفه بباب الحمام كتلها اسف مادري بيج جنت بغرفتي وبالحمام جان مادخلت
نازك: لا لا اني اسفه مادري بيك تجي هسه لان نيران كالت يتأخرون لل1 يلا يدخلون ولهذا السبب دخلت لهنا لان البنات كل وحدة دخلت لحمام
جود: عادي ماصار شي
نازك: اني اترخص تصبح علئ خير
جود :وانتي من اهله
نازك: طلعت من غرفه جود وطكيتها ركضه لغرفه البنات دخلت وسديت الباب حيل ووكفت ورا واتنفس بصوت عالي وجسمي كله يرجف البنات جانن كاعدات نيران وترف ونجمه وملاك وضي
نجمه: شبيج نزوكه
نيران: وج احجي شبيج ترجفين
نازك: جود
نيران(ب استغراب) : شبي جود
نازك: شافني
ترف: اهمداج جا واذا شافج قابل اكلج الولد مو هل يوميه يشوفج شني اليفرق
نازك: لالا مو هيج شافني من طلعت من الحمام
ملاك: اي خيه عادي كليله جنت اسبح لان الحمامات مشغوله مابيها شي
نازك: ولجن مو هيج
نيران: جا شلون
نازك: ش ششااافن ني ب بدوننن ملاابسس
نيران: يااااا
ملاك: عزا العزاج
ترف: جذذذابه موو
نجمه: صخام الوجه
نيران: شلون شافج ولج
نازك: كعدت علئ الجربايه وكتلهن انطني ماي واحجي
راحت ملاك جابت ماي واجت
ترف: يلا احجي مو عليتي كلبي عل
نازك:شربت الكلاص جرة وحدة وحجيتلهن
نجمه: ثول الثولج ان شاء الله
ملاك: اي والله اكو وحدة تسوي سوايتج
نيران: هو انتي مال ثولة ثولة ومال غبيه انتي رب الغباء بس طبعا انتي مامتقصدة ف غلسي كأنوا ما صار شي
نازك: شلون انسه يمه الفشله الصرت بيها الله ياخذني
ضي: ههههههه اسكتي خيه عليمن .....
جود: بعد ماطلعت نازك دخلت سبحت لكيت ملابسها معلكتهن ورا الباب غاسلتهن خطيه من الخوفه نستهن ههههه المهم نشفت وطلعت وكفت علئ ميز المرايا مشطت ورشيت من عطري وتمددت. اول ما غمضت عيوني اجه منضر نازك كبالي يابوية شهل البياض دخيل ربج اتعوذت من الشيطان ولفيت راسي ونمت .....

اصيل: نزلت اسبح بالحمام الي قريب علئ الديوان دخخلت سبحت وكملت سمعت صوت الولد طلعوا من الديوان كلت انتضرهم لمن يدخلون واطلع المهم صارت هدوء طلعت واشوف حسين واكف يغسل ضليت متبسمرة بمكاني هو رفع راسه استغرب من شافني كال ....
حسين: طلعنه من الديوان ودخلنه لجوة المهم طلعت غسلت رفعت راسي اشوف اصيل بنت عمي واكفه المنشفه علئ راسها و لابسه تراك البدي مالته ناكع مي بسبب ضفيرتها استغربت شعدها اصيل تسبح هيج وكت وبالحمام الخارجي اشو البيت كله مليان حمامات كتلها ..
حسين: اصيل شعندج هنا
اصيل: ارتبكت: ها جنت جنت اسبح
حسين (عكد حواجبه) :وليش بهذا الحمام والوكت تأخر ليش ماسبحتي جوة
اصيل: مو البنات كل وحدة دخلت لحمام والباقيات لزمن سرة وراهن ف نيران كالتلي روحي للخارجي
حسين : هاا
اصيل: اي والله
حسين: يلا يبوية فوتي لاتتمرضين شعرج يكطر مي
اصيل انتبهت لشعري نازل من جوة الخاولي كبل دحسته جوة الخاولي وكتله ايي و ركضت كبل للغرفه اول مادخلت باوعلي البنات وكالت
نيران: اليوم شبيجن كلساع وحدة راكعه الباب وتجي تلهث شجاجن
اصيل: اسكتي ولج
نيران: شكو
اصيل: حسين ابن عمي شافني برة وضل يسأل شعدج طالعه بهذا الوكت وشكو تسبحين بهذا االحمام وليش ماسبحتي جوة وعلي فشله من العمر
البنات: ماتن من الضحك....

حسين: دخلت اصيل ركض واني اباوع لخطواتها وووف ي اصيل شسويتي بحالي دحسي بالي يحبج وووف وووفف ربي حلها انت قادر علئ كل شيء نشفت ادية ووجهي ودخلت نمت....

البنات ....
كلهن كملن سبح وكاعدات بالغرفه ونيران تسولفلهن علئ اصيل و نازك وهن يضحكن
ريم: اسكتي لج نازك وعلئ هاي لو اني بمكانج جان كبل نجلطت وكبل هوووب للمكبرة
ضي الگمر :ايي وعلي
نازك: والحمزة اني تبسمرت بمكاني من شفته يباوعلي لا ونوب يكلي انتي حورية طافرة من الجنه مووو؟
نيران: يبببووووة خبلتي اخوي وعلي
ضي الگمر: هسه ماينان ليله من شافج
نازك: نجبن ولجن شهل الحجي
البنات ماتتتن ضحك عليها
شمس: يمعودات كافي كومن خلي نام صارت ب2تدرن لو لا
ديمه: اي والله يلا تصبحن علئ خير
البنات وانتي من اهله
نوب كل وحدة راحت لفراشها ونامت .....

الشباب
كيان: يولد كاعدين
الشباب اييي
كيان: باجر بليل نكعد نسوي سهرة حلوة شتكولون
الشباب ماشي
شهم: اي وهم الشيخ اسد راح يرجع باجر
كيان: ايي خوش يلا تصبحون علئ خير
الشباب: وانت من اهل الخير وو.....

هنا خلص هذا البارت اتمنئ يعجبكم واعتذر عن الاخطاء الاملائية 🙊
وطبعا هذا البارت هدية لمتابعيني الحلوين وللي شجعوني اتمنئ ينال رضاهم ويصبرهم للبارت، الجاي

عدد كلمات البارت 1230 كلمه

في امان الله وحفظة

#الكاتبة زينب الساعدي