رواية السجينة الفصل الثالث 3 - بقلم شـــروق الــسامــرائي

الكــاتبة،،،شــروق الســامرائي

.
خلص وکت الـوفه وبدلنه الكلوب
وصفت بس ٱلخيانه بلبشر عاده
دلــيني علئ واحد عــمره ما خان
حتئ ٲوصل البابــه وٲطلب مراده💔💔💔
احيانا صدمتك بالحياة تكون من اقرب ناسك
ساعتهة تكون عاجز عن فهم الي حواليك
الانكسار صعب والخذلان صعب لكن الاصعب
من تجيك طعنة بظهرك من اقرب الناس الك
وهاي الكلمات والاشطر توصف حالة حور
والمأساة الي عاشتهة.....
أَكننتُ نفسي خشية اللوامِ
وعضضت مضطرماً على أَبهامي
ووقفتُ يقتلني الحياء كأنهُ
سمٌ سرى في أَضلعي وعظامي
أَخفي جراحاً لستُ أَعلمُ بلسماً
يشفي جراحي ويجتلي آلامي
وأَبيتُ في سقمٍ مريرٍ جامحٍ
وأَظلُ ملتفاً بحبل سُقامي
أَقضي الليلي بل أَبيتُ مُفكراً
أَين الصباحُ ونورهِ المترامي....💔💔
حور:بعد طريق طويل سمعت ابو الدكتور
كال دخلنة البصرة،،،وتقريبا نص ساعة ودخلنة
لمنطقة حلوة وبيوتهة مرتبة وراقية وبيهة
بساتين وخضار،،وكفت السيارة كدام باب عالي
فخم وحلو دك هورن وانفتحت الباب صار بالوجه
بيت ضخم لا عبالك ڤيلا ومحاوطة حديقة جبيرة
وكلهة اشجار المنظر فدشي روووعة يشرح
الگلب،،،،
محسيت غير ع صوت عمو ضرغام،،،
ضرغام:وصلنة تفضلي حجيتهة بأبتسامة
حور:طبيت بهدومي نزلت ومشيت وراهم
تلكتنة مرة جبيرة حضنت ابو الدكتورة
وبوسته وسلمت ع ضرغام وتوجهت الي اني
ارتبكت وظليت اعصر بأيدي بحكم حياتي
اني ابد كا اختلط واطلع واطب فالنتيجة اكيد
استغرب واستحي اتعامل وية الناس،،،
زهرة:تعالي حبيبتي اهلا وسهلا نورتي البيت،،
حور:شكرا خالة تسلمين ومشيت وياها
فتنة للبيت ماشاءالله كلش حلو دخلنة للاستقبال
جانوا كاعدين بنات 3شابات واطفال ديكمزون
ولد واحد جان ملتهي بالتليفون والجهال
تكمز فوكاه، ،
سجاد:كوم لك ابن ال...
مالك:يووول السانك،،
سجاد:اااا يابة ما ادري انت هنا والله خبلوني
عبالك قرودة،،،،
صفنت يابة منوووو هاي???
مالك:حجيتهة بنتر هاي ضيفة ابوك ويلك وسواد
ليلك تندك بيهة فاهم???
سجاد:صار يابة وعفته وطلعت ادردم،،،
زهرة:يوول شبيك طالع تنافخ والله خبلتني،،
سجاد:يمة غير هذا رجلج يعني بالطالعة والنازلة
يرزل بيه،،،،
مازن:انجب لك اشوو انت صاير متحترم للاخير
شنو رجلج،،،لك هذا ابوك افهم عاد
خل حدود لكلشي وانتي يمة الله يخليج
لاتظلين ناطيته عين،،عفتهم وطلعت،،
سجاد:هاي شبيه ابنج كب من يمه شكو??
زهرة:لا وليدي انت غلطان اخاف شفت ولد
خوالك لو خالاتك شبوا وكاموا يتعنطزون(يتعيقلون)
ع اهاليهم ترى هذا اكبر غلط وقلة احترام
ابني اني ما ربيتك....
سجاد:اهوووو يوم هسة اني شحجيت
داشاقة وياكم وهذا راسج ابوسه وبعدين اصلا
اني جيتج ع غير شي ونسيتوني،،،
زهرة:احجي بلة اتحفنة شكوووو???
سجاد:هاي البنوتة الحلوة الي وية ابوية
منين???اخاف الحجي حيطك الثانية وانتي مالج
خبر???
