رواية السجينة الفصل التاسع 9 - بقلم شـــروق الــسامــرائي

.
سجاد:بعد وفاة ابوية لحوا علية اهلي ارجع
اكمل الدراسة وحرامات لان هاي اخر سنة الي
والحمدلله بعدان عرفوا سبب تأخري بالدوام
سمحولي اكمل جانت هواية محاضرات
فايتتني ودراسة هواية وصاحبي مصطفى
ظل وياية كمت اشوف شهد هواية وهم نفس
الشعبة بس كلشي اختلف بداخلي ناحيتهة
كمت كلما اشوفهة اكرهة اكثر بسببهة ياما
وياما عاندت اهلي وياما تعاركت وية ابوية
وتجاسرت عليه وجان يتخربط بسببي اووووووف
صرت اتمنى ترجع ذيج الايام واركع تحت
رجله واطلب منه السماح شكد جان يكلي
متفيدك ومو من ثوبك بس هسة يلة
عرفت صدك هي متناسبني صرت استحقرهة
شلون مغرورة وشايفة نفسهة لان خطيبة
الاستاذ،،،،،وشلون استاذ كل شوية طالعة
طالبة شكل من مكتبه،،،
مصطفى:خيييير ابو الشباب وين بالك
ويأشر بعينه ع شهد جانت كاعدة وية شلتهة
التعبانة امثالهة،،،،لاتخاف خوية الطيور ع
اشكالهة تقع متشوف متراهمنة،،،
اباوع عليهة واضحك بأستهزاء هي ضاجت
واخذت صديقتهة وكامت،،،شفت مصطفى
صافن علية،،،،والله لايظل بالك ماضي
وانسى الي صار والي مرينة بيه هواية
خلاني اغير من نفسي واصحى ع روحي
تدري هاي بسببهة ياما وياما اذيت ابوية
ولابت عمي الي كرهتهة كره العمى وجنت
معمي عنهة بس مجرد لان جنت احس راح
تكون سبب انفصالي عن شهد،،،،
مصطفى:الحمدلله سجاد خلصت و والدك
راح الله يرحمه وهو راضي عنك،،،
سجاد:بس بعديش مصطفى بعديش بعد
مشلعت كلبه لا والكارثة جانت الخاتون مطيق
تسمع سيرة اهلي والبصرة من اساسهة
وتحس مو من مستواها،،ورفضت بت عمي
الي شاركت اهلي بالحلوة والمرة تدري
خلال هاي الشهرين الراحت شفت نفسي
شكد انسان تافه وعايش ع الهامش همه
الونسة والضحكة ابد مفكرت بيوم اشيل
الحمل عن ابوية لو اساعد واحد من اخوتي
عيوني غرغرت بالدموع،،،
مصطفى:خلص خوية خلص المهم لحكت
لنفسك وحصلت رضى والديك واخوتك هذا
المهم انسى الماضي شي راح بوكته،،،
احنة ولاد اليوم لو كلهة مثلك تندب ع الماضي
جان مصار براس احد خير وكدر ان يطور
نفسك انت شد حيلك وحقق رغبة ابوك واتخرج
من اول سنة وساعد اخوتك،،،
سجاد:ضحكت والله انت صدك نعم الصاحب،،،
مصطفى:ضحكت دكوم كوم هذا الحجي ميصرفلي
كوم غديني اذا هذا حجيك صدك ترى ميت
جوع،،،
سجاد:يخسه الجوع تدلل خلصنة الدوام
وطلعنة نتغدة شفنة الاستاذ خطيب شهد
الي طايرة بيه كاعد وية وحدة بكوفي والغريب
تصير صديقة شهد ضحكنة ثنينة،،،،
مصطفى:شفت عوف كلشي ع ربك سبحانه
كفيل ان ياخذ حقك،،بس كوم خل نغير المكان
لان راح تنسد نفسي واني ناوي اخسرك،،،
........... .......... ......... ...........
البصرة،،،،
حوراء:عمة فدوة اكلي شوية وراج دوة
زهرة:بنتي ما اريد لاتلحين،،،،
حوراء:عفتهة وكمت طلعت من غرفتهة
صار بوجهي ضرغام ديصعد لغرفتهة،،،،
ضرغام،،
ضرغام:هاااا حوراء،،،
حوراء:عمتي هم مرضت تتغده وسئلت عليك،،
ضرغام:اوووووف استغفرالله يعني ليش
هيج تتصرف اطيني الاكل،،اخذته وطبيت
عليهة،،يمة ترى ميصير الي دسوي
بروحج حتى ابوية ميرضى عنج هيج انتي دتعذبيه
زهرة:روح عني مجوعانة،،،
ضرغام:احد غاثج،،سامعة شي،،،
زهرة:اي،،انت،،،
ضرغام:اني،،،شسويتلج،،،
زهرة:قبل لتحاسبني حاسب نفسك شوف
روحك ليوين وصلت هاي حيصير3اشهر
وانت ساكت كله مكضيهة صامت من البيت
للشغل وبالعكس منو الي ديعاقب روحه بينه
هااااا فهمني ابوك بشنووو وصاك كلك
اهمل روحك واطمر نفسك بالحياة لا انت
الي دورت ع مرتك وفهمت منهة وعرفت
الصدك ابنك لو لا،،،ولا انت الي اسست
حياتك من جدة وجديد،،،
ضرغام:يمة هذا الحجي شله دخل بغذائج
وعلاجج،،يعني افهم ان انت دتعاقبيني،،،
زهرة:اي واسمعهة مني يا ضرغام
والله ثم والله ثم والله اذا محاولت تغير من
نفسك صدكني الم غراضي واروح لبيت جدك
لبغداد،،،
ضرغام:يمة اني مو جاهل،،،
زهرة:الحمدلله مدام تعرف بنفسك مو جاهل
لاتتصرف مثل الجهال،،،
ضرغام:وهسة مراح تاكلين يعني،،،
زهرة:اخذ الاكل واطلع كفاية علية الي
خسرته مناوية اخسر بعد خليني اموت ولا
اظل يومية مودعة واحد،،،
ضرغام:كعدت يم رجلهة بالكاع وجريت ايدهة
وبستهة،،فدوة اروحلج الي تريديه يجرالج
بس اترجاج اني الي مالي حمل اخسر
احد كفاية الي بيه يمة انتي روحي الثانية
كفاية خسرت ابوية وصاحبي ظلي انتي
النسمة الحلوة الي تعطر ايامي،،،
زهرة:بجيت حبيبي شعندي غيركم لعد حس بنار
كلبي يا امي اني داموت واني اشوفك تذبل
كبال عيني،،،
ضرغام:بست ايده صار الي تأمرين بيه
وهسة ممكن تاكلين لان وراج دوة،،،
زهرة:ابتسمت امشي خل اكعد بالمطبخ
روح ارتاح اني هسة اتغده واخذ العلاج وانام
شوية،،،
ضرغام:صار بست راسهة اي شي تحتاجيه
