رواية السجينة الفصل الخامس 5 - بقلم شـــروق الــسامــرائي

الكاتبة،،شـــروق الســامرائي

انكسر مجذاف عمري بزحمة الروج
او وگف بيه الزمن يم اليكرهـون
وخفت همي تكشفه اسرار العيون
خيطت النــظــر عن لا يـشـوفــون
وخفت حيلي يحدّب يكشف العوز
ظهر شديت صبـري لشيـل المتـون
وخفت شمــاتي تصرخ اي وگـع طاح
اوگفت رمح اعله جرحي گبال العيون
والجمـت الجــرح لايـصــرخ بــ آخ
وشلت صفنات روحي وچلمة شلون
احـلبـت در النــوايـــب روّبـت راي
غموس الحار روحي وصبري ماعون
كلت منـه ورويـت وبالــي مـرتـاح
الشبع شبـع العگل مو شبع البطـون
ومن دمعي خفت ليسولف الحـال
وشلـّت الدمــع مـن بـيــر العيـون
أبـّطر غنيت وارگص وآنـه بالموت
رگـصـة طيـر بـيـديـن اليـذبـحـون
لأن عـنـدي امــل والغايـب ايـعــود
واتنطــّر فــرج مــن صاحب الكـون
عـلـه ساعــه ويـفــر الوكـت دولاب
العالي ايصيـر ناصي ويصعد الدون
.......... ........... .......... ...............
حور:مرت الايام و وضع بيت عمو مالك مثل
ماهو حايرين بمشكلة ضرغام ومرته
هو يكلهم خل تولي ما اريدهة بعد وامه تكلي
والولد شلون اذا اخذته،،،،،
وبالنسبة لموضوعي تاركته هسة لان عيب
بهذا وضعهم احير بروحي وبس،،،،
مرة طلعنة اني والبنات حوراء وسمرة بت
عمهم وخالتي زهرة والجهال طالعين للبستان
مال بيت عمو مالك فدشي روووعة من الجمال
ويرد الروح الخضار والزرع واشجار الفواكه
راحة نفسية مالهة مثيل،،،،
جنة فارشين مدة وكاعدين عليهة والجهال
كدامنة يلعبون دنسولف اجانة ضرغام وعمو
مالك يتمشون،،،،
مالك:بأبتسامة شنوووو هالكعدة الحلوة
وغمز لخالة زهرة وهي ضمت وجهة بشيلتهة(حجاب
طويل اهل كبل يسموه شيلة)بحركة خجل
زهرة:حجي ابنك بطولك واحفادك عيب،،،
مالك:خل يطيرون وشمسوي حلالي واتغزل
بيه،،،
سمرة:فدوة عموووو شنو هالحنية شكد
مر العمر وبعدك تشوف عمة زهرة بنفس
العين،،يمة الحب يمة،،،
مالك:ضحكت وكتلهة ان شاءالله الج قسمة
من هالحنية وغمزتلهة،،،،
سمرة:بداخلي يا بس لا عمي يدري احب
سجاد،،لا يثولة قابل شمدريه،،،بس هو صاير
يشمر بالحجي هواية خصوصا اذا سجاد موجود
اووووووووف ياسجاد وين انت هسة والله
مشتاقتله كوووووووومة،،،،
مالك:خيييير شنووو الشاغل بالج سمرة???