زهرة:دكوم خرب غيرتك ع هالسوالف،،لايمة
هاي بنية مسكينة واكعة بمشكلة وجتي ع
ابوك بلكت يحل شغلتهة،،،
سجاد:حجيتهة بكلبي لا ماكو هيج شي وين
اهله هاي صغيرة ومبينة مو منا يلة خبر اليوم
بفلوس باحر ابلاش،،،،،
مالك:بناتي بابا بس من رخصتكم اتركونة
وردة:خير ضرغام هاي منوووو???
ضرغام:بعدين وردة مسمعتي ابوية،،،
وردة:لج سمية ممرتاح كلبي منين هاي
البنية???
سحر:والله امي كالت جاية لابوية بمشكلة،،،
وردة:وشمعنى ضرغام بقى???
سحر:انتي تعرفين ضرغام ملازم ابوية وعمي
طول الوكت،،،،
مالك:شوفي بنيتي انة ابوج وابو الدكتورة هم
ابوج وضرغام اخيج والج الامان بكلشي
بس بشرط تحجيلي كلشي بالتفصيل واي شي
تعرفيه عن اهلج بلكت اطيح ع عم خال
اي واحد عرف حتى مشكلتنة بأذن الله تسهل،،
حور:فاضت عيوني بالدمع هاي تاليتي ليش
ياربي كضيت حياتي اتهجول من بيت
لبيت واليوم وكعت دخيلة عندك ياربي تساعدني
مالي غيرك،،،
دست ع نفسي ونزلت راسي وظليت اسولف
قصتي بالتفصيل من زمن مشاكل
امي وابوية لحد اليوم المشؤوم،،،،
مالك:بنتي ارفعي راسج انتي مسويتي
شي غلط بالعكس انتي صنتي نفسج وحصنتيهة
ضد الحرام والغلط،،،يابنتي صدكيني انتي
فخر لكل بنية شريفة غيرج وحدة جان
ضاعت بهالموج ام بصفحة اب بصفحة محد
داري عن هوى دارج وبس رغم كلشي
صنتي نفسج،،وشمدريج عسى ولعل الي صار
بيه خيرة الج حتى تطلعين من بؤرة الظلم
الي انتي بيهة وجائز امتحان من ربج ،،،،
حور:هنا اني انهاريت مكدرت اكتم شهكاتي،،،
بس ياعمووو اختبار صعب عمووو ابوية
يريد يذبحني كل ظنه اني خنته وطعنته بشرفه
بس والله وجلاله وعظمته مغلطت ولا
ارتكبت الحرام بنظرة لو بكلام او فعل،،،
كضيت عمري روحي اروح تعالي اجي
كل الي تمنيته اعيش بسلام وامان وحتى هذا
الشي فقدته عمووو اني كله عمري 13سنة
و وصلت حياتي لهالمواصيل والي جاي
اصعب بهواية شلون اكدر اثبت ان حسام جان
موجود بهذاك اليوم،،،وهو الله لاينطيه راجع
للبيت ورة3ايام من الحادثة شلووووون،،،
ضميت وجهي بأيدي وظليت اشهك،،، فقدت بالبجي
رحمتك ربي والله تعبت لا ام ظلت الي لا اب
ومصيبتي بشرفي ومن بيت لبيت رحمتك ربي
ظليت اشهك اريد هوى ماكو حسيت اختنكت
وراها بدت ايدي تخدر وعيوني غوشن،،،،
اسمعهم هوسة،،،
انتبهت ضرغام فوك راسي،،،بالكوة حجيت
ايدي خدرت وبدة لساني يثكل وراها بعد
محسيت بشي،،
وعيت ع نفسي اني بغرفة مرتبة ونايمة ع
السرير حركت ايدي حسيت بچكة باوعت
حاطيلي مغذي وبعدهة انفتحت الباب وطبت
بنية شابة حلوة تقربت مني مبتسمة،،،
حوراء:هاااا بزونة سلامات شلون صرتي???
ان شاءالله احسن،،،
حور:ابتسمت بوجهة الحمدلله،،،اكلج بس
بلا زحمة هو شصار???
حوراء:ماكو شي حبيبتي انتي ارتاحي وان
شاءالله خير،،،تقربت عليها شلت المغذي من
الكانونة وعدلت كعدتهة كسرت كلبي
بعدهة طفلة الله يساعدهة وان شاءالله الله
يحل مشكلتهة،،هسة اجيج سويتلج شوربة
اممممم تجنن ،،،طلعت صار بوجهي
مازن،،،،
هاااا حبيبي كعدت???
