رواية السجينة الفصل السادس 6 - بقلم شـــروق الــسامــرائي

#السجينة💔💔💔
الجزء السادس......
البصرة،،،
مالك:ابو فلاح متأكد من الحجي،،،
ابو فلاح:صدكني حجي كل الحجي الي
سمعته من الاوادم جي اخبرك بيه بالحرف،،،
مالك:استغفرالله،هاي وين جانت مضمومة،،
ابو فلاح:حجي ولو مو من حقي اسأل بس
هي مو نفسهة البنية الي جتي وياكم قبل كم
يوم للبستان???
مالك:اي يا ابو فلاح هي،،،،
ابو فلاح:الله يستر عليهة،،والله مبينة خوش
بنية الله يستر عليهة ويجفيهة شر بنيادم،،،
يلة حجي من رخصتك جيت بس ابلغك الي
صار،،،،
مالك:تسلن ابو فلاح مقصرت رحم الله والديك،،
رجعت للبيت والطريق كله افكر شلون
راح اكدر اثبت للناس سالفة هالمسكينة
وشلون الناس درت بيهة،،،استغفرالله
ولاخول ولا قوة الا بالله،،اللهم لانسئلك
رد القضاء لكن نسئلك اللطف فيه،،ياربي
الطف بحال هالمسكينة،،،،
وصلت للبيت جانوا منتظريني ع العشة،،،
طبيت شفته كاعدة وتضحك وية البنات
ذبيت حسرة عليهة شراح يكون مصيرهة،،
زهرة:خيرك ابو ضرغام مو ع بعضك شصاير،،،
ضرغام:جنة كلنة كاعدين بينة الي يسولف
والي ملتهي بتليفونه والجهال ع الكارتون
طب ابوية وسلم وكعد سمعت امي تحاجي
وهو جرة حسرة بتعب انتبهنة كلنة علية
لان مثل الي جان متقصد يلفت انتباه الكل،،،
مازن:خير يابة شصاير وياك،،،
مالك:رفعت راسي وباوعت لحور،،،
بنتي سامحيني ما كدرت الكيلج حل وملحكت
اتصرف بشي،،بهالاثناء دخل اخوية كمال
وعائلته بس شكله جان كلش قلق،،،
كمال:جنت طالع كالعادة بالديوان وصار
حجي مسني ومس اخوية مالك وبيته بالاخص
تخبلت وصارت مشداة كلامية بالبداية
لان الحجي جان ع ان مالك ابن حجي زامل
الي جانت كل الناس تحلف بيه وبراسه
ملفي بنية موخوش زانية ومنهزمة من اهلهة،،
وناس تكول لا واحد من ولده مقشمرهة
وذابهة وهي سائلة ومندلة مكانه وجتي
اطالب بحقهة،،،
ورأي ثالث ع لا ابنه الجبير ضرغام مزوجه
بالسر وراد يتخلص منهة بس طلعت حامل
وسكتت الكل كومة حجي وكومة اتهامات
والاسوء من كل هذا طاش حجي ع ان
اهل البنية اندلوا مكانهة وجايين لبيت مالك
الزامل والناس كلهة متحضرة تشهد
السالفة من اولهة لاخرهة،،،لكن الحمدلله
اكو فئة تخاف الله وتعرف اخوية زين واهل بيته
كالوا كله كذب سنين عشنة وياهم وطبينة بيتهم
مسمعنة منهم الشينة،،بس المنافقين هواية،،،،
المهم طلعت بوجهي للبيت واخذت عائلتي
وحتى ولدي وعوائلهم ورحت لبيت اخوية
اوكف وياه بمحنته لان الجاي صعب
والعلم عندالله،،،،،وحسبت احساب اخاف
صدك احد من اهلهة جاي ع الاقل حتى ميكون
وحده هو و ولده وصيت ولدي كلمن سلاحه
وياه،،،وطلعت بوجهي ع العمام وعدهم خبر
مسبق بالي صار وطلبت الفزعة لاخوية
اخاف صدك احد جاي،،،،
كمال:خوية لاتشيل هم كلنة وياك وشيخ
كامل كال خل يفوت وهو مغمض ماعدنه
شك بيه ولا بولده قدر شعرة،،،
ضرغام فزع من مكانه هو ومازن،،،
خير عمي شجاي يصير???
كمال:والله يابعد عمك مصيبة وكعت ع راسنة
حجي طش بالديرة كلهة ع ابوك وقصة حور
والف تأليف وتأليف صار بيهة،،،،
الكل انتفض مفزوع بالي سمعوه والمسكينة
حور اخرست بمكانهة وعرفت حجي العالم
الي يكسر الظهر مخافت المسكينة ع روحهة
خافت ع هالرجال وعائلته شنو من كلام حصلوا
بسببهة،،،،
ضرغام:عمي الله يخليك وحدة،،وحدة خل نفهم
وقصلهم كمال الي بحذافيره والكل انصدم
بالاحداث الي توالت ع روسهم،،،
اما بالنسبة لحور شكد جانت تتوقع نفسهة
ان هي قوية وميهمة اذا رجعت لابوهة ولحسام
لكن بلحظة الحقيقة لا طلع كله وهم
متملك ذرة من الشجاعة سرت مشاعر
الخوف بجسمهة وتغلغت احشائهة اتمنت
يجي احد يطمنهة ويكلهة لا تخافين محد يكدر
يوصلج لكن هي اول الناس تعرف ممسموح
لاي بشر يدخل وترجع برضاتهة او غصب
عنهة،،،،
حور:بعد الي سمعته شكد تمنيت الانتحار
بس مكدرت ضعت بالدنيا وهم اضيع الاخرة
دخيلك ربي ساعدني،،ربي تدري بيه مظلومة
ليش كل هذا ديصير وياية،،،،،
هنا الكل عرف بقصة حور من الجبير للصغير
والكل حار بموقفه انسانة بريئة راح تروح
بالرجلين ومحد كادر يقدم شي ويساعدهة،،
من بين كل هالضجة والافكار المتناقضة
انتفض ضرغام و وكف بوجه ابوه يابة بس
كلي روح واني احلهة واخلصك من كل هذا
مالك:بوية اخاف عليك وبعدين السالفة تكبر
ضرغام:بس احنة دنحجي ع شخص بريء
ممكن ينخذ ظلم،،،
مالك:ما ادري يا ابني ما ادري عقلي
وكف حاير بيهة وبالحجي الي دار وخايف
عليكم،،،،
كمال:شنو الي ابالك عمي ضرغام???
