رواية السجينة الفصل الرابع 4 - بقلم شـــروق الــسامــرائي

الكاتبة،،شـــروق الســامرائي

في بغداد،،
ضرغام:وصلت لبغداد دكيت ع خالتي
كالت اني بالمستشفى وبوجهي طلعت للمستشفى
تلكتني يم الاستعلامات ورحنة للكافتريا
و سولفنة وسألت ع حور،،،
ضرغام:خالتي سؤال???
براء:جواب حبيبي،،،
ضرغام:ليش هالكد مهتمة بحور وصلتي
لمرحلة جازفتي بوظيفتج في سبيل تساعديهة??
براء:اوووف ههههه تصدك حتى اني ما اعرف
ليش،،بس يمكن الطفلة بريئة والله سخرني
الهة وسيلة حتى اتلاحكلهة صدكني من خلال
الفحوصات والنقرير الي شفته وكم العنف
الي متعرضلتهة مو مال وحدة مسويهة هذا
الشي بأرادتهة لان هي وصلت للموت لان
جسمهة هزيل وضيف بنية وقالب متتحمل
هيج شي وما ادري بيهة شي جذبني الهة
وخلاني اساعدهة،،،
تدري اصلا جانت مو بالقاووش التابع الي
بهذاك اليوم بس شفتهة اكثر من مرة شلون
جانت نايمة وهادئة وعرفت ظلم ابوهة شلون
وصى دكتور ينطيهة دوة غلط حتى تموت
بعذر طبي،،،،اووووف ياضرغام اني مراح
ارتاح الا امن عليهة للاخير واكشف الفاعل
الحقيقي،،،،
ضرغام:الله كريم دكتورة،،،
براء:صدك هي شلونهة تحسنت صحتهة
اثار الضرب الزراك الي بجسمهة راح،،،
ضرغام:ضحكت وحكيت راسي خالتي جنج
نسيتي نفسج ويامن تحجين،،اني ضرغام
مو وحدة من البنات،،شلون اعرف شلون
وضعهة اني الي علية اطبع اسأل اكلت شربت
شمحتاجة لا اكثر ولا اقل،،،
براء:اوووو ضرغام والله نسيت وجنت ذيج
الفترة مشغولة بالمستشفى وما احجي هواية
وية زهرة،،،
ضرغام:لا طمني الحمدلله شي ع شي زينة،،
براء:جنة كاعدين نسولف واجة دكتور ماجد،،
ماجد:شلونج دكتورة،،،،
براء:بأستغراب اهلا دكتور ماجد عيني تتنقل
بينة وبين ثنين وياه واحد يطلع بكصته
ضرغام وعيونة شرانية مبين مو راحة
والثاني جبير بالعمر،،،
ماجد:مديت ايدي صافحت الولد الي وياها اهلا
اني دكتور ماجد زميل الدكتورة براء،،،
ضرغام:اهلا وسهلا ضرغام ابن اخت الدكتورة
وضغطت ع ايده شكله مو راحة شكوله مال
عصابجي مو دكتور،،،
ماجد:دكتورة ممكن دقايق من وقتج ع انفراد??
ضرغام:خير دكتور تفضل ،،
ماجد:ميجوز بيني وبينهة شغل،،
براء:لا دكتور تفضل احجي ابني مو غريب
ويعرف كل صغيرة وجبيرة بشغلي تفضل اسمعك،،،،
سعد:اهاااااااا مدام صار الحجي هيج خل اني
احجي لعد من الاخير قبل متنفقد حور جانت
وياج،،،
براء وضرغام تصنموا بمكانهم من سمعوا
بأسم حور هذا الشي معناه صار عدهم علم
بمكان حور انتبهت ع خالتي كامت تنطي
الوان ادخلت بسرعة،،،
من رخصتك يا ريت تحجي بغير اسلوب
الي كدامك مو جارية يمك وهيج تحاجيهة هاي
شغلة،،وشغلة ثانية حور منووووو????
حسام:جنت واكف حاط ايدي بجيبي وايد الثانية
افرك بيهة لحيتي،،،تقدمت،،،
ماشي راح امشي وياكم للاخير اني حسام
وهذا الرجال سعد ابو حور واني اصير ابن
زوجته،،،،
ضرغام:تخبلت من كال حسام يعني هو هذا
الي كالت عليه حور معتدي عليهة،،،
شفت خالتي تباوعلي كأنما تحاجيني بعيونهة
تكلي هو هذا،،،،
ظليت ضابط اعصابي ومسيطر ع الموقف لان
هذا مبين عليه مو هين ومراح تعبر عليه
الشغلة كلاوات،،،،
حسام:خلونة نطلع برة ونتفاهم،،،،
براء:لا نكعد هنا ونحجي،،،
حسام:بمكر لييييييش خايفة،،،
ضرغام:هيييي انت اشو كمت متعرف تحجي
لاتخليني اتصرف غير تصرف،،،
ضحك بنذالة وكعد،،،
حسام:تفضل عمي اكعد تفضلوا كعدوا هل
نتفاهم،،،،
براء:يلة كعدنة ممكن هسة اعرف حور منووو
وشنووو دخلي بيهة،،،
ماجد:دكتورة رجاءا لاتلفين وادورين ترى
مشكلة هاي البنية جبيرة واذا ادخلتي يعني
لا انتي ولا اهلج تنفذون منهة،،،
ضرغام:استغفرالله بابا احجوا حجي معدل
لا والله اكلب عاليهة واطيهة اشو فايتين كبل
تهديد وهالسوالف التعبانة يابة كالتلكم ما اعرف
شنو هالملحة،،،
حسام:ع كيفك خوية اعصابك واحنة نعتذر
هاااا اهااا اكو شي ثاني،،،المهم،،
كل مافي الموضوع هنا الدكتور فهمنة ان انتي
اخر وحدة التقت بحور بهذاك اليوم دخلت
مكتيج كدامه واختفت،،،شفتخة ظلت صافنة،،،
عرفت حيلتهة،،،
ادري راح تكولين اني اشوف الف وحدة باليوم
وكومة يراجعن مكتبج بس هي بوقت الي اختفت
طبت مكتبج بعد وراها فص ملح وذاب،،،
ضرغام:هسة والمطلوب من الدكتورة شنوووو???
حسام:ياريت اذا تعرف شي تخبرنة لان القصة
مو مثل ما سمعتي،،،
سعد:بتوسل دكتورة الله يخليج دليني مكانهة
هاي مو اول مرة بنتي تغلط ولازم اخليلهة
حد حتى الفلوس والذهب الي بالبيت
باكتهن وانهزمت واحنة عرفنة الشخص الي
جان وياها وساعدهة ولزمناه الذهب
والفلوس جانن يمه لان من انكشفت مكدرت
تاخذهن وتنهزم حتى لاتثبت عليهة
ولازم الكاها قبل متسوي شي اكبر،،،
ضرغام:بعد ما سمعت كلام ابوهة غصيت
بالحجي ادليهم مكانهة واخلص هاي الظاهر
وراها بلوة جبيرة تكسر ركاب،بس شلون اذا
طلعت بريئة استغفر الله،،،،
براء:صدكني يا اخي مداذكرهة،،،
ماجد:تذكرين دكتورة من صعدنة للمدير
بسبب خلاف بيني وبينج يخص مريضة جانت
بالطوارئ ع اساس متعرضة لاغتصاب وبعدين
صار بلاغ ضدي من مجهول وركزت ع هاي الكلمة
ان اني انطيهة علاج غلط يسبب وفاتها وكتلج
اني مالي دخل ابوهة كال عدهة ضعف بالقلب
ولازم تستمر بالعلاج ولان ماعدهة احد
يبات وياها اضطريت اني انطيهة....