سمرة:رحت بغير عالم اوووووووف والله مشتاقتله
جنت احجي واشلع بالحشيش واشمر،،،،
ومداسمع عمي شيحجي،،،حسيت بنغزة
بخاصرتي كمزت،،خرب ببليسج حوراء ليش
هيج،،،،اباوع عليهة تضحك اندار الكه الكل
مبتسم بوجهي،،غمضت تك عين واباوع عليهم
شكلي جفصت بصوت عالي مو حوراء،،،،
حوراء:الصراحة مسمعنة بس اسم سجاد
والاوووووف،،،
سمرة:عززززززززة بعيني اذا صدك،جفلني
صوت عمي يحجي ويضحك،،
مالك:خيرج ياسمرتنة شبيج،،،
سمرة:لا عمي ماكو شي بس هاي جنتك
بس تضرب مدري شبيهة اباوع ع حوراء
واغمزلهة وهي تضحك،،،،،
ضرغام:جنة كاعدين وكل شوية علاوي يجيت
بحضن حور يلعب وياها وهي مندمجة وياه
يروح يركض ويجي يجيت اني اباوع عليهم
واضحك اجة جيت بحضنهة وجر الحجاب وياه
يريد يرفعه وهي تضحك وتكله عيب وميصير
يكلهة اليد بيبه(يعني يريد حليب)وهي
مدتفهم،وتلكه شنو وهو يجر بالحجاب اني
داصيحه جر الحجاب كشف جزء من ركبته وبداية
صدرهة ظليت صافن بعدين راسا بعدت
نظري عنهة وظليت استغفر واتعوذ من الشيطان
جانت عدهة شامات بارزة بركبتهة وصدرهة
طبعت ابالي بعد خو الشيطان تربعلي
وكعد بعد ما عنده واحد غيري،،،،
وهذا ابن الاوادم بعده مجلب ويجر بهدومهة
وهي الفطيرة تضحك وكاضيتهة ضحك
وادغدغ بعلاوي واني المنظر دغدغ ابو
المشاعر عندي،،،،صحت ع علاوي لك بابا
كافي ماعدهة حليبة،،،،
هي صارت طماطة الظاهر فهمت ابن المطي
شرايد همزين عتقه علاوي وركض
علية حاجيت امي،،،يمة الممة مال هذا ابن
المطي وين،،،،
زهرة:يااااا وليش ابن المطي،،،
ضرغام:لغاية في نفس ضرغام،،وضحكت
مالك:هاااا يا ابو الشباب خييييرك،،ونظرة
استفهام لان مراقبه هالايام يفهة كدام حور
صح واثق بأبني وادري بي شنوووو بس
ع كولت المثل الشيطان ما مات
والبنية ماشاءالله حلوة ومرتبة وتجذب واني
اخاف عليهة مهما تكون مأمنة ابيتي وبأهلي،،
ضرغام:حكيت راسي فشلت من ابوية عرفت
عنده غاية معروفة بنظرته،،،حجيت واني مدنج
اكطع بالحشيش لا يابة ماكو شي ان شاءالله،،
مالك:عرفته خجل ردت اغير الجو بشقه،،،
يمعودين البستان شجالك انت وبنت عمك وكعتوا
دك للحشيش خافوا الله بالحشيش،،،
الكل ضحك ورجعنة نسولف،،،،
اجانة مازن و وياه هالمشيطن سجاد اوووووف
هذا شالع كلبي،،،،
درت وجهي بثكل امه شافته رادت تركضله
اشرتلهة كعدي،،،رجعت كعدت،،،،
اجة بوسنة واستسمح من عدنة،،،،
سجاد:هاي هي يابة اني من ايدك هاي
لايدك هاي الي تأمر بيه اني حاضر،،،
مالك:شمعنى هسة لازم كلامي طلع صح
وانضربت بوري،،،
سجاد:دنجت وكمت اشلع بالحشيش هاي
هي بعد يابة انسى،،،،
حوراء:لج ياعوبة سدي حلكج وثكلي وقللي
ابتسامات ترى الولد ميحبون الذابة نفسهة
عليهم،،،،
حور:ضحكت ليش تحب سجاد،،،
سمرة:باع هاي كولي تعشقه متيمة بيه،،
مازن:خرب راح الثكل لك الحك عمي تعال
بنتك جريتهة من اذنهة المن تحبين وتعشكين
حوراء:مازن عيب منا عمي والولد خطية
ليسمعون،،،،،
مازن:خل يسمعون غير اعرف المن تحب،،،
مالك:خير مازن ليش هيج وية بت عمك،،،
حور:ردت اتلاحكلهم لان البنات سكتوا،،،عمو
سمرة تكول احب هذا المكان ودتشرح شلون
