رواية السجينة الفصل السابع 7 - بقلم شـــروق الــسامــرائي

#السجينة💔💔💔
الجزء السابع.....
بداية نهار جديد يشرف ع حياة جديدة
لكل من حور وضرغام خلال ايام قصيرة
ومعدودة ولدت مشاعر عشق وهيام بداخل
حور وضرغام ولكن لم يكتب لها ان ترى ضوء
الشمس مع اول خيوط للصباح انتهت القصة
التي لم ينكتب لها ان تبدأ تاركة خلفها قلوب
محطمة تسللها اليأس من الحياة،،،
قلب حبيب مفجوع على محبوبته،،،،،
وقلب طفلة تفطن على عشق وهوى لم يسبق
ان غاصت في بحوره،،،،
حور الطفلة ذات ال14عام ذاقت ما ذاقت
من مرار الدنيا ومناكبها ولم تعد تبالي
للحياة،،،فالدنيا سلبت منها كل غالي وعزيز
بدء بحياتها وانتهاك كل حقوقها وحريتها
كأنسانة،،وانتهاء بشرفها والحب الذي لم
تكن تعرف اليه طريق،،،،،
بعد كل هذه المعاناة عاهدت نفسها بأن
تدفن حور الطفلة الساذجة التي استغلت من
قبل الجميع واعلنت عن ولادة حور القوية
التي لن تسمح لاي كائن ان ينتهك حرماتها
وحرمة قلبها الذي تركته خلفها،،،
آملة ان تعود في يوما ما وتسترد قلبها وصاحبه.....
............. ............... ...........

عقد علية حسام ثاني يوم وخليت عمو مالك
الوكيل لان اني قاصر وتم العقد وقرر حسام ان
نتوجه لبغداد قبل الظهر حتى نوصل من وكت
واما بالنسبة للانسان الي امتلك حور
بجميع ماتملك محضر بالكعدة وخلال العقد،،،
ظليت ادور عليه بالوجوه بس ماكو ملكيته
وراها ترخصت اخذ الغراض الي جابتهن خالة
زهرة الي لجت علية اخذهن طلعت من الديوان
وفتت من باب المطبخ تلكتني خالة زهرة
وظلت تبجي،،،
زهرة:ولج شلون راح افاركج تعودنة عليج،،،
حور:تشكرت منهة وبستهة من راسهة
سوت وياية الي امي ماسوته بيوم،،،
بعدين انتبهت ع حوراء تأشرلي ترخصت
من خالة ورحتلهة،،خير حوراء شبيج???
حوراء:امشي ع السريع مابيه،،بس ضرغام
يريدج،،،،
حور:تدفع بيه ع الدرج وتصعدني،،لج بابا
ليروح احد يشوفني واني هسة صرت ع
ذمت انسان ثاني،،،،
ضرغام:من البارحة وبعد الي صار باليل ابد
مشافت عيني النوم دقيقة وصار الصبح وسمعت
اهلي كعدوا وصارت ب8اجة الشيخ حتى
يعقدلهم واني مكدرت احضر خفت لا افقد
واخرب كلشي ع ابوية هو هم صار بين
نارين من جهة حور ومن جهة ثانية الحجي
الي صار علية والناس الي كابة علينة،،،
طلعت من الغرفة سمع حوراء بالمطبخ مديت
راسي وصحت عليهة جتني اشرتلهة تصعد
و بلغتهة تدزلي حور،،،،
ورة شوية اسمع صوتهن ع الدرج بس
الي غثني اسمع حور تلكهة شلون اروحله
واني ع ذمتة غيره،،،،
صرت بوجهة وحجيت بنتر لا تخافين
ترى لا اوصلج ولا اسويلج شي،،،،
حوراء:يلة اني جوة قريب من الدرج خلوا
بالكم يمي،،،،عفتهم ونزلت،،
حور:مبين علية ضايج وعصبي نار،،اممم خير
ردت مني شي،،،
ضرغام:ضحكت ع كلامهة واني بداخلي افور
خليت ايدي ورة ظهري وارتجيت
ع الباب،،،،
خييييير ست حور بعدج بالبداية وتردين
تشردين مني،،،لا تخافين مراح اتقربلج
ولا اسوي الي صار البارحة لان مقدر ان
انتي صرتي ع ذمة ذاك الكلب ولان اني احبج
ومالي نية اذيج،،،وكل مافي الموضوع
ومديت ايدي بجيبي وطلعت سلسلة ومعلكة
بيهة مدالية اية الكرسي،،،،،،
هاج تفضلي،،،
حور:شنووووو هاي????