براء:اهاااااا اذكرتهة هاي المسكينة الي
صارت حقل تجربة لكثير من الادوية الغلط،،
اي بس اني بوقتهة شفت وضعهة جان كلش
تعبان ومتعرضة لعنف شديد مو مال وحدة
راضية عن الي صار،،،
وشغلة ثانية الفحوصات الي اجريتهة الهة
تأكد هي مقاومة بكل طريقة كدرت عليهة
لكن لضعف جسمهة مكدرت تقاوم اكثر والدليل
ان هي ظلت فاقدة72ساعة....
حسام:دكتورة احنة مجينة ناخذ رأيج بالي
صار احنة جينة نريد نعرف هي وين لان اني
متأكد انتي ورة اختفائهة،،،
ضرغام:انفضت بغضب انت منو وتحجي وياها
هيج بيك خير روح دور عليهة وين مو جيت
ع الدكتورة الي اصلا بالكوة اذكرتهة لو هذا
فلم جديد طلعتوا للاغتيالات،،،
سعد:شفت الموضوع اطور واخذ غير اتجاه
لا ابني احنة اسفين واني اعتذر نيابة عن
ابني بس صدكني انكسر ظهري واني ادور
عليهة ومن سمعت الدكتورة مساعدتهة حبيت
افهمهة الصورة الصحيحة وان متنخدع اكثر
بيهة،،،،
براء:اخي هاي اجيت وحجيت وعرفت كلشي
اني ما اعرف البنية اني مجرد اخذتهة فحص
روتيني لان بليلتهة جنت خفر وجان الشفت
مالتي افتر ع النساء المرضى ومن ضمنهم حور
لان جانت بحاجة اخصائية نسائية هذا كل مافي
الموضوع وحتى دكتور ماجد بوقتهة من سئلني
عليهة كتله رجعت وية الممرضة حتى
مو اني الي وصلتهة ودكتور ماجد راح وتأكد
بنفسه من الممرضة صح دكتور ماجد لو لا،،،
ماجد:بأرتباك هااااا اي صحيح،،
حسام:انت شنووو تضحك علية انت كلت متأكد
ان الدكتورة ورة اختفائهة،،،
سعد:خلص ابني حسام اني اعتذر دكتورة
الظاهر صاير سوء فهم،،،
براء:لا يلة مصار شي بس ياريت هذا التصرف
ميتكرر لان بذاك الوكت اضطر الجأ للشرطة
سعد:لا ان شاءالله متوصل هيج يلة من رخصتكم
ضرغام:كام حسام وعيني بعينه وابتسمت
ابتسامة تشفي هو فار صار نار كام بسرعة
وظل يتصايح وية الدكتور،،،،
براء:افففف واخيرا بس هذا ماجد غير طلع
واحد حقير،،،وين صافن???
ضرغام:خالتي الشغلة صارت جبيرة واخاف
نطلع فاهمين كلشي غلط اني اخاف ع اهلي
ليتورطون بشي اكبر ممنتصور،،،
براء:لا حبيبي ان شاءالله ماكو هيج شي
اني فكرت مثلك بس بنفس الوقت كلت شلون
اذا طلعت بريئة،،،
ضرغام:هو اني هم هذا الشي الي سكتني،،،
براء:وهسة شراح نسوي،،،
ضرغام:اتصل بالوالد وابلغه بالي صار لان
وصاني اوافيه بكل جديد،،،،وهم كلي ع
معلمة تعرف كلشي يخص حور،،،
براء:اي صحيح جتي للبيت وشافت حور وهي
الي وصلتلي الحجي الي دار عن حور بأن
هي مهزومة وية واحد وكذا،،،
ضرغام:بس حاليا ما اكدر اتحرك بشي لان احتمال
راح نتراقب لان الظاهر حسام مصدك بالي صار
براء:اي اني هم حسيت،،يلة حبيبي خل اروح
دكوا علية وانت روح للبيت ومن توصل طمني
واذا احد تعرضلك لاتوكف ماشي،،
ضرغام:ماشي ان شاءالله،،يلة في امان الله،،
براء:الله وياك حبيبي،،،
ضرغام:وصلت لبيت جدي تلكتني جدتي تحجي
بالتليفون،،هاااا اكلج ضرغام وصل هستوة طب
يمة،،ليش صاير شي،،ياااا دروحي يلة،،الله وياج
هلا حبيبي شلونك،،،
ضرغام:سلمت عليهة وبوست راسهة هستوني
كعدت نزل الافندي هستوه كاعد من النوم
سجاد:جدتي،،جدتي،،فتت للهول شفت ضرغام
كاعد،،مشيت لعنده بست راسه شلونك ضرغام
ضرغام:جاوبت بثكل الحمدلله،،
سجاد:ابوية شلونه،،
ضرغام:عندك تليفون واسأل وذاك البيت وتندله،،
سجاد:ضرغام اذا جاي ترجعني فأحب اكلك
نا ارجع الا ابوية يغير رأيه....
ضرغام:قاطعته بعصبية هي انت اسكت كافي
شايف نفسك فدشي والدنيا ادور حواليك
لا جاي عليك ولا ع شكولك جاي بشغل وعفته
وكمت،،،طبيت جدتي،،
خييير يمة شبيكم تصايحون???
ضرغام:بست ايدهة ماكو شي حبيبة طالع بشغل
الله يخليج عقليه ترى ابوية راح يوكع من وراه
لا ان شاءالله حبيبي ميصير الا كل خير،،
طلع ضرغام وشفت سجاد كاعد وكالب خلقته
انت شوكت راح تغير من نفسك ابني ليش هيج
مخبل اهلك وخالهم وراك،،
سجاد:جدة يعني الزواج غصب لو شنوووو
يعني ما احبهة ولا اطيقهة وبالاضافة اني وشهد
واحد يحب الثاني والبنية امنت بيه كل هاي المدة
بالاخير اكلهة والله عذريني ابوية يريد
بنت عمي،،،،
جدتي:يا ابني بس احسبهة بالعقل البنية
لامن ثوبك ولا انت من ثوبهة يعني مبنية يا
حبيبي ماخذة صور وياك وبتليفونك ولبسهة
وطريقة حياتهة وبعدين تريد تقنعني ان هاي
تكدر تعيش ابيت اهلك وبالبصرة،،،
سجاد:جدة يعني ابوية مو اخذ امي من بغداد
وعادي عاشت وياه بالبصرة ومرت ضرغام كذالك
جدتي:لا لهنا وبس طلعت صدك جاهل ومتعرف
تحجي يعني تجيب امك ومرت اخوك ع هاي
يا ابني دشوفهة عدل شوف حياتهة ليش من
امتى امك جابت ابوك للبيت وعرفتني
علية قبل الزواج،،،هااا ولا مرة اخوك سوتهة
مرة وجتي ع ضرغام لبيت اهله قبل الزواج
صح مرة ضرغام اهلهة شوية منفتحين بس
هم بحدود،،بس شهد يا ابني شي معاكس
تماما لاهلك وعيشتك يا ابني البنية تطب
وتطلع وياك بعلم امهة وامهة اطمطم وتستر
عليهة وين صايرة هاي???