حلو ويريح النفسية وابو مرتضى سمعهة
تكول احبه وهيج فعباله دتحجي ع شخص
حسيت روحي صرت طماطة والحرارة
صعدت لراسي لان داحجي وكلهة تباوع علية
مازن:هااااا عبالي غير شي وكعدت،،،
حوراء:ليش هيج خطية خجلت البنية وبعدين
هي مو طفلة وهيج تتعامل وياها،،،
مازن:وانتي شكو ليش هيج ضايجة،،وهااااا
لا عبالج الموضوع مال تحب البستان عبر
بس هيج عبرته بمزاجي،،،
حوراء:لابلة قابل المن تحب،ودرت وجهي،،
مازن:سجاااااااااد،،
حوراء:انداريت شنوووو عود متفاجئة،،،
مازن:لابلة عود هسة انتي متفاجئة ودريتي
مني،،،خاب دطيري
حوراء:صدكني ما ادري هستوني سمعت منك
مازن:كولي وداعتك،،،
حوراء:اووووو مازن،،،
مازن:من اشتعلت عشيرته،،اكلج خل نطفر
للبيت نجيك وضع الطفل وغمزتلهة وخلي الجهال هنا حوراء:ياااا انت طالعة عينك فدنوب،،،
مازن:رحت يم امي،،حجية حبيبة ،،،
زهرة:خير يمة اشو عبالك دتجدي،،
مازن:هاااا هاي اني يلة مقبولة منج زهيرة،،،
بشرفج يمة بقي الجهال هنا بس شوية ناخذ
فرة بالبستان ونرجع واذا رجعتوا اخذيهم
وياج،،،،
زهرة:ضحكت فرة بالبستان مو،،،،
مازن:جن عينج طالعة حجية مو اكله لمالك،،،
طبعا احنة ميانة كلش وية امي بس الوالد
لا غير شي هو فارض هيبته خط احمر،،،
كمت اخذت حوراء ورحنة للبيت،،،
سمرة:لج حور هاي وين فلتت مو كالت فرة
بالبستان وين ولت،،،
حور:ضحكت وانتي شكووو وية رجلهة قابل
وحدهة،،،
سمرة:ياااا غير علمود جهالهة خطية،،،
حور:خطخاطة عود شكد خايفة عليهم كولي
جانت كل شوية تشمرج بحجاية علود
حبيب الكلبي سمع البلبل من يغرد،،،
سمرة:اووووف حور والله متدرين شكد احبه
صح هو الولد ولا يوم حجة وياية ولا بادر
بأي اشارة او تصرف خلاني احبه هي
محبتهة هيج غفل الله زرعهة بكلبي وحتى
لو بالمستقبل مصارت قسمة ماالومه لان هو
ماله ذنب اودخل بمشاعري اتجاهة،،،
حور:انقهرت ع سمرة مبين عليهة شكد تحبه
وشكد طيبة كلب والله متستاهل سجاد
اصلا هو وين وهي وين سجاد انسان طايش
مغرور ع الناس الي تحبه وتهتم بيه مبين
طبعه كتاب مفتوح الكل يكدر يقراه
وهذا بعيد عن الكلام والشكوة الي جانت
تشتكيه خالة زهرة منه تكول بنية من بغداد
لايفة ع عقله وخلته يكره بت عمه مع العلم
شكد طيبة ومحبوبة ومؤدبة،مرحة،تشاقى
وفوك كل هذا ع ساجيتهة والكل تحبهة،،،،
واتمنى احد يحاجيهة وتنساه لان راح تتأذه
اذا صدهة سواء هسة او بعد الزواج،،،
سمرة:وين رحتي،وغمزتلي هم حبيتي حور،،
حور:ضحكت من كل كلبي،،حبيت تدرين والله
ضحكتيني من كل كلبي،،،
ضرغام:علاوي جان يلعب قريب من البنات وكع
كمت علية دانفض هدومه وسمعت سمرة
تسأل حور عن الحب وهالسوالف
صار عندي فضول اعرف شراح تحجي ظليت لازم
علاوي وصافن وهمة بظهري الي يشوفني
يكول صافن ليكدام بس اني اذني كلهة
ع الوراية،،،،
سمرة:ليش تضحكين ترى سؤالي مابيه شي
مضحك،،عابتلج مو رومانسية،،،
حور:سمرة اني بيني وبين الفرح زعل حتى
لوفكرت بيوم احب فأكيد راح احب من طرف واحد
وبس لان مثل مكتلج اني والفرح متزاعلين،،،
سمرة:تحجي وهي صافنة هيج ماكو شي محدد
كبالهة بس تحس جبال من الحزن والهموم
