رواية السجينة الفصل الثامن 8 - بقلم شـــروق الــسامــرائي

#السجينة💔💔💔
الجزء التاسع..........
قاسم:خليهم هسة يكلبون الدنيا ماراح
يكدرون يندلون مكانه،،،،
وردة:بخوف زين بابا شلون اذا عرفوا الحقيقة،،
قاسم:لاتخافين مراح يعرفون شي واصلا
هاي الشغلة محد يدري بيهة،،،،
ام وردة:اتقي الله يا ابو وردة وراك اخرة
بيش تقابل ربك وانتي بنتي لحكي لروحج
محد يفيدج يوم تلاقين ربج سبحانه
لا اني ولا حتى ابوج واخوتج الي محتمية
بيهم،،،،
قاسم:هي انتي احجي عدل لا هسة اجيب
اخرتج رجل ع الكاع ورجل بالكبر وبيج
بلة وتحجين،،،
ام وردة:ضحكت بسخرية،،الحمدلله رب العالمين
عاقبني ع كل غلط ارتكبته وابتلاني بهالمرض
واتمنى ان يكون هذا عقابي ويعفي عني
ربي بيوم الحساب احنة كلنة اشتركنة
وياك بجريمة بنتك وتسترنة ع الخطأ بخطأ
افدح منه وراحوا ضحية اخطائنة ناس مالهة
ذنب ناس نظيفة وطاهرة ورغم كل هذا
ربك ستر علينة وع بنتك وظليت انت بجبروتك
وطغيانك ظليت ورة مالك ادور اقل هفوة
منه لو من اهله حتى توكعه وتشمت بيه
ونسيت هو ساتر عرضك من بعد ربك
بس هيهات ربك مينسى يجي يوم وراح تطلع
عليك شمس وع وصخك وانتي يابنتي
ما اكدر اكلج غير بس الله يهديج ويدليج
طريق الصح،،،وراها تخربطت ونمت مستشفى
خاصة بالاورام لاني مصابة بالسرطان
واستفحل بكل جسمي،،،خل ارجع وياكم
سنين ليورة قبل زواج بنتي وردة من ضرغام،،،
جانت وردة بعدهة صغيرة عمرهة18سنة
حبت واحد فقير حالته كلش تعبانة وجان حال
قاسم و وضعه المادي كلش زين وهو اصلا
من يوم يومه مادي وعنفه،،،،المهم،،
هذا الولد جان مهتلف بمعنى الكلمة لا خلقة
ولا اخلاق وجان مستغل وردة و وضعهة
المادي لان جانت البنية الوحيدة ع اربع ولد
قاسم دللهة دلال مصاير جانت الي
تريده يتنفذ بالحرف واني جنت امنعهة من
هواية اكور خوفا من المستقبل لان هي
بنية وقليلة خبرة بس ابوهة اوووووف
منه جان ميقبل علية فهي كامت تميل
لابوهة اكثر حسبالهة اني اذيهة من امنعهة
متدري ادور مصلحتهة،،،
ومرت ع علاقتهة بهذا الولد فترة طويلة
وتخرجت وردة من الاعدادية وابوهة
اشترالهة سيارة خاصة بيهة وهنا صارت اطب
وتطلع ومحد يدري عنهة اني اصلا مالي
اي طلمة مسموعة لامن رجلي ولا ولدي
واخرهم وردة ومرة من المرات اجة الولد
وجدة وطاب وردة لكن الامر المعتاد رفض
قاسم وهالمرة كلنة ايدناه لان التختيار خطأ
وطبعا وردة اعتكفت وجنت خايفة لتأثر
ع ابوهة بس الحمدلله داس ع نفسه وللمرة
الاولى انرفض طلب لوردة وهذا الشي
كلش اثر بنفسيتهة،،،،،
بعد مرور فترة خفت من تغير وردة رجعت
فجأة طبيعية وتاكل وتشرب ويانة ولا كأنما
جانت مقهورة ابوهة واخوتهة يكولون اقتنعت
بس اني كلت لا بنتي واعرفهة مستحيل
تتراجع لازم اكو شي،،وفعلا جانت الصدمة
جبيرة بالنسبة للكل طلعت وردة مزوجة الولد
عرفي وصارلهة 4اشهر وياه وجانت تطلع
من الجامعة هي مأجرة شقة ع حسابهة
يلتقون بيهة وشي اكيد يمارسون العلاقة
الزوجية بكل بساطة ودون خوف،،،
هنا قاسم تخبل والطامة الكبرى ان الولد الي
جانت وردة مزوجته محرض وردة علينة
وباكية ملفات سرية وخاصة بشغل
قاسم تخص صفقات جبيرة ومهمة وهنا ادمر
قاسم دمار شامل لان خسر الملايين بسبب
هاي الصفقات وراحت ضاعت من ايده
وبعد ما حصل الولد ع هاي الملفات من وردة
تركهة وظل قاسم ورة الولد وبعدين عرفه
ان هو تابع لاجد رجال الاعمال وكان خصم
ند لقاسم وجان مكادرله بالتجارة والبزنز
فدخله من غير باب والي هي وردة،،،،،
وكل الي كدر يسوي قاسم وية وردة عاقبهة
فترة لا جامعة ولت طبة ولا طلعة ورة
فترة قصيرة خلاهة ترجع لدوامهة لكن المصيبة
ورة شهرين اكتشفنة ان وردة حامل
وظلينة متخبلين شلون وما شلون شراح
نكول للناس وقاسم ولده كل همهم شغلهم
وصفقاتهم وعرض مشكلته بوقته ع مالك
لكن بغير صيغة فهمة ان خصوم اله بالتجارة
خطفوا بنته وهو محتاج مساعدته ،،،
ورة ايام بلغه ان بنته رجعت لكن معتدين
عليهة وكله اريد اترك بغداد كلهة لان هالمرة
سلمت مندري المرة الجاية وبالفعل الرجال
ساعده ومكال شي وبوقته جان مالك شيخ
عشيرة معروفة اب عن جد بالبصرة واسعة
الصيت ومرت الايام وانتقلنة للبصرة
وظل قاسم يكثر روحاته وجياته لمالك الى ان
يوم من الايام اجاني وكلي مالك طلب ايد
وردة لابنه الجبير،،،،
هنا اني كيفت بعد ما فهمني ان همة كلشي
يدرون بس نبه علية ما افتح موضوع وية
اي احد منهم وبالفعل صار عرس وهوسة
وبنتي اصلا ولا عبالك مصخمة وجهة لا
بس تعيب ومعاجبهة العجب،،،،
ومرة جانوا بيت مالك كلهم معزومين
ع غدة اجة تليفون لقاسم دخل للمكتب
واني فتت صدفة كن يم المكتب وجان الباب
مفتوح سمعته يحجي وية ابني الجبير
هذا سافر للخارج اول مخسر ابوه،،،
سمعته يكله لا اطمن محجيت الي صار فهمته
ع نفس الكلام الي اتفقنة علية،،،
اي،،اي،،كتله مخطوفة ومعتدين عليهة وصرت
كلما اروح ابينله ان اني مكسور
ظهري و بنتي انتحرت مرتين،،لا ولك شلون
اكله حامل اثول انت،،هو مفهم ابنه كايلة
بس كم شهر وطلكه حتى كدام العالم
من تزوج مرة ثانية ماكو اشكال،،،،
اي هو اني شكتلك مو كتلك هذا عايش دور
الطيب والخير الي ينقذ الناس ع حساب نفسه،،،
اما بالنسبة للحمل اتفقت وية اختك
و وية الدكتورة مالتهة ان عود الجنين بخطر
وصحة وردة بخطر فلازم تجيب بالسابع وراها
يتم كلشي بدون محد يحس،،،
لا مكلت لامك متعرفهة ادور مثاليات هسة تخرب كلشي،،،،دخلت علية وجريت التليفون
ظليت احجي واسب بأبني وشمرت التليفون
وراها انداريت ع قاسم ونفس الكلام
قاسم:اشششش نوال ولا حرف كلمة وحدة
منج لمالك ايتم جهال اخوج فاهمة حياة
اخوج مقابل سكوتج،،
واني ظليت حايرة اني اهلي حالتهم ع كدهم
اذا صار ع اخوية شي منو يشيل مرته وجهالهة
وهو عنده خمسة وية امهم ستة ظليت
افكر زين شنو ذنب العالم تشيل حمل موحملهم
رحت لوردة وحاولت احجي وياهة وادليهة
الطريق بس مفاد وراحت اشتكت لابوهة
ان اني اهددهة لو تحجي لو اني احجي
وهالمرة قتسم نفذ تهديده بس ع الخفيف
ورة يومين خابرتني مرة اخوية اخوية
مدعوم وكلش متأذي وكلي قاسم ان هاي كرصة
اذن وططلبت منه ان يساعد اخوية ماله احد
وراها سكتت مكدرت احجي اكثر
الى ان بيوم تخربطت وراجعت واكتشفت
عندي سرطان بالعظم وان الحالة متأخر
عن العلاج فمريت لبيت اخوية وحجيتله عن كلشي
وهوخطية متركني وعذرني وكلي روحي
واحجي ولاتشيلين همي وهم عائلتي النة الله
اذا رحنة نروح مظلومين بس انتي شلون
الناس الهم حق يمج فلازم تحجين ورب
العالمين انطاج انذار ان بعد وكت الج وتصلحين
غلطج،،وبالنسبة الي لاتخافين علية
اصلا اني جنت ناوي اجيج لباجر وابلغج
ان راح اخذ عائلتي ونطلع للسويد اخوهة
الله يجزيه الخير دبرلي بيت وتعيين ع الشهادة
وهاي شوفة عينج صفيت البيت،،،،
هنا اني كيفت وحسيت ان رب العالمين
مهدلي كل الطرق ورفع عني بلاء قاسم
وفعلا قررت احجي لكن المفاجأة بعد
سفر اخوية بيوم رجعت من المستشفى
لكيت غراض البيت كله مغلفة وجنط بالباب
وكلولي الخدم ان احنة راح نسافر
وفعلا بدون سابق انذار اجة قاسم والحماية
مالته شالوا الجنط الظاهر جان كلش
خايف مني وجتي وردة شايلة علاوي
شعجب راح تاخذيه????