سجاد:يعني غير مأمنين بيه???
جدتي:لك انت زمال افهم انت شاب وفوك
كل هذا غريب وبيتك بتلفات الدنيا يعني ابسط
شي اذا دكيت الناقصة ابتهة مراح تكدر تلزم
عليك شي،،،
سجاد:اووووووو جدة سويتي فلم هندي اكوم
اكل احسنلي بسته وكمت،،بداخلي احجي
محد بيكم راح يحس شكثر نحب بعض،،
تكلي شلون تأمن بيك هو غير فايت كوول
بالموضوع اني ههههههه هو اني حتى غرفة
نومهة شايفهة،،،
................ .................
مالك:ها بوية،،،صدك تحجي،،،
وبعدين شلون حليتوهة،،،،زين سويت ديربالك
ع نفسك حبيبي ماشي،،زين تسوي،،الله وياك
زهرة:خير شبيه ضرغام،،
مالك:حجيتلهة الي صار وية ضرغام وخالته،،
زهرة:يمة شلون اذا سووله شي???
مالك:لا ان شاءالله ماكو شي،،وصيته يروح
لحسن اول وتالي حسن راجع باجر ويرجع وياه
احسن ميطلع وحده،،،
حور:جنت كاعدة بالحديقة وشبابيك الهول مفتوح
وسمعت عمو مالك ديحجي وية خالة زهرة
تخبلت عزززززة هاي شلون تهمة تاهميني
بدون وعي طبيت ركض للهول واشهك،،،
عمووو والله كذب كل الحجي الي كالوه كذب
يحرم عليه اذا ماخذه فلس وحاجة من البيت
ولا اعرف احد الله شاهد والله العظيم
وشلت القران وحطيت ايدي عليه عمووو وحق
هذا القران كل حرف اني حجيته مكذبت بيه
وحق هذا القران اني بريئة من كل تهمة موجهة
الي،،،
مالك:استغفرالله كومي بنتي،،،روحي غسلي
واستغفري ربج ان شاءالله تطلعين من هالمحنة
زهرة:كمت عليهة سودة علية بنيتي الله
يساعد كلبج ويعينج ان شاءالله،،ظليت طول اليوم
ساكتة ودمعتي ع خدي وثاني يوم اجة ضرغام
وصاحوني وكعدنة وبوقتهة جان اخو لعمو مالك
الشيخ هم حاضر ومبين عليه رجال حقاني
ويخاف الله مثل عمو مالك بكلشي،،،
وحجة ضرغام بالتفصيل كل الي صار واني النوب
شلت هم الدكتورة واهلهة خطية ما اريدهة
توكع بمشكلة بسببي،،وحان ضرغام ماخذ رقم
ست هناء من الدكتورة ودك عليهة عمو مالك
وفتح سبيكر ونفس الحجي الي سمعناه من
مالك هي سامعته من ابوية لان جانت دائما
تروح بحجة تعرف اخر اخباري،،،
واضافت ان ابوية حالف يمين يلكاني ويذبحني
بيدهة وهم محقق وية ست هناء اخاف تعرف
شي عني والمشكلة ان ابوية متأثر مني
ومكسور ظهره الظاهر احد مالي راسه بهاي
الافكار لان ممعقولة يدري مظلومة وهيج
يفتري عليه،،همة ظلوا يحجون ويتناقشون
واني اصلا بالي مو يمهم شريط حياتي مر
كدام عيني من وعيت ع مشاكل امي
وشلون ضيعتنة،،هي السبب بكل الي صارلي
والي ديصير هسة جان بأمكانهة تحتوي ابوية
وبيتهة ومتخلي يدور غيرهة بس شكول
حسبي الله ونعم الوكيل بيهم ثنينهم ما اسامحهم
ابد ولا محللين وموهبين ع الي ديصير بيه،،،
لا أملك في الدنيا الا شيئين....
حلم ضاقت به مساحة هذا الكون،،
وذاكرة تتسع لملايين الانكسارات،،
هذا أن تناسينا الشوق،،
وما أوجعها حكايات الشوق،،ما أوجعها..💔💔💔
ضرغام:ظلينة نتناقش ع حل شلون نبدي
نواجه ابو حور بالحقائق وعمي كمال اقترح
شغلة،،،،
كمال:من رخصتك ابو ضرغام،،اني اشوف
الموضوع ماله حل لان منكدر ندخل البنية
من بغداد هاي اولا ثانيا اذا طلبنة عشائريا
نكون احنة الغلطانين بحقه لان هزمنة بنته
رغم عنه وتسترنة عليهة وشغلة اخرى
ان ماكو اي طريقة نثبت التهمة ع ابن زوجة
ابوهة،،فالحل الوحيد ان نزوجه لواحد ثقة
ميغدر لا بيهة ولابينة وبعد فترة ناخذهة
لابوهة عسى ولعل يكون ناسي ونعوضه
بمبلغ يسد عينه الى ان رب العالمين يظهر الحق،،
مالك:والله ما اعرف شكلك يا خوية
الشغلة يرادلهة صفنة وهاي طفلة واني كلش
خايف عليهة،،والا انتي مو رأيج بوية،،،
ضرغام:انتبهنة عليهة سارحة بخيالهة والدموع
كفيلة ان تشرح بشنو دتفكر،،
حور:جفلت شفت عمو مالك واكف يمي
ويمسح ع راسي،،،
مالك:بوية ربج ميظلم عبد حاشاه وان شاءالله
يظهر الحق عن قريب،،وكتلهة ع الاقتراح،،،
حور:ظليت ساكتة عجز لساني عن الرد،،
عمووو ما اعرف شلون اجازيكم والله من جبيركم
لصغيركم انتو والدكتورة واهلهة،،،
بس عمو اني الي مريت بيه كافي بعد
مالي صبر وطاقة للحياة وما اكدر اربط نفسي
ابنيادم لان الانسان مينحزر،،،لهذا قررت
ارجع والي يصير خل يصير هي روح وحدة
والعمر واحد والموت اولنة وتالينة المن خايفة
بعد،،،،
مالك:بس ياعمي انتي مخايفة من ردة فعلهم
رجعتج معناه موت محتم اما بطئ يطول سنين
اما سريع لحظة دخولج البيت،،،،
حور:عمووو اني جبت عمري كله خايفة من باجر
والي راح يصير،،بس لهنا وكافي لازم اواجه
مصيري،،وخصوصا ان اكو ناس مالهة ذنب
احتمال تتأذة بسببي الدكتورة واهلهة
وست هناء خطية،،،،
كمال:بنتي انتي متأكدة من قرارج،،
حور:ان شاءالله،،
كمال:بوية سامحينة وحللينة و وهبينة لان
ماكو حل ثاني،،،،
حور:بالعكس عمووو انتو سامحوني جبتلكم
مشكلة جبيرة وانتو لابيهة ولا عليهة،،،
والي كاتبه الله يصير لو اروح لاخر الدنيا،،
مالك:ونعم بالله،،والله بنتي ما ادري شكلج
دمعت عيوني حرامات محد قدرج وحس بيج
اعتبريني اني ابوج واي شي تحتاجين اني حاضر
ضرغام:انصدمت بقرارهة شنووو ترجع
مخبلة عاقلة ظل ابوية يحجي وياها ويحاول
بلكت تقنع بغير حل بس ماكو وحجيهة زرف
كلبي،،،محسيت غير نطيت بدون وعي
يعني شنوووو يابة راح تخليهة ترجع???