ضرغام:هسة اخذ حور ومحد يكدر يندلهة
واشوفلي وسيلة اكشف بيهة برائتهة،،،
كمال:لا بعد عمك هذا تهور اولا ما عندك
شي تبدي بيه وتثبت براءة البنية،،،
وثاني شي اكو ناس شاهدة ان حانت بنية
غريبة تسكن هنا،،شلون راح يتفسر
غيابهة وية غيابك والعالم شايفتك موجود
خلال النهار،،،
مازن:منو الي يعرف بحور???
كمال:لاتنسى ابني مرت اخوك واهلهة
ومشكلتهم جانت اساسهة حور،،،
مالك:اي يا ولد كلام عمكم صحيح ما النة حل
غير ننتظر الجاي،،،
ضرغام:بس يابة....
مالك:ادري يا ابني والله ادري هسة شتدري
بيه بايع البنية اني بالعكس جنت اتمنى الكي
حل واخلصهة،،،،،
مالك:جنة كاعدين ونتناقش سمعت صوت
صاح بأسمي لو اموت ما انساه،،هي نفس
صوتهة القبيح بعده،،،،
حسنة:هاااااا يامالك الزامل شفت الدنيا
من ادور بالبنيادم،،،،
كمت لحيلي والكل صافن منو هاي طبعا
حسنة محد يعرفهة بس اني واخوية وزهرة،،،،
حسنة قصتهة تبدي بحياة ابوية زامل وجدي
مختار الله يرحمهم،،،،،،،،،
جانت امهة تشتغل وية البدو الرحالة
تفتر ع النسوان تاخذخير وفال جانت24ساعة
تفتر هي والعليجة مالتهة(حقيبة من القماش
جانوا اهل كبل يطلقون عليهة هاي التسمية)
وتفتر ع النسوان وجانت حسنة صغيرة
تفتر وية امهة،،،،
جانت ديرتنة بيهة خير من الله بساتين وحلال
اكثرهة جان تابع لابوية وجدي الله يرحمهم
واحنة العمام و ولد العم ديرة وحدة
بوكتهة خيرية ام حسنة شافت الديرة
اصرفلهة من الفر يومية بمكان فأستقرت
يمنة ويومية ابيت تجيك ياهو البيت المتمكن
جان اكو ناس عادي يستقبلوهة ويأمنون بيهة
واكو لا يطردوهة،،،،،،
الى ان بيوم رسمت ع بيتنة من سمعت
بفضل الله علينة واملاكنة بس جدي بوكته
وصى ابوية من عدهة لان صارت معروفة
بالديرة وابوية بدوره وصى امي منهة،،،،
زهرة جانت طفلة بوكتهة وهي تصير بنت
عمتي جانت تطلع تلعب وية الجهال بعدما
ايست من دخلة البيت قررت تاخذ بنت عمتي
وتساوم جدي عليهة،،،،
اني بوكتهة جان عمري 20وزهرة عمره
10سنين وحسنة بنت خيرية عمرهة16
جانت اية من الجمال ومدكدة حنجهة وتلف راسهة
بشيلة كلهة ليلو مال الغجر وتفل شعرهة
جان كل طويل واسود ظلت تلاحكني
وين ما اروح تطلع بوجهي وادور حجج وتحجي
وياية واكثر من مرة جدي عاقبني من
يسمع حاجي وياها واني جنت ما انطيهة
مجال ما انكر هي حلوة وجانت كلش عاجبتني
بس خوفي من ابوية وجدي يمنعني ومرة
من المرات جنت بالبستان مالنة اشتغل
وجان اكو بيت صغير خالي للفلح يرتاحون
بيه وبيوم ظهرية دخلت ارتاح شوية انفتحت
الباب ودخلت حسنة حاولت اطردهة بس ماكو
جلبت من شفتهة شلون مرخصة نفسهة
كل جمالهة طاح من عيني ضربتهة راشدي
اذيتهة بيه ودفعته برة اشو هاي كامت
تصارخ وتلطم وشككت اهدومهة وكفشت
شعرهة اني تخبلت هاي شدسوي ورة
ما التمت العالم طخت عندي جانت ناصبتلي
فخ حتى توكعني وذاك الوكت غصب ع شيب
الخلفوني ازوجهة بس اني وين نمت فوكاها
ملختهة الى ان سمعت صوت جدي عاط
كمت لحيلي وبزكتهة صار اشكال الحجي
علية وابوية تخبل وغضب علية وممصدك ان
اني ماعندي شي لان كم مرة شافني اباوعلهة
وجنت اوكف وياها،،،،
ورة هاي الحادثة بأيام انخطفت زهرة
وكلبنة الدنيا عليهة ماكو فص ملح وذاب
ورة10ايام دزت خيرية ناس ع جدي وساومته
ع فلوس مقابل حياة زهرة وجدي استسلم
كلنة انصدمنة جدي شلون رضخ الهة بسرعة
وهو متعبر عليه سالفة طلعت هي الغشيمة
عبرت عليهة ونست مختار منوووو
وبالفعل عن طريق ناس عرفنة موعد التسليم
وجدي طلع داهية مقشمر الناس الي جانت
ادزهم بفلوس وكم ذهباية وخاطفيلة بتهة
حسنة جدي سلمهة لنسوانة كتلوهة كتلو
معدلة واعترفت اني مطاخهة ودز جدي
ع القابلة وفحصتهة وطلعت كدام العالم
وكالت ان هي باكر وكدام العلن جدي
دز تهديد لامهة خيرية زهرة مقابل بتهة
وان يكون تسليمهم علني كدام اهل الديرة
وبالفعل جتي خيرية و وياها زهرة
وناس طالبت ان تتحاكم لان باكت هواية عالم
وجدي بوكتهة جان الشيخ فصدر بحقهة
عقوبة الشرع وهي ان ينقطع كفهة وهي تخبلت
وظلت تسب وتغلط وجرت مسدس من جنطتهة
وراد تضرب جدي والحمدلله واحد من زلم
الشيخ تلاحك وكبل حط طلقة براسهة
بتهة تخبلت وظلت تهدد ان تاخذ بثار امهة
لكن الي صار من وفاة امهة هي اختفت،،،
الى ان ظهرت هسة فجاءة،،،،،،
.... ........ ........ ......... .............