وردة:هذا تبني مو ابن ضرغام،،،صح جنت
ممهتمة بية هواية بس احبه والله وكامت تبجي
حضنتهة بس شنووو الثمن الي راح يدفعه
ابنج مقابل حبج راح يكبر ويفهم ان ابوه
ميريده وابوه الي هو ضرغام راح يعيش ع ان
ابنه كبر وبعد ميكدر يعيش بهيج جو،،،
وردة:بعصبية كتلج هذا ابني مو ابنه وشيفكر
خل يفكر،،،
بنتي خافي ربج،،،
وردة:اهوووو وفري نصايحج لنفسج،،،
سافرنة وظليت حايرة شلون اوصلهم لازم
اظل ادزر ورة قاسم عسى ولعل رب العالمين
ينطيني خيط امل،،،،،
......... ......... ......... ........ ......
نرجع للوقت الحاضر،،،،
البصرة،،،،
سجاد:خابرت ع اهلي ادك ع ابوية ميرد الولد
ماكو امي ظل بالي اخر شي دكيت ع امي
جاوبت حوراء،،،،،
سجاد:شلونج حوراء،،اكلج شصاير اشو محد
يجاوب ع تليفونه،،،
حوراء:هلوبيك عيني والله شكولك سجاد وردة
سافرت هي واهلهة واخذت علاوي وياها
وضرغام حالته حالة والكل يمة يهدون بيه،،،،
سجاد:صدك جذب اشو محد حجة،،،
حوراء:خطية اليوم الظهر وية الغدة جوي
وكالولنة،،،
سجاد:ماشي فدوة بس طمنيني خما احد بيه
شي ????
حوراء:لا الحمدلله بس ضرغام تعرف ابنه بعد،،،
سجاد:الله يساعده،،ماشي خوية،،اني ان شاءالله
من الفجر جايكم،،،
حوراء:شلون ودوامك???
سجاد:يا دوام واهلي طامسين من سالفة
لسالفة الله كريم عود،،،،،
حوراء:ان شاءالله، الله كريم،بس ديربالك
لاتجي وحدك ماشي،،،
سجاد:ان شاءالله يلة في امان الله،واي شي
يصير بداعة مازن انطيني خبر ماشي،،،
حوراء:صار تدلل وان شاءالله ماكو الا الخير،،
سجاد:ان شاءالله،،مع السلامة،،،
حوراء:الله وياك،،،
سجاد:سديته وية حوراء ورحت للهول جانوا
كلهم ملتمين جدتي وجدي وخوالي وخالتي
براء،،وسولفتلهم الصار وجدتي خطية هي
وجدي كالوا نروح وياك وخوالي هم وخالتي
مقبلت الاتجي كتلهة والدوام كالت طز اخذ
اجازة خطية كلش تحب ضرغام تكول
هذا ضلعي،،،،
وتوجهنة للبصرة وية اذان الفجر صلينة وطلعنةخطية خوالي كلمن دز مرته هي والجهال لاهلهة
الحمدلله الحنية كلش قوية بينة وشكد
لحيت ع جدتي وجدي ميجون لان يتعبون
وطريق طويل بس ماكو قفلوا بعد،،،،
وصلنة للبصرة وية الظهر طبينة لكينة
بيتنة هوسة عمامي و ولد العم لان وردة
من سافرت بعدهة ع ذمة ضرغام،،،
مالك:جنة ملتمين بالديوان ودخل سجاد
وبيت وجده وخواله تلكيناهم،،،،،
ليش هالتعب يا ابو خالد جيتكم ع العين والراس،،،
ابو خالد(والد زهرة):لا يا ابني احنة اهل
وهذا واجب علينة،بشرني موصلتوا لشي،،
مالك:لا والله حجي مو صلنة لاي خيط يدلنة
عليهم،،،
خالد:بقلق ابو ضرغام من رخصتك لعد ضرغام
وينهة????
ابو خالد:بس لا يكون عفته يطلع بهيج وضع???
مالك:لا الحمدلله موجود بس من سمع بالخبر
صار اعصاب كلش وصعد ضغطه،،،،
ابو خالد:وشلونه هسة???
مالك:الحمدلله احسن نقلناه للمستشفى
خلوله مغذي وضربوه ابرة مهدء وهسة نايم،،،
خالد:الله يساعده والله الضنة غالي،،،
كمال:اي والله يابوية غالي،،،ان شاءالله
نلكاهم،،،،،
الشيخ كامل:هسة جاني خبر من المحامي
يكول نكدر نعمم اسمهة بالسفارة ويدكون
اسمهة لان تعتبر هاربة لان ع ذمته وشغلة
ثانية ماخذة الولد بدون علمه،،،
كمال:اي الحمدلله هانت ان شاءالله،،
سجاد:من رخصتكم طبيت للبيت لان بعدني
ممسلم ع امي ولا شفت ضرغام بالي
يمه،،تلكتني امي تبجي،،بستهة من راسهة
ليش تبجين يالغالية ان شاءالله يلكوهة
وهسة عمي الشيخ اجاه تليفون وراح ينطون
اسمهة الكامل بالسفارة لان تعتبر
محاسبة قانونيا لان مهزومة وهي ع ذمة زوجهة
وطالعة بدون علمه وفوك كل هذا ماخذة
الطفل بدون علمه،،،
زهرة:اي يا رب بلكت ويلكوهم،،اخوك انتهى
فدمرة ضغطه صاعد و وكع من طوله سودة
علية،،،،
براء:وين هو هسة???
زهرة:نايم،،،
ام خالد:بنتي ذكري الله وان شاءالله ماكو
الا كل خير،،،
زهرة:ان شاءالله يمة ان شاءالله،،،
سمرة:جنة هستونة مخلصين غدة وجنت داحضر
الجاي اندكت الباب بقوة،،،طلع ابوية خطية
يركض شوية ورجع،،،
كمال:عفاف لبسي عباتج ع السريع وانتي
هم بوية دنروح لبيت عمج مالك،،،
عفاف:خير شصاير بهالظهرية???
كمال:مرة ضرغام مسافرة وماخذة علاوي
بدون علم ابوه وكلبوا الدنيا عليهة ماكو
مالهم تي اثر،،،
عفاف:اي واحنة شكو رايحين قابل راح
نطلع ندور،،،
سمرة:شلون يصير ماما غير نروح الله يعلم
بحالهم هسة،،،
كمال:تعلمي الاصول من بنتج،،،
عفاف:مو اهلي راح يجون....