ضرغام:اية الكرسي خليهة حرز بركبتج ابد
لاتنزعيهة،،،،
حور:ترددت اخذهة بس ظل ماد ايده وراها اجة
هو لبسنياها وابد مطخني،،،،
ضرغام:هاي بيبتي ام ابوية الله يرحمهة
لبستنياها من جان عمري سنة واليوم يلة
نزعتهة ولبستهة الج،،،،
حور:حضنت المدالية بيدي،،،اعتبره بالحفظ
والصون،،،
ضرغام:لا مأمن مدام بركبتج حسبة هي بركبتي،،،
ديري بالج ع نفسج حور ونطيتهة ورقة،،،
هاج اخاف كلشي يصير هاي دنيا بيهة كلش
خاص بينة عناوين بيوتنة ارقام الكل وكتبت
كل رقم يمه الاسم،،وهااا وكل عنوان يمه
الاسم هم،،،وترى كتبتلج عناوين حتى عمامنة
وعمي الشيخ،،،ماشي ضميهة بمكان
محد يوصلهة،،،
حور:ظل يوصي بية ادير بالي ع نفسي
وكتبلي عناوين وارقام الكل بورقة،،،،
ياربي هذا منين طلع بطريقي لا انت الخالة
ومكملة حياتي وياه ولا الي لغيت وجوده
اصلا سبحانك يا الهي جريت حسرة،،،،
ضرغام:حسرتج بكلب اعداج ان شاءالله،،،
سامحيني ع الي راح اسويه،،،
حور:اني خفت عبالي راح ينزل يتعارك
اشو هذا اجة حضني حيل وحضن راسي بيده
وباسني من راسي وظل يشم بيه،،،،
وراها كلي يلة روحي الله وياج،،،بس
نزلي بسرعة ودار وجهة،،،
طلعت وداسد الباب سمعته مدري اشمر
بالكاع وراها صنطة بس صدمني ان سمعت
صوته يبجي،،،،متحملت نزلت ركض،،،،،
ضرغام:ورة مطلعت كلش اختنكت عبالك
اخذت النفس وراحت،،،شمرت شكو غرض ع
الميز وهم مخنوك متحملت اكتم دموعي
اكثر بجيت اي صحيح اني ضرغام الي
مبجي زلم وما يوم اكو شي لزمني هسة
حابس نفسي بين اربع حيطان وابجي ع
رويحتي الراحت بحضن غيري،،،،،
اكو هواية ناس تعتبر الرجل لمن يبحي ع
فراك انسانة حبهة يكون بنظر المجتمع ان
هو مو رجل كامل،،،،
مع العلم الوفاء والالم والدمعة الي تنزل
ع فراك محب هاي قمة الرجولة،،،
وهاي حالة ضرغام نفسه ورجولته مسمحتله
ان يظهر المه ودموعه امام اي واحد حتى
حور نفسهة وحتى ان كان رجل ،،الرجل اله
طاقة معينة وهو هم انسان هم تجي
لحظة ويستسلم ويطلق العنان لاحزانه،،،،،
........ ......... ........ ........ .........
حان موعد رحيل حور عن عائلة ابو مالك
والهة ذكرى معينة لكل شخص قابلته
بهالبيت سلمت ع الكل و ودعتهم والكل تأثر
بفراقهة من الجبير للصغير حتى علاوي
ابن ضرغام بجة ع رحيلهة وجلب بملابسهة
اجة جده خطية اخذه وهو المسكين فرفح
عليهة لان اخر ايام ورة مطلعت امه صار
حضن حور امنه وامانه،،،،،
او يمكن كلبه حس بوجع كلب ابوه ورادهة
ترد للبيت وترد عافية ضرغام وياها،،،،،،
حور:طلعت منهم واني مخنوكة بيني
وبين نفسي،،،هاااااا يا دنيا بسج لو بعد
##بيج حيل تاخذين مني،،،
من كثر ما مطعون جسمي انا كلي
نسمة هوه من اتفوت يوجعني ظلي.💔💔💔
لهنا وتخلص قصة عشگ ملحكت حتى تبتدي
ونودعهة بحزن ودموع،،،وهنا حور ودعت البصرة
واهلهة،،،،،
لكن راح ترجع البصرة تشهد قصة حب من نوع
ثاني،،،وياترى هالحب راح يشوف النور
(سمرة&سجاد)ام لا،،،،،
عن لسان سمرة،،،
غركان بهواك شبيك ما حسيت؟
انقذ كلب بيك اليوم مفتون
حب من طرف واحد يهدم الحيل
شلون اعلن محبتي حاير شلون
حرت بالغزل شكتب من شعر بيك
وسموني الخلك شاعر ومجنون
حس بيه حبيبي كافي مليت
وارحم صرختي ودمعات العيون
لاموني بمحبتك اكثر الناس
ولمتهم كلت وشبيكم تلومون
أحبه وللكلب معتبره شريان
يعني ما اعوفه لو تموتون
❤❤❤❤❤❤❤❤❤❤