عودة للوقت الحالي،،،،
مالك:هااااال يا حسنة شنووو الي
ذكرج بينة بعد هالمدة??????
حسنة:لااااااا يا( هالك )هذا جان لقبهة لمالك
من ماتت امهة كلتله ان هالك وهلاكك ع ايدي،،
لاااااا ياهالك مو هاي المرجية منك لا عبالك
اني ناسيتك لاااااا ترى كل عثرة جنت
تعثرهة اني السبب بيهة،،،،
مالك:ضحكت بس شفتي شلون ربج كل
عثراتج الي تحجين بيهة الحمدلله الله من عالي
سماه نجاني منهة،،،،،
زهرة:انتي منووو سمحلج تفوتين،،،،
حسنة:ههههههههه ضحكت بصوت عالي
سواهة هالك واخذج يلة،،المهم اني جاية
و وياية ضيوف يخصون ضيوفك،،،،
حور:هنا وكف كلبي عرفت الي جاي
قاصدني،،،،
مالك:حجيةمن رخصتج اخذي البنات وحور
هم،،،،،،
اي وهسة منو ذولة ضيوفج بلة،،واني اعرف ان
اهل حور الي جايين،،،
حسنة:تفضل سعد تفضل حسام،،،،
حسام:دخلت وعيوني ادورهة بس ماكو مموجودة
شفت بس الشفية اي هو ما انساه
ابن اخت الدكتورة ضرغام،،،
دخلت بكل هدوء سلمت وسبق و وصيت
عمي ان ميتهور ويصير اعصاب ويغلط
بحقهم وتنقلب الموازين علينة لان همة عشاير
ومن نطب بكل هدوء نطالب ابتنة مراح اكبر
شيخ يكدر يعترض ام اذا تعاركت وهددت
راح تبقى عدهم وتصير الطلابة طلابتين،،،،
والحمدلله عمي كعد بس مبين علية بالكوة ضابط
اعصابه،،،،،
اجة الرجال صاحب البيت سلم وطلب منة
نكعد وضيفنة ومبين كلش حذر بالتعامل
ويانة وهم رجعت ذكرت عمي بالي وصيته
عليه وبدة الحجي بالبداية هدوء وعادي
وراهة كب مصايح،،،،
سعد:حجي كلشي مرايد منك بس انطوني بتي،،،
مالك:حاولت بكل الطرق ان اهدي وان
ميأذي البنية قبل ميفهم بس ماكو فايدة
وبعد مرور وقت حضر الشيخ كامل ابن عمي
وياه ولد عمامي وصارت كعدة والي
ربطني للاخير ان ابن زوجة ابوهة حسام
كدام الكل طلب ايدهة من ابوهة وان هو
قابل يستر عليهة،،،،،
حسام:شفت عمي سعد حامي فدنوب كلت
مابيه مجال هذا يذبحهة بس يلمحهة الصراحة
صعبت علية وهاي اول مرة افكر بيهة من صار
الي صار لحد هالوقت ما ادري بوقتهة ليش
حسيت لازم احميهة من ابوهة،،،
حسام:من رخصتكم،،،،
الشيخ كامل:تفضل ابني،،،
حسام:اني عندي حل يرضي جميع الاطراف
اني من بعد رخصتكم ورخصة عمي سعد
اكيد اني اخذ البنية ع سنة الله ورسوله
هي صح غلطت واحنة رابين سوة واعرفه
بنية فطيرة وع نياتهة واكيد الولد مقشمرهة
بكلامه المعسول وجارهة عن الطريق،،،
سعد:ظليت صافن هذا شديحجي شيخربط،،،
لك بابا انت شدتحجي وراك ام واهل
شلون هيج من راسك تصرف،،،
حسام:عمي اني رجال مو طفل حتى انتظر
شور احد هاي شغلة،،والشغلة الثانية
اني احبك واعزك معزة اب ما اتحمل اشوفك
تغلط وتعيش عمرك كله ندمان،،،،
سعد:وليش اندم هسة وكل الكاعدين كلهم
يدرون هيج غلطة شنو عقوبتهة انداريت
ع الكاعدين صح لو اني غلطان،،،
الشيخ كامل:لا خوية محشوم،،لكن شغلة
ثانية تشفع ان البنية طفلة واحتمال جبير
تكون الشغلة بالغصب حتى وان كانت عدهة
علاقة بالشخص ال حجيتوا عنه لان
حسب تقرير المستشفى ان الطفلة واصلة
للموت واني بيوم جتي وشفتهة كل الي
جان بيهة يأكد الي صار بأجبار وكره وصار
بكل عنف واساليب التعذيب فيا اخي
كل هاي الامور تشفع ومدام الولد تبرع
وهذا اكيد من طيب اصله وغيرته عليهة
قبل يستر عليهة ويزوجهة فليش انت رافض
ومصر تهدر دمهة????