كمال:بصياح اهووووو كله اهلي واهلي
ابقي احسن لاتجين يلة بوية انتي تجين وياية،،
سمرة:اكيد يابة هسة اجيك،،صعدت ركض
جريت العباية الاسلامية والحجاب نزلت من
الدرج والبس،،،
كمال:ع كيفج بنتي راح توكعين،،
سمرة:طلعنة من البيت واشوف ابوية القهرة
بعيونه يحجي وخانكته العبرة،،،
كمال:اوووووف يا خوية الهم لاحكك من الصغر
وهسة ورثته لابنك،،شايفة هذا ضرغام
يابنتي شكد ساعد ناس وشكد كفل ايتام من
هو وصغير جان يلم يوميته ويدور وين
ماكو جهال ابوهم مموجود او حالتهم متسمح
ياخذ يوميته ويشتري اشكال ويروح يوزعهن
ع كل الجهال وكبر وهو ماشي ع هالمنهاج
وحتى مرته شكد داراها وشكد جان متسامح
بس شنو الي حصله بس الهم،،،
سمرة:الله كريم يابة عد ربك ميضيع كلشي
بحسابه والحمدلله ينظلم وميظلم،،،
كمال:ابتسمت بوجهة ومسحت ع راسهة
الله يرضى عنج ترباة عمج بعد،،،
سمرة:بست ايده وترباة ايدك سمرة بنت كمال
مو شوية موووو??وضحكت ردت اقلل
من التوتر الي بيه،،،،
وصلنة لبيت عمي ابوية وصلني للمطبخ
ورجع للديوان طبيت لكيت عمة زهرة منتهية
من البجي وحوراء يمهة سلمت عليهم،،،
عمة ع كيفج لتوكعين انتي مو عندج الضغط
زهرة:بوستهة هلا يمة شلونج ليش تعبتي
نفسج وطلعتي بهالحر،،،
سمرة:شبكتهة وضحكت بوجهة بربج تحجين
صدك يعني ارجع متريديني مووو???
زهرة:يااااا اني ما اريدج لج انتي متعرفين
بمعزتج عندي والله كلجن بناتي حسبة سحر
وسمية واكثر انتن وياية اكثر من بناتي،،،
سمرة:خوش مدامج هيج بعد لاتكوليلي شكو
جاية ترى اعتبرهة طردة،،،شفتهة ابتسمت
كعدت مقابيلهة وبست ايدهة،،،
لاتبجين وادعي ربج الله سبحانه كريم
ومينسى عبده وضرغام صاحب وكفات وية
الناس لابد ورب العالمين يوكفله،،،،
زهرة:ان شاءالله،،ومسحت ع راسهة فدوة
لكلبج شكد حنينة شايلة حنية كمال كلهة،،،
سمرة:هسة شلون يعني مصرة الا تبجيني،،
حوراء:اي والله صدك حجي عمة،،
سمرة:جنة كاعدين وطبوا بيت اهل عمة زهرة
سلمت ع الكل وكعدت ع صفحة يحجون
ويسلفون واني كلبي دكاته تقرة الف
مدام اجوي كلهم معناته سجاد هم هنا،،
ولج سمرة استحي ع روحج العالم بيا حال
وانتي بيا حال ظليت احجي وية روحي،،،،
ام خالد:ما شاءالله هاي سمرة بت كمال،،،
زهرة:اي يمة هي فدوة لكلبهة بس تسمع
بشي تجينة تركض وية ابوهة،،،،
ام خالد:فدوة لكلبهة ع ابوهة حنينة،،
سمرة:هم يحجون واني خشيت بهدومي
لعد شبيه سجاد ماعنده نظر ويلتفتلي فديوم،،،
اثناء مدحجي وية روحي مشفت غير
سجاد كبالي ديحجي وية عمة زهرة،،،،
يمة كلبي مداسيطر علية وايدي ترجف
ظليت اهدي بنفسي والله راح افضح روحي،،،
حوراء:دخل سجاد وسلم علينة وكعد يم عمتي
واني عيني ع سمرة خطية شكد تحبه
وهو ولا يمه شفتهة تفرك بأيدهة وراحت
للمطبخ لحكتهة،،ولج شبيج كمزتي للمطبخ
عبالي بيج شي،،،
سمرة:لا ماكو شي بس عطشت داشرب
مي،،،
حوراء:تشربين مي لو.....
سمرة:لو شنوووووو??
حوراء:تنهزمين،،ترى انتي مفضوحة من
عيونج،،،
سمرة:لج حوراء دبريني ما اسيطر ع
مشاعري كدامه لج احس كلبي راح يوكف
ع غفلة هالكد ميدك سريع،،داحجي وطب
سجاد للمطبخ ،،
سجاد:طبيت للمطبخ اشرب مي وشفت
حوراء بالمطبخ و وياهة بنية،،،،
ااا العفو حوراء فدوة كلاص مي وانداريت
داطلع،،،
حوراء:تعال سجاد شبيك ماكو احد غريب
ثنينة بنات عمك،،،
سجاد:هاااااا انتي اي اعرفج بس البنية بنت
ياعم????
سمرة:ردت اخرب وهو ديحجي وحوراء
لزمت ايدي لان ردت افلت من المطبخ،،،
حوراء:يااااااا هاي شبيك سجاد معرفتهة
سمرة بنت عمي كمال،،،
سجاد:هاااااا ظليت فاتح حلكي معرفتهة كبرانة
ومحلوة لا،،لا،،صايرة تخبل معقولة اني
جنت اطفر من هيج كيكة،،،،
حوراء:ضحكت هااااا سجاد منو ماخذ عقلك،،،
شعبالك لعد بس حلووووو وشايف نفسك
علينة،وهااا ترى استغنيت عنك ما اريد
النونيو يشبهك،،
سجاد:والله عمي حقج تحجين هيج اذا
انتي تصبحين وتمسين ع هيج عسل سجاد
بيش الكيلو،،،،
سمرة:بكلبي احجي،،لا،،لا،،ما اتحمل كل
هذا بيوم واحد يعني كل هذا الغزل الي
مستحيل يمة كلبي راح يوكف دخيلك ربي،،
سجاد:اي شلونج بنت عمي،،،
سمرة:بالكوة احجي الحمدلله وانت،،،
سجاد:بعد هالوجه الحلووووو بخير،،،
حوراء:ولك استحي شوية البنية راح تخرب
ترى هي كلش تستحي،،،
سمرة:بكلبي باع هاي دعوفي خرب يومج
خلي يتغزل يمكن راح اموت ،،،،
سجاد:دروحي انتي وبطنج جنج بطة صايرة،،،
مازن:هاااا منية البطة???
سجاد:مرتك غير،،،
مازن:دمشي لك هو انت بحلاتهة وتحجي
بس عيونهة تسواك،،،
سجاد:لا هاي هي حصلنة عود اني اخوك،،،
مازن:دولي اخوية بيش الكيلو منو الي
ينيمني باليل انت،،،
سجاد:لا بهاي حقك عمي اني انسحب،،،
واني شوكت يجيني الي ينيمني بالليل
واباوع لسمرة،،،صارت طماطة وتفرك بايدهة
وعينهة بالكاع،،،،شكلهة كلش حلووووو،،،
حنطية بس ع بياض والعيون سود وساع
بس الشعر بعد ما ادري عنه لابسة حجاب
شفايفة تفاحة كلشي بيهة يجبرك تصفن
عليهة،،،
حوراء:عزة اشو انتو شلتوا المستحة فدمرة
سجاد:بالنسبة الي جفاف فدمرة بلكت
تلكيلي وحدة منا،،منا،،احجي وعيني ع سمرة
دغني مازن،،
مازن:شفت سجاد مركز كلش وية سمرة
ومبين اصلا نسه نفسه دغيته،،،
سجاد:خييير شكوووو???
مازن:انت شكووووو??