حوراء:اي خطية تدري مازن والله حركت
كلبي ،،،شنووو ممكن تكون مشكلتهة وهي بهيج
عمر،،، المسكينة عيونهة حاملة هم بثكل
جبال،،،،
مازن:شفت حوراء كلش اتأثرت بالبنية وهي
اصلا حساسة دموعهة جانت تنتظر ايعاز حتى
تنزل،،حضنتهة الله يفرج همهة حبيبي بس
انتي ع كيفج وية روحج مو زين ع الي ابطنج
وبسته من ايدهة،،،
حوراء:اوووو شوف نسيتني خل اروح اصب
شوربة للبنية،،،
مازن:وين تنهزمين يعني الغرفة اولج وتاليج،،،
حوراء:عززززة فضحتنة عيب واكف اباب الغرفة
وتحجي،،،ضحك وراح،،،
جهزت صينة الاكل لحور شوربة عدس هاي اني مشهورة بيهة من جنت ابيت اهلي وخصوصا
عمي مالك مياكلهة الا من ايدي،،،،
وخليت وياها خضرة وزلاطة وكرصة خبز،،،
وردة:هاااااي المن???
حوراء:بكلبي استغفر الله،،،لحور خطية
كعدت،،،
وردة:اكلج معرفتي شصاير وية هاي البنية???
حوراء:لا معرفت وبعدين الولد ميحبون احد
يسئلهم بالي يصير بينهم وبين عمي،،
وردة:حبيت اغيضهة،،ولج يولي اخاف يطلع
لاكفهة وية مازن لو النوب يطلع مازن
مزوجهة بالسر???
حوراء:ضحكت عرفتهة تريد تغثني لا حبي
لاتخافين اني مأمنة من كل النواحي وهسة
من رخصتج الشوربة راح تبرد وتصير مطيبة،،
حور:اجتني نفس البنية وشايلة صينية وياها
وخلاتهة يمي مقبلت اني اكل هي وكلتني
وظلت صافنة بوجهي وعيونهة دمعت،،،
اني اسفة اذيتج بشي????
حوراء:مسحت دموعي لاااا حبيبتي مو انتي
بس ذكرتيني بأنسانة عزيزة علية حيل،،،
حور:ماتت،،،
حوراء:منووووووو???
حور:البنية،،،
حوراء:ابتسمت ابتسامة الم اي للاسف ماتت
ظلم ،،،
حور:هنيالهة اذا مظلومة،،،تموت مظلومة
افضل من ان تعيش ضالمة،،،
حوراء:هم صحيح كلامج،،،،ورجعت اوكلهة
حور:حسيتهة تريد تحجي بس مضغطت عليهة
حقهة شتعرف مني وتحجيلي،،،،
......... ........ .......... ..........
كمال:سمرة...سمرة...
سمرة:نعم يابة،،،
كمال:تحضري السايق ينتظرج يوصلج لبيت
عمج،،،،
سمرة:طرت من الفرح فدوة لعينك عمي
كول وفعل،،،ثار يابة طلقة واجي،،،
عفاف:ياعم اهلي جاييين خلي ع غير مرة خل تبقى
تساعدني،،،
سمرة:باوعت بتوسل لابوية،،،
كمال:مو عمهة دز عليهة وكتله جاية البنات
هناك ويردنهة،بعد بقت يمهة تريد تروح لو لا،،،
عفاف:انداريت ع سمرة وخزرتهة لا هي
تريد تبقى خوالهة وخالاتهة جايين،،،
سمرة:كلش ضجت وردت ابجي،،،ياربي
ما اريد ابقى اعرف المن مبقيتني حتى تخليني
اثر ع ابوية ويقبل ب مصطفى ابن خالي،،،
كمال:هاج استلمي هاي عمهة يكول خل تجي
سمرة ولج وينج،،،
سمرة:هاااا بابا،،،بضوجة
كمال:يلة عاد عمج يكول خلت بية وبالاتفاق،
سمرة:نزلت اركض،،ليش اجة???