حسام:بعد جدال طويل عريض بالاخير
اقتنع عمي سعد لكن بشروط،،،،
سعد:ماشي موافق بس متوصلني وتشوفني
شكلهة وتنسى عدهة اب اصلا واما بالنسبة
الك انت هم لا تحاول بيوم تجمعني وياها
وانت لخاطر العشرة مراح اخذك بأثمهة
بس راح اظل شايل بكلبي عليك لان حرمتني
من الشي الي جنت اتمناه اول ما المحهة
وراها كمت ولهنا وخلص بعد لا اعرفك
ولا جان عندي بيوم بنية اصلا،،،،
مالك:وين يا ابني اكعد استهدي بالرحمن
بعدين الدنيا ليل وين راح انتي ضيفي
والبصرة كلهة اذا مكفتك اشيلك بعيوني،،،
سعد:لا سالم متقصر بس ما اكدر اكعد
بمكان وثنينة نجر نفس الهوى وتحرم علية
شوفتهة من هاللحظة وطلعت كبل حتى
منطيت مجال لاي احد يحجي،،،،
ضرغام:طلعت فاير مكدرت اتحمل صعدت
لغرفتي مخليت شي صاحي كسرت الدنيا
حتى الكنتور كسرت بابه والمري الي بيه،،
لكم شلون اسلمهة لهالكلب لكم يا ناس احسهة
صارت جزء مني،،،
شجاها عيوني تعشك دونه متشوف
وشجاني تعلقت من غير صدفه
غريب أحساسي بيك تولعت ليش
شعور بداخلي ما أكدر أوصفه
الكلب يهواك عاشك حد الجنون.
شيقنع الكلب والعقل مايصفه.
ياأول حبيب أختارته الروح.
وياأجمل غرام وأحلى صدفه
مومألوف حبي أدري اني وياك.
بس عندي قناعه وياك أصفه
المهم اني عشكتك وانتهى الموضوع...
بيك أحساسي بارد رايد أدفه.💔💔

زهرة:لك يمة بس افتح شجرالك،،،،
يمة حوراء دكي ع مازن خلي يجي
يشوف شلون بهذا،،،،
مازن:جنت كاعد ودكت حوراء رفضتهة وطبيت
للبيت،،،خير يعني متشوفين الامة ملتمة،،،
حوراء:فدوة مازن الحك لضرغام مدري شبيه
هجم الغرفة علية هجم،،عمتي تتوسل وماكو
فايدة،،،
مازن:هذا شبيه هسة جانة فلة كاعد وساكت
خل اصعد اشوف شبيه،،،،،
صعدت لكيت امي كاعدة بالممر،،،،
ليش هيج كاعدة حبيبة???
زهرة:يمة هذا اخوك تخبل مخلة شي صاحي
والنوب هسة خنس مديجاوب اخاف
صار بيه شي،،،
مازن:اطمني بلكت يسمعني،،،،
خوية ضرغام افتح خل احاجيك،،،
ضرغام:مازن ماكو شي اخذ امي وانزل هسة
نازل وراكم،،،،
مازن:ضرغام خلي امي بس تطمن مو انشلع
كلبهة وبس تبجي خايفة عليك،،،،
ضرغام:يمة حبيبة مابية شي والله بس معصب
شوية اطمني ماكو شي،،،
زهرة:يمة اشلون اتطمن وانت حابس روحك
وغادي نار جمرة،،،
ضرغام:متحملت اسمعهة تبجي فتحت الباب
وبست راسهة سامحيني يالغالية بس
والله جنت كلش عصبي ومردت اغلط بحق
احد واني بساعة عصبية،،،،
زهرة:هاي هي حبيبي مدام شفتك مابيك
شي وارتاحيت،يلة ابني غسل وتعوذ من
ابليس وتعال هسة اصبلك عصير بارد يروي
كلبك،،،،،
ضرغام:ماشي يمة نازل وراج،،،،
مازن:مديت راسي الغرفة متنشاف مخربط
اهلهة،،دغيته،،شكوووووو،،،
ضرغام:انت شكوووو شبيك???
مازن:اسأل نفسك ممكن اعرف شنو سبب
هالعصبية وخلاك هيج تفقد،،،،
ضرغام:يا اهي ماكو شي مو كلت ماكو شي ،،
مازن:حوووور موووووو???
ضرغام:انداريت علية مدامك تعرف ليش
هالملحة وتسوي نفسك غشيم،،عفته ردت انزل
جرني من ايدي،،،
مازن:وين رايح ابو الشباب???
ضرغام:عتيت ايدي منه وين يعني جوة نكمل
الكعدة،،،،
مازن:اي بهذا شكلك وعصبيتك،،،،
ضرغام:انداريت علية وخزرته،،اي شكل
واي عصبية ومنو كلك اني عصبي هسة،،،
مازن:بربك وهذا وجهك الي ينفث نار شنو
قصته قناع،،،،
عافني ونزل الله يستر ان شاءالله تكمل ع خير،،،،
ضرغام:طبيت للمطبخ داشرب شي بارد
شفتهة بالهول كاعدة ومنتهية من البجي
البنات يسكتنهة،،،،،
حوراء:صيري قوية وسباعية ولاتخلي يتهنى
بيج وبضعفج هو هسة يعرف انتي نفسج
نفس وضعج تخافين من كلشي بس انتي
حاولي تثبتيله العكس،،،
حور:شلون حوراء شلون لج هو السبب بكل
الي مريت والي دامر بيه وحتى بهذلتكم
شلون تعيش وياه تحت سقف واحد
شلون انجمع وياه بمكان،،،اي فعلا اخاف
ياناس والله اخاف مو بيدي ربي فدواتك،،،،
وظليت اشهك،،،،
ضرغام:اسمعهة تحجي وتشهك بالحجي
دخيلك ربي شلون امتحان يا ربي ساعدهة
واحميهة والله لوبيدي اطب واخذج من حلك
السبع بس شلون انتي تتأذين ومنحصل شي
مالك:ضرغام كام فجاءة وغط وهو مو من عوايده
ميحضر وياية بالكعدات ورة شوية
دك تليفون مازن وطلع وهم شوية طول
ورجع وحده خفت عبالي احد بيه شي،،،
مازن بوية تقربت منه وبيني وبينه شصاير
وليش اخوك ماكو،،،،
مازن:والله يا يابة ابنك صاير بركان خليه
بعيد احسن لينفجر بوجه واحد وتصير