سجاد:عيوني واني حر بيهن،،،
مازن:كفخته ع راسه،،اثول هاي بنت عمك،،
سجاد:ايو شمسويلهة انداريت ع سمرة عمي
حاجي وياج شي تقصدت هيج احجي
عجبني شكلهة وهي تريد تنهزم،،،
مازن:مو اكلتهة اكل ادري عيون لو ليزر،،
حوراء:اوووووو كافي خطية البنية انتهت،،،
سمرة:اووووووف واخيرا احد صاح علية،،
انهزمت ركض من المطبخ لكيت ابوية
بالهول يسلم ع ام عمة زهرة واختهة،،،
سمرة:نعم يابة،،،
كمال:تعالي ياروح ابوج،،،
سمرة:تمشيت لعنده مبتسمة حضني وباس
راسي،،،،
كمال:فدوة لطولج دومج رافعة راسي
وين ما اكعد اسمع حجي حلو عنج،،،
ام خالد:اي والله والنعم منك ومنهة يازين
ماربيت،،،
سمرة:مكتلي بابا محتاج شي،،،
كمال:اي والله اريد جاي من هالايد الحلوة
لسة مشربت،،،
سمرة:من عيوني،،،بكلبي كلت هم راح
ارجع للمطبخ يعني،،دخيلك ربي
وحدة وحدة علية مو كلهن هيج جفت،،،،
سجاد:طلعت من المطبخ صارت بوجهي سمرة
صفنت عليهة تباوع للسكف وتحجي،،،،
خيرج بيش غاثج السكف،،،
سمرة:هاااااااا،،،
سجاد:شبيج،،،
سمرة:ااااانننييي،،،
سجاد:اي انتي اكو غيرج واكف كبالي،،
سمرة:ماكو شي،،دافوت للمطيخ سد الطريق
منين ما اروح يصير كبالي،،،
سمرة:ممكن توخر شوية،،،
سجاد:لا ممكن،،،
سمرة:عفية وخر لاحد يجي ويشوفنة،،،
سجاد:وميشوف واكف وية بنت عمي،،،
سمرة:ضحت من تصرفه،،،اكولك ترى مو عبالك
اني مثل الي وياك بجامعتك ترى بعدك
متعرفني،،،
سجاد:وشحدج اذا مجرد شك اشك اكلب
الدنيا ع راسج،،،
سمرة:نعم،،بلة متوخر من طريقي يكلب
الدنيا،،لعد بعدك متعرف سمرة بنت كمال،،،
سجاد:تخبلت عليهة شلون تغيرت شخصيتهة
وتحجي بنتر وترفع حاجب،،،،
اشووو انتي كل شوية بشخصية،،،مبين
اكو هواية اشياء راح اكتشفهة بيج،،،،
سمرة:وهسة سيادة المكتشف ممكن توخر
ترى ابوية راد جاي وخر عاد فضني،،،،
سجاد:وخرت شوية،،تفضلي،،،
سمرة:لا اكيد انت تخبلت يعني منين افوت،،
سجاد:لا والله اشاقة وياج تعالي فوتي
لاتزعلين مني اشاقة وياج والله،،،
سمرة:امممممم يلة هالمرة سماح،،،وخر
وداطب للمطبخ سمعته يكول،،،
سجاد:اووووووووف عمي كمال خلف وسجاد
ابتله،،،
من گد ماترف ينشاف بيك الماي
وتخجل من ضواگ وتنطفي الشمعة
واظن عشرين واكثر امك احملت بيك
لان دكة جمالك مو مال تسعة،،،،❤❤
سمرة:طبيت للمطبخ اضحك،معقولة
هذا الكلام من سجاد الي،وصار هذا
اليوم تاريخي بالنسبة الي،،وظل طلبي طول
اليوم يضحك الفرحة الي بداخلي متنوصف
ضرغام:كعدت من النوم كلش تعبان جريت
حجاب حور من جوة مخدتي وشميتهة
احس عطرهة ترس ريتي،،اووووووف وينج
حوريتي ضرغامج تعبان سلبوا الفرح من
روحي اولهم فراكج وراج ابني والله
العالم شراح اخسر بعد،،،ضميت الحجاب
بالكنتور اخاف احد يشوفه نزلت اسمع
هوسة شفت بيت جدي كلهم جدتي وخوالي
وحتى براء،،،سلمت عليهم وخطية
اهلي والكل باله يمي وامي كل شوية
جايتني خما اكو شي يوجعك،،،،
الي عرفته ان معممين اسمهة بلكت اندل
مكانهة والله لاندمهة هي والخلفهة،،،،
خلص اليوم عادي بدون اي خبر جديد عن ابني
او امه الكل راح بقوا بس بيت جدي اهل امي
مرت4 ايام وكلش ماكو الى ان فديوم
جنت امدد بغرفتي وجانت ساعة 10باليل
جنت كلش تعبان لان من يوم الي وصلني
خبر سفرهم واني مشكل الضغط وياية،،،
دك تليفوني رقم دولي كمزت من مكاني
هذا دولي اكيد احد عنده معلومة عن ابني،،،
رديت ،،،
ضرغام:الووووو،الووووو،يمعودين جابوا،،،
ماكو انسد ومرتين تكررت المكالمة
وهم نفس الشي،،نزلت ركض جانوا اهلي
ملتمين جوة بالاستقبال والبنات سمية وسحر
بايتات يمنة،،،ابوية شاف وضعي هبط
مالك:جنة كاعدين ونزل ضرغام يركض،،،
خير ابني شبيك،،،
ضرغام:اكو رقم دولي صار مرتين يدك اجاوب
بس محد يرد،،،بهالاثناء هم دك فتحت خط
الووووو،،،الوووووو،،اي اني ضرغام
منووووو???
نوال(ام وردة):ظليت اراقب قاسم بيمن
يتصل لازم الكه طريقة توصلني لضرغام
وهمزين مرة سمعته يحجي وية مرة اسمهة
حسنة والظاهر اكو مشكلة شغل بينهم
ولحسن حظي سمع اسم مالك وضرغام
انتظرته نام باليل واخذت تليفونه واخذت رقم
هاي المرة وظليت يومين مترددة شلون
وخايفة حابرت اخوية وشجعني كلي لازم
تحجين الحقيقة،،،عاد ثاني يوم
خابرت المرة حسنة وبالكوة اقنعتهة
ادبرلي رقم ضرغام ونبهتهة ان لازم محد
يدري لا قاسم ولا غيره وهي وعدتني
متحجي يعد صدك جذب ما ادري
ثاني يوم خابرتني ونطتني رقم ضرغام،،،،
بيوم انتهزت الفرصة
جانوا كلهم طالعين كلهم معزومين
بقوا يمي علاوي والخدم تساعدني بيه لان
اني وصلت لايامي الاخيرة بسبب المرض،،،
بالبداية جاوب سكتت مترددة بعدين تشجعت
وجاوبته،،،
نوال:شلونك ضرغام،،،
ضرغام:منو انتي،،،
نوال:شبيك ضرغام معرفتني اني عمتك
نوال ام....قاطعني يصيح ويهدد،،،،
اسمعني ابني اني ماعندي وقت استغليت
غيابهم وخابرتك وصدكني الي صار اني مراضية
عنه وتدري كلش زين اني ابد مجنت راضية ع
تصرفات وردة وحتى السفر مرضيت بيه
بس جبرني قاسم....