صيحيني ماشي،،،صعدت للغرفة سبحت وبدلت
وتمددت ع الجرباية افكر بحياتي شلون
راح اكدر اوصل لوردة وعلاوي،،زين شلون
اذا طلع صدك مو ابني استغفر الله حاولت
اطرد الافكار من راسي اتمددت ع بطني
وخليت ايدي جوة المخدة،،،،
كمت لحيلي شنوو هذا جريته اووووووووف
بيش ذكرتني شلون جنت ناسيك،،،
شلته الحجاب مال حور،،ياترى هسة انتي
وين وشصار وياج صار عدج جهال لا وياترى
شصار عندج بنية حلوة تشبهج،،،اوووووف
يا حورية ضرغام ليش من دون البشر
كلبي نبضلج ورفف لمن شافج ياترى
ناسيتني لو تذكريني ظليت بهاي الافكار
الى ان غفيت،،،والحلووووو حلمت بيهة
ان كاعدين اني وياها بالبستان مالتنة
وجان اكو صحن فواكه كدامنه وعنب الاخضر
الحلو هذا كلش احبه جانت حور توكلني
منه واني احجي وياها بس هي كلشي
ماكو لاتجاوب ولاشي بس تبتسم،،،،،
اخر شي كامت واني اصيح عليهة متجاوب
بس تندار تبستم وترجع تكمل طريقهة،،،،
ومحسيت غير مازن وجهاله
فوك راسي،،كمزت خير خما امي بيهة
شي،،،،،
مازن:اسم الله شبيك ماكو شي بس
زهرة عيني ظل بالهة وامرت نصعدلك اني
والجيش نكعدك،،،،
ضرغام:كمت احضن بالجهال وابوس بيهم
ليش ساعة بيش،،،
مازن:كوم،،كوم،،ساعة10:30،،،ادري عريس
وهيج ذاب روحك،،،
ضرغام:صدك تحجي،،،اهوووو شراح ينيمني
بعد،،،،
مازن:هذا شنووووو???منيلك،،
ضرغام:شنوووو،،بعدين شفته يأشر ع حضني
باوعت لاف الحجاب كال حور ع ايدي ونايم
ابتسمت من هذا حلمت بيج اثاري نايم ع
عطرج،،،،
مازن:احممم،،نحن هناااااا،،
ضرغام:شكوووو شبيك،،،
مازن:مكتلي هذا شنوووو،،،
ضرغام:هيج ماكو شي امشي اخذ جهالك
وانزل،،،
مازن:بربك يعني مراح تحجي،،هذا قماش
بناتي يعني الالوان والنقشة ولان لاهو رباط
وبعدين حتى لو انت....
ضرغام:اكلك شنو راح تفتح تحقيق،،،
مازن:ماشي،،ماشي لاتعصب نزلنة،،،
نزلت ادردم شافتني امي،،،
زهرة:خير اشو تحجي وية روحك كعدت اخوك،،
مازن:اي وهمة احفادج يعوفون احد بسلام،،،
المهم اكلج يمة شفت ضرغام حاضن حجاب مال
بنات ونايم،،،
زهرة:متأكد???
مازن:اي والله يمة حجاب بنفسجي فاتح
وبيه ورد بنفسجي ناعم وغامق،،،
زهرة:يااااا اخاف حن لمرته،،،،
مازن:ما اعتقد،،،
زهرة:ولك لاتخربط بالحجي اخوك لو عنده
وحدة يحبهة ياخذهة ميضحك عليهة،،،
مازن:ما ادري بعد انتي وابنج،،،
زهرة:ظليت افكر بس حال ضرغام ابد
ميدل ع انه اكو وحدة بحياته،،او يجوز عنده
بس بوفاة الرحوم اجل كلشي،،لان مو من
ثوبه يضحك ع بنات العالم لو حتى يلعب
بهيج امور،،نزل كعد يمي بالهول وتمدد
بحضني،،،
ضرغام:ليش خليتوني نايم هلكد بعد ما انام،،،
زهرة:صعدتلك مرة وشفتك نايم بس من تأخرت
اكثر دزيت اخوك،،،
ضرغام:وليش صعدتي جان دزيتي واحد
من الجهال،،،وين كايمة،،،
زهرة:احضرلك عشاك يمة،،،
حوراء:اني جيت عمة مناسيته،،،
ضرغام:ليش تعبتي نفسج كفاية عليج
مازن وجعويطه،،،،
حوراء:ضحكت يااااا راح يخبلوني هاك استلم
جوي ،،،
دخل مازن محمل علاليك مشتري لجهاله
وللبيت شغلات هم حلويات وهي السوالف،،
جايب ببسي شي،،،
مازن:لا والله هاك عصير بطلت من الببسي
علمود الجهال،،،،
ضرغام:انطيني وكعدنة نسولف وخابر
سجاد وسولفنة وياه وكالعادة امي بجت لان
بعيد،،،،هذاك تخبل الا يجيهة بالكوة قنعناه
وراها ختمنة المكالمة بسلام،،،،
خلصت عشة وجنت اشرب جاي وفاجئتني
امي بسؤال،،،
زهرة:يمة ضرغام،،،
ضرغام:كولي يمة،،،
زهرة:عندك بنية ابالك حاط عينك ع وحدة
ومحاجي لاحد عليهة،،،
ضرغام:ذبيت كوب الجاي وعدلت كعدتي،،،
لا،،،ليش هالسؤال الغريب،،
زهرة:باوعت لمازن،،هاااا لاهيج بس سؤال،،،
ضرغام:باوعت لمازن غلس واندار غمضت
عيني عرفت حجالهة ع الحجاب الي جان
ع ايدي،،،،عيني ع مازن واحجي وية
امي،،ليش احد حاجيلج شي،،،
حوراء:همست شكووو مازن اشو الجو توتر
وضرغام شكله راح يكوملك،،
مازن:ابتسمت حبيبي كلشي ماكو بس
اذا ضرغام كاملي انتي صيري كبالي ماشي
حبي لان مراح يكدر يأذيج،،،
حوراء:كرصته من جتفه،،يااااا وفوكاها مسويني
درع الك،،،
زهرة:لا مو قصة احد حاجيلي شي،،بس،،
مازن:يمة عليمن ترى ضرغام مو واحد من
جهالي وتعبر عليه السالفة،،،
ضرغام:لاتخلين ابالج حبيبة شغلة قديمة،،
زهرة:وليش قديمة ابني اذا علمود وفاة
الغالي ما اكلك اسويلك عرس مطنطن بس
خل تطلع السنة ترى هو الله يرحمه جان كل همه
يشوفكم مرتاحين ومستقرين،،،
ضرغام:مو هنا السالفة هو اصلا موضوع كلش
قديم،،،
زهرة:اي مابيهة شي ابني احجيلنة،،ولو
هو صدك هالكد قديم مجان احتفظت بأثره
لحد هالوكت،،،،
ضرغام:فركت وجهي،،حور يمة،،،
زهرة:بأستغراب حووووور هاي مو البنية...
ضرغام:اي هي،،،
زهرة:بس شجابك عليهة،،وبعدين هي بياهم
جانت شلون كدرت....