سالفة،،،،،
مالك:كمت ترخصت وتوجهت للبيت طبيت
شفت ضرغام بالمطبخ رحت اطمن عليه
شفته واكف وصافن والحزن راسم ملامح
وجهة،،شفته صافن بأتجاه حور،،،
مسحت ع ظهره تهون بوية تهون ان شاءالله
بأذن واحد احد،،،،،
ضرغام:فصلت من صفنتي ع صوت ابوية،،،،
جريت حسرة،،،ان شاءالله يابة ان شاءالله،،،
مالك:ما اريدك تزعل ابني بس افضل ان
متكمل الكعدة لمصلحتك ومصلحتهة ما اريدك
تفقد بحجاية،،،،
ضرغام:هاي هي امرك يابة،،،عفته وصعدت
لغرفة البنات القديمة لان غرفتي ملحمة صايرة
ونسيت هاي الغرفة جانت لحور،،،،،
طبيت مددت ع السرير وخليت ايدي ع عيني
ظليت حاير بيهة وافكر شنو راح يكون مصيرهة
واذكرتهة من تشهك وتصيح اخاف والله،،،
اوووووف استغفرك ربي شلون بلة
انفتحت الباب،،،حجيت بنتر اريد ارتاح بلا صوت،،،
حور:جتني خطية خالة زهرة حضنتني وظلت
تعلم بيه شلون اقوي نفسي وطلبت مني
اظل ع تواصل وياها تشكرت منهة ع كل
شي حلو بدر منهم عشت فترة حلم حلوة
الفترة الي قضيتهة وياهم اسميهة
حلم لان كلشي جنت احلم بيه لكيته عدهم،،،،،
زهرة:حبيبتي انتي والله حسبتج حسبة البنات
متفرقين عنهم بشي وحزن فراكج راح يدخل
بكل واحد بينة تعلمنة عليج بس نكول
ان شاءالله نلتقي ع خير،،وهاااا اخاف انسى
خليتلج بالغرفة غراض جنت كلما اطلع اجيب
للبنات واجيبلج الج هم والبارحة اذكرتهن لميتهن
وخليتهن بالكنتور مالتج امانة عليج كلهن تاخذيهن
اعتبريهن هدية وذكرى نمت بحضنهة ابجي
وراها رحت للغرفة ارتاح لان الي سمعته
مقبلوا ان يبات بفندق لان باجر يعقد
علية من الصبح حتى نطلع لبغداد،،،،،
بات بالديوان و وياه مازن و ولد عمه ثنين،،، ،الديوان مالهم
يصير برة معزول ع البيت وبابه تصير كبل ع باب
الشارع وبصفه الحمامات وهم معزولة،،،
رحت للغرفة ارتاح اول مطبيت للغرفة سمعت
صوت خشن جفلت شهكت بقوة وصميت حلكي
كل ظني هذا حسام لحكني،،،،،
ضرغام:كمت لحيلي اسم الله شبيج،،،
حور:ح ح ح س ام،،،،
ضرغام:كعدت عدل لا ضرغام فوتي لا تخافين
شفتهة جرت نفس وتحاول تهدأ نفسه وتمسح
بدموعهة دخيلك ياربي شلون راح تروح
وياه وهي هيج مرعوبة منه،،،،،
ضرغام:حور سامحيني مكدرت امنع الي
صار،،،،
حور:رفعت راسي ليش تحجي هيج هو انت
شنو بيدك قابل هي اول وتالي جان لازم يصير
هيج المفروض اني الي اطلب السماح
منكم انتو بسببي تعرضتوا لهواية مشاكل
والحجي الي صار عنكم مو قليل،،،،
ضرغام:لاتهتمين الحمدلله اكثر الناس تعرف
منو مالك وشنووو ولده،،بس انتي،،
حور:شبيه اني????
ضرغام:خايف عليج وما اعرف شنو راح
يكون مصيرج وياه،،،،،
حور:الله موجود وان شاءالله ميكطع بية،،
اني اسفة صحيتك بس،،،،
ضرغام:كمت لحيلي وجريت ايدهة راح اشتاقلج
حور:جريت ايدي وابتعدت،،،ماشي اخذ
راحتك،،بيني وبين نفسي غلط الي صار
بس هو شنو الي صار????
طلعت من الغرفة بس اصفن شبيج حور
اثكلي هو بس لزم ايدج،،،اووووف استغفرك
ربي واتوب اليك،،،
تلكتني حوراء عيونهة مورمة حضنتهة شبيج
ان شاءالله ماكو شي،،،،
حوراء:تدرين نفس مأساة رقية دتنعاد
ضحكت ألم شفتي من جنت اكلج تذكريني
بيهة مجنت غلطانة سبحان الله حتى نفس
المشكلة بس ان شاءالله مو نفس المصير،،،
مازن:بعد ما فضت الكعدة والكل راح
لبيتهة ابوية مقبل ع حسام يطلع وألزمه
ان يبات بالديوان وطلب مني اني و ولد عمي
نبات وياه و وصاني انتبه علية اخاف يسويله
شغلة او حجاية زايدة ناكصة بالتليفون
يعني بين قوسين اراقبه،،،،
جنت هستوني داغفي سمعته كام برة يحجي
بالتليفون لحكته ولد عمي جانوا كاعدين هم
كاموا وياية وظلينة نسمع شيحجي،،،،
حسام:جنت دافكر شلون احجي لامي وشلون
ارتب وضعي لان رجعتي للبيت من
سابع المستحيلات،دكت امي كلت اكيد راح
تنفجر بوجهي ممعقولة مكلهة عمي سعد،،،
وبالفعل بس فتحت التليفون انفجرت بوجهي،،،
تغريد:لك حيوان انت من كل عقلك الي
سويته???شلون اني بيك لك ماعندي غيركم
ليش هيج تحرك بكلبي،،بلة شراح تستفاد
من اخذتهة فهمني احجي لا تخبلني،،،،
حسام:حبيبتي يا يمة بس اهدي،،مكدرت
اخلي ابوهة ياخذهة خفت لتحجي شي وتورطني
وانتي و اختي هم تتورطون كلت احسن
حل اخذهة اني والله يحلهة اهم شي
ان متكدر تحجي بعد لان عمي سعد نبه
علية ان ميشوفهة وحتى اني،،،
تغريد:لك واني شلون بيه????