متقيدة بيهن وهي لحد هسة شي مجهول
محد يعرف شنو همة ومشكلته ماعدا ابوية
وعمي اكيد،،حبي احجيلي اذا تحبين
بلكت ترتاحين،،،،
حور:نفضت همومي وضحكت خلينة متونسين
شلج بوجع الكلب انسي،،،،
سمرة:تدرين حور صح اني ما اعرف عنج شي
بس بالفترة الي تعرفت بيهة عليج عرفتج
انتي وحدة طيبة كلب وع نياتج ومحبوبة
والله لاتضحكين شوفي الجهال تكمز عليج
والجهال يحس بالانسان الطيب والحنين
اكثر من الانسان البالغ لان كم المشاعر الايجابية
والسلبية بتصنع او بدون تصنع الطفل يحس
بيهة يعني يعرف اذا هذا يحبه من صدك او لا
وشوفي علاوي شلون يأمن بيج ويشمر
روحه بحضنج وينام عادي هذا اكبر دليل ان
انتي محبوبة الجماهير لان سبحان الله
علاوي عكس كل الجهال ميرتاح لاي بشر
هيج كبل الا يحبه ويميله هذي الخصلة اخذهة
من ابوه،،،
حور:ضحكت لج انتي مستقبلج اخصائية
نفسية وخبيرة اجتماعية،،،
سمرة:اي ظلي ضحكي وصنفي بس هذا كله
ميخفي الي بداخلج بالعكس،،ونصيحة حبي
احجي لاتظلين هيج كتومة لان تتأذين والله
وتتمرضين،،،
حور:الله كريم،،جيت علية علاوي من ورة
و شمر روحه بحضني،،،،حبيبي كام يفرك
بعينه،،ياروحي نعسان،،،كام يهز براسه
ويفرك بعينه،،جريته تعال خليته بحضني وحاوطته
بأيدناتي وظليت اغنيله اغاني مال اطفال بصوت
ناصي وهو ظل يلعب بطارف الحجاب وخلة
ايده بصدري واني عفته لان الحجاب نازل
ممبين ايده وين،،،،،،
لكن حور كل ظنهة محد معلق ناظره عليهة،،،
وما انتبهت ع العيون الي سارقة النظرات
والي عارفة بأدق التفاصيل،،،
هنا ضرغام دخل بدوامه هل ياترى هو حب
حور لو مجرد حالة عطف عليهة والي صار
وياها،،لان هو هم بدوره تذكر رقية والظلم
الي جرة عليهة،،،،ضاع بين كم المشاعر
الي واجهة تركهة للايام هي كفيلة ان
توضح كلشي،،،،،
صار وكت الغروب واشتغلت الانارة داخل
البستان صار الجو كلش حلو بدت عائلة مالك
تحضر العشة جابوا الولد المنقلة وبدوا يحضرون
للشوي والبنات بدن يحضرن السفرة واحتياجاتهة
ومالك دخل لبيت الفلاح الي معتني بالبستان
واستأذنة يجي يشارك هو وعائلته بالبداية
رفض بس بعد اصرار مالك توجهة للسفرة
هو والاهل وشرف مازن وحوراء وحصلوا
كم تصجيمة ع مو كلت بس نتمشى ونرجع،،
والتموا ع العشة وضحك وسوالف حلوة ويا
محلاها اللمة الطيبة والنفس الحلوة الي
تفكر تشارك الكل بفرحهة قبل حزنهة،،،،،،
خلصت هاللمة الحلوة والكل بدة يلملم الغراض
حتى يستعدون الرحيل كلمن لبيته وغرفته
كلمن صعد سيارته وتوجه للبيت وسمرة صعدت
وية مازن وحوراء وجان وياهم سجاد حتى
يوصلون سمرة لبيتهة واكيد الرحلة مخلت من
الشقى والضحك ومازن بكل جهد حاول يبرز
محاسن سمرة وايجابياتهة كدام سجاد
وطبعا هو ملاحظ هذا الشي لان يعرف كلهة
مأيدة زواجه من سمرة،،
اما الباقي ضرغام وامه وابوه وعلاوي وحور
رجعوا بسيارة ضرغام،،هنا خلصت الامسية
الحلوة بدون مشاكل وصلوا للبيت وكلمن توجه
لغرفته الا علاوي لح الاينام يم حور،،،
حور:عادي خليه،،،،
ضرغام:يضوجج والله حرك كلش بنومته ومترتاحين
حور:عادي والله شبيك،،بس بعدين كلت عيب
اخاف هو ميريده ينام يمي اوشي حقه