ضرغام:استغربت من انزعاج امي،،،حبيبتي
ترى اابنية اصلا ماعدهة علم بشي،،،
زهرة:شلون ماعدهة علم وانت محتفظ بأثر منهة،،،
بعدين همزين الي راحت يعني لوما
ربك خلصنة من موضوع وردة وفضحهة
تطلعلنة حور مدري شسمهة،،،
ضرغام:انداريت متفاجأ بحجي امي مبين
موضوع وردة خلق عدهة عدم ثقة بخصوص
الانثى الي سبق وفقدت عذريتهة بزواج
او بطريقة اخرى،،،شفت مازن راد يحجي
اشرتله عوفهة،،،،
حوراء:عمة شبيج نسيتي حور،،ترى والله
خوش بنية،،،
زهرة:حجيت بعصبية،،،وانتي شفتي منهة
حتى تحكمين خوش لو لا بعدين بس
السالفة الي جتي بيهة تشيل عرب
شلنة بهالوجع راس بعدين تعاي اكلج
اشو ذيج المصخمة هم جانت آدمية لو لا
شيلة الخشم مشفنة عيبة عليهة وهسة
شوفي حالنة من وراها،،واصلا،،،
اصل المشاكل وهالبلاوي كلهة من طبتلنة
ذيج الغراب هي طبت منا وبدة الخراب ع
راسنة منا لوما هي مجان اصلا بدت
المشاكل وية قاسم وحسنة وهجت الاوادم علينة،،،
هي كله هي جان مالك لسة يدور بينة
بضحكته.....
ضرغام:قاطعتهة بهدوء،،اي وجان لحد هسة
قاسم يحفر بظهر ابوية وكلنة مأمنين
ان هو عضيد ابوية وصاحبه،،وجان اني لسه
عايش بوهم وكذب ان وردة بريئة ومظلومة
وجان لحد هسة مصدك علاوي ابني،،،يمة
شبيج شنو الي غيرج انتي جنتي....
زهرة:حجيت بصياح،،اي جنت،،جنت اصدك ان
هي مظلومة بس خلص بعد ماكو احد مظلوم
فاهم ومن هاللحظة هذا الاسم ممنوع
ينذكر بهذا البيت مفهوم،،،
مازن:خلص اهدي مفهوم،،،
ضرغام:خلص اهدي اهم شي صحتج،،،
عفتهم وطلعت للحديقة،،ضحكت بتعب وباوعت
للسما اخاف جنت عايش ع امل بيوم
اشوفج والتقي بيج هسة حتى هالامل خلص
راح،،طلعت باكيت الجكاير ودخنت،،ضحكت
والله وكت ضرغام يفتر وبجيبه الجكاير بعد
ما جنت اكرهة كره العمى صارت الشي
الوحيد الي يرافقني ويواسيني،،،،
طلع يمي مازن،،،،
مازن:شفت حالته،،كعدت يمه تهون خوية
بس هي كامت تخاف من المشاكل،،،
ضرغام:لاتشيل هم هي اصلا مجانت الي
حتى انتظر شي،،،،اني راح اطلع افتر شوية
بالسيارة،،،
مازن:دنيا ليل ضرغام،،
ضرغام:ماكو شي شوية ضايج ومو بعيد،،،
مازن:ماشي دير بالك،،،
ضرغام:ماشي شغلت السيارة وطلعت،،،
مازن:جنت بالحديقة وطلعت حوراء،،،شبيج
تركضين ع كيفج لتوكعين،،،
حوراء:مو وكت شقاك عمتي صعدت لغرفة
ضرغام ومدري شبيهة ،،
مازن:شعدهة،،صعدت لكيتهة ادور بغرفة
ضرغام،،هاااا يمة شدورين،،،
زهرة:مالك شغل انت،،شوو وخر،هاااا اها
لكيته،،،
مازن:شنووو هو،،،شفتهة طلعت الحجاب
الي ضامه ضرغام،،صدك جذب يوم شلج
بيه،،عوفيه مضارج بشي،،،
زهرة:حاليا مضار احد بس اذا بقه اخوك
راح يعيش ع هيج امل،،،عفتهم ونزلت وطلعت
للطرمة ذبيت الحجاب وشعلت النار بيه
مازن:ظليت صافن مستحيل تكون هاي امي
وين جانت حنينة وهادئة اشو هسة
اعصاب24ساعة وحتى وية البنات متغيرة،،
حوراء:انقهرت ع ضرغام وخصوصا ان حتى اني
حبيتهة لحور انتهزتهة فرصة ان مازن طبب
عمتي اني راسا فتحت البوري وطفيت
النار طبيت جبت مكص وكصيت الباقي
الممحروك غسلته وضميته يمي،،،،
ضرغام:ظليت افتر بالسيارة وركنت يم الشط
نزلت من السيارة ظليت اشتم هوى
بس احس مخنوك بذيج اللحظة تمنيت اوصل
لحور حتى لو مجرد اسمع صوتهة فكرت
اتصل بخالتي بس بعدين تراجعت اخاف اخربط
حياة البنية منو كال بعدني ابالهة مدام الولد
منطه بيهة اكيد حس ع روحه وتندم،،،
اوووووف شدحجي اني صرت مخبل اسولف
وية روحي،،،،شغلت السيارة ورجعت
للبيت جان البيت صنطة صعدت كبل للغرفة
بس انصدمت مخربطة هاي منو داخل وع شنو
جان يدور نزلت دكيت الباب ع مازن،،،
مازن:شكو ياستار،،كمت فتحت الباب هلة ضرغام
خيرك،،،
ضرغام:منو صاعد لغرفتي منبوشة نبش،،،
مازن:حكيت راسي طلعت وسديت الباب
وراية،،هاي امي صعدت،،،
ضرغام:وشعدهة،،،
مازن:ع الحجاب الجنت ضامة،،،
ضرغام:بنفاذ صبر تحجي لو اروح اكعد
امي وافهم منهة،،،
مازن:لايابة اعصابك،،كل ما هنالك حركت
الحجاب حتى لاتظل عايش ع امل مدري شنو
من هالحجي،،،
ضرغام:صرت نار،،روح خوية روح كمل نومتك
انداريت لزمني مازن،،،
مازن:لاتتهور ضرغام خليهة شي وراح لحاله،،
ضرغام:حجيتهة بخنكة،لاتخاف اني عفتهة
من يوم الراحت لو حتى قهري وحزني هم
صار ممنوع عفته وصعدت ظليت الوب
هسة ويامن احجي ع منو اعتب،،،ليش
هيج يمة ليش،،،،ظليت كاعد صارت ب6
بدلت ونزلت بوجهي للطرمة داطلع سمعت
امي صاحت،،،
زهرة:هيج الاثر عزيز عندك بحيث حتى
تطلع بدون مصبح ع امك،،،،
ضرغام:ابيش غاثج الحجاب شغلة ومحتفظ
بيهة شفتني جبتهة وجيت،،،
زهرة:لا هاي العايزة حتى اهججك من البيت
بليلة كشرة،،،
ضرغام:في امان الله،،،عفتهة وطلعت معقولة
وفاة ابوية هيج غيرهة،،،،استسلمت
للامر الواقع وحاولت اتناسى الموضوع
لان اصلا ماعندي اي اتصال بالبنية
واحتمال عايشة حياتهة ومرتاحة ،،،
ومرت الايام واني صار شغلي هو الشي
الوحيد الي ارتاح بيه اما بالنسبة للاثر
الباقي يم حوراء فأمي درت بيه سمعت
حوراء دتسولفلي وتخبلت بيومهة وسوت مشكلة