حسام:ماكو شي يمة قابل راح تعوفج بس
فترة يهدئ عمي واني احاول ارضيه،،،
تغريد:شوف لك من الاخير تترك كلشي وترجع
لو اتبرى منك ولا انت ابني ولا اعرفك
واغضب عليك ليوم الدين،،،
حسام:يمة ما اكدر حجيت هالحجاية كدام
زلم وشيوخ شلون تريديني ارجع بحجايتي
كدامهم شلون،،،
تغريد:مو مشكلتي حلهة انت،،،
حسام:ماعندي حل ثاني والله،،بس اكلج حجاية سامحيني،،،عرفت شلون اسايس امي
واثر عليهة ادري بيهة متكدر بدون واحد منه
وعرفت راح تتراجع عن حجايتهة،،،،
يلة يمة اني رايح في امان الله،،،،
سديته ورجعت لمكاني،،،،
مازن:جنة واكفين وسمعناه لكم يولد شلون
راح نثبت ان هو ورة اذية البنية،،،
واحد من الولد لك مازن هذا مبين عليه مو
هين دارسهة وحاسبهة زين وممخلي ع روحه
لزمة،،،،
مازن:اي والله حجيك صح،،يلة خل نرجع
لفراشنة قبل ليشوفنة،،،
رجعنة ورة شوية طب ورانة اني كمت اشرت
للولد عينكم علية،،،هسة راجع شباب،،،
رحت للبيت اشوف ابوية شفت حوراء
واكفة وية حور وسمعت حجيهة صحتلهة
وتالي وياج لج بابا مو زين ع الطفل بعدين
يطلع عاوي هالكد معويتي وانتي حامل،،،،
ردتهة تضحك ماكو قافلة،،حبيبي شنو بدينة
ونسوي الله كريم ربج مينسى عبده،،،
بستهة من راسهة واخذتهة للغرفة غرفنة كلهة
سويت كامل غرفة نوم النة وللجهال وصالة
صغيرة،،،
الجهال جانوا نايمين بغرفهم اخذت حوراء
نزعتهة وفوتتهة للحمام سبحتهة وبدلتلهة
ونومتهة وظليت افرك بجسمهة حتى
تسترخي وتنام شفتهة غفت غطيتهة ورحت
للجهال هم شفتهم وراها تذكرت اني جاي
ع ابوية ضحكت يلعن بلسيج حوراء بقى ابوية
هسة،،،،
ضرغام:ورة مطلعت حور من الغرفة ظليت
افتر رايح جاي اريدلي حل يبرد كلبي هسة
لو مبقي علاوي يمي مو احسن جان لكيتلي حجة
واحجي وياها،،،،اوووووف طلعت من الغرفة
افتر بالبيت شفتهة كاعدة بالمطبخ صافنة
وحاطة ايدهة ع خدهة،،،،
احممممم،،،
حور:جنة صافنة ودافكر سمعت صوت جفلت
كمت لحيلي شفته ضرغام واذكرت من لزم
ايدي صخنت،،،
ضرغام:اسف هاي صار مرتين اجفلج،،،،
حور:ابتسمت عادي،،،
ضرغام:انتجيت ع الباب وكتفت ايدي،،
تدرين حور جنت اتمنى اشوفج بغير ضروف
تكون احلى وخالية من المشاكل،،،
حور:ضحكت وع نيتي حجيت،،،اي وشنو الي
راح يتغير،،،
ضرغام:باوعت عليهة،،،هواية راح يتغير حور
هواية،،،،
حور:اول مرة بحياتي اوكف وية ولد غريب
واحساس اول مرة اجربه خاصة من يلفظ
اسمي مدري شيصير بحالي مثل القشعريرة
وتسري بكل جسمي،،،اخذتني الصفنة
وسألته بكل جراءة مثل شنوووو???
ضرغام:من سئلتني حسيت عبالك كلبي
جان بسجن وفتحولهة الابواب،،،،
كلشي بحياتي وحياتج يتغير اول شي انتي
ملكتي هذا واشرت ع كلبي،،،وصار من
يشوفج حتى دكاته ميسيطر عليهة وحتى
الحجي يضيع من لساني واصير مثل الطفل
ادور حجة حتى اشوفج واحجي وياج،،،،
حور:ظليت صافنة هذا شديحجي اني مو كد
هذا كله هو اني بس مجرد ردت اعيش
بسلام شوف ليوين وصلت النوب اذا
صار الي ديحجي عليه،،،
###تواعدنه بحلم بس ماخذانه النوم
ودفنه احلامنه بكل دمعه نبجيها
النار شما تشب تنطفي برشت ماي
بس نار الكلب ياهوو اليطفيها💔💔
ضرغام:لاتصفنين مستغربة الي داحجي اني
اول يوم شفتج بيه جذبتيني ابرائتج
وعفويتج ومن ذيج اللحظة صرتي انتي
كل شغلي الشاغل بالي وهمي وكل الي
كالتهة وردة بوكتهة عني وعن اهتمامي
ونظراتي الج جان صحيح،،،،
اريد اتمدد بسدهة
واخذ بوسة من خدهة
واغازل بيهة صبح وليل تحبني وغيري ماعدهة
وافل الگذلة ع الوجنات وبسدي اكعدهة
احضنهة بخجل مهيوب واصفن منتظر ردهة
تردلي بكلمة،،احضني حيل اريدك ضلوعي تمردهة💖💖
حور:بس اني وين وانت وين جان المفروض
من البداية تفكر هيج حتى لاتجرف زايد
بعواطفك اني ما اناسبك،،،،
ضرغام:مو بيدي حور صدكيني مو بيدي
انتي شي خارج عن ارادتي يعني اذا لحيت
ع نفسي وكلت انساج او اتناساج الكة نفسي
صافن بتواصيفج وحجيج وخصوصا من تعلق
علاوي بيج صارت حجة الي حتى احجي
وياج،،،،
حور:بكلبي حجيت ع هذا حجيك راح تخليني
اكوم واكعد ادعي التقي بيك بغير وكت،،،،
ضرغام:وين صفنتي???