مالك:جنت كاعد داحجي وية البنية وضرغام
طول الحجي ساكت ع غفلة كمز ظليت صافن
ع ردة فعله،،،
يا ابني شنوو بيدي عليهة هاي حياتهة وهي حرة
وهي تفتهم وفطنة وتعرف حجم المشكلة،،
ضرغام:يابة صدك جذب يكتلوهة خلاص،،
زين انتي ميهمج تثبتين برائتج،،،
حور:تفاجأت بردة فعل ضرغام وشلون نسه
نفسه وكعد يحاسبني وعيني تتجول بينه
وبين عمو مالك،،،،
مو مهم اثبت شي للبشر كفاية عندي رب
العالمين يعرف بيه مظلومة،،،
ضرغام:لج بابا عقليهة انتي شلون حاسبتهة
يكتلوج خلاص اول ميلمحون وجهج،،
حور:خل احسن والله المن عايشة وشنو
عيشتي اشو لا ام لا اب اخ،اخت،عم،خال،
كلشي ماكو مالي احد بالدنيا من بعد رب
العالمين شنو بقائي بهالحياة غير عذاب واذية
زين واذا تراجعت وبقيت هربانة الى متى
اظل هيج هاااا جاوبني الى متى هم يجي يوم
والناس تبزع مني،،شلون اعيش مهمشة
يومية ابيت بيت الدكتورة والنوب هنا
والله العالم بعد وين،،،هي روح وحدة
يريدون ياخذوهة الف عافية،،
ضرغام:زين فرضا رجعتي وحصلتي اشكال
التعذيب والضرب مو موت لا موت بطيء
وبالاخير يزوجوج لحسام مثلا شراح تسوين
بذاك الوكت???هااااا راح تكولين ياريتني
مراجعة،،،،
حور:زين فهمني الحل شنو ورة هروبي
شكووو تكولي ازوجي وهذا الاقتراح اكلك
لو اموت ما اسويه شمدريني شيطلع هذا
الشخص،،وحتى لو طلع ابن اوادم شمدريني
مراح يتأذى بسببي،،،،
ما اكدر لهنا وكافي هاي مو مشكلة
بسيطة وانام واكول الصبح تنحل،،،،
كمال:خلص ضرغام البنية كلامهة صح وصدك
شمدرينة منو راح يتجرجر بيهة،،،،،
ضرغام:ماشي هاي هي براحتكم،،من رخصتكم
عفتهم وطلعت صاير نار كبرة صارت بوجهي
وردة وشكلهة ميتفسر عصبية،،،،
شكووو شبيج متخوصرة و واكفة،،،
وردة:شنو معناها هذا تصرفك????
ضرغام:اهووووو خير ياربي يا تصرف
شسويت هالمرة???
وردة:لاتسوي نفسك غشيم انت شكووو
فهمني انت شلك دخل بيهة ليش مجلب بيهة
البنية تريد تروح وكفت سجين خاصرة برجعتهة
شكووو ابوهة،اخوهة،شلك دخل فهمني،،،
ضرغام:احجي وياها وصاك ع سنوني،،
صوتج نصي لا ورب الكعبة ابتلي بدمج
وشغلة ثانية شعندج تصنطين هاااااااا احجي،،
وردة:كوول،،كول هيج رايدهة ومتريد تعوفك
وتروح مو اني كلبي جان حاس اكو
مصيبة ورة هالساقطة هاي الله العالم
شصاير بينكم وهي لافية هنا،،،
ضرغام:استهديت بالرحمن ما اريد اغلط
وياها واحاول اسكتهة بس هي ابد مستمرة
والنوب كامت تجفص بالحجي وتغلط
محسيت غير ضربتهة راشدي نسيتهة
العافية بيه وهاي اول مرة اضربهة
واصلا اول مرة بحياتي اضرب مرة هاااااا
ارتاحيتي هسة والتم البيت كله وابوية وعمي
وحور واكفة وتبجي الظاهر الكل سمع حجيهة،،
حور:جنة كاعدين ورة مطلع ضرغام ورة
دقايق صار حجي عبالك ثنين يتلاغون وشوية
شوية كام الصوت يعلا وميزت الاصوات
ضرغام ومرته والنوب كامت تحجي حجي
ماصخ وماله داعي وتغلط عمو مالك وكمال
تخبلوا من حجي وردة عمو مالك انفض
من مكانه:لا هاي طوختهة وطلع،،،وطلع
وراه اخوه،،
حوراء:جنة كاعدين كلنة بالهول اني ومازن
وعمتي والبنات سمعنة صياح وردة
وبعدين صوت ضرغام كمنة كلنة دنشوف
شكووو مشفنة غير ضرغام ضرب وردة،،
زهرة:يمة صلي ع النبي شكوووو شبيكم
ليش هيج يمة ضربتهة،،،
ضرغام:يمة الله يخليج صدك تحجين مسمعتي
حجيهة،،اجة علاوي يبجي كاعد من النوم
جرته وظلت تبجي وتصيح خطية خبلته للولد،،
سمية اخذي علاوي،،اشو هاي كبت وصياح
وعياط،،،
مالك:صحت بيهة،،لج كافي هالمهزلة
الطفل خرعتيه جريته من ايدهة ونطيتهة
لسمية،،طلعي برة بنتي سكتي راح يتخبل
هي خنست انداريت عليهة،،انتي تخبلتي
هاي تصرفات مرة عاقلة شنو من ملة انتي
موعيب عليج هيج فضحتينة بصوتج الي
يسمعج شيكول معبالهم مسويلج شي شنو
معنى تصرفج هذا فهميني،،،يابنت الناس
احد داسلج ع طرف ع شنو هيج كبيتي
والشغلة الثانية مستحيتي من الفاظج هاي
بحضوري وحضور عمج كمال???هااااا
احجي مو هاي عيبة بحقج وحق اهلج
بعدين البنية يمج حواليج داستلج ع طرف حتى
تمسيهة بهيج كلام،،،
وردة:اني ادري كلش زين هي ليش هنا،،
ضرغام:اي بلة تفضلي نورينة شنو السبب،،
وردة:اي ادري كلكم تريدون تزوجوه علمود
الخلفة،يعني علاوي مو بعينكم تريدون
دسته ولا ليش هو هيج حامي من رادت
ترجع لاهلهة وبعدين اني ادري بيه عينه
عليهة ولا عبالك غشيمة اشوف لهفتك عليهة،،
ضرغام:تخبلت عيوني صارت بكصتي لا الظاهر
انتي تخبلتي رسمي ضربتهة راشدي