جبيرة اثرت ع علاقة مازن وحوراء وظلت
فترة متحجي وياها وانما شدت وياها
الى ان نست الموضوع،،،،،
ومن عهد هذاك الموضوع امي تغيرت جذريا
صارت تتحكم بحياتي ولحت بموضوع الزواج
وخنكتني خيل يومية جايبتلي وحدة صرت
اكره البيت واكضيهة كلهة برة اجي
ع كد نومة الليل عندي صديق واحد ثقتي
بيه عمية طبتنة طلعتنة كلهة سوة وسرنة
واحد صرت اكضي يومه كله وياه هواية
يغير من نفسيتي،،،،،
صارت السنوية مال والدي وهم نصبنة الجوادر
وذبحنة خير من الله و وزعناه للفقرة
والمحتاجين وسجاد تخرج الحمدلله بأمتياز
ومازن اجاه ولد وكل هذا وامي متغيرت
بالعكس كامت تتعقد نفسيتهة اكثر وتغيرت
عن قبل كلش متختلط ولا تطلع لاحد مكضيتهة
بس بالبيت حتى خواتي وازواجهن لاحظوا
هذا الشي واستقبالهة الهم جاف كلش
ع كد السلام وتكوم وكلش نحسة كلنة احتارينة
وياها عمي كمال علاقته كلش قوية ويانة
حاول يوعيهة ترجع لطبعهة بس اكثر من
مرة تفشله وتعوفه وتكوم،،،،،
ومرة اجانة عمي كمال وحجة بموضوع سجاد
ومسرة جنة كلنة ملتمين وسجاد هم حاضر،،،،،
كمال:مثل متعرفون بنتي كبرت وشبت الحمدلله
والحمدلله رب العالمين عوض تعبهة وتخرجت
من السادس وطلعلهة قبول ممتاز مثل
مجانت تحلم،،،
سجاد:كلش فرحت بداخلي لان اكثر من مرة
سمعتهة تسولف وية البنات جانت تريد
هندسة وتفرح عمي لان عمي جان يحلم
يصير مهندس،،،،،
اي عمي ع الخير ربي يحفظهة الك وتفرح
بتخرجهة ونصيحلك ابو المهندسة،،،،
كمال:تسلم وليدي،،بس الصراحة مو هذا
الموضوع،،،،
ضرغام:خيييير عمي خما اكو شي ،،،،،
كمال:والله يا ابني سمرة طلع قبولهة بجامعة
بغداد يعني ابغداد واني اخاف عليهة
من الاقسام،،،،
سجاد:سهلة عمي نحاول نقدملهة ع جامعة
القادسية صح طريق طويل بس احسن واقرب
من بغداد يعني من بيتك لجامعة القادسية
ساعة بالضبط،،،،
كمال:اي صحيح بس سألت كالوا يصير
نقلهة من اعلى الى ادنى،،،،
ضرغام:عمي جن ابالك شي معين كووول
واحنة ولدك وياك،،،
كمال:شوف ابني خالك ابو ماهر قبل فترة
من حضر سنوية المرحوم الله يرحمه طلب
سمرة مني وبوقتهة جانت تمتحن فمرديت
اي خبر بوقتهة اجلتهة وانتو بحكم ولد عمهة
فالاصول اجي وابلغكم وادري بيكم تحسبوهة
اخت الكم وهي كذالك فمن واجبي انطيكم
علم محبة بيكم واعتزاز،،،،
سجاد:عبالك واحد ضربني براسي ع حجي
عمي،،ظليت صافن،،زين عني من رخصتك
انت مو سبق وجنت متفق وية الوالد الله
يرحمه،،،
كمال:صحيح ابني قبل لتكمل الله شاهد علية
احبك واعزك وانت تعرف هذا الشي،،بس
والدتك بعد وفاة ابوك الله يرحمه
كالت سجاد وراه دراسة وماله رغبة بالزواج
حاليا واني بنتي عزيزة عندي وهالوحيدة
محبيت اجبرهة لا كالت ولد عمو مالك كلهم
احسبهم اخوتي،،،،
وبهيج حالة كلت ازوجهة امن عليهة وع
شهادتهة،،،
سجاد:حجيت واني مخنوك من تصرف امي،،،
زين عمي شنو اليثبت يخليهة تكمل،،،،
كمال:لا الظاهر متعرف عمك لو مضامن
ابن خالك،،،،
سجاد:عمي لاتزعل مني بس اني رايدهة
لسمرة وكل هاي المدة اني لزمت
الشغل وية اخوتي وبديت اعتمد ع نفسي
وجنت انتظر الفرصة المناسبة واجيك
واطلبهة منك،،،،
كمال:والله ما ادري شكلك يا ابني بس
تصرف امك وياية و وية سمرة كلش اختلف
وهذا الشي يخليني افكر الف مرة اذا
خطبتهة مني،،،،
ضرغام:ليش عمي هيج تحجي بدر شي
من عدنة او من سجاد نفسه يخليك متثق تنطيه
بنتك،،،،
كمال:لا والله ابني مبدر منكم الا كل خير
لكن الوالدة الله يحفظهة الكم تغيرت حيل
وصارت متتقبلني لا اني ولا اهل بيتي
لو بس وية مرت عمك اعديهة لان هنة من
الاول ممتوالمات بس اني لو سمرة لو واحد
من الولد لا صعبة لان مأذيناكم بشي
صح كلامي ولدي لو لا،،،،
ضرغام:لا عمي حشاك بس تعرف امي من وفاة
ابوية وهي انكلب حالهة حتى ويانة،،،،
كمال:صحيح بس كلي شنو الي جابرني
ازوج بنتي لواحد امه مطايقتهة ولاتنسى
مثل مكتلك هي وحيدتي وبعيد عن كل هذا
ترى سمرة متستاهل مو لان بنتي لا
لان تعرفون شكد تحبكم وتعزكم وجانت
بحزنكم تشاركم قبل الفرح،،،
مازن:اي والله صحيح عمي انت واهل بيتك
مقصرتوا ومشفنة الا كل خير،،،،
كمال:لهذا حبيت انطيكم علم،،وهسة اسمحولي
ضرغام:شفت سجاد كام يريد يحجي وية
عمي اشرتله اسكت وطلعت امشي وية عمي
والولد وراية،،،،
عمي ممكن طلب بس اترجاك لاترفض،،،
كمال:كول ابني،،،
ضرغام:اجل موضوع خطوبة سمرة لماهر
ترى سجاد شاريهة وصدكني وثق بالله
ديحضر بأموره حتى يجي يفاتحك،،،
كمال:بس يا ابني هم عيب من خالك شكوله،،
ومنا بعد فترة ويبدي الدوام،،،
ضرغام:بست راسه اترجاك عمي بس
انطي سجاد فرصة واني هم راح ارجع للوالدة
وافهم منهة وصدك وثق بالله اذا شفت شي
يأثر ع حياة سمرة بالمستقبل اني الي
اتصرف وية سجاد وافهمة،،،،
كمال:هاي هي ابني ما اكدر اردك انت ابن الغالي
وهاي جانت رغبته،،،
ضرغام:بست راسه الله يحفظك،،،سلمنة علية
وباوعت سجاد ومازن الف سؤال وسؤال
يدور ابالهم،،،
مازن:شصار ضحكنة وياك اشو ماخذة ع
صفحة وتتسامر وتضحك،،،