حور:ابتسمت بحزن ع هالدنيا تلغب بينة
كل شوية شكل،،،
ضرغام:شلون راح تعيشين وياه???
حور:الله كريم،،،
ضرغام:هم راح تخليه يتقربلج???
حور:انصدمت بسؤاله جنة راح زايد وكام
يتعمق حيل،،،ظليت ساكتة،،،ما ادري
شجاوبه،،،
ضرغام:جاوبي ليش ساكتة???بردي كلبي،،،
حور:ضرغام الله يخليك هسة شنو الي
تريده مني اني وحدة سبق واني ادنست
بأيد وصخة ما ارهملك شلك بيه خليني اروح
بطريقي راضية ومقتنعة بالي ديصير
لاتغير تفكيري وتصعب علية حياتي اكثر ماهي
صعبة نزلت دموعي وحجي بكلبي
سبحان الله يوم ملكيت الانسان الي حبني
لشخصي وبدون مقابل هم انحرمت منه الحمدلله
لا اعتراض ع حكمك يا الهي،،،
ضرغام:كعدت كبالهة بالكاع ورفعت راسهة
بأيدي لاتبجين يابعد روحي انتي لج دموعج
تكص كلبي كص،،والله جنت اتمنى اخلصج
من هالنذل واخليج الي وبكلبي اسجنج
ردتج تصيرين ام بيتي وام لابني،،ردتج
تزينين حياتي بضحكتج الحلوة احجي وياها
وعيني بعينهة هي ظلت بس صافنة بعيوني
حسيت هالدنيا فارغة من البشر بس اني
وياها ردتهة تبقى تذكرني لو مرت سنين
متنساني وردت بكل وسيلة اوصللهة الي
بداخلي ،،،،،
حور:ضرغام تدري بهذا حجيك راح انسى الدنيا
والي بيهة وما اهتم للي راح يصير بعدين
لان الي عشتهة بهالثواني عشت كل عمري
محرومة منه سواء من ام او اب او اي شخص
ثاني بس انت هسة غنيتني عن الدنيا كلهة،،،
ضرغام:رفضي حور وخلينة نواجه الكل
سوة،،،
حور:انتفضت لا مستحيل ما اكدر،،،مستحيل
شدتحجي انت كفاية الي صار لعمو مالك
بسببي خليني اروح واكفي الشر عنكم
لان اذا صار الي ابالك معناها محد راح يسلم،،
ضرغام:كمت عليهة مالج دخل احجي كدام
الكل واجهي بالي سواه وياج،،،
حور:قاطعته خلص ضرغام كلشي خلص
وانتهى باجر راح نعقد وارجع لبغداد واعتبرني
فترة بحياتك وعدت،،،
ضرغام:لج انتي مخبلة لو غبية داكولج ما
اكدر والله ما اكدر تدرين اني ردت ارجع
واواجهة بس ابوية مخلاني،،،،
حور:وهاي انت كلتهة ابوك مخلاك معناها
الي تريده يصير غلط وان ابوك عنده علم بالي
تحاول توصله فرجائي منك ان تترك كلشي
واندار لبيتك وعائلتك رجع زوجتك وخلي
ابنك يعيش بوسط امه وابوه،،،،
ضرغام:ضجت كلش وصرت اعصاب واعرف
بروحي من اصير عصبي ما انحمل،،،
خلص ياحور الي تريديه يجرالج بس خليهة
ابالج مراح تتهنين لحظة لان اني نفسي بيج
وراح اظل كلما اكوم واكعد اشهك بأسمج
عسى ولعل رب العالمين يردج الي بأي ثمن،،،،
حور:ما ادري افرح لان داشوف واحس
بحب هالانسان الي،،،مدري احزن ع حظي
الي يلطخ بية منا ومنا،،،
ضرغام:داطلع ورجعت انداريت عليهة،،،
هاااااا ونسيت اكلج شغلة وية صلاتج ادعي
ربج يبرد نار هذا واشرت ع كلبي لان بكل
لحظة راح تمر افكر بالي يصير بينج
وبينه،،،
كون بلا حجي ونتكابل اني وياك
بعيوني السوالف كلهن اشرحهن
واسولفلك عليك شكد اسولف بيك
كبل لا جنت اعرفك بية اسولفهن
سواليفك حفظ ماتنكتب بأقلام
ع خطوط الجفن برموشي كاتبهن
كبل يومين اعرفك مو كبل سنتين
وكبل سنتين جن عيونك اعرفهن💔💔💔
عفتهة وطلعت داصعد وصار بوجهي
مازن كاعد ع الدرج وبوجهة علامات استفهام
عفته وصعدت هو لحكني،،،،
مازن:بربك انت عاقل لو شنووووو???
ضرغام:خيرك مازن شكوووو???
مازن:بس سؤال يعني الحجي الي حجيته
وياها صدك نابع من كلبك???