ثاني وجؤيتهة من شعرهة ملختهة وليش
تسكت ابد امي والبنات يجرجرون بيهة
وترجع تعيد الحجي جرني مازن منهة،،،
وردة:هو هاي جزاتي فوك متعفت دلال
وعز ابوية وجيتكم لهنا تاليتي هيج حالي،،،
مالك:لحظة بوية لحظة ليش شسوينالج
بنتي لج اني اكلج بعد كل دلال البيت والحجية
ودلالي ودلال رجلج هاي حك العشرة
تطلعين متنازلة حضرة جنابج وقابلة تطبين
بيتي،،لا والله وبيج الخير ورحمة الله والديج
وهااااا خليهة ابالج لخاطر ابني سكتت
عن كلامج،،،
وردة:لا وليش لا تعب نفسك ولا ابد
لارجلي ولاهم يحزنون اني اتصل بأبوية
والحجي وياها،،،
ضرغام:لج انتي شنو ولزمتهة ملختهة ردت
ابرد نار كلبي بيهة،،،بالكوة فكوني منهة،،
وظلت تهدد اخابر ابوية طلعت اني تليفوني
كدام الكل ودكيت ع اخوهة الجبير،،،
وكتله ياريت تجي انت والوالد وفهم اكو
مشكلة صايرة،،،
زهرة:يمة ليش هيج سويت وكبرتهة،،
مالك:حجية بلا امر عليج لحد يدخل،،ومن رخصتكم
حضروا ضيافة راح يجي الرجال،،،
خوية اعذرني ع الي صار،وانتي بنتي روحي
وية خالتج وامسحيهة بوجهي وان شاءالله
تفض هالسالفة وهم نتفاهم،،،
حور:لا عمي مصار شي ان شاءالله ورحت
كعدت بالمطبخ يم خالتي والبنات والولد دخلوا
للاستقبال وية عمو مالك والشيخ،،،
ورة نص ساعة اندكت الباب والكل يباوع من
شباك المطبخ كومة رياجيل جايين وزهرة
كامت تبجي،،،
زهرة:يوووو هاجن شوف شلون كبرت و
وراهة زعلة ورد اعتبار وابوهة واخوتهة
صايرين عنفة،،،
اجة مازن:هاااا يوم كملتي كلشي???
زهرة:اي يمة بشر شلونهة وجوهم???
مازن:متبشر بخير الظاهر جنتج مخابرة قبل
ليجون لان ابوهة واخوتهة فايرين يريدون
يشوفوهة قبل ميحجون شي،،،هاج استلمي
صار مصايح،،،
رجعت ما اشوفلك الا وردة بنص الاستقبال
وابوهة حاضنهة واخوتهة متلازمين وية
ضرغام اني هم جريتهم منه،،،،
خيييير افهموا بالاول هي مو بطولة وملازم
ابو وردة:شوف مالك اني نطيتك وردة
واني جنت متأمل راحتهة هنا مو اجي
واشوف وحيدتي بهيج وضعية وانت تعرف كلش
زين اني فضلتك ع منو ومنو والظاهر
ذني كلهن مو بعينك،،،
كمال:لهنا وهذا حدك الظاهر انت الي
ممقدر انت مناسب منو ماشاءالله ابو ضرغام
الدنيا كلهة تحمد بيه وتتمناله الرضى يرضى،،،
مالك:عوفه خوية عوفه الظاهر غرته الدنيا
واهلهة،،،
ابو وردة:لا انتو مصختوهة حيل والا اندمك
ياضرغام سهلة يلة بابا حبيبتي امشي،،،
ضرغام:لحظة اذا تروحين وية ابوج اطلعين
وحدج علاوي يبقى،،،كلت بلكت تتراجع
ابو وردة:انطيه ابنه،،
وردة:بس...
ابو وردة:ورررردة،،،بنتر،،
وردة:ذبيت علاوي،،،
ابو وردة:يلة بدلي ملابسج ع السريع،،،
وهاااااا ع كد لبسج خيط متاخذين وياج فاهمة،،،
وردة:حاضر بابا
ابو وردة:انطيه ابنه خل يروح،،،
وردة:بس...
ابو وردة:صاح بعصبية وردة،،،
وردة:حاضر بابا،،
كمال:شنووووو ذنب الطفل يتبهذل يا اخي
فوك ما بنتك غلطت وبعدين مشكلة بينهة
وبين اهل بيتهة ليش هيج تكبرهة
وتهدم عائلة و...
ابو وردة:قاطع كمال،المشكلة تخص بنتي
وانت مالك اي حق تدخل انت مجرد عم
رجلهة،،،
ضرغام:لهنا وكافي من رخصتك يابة هاي بتك
اخذهة وما الك اي شي بعد عدنة اما
بالنسبة لعلاوي خل تنساه،،،
ابو وردة:من كل عقلك اخليك تتهنى بية
كلهة مسئلة وقت واخذه لحضن امه وكلنة
نعرف بهيج عمر حق الحضانة المن،،،،
وردة:نزلت وشايلة جنطة صغيرة بيهة كم
لبسة وذهبي،،،،
ابو وردة:اني شكلت مو كلت بطرك روحج،،،
وردة:بس بابا ذهبي وغراضي،،،
ابو وردة:طز بيهن داكلج عوفيهن وجريت
الجنطة وشمرتهة وجريت وردة وطلعنة،،،،
مالك:اووووف حتى صحبة بهالوكت ما ظلت،،،
كمال:لاتقهر نفسك خوية هو الخسران،،،
ضرغام:كعدت يم رجل ابوية،،يابة يروح
فدوة لتراب رجليك لا تقهر روحك واني
اس.....
مالك:اشششش هاي الكلمة ما اريد اسمعهة
هم الخسروا رجال مثلك،ضربت ع جتفه خفيف
كوم ابني انت مغلطان بالعكس واني الي
لازم اعتذر منك الظاهر جان اختياري غلط،،،
ضرغام:كمت بست ابوية من راسه وطلعت
شفتهم ملتمين بالمطبخ وجانت امي تبجي
والبنات داير مدايرهة يهدوهة بس حور
جانت واكفة بعيد ومدنجة راسهة،،،،،
تقدمت ع امي بست راسهة:شبيج حبيبة???
زهرة:يمة سودة بوجهي ولا ارتاحيت بيوم
حظك وقسمتك بعد،،،
ضرغام:والف الحمدلله والشكر الله رزقني
بناس وكت الشدة وياية وحزام ظهري
وهاي تسوة الدنيا و وردة واهلهة،،،،
باوعت ع حور:اني اعتذر منج ع الكلام الي
صار و......