شلون اظل الح،،كعدت يم علاوي بالكاع،،،
حبيبي،،شو باوع علية،،ميباوع عود زعلان
امممممم ماشي يلة لعد روح اني هم زعلت
مدام هيج متقبل تحاجيني،،،،
رفعلي راسه كام حظني اليد انام انانة(اريد انام
هنانة)واشر ع صدري اني كلش انقهرت
ودمعت عيني اي نام يم بابا( انانة)واشرت
ع صدر علاوي،،،
لا انتي،،باوعت ع ضرغام،،كتله مديقبل،،،
ضرغام:جنت صافن عليهة من تحجي بس الله
وكيلكم شتحجي ما ادري هاي البنية خبلتني
النوب باوعت علية وحجت،،كتله هااااا،،
حور:بدموع ميقبل خل ينام يمي والله ما اخلي
يخطي باب الغرفة،،،
ضرغام:باع هاي عبالهة خايف ع علاوي منهة
حور ترى اني مخايف علية منج بالعكس
بس علمودج الله شاهد،،،
حور:ضحكت الله يسلم مودك،،عوفه لعد،،،
خرب ان نسيت نفسي انطلقت وياه بالحجي،،
ضرغام:فدوة لله من تخجل كبل كلوب الحماوة
يشتغل،،ضحكت ماشي يلة تصبحون ع خير،،
انت لك دوني تعال ع الاقل انطيني بوسة،،
علاوي كام يكمز وركض لحضنهة وعافني
اصيحه يندار يعيبلي بلسانه ويضم راسه
بركبتهة،،ضحكت وبداخلي اسب علاوي والي
خلفة ع هالدكة،،،
عفتهم ورحت لغرفتي داخل صاحني ابوية
كلت هاي هي محاضرة اكيد شافني يم باب
حور،،،
مالك:ضحكت مدامك تعرف الي راح اكوله
ليش تسويه،،،
ضرغام:وداعتك يابة مرايح ع شي داخذ علاوي
وجلب بيهة،،،
مالك:اي هذاك الدوني مدري عليمن هيج
متعلق بيهة واباوعله،،،
ضرغام:فركت لحيتي اي والله يابة،،واني ادري
عليمن يقصد،،
مالك:ابني اني اعرفك انت شنو والبنية هم الله
شاهد لليوم مشفت شي عليهة فيا ابني
خطية لاتتقرب الهة زيادة لان متعرف مصير
البنية شنوو والبنية طيبة كلب و حنينة
اخاف باجر عكبة تفهم علاوي وسيلة تقرب
منهة اوشي او تفهمة تصرف ثاني يرخصه
بسبب الي صار وياها خلي هالشغلات ابالك
والا اني من انصحك مو خوف منك او منهة لا
والله بس المشاعر يا ابني تجرفنه بسرعة
وبالنسبة الهة مصيرهة مو واضح حتى نقلل
من االاضرار بمشاعر الطرفين ناخذ البعد افضل
وسيلة،،،،
ضرغام:صار يابة تأمر وانت اصلا كلامك كله
صح والظاهر ان اني صدك انجرفت بدون ما
احس واني ايد مو غايتي امسهة بشي
كمت لابوية الله يحفظك النة ويديمك بدونك
نحير والله،،،
مالك:الله يحفظكم وينور طريقكم يابة،ضحكت
هسة ذاك نام مو،،،
ضرغام:ضحكت اكيد مشفته العصر شلون
استرخى،،،يلة يابة تصبح ع خير،،
مالك:تلاكي الخير ابني،،،،
خلصت هالليلة والكل يحس براحة وبدون
توتر وقلق،،،،
لكن الي معرفوه العيون الي ترصدتهم او بالاخص
ترصدت حور وكانت عازمة ان تكشف قصتهة
وتوصل اخبارهة لبغداد،،،،
الووووو،،اي نعم متأكدة واذا تحب بس روح
اسأل بمستشفى.....العام عن دكتور ماجد
وشوفه البنية الي بالصورة الي دزيتهة
وكله ع اسمهة وخابرني مناك واني اقوم
بالازم،،،،،لا لاتحجي بالعنوان،،افضل لان
كلشي يروح ع الخالي بلاش،،انت مو تريد
تفضحه وتخرب سمعته هو وابنه،،،،هاي
هي خلص لعد سوي الي كتلك علية والباقي
ما الك دخل بية،،،الله وياك،،،،
ههه هين يا مالك اذا ما راويتك حسنة بنت
جابر شتسوي اني وياك والزمن طويل كل ظنك
تعبر وهاي هي،،،،،،