ضرغام:شضحك ولك اباوع ع سجاد كالب
خلقته،،بس حجيت وية عمي يأجل موضوع
خطوبة سمرة لحد ما افهم شكووو براس
الوالدة وشحاجية هيج وية عمي وماخذ
موقف،،،وعمي وافق،،،
سجاد:كمزت لضرغام بشرفك صدك تحجي
الله يبشرك بالخير ويفتحهة بوجهك،،،،
ضرغام:ع كيفك قبل بس بشرط ،،،،
سجاد:ميخالف قابل،،،
ضرغام:الشرط حبيبي اني اتعهد امام الله
اذا شفت شي بدر من امي او منك يأذي
سمرة اني الي انسحب واخلي البنية تشوف
طريقهة،،،
سجاد:صدك تحجي هاي بدل متوكف وياية
تصير ضدي،،،
ضرغام:انجب لك افهم غبي هي مو مال
عركة وزعل يعني اذا امي حجت غير شي
وكالت لو اني لو هالزواجة وتفشلنة وية
بيت عمك تتصور اكو بشر بعد راح يوصلنة
مو حتى بيتنة ينسي افهم يا خوية
لايصير تفكيرك ضيق ومحصور بزاوية وحدة
مازن:صح كلام ضرغام،شوف عمي جان
مكيف من طلب منه ابوية الله يرحمه بس
مبين ماخذ موقف ع شي بدر من امي
وهسة نكعد ونحجي وياها حتى نعرف
نتصرف لان الظاهر حتى البنية سامعة شي
من امي،،،
ضرغام:سمرة خلوهة علية اني احجي وياها
وافهم منهة،،،
سجاد:والله اني من هسة مأيس لان امي
مدري شصاير بحالهة مكلوبة ع الامة حتى
علينة،،بس ضرغام فدوة حلهة الي ترى
اذا صارت وراحت مني انهي عليهة واخرب
الاول والتالي عي خربانة خربانة،،،
مازن:طكيتهة بضحكة لك هاي منو ينهي ع
سمرة سجاد والله مداصدك لك هاي من
شوكت،،،،
سجاد:اهووووو مو وكتك مازن،،،
ضرغام:غيروا الموضوع ومن هسة لحد
يحجي بشي وانت اشرت لسجاد لاتظل كل
شوية كامز ماشي،،،،
زهرة:خييير شعنده عمك جاي،،،
ضرغام:ليش حجية من امتى عمي كمال
منكطع حتى هسة يتواصل،،،
زهرة:شعنده هالمرة،،،
ضرغام:ظلينة اني والولد مصدومين بأمي
يمة صاير شي بينج وبين بيت عمي كمال،،،
لان حجية وتصرفه مو مثل العادة يأخذ موعد
بجيتهة ويسأل منو موجود ومن هالحجي،،،
زهرة:ليش مو هي هاي الاصول،،،
ضرغام:احجي بهدوء واني كاعد ع نار،،،
وامي تجاوب كلمة لو كلمتين اباوع للولد كوة
لازمين نفسهم،،مازن كام تحجج بشغل واشرت
لسجاد يلحكه،،،
وهاي حجية صرنة لوحدنة احجي شنو الصاير
وليش هيج عمي متغير،،،،امي اكتفت
ان تسكت وراها كالت تعبانة راح انام،،،،اني
هنا انجيت يعالم احد يفهمني معقولة هاي
الحجية زهرة الي تعرف الله وتخافه،،
مظل عندي غير حل واحد رحت لحوراء
شفتهة كاعدة وية مازن بالمطبخ،،،،
حوراء انطيني رقم سمرة،،،
مازن:ليش شصار،،،
ضرغام:لك راح اتخبل عبالك احجي وية
روحي اهر شي لبستني وكالت اروح انام،،،
مازت:وشراح تسوي،،،
ضرغام:الله كريم اخذت رقم سمرة وشغلت
السيارة وطلعت رحت يم الشط طفيت السيارة
ودكيت ظل يدك متشيله دزيت مسج،،،
(شلونج سمرة خوية ،رايدج بموضوع ضروري
بيني وبينج جاوبي)
ورة 10دقايق ضبط دكيت جاوبت سلامهة
ثكيل دخيلك ربي شمخبصة امي،،،،
سمرة احلفج بعزيز كلبج احجي الصدك
سمرى:كول ضرغام،،،،
ضرغام:احنة اذيناج بشي اني لو مازن مرته
سجاد واصلج شي بأسمنة انتي عمي،،،
سمرة:وليش هالسؤال،،،،
ضرغام:سمرة تعرفين كلش زين شنو معزتكم
من شوكت صار الجفى بينة يعني من راح
ابوية انتو انكطعتوا فد كطعة،،،،
سمرة:شوف ضرغام راح احجيلك رغم ابوية
حذرني ان ما احجي بس لان احبكم والله
وادري متستاهلون،،،
ضرغام:ماشي اسمعج واخذي راحتج اني برة
البيت،،،
سمرة:ماشي،،شوف ورة وفاة عمو وخلصت
ايام العدة مال عمة زهرة،،،
ابوية اجة مغثوث من يمكم حاولنة نحجي
وياه مفاد اخر شي امي دزتني،،،،
عفاف:امشي انتي سر ابوج روحي شوفي
شبي،،،
سمرة:دخلت للديوان جان ابوية وحده كاعد
تقربت منه افرك برجله شبيه حبيبي كاعد
بروحه ومهموم،،،
كمال:دمعت عيني تعالي ياروح ابوج تعالي،،،
سمرة:شبيك بابا حبيبي ليش هيج حالتك منو
وياك هسة اهجم الدنيا ع راس الخلفوه،،،
كمال:شوفي بنتي انتي كبرتي وصرتي
تفتهمين الصح والغلط،،،يابنيتي وجودنة
ابيت عمج مالك الله يرحمه صار ممرغوب
حجاهة وبجى،،،
سمرة:شدتحجي انت يابة مدافهم الله يخليك
احجي شصاير،،،،
كمال'شوفي بنتي صار كم مرة اروح لبيت
عمج ومرته تجاوبني من ورة الباب ومتفتحه
ابد كل مرة اكول ميخالف حقهة اخاف وحدهة
بس هالحالة تكررت ومرات عدة اسمع حوراء
تتجادل وياها يم الباب وهي عبالهة رحت،،،
حوراء:عمة عيب شلون تخليه هيج واكف،،،
واذا الولد ماكو اشو اني والجهال والبيبان
كلهة مفتوحة وبعدين هو عمي يكدر
يجي بأي وكت ،،،،
زهرة:خلص لعد كعدي بالشارع واستقبليه
كمال:اني عقل مظل براسي من سمعت
ام ضرغام تحجي هيج كلت مرة ثانية
اروح وافهم شنوو هالتصرفات
وفعلا مررت كم يوم وهم رحت وكالعادة من
ورة الباب،،،
كمال:ام ضرغام عندي موضوع وياج وبحضور
بنتي حوراء لاتخافين لان عيب بحق ولدج
اوكف واحجي بالباب،،،
دخلت كعدت بالحديقة وصحت لحوراء
جتني تركض بوستني وسلمت علية
تعالي بعد عمج كلشي ما اريد اشرب اني
جيت حتى اضع النقط ع الحروف،،
زهرة:حوراء شوفي جهالج لاتتركيهم وحدهم
عندي موضوع وية عمج،،،
كمال:اي تفضلي
يا اخيتي ام ضرغام ممكن اعرف شنو الي