حور:قاطعته،،لا بالعكس اني الي اعتذر
منكم ع كل الي صار لان بسببي طلعت زوجتك
وصار الي صار،،،
زهرة:لا بنتي انتي شعليج،هي بسبب
اهلهة انغرت حيل الله انطاهم من اوسع ابوابه
وطغوا،،،،هذا البنيادم من يملك جم فلس،،،
حور:ردت احجي بموضوع رجعتي بس
الاوضاع متسمح الجو مكهرب وكأبة وخطية
علاوي همزين ساكت ومبجة من طلعت امه،،،،
صار الليل والكل ع نفس وضعه الاكل ينصب
وينشال مثل ماهو البنات سمية وسحر
كلمن اخذت جهالهة وراحوا ينامون وكعدنة
اني وحوراء بالمطبخ،،وعمي وخالتي طبوا
لغرفتهم،،والولد ضرغام ومازن جانوا طالعين
و وياهم علاوي،وجهال مازن،،،
حوراء:اوووف شلون يوم كئيب،،،
حور:اي والله،النوب خطية اني شايلة هم
الطفل اخاف مينام الا امه،،،
حوراء:باع هاي لج بابا اصلا من النوادر
يكعد وية امه،يعرفني الي اكثر من امه،،،
تدرين اصلا ابوه خطية لايطب ولايطلع علموده
يادوب يكعد شوية وية جماعته حده وية وكت
العشة وراها يرجع يتعشة ويكابل البيت
علمود علاوي بالنهار كله يم عمتي ومرات
ع واهس جهالي ينام وياهم الظهرية وهاي
الصبحية والعصر يلتهي وية الجهال لعب
لحد الليل مرات اني لو عمتي نغسلهة
نبدله يجي ابوه ينيمه،،،بس الشهادة اكثر
شي عمتي تتعب وياه يعني انتي تصدكين
جانت تصير مناسبات لاهلهة او تطلع وياهم
واذا تحس تتقيد بأبنهة تبقي يم عمتي
مرة خطية عمتي تخربطت صعد ضغطهة
ومحد جان موجود لاعمي ولا الولد والخاتون
جانت معزومة وية اهلهة بطلعة،، واني
جنت يم بيت جدي اهل امي وماكو احد
يبقى يم علاوي،خابرت عمتي ع سمرة
بت عم الولد هاي الي شفتيهة اليوم،،،
وانتي بطرانة تكليلي مينام الا امه،،،،
حور:بربج صدك تحجين هاي غير قابلية عدهة،،
حوراء:ضحكت اي متشفيهة متعافية ضاربة
الدنيا جلاق بس تعاركت دكت تليفون دقايق
واهلهة فوك راسهة،،،اوووووووف،
حور:خيييرج احسج عبالك شايلة جبل هموم،،
حوراء:ههه ليش هو منو عاش وما حمل هموم
حور:اني ما احب ادخل بس اذا تحبين تحجين
تفضفضين بأي وقت اني اسمعج،،،
حوراء:ضحكت بحزن تدرين انتي كلشي بيج
يذكرني بوحدة سبحان الله حتى الصفات،،،،
حور:البنية قريبة الج لو صديقة???
حوراء:لا قريبة اختي الصغيرة،،،وسكتت
نزلت دموعي كمت اشهك،،
حور:كمت عليهة اسفة والله مو قصدي اني
اعتذر بعد ما اسئلج،،،،
حوراء:مسحت دموعي ونطتني حور مي
شربته،،لا بالعكس مو صوجج والله،،
باعي احنة جنة4بنات و2ولد الولد كبار اكبر
من البنات وره الولد بنات ثنين واني واخر
العنكود رقية،،،اصغر مني بسنتين،،،،
رقاوي جانت كلش حلوة بيضة ثلج وشعرهة
ذهب وعيونهة رصاصي،،ابد متشبه احد بينة
هي الوحيدة الي شمرت بالشكل ع اهل امي
جانت حبابة وفطيرة والي بكلبهة ع لسانهة
وجانت كلش خدومة يعني لو ميتة تعب
وتجيهة بشغلة تكلج حاضر،،اني ازوجت
من طبيت ال17وهي جان عمرهة15
اني وياها جنة كلش مقربات كعدتنة نومتنة
كلهة سوة مر ع زواجي فترة طويلة اشهر
هيج وتواصلي عادي وية اهلي واختي
بس فجاءة انقطعوا عني ومر شهر واسبوعين محد اتصل بية ادك ع امي كله مغلق ،،فقررت
اروح لاهلي واشوف شنو المشكلة
وفعلا ثاني يوم من الصبح كملت شغلي وكلشي
وكلت لعمي مالك يوصلني طبعا مازن جان
ابد موزين وياية جان مرايدني بس
لخاطر عمي وافق وهاااا للعلم احنة ولد عم،،،
حور:صدك،،،
حوراء:اي والله،،المهم رحت لاهلي وياريتني
مطبيت بذاك اليوم،،جان عنده ترك بابه
من المطبخ واني فتت للمطبخ ادور ع
رقية وامي شفت اختي مربوطة
بزناجيل وسلاسل حديد و وجهة
مشوه واكو أثار حرك بجسمهة ردت ادخل
عليهة مكدرت الباب هم مزنجل بقفل
اصيح عليهة وادك بالباب ماكو عبالك فاقدة،،،،،
اني هنا انتهيت وهمزين بوقتهة ابوية واخوتي
كلمن بشغله،،طبيت ع امي لغرفتهة شفت
امي لافة راسهة وتلطم وتبجي ركضت
عليهة:يمة،،ولج يمة شكووو شصاير،،
نضال:يمة حوراء بنيتي،،وظليت اشهك ولج
يمة اختج راح تموت ومظلومة والله مظلومة،،،
حوراء:يمة دخيلج وحدة ،،وحدة فهميني
شكو وشصاير،،،
نضال:يمة اختج جانت طالعة لبيت ام فلاح
دزت عليهة المرة حتى تساعد البنات لان جانت
عدهة حنة مال بنتهة،،المهم ع حجي ام فلاح
تحلف تكول شفتهة المسكينة من باب البستان
ولد ثنين سحلوهة ورة الشجرة تكول صحت
عيطت ماكو طبيت ع السريع جريت عباتي
وانتي تعرفيهة مرة جبيرة بالكوة تمشي
لمن وصلت لاختج لاكيتهة سودة علية
لا ايد ولا رجل ودمايتهة بطولهة،،،،،
حوراء:لطمت بكل قوتي عزة بعينج حوراء
شنو يعني دمايتهة يوم يعني...