ابو وردة:خلص باباتي لاتنقهرين هسة كلشي
راح ينكشف العالم الي جانت تحسبلهم
الف حساب هو و ولده الا اخلي سيرته
ع كل السان لعد اني قاسم الاحمدي هيج
يسوي وياية يجيبلي ساق..ة من الشارع
ويساويهة ابنتي بسيطة هين يامالك،،،،
وردة:بابا حبيبي اريدلك تاخذلي حقي من كل
واحد بذاك البيت متصور شلون جانوا يعاملوني
حسرة اذا حجيت كلمة كلهة توكف ضدي
وبالوقت الي شفت زوجي راح يضيع من
ايدي بسبب هاي القذرة كلهم وكفوا بوجهي
وطبكوا وياها اولهم ضرغام،،،،
ابو وردة:هين ياحبيبة ابوج الا اخليهم يحفون
وميطولوج روحي ارتاحي ولا يظل بالج
يلة اني طالع محتاجة شي حبيبي،،
وردة:لا بابا تسلم،،،
ابو وردة:ماشي بستهة وطلعت،دزيت ع ثنين
من الحماية مالتي امن بيهم كلش حسن واحمد،،،صعدوا وياية،،شوفوا يولد رايدكم بشغلة كون الجني الازرك ميعرف شلون صارت وطشت
احمد&حسن:آمر استاذ احنة من ايدك هاي
لايدك هاي،،،،
ابو وردة:ماشي بس يطر الفجر بوجهكم
لبغداد لمستشفى...العام وتسألون ع
دكتور اسمه ماجد جاسم النجار تراوي هاي
الصورة هاي البنية اسمهة حور تبلغوا
بأسمهة فقط اي عنوان او منو وشلون متحجون
حرف وانطوا هذا الرقم وكولوله اي
معلومة رايد يعرفهة عن صاحبة الصورة
يتصل بهذا الرقم وما اوصيكم بعد ما اريد
اي كائن يعرف منو انتو ومنو دازكم بس
تبلغوه وتذوبون مثل فص الملح بوجهكم
ترجعون للبصرة ماشي،،،،
حسن&احمد:اعتبره تم،،،من رخصتك،،،
طبعا قاسم ابو وردة جان صحبة هو ومالك
وقاسم من اهل بغداد ومالك من البصرة
تعرض قاسم لمشاكل مما اضطره ان
يترك بغداد ومالك عرض عليه يستقر للبصرة
وهو يساعده وبالفعل انتقل انتقل قاسم
للبصرة واستقر بيهة وساعده مالك بمبلغ من
المال حتى يوسع شغله ويوكف ع حيله مرة
ثانية،،وبذاك الوكت عرض قاسم ع مالك
ان يزوج بنته لضرغام بحجة ان ميأمن ع وحيدته
غير ابيت صاحبه واخوه،،،،،
وكبرت تجارة قاسم وع غفلة صار
يملك اموال وسيارات و تغيرت كل حياته
مالك بوقته خاف علية من ان يكون داخل بتجارة
حرام او غلط فحجة وياه وقاسم بوقته انتفض
وضاج ان شلون يحاسبه ويحاجيه هيج
وان كلامه كان نابع من الشعور بالغيرة
من قاسم شلون كبر وصار معروف والملايين
تمطر عليه ومالك مثل ماهو حاله باقي
وصارت فجوة بين الاثنين من ذاك الوقت وكبرت
وصار حقد داخل قاسم تجاه مالك لمن حان يشوف
الناس شلون تحبه وتوده وتريد خاطره حتى
بعد ما ترك المشيخة وتنازل عنهة ،،،
رشح قاسم نفسه بذاك الوقت لمنصب رئيس
مجلس محافظة وانصدم برد الناس ان طلبوا
من مالك ان يشارك ولكن بسبب كثرة مسؤليات
المنصب ومالك جانت صحته تعبانة قرر ان ميشارك
واعتذر من الناس وهذا الشي خلة قاسم
يتغير 180درجة وحاول حتى يخلق مشاكل
في سبيل بنته تترك ضرغام لكن هذا الشي
مصار الى ان تحقق مراده بعد سنين واخذ
بنته وظل يبحث عن فجوة يدخل بيهة
لحياة مالك ويحطمه الى ان سمع بنته
تشكي من بينة غريبة دخلت لبيت مالك وجان
شكهة ان هاي البنية تخص ضرغام
فظل قاسم يسأل ويطقس وحالفه الحظ ولكه
حليف اله يشاركه مأمرته ويوكع مالك
من صرحه ..............