كمال:لا بالتليفون هاج،،،
سمرة:مرحبا عمي لا لا هسة اكمل واجيكم
ان شاءالله باوعت ع امي تنافخ من الغضب
معليه والله كدامج هو خابر،،، وركضت طير
لبست فستان طويل مرتب من يم الصدر كصيف
ومن جوة نفش وبية فيونكة مشجر وحجاب نيلي
وسويت شعري ضفيرة هندية وذبيت العباية فوكاه
وطلعت لكيت ابو حازم السايق مال ابوية
ينتظر سلمت علية وطلعنة لبيت عمي مالك،،
............. ......... .......... .............
ضرغام:كافي تلحين وردة البنية لايمهة ولا
عليهة،،،
وردة:لعد شمعنى انت وياها كعدكم عمي???
ضرغام:ليش جديدة عليج كعداتي وية ابوية??
وردة:لا بس شغلة هاي البنية مو
خالية من امتى عمي يجيب غريب للبيت
مشاكله تبقى بالديوان الا هاي البنية،،
ضرغام:وردة شنووو الي تريدين توصليله???
وردة:يا خوفي تطلع مزوجهة لو تريدلك
جاهل،،،
ضرغام:يا بنت الناس منينلج هذا الحجي
وبعدين الحمدلله عندي علاوي مالي علية
الدنيا،وخلي ابالج شغلة اني لو رايد اتزوج
ما اتختل مثل الحرامية،،وهسة من رخصتج
اريد ارتاح شوية،،،
وردة:ماشي خل نشوف،،،عفته وطلعت نزلت
جوة لكيت حور كاعدة بالمطبخ يم عمتي
والبنات،،،
هلا حبيبتي شلون صرتي طبعا الله سترج
ولا جان ضربتج جلطة،،،
حور:ابتسمت بألم الحمدلله زينة واصلا مشايلة
هم هي روح وحدة بيد باريهة ساعة الي
يريدهة تحت امره،،،
وردة:ع كيفج حبيبتي شكلنة ،،،
سمية:اي حور شنو رأيج بالدولمة مالتي???
ردت الطف الجو لان مبين وردة كاتلتهة
الغيرة من هالطفلة،،،
حور:كلش طيبة عاشت ايدج،،،جنة دنسولف
ودخلت بنية شابة كلش حلوة و وجهة يضحك
سلمت ع البنات وبوستهم حتى الي بوستني
سمرة:منين هاي الحلوة???وكرصت خدي
حور:ضحكت داحجي نطت وردة،،،
وردة:هيج وحدة عدهة مشكلة وجاية ع عمي،،
سمية:تعالي سمرة اعرفج حور،حور اعرفج
بالخبلة مالتنة سمرة بنت عمي،،،
سمرة:فدوة لله تخبل شكد عمرج???
حور:ضحكت جبيرة ترى والله،،،
سمرة:ههههه شكد يعني10لو11مو???
حور:بابتسامة لا13،،،
سمرة:جذب والله ممبين عليج،،الله ريحة دولمة
هاي مالتج مو سمسم???
سمية:تي ام بطن،،،
سمرة:سحر منج من الشيطان كاعدة وساكتة
شكووووو???
سحر:انجبي خبلة بس والله تعبانة حملي كلش
متعبني،،،وانتب بس تلغين دوختيني،،،
سمرة:خاب دطيري لكم ممصدكة ابوية
قبل اجي طبعا فدوة لعينه عمو هو توسطلي،،،
مالك:هلة بالسمرة،،،
حوراء:ابن الحلال بذكره بان،،ركضت عليه
بوسته ،،
مالك:ام لسان يلة شبعي سوالف وضحك
خابرت ابوج كتله ليظل بالك تتأخر يم البنات واني
اوصلهة،،،
سمرة:فدوة لعمي حبيب كلبي،،حضنت عمو
ولمحت سجاد نزل من الدرج يدندن يمة
روحي راحت وياه ونسيت عمي واكف اصلا،،
مالك:انتبهت عليهة صفنت سمعت صوت سجاد
ديخابر،،ضحكت الشاغل بالج يتهنى،،
سمرة:هااااا شنووووو لا هيج عموو صدك
تعال شلون دولمة تفوتك،،،
مالك:ضحكت ومسحت ع راسهة الف عافية
حبيبتي،،انداريت شفت سجاد ديحجي ومعصب
وصلت لعنده،،،
سجاد:ماشي يلة فد شوية نتخابر،،خلص
كلت ماشي،،
مالك:هااااا يول شكو هيج معصب???