ضرغام:رحمة الله والديك ليش اني من امتى
ضاحك ع بنات الناس حتى اضحك ع هاي،،
مازن:لك لا مو هذا القصد،،بس صفنتني
شلون وشوكت كل هذا صار واحنة وين جنة
عنك،،اني اني وين جنت عنك،،،يعني مصار
شي ملفت للنظر حتى الواحد يحس بيك،،،
ضرغام:ضحكت بضوجة تدري بس وردة
جانت الوحيدة الي حاسة وفاهمة الي
جان يصير،،،
مازن:بربك يعني كل الحجي الي كالتهة،،
ضرغام:اي كل الي حجته صح،،وهااا ابوية
هم جان حاس اكو شي بداخلي لحور،،،
مازن:والله يا خوية ما اعرف شكلك بس
هي مجرد ايام شنو الي خله حالك هيج
الي يشوفك ويسمع حجيك مال واحد
مكابلهة24ساعة وع الاقل شهرين مو موضوع
ايام،،،
ضرغام:عمر الحب والعشك منقاس بالمدة
لا هيج يجيك بلا وقت كبل يجفت عليك
ويخليك متندل دربك،،،،واني مكدرت اسكت
واخليهة تروح ومتدري عني،،،
مازن:بس هيج خطية تتأذى اكثر لان راح تظل
تفكر بكلامك،،،
ضرغام:انداريت عليه ادري والله بس موبيدي
ياخوية مو بيدي ردت ابقى بذاكرتهة
وياها،،وياها وتقارني بكل الي حواليهة حتى
متنساني لحظة،،،اريد اظل تذكار وحرز
دوم حافظتني،،،حجيتهة وخنكتني العبرة
فركت وجهي حيل
مازن:شجرالك ضرغام خوية خليك قوي
واتوكل ع الله سبحانه هو كفيل يبري
كلبك وكلبهة،،،دك تليفوني شفته ابوية،،،،
مازن:هلا ياب،،،
مالك:انت وينك سألت الولد كالوا طلع قبل ساعتين
وهاي مرتك المسكينة ظل بالهة،،،
مازن:يابة اني هنا بالبيت يم ضرغام،،،
مالك:ليش خما بيه شي اخوك،،،سديت
التليفون،،ماكو شي هنا بالبيت يم ضرغام ،،
حوراء:خما بيه شي ضرغام،،،
مالك:لا بنيتي روحي نامي هسة اصعدلهم،،،
حوراء:ماشي،،دارجع وشفت حور كاعدة بالمطبخ
طبيت سمعتهة تشهك كسرت كلبي،،،
حضنتهة مكافي ليش هيج مو راح يصير بيج
شي،،،
خور:ظليت وحدي ورة مطلع ضرغام من المطبخ
حسيت الدنيا شكد قاسية وظالمة وياية من
دون هالبشر اخذت كلشي حلو بحياتي،،
ظليت ابجي ماعندي غير حل وادعي
رب العالمين يوكف وياية جتني حوراء وظلت
تواسيني وحبيت احجي الي بداخلي
وهي خطية ظلت تسمع،،،،،
حوراء:من هذا ضرغام ضايج ومازن يمه وعمي
هم هسة صعدلهم،،والله ما ادري شكلج
هو الي صار لا بالزمان ولا المكان المناسب
مشاعركم صارت غلط،،،خليهة ع ربج
سبحانه قادر ع كلشي،،،،يااا هذا مرتضى
كعد،،،
حور:روحي حبي اني هم راح اروح انام،،،
كمنة حوراء راحت ع ابنهة واني رحت داغسل
فتحت الحجاب وذبيته ذب ع راسي حتى اذا
احد اجة بسرعة الفه،،،
فتحت البوري داغسل جفلت شفت صورة
ضرغام بالمراية عبالي اتخيل انداريت و وكع
الحجاب ظليت باهتة وفاتحة حلكي و واكفة،،،
هو تقدم خطوات مني اني اتبسمرت بمكاني
رفع ايده ومسح دموعي،ومشة ايده ع وجهي
اني رحت انتهيت وصلت ايده ع شفتي اني
لا اراديا غمضت ما اعرف ليش حسيت بحرارة
نفسه تتقرب مني وراها رحت بغير عالم
عالم خيالي رسمته ابالي خلال هالثواني
مرت دقايق مدري شكد اصلا حتى الزمن
حسيته وكف،،،حسيت يذب مي ع وجهي
ويمسحه اني عبالي مغمى علية فتحت
لكيت نفسي بعدني واكفة بمكاني يم
المغسلة لعد اني وين رحت وشنو الي صار،،،
ضرغام:اني اسف بس متحملت وخليهة
ذكرى واتمنى ان متخلي يوصل لشفتج بعد
خلي ختم حبي الج باقي اثرهة للموت،،،
حور:يحجي وياية واني بالي مو يم الحجي
بالي كله وياه وية شخصه ادقق بتفاصيله
عبالك حتى اخزنهن بذاكرتي وما انسى
ابسط شي،،،ضعت بيه و وياه خلال هاليوم
زرع بيه كم من المشاعر عمري معشتهة
ولا حسيتهة ومتأكدة مراح اعيشهة وية
انسان ثاني،،عزت علية روحي شلون راح
اتحمل انسى هذا اليوم بلا وعي شمرت
روحي بحضنه،،،
لاتنساني امانة اذكرني بالخير ما ادري شلون
راح اروح وابتعد عنك احس روحي جن طفلة
هستوهة دتنفطم هيج فراكك صار بالنسبة
الي،،ظليت مجلبة بالتشيرت مالته وخالة راسي
بصدره،،،
ضرغام:جنت احجي وياها وبالهة احسه مشتت
ع غفلة شمرت نفسهة بحضني وظلت
تشهك مثل الطفلة،،،اووووووف يا كلبي
رفعت راسهة وخليت عيوني بعيونهة لج هو
ياهو الي يكدر ينساج لج انتي انزرعتي بكلبي
وحبج خضر بداخلي،،،انتي بنتي الصغيرونة
ولو شما مر من الدهر صدكيني اجيج وادورج
وهذا وعد مني الج يا حورية كلبي انتي
وداعت هالعيون السبني ما انساج وما اتركج
يجي يوم واردج لهذا واشرت ع حضني،،،
هي رجعت حضنتني رفعت راسه وطبعت
بوسه ع الخدين والشفايف ومن راسهة،،
للموت ما انسى هالطعم،،،
،اهيم بشوگ وصلك وانثر الروح
وع شفافك ثلج من تنزل شفافي
واعض شفاف حسنك واشتعل نار
واكطعهة بصدك ياكلمة الكافي
لزمتك بيدي وذوبت الاشواگ
الطريق طويل اكعد تعبت اجتافي
واحس رجفة بغرامك والگلب عطشان
اريد اشبع واحسن بيك متعافي
واريد بأيدي اجتفك تنسجن بأحساس
وع اوصافك اريد اطبعهة بأوصافي❤❤❤

يتببببببببببببببببع💔💔💔💔💔