بدر مني وتتصرفين هالشكل،،،،
زهرة:ابو مخلد:لاتزعل من حجي ترى هاي
الاصول بيت اخوك ع عيني وراسي بس
اخوك راح ميصير تطب وتطلع بأي وقت مثل
قبل لاتنسى انت كمت تجي بأوقات محد موجود
من الولد بس اني وحوراء وحتى ولدك،،،
وحجي الناس ميرحم وبنتك هم الله يحفظهة
اخاف عليهة من الحجي الزايد تعرف اني
عندي ثنين عزابية بالبيت وشباب والدنيا،،،
كمال:قاطعتهة لهنا وكافي قصدج واضح وفهمته
بالنسبة لجيتي اني ولا ولدي من محبتنة الكم
وحوراء تصير اخت الولد بالرضاعة لو حتى
هاي نسيتهة يا ام ضرغام ومايوم طبيت بيت
اخوية وانت وحدج هاي الحجاية عيب بحقج
قابل شعندي واجيج وانت وحدج وشغلة
مهمة الظاهر نسيتي ابو ضرغام الله يرحمه
قرة فاتحة سمرة ع سجاد بحضورج وحضور الولد
زهرة:اي فاتحة خوية ترى هي انقرت ابيتي
مو ابيتك يعني هيج الاصول تكول الفاتحة
تنقري ابيت البنية هاي اذا انت ممعزز من
كرامة بنتك هذا موضوع راجع الك
وبالنسبة لسجاد لاغي موضوع الزواج حاليا
يريد يكمل دراسته ويتخرج ويشتغل ويستقر
وذاك الوكت الله كريم لاتربط البنية
وتنتظر محد ضامن احد هالايام،،،،،
كمال:كرامتي وكرامة اهل بيتي تساوت
وية الطين حتى من تحجي عبالك شامر
نفسي عليهة والحجي الي يخص سمرة
حيل اذاني صعبت علية نفسي وكرامتي،،،
زهرة:واذا تحبون تشرفون بزيارة انطوني
خبر بالتليفون اخاف مموجودة حتى ليش
تجون ع الفاضي،،،،
كمال:ردت اردهة بس متسوى لخاطر اخوية
و ولده لان متأكد ماعدهم علم بخرابيط امهم
وصلت رسالتج اخيتي وان شاءالله ماكو اي
ازعاج يبدر مني او من عائلتي وبالنسبة
لسمرة خليهة ابالج سمرة وحيدتي ومن
وافقت وافقت لخاطر الغالي بس لهنا
واكلج سمرة خط احمر اياني واياج تتعدي،،،
وعفتهة ومشيت وصلت للبيت مخنوك وظليت
لليل وتخربطت ومن رجعت للبيت حجيت وية
سمرة وبنتي صارحتني وكامت تبجي،،،
كمال:احجي بنتي شبيج سامعة شي من
بيت عمج،،،
سمرة:جنت يمهم مو???لهذا جنت مقهور
وصعد ضغطك،،،
كمال:اوووووف يا بنتي مرت عمج انكلبت
كلاب بعد وفاة عمج،،،المهم من تروحين
هم سامعة شي عن سجاد ضرغام،،،
سمرة:والله بابا الصراحة سمعت عمة زهرة
تحجي بالتليفون وية عمة براء تكولهة
اصلا سجاد مرايدهة يتخبل منهة بس الحجي
الله يرحمه لزكهة بي وهواصلا يحب
وحدة من زمان طالبة وياه وابوه جان رافضهة
وهي كالت ترجع وتسأل عن البنية
واذا توالم سجاد تخطبهة اله،،،،
كمال:زين بنتي الولد شلونهم وياج هم تحسين
نفسج ثكيلة لو غريبة بينهم،،،
سمرة:والله يابة الشهادة لله الولد3وردة
مال الله حتى سجاد كلش تغير من صارت
المشاكل وية عمي مالك الله يرحمه
وكلما جان يشوفني يسلم وملكاه كلش حلو
وممبين ان كارهني او يحسسني ان اني
عائق بطريقه،،وعلاقتي كلش حلوة بيه حتى
جان يكلي اي شي تحتاجين بالدراسة بس
انطيني خبر واني اساعدج يعني لو حجي
عمة زهرة صحيح جان كل اسلوبه اختلف مو
صحيح،،،،
كمال:والله يابنتي همة ولد والنعم منهم
بس مرة عمج بعد متتعاشر،،،
سمرة:اني انخطف لوني عرفت راح يكلي
الغي سجاد من بالج،،،
كمال:شوفي بنتي ترى كله لمصلحتج
الحجي الي صار اليوم نزل هواية من قدري
وقيمتي وبلغتهة بالحجي الي دار بيني
وبين مرة عمهة،،،
سمرة:معقولة عمة زهرة تفكر هيج،ليش
هيج متغيرة ???خلص بابا بعد لا اروح
ولا اوصل والي يتصل اطلع حجة بالدراسة
زين بابا والولد???
كمال:اني راح اجمعهم وافهمهم،،بس ما اريد
امج تسمع مناقص اني مشاكل ماشي
بنيتي،،،
سمرة:صار يابة تأمر وهسة نام وارتاح،،
وامي من تسألني اكلهة مشكلة بالشغل،،،
كمال:الله يرضى عنج،،،
عفاف:جنت داسمع الحجي تخبلت والنوب
يريد يضم كل هذا عني،،رأسا فتت للغرفة
لا وليش عيني تضم خيبة بيت اخوك همة
ذولة الي حاربتني وحاربت اهلي بسببهم
تاليهة شوف شلون يعاملوك اي الله زمن يا
كمال تنطرد من بيت اخوك انت و ولدك،،
سمرة:يوم مو وكت هذا الحجي دتشوفين
ابوية تعبان،،،،
كمال:لا بوية عوفيهة خل تشمت بيه براحتهة
صدك والله زمن الاغبر الي،،،استغفرالله،،
عفاف:لا موهيج قصدي ياعيني شلون
اتشمت بيك انت تاج راسي،،بس
من حركة كلبي والله جنت تتخبل اذا تسمع
احد من اهلي جايني بس شوف اليوم
شلون مرة اخوك لغتك انت و ولدك من حياتك
وفوك كل هذا تتعيقل معاجبتهة بنتي ليش
يابة فوك كل تعبهة وزينيتهة وياهم،،،
سمرة:ماما حبيبتي لاتغثين نفسج اني كله
اعتبره لخاطر عمي الله يرحمه والولد،،،،
عفاف:باع هاي لسه تكلي الولد،،،
كمال:عفاف سدي الموضوع هسة مالي
خلك،،،
عفاف:لاهاي هي بعد ماكو شي نحجي بيه
انت ارتاح وانسى كلشي ولاتغث نفسك،،،
سمرة:وهذا كل الي صار يا ابن عمي،،،،
ضرغام:ظليت صافن معقولة كل هذا يطلع
من امي،،،
سمرة:الوووو،،ضرغام،،
ضرغام:وياج،،وياج،،زين اكلج سمرة عمي اجانة
اليوم وكال ان ماهر ابن خالي متقدملج
وهم كال فرصة حتى امن عليهة ابغداد
تكمل دراستهة،،،
سمرة:اي صحيح،،،
ضرغام:سمرة سجاد يريدج وشاريج واني
حجيت وية عمي وكتله أجل...
سمرة:عزت علية نفسي وقاطعته،،لا ماكو
داعي يأجل شي وهم لاتنسى وراية
دوام،،واني اعرف ماهر خوش ولد واصلا
شرطي ان اكمل واي خلل بالاتفاق اني
افصخ كلشي،،،
ضرغام:هذا اخر قرار الج انتي تعرفين معزتج
معزة سمية وسحر وحوراء متفرقين
عنهم بشعرة،،وصح ماهر خوش ولد درة
بس سجاد اتخبل من سمع من عمي،،،
سمرة:ضرغام وين جان سجاد من جان عمي
يركض وراه ويحاول يقنعه بيه ترى اني
مو لعبة كدامه ورة ما انفصل هو وحبيبته
مدري شصير منه هسة اجة واذكر
بنت عمه روح وصله كلامي بالنص،،،
كله سمرة تكول اني ممفكرة بيك حاسبتك
اخ الي لا اكثر وماكو داعي يثير مشاكل
ومواضيع قديمة،،،
ضرغام:هاي هي بنت عمي الي يريحج
واتمنى متزعلين مني،،،
سمرة:لاخوية شزعل منك اخوية انت،،،
ضرغام:ماشي،واني اعتذر ع كل الي صار
وصدكي ماعدنة علم بأي شي لا اني ولا
حتى الولد،،،
سمرة:ادري اصلا حتى ابوية كال،،والصراحة
حلفني ان ما احجي حتى لاتصير مشاكل
بينكم وبين امكم لان كال اذا دروا ميسكتون
واني حجيتلك لةن مردت تاخذ ع خاطرك
وتفهم ان احنة انسحبنة ورة وفاة عمي،،
ضرغام:تسلمين وان شاءالله بأقرب وقت
بأذن الله اغير الامور كلهة،،،
سمرة:ان شاءالله،،،
ضرغام:يلة اني اترخص،،محتاجة شي،،
سمرة:لا خوية تسلم،،،
ضرغام:سلمت عليهة وسديته،،اووووف
يمة وتاليهة وياج،،زين هذاك الخبل شراح اكله
والله يروحلهة للبيت،شلون سالفة عوجة،،
شغلت السيارة وتوجهت للبيت،،طببت السيارة
بالكراج شفت الولد بالحديقة وجهال مازن
ركضوا علية اتذكرت علاوي دمعت عيني
استغفرالله،،
مازن:هلا،،هلا،،تعال اطبك ع السرة،،
ضرغام:اباوع الوجوه مكلوبة،،شكووو
شصاير???
سجاد:لكم امي راح تخبلني شجرالهة،،،
ضرغام:هسة غير واحد يلغي شصاير،،،
مازن:امي سوت هوسة شطولهة شعرضهة
علمود الكاونتر،،وحركت الاخضر واليابس
بالحجي وذيج اللخ حبست روحهة لا اكل
ولا شرب تريد تروح لبيت جدهة ع امهة،،
سجاد:لك بابا كوم وديهة البنية راح اطك وتموت
وامي مدتسكت،،،
ضرغام:صحت بيهم احجوا عاد شصاير ترى
لعبت نفسي والله،،وراها طلعت حوراء تبجي،،
وتحجي بعصبية وية مازن اول مرة اشوفهة
هيج تتعامل وياه،،
حوراء:هاااااا مازن راح توديني لو لا???
ترى بالقران هسة اخذ جهالي واهج ومتندلي
طريق بعد،،،
مازن:هاك استلم،،لج بابا عقلي وخلي
الليلة تعدي ع خير،،،،
حوراء:بصياح،،عساها لاعدت كون توديني
لو هسة احرك روحي كدامك،،،
مازن:كمت لحيلي لزمتهة من شعرهة لج
لاتختبرين صبري ترى واصلة حدهة وياية،،،
سجاد:كمنة اني وضرغام،،يمعود شبيك
تخبلت،،انتي اللخ اهدي شوية صوتج
مناك العالم،،،،
مازن:طايحة حظ،،
ضرغام:مازن،،كافي شنو هالحجي،،،
حوراء:اي والله صدك طايحة حظ،،عفتهم
ومشيت طبيت للبيت دكيت ع امي،،،،
الووووو هلو يوم شلونج،،اي الحمدلله،،،
لا ماكو شي بس خلي حمادة يجيني اريد
ابقى كم يوم يمج،،تسلمين حبيبتي،،
ان شاءالله،،،سديته منهة حضرت جنطتي
وجنطة للجهال وكل غراضي الي احتاجهة،،،،
طب مازن للغرفة،،،،
مازن:طبيت وراها للبيت واني فاير صاير
اعصاب خابرتني عمتي تريد حوراء تبات
يمهة كم يوم عرفت الخاتون داكة عليهة
طبيت للغرفة محضرة جنط،،،حجيت بنتر
خابري ع عمتي طلعليلهة حجة اي شي كوليلهة
ما اكدر اجيج اليوم اجليهة،،،
حوراء:لا ماكو داعي لان اصلا حمادة جايني
بالطريق،،،،
مازن:شنووو خاتون شكلتي،،،ومن شوكت تخططين
بكيفج،،،
حوراء:مازن مو قصة اخطط الله يخليك
مالي خلك للعركة كفاية الي شفته اليوم
خليني ارتاح يم امي جم يوم،،،
مازن:لا شي حلو وهم جم يوم،،ليش لا،،،
باعي لج هي كلمة متصير ثنين طلعة ماكو،،،
حوراء:مازن كافي داكلك تعبانة خليني اغير
جو وتهدأ نفسيتي،،،،
مازن:ثرت كلش عليهة،،،اي ليش لا ست الحسن
والدلال غيري جو هو اني هم صوجي
ناطيج مجال هواية ومكبر راسج،،وناطيج
قيمة اكثر من حجمج،،تنلام امي من تكول
بت فكر جنتي عايشة ع الكفخات حلكج متكدرين
تفكيه،،اني صوجي لو خالج مثل قبل
حالج حال الخدامة اشرفلي ولا وجع
الراس،،بس هو ابوية حكم بعد،،،،
تذكرين ايام عادل و ولده لو نسيتيهة
جيتي هسة براسي تغيرين جو،،،،استغفرالله
والله يا ربي،،،
حوراء:كلش انقهرت وضجت من كلام مازن
مسح بكرامتي الكاع ومخلة شغلة يعرفهة
عني معيرني بيههة بذيج اللحظة شكد
كرهت ابوية واخواني،،،وكرهت الدنيا
والي بيهة لان فرتني وحطتني بهيج موقف،،،
رفعت راسي واشهك واحجي والدموع
مطر ع خدودي،،،،،
والله يا ابن عمي يا رجلي وحزام ظهري
الشهادة لله جنت بزودك ناسيه والحمدلله
هم بزودك رجعت اذكرت هسة عرفت قيمتي
شنو عندك يامازن يا ابو بيتي وجهالي،،،
غصيت بالحجي،،،،،
صدك واخذه وعد مني مراح انسى اني منو
وشنو بالنسبة الك،،،،
ولا راح انسى هذا اليوم خصوصا وكفتك هاي
ومشكور ورحمة الله والديك ع كل الي
سويته الي وافضالك ما انساها ليوم الدين
والف رحمة ع روحك عمي هو حكم وانت