سجاد:لاهيج شغلة وية صاحبي،،،
مالك:صاحبك لوووو،،،،سجاد خما نسيت كلامي
الاخير وياك البنية تقطع كلشي بينك وبينهة
عمك صار عنده علم ان انت رايد سمرة،،،
سجاد بنتر:قصدك انت رايدهة مو اني ولو
تبقى اخر وحدة هم ما اخذهة لو اعرف اظل عزابي،،،
مازن:رجعت من شغلي وطبيت من المطبخ
لان جنت كلش جوعان شفت لمة البنات وخواتي
هم جايات سلمت عليهم،،،
حوراء حبيبي ترى ميت جوع،،،
حوراء:تخسة الجوع ياروحي غسل وبدل علما....
مازن:هاي شنو صوت سجاد ويامن،،،
طلعت وشفته بوجه ابوية،،،
لك سجاد اشو انت صاير متحترم للاخير،،
سجاد:بلة انت اكرمنة بسكوتك مو شفتوني
ساكت سويتوني ملطشة انت منا واخوك منا
كافي فكوا مني عاد،،
مالك:لك سجاد انجب عاد وضربته راشدي،،،
لك صوجي اني الي كبرت راسك والظاهر نطيتك
اكبر من حجمك وخلص منا وجاي راح اعرف شلون
اتصرف وياك والي ابالي اسويه غصب
عنك ،،،
سجاد:مشيت وظليت اصيح والله اسويه اذا
ماخربتهة وخلي اخوك وبنته يفيدوك،،،
زهرة:لا هذا الولد استهتر ع الاخير شلون
هيج يحاجي ابوه،،،،
ضرغام:رجعت من الشغل ظهرية طبتك السيارة
بالباب وصار بوجهي سجاد وجهة احمر
وعيونه دم من العصبية ويمشي ويصيح
خير ياطير شمسوي هالمرة،اشو هذا شمر ايدي
سجاد:وخر مني انت الثاني،،،
ضرغام:صرت نار كبرة عرفت متلاغي بالبيت
وطبيت ركض اخاف هم تبوية متخربط لو امي
من وراه،،،
طبيت للبيت لكيت ابوية كاعد بالحولي وخال
راسه بين ايديه وامي يمه،،،،
والبيت صنطة،،،،
السلام عليكم،،،،
امي&ابوية:هلا وعليكم والسلام،،،
ضرغام:خيرك يابة خما بيك شي???
مالك:كمت لحيلي،،لابوية سلامتك ماكو شي
الحمدلله والشكر،،،زهرة بلا امر عليج
حضريلي فراشي اريد انام،،،
زهرة:حجي بس بعدك ممتغدي،،،
مالك:زهرة الله يخليج مابيه حيل احجي اريد
انام عفتهم وكمت،،،
زهرة:صار تدلل،،
ضرغام:اشرت لامي شكوووو،،
زهرة:ارتاح يمة هسة ارجعلك،،،
حور:بعد المشكلة الي دارت بين غمو مالك وابنه
البيت صار هدوء وكلنة خنسنة وعمو مازن
رجع كعد بالمطبخ كلش مغثوث خطية جان
كلش جوعان بس اكيد من الي صار انسدت
نفسه،،،
وبعدهة جنة كاعدين وساكتين دخل علينة
عمو ضرغام،،،
ضرغام:طبيت للمطبخ البنات كلهن ملتمات بس
صنطة وشفت مازن وجهة ميتفسر لان
ضايج وكلهة خانسة ضحكت،،،
صدك جذب مطبخ مليان نسوان وكلهة
كاعدة وساكتة،،انتبهت ع حور مدنجة راسهة
وتلعب بطارف حجابهة سلمت عليهة
شلونج اخيتي ان شاءالله مرتاحة مناقصج شي???
حور:رفعت راسي داجاوب ونطت وردة،،
وردة:لاحبيبي شعدهة كاعدة ومرتاحة واكلهة
يوصل لحد عدهة،،،
ضرغام:فشلت من جواب وردة هم نطت وهم
حجت حجي محلو،،،
راسا غيرت الموضوع خليت ايدي ع جتف مازن
خيرك خوية شصاير???