ضرغام:وانتي جاهلة حتى يجبرج جان ع الاقل
خابرتي،،،
نوال:ضرغام اني لا حول ولاقوة اني مريضة
وههاي ايامي الاخيرة وردت ابري نفسي
من افعال قاسم و ولده،،،
ضرغام:خيرج???وشنو الافعال شتقصدين،،،
نوال:اولا اني مصابة بالسرطان بالعظم
والمرض استفحل جسمي وماكو فايدة
للعلاج لهذا اني شاركت قاسم و ولده
ومن ضمنهم وردة،،شاركتهم بجريمة ارتكبوهة
بحقك وحق اهلك،،،،
ضرغام:عمتي احجي الله يخليج ترى
مالي قابلية اتحمل اكثر،،،،
نوال:اسمعني زين ابني للاخير ولا تقاطعني
بحرف،،وبديت اقص الحكاية من اولها لاخرها
لضرغام،،،،
مالك:شكل ضرغام ميطمن وجهة صار شاحب
وشفته ازركت،،لك ضرغام،،ضرغام،،،
وكع ابني من طوله بس محد يعرف شنو الفلم
كلهة انخبصت حايرة بضرغام شالوه الولد
للسيارة ونقلناه للمستشفى وضغطه صاعد
وضربته جلطة بس الحمدلله خفيفة،،هنا
اني انهاريت هذا ابني وعضيدي شنو
الي ديصير وياه الدكتور كال متعرض لصدمة
نفسية سببتله ارتفاع بالضغط حاليا حاولوا
تريحوا وبعدوه عن اي تأثيرات نفسية
وابعدوه عن المشاكل والتوتر،،،،
مالك:ان شاءالله،،طلعت للحديقة وتليفونه
بجيبي قررت اخابر ع نفس الرقم وافهم
شنو السالفة،،خابرت بالبداية يدك ومحد
يجاوب اخر دكة وانرفعت السماعة
جان صوت مرة بس صوت كلش تعبان وجانت
تبجي بعدين عرفته هاي ام وردة خفت
بالبداية عبالي علاوي بيه شي بس
طمنتني كالت مابيه شي وراها حجتلي
الموضوع كله وسدت التليفون كعدت حيلي
مهدود،،يا ياية يا بوية لك هاي وين جانت
مضمومتلك يا ضرغام لك ليش يا قاسم
الكلب هاي جزات وكفاتي وخيري وياك
تاليهة تذب بتك السكط عليه استغفر الله
ربي العظيم واتوب اليك نزلت دموعي بعجز
ع الوضع الي ذبيت ابني بيه كله مني
لو ما اني مجان صار الي صار بضرغام،،،
دخلت للمستشفى وكلهة تسأل شكو وشنو
ولا التليفون ابد مسكت اووووف يا زهرة
شكلج،،،ياهو الي يسأل اكله بعدين
اجاني مازن،،،،،
مازن:اباوع ع ابوية شكله ميطمن ومخذول
ع مكسور رحت يمه اطمنه ع وضع ضرغام
بس باله ابد مو يمي عرفت السالفة
الي واصلة لضرغام جبيرة بس مكدرت الح
ع ابوية،،،،
مالك:ترخصت من الدكتور بس ادخل اشوفه
دخلت عليه جان نايم وجهة وشكله كلش
تعبان متحملت بجيت عليه وع الصار
وياه بسببي،حسيت عليه يتحرك مسحت
وجهي جان يون ويحجي كلام ممفهوم
تقربت يمه بس صدمني الي سمعته
جان يلهج بأسم حور ويكول،،،،
وينج يا حوريتي محتاجج يمي لج حتى ابني
طلع مو ابني هذا الي جان ينام بحضنج مو
مني ولا من ريحيتي لج تعاليلي راح اموت
فراكج كسر كلبي بس ابني كسر ظهري
يحجي ودموعه تنزل،،،،
لك يا ضرعام الله يساعد كلبك ع هالحمل
والهموم هو هذا الي غيرك كل هاي الاشهر
ثاري نار تاكل بكلبك ومحد داري عنك
تشيل عن الكل ومحد شال عنك،،،
ضرغام:كعدت بالكوة افتح عيوني نظري
مغوش سمعت صوت يمي بالكوة احجي
منووووو???
مالك:بغصة اني يا بعد ابوك،،شبيك بوية
محتاج شي يوجعك شي،،،
ضرغام:هزيت راسي اي واشرت ع كلبي
هذا يوجعني بوية شلون اطيبه ،،،
مالك:ابني ع كيفك وية نفسك ترى ضربتك
جلطة بسبب الضغط،،،
ضرغام:ضحكت بحزن وقهر،،شتريد تاخذ
الدنيا مني بعد،،،
مالك:كول يالله ابني خلي ايمانك بربك قوي،،،
ضرغام:والله يابة ايماني قوي بس تعبت
مو بيدي اريد ارتاح احجي ودموعي تنزل،،،
مالك:عفته وطلعت صحت الدكتور،،،
دخل عليه الدكتور:ابني ميصير هيج انت
وضعك تعبان هاي الامور كلهة تزيد عليك
متخفف ذب حملك ع ربك والله سبحانه قادر
يخفف عنك الي انت بيه بس هاي الضغوطات
النفسية موزين ع الاقل لخاطر هالشيبات
واشرت ع ابوه ترى ادمر ع حالتك وهو هم
مبين عليه صحته تعبانة واكيد والدتك واهلك
قلقين كوم لحيلك ولخاطر هالوجوه الطيبة
الي الله رزقك بيهم ما شاءالله يسدون عين
الشمس واحدهم متخبل عليك اتوكل
ع رب العباد يا ابني وهاي التصرفات
تأذيك متفيدك وهاي راح اضربك ابرة مهدء،،،
ضرغام:دكتور الله يخليك اريد اطلع،،،
ابني شتطلع انت انضربت جلطة وبعمرك
اصلا المفروض متتعرض لهيج امور،،،
ضرغام:دكتور الله يخليك هو ظل عمر معين
بالعراق لهاي الامراض،،،
ماشي راح اخليك تطلع بس اولا ع مسؤليتك
وثانيا تاخذ هاي الابرة مهدئ،،،
مازن:طلع ضرغام بعد الحاحه وكلنة خايفين
علية وصلنة للبيت بس وضع ابوية موشي
شكد لحيت علية يمعود ابقى انت خل
يفحصك دكتور ماكو الاخ هنا هم قفل،،،
وصلنة وضرغام صعد يرتاح بغرفته ابوية
كال لاحد يسأل ع شي اليوم رحنة كلمن
لغرفته هستوني داغفى وسمعت صراخ امي
سبة البيت طلعت ركض بطرك الداخلي
لكيته اباب الغرفة مالتهة وابوية واكع
وهي تفرك بصدره،،،،
مازن:يابة حوراء ع السريع ملابس طالع
اشغل السيارة،،خطية ضرغام نزل يطوطح
بالكوة لازم راسه ويمشي شاف ابوية واكع
تخبل ظل يفرك بصدره وهم جان نازل بطرك
الداخلي ما شاءالله كلهة تصلخ وتنام،،،
ضرغام:جنت نايم واسمع صياح جوة عرفت
ابوية تخربط بس مجنت متوقع شي جبير
نزلت بالكوة افتح عيني شفته واكع وامي تفرك
بصدره اسمعهة تكول للبنات كلبه وجعه
وكلي فركيه وملحكت عليه وكع،،صحت بصوت
رج البيت لك مازن الحك بسرعة خل نشيله
مازن:اركض والبس بملابسي،،،جيتك هياني
ضرغام:لك مازن بسرعة الظاهر ابوية
جتة ازمة قلبية،،،شلناه وكبل للمستشفى
طلع ضاربته جلطة بالقلب ومسببتله ازمة
بالقلب وحالته خطرة كلش وظل بالعناية
خابرت عمامي وخطية جوي يركضون بنص
الليل همة والولد وظلوا يسألون شلون
وليش اخذتهم للحديقة مال المستشفى
و وصيت ممرض ع ابوية ونطيته فلوس
وكتله اي شي يصير اني بالحديقة،،،
خطية مازن ظل يلح ارجع ارتاح عمي كمال
سأل ليش شبيك ومازن كله مصارلنة ساعة
من طلعناه من المستشفى هو هم ضربته
جلطة بس الحمدلله خفيفة وظلوا عمامي
والولد يحجون شلون مخبرناهم،،،،
الشيخ كامل:المهم هسة احجيلنة شنو الصاير
و وكعك و وكع ابوك هيج دنجت راسي
وبديت احجيلهم وراها الصمت كان سيد الموقف
ظلوا حايرين شيحجون او يتصرفون،،،
بعدين عمي كمال كال اخاف هذا ملعوب
منهم،،،،
مازن:لا عمي ما اتصور لان اكو فحصDNA
هذا دليل قاطع اذا ابنه او لا،،،،
كمال:اي يا ابني بس شلون تكدر تثبت هذا
الشي وهمة محد يندلهم،،،،
ضرغام:لا عمي حجاية امهة موثوقة لان امهة
من زمان جانت مترضى لا ع تصرفاتهة
ولا تصرفات ابوهة واخوتهة وبالاضافة الى
ان هي الوحيدة البيهم المتدينة والي تخاف
الله وحاجة هم وما اعتقد تطلع بهيج فلم
توصخ شرف بتهة في سبيل ما اوصلهم،،،
كامل:وليش هسة يلة حجت،،،
ضرغام:فهمتهم بوضعهة ومرضهة،،،،
كمال:خل نطمن ع وضع ابوك ونحلهة الك
ان شاءالله،،وراها اجاني الممرض
يركض عرفت ابوية بيه شي طبينة نركض
لكينة الدكاترة فوك راسه طلع ممرض مستعجل
سألناه كال وضعه ممستقر وكلبه ديوكف
خلوله جهاز الصدمة الكهربائية وهنا كلنة
انهارينة والثانية تمر علينة بسنة شفت عمامي
كعدوا وخارت قواهم هذا اخوهم الجبير
وسندهم لحظات مرت شفنة الممرض يرفع
غطا ع راس ابوية هنا سمعت صرخة مازن و
سجاد
رجت المستشفى رج عمامي انهاروا
اني اريد افهم شكوووو اشو هوسة طلع
الدكتور هستوة ديكول البقاء.....