نضال:اي يمة ولج اي رقاوي راحت بيد
الضلام الي ميخافون الله،،،،
حوراء:اي وشصار اذا هي بريئة وبشهادة
ام فلاح ليش هيج حالهة يمة فهميني،،،،
نضال:ام فلاح المسكينة صايحة بنتهة وفلاح
ومرته شايلهة ومغسليلهة ومن صحت هم نفس
الحجي حجته لام فلاح معناها الي شافته
المرة صحيح،،،،
جتني المرة وجانوا ابوج واخوتج موجودين
وكت غدة ظهرية وطبت مثل المخروعة
وحجت السالفة بس مكالت مغتصبيهة
واحنة ركض رحنة لبيت المرة وسودة علية
جانت رقاوي منتهية اثار ضرب بوجهة
وجسمهة وشعرهة مخربط ومهوس،،،،،
ومثل المصدومة وخايفة بحيث طبينة عليهة
مكرفصة لامة رجلهة لصدرهة وترجف وتبجي
وهذا الحجي صارله شهر
ومن هذاك اليوم لليوم ابوج واخوتج تفننوا
شلون يعذبون اختج وام فلاح تحلف و بنتهة
وابنهة شهدوا ع وضعهة بس ماكو يحجون
وية الحياطين ومرة ابوج طردهة هي و ولدهة
واتهمهة ان هي تغطيلهة وحجي مينلبس
علية ثوب ع اختج والمرة تعذرت وكالت
سويت العلية وكطعت رجلهة من عدنة،،
حوراء:وليش محجيتوا مكلتوا،،،
نضال:ابوج حرم علية الطبة والطلعة وحتى
تليفون ماعندي وكفت اهدومهة اثار ضرب
هاي شوفي يومية بالحزام والصوندة
وسودة علية بنيتي كم مرة بالبكوة اطب عليهة
اخذهة للحمام اغسللهة وابدللهة واوكلهة
بيدي ومن عرف ابوج جتفني وحركهة كدامي
حتى بعد لا اوصلهة ومن ذاك اليوم
حرمت افوت عليهة حتى لا يأذيهة،،،
حوراء:وهسة يمة فدوة شلون????
جفلت سمعت صوت خشن من وراية لج انتي
شجابج هنا،،،،
حوراء:ركضت فدوة لارجلك اروح يابة وابوس
بأيده ورجله خل اشوف رقية واتوسل
دفرني برجله ع بطني لجن انتن ساق....ت
مال حرك حرامات تربيتي بيجن ونزل علية
ضرب وامي نامت فوكاية حتى هي تاكل
الضرب بدل عني واجوي اخوتي هم كملوا
علية ع غفلة مشفت غير عمامي مالك وكمال
فوك راسي جروا ابوية واخوتي وخطية
امي مفرعة وهدومهة مشككة،،،،
عمامي داروا وجهم عنهة وعمي مالك
كال:كومي بنتي ساعدي امج وستريهة
لان الظاهر مالهة ستر غيرج من بعد الله،،،
عادل:شنو هذا حجيك مالك،،ولو حقك
مرتاح وعايش ومحد داري بضيمي وهمي،،،
كمال:لاتنسى نفسك عادل هذا اخوك الجبير،،
عادل:لو هو صدك اخ جبير جان اجة سئلني
شبيك مابيك وحار بهمي وشال عني الي
اني بيه،،،،
مالك:وشلون اعرف الي انت بيه اذا انت حارم
الكل منك شنو اشم كفه ايدي،،،،
عادل:هو بس هذا الي فالح بيه بس من يوم
كتلك الشيخة خليني اني و ولدي نشيلهة
ركبت راسك الا كامل ابن عمي ياخذهة
وجنت تدري محتاج الهذا الشي اني،،،،
مالك بحدة:كافي عادل كف عن هذا
الموضوع وسبق وكتلك لا انت ولا ولدك كفو
للمشيخة انتو ردتوهة ع طمع بفلوس وجاه
وهذا كله راح يأثر بحكمك وعدلك وية الناس
اذا نطيته الك معناها ضيعت تعب ابوية وجدي
واجدادي بيهة وكامل والنعم منه شكد حالته
تعبانة اكثر منك وذاك روح شوفه بمحبته
وخيره وية الناس الله فتحهة علية ولا تطغى
وتكبر وبعدين السالفة انست وراحت
ومر عليهة سنين،،،،
عادل:لعد شعدكم جاييني هسة،،،،
كمال:الي جابنة شغلة تخصك وتخصنة هم
وصار عدنة علم بموضوع رقية وام فلاح
قسمت بالقران هي و ولدهة وجنتهة بالي
صار،،،
عادل:اي والمطلوب،،،،
مالك:المطلوب يا ابن امي وابوية اريد اشوف
البنية بلكت تنطينة تواصيف الجلاب لحتى
اجيبهم جوة رجلهة لو من سابع ارض،،،،
عادل:انتو طلعوا منهة ومالكم دخل البنية
بنتي واني حر بيهة،،،
كمال:لك اشو انت صاير متعرف تحجي
شو وخر،،،،
حوراء:صار صياح وابوية ميقبل يكول رقية
وين،،عاد اني كمت وامي تتوسل اسكت
بس مسمعتلهة،،،،طلعت
عمووو رقية محبوسة بالترك،،،وجان يكمز
اخوية من جهة وابوية من جهة حصلتلي كم
كفخة وعمو كمال تلاحكلي،،،،
مالك:ايا ضلام يالمتخافون الله لك البنية
منتهية،،،كمال،،كمال،،،
كمال:خييير،،لك هاي شنووو لكم شنوووو
انتو من بشر لكم هاي دمكم ولحمكم شلون
نطاكم كلبكم هيج تسوون،،،
وبعد عركة طويلة وتلازموا عمامي
وية ابوية واخوتي مكدروا يدخلون يخافون من
عمامي،،،،،
بالاخير عمامي طلعونة من البيت اني وامي
ورقية،،،،،وبوجهنة للمستشفى طبعا رادوا
يسوون تقرير للمركز بس عمامي معروفين
وحجوا وية الدكتورة وكدرت تمشيهة،،،
وخطية رقاوي جانت فاقدة من كثر التعذيب
صحت ورة اسبوع وحجت كلشي والمسكينة
جانت مضلومة وعمامي تعهدوا ان مترجع
لبيت ابوية تظل يم عمي مالك لحد ميثبتون
برائتهة حتى لحد يتعرضلهة،،،،
بعد ايام ورة مصحت بدت تتعافى ورجعت
البسمة تنرسم ع شفاهة واجتي ام فلاح
هي وبنتهة وجنتهة يطمنون عليهة،،،،،
اما بالنسبة لامي خطية شكل عدهة ضغط
بعد هالمصيبة بس الحمدلله مستقر وضعهة،،،
وبيت عمي مالك وكمال عرفوا بالي
صار والحمدلله ساندونة وحتى مازن اتغير
شوية يمكن انطاني اجازة لحد متعدي الازمة
ويرجع عقدة مثل قبل،،،،،،
وبيوم جنة كلنة ملتمين يمهة بالمستشفى
عمامي ونسوانهم و ولدهم والبنات كاعدين
بغرفتهة دخل ضرغام وكال ان الولد انكمشوا
واعترفوا ان همة الي اذوهة وطلعوا عمال
جان قبل يشتغلون وية ابوية ومأذيهم
وانتقموا منه برقية،،،،وحبيبتي جانت
فرحتهة متنوصف وامي وزعت شربت
علينة حلاوة الخبر،،،،،
بهالاثناء دخل ابوية كلنة اكيد الخبر وصله
بس اجة ظل واكف وصافن بوجه رقية حتى