مازن:هذا اخوك استهتر للاخير مشفته شلون
حجة وية ابوية وفشله كدام الكل وحول عيني
ع سمرة بنت عمي وابوية كلش انقهر
ضرغام:من حول عينة ع سمرة عرفت نفس الموضوع
اي حتى اني تلكيته هم تعارك وياية بس
ابوية شكلهة ميطمن اخاف هم يتخربط النوب
راح دخل لغرفته ينام بلا غده،،،
مازن:الله لايكولهة بس اذا هم تعب من وراه
لا هالمرة اعرف شلون ارجعه لوعيه،،،
حوراء:سموا يلة وتغدوا والله يحلهة ان شاءالله
كعد الكل تغده وبعدين جتي زهرة امهم
سوت صينية صغيرة واخذت كرصة خبز،،،،
ضرغام:يمة ليش ميجي ع الواهس،،،
زهرة:بقهر يمة ميرضى ياكل بلكت اوديله
الصينية وع واهسي ناكل سوة،،،
مازن:يمة هو خما تعبان يشكي من شي،،،
زهرة:لاحبيبي الحمدلله ماكو شي بس مضايق
من تصرف اخوك اكلوا يمة عليكم الف عافية،،،،
حور:ماشاءالله شلون ام واب الله يحفظهم
مر النهار عادي ماكو شي اني ساعدت البنات
بأشياء خفيفة ما اعرف اظل كاعدة ولليل
سجاد مرجع وكلهم ظل بالهم يدكون علية مغلق
ضرغام:جنت طالع ادور ع سجاد بلكت يم واحد
من جماعته دك تليفوني شفته رقم جدتي
هلا جدتي كواج الله،،
هلا يمة شلونكم اخباركم ان شاءالله بخير
ضرغام:تمام الحمدلله،،،
لايظل بالك يمة ترى خابرت اطمنك ع هذا
الارعن،،،
ضرغام:سجاد،،،ليش سجاد اجاكم لبغداد???
اي يمة اني ما ادري مكايللكم وهسة يلة دريت
كلت انطيكم علم،،،
ضرغام:اي والله جدة تدرين الكل مستنفراندور
عليه جدة احجي وياه ترى قل ادبه وية الكل
اليوم،،وحجيتلهة شسوة وسديت التليفون
راسا دكيت ع ابوية،،،
هلا ياب اطمن هسة جدتي خابرت وكالت يمهم
مالك:لك شنو جدتك يعني مولي لبغداد،،
ضرغام:ع كيفك حجي صحتك،،
مالك:لكم انعل ابو صحتي،،لا هذا يرادله تربية
من اول وجديد لكم هذا راح يموتني ناقص
عمر،،،
ضرغام:سديته من ابوية وه صاير نار كبرة
رجعت للبيت تعبان وضايج شفت ابوية كالوا
ضغطه صعد شوية والبيت كله كأبة ابوية راد
يوصل سمرة بس كتله اني اوصلهة مقبل
كلي اني كلت لعمك اني اوصلهة
عاد كتله لمازن اخذهم وروح مو مال يطلع يسوق
وحدهة بهيج حالة واخذهم مازن وراح،،،
صعدت لغرفتي بعدني مطبيت لحكتني وردة
وبلشت نك فوك راسي هاي شوكت تروح عاد
ضرغام:منووو???
وردة:منو يعني ست الحسن والجمال المتتسمة حور
ضرغام:وبشنو مضايقتج كاعدة بدارج لو ع
كلبج???
ظلت كلمة مني كلمة منهة بزعتني اخر
شي عطت بيهة عيطة خرستهة للاخير وظليت
اصيح واعيط شلت المزهرية اليمي ركعتهة بالباب
زهرة:يمة اسم الله الرحمن هاي شكووو
لجن يابنات وحدة منجن تكوم تشوف شكووو
شصاير مابيه حيل للمشاكل بعد،،،
سحر:يمة هاي وردة ماكو غيرهة تلكيهة هم
استلمت ضرغام ،،،
مالك:طبيت صار بوجهي ضرغام يمسح بوجهة
ويستغفر،،،
غيرك ابني شصاير،،،
ضرغام:لا هيج يابة ماكو شي طبينة للاستقبال
وشاف خال فراش،،،
مالك:لعد هذا شنوووو
ضرغام:هيج يابة اني اريد ارتاح شوية هنا
مالك:ابني حتلو تتعارك ميصير تترك غرفتك
وبعدين هاي اول مرة تسويهة من ازوجت لليوم
ضرغام:يابة تعبتني حيل اخاف جانت كبل
بس تزن ع الخالي بلاش هسة لا لكتلهة شغلة
دسمة تبقى تزن بيهة العمر كله،،
مالك:احجي ابني شصاير???