جان يعيط الممرض دكتور رجع نبض خفيف
وهم رجع عم السكوت وكفت يم اخوتي وحاولت
اهديهم واني احتاج من يهديني وطلب مني عمي
اجيك ضغطي وطلع مرتفع علكولي مغذي
بس خليتهة ع الحمالة وظليت كاعد ع الكراسي
مقابيل غرفة العناية وراها طلع الدكتور
كال والله ما اكدر اجزم بشي هاي شوفة
عينكم وضعه مديستقر وبعده بدائرة الخطر
ان شاءالله سوينة العلينة والله كريم
رب العالمين ارحم وعافنة وراح وراها طلب
مني الدكتور ان لازم امدد حتى المحلول
يمشي بصورة طبيعية توجهت لغرفة فارغة
واجة سجاد وياية وتمددت وظليت صافن
ع السكف،،،
سجاد:شنو الي ديصير ضرغام حالنة انكلب
كلاب فجأة كله من وره هاي البنية....
ضرغام:قاطعته بعصبية اسكت سجاد لاتجيب
طاري البنية،،،بالعكس الله دزهة حتى
تبين زيف كل الناس الي جنة مخدوعين
بيهم ولولا هي جان هسة اني اركض ورة
ذيج الفاجرة واحاول ارضيهة في سبيل
ابني واختنكت بالحجاية،،،،
ولا صاحب ابوك الي كضه عمره يركع
بأخطاءه والي هو اول الناس طعنه بظهره،،
سجاد:اي بس شوف ابوية ليوين وصل،،،
ضرغام:الله كريم خوية يس لاتحكم ع البنية
وديربالك ترى الهة حوبة لان مظلومة وحوبة
المظلوم جبيرة،،،،
وراها سكتنة ثنينة واني نمت ومحسيت ع
روحي بوكتهة عمي كايل للدكتور
خليله ابرة منوم خل يرتاح،،،،،
كعدت مثل المخبل بالي يم ابوية اني شلون
هيج نمت جريت تليفوني ساعة ب12الظهر
شفت المغذي والكانونة مشيولات
طلعت ركض لكيتهم ع كعدتهم شافوني
مازن وسجاد ركضوا علية،،،
سجاد:ضرغام ليش كمت يمعود لتوكع،،،
ضرغام:الحمدلله ماكو شي بس طمنوني ابوية
شلونه هسة،،،
صدمني موقف مازن نزلت دموعه،،،
لك احجي مازن شبيه ابوية،،،
سجاد:ابوية وضعه كلش تعبان وهم رجع
يتخربط النبض حالته ممستقرة و،،،،
ضرغام:ووو شنوووو ليش سكتت???
هنا مازن كعد منهار وكام يبجي،،،
مازن:الدكتور يكول كلبه كلش متأذي
ويحتاج عملية بأسرع وقت والعملية مو
هنا بالخارج بس لازم تستقر حالته بالاول،،،
ضرغام:شنوووو شوكت يعني،،،
بهلاثناء دخل الدكتور ديجيك وضع الوالد
طول يلة طلع ركضت علية و وراية الولد
وعمامي،،،
ضرغام:خير دكتور بشر???
الدكتور:وضع الحجي كلش تعبان ومديستقر
ضرغام:دكتور اكو حل ثاني نكدر نسفره
او نغير المستشفى???
الدكتور:حاليا كلشي منكدر نسوي غير
بس تدعوله لان بحالته السفر كلش خطر
ضرغام:متحملت صرت عصبي،،دكتور شلون
يعني فهمني???
كمال:ابني اهدأ،،
ضرغام:عمي شهدأ الله يخليك دتسمع شيكول،،
الدكتور:ابني هذا الوضع الطبي بالعراق
يعني قابل راح اسفره لو اعالجه ع حسابي
حتى اتعمد ابقي هنا بس اذا سفرته بهذا
وضعه معناها دتوقع ع موته مستعجل
صدكني يا ابني مابيدي شي،،،
دنك راسه واندار،،،
ضرغام:تندمت لان صيحت عليه وهو رجال
جبير مشيت لعنده،،،دكتور اسف بس تعرف
ابوية هذا،،،
ضرب ع جتفي،،الله يكومه الكم بالسلامة
ان شاءالله،،،
سجاد:مازن هاي امي صار الف مرة دكت
تريد تجي بس تبجي ما اتحمل احجي وياها
اكثر،،،
مازن:جيبه،،،فتحت خط جريت نفس،،،
الوووو،،ها يمة ليش تبجين ياحبيبة،،كتلج
ان شاءالله مابيه شي،،،هاااا لا ياعيني
كلهة زلم واصلا ميخلوج تدخلين احنة بالحديقة
برة،،،ماشي هسة شوية وتنطيه التليفون
واحجي وياه،،كافي كطعتي كلبي لاتبجين
وين حوراء،انطينياها،،،
حوراء:هاااا حبيبي،،،
مازن:حوراء،،لاتخلين احد يحس عليج ماشي،،
حوراء:مازن فدوة شكوووو،،،
مازن:حبيبي فدوة ابقي وية امي لاتخلين
احد من الولد يجيبهة ماشي،،،ترى ابوية
صحته بالنازل ولو يعدي منهة لو لا،،،
حوراء:كمت ابجي شنووووو،،،
مازن:حوراء شحجيت ما اريد امي تحس بشي
ماشي صلي واندعيله حبيبي وهذا ضرغام
حالته حالة كل شوية ضغطه يعلك،،،
حوراء:الله يعينكم ويرده بالسلامة،،،
مازن:فدوة لحلكج ياروحي يلة حبي ديري
بالج ع نفسج وع امي فدوة واي شي
يصير خابريني،،،
حوراء:ان شاءالله،،،
مازن:سديته وية حوراء،،هاك تليفونك
لعد ضرغام وين،،،
سجاد:طلع للحديقة،،،
مازن:ماشي خلي بالك اني طالع اشوفه،،،
سجاد:ماشي،،،
مازن:طلعت للحديقة ادور عليه لكيته
منتجي ع شجرة ويشرب جكارة معقولة
ضرغام بحياته محطهة بحلكه يكرهة تمشيت
لعنده،،هاااا خوية شجابك عليهة،،،
ضرغام:رفعت الجكارة اباوع عليهة،،،وع مازن
الضيم ياخوية الضيم جابني عليهة،،،
مازن:سهلة ان شاءالله ربك يعيدهة بأذنه،،
ضرغام:اخخخ لو بس اشوفك ياقاسم لا
ادوسك دوس مثل هالجكارة واكثر،،،
مازن:هدي ضرغام منا ضغطك صاعد ومنا
ابوية خلينة نحير بوحدة،،وحدة وربك
ان شاءالله اله بالمرصاد،،،
سجاد:جنة كاعدين وطلعت الممرضة تركض
تصيح للدكتور كلنة وكفنة اجة الدكتور يركض
كمال:دكتور خير،،،
الدكتور:خير ان شاءالله صحه وهسة راح ادخل
افحصه،،،
سجاد:كمت ابجي من الفرحة ركضت ع الولد
مازن:لك هذا سجاد،،بصياح شكووو شبيك،،
سجاد:لك ابوية كعد وهسة الدكتور يمه،،
ضرغام:باوعت للسما رحمتك الهي وطبينة
شفنة الدكتور كال يريد يحجي وياكم،،،
بس لاتعبوه،،،
دخلوا عمامي والولد يحجون وياه شكله
كلش تعبان واني كلبي مقبوض شكله مو مال
واحد اتحسن ظليت احجي بداخلي ربي
دخيلك لا تفجع كلوبنة بيه،،،
مالك:وينك يا ضرغام ابوك،،،
ضرغام:مسحت وجهي تقدمت لعنده،،،
أمر فدوة يروحلك ضرغام،،،
مالك:مسحت ع راسه ونزلت دموعي
سامحني بوية قصرت هواية وياك ولو مو
اني الي ورطتك هالورطة جان هسة شمحلاك
وجهالك تارسين حضنك،،،
ضرغام:متحملت بجيت وبست ايده فدوة
يابة لاتحجي هيج روحي ترخص لاجلك
كله عد ربك ميضيع ان شاءالله،،،
مالك:ضحكت ان شاءالله،،
الدكتور:يلة من رخصتكم الحجي محتاج راحة
ضرغام:باوعت للدكتور رأسا دنك راسه،،،
انداريت بحسرة ع ابوية فهمت ان وضعه بعده
طلعوا الولد وعمامي كمت لحيلي بست راسه
شد حيلك الحجية راح تموت عليك،،،
انداريت داطلع لزم ايدي،،،
مالك:مسامحني ضرغام???