............... ................ .........
في بغداد،،،
تغريد:استهدي بالرحمن عيوني انت اذا صار
بصحتك شي منو اليخسر غيري حبيبي انت
بس هدء اعصابك،،،
سعد:لج شلون اهدة وذيج الفاجرة بعدهة
تشم الهوى،،هسة خل بس تحجي تواجهني
تسولفلي شلون نطاها كلبهة هيج تكسر بيه
وملكت غير هذا الوصخ المهتلف شراب العرك
الي جان يتمنى بس حجاية مني هسة صرت
اني حجاية بحلكه،ويومية لازمني ويجر
بهالفلوس بلة شنو افضحك خل يفضح
بس خل الزمهة والله لخليهة فرجة وعبر لمن
يعتبر،،،
تغريد:يمعود سعد ع بختك منا المنطقة.....
سعد:بصياح العن ابو المنطقة لابو اليكعد
بيهة لج هو بعد صخام وجهي هم اكدر ابقى
بالمنطقة،،،،،
حسام:السلام عليكم ،،،
تغريد:هلة حبيبي وعليكم السلام،،،
حسام:عمي اني حجيت هسة وية المرة
وكالت بتكم موجودة و....
سعد:جنت كاعد دخل حسام وسلم بس كال
لكيت حور طفرت علية لزمته من ياخته
لك احجي وينهة احجي،،،
تغريد:شوووو وخر شبيك تخبلت هد ابني
سعد:لج والله مظل عقل براسي لك حسام وينهة
حسام:بالبصرة،،،،
سعد&تغريد:شنوووووووو???
سعد:لك هاي شوداهة للبصرة،،ثارت اعصابي
كامت الافكار السودة تكمز براسي
هي وين والبصرة وين شلون ومنو الي وداها
وهي بطرك روحهة والهدوم الي عليهة
وبهالوكت من سابع المستحيلات احد يساعد
لله بالله لازم بمقابل،،،،
تغريد:لك عيني فدوة اهدأ راح يصير بيك شي
سعد:لج لك مني شكد جنتي تنصحيني
وتكليلي كل لهذا لمصلحتهة واني اثول شلون
امنت بهيج وحدة ولو مو جديدة امهة منو،،
ماشي هين ياحور،،،
تغريد:وين رايح????
سعد:وين يعني،،اروح لبنت .....اجيبهة
كبل لتنهزم مرة ثانية،،،،
حسام:لحظة عمي اجي وياك،،،
سعد:لا ابني خليك يم امك،،،
حسام:امي ماعليهة شي انتظرني بس
ابدل واجيك،،،،
تغريد:لحكت حسام لغرفته،،،يمعود
كافي حسام عوفهة خل تولي وحتى
عمك هم يشيلهة من باله لك ابني اني خايفة
عليك لتروح تثبت عليك التهمة بيوم من الايام،،،
حسام:ما اعوفهة لو يبقى اخر يوم بعمري
وبعدين شتثبت اني وانتي نعرف حور كلش زين
فطيرة وما ادبر هيج سوالف،،،واني
عندي خطة اخرس بيهة عمي سعد حتى لتكبر
السالفة وننكشف ماشي،،بست راسهة
لايظل بالج،،،عفتهة وطلعت يلة عمي خل
نتوكل،،طلعنة جانت توهة بدت تغرب،،،،
ظليت ع تواصل بالتليفون وية المرة الي
تندل مكان حور اسمهة حسنة وشكي الاول
بالدكتورة والولد الي وياها جان ابمحله
وان حور ابيتهم هنا الدم فار براسي ومظل
عقل بالراس،،،،،اني من نوع شخصيتي انانية
احب التملك الشي الي تصير عيني عليه
لازم يصير الي تحت اي ظرف وهذي الحالة
تنطبق ع حور هاي هي بعد صارت شي
تابع الي سواء بطريقة صح او غلط
برضاتهة او بدون،،،،،،،،
يتبببببببببببببببببببببببببببع💖💖💖