زهرة:حجي هاي شدت وية ضرغام فدشدة
من طبت حور للبيت وبناتك هم حجن كالن حتى
وية البنية شادة كل شوية تفشلهة،،،
مالك:انداريت ع البنات سمية وسحر،،،
سمية:اي والله يابة شدت وياها حيل
وكتلهة عيب بحق اهلي هسة عبالهة محد رايدهة
وهاي وحدهة عيبة بحق بيت ابو ضرغام،،،
بس هي ابد ولا يمهة،،،
ضرغام:شفت يابة استلم ،،،
مالك:خلص بوية انت نام وارتاح والله كريم لباجر،،
.............. ............ .......... .............
سمرة:رجعت للبيت كلش ضايجة من الي
صار اليوم جنت متأملة اشوفه ونكعد سوة بس
ما انكر ان تصرفه اليوم وية عمي جان كلش
غلط ومحلو وخصوصا عمو مالك ميستاهل
كلش يحب ولدهة وبناته ومصادقهم وميستاهل
هيج مجازات بس هي شنو المشكلة الي خلته
هيج يصرف واني سمعت كله خل اخوك يفيدك
معقولة يقصد ابوية اخاف فكرة الزواج
جانت غصب عنه،،،
لاااااا،،لاااااا سمرة طردي هالافكار السودة
من راسج عمي مو من نوع يجبر احد ع الزواج
يلة الله كريم هي بعدين تبين،،،،
عفاف:خير اشو من رجعتي لحد هسة بس
تصفنين،،،
سمرة:لا يمة ماكو شي بس تعبانة ونعسانة
اليوم هوسة وهواية سولفنة،،،يلة تصبحين
ع خير،،،
عفاف:تعاي تعاي نسيت اسألج هم حجوا وياج
بشي يخصج هيج سوالف???
سمرة:عادي يوم مثل كل مرة شنوو قصدج،،
عفاف:لاهيج انسي اكلج صدك هم شفتي سجاد
هاي يعني واحد من الولد،،
سمرة:اي يمة كلهم جانوا موجودين،،،
عفاف:لج يمصخمة خما كعدتي يم الي ميتسمة
سجاد يعني قصدي وية الولد،،،
سمرة:لا يمة شبيج غير وية البنات،،،يلة اروح
لو بعد اكو شي???عفته وصعدت اوووووف
بس لو اعرف ليش تكرهة جان ارتاحيت،،،،
........... ......... ......... ..........
مرت الايام وحور ابيت مالك وتحت حمايته
وطبعا محد اله علم بقصته بس هو وزهرة
وضرغام وبعد ايام خبر اخوه الشيخ كمال
بقضيتهة وتكفل ان يساعدهة وية ابو ضرغام ،
كمال:ابو ضرغام لازم نطقس عن اخبارهة
بدريتهة حتى نعرف شلون نتصرف،،،
مالك:كلامك صحيح خوية وافضل ان اوكل
ضرغام بهاي الشغلة لان ما اريد الكل يعرف
موضوعهة وتعرف الديرة بعد،،،
كمال:عين العقل بوية خلص توكل وشوف ضرغام
مالك:ان شاءالله يصير خير،،يلة
اني اتوكل،،،
كمال:وين حجينة وكت غدة،،،
مالك:لا بيتك عامر ابو مخلد غير مرة ان شاءالله
كمال:براحتك خوية سلم ع الاهل،،طلعت وية
مالك اوصله،،،،
مالك:تغدينة وكملنة وجنة نشرب الجاي اني
وضرغام،،،،
ضرغام بوية حجينة اني وعمك بخصوص حور
وقررنة اتروح لبغداد اطقس ع اخبار اهله شنو
الي صار وتحجي وية خالتك براء
تشوف هاي المعلمة الي تعرف حور واهلهة
شنو اخر شي صاير،،،،،
ضرغام:ان شاءالله اعتبره تم بوية والفجر
بعون الله طالع،،،
مالك:ان شاءالله بس هااا دير بالك ما اوصيك
منريد احد يعرف هي وين ولا تجذب العين عليك
واهم شي ديربالك ع نفسك ماشي ابني،،
ضرغام:تأمر يابة تحتاج بعد شي???
مالك:لا سلامتك،،طالع???
ضرغام:لا اصعد ارتاح شوية،،،،
........ ....... ......... ...........
يتببببببببببببببببع💖💖💖💖