ضرغام:رجعت عليه حضنت راسه مسامحك يابة
انت سامحنه وارضه عنه حسيت عبالك
دنودع بعض،،،
مالك:مسامحين دنيا واخر ومبريين الذمه
وصية وصلهة لكلمن عرف مالك بيوم ان
يسامجني ويبريني الذمة اخاف اذيت احد بيوم
و وصية لامك ان لاتعذب نفسه اذا صار بيه
شي،،،
ضرغام:يابة ان....
مالك:اشششش،،اسمعني ديربالك ع امك
وخواتك واخوتك انت السند الهم من بعد
رب العالمين وخليك مثل ماعرفتك وربيتك
لاتنام عينك عن مظلوم ولاتغفل عن ظالم
وانسى وعيش حياتك،،الدنيا عمرهة موكفت
يم احد ولا اكو بشر مات ورة بشر،،،
ضرغام:كمت ابجي اي هذا ابوية حاس بمنيته
وديودعني،،فدوة يابة كوم وبنفسك انت بلغهم
هذا حجيك يابة اني مو كد الحمل،،،
مالك:لا كده وكدود ،،،ابني انت خيمة البيت
وسنده من بعدي ما اريد تعبي وكل ما بنيته
ينهار من بعدي،،،والله يوفقكم ان شاءالله
وهاااا صيحلي اخوتك،،،
ضرغام:طلعت ابجي تلكوني،،خير شبيك??
فوتوا سلموه عليه و ودعوه ما اظن
راح تطلع شمس عليه،،،
كمال:كعدت منهار شدتكول،،،
ضرغام:مازن،،سجاد دحلوا يريدكم،،،
سجاد:دخلنة عليه تلكانة مبتسم،،
مالك:تعالوا،،،مازن اوصيك بأمك وخواتك
لاتخلي بشر يمسهم،،،
مازن:كمت ابجي،،يابة،،،
مالك:اشششش،لا تقاطعوني،،ديربالك
ع حوراء ترى مالهة احد من بعد رب العالمين
غيرك ولاتقهرهة وتأذيهة،،وامكم ما اريدهة
تحتاج لاي بشر حتى اخوهة خليكم انتو
سندهة وعزوتهة وانت سجاد انت حر وليدي
ما اجبرك ع سمرة بس صدك متلكه كلب
يحبك ويخاف عليك بكدهة،،اششش لاتبجي
خليك قوي هالدنيا يرادلهة بشر جلد كلبه
صخر بس للفقير والمظلوم يحن،،،
وصيتي الكم لا تأيسون من رحمة رب
العالمين ولا تخلون الفلوس والدنيا
تلهيكم،،،وراها حسيت بعصرة حجيت بصوت
متعوب اريد ضرغام،،،
سجاد:طلعت منهار ضرغام اركض ابوية
يريدك،،،
ضرغام:دخلت للغرفة ودموعي غسلت
وجهي تقربت منهة وعيونه كله حجي و وداع
لزمت ايده ظليت بس خال عيني بعينه،،،
وجه شحب وعصر ايدي حيل وراها كامت
تخف لزمته الى ان وكعت ايده ودك الجهاز
يعلن عن توقف كلبه عين عليه وعين ع الجهاز
شفته مغمض،،ظليت اصحي بيه اكعد
يابة اكعد مكملنة حجي اجة الدكتور والممرضين
بالكوة طلعت اخوتي منهارين صياحهم
وكف المستشفى عمامي مثل المصدومين
وظل الدكتور يحاول وياه بجهاز الصدمة الكهربائية
بس وين بعد جتي ساعته ومنيته،،،
شفتهم خلوا الغطة ع راسه وطلع الدكتور
الدكتور:البقية بحياتكم،،،
ضرغام:ظليت انتظر الممرض مثل البارحة
يجي ويكول رجع النبض ظليت متبسمر
بس ماكو اي ردة فعل،،لحكت الدكتور
دكتور اتأكد الله يخليك اخاف هم يرجع النبض
الدكتور:صدكني ابني ماكو اي نبض
خلي ايمانك بالله قوي هاي ساعته بعد،،،
ضرغام:راح الدكتور وطلعوا ابوية ياخذوه
للثلاجة علما نكمل الاجراءات ونطلعه،،
اني هنا انهاريت رفعت الغطة وحضنت راسه
وصرت ابجي مثل الطفل عليه واحجي وياه
يحاولون يوخروني بس مقبلت اتحرك
يا ناس ياعالم هذا ابوية شلون اعوفه،،،
لك مازن البارحة جنة نسولف ونضحك وهو
بنصنة شلون اليوم ناخذه ونذبه جوة التراب
شلووووووووون،،صياحي رج المستشفى
والعالم ظلت تبجي والدكتارة والممرضين
صافنين ويبجون،،الله اليعلم كم واحد مر
بيهم بهيج موقف،،وشكم واحد ودع عزيز كلبه
وشبع نوح وبجي عليه،،،
سجاد:كلنة ادمرنة وانتهينة بالي صار وعمامي
كلهة تبجي ع فراكه جان نعم الاب والاخ
والصديق مأذى احد بيوم والدليل وكعته
و وفاته بسبب طيبة كلبه،،،،
بس ضرغام حالته غير تختلف ضرغام جان
ملازم ابوية بكل صغيرة وجبيرة
وجان كاتم اسراره ومو بس ابن وابوه علاقتهم
علاقتهم جانت اخوة وصداقة،،كلنة خفنة
عليه ليصير بيه شي نحاجي نجره ماكو فقد
وراها عمي كعد يمه وظل يحجي وياه
بس هو مثل الفاقد يمشوه ويحجون وياه
وهو بس اي،،اي،،،مازن ظل صافن عليه،،
مازن:ضرغام انكسر ظهرنة بالغالي لاتفجع
كلبنة بيك،،،
ضرغام:جنت مثل الفاقد اسمع الحجي بس
ما افهم شي منه،،بس شفت حال اخوتي
وشلون خايفين عليه وسمعت كلام مازن
ذكرني بأول شي وصاني عليه الغالي
ان اصيرلهم اب واخ عبالك وعيت شوية
ع الي صار كعدت لاحول ولا قوة لزمت راسي
وكمت ابجي جوني مازن وسجاد تحاضنة
وبجينة واحد يواسي الثاني وخطية عمامي
فوك راسنة صح الاب مكانه ميتعوض
بس رب العالمين رزقنة بنعمة ثانية عمامنة
حيل حنينين،،،
كامل:كوموا ولدي كوموا وراكم همة وشد
حزام وراكم الوالدة الله يصبركم ويصبرنة،،،
مازن:هنا وكف عقلي امي شلون نسيناها
لك ضرغام هاي تموت هسة اذا عرفت،،
ضرغام:هذا امر الله خوية مابيدنة شي بعد
الله يصبر الكل ع فراكه،،،يلة سموا بأسم
الله وكوموا اكرام الميت دفنه حجيتهة
وبجيت،،،كمنة حتى نكمل الاجراءات ونطلع
من وكت حتى ندفنه،،،
حوراء:ظليت ادك ع مازن ميجاوب والولد هم
نفس الشي ظل بالي والنوب عمتي
كل شوية ادكلي دكي عليهم كلبي ممطمن
اريد احجي وية عمج،،اخر شي جاوب سجاد
بس جان صوته منتهي من البجي عرفت عمي
بيه شي،،سجاد شبيك ليش تبجي،،،
سجاد:امي وين???