هي ظلت باهتة،،،،،،
مالك:هااااا عادل هسة تندمت بعد الي
سويته انت و ولدك،،،
عادل:ظليت صافن مجاوبت،،،
نضال:حرام عليك يا رجال برد كلبهة بكلمة
الولد وانلزموا واعترفوا،،،،،وانت السبب بكل
الي صار،،،،،
عادل:بهتت من حجوا هيج شنو الزموا وليش
اني السبب،،،،
حجاله عمي كمال ع العمال الي ابوية اذاهم
وانتقموا منه ابنته،،،،
عادل:وشنوووو الي يثبت همة سوووهة،،
ضرغام:تفضل عمي،،،
عادل:شنووووو،
ضرغام:هاك شوف الفديو والولد بلكت تعرفهم
عادل:ظليت ابجي والطم ع راسي اي صحيح
ذولة جانوا يشتغلون عندي وسمعت اعترافهم
اويلي يابة لكم شلون،،عفوك ورحمتك ربي،،،
ظلينة كلنة صافنين ليش هيج متأثر بهالطريقة
وبعيد عن رقية حتى ما اجة حجة وياها،،،
ظل كاعد بالكاع ويضرب ع راسه ويحجي
كلام ممفهوم،،،،
كعدوا عمامي يمه وحجوا وياه ع كوم
رضيهة هاي بنتك وتمون عليهة اكيد راح
تنسه بس الصدمة جانت برد ابوية،،،
عادل:ضيعتهة خلص راحت بعد ماكو امل
برجعتهة،،،،
نضال:شنوووو ليش هيج تحجي مو هيانهة
جنهة العافية،،،،
عادل:لا نضال لا راحت،،رقاوي راحت،،،
كلنة صفنة ع ابوية ومحد جان متوقع الي
سواه،،،،،
انداريت ع رقية لونه شاحب وشفتهة ازركت
رحت عليهة بعيطة وكلنة التمينة فوكاها
ع غفلة كامت تتقيأ دم ودخلوا الدكاترة
وطلعنة كلنة برة وهنا اني طخت عندي ان
ابوية سوة شي لرقية وان هو السبب بالي
دتمر بيه هسة،،،
وكضت علية وظليت اجرجر بيه احجي شسويت
الهة احجي انت سويتلهة شي مو هي
دتموت بسببك اكيد جاوبني،،،،
نضال:شنوووو عادل شدتحجي حوراء،،،،
الكل ظل يجمع بحجي ابوية بس يستبعدون
فكرة يموتهة بيدهة،،،،
مرت ساعتين ومحد يحجي شكو الى ان استدعوا
عمي مالك،ورة شوية اجة وكبل راح ع ابوية
وضربه راشدي وتفل علية،،،،
هنا كلنة صفنة شنو الي ديصير وراها ابوية
حجة ان سمم رقية بأيده حطلهة السم بالاكل
مالتهة وعذره جان ان بوكتهة ميعرف ان
الولد انلزموا،،،،
امي هجمت علية وظليت تدعي علية
وبالكوة سحبناها،،،وراها الدكتورة كالت
السم انتشر بجسمهة بعد مابيديهم شي تبقى
بس رحمة رب العالمين،،،
وطلبت من الكل يدخل وبدت تودعنة واحد
واحد وراها طلبت من ابوية يتقرب عليهة
واخذت ايده باستهة وطلعت قرآن من جوة
راسهة وحلفت عليه ان هي بريئة وملطخت
سمعة ابوية وضيعت شرفهة وطلبت السماح
منه ومن الكل واخر كلمة نطقتهة هي لابوية
كاللته،،مسامح دنيا واخرة،،،
وراها سلمته امي انهارت و وكعت اني فقدت
كل المشاعر بوقتهة امي من وكتهة شكل سكر
وضغط وانضربت جلطة مال ضغط اثرت
ع ايدهة اليسرى وابوية اعترف لكن القانون
محاسبه لان اعتبروهة عود قضية شرف،،،،
امي عافت ابوية وخلته غصب عنه يطلكهة
ومقبلت بعد تقابل اخوتي لان جانوا يدروا
بنية ابوية ومحجوا وعاشت ابيت جدي اهلهة
واستقرت وية خوالي،،،،
وابوية واخوتي طلعوا من البصرة ومحد جان
يدري عنهم الا قبل سنتين طلع بتركيا وشكد
حاول يحجي وياية بس اني رفضت لان
كرهته،،،،،،،
حور:ظليت صافنة ودموعي نهر تجري وكأني
جنت عايشة وياهم وتألمت كلش للي صار وية
رقية اخت حوراء حاولت اسكت حوراء ماكو
انتهت،،،حبيبتي كافي انتي حامل موزين
عليج وظليت الوم بروحي شلون خليتهة تحجي
بس ابد مجنت متوقعة الي صار،،،،،
شكلهة ذبل واصفرت ولج حوراء كافي باعي
شكلج راح توكعين والله كمت اجيبلهة عصير
همزين قريبة منهة لحكت عليهة وكعت
بس بعدهة شوية صاحية،،،
هاااا هيج احسن الج همزين ما انضرب راسج
بالكاع،،،،
كعدت بالكاع وخليت راسهة بحضني،،،
حوراء:عبالج اني ناسيتهة والله ما انسى
الي صار لو اموت،،،،
حور:صح حبي حقج الي صار اكبر واحد
ميتحمله بس لازم تنسين هي راح مظلومة
وعد ربج جبيرة،،هاج شربي شوية عصير
بلكت ترتاحين،،،سمعنة صوت الولد جوي
حوراء:ساعديني عفية قبل ليجي مازن والجهال
ما اريد يشوفوني هيج،،،
حور:تدللين يلة سمي بأسم الله وكومي
سندتهة علية ودخلوا الولد طب مازن ركض،،،
مازن:شبيج حبيبي شصاير????و وجهت نظري
ع حور،،شبيهة خيتي،،
حور:لا تخاف داخت شوية يمكن سكرهة نزل
مازن:عدلت حجابهة،،وشفتهة متخلي عينهة
بعيني،،عرفت شبيهة،،،
هاااااا حوراء هم رجعنة لنفس الموضوع
مو كلنة كافي ترى حرام الي دتسوي كله
اذية لنفسج لا راح تقدمين ولا تأخرين،،،
ضرغام:ياخوية راحت نظيفة وطاهرة بثوب
ابيض صح الفراك صعب بس بعد حكم ربج
وارادته،،،طبعا كلنة ندري بحوراء شكد
متأذية من الي صار وية اختهة و وفاتهة
لحد هسة تنام وتكعد وكأن الموضوع صار البارحة
وهنة كلهن بنات عمي عادل حبابات و وردة
وهذا الشي بوكتهة غير مازن وية حوراء
عبالك عرف قيمتهة وعرف هو شيملك
وخصوصا من عاش الحزن وياها وشاف الالم
بعيونهة ومن صار قريب منهة شال الحواجز
وكدر يعرف منية حوراء الي جان دائما يصدهة
ويبعدهة،،،،،،
رفعت عيني شفتهة منتهية بالبجي والحزن
ماخذ منهة دهر بس ضاف لعيونهة ملامح
تجذب الناظر الهة ويخليك تتعمق وتصفن
وتحاول تعرف شنو الكلام الي تبثه،،،
كلت مدام هيج حالة حوراء معناته جانت
تسولفلهة ع قصة رقية،،،،
بداخلي اكلهة هااااا وهسة شنو رأيج هم
بعدج مصرة ع الرجعة،،،،
اخذت علاوي وصعدت لغرفتي والكل
توزع كلمن لغرفته،،،،،
يتبببببببببببببببببببببببببببع💖💖💖