ابتليت موووو،،،مشكور وجزاك الله الف خير
بس خلي شغلة ابالك اني الي سمحتلك
ابداية زواجنة تتصرف ذيج التصرفات لان
جنننننت احبك وصممت اكسب كلبك بكل
الطرق والظاهر هذا جان غلطي ع العموم
مكاني تندله اذا حبيت تشوف الجهال،،،
اما بالنسبة الي ما الك شي يمي غير هاي
نزعت الحلقة وخليتهة ع الميز كدامه،،،
هو ظل صافن عين ع الحلقة وعين علية،،،،
مازن:ظليت اخربط بالحجي ودست حيل
عليهة وهنتهة بالكلام ما اعرف ليش هيج
اتصرفت يمكن بسبب المشاكل والظروف
الاخيرة وشدت امي وية الكل مع العلم
شدت وية حوراء اكثر شي وهي المسكينة
بس تسكت واليوم انضربت ضربتين لان
اول مرة امي تعاركت وياها الظهر
وهم حجت هواية شغلات مو حلوة بحقهة
والضربة الثانية مني بس اني كلامي
و ردة فعلي اذتهة اكثر لان الحب البينة
يختلف عن الكل بس شلون كدرت انطق كل
هالتفاهات هاي النوب اباوع عليهة تشهك
وبالكوة تحجي تمنيت اخلي طلقة براسي
ع هالاذية الي اجت مني،،وراها نزعت الحلقة،،،
عقل مظل براسي،،،،
لحظة حوراء تعرفين شنو معنى تصرفج هذا
حوراء:رفعت راسي بكل شموخ وهمتني
الدموع الي تنزل،،،اي كلش زين اعرف
معناها من هاللحظة انت بطريق واني بطريق،،،
مازن:حوراء مو هيج الحجي جريتهة من ايدهة
احضنهة انفضت من حضني نفض وانهارت
تحجي بصياح هنا عرفت كمية الالم والجرح
الي وصلهة من كلامي،،،
حوراء:بصياح انتفضت ابعد ايدك عني ديربالك
تلزمني،شتريد مني هاااا شتريد لك مكافي
مكافي الي تحملته وياك ودست ع نفسي
في سبيل ارضيك هاي تالي جزاتي ومحبتي
الك توكف بوجهي وتعيرني بأبوية وعيشتي
وياها لا والاضرب بعد كل هالسنين واربع
جهال عندك وبعدك متندم ع خطوة عمي
من زوجني الك بس اريد افهم شنووو من
بشر انت شنوووووو وكمت اضرب ع
رجلي،،،،
ضرغام:جنت كاعد بالهول اريد افهم من امي
شصاير،سمعت اصوات مازن وحوراء علت
وحوراء صوتهة منهار تخبلت حلفت والله
لو طلع ضاربهة لا اطيح حظه،،،
دكيت الباب حيل مازن شصاير والله اذا
مديت ايدك عليهة تندم،،،،،
حوراء:تعبت كلش حسيت راح اوكع ركضت
للباب وعبرت من يم مازن وهو بس
صافن علية اي اكيد تندم بس بعديش
بعد مطلع كل الي بكلبه،،،فتحت الباب
منهارة وابجي ضرغام فدوة وديني لامي
الله يخليك متحملت كعدت بالكاع لان دخت
واني ارضع يعني لازم حلاة واني رضعت
الصغير كم مرة ومماكلة شي ومنا
هالمغثة الي اكلتهة اليوم،،،،
ضرغام:دنجت يمهة كومي خوية كومي ليش
هيج حالتج الي ترديه يجرالج بس كومي
غسلي واهدأي شوية امج مريضة اذا
شافتج هيج تنقهر وتتخربط،،هزت راسهة
موافقة ع كلامي،سندتهة للحمام
وكالت مابيه شي ورجعت للشفية،،اباوع لمازن
يباوع وينصي راسه معناها صخم ولطم علما
شبع كتله هذي حالة حالتهة ليش هيج
لا بارك الله بيك لك هاي مرتك ام بيتك وجهالك
شمسوي وهيج حالتهة،،،ظل يسولف
شصار وشحجة واني بس صافن،،،،
كمت اصيح لك بابا شبيكم انتو راح تخبلوني
والله مظل عقل براسي من وراكم بربك
بدينك راضي ع الي سويته،،،بس شيفيد
الحجي لك انت كسرتهة مو بس هنتنهة
وكلامك كسر صعب جبره،،ع العموم الله
يهديك واني راح اسوي الي يسوي ابوية
لو عايش راح اوديهة لامهة خل تهدأ وترتاح
بلكن تهدأ الامور وتستقر،،،
مازن:كلشي محجيت بس هزيت راسي موافق
لان استاهل لان تصرفي
غلط،،مو من الرجولة اوكف بوجه مرتي
واعيرهة بمعاملة ابوهة السابقة المفروض
اكون القلم الي يكتب السعادة بحياتهة
والممحاة الي تمحي كل ذكرياتهة السيئة
الي عاشتهة حسيت نفسي انسان حقير
استقوى ع انسانة ضعيفة لا حول ولاقوة
حتى ادافع عن نفسهة بحكم لا اب لا اخ
عدهة مجرد ام مريضة
حوراء:غسلت وطلعت شربت عصير وطلعت
اكل شلون مجان لان ما اريد اوكع وامي
تحير خطية هي مريضة كملت وطبيت للغرفة
داشيل الجنط وضرغام كال طالع اشغل السيارة
واخذ الجهال،،،
ضرغام:جتي حوراء دتطلع الجنط اني اتحججت
بالسيارة والجهال كلت بلكت يحجون
وتهدأ شوية حتى من تروح تفكر بشغلات
ايجايبة،،،،
مازن:جتي حبيبة كلبي عيونهة مورمة من البجي
الخشم احمر الشفة وارمة وحمرة هالكد
متعض بيهة تخبلت تمنيت احضنهة اسجنهة
بضلوعي ومتطلع بس حوراء واعرفه
من تنجرح من شخص عزيز متسامح وتنسى
بسهولة،،،تقربت منهة،،،،،
ياروحي والله اسف مدري شلون طلع مني
هالحجي سامحيني وادري صعب حقج
بس فدوة لاتحرميني منج بدونج اموت واختنك
احجي وياها بس ابد بالهة مو يمي اني احجي
وهي تلبس العباية وراها لبست الحجاب
وشالت جنطتهة الصغيرة وطلعت كأنما اني
مموجود ولا عبرتني بنظرة حتى سلام
مسلمت كعدت بعجز ع الجرباية وخليت
راسي بين ايدي وظليت احجي وية روحي
لك شصخمت هالمرة دأكله لعد صعب
تسامح وتنسى،،،،،،
عفتني المن حبيبي وعني رحت بعيد
بوسط هالناس ابد ما اشعر براحة
تعال ارجع ياعمري والزعل انساه
انا بلياك طير وكسروا جناحه💔💔💔💔💔
يتببببببببببببببببببببببببببع