حوراء:احجي عمتي بغرفتهة واني بغرفتي،،
سجاد:حجيته بدموع لج حوراء راح ابو كلب
الحنين راح الطيب،،،
حوراء:انتهيت من سمعت سجاد حجة هيج
عمي مالك مو بس عمي اخو ابوية لو ابو
زوجي لا جان مثابة اب الي وكفاته وياية
وية امي واختي الله يرحمهة متنسي
ابد محسيت ان اني بنت اخو او مرت ابنه
لا جان حاسبني وحدة من بناته،،شلت هم
لعمتي والبنات يموتن وراه،،،غصيت بدموعي
وكال سجاد يكملون الاجراءات حتى
يطلعوه ويودوه للمغسيل ويمرون
يحجون وية عمتي والبنات حتى يبلغون العالم
ويطلعون يشيعوه ويدفنوه،،،،،
جنت كاعدة بغرفتي ومنتهية من البجي طبت
سمرة ادور علية،،،
سمرة:حوراء..حوراء..يااا هاي شبيج خما
شي يوجعج،،،،
حوراء:هزيت راسي لا،،،
سمرة:بخوف خابرج احد من الولد،،نزلت
دموعي عمي بيه شي،،،
حوراء:طكيتهة ابجية،،،،
سمرة:لج احجي شبيه عمي،،،
حوراء:سمرة عمو مالك توفى،،،
سمرة:شنووووو لطمت ع صدري لج انتي
شدتحجين،،شوكت ومنوو كلج،،
حوراء:جنة كاعدين مشفنة غير سمية وسحر
واكفات ورانة ومصدومات خطية وظلن يلطمن
ملخن نفسهن بالكوة هديناهن،،،
سمرة:فدوة ترى عمتي متدري خل يجون الولد
لتتخربط وماعدنة احد يوديهة،،،
خطية ظلن يبجن بسكوت ويملخن بروحهن
واني وحوراء نبجي وياهن نحاول نهديهن
صعبة ابوهن بعد ومو اي اب جان كلش
مختلف عن جنسه بهواية امور،،،،
ورة ساعتين،،،جوي بس الولد رادوا يحجون
وية عمتي وخلوه عمي بالمسشتفى وابوية
وبقية عمامي ظلوا هناك،،،
ضرغام:وصلنة للبيت منتهين شلون راح
نخبر امي والبنات،،سجاد بلغني ان البنات
سمعن بالي صار من حوراء بقت بس امي
وهي هاي المصيبة امي اصعبهن امي تحبه
تموت عليه شلون اكلهة راح بعد متشوفيه
وحتى ملحكت تودعه شكد كبروا وصار عدهم
احفاد بس حبهم يزيد مينقص جان يعاملهة
عان هي حبيبته وام بيته و ولده حتى نظرته
الهة تختلف جان اذا يتمرض لو يرتفع
ضغطه تنتهي شحال لو هسة اكلهة
راح وبعد ميرجع،،صحاني من هالافكار
صوت مازن خال ايده ع جتفي،،
مازن:توكل ياخوية تهون بأذن واحد احد،،،
ضرغام:نزلنة من السيارة تلاثتنة واحد يباوع
بوجه الثاني شلون راح نبدي،،،
سجاد:والله يا ولد هي بس تشوف جيتنة
و وجهنة تفهم لوحدهة،،،
ضرغام:دخلنة للطرمة شافنة ابن مازن طب يركض
ويصيح بيبي،،بيبي،،اجوي ابوية وعمو ضرغام
وعمو سجاد،،،
زهرة:اي ياربي دخيلك ولك تعال مشفت
جدك وياهم اخخخ يابة ولجن وحدة تكومني
ما بيه حيل،،،لج شكووو هيج وجهج مكلوب
ومفاولة ع ابوج هسة تلكيهم جابوا واجوي،،،
سمية:ظلينة وحدة تباوع بوجه اللخ شلون
اذا درت،،سندتهة وكامت ظليت وياهة
طلعنة كلنة للطرمة شكد جنة متحضرين
نفسيا للخبر بس من شفنه وجوه الولد شلون
منتهين اني ردت اوكع من طولي،،،
زهرة:يمة كلبي راح يوكف ممصدكة اكحل
عيوني بشوفته احجي وية البنات ولجن عبالك
صارله دهر مو يومين،،سمعت صوت الشهك
من وراية اباوع عليهن كل وحدة عيونهة
مورمة من البجي وكل وحدة عينهة
تحجي شكل حسيت اكو شي قبض كلبي
طلعت للطرمة ركض شفت ولدي مكسورين
واحدهم عبالك جبال مهدومة ع جتافه
وجوي وحدهم وهذا حالهم،،،،
هديت ايد البنات بالكوة وصرت اتعثر بالمشي
اريد اوصللهم بعد متحملت صحت بعلو صوتي
لكم وينه،،،ركضوا كلهم علية
وكعت بالكاع واباوع بالوجوه وكلهة تبجي
وتشهك جريت ضرغام من هدومه،،،
لك احجي ابوك وينه وين وديتوهة احجوا ليش
ساكتين،،،
سجاد:يمة اهدي فدوة هذا امر الله بعد،،،
زهرة:اشششش انجب اسكت لاتحجي
هيج هذا شقاك الطايح حظه ما اريده،،
انت وين ابوك،،،
مازن:ظليت بس تبجي مبين ممستوعبة هي
عرفت ان ابوية توفى بس مترضى تستوعب
ظليت بس ابجي مكدرت احجي بعد كمت ركض
للبيت ،،،
زهرة:حجيت بكسرة كلب،،هااااا ياضرغام
ابوك انت هم راح تظل ساكت،،،
ضرغام:هنا امي قضت ع اخر ذرة تحمل عندي
انهاريت كدامهة وتحاضنة وظلينة نبجي
وامي بدت تنحب ع ابوية،،،،وراها تخربطت
وهم ظلينة نركض بيهة،،،
كملنة كلشي بيومهة وامي ظلت
ع المهدئات تكعد تبجي وتلطم وترد تتخربط
بيت جدي وصلوا ثاني يوم كلهم والعشيرة
كلهة جتي والعالم حضرت جنازته والتشييع
ظلينة اني والولد 3ايام الفاتحة بس بالشارع
والجادر مطبينة للبيت بس مرات نتاوب
ع امي كل شوية واحد منة يطب يتفقدهة
ويرجع هواية ناس من البصرة وغير
البصرة حزنت عليه لان جان يساعد الكل
وخيره واصل للكل،،واني نسيت سبب المشكلة
قاسم وعائلته والتهيت بفاجعة الوالد
ومنا الوالدة وضعهة تعبان،،،،وظلت
الذبايح اسبوع كامل تنذبح وتتوزع ع الفقراء
بثوابه،،،ورة اسبوع يلة شلنة الجادر
وخلصت الفاتحة لان هواية ناس من غير
محافظات اجوي،،كملنة كلشي لكن الحزن
والبجي مخلصن كلمن يكعد بغرفته ويقفل
ع روحه ويسلم نفسه للدموع،،،،
مر ع وفاة والدي شهرين شبه رجعت الحياة
للبيت مازن التهة بالشغل وعائلته الهة الجزء
الاهم بتجاوزه المحنة سجاد رجع لجامعته
بعد الحاح طويل من عدنة،،امي بدت صحتهة
بالتزول يوم صاحية و10لا،،،
خواتي رجعوا كلمن التهت ابيتهة وزوجهة
واطفالهة،،اما بالنسبة الي،،،،،،
الي خسرته مو شوية اول شي خسرت
الانسانة الوحيدة الي امتلكت كلبي وكل
كياني وثاني شي الطفل الي ولد ع ايدي
وياما سهرت علية واهتميت بيه طلع مو
ابني واخر شي خسرت الامن والامان،،الاب
والصديق والله العالم الدنيا شامضتلي بعد،،،،،،،،
صعب تلكى اليحبك واليوفي وياك
وسهل تلكى اليخونك وانت حبيته
مرات الغريب يصير هو دواك
واعز ناسك يجرحك وانت دوايتهة
يتببببببببببببببببببببببببببببع